This document is an excerpt from the EUR-Lex website
Document 52013PC0027
Proposal for a REGULATION OF THE EUROPEAN PARLIAMENT AND OF THE COUNCIL on the European Union Agency for Railways and repealing Regulation (EC) No 881/2004
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le Gníomhaireacht Iarnróid an Aontais Eorpaigh agus lena n-aisghairtear Rialachán (CE) Uimh. 881/2004
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le Gníomhaireacht Iarnróid an Aontais Eorpaigh agus lena n-aisghairtear Rialachán (CE) Uimh. 881/2004
/* COM/2013/027 final - 2013/0014 (COD) */
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le Gníomhaireacht Iarnróid an Aontais Eorpaigh agus lena n-aisghairtear Rialachán (CE) Uimh. 881/2004 /* COM/2013/027 final - 2013/0014 (COD) */
MEABHRÁN MÍNIÚCHÁIN 1. COMHTHÉACS AN TOGRA
1.1.
Forbairtí nua beartais an AE i réimse an iarnróid.
Ina Pháipéar Bán 'Treochlár um Limistéar
Iompair Eorpach Aonair – I dtreo córais iompair atá iomaíoch agus tíosach ar
acmhainní', a glacadh
28 Marta 2011, (''An Páipéar Bán 2011'') inar
leagadh amach fís an Choimisiúin de limistéar Eorpach aonair iarnróid, i.e.
margadh inmheánach iarnróid ina bhféadfadh gnóthais iarnróid Eorpacha seirbhísí
a sholáthar gan bacainní teicniúla ná riaracháin nach gá. Sna conclúidí ón gComhairle Eorpach Eanáir
2012 leagtar béim freisin ar an tábhacht a bhaineann le hacmhainneacht
cruthaithe fáis an Mhargaidh Aonair atá comhtháite ina iomláine a scaoileadh, i
gcomhair tionscadal líonra agus tionscadal eile nach iad[1]. Ina theannta sin, leis an
Teachtaireacht ón gCoimisiún um Chobhsaíocht, Fás agus Poist a glacadh an 30 Bealtaine 2012[2], leagtar an‑bhéim ar an
tábhacht a bhaineann leis an ualach rialála agus bacainní iontrála a laghdú
tuilleadh san earnáil iarnróid, agus déantar moltaí a bhaineann go sonrach le
tír faoi leith chun na críche sin. Agus ar an 6 Meitheamh 2012, ghlac
an Coimisiún an Teachtaireacht maidir le rialachas an mhargaidh aonair a
neartú, a chuireann béim freisin ar an tábhacht a bhaineann leis an earnáil
iompair[3]. Le deich mbliana anuas, is mór go deo na
hathruithe a tháinig ar mhargadh iarnróid an AE, athruithe a tugadh isteach de
réir a chéile le trí 'phacáiste iarnróid' reachtacha (agus roinnt gníomhartha a
ghabhann leo) a raibh sé mar chuspóir acu na margaidh náisiúnta a oscailt agus
a dhéanamh níos iomaíche agus níos idir-inoibrithí ar leibhéal an AE, agus
ardleibhéal sábháilteachta á chaomhnú. In ainneoin leibhéal suntasach forbartha
dhlíthe an AE agus bearta eile (acquis an AE) lenar bunaíodh an margadh
inmheánach i gcomhair seirbhísí iompair, is beag an borradh, áfach, atá tagtha
ar sciar na n‑iarnród i dtaca le hiompar laistigh den AE. Dá bhrí sin, tá
an Coimisiún tar éis an Ceathrú Pacáiste Iarnróid a chur ar aghaidh chun
caighdeán agus éifeachtúlacht na seirbhísí iarnróid a fheabhsú trí na bacainní
atá ann fós a dhíothú. Tá an Rialachán seo mar chuid den Cheathrú
Pacáiste Iarnróid ag díriú ar deireadh a chur leis na bacainní riaracháin agus
teicniúla atá ann fós, go háirithe trí cur chuige coiteann maidir le rialacha
sábháilteachta agus idir-inoibritheachta a bhunú chun barainneachtaí scála a
mhéadú i dtaca le gnóthais iarnróid atá gníomhach ar fud an AE, costais
riaracháin a ísliú agus dlús a chur faoi na nósanna imeachta riaracháin, chomh
maith le hidirdhealú faoi cheilt a sheachaint, trí bhíthin Ghníomhaireacht
Iarnróid an Aontais Eorpaigh. Tá sé beartaithe an bun‑Rialachán bunaidh a
athmhúnlú agus ceann nua a chur ina ionad, cúraimí tábhachtacha nua a thabhairt
don Ghníomhaireacht chun Údarás Iarnróid Eorpach i bhfírinne a dhéanamh de i
réimse na sábháilteachta agus na hidir-inoibritheachta.
1.2.
Cén fáth a gcuirfí gníomh nua in ionad Rialachán
(CE)Uimh. 881/2004 (arna leasú) atá ann cheana?
Maidir le hiarnróid Eorpacha agus an
Ghníomhaireacht, tharla roinnt forbairtí ó 2004, nuair a dréachtadh an bun‑Rialachán
bunaidh. Tá an fhianaise ag méadú faoi fheidhmiú mhargadh inmheánach iarnróid
an AE, agus faoina idir‑inoibritheacht agus a ghnéithe sábháilteachta. Is
é an toradh a bhí ar reachtaíocht nua a tugadh isteach gur leasaíodh an
Rialachán Gníomhaireachta (2008) nó gur forbraíodh na cúraimí atá ar an ERA
faoi láthair gan a Rialachán a athrú (e.g. Cinneadh 2011/155/AE). Sa tuarascáil ar an measúnú tionchair a
ghabhann leis an togra seo, aithnítear roinnt beart a thabharfadh cumhachtaí
nua don Ghníomhaireacht agus a chuíchóireodh na próisis atá ann cheana. Thairis sin, ní foláir roinnt athruithe a
thabhairt isteach chun feidhmiú na Gníomhaireachta a fheabhsú mar thoradh ar
mheastóireacht ar Rialachán bunaidh an ERA agus ar an nGníomhaireacht
(2009-2010) chomh maith leis na moltaí sa Chomhráiteas ón gCoimisiún, ó
Pharlaimint na hEorpa agus ón gComhairle maidir le gníomhaireachtaí díláraithe
(2012) agus Páipéar Seasaimh an Bhoird Riaracháin maidir le todhchaí na Gníomhaireachta
(2012). Baineann sé seo go háirithe le feabhas a chur ar an struchtúr
inmheánach, rialachas agus cinnteoireacht na Gníomhaireachta, agus an caidreamh
leis na geallsealbhóirí. Beidh Rialacháin nua ina chabhair le struchtúr
an ghnímh dhlíthiúil a shoiléiriú (e.g. trí Airteagail a bhaint agus an t‑uimhriú
a cheartú) agus ciall níos fearr a chur leis (e.g. trí roinnt Airteagal a
bhogadh go Caibidlí níos ábhartha, trí Chaibidlí nua a chruthú agus iadsan atá
imithe i léig a scriosadh). Ar deireadh, tá na Treoracha maidir le Sábháilteacht
agus Idir‑Inoibritheacht á leasú laistigh den phacáiste reachtach seo
freisin agus tá dlúthbhaint acu le cúraimí an ERA, rud nach foláir a chur san
áireamh san athmhúnlú seo. Ar an mbonn sin, agus aird á tabhairt ar chomhairle
na Seirbhíse Dlí, tá sé beartaithe ag an gCoimisiún Rialachán nua an ERA a
thairiscint in ionad an bhun‑Rialachán Uimh. 881/2004. Tá roinnt
athruithe maidir le Rialachán (CE) Uimh. 881/2004ar féidir iad a
roinnt i dtrí chatagóir: ·
Forálacha nua: cúraimí nua ar an nGníomhaireacht
(údaruithe feithiclí a eisiúint lena gcur ar an margadh, údaruithe chun
fochórais rialaithe-ordaithe agus comharthaíochta taobh riain a chur i mbun
seirbhíse a eisiúint, chomh maith le deimhnithe um shábháilteacht), rialú aththreisithe
ar údaráis naisiúnta, cumhachtaí breise maidir le rialacha naisiúnta, foinse
nua do bhuiséad an ERA (táillí agus muirir), an Bord Achomhairc ; tá cuid de na
forálacha – go háirithe sa chuid a bhaineann le heagrúchán inmheánach – mar
thoradh ar an gCur Chuige Comhchoiteann i dtaca le gníomhaireachtaí an AE. ·
Soiléiriú /simpliú na bhforálacha atá ann cheana: go háirithe maidir le modhanna oibre, an ERTMS, foireann iarnróid,
cláir, cúraimí eile. ·
Nuashonraí de bharr na
forbartha a tháinig ar an gcreat reachtaíochta agus polaitiúla: forálacha
maidir le struchtúr inmheánach agus feidhmiú, chomh maith le tagairtí do
nósanna imeachta coiste. ·
Athruithe eagarthóireachta maidir leis an mbun‑Rialachán.
1.3.
Naisc idir an Rialachán seo agus na Treoracha maidir
le Sábháilteacht agus Idir‑inoibritheacht
Tá
Treoir 2008/57/CE (Treoir maidir le hIdir-inoibritheacht Iarnróid) agus
Treoir 2004/49/CE (Treoir maidir le Sábháilteacht Iarnróid) dlúth‑tháite
leis an mbun‑Rialachán (CE) Uimh. 881/2004. Sa Cheathrú
Pacáiste Iarnróid, moltar na Treoracha seo a athmhúnlú; beidh dlúthnasc fós
acu, áfach, leis an Rialachán seo. Is amhlaidh atá go príomha toisc go
ngníomhaíonn an Ghníomhaireacht i réimsí na hidir‑inoibritheachta
iarnróid agus na sábháilteachta dá dtugtar bunús dlí leis na treoracha sin. Sa Rialachán seo, baineann na naisc go
háirithe le: –
sonraíochtaí teicniúla idir‑inoibritheachta
(STInna; an Treoir maidir le hIdir‑inoibritheacht), spriocanna
sábháilteachta comhchoiteanna (SSCanna; An Treoir maidir le Sábháilteacht) agus
modhanna sábháilteachta comhchoiteanna (MSCanna; An Treoir maidir le
Sábháilteacht): tá an Ghníomhaireacht freagrach as moltaí a dhéanamh a
nglacfaidh an Coimisiún leo, agus as tuairimí a eisiúint don Choimisiún maidir
le gan STInna a chur i bhfeidhm; –
''deimhnithe sábháilteachta'', tá an
Ghníomhaireacht freagrach as iad a eisiúint, agus foráiltear don nós imeachta
iomlán sa Treoir maidir le Sábháilteacht; –
''cláir'', tá an Ghníomhaireacht freagrach as
moltaí a dhéanamh don Choimisiún maidir le sonraíochtaí i gcomhair clár (dá
dtagraítear sa Treoir maidir le hIdir‑inoibritheacht) agus a n‑athbhreithniú,
agus as a áirthiú go bhfuil rochtain ag an bpobal orthu; –
údaruithe le haghaidh feithiclí iarnróid agus
cineálacha feithiclí lena gcur ar an margadh agus údarú chun fochórais
rialaithe-ordaithe agus comharthaíochta taobh riain a chur i mbun seirbhíse: tá
an Ghníomhaireacht freagrach as iad a eisiúint, agus foráiltear don nós
imeachta iomlán sa Treoir maidir le Sábháilteacht; –
feidhmchláir theileamaitice agus an Córas Eorpach
Um Bainistiú Tráchta Iarnróid (ERTMS): is réimsí ar leith iad sin faoi rialú ag
na STInna ábhartha arna nglacadh faoin Treoir maidir le hIdir-inoibritheacht
áit a bhfuil ról tábhachtach ag an nGníomhaireacht mar údarás córais; –
comhlachtaí um measúnú comhréireachta dá dtugtar
fógra : tá an Ghníomhaireacht freagrach as tacú lena ngníomhaíochtaí agus
faireachán a dhéanamh orthu le linn dóibh a bheith á gcruthú agus cúraimí á
dtabhairt dóibh faoi réir na Treorach maidir le hIdir‑inoibritheacht; –
údaráis náisiúnta sábháilteachta: tá an
Ghníomhaireacht freagrach as tacú lena ngníomhaíochtaí agus faireachán a
dhéanamh orthu le linn dóibh a bheith á gcruthú agus cúraimí á dtabhairt dóibh
faoi réir na Treorach maidir le Sábháilteacht; –
rialacha iarnróid náisiúnta : tá an Ghníomhaireacht
freagrach as scrúdú a dhéanamh orthu d'fhonn a líon a laghdú agus foráiltear dá
bhfógra sna Treoracha maidir le Sábháilteacht agus Idir‑inoibritheacht. 2. TORTHAÍ AN CHOMHAIRLIÚCHÁIN LE PÁIRTITHE
LEASMHARA AGUS MEASÚNUITHE TIONCHAIR Tá seirbhísí an Choimisiúin tar éis forbairtí
an Limistéir Eorpaigh Aonair Iarnróid a phlé le hionadaithe earnála ar bhonn
leanúnach. In 2010-2011 rinne an Coimisiún meastóireacht ex post ar Rialachán
(CE) Uimh. 881/2004 agus feidhmiú Ghníomhaireacht Iarnróid an Aontais
Eorpaigh[4].
Léirítear sa mheastóireacht seo, i dteannta na meastóireachta ginearálta ar
Ghníomhaireachtaí an AE in 2009, an breisluach arna sholáthar ag an
nGníomhaireacht agus go raibh tuairim dearfach den chuid is mó ag geallsealbhóirí
maidir leis an ERA agus leis an aschur. Baineadh leas as an meastóireacht mar
ionchur tábhachtach agus mar obair ullmhúcháin don phróiseas as a dtáinig an
measúnú tionchair a bhí nasctha le hathbhreithniú an Rialacháin. Rinne an Coimisiún Eorpach measúnú tionchair
críochnúil chun tacú le tograí reachtacha d’fhonn feabhas a chur ar
éifeachtúlacht agus ar iomaíochas sa Limistéar Eorpach Aonair Iarnróid i réimse
na sábháilteachta agus na hidir-inoibritheachta. Cuireadh Grúpa Stiúrtha
Measúnaithe Tionchair (GSMT) ar bun Meitheamh 2011 ar thug DG MOVE cuireadh do
gach DG a bheith rannpháirteach ann. Dhréachtaigh comhairleoir seachtrach staidéar
tacaíochta um measúnú tionchair agus chuaigh i mbun comhairliúcháin
spriocdhírithe leis na geallsealbhóirí. Cuireadh tús leis an gcomhairliúchán
spriocdhírithe an 18 Samhain 2011 le suirbhé idirlín a tháinig chun
deiridh an 30 Nollaig 2011. Ina dhiaidh sin reáchtáladh agallaimh
leis na geallsealbhóirí ba thábhachtaí agus ceardlann do gheallsealbhóirí ag
deireadh Feabhra 2012. Ó shin i leith ghlac DG MOVE páirt i
gcruinnithe déthaobhacha leis an earnáil chun a dtuairimí a mheas i dtaca leis
an gCeathrú Pacáiste i réimse na hidir‑inoibritheachta agus na
sábháilteachta . I bhfianaise nádúr teicniúil an tionscnaimh,
níor reáchtáladh aon chomhairliúchán poiblí. D'fhéach an Coimisiún chuige áfach
go ndeachthas i gcomhairle le gach páirtí leasmhar in am trátha agus gur pléadh
príomhghnéithe uile an tionscnaimh. Bord um Measúnú Tionchair: Tháinig an Bord um Measúnú Tionchair le chéile
an 5 Meán Fómhair 2012 agus tugadh tuairim dearfa ina dhiaidh.
Rinneadh príomh‑mholtaí an Bhoird a ionchorprú sa mheasúnú tionchair: –
cuireadh isteach tuilleadh staitisticí agus
faisnéise ón gcomhairliúchán leis na geallsealbhóirí –
cuireadh isteach sineirgíochtaí le heilimintí eile
den Cheathrú Pacáiste Iarnróid lena mbeifí ag súil agus rinneadh na hiarmhairtí
indíreacha a shoiléiriú; –
rinneadh cur síos níos mionsonraithe agus níos
soiléire ar na croíbhearta a bhain le roghanna 2-5 araon agus an éagsúlacht
eatarthu; –
rinneadh soiléiriú ar na modhanna a úsáideadh chun
an tionchar a mheas agus míníodh níos fearr iad; léiríodh an loighic trí
chrostagairt níos fearr; –
sonraíodh níos fearr an éagsúlacht idir na costais
riaracháin a bhaineann le gníomhaithe eacnamaíocha (oibreoirí iarnróid) agus an
costas ar na riaracháin phoiblí (údaráis náisiúnta, an ERA agus an Coimisiún). Roghanna a sainaithníodh: De bharr an scagtha a rinneadh ar bhearta
aonair, tá an Coimisiún tar éis cúig rogha beartas a shainaithint (roghanna
2-6), seachas an cás bunlíne. Arna gceapadh, baineann roghanna 2-5 go príomha
le leibhéal na hidirghníomhaíochta idir Gníomhaireacht Iarnróid an Aontais
Eorpaigh (ERA nó an Ghníomhaireacht) agus údaráis náisiúnta agus d'fhéadfaí aon
cheann acu a úsáid chun dul i ngleic leis na trí chuspóir oibríochtúla. Is éard
atá i Rogha 6 sraith beart cothrománach atá neamhspleách den chuid is mó ar na
hidirghníomhaíochtaí idir an ERA agus údaráis náisiúnta agus ar bearta iad ar
féidir a chur i dteannta aon cheann eile de na roghanna 2-5, agus súil leis go
dtreiseofaí an mórthionchar deiridh. Rogha 1: Cás bunlíne (ná déan faic) – ag
leanúint sa treo atá leagtha amach faoi láthair don earnáil. Rogha 2: Ról comhordúcháin níos mó ag an
nGníomhaireacht chun cur chuige comhsheasmhach maidir le deimhniú gnóthas
iarnróid agus údarú feithiclí a áirithiú. Rogha 3: ERA mar ionad uileghnó, i gcás
ina mbíonn an cinneadh deiridh fós maidir le deimhniú agus údarú ag na ÚNSanna
(na hÚdaráis Náisiúnta Sábháilteachta) ach go ndéanann an ERA seiceálacha
isteach agus amach ar iarratais agus ar na cinntí. Rogha 4: Tá na hinniúlachtaí céanna ag an
ERA agus ag na hÚdaráis Náisiúnta Sábháilteachta, nuair is faoin
nGníomhaireacht atá an cinneadh deiridh maidir le deimhniú agus údarú. Rogha 5: Glacfaidh an ERA chuici cúraimí
na nÚdarás Náisiúnta Sábháilteachta maidir le deimhniú gnóthas iarnróid agus
údarú feithiclí Rogha 6: Bearta cothrománacha, lena n‑áirítear
bearta eile reachtacha agus boga (thar na freagrachtaí a roinnt ar na húdaráis
náisiúnta agus an ERA) a d'fhéadfaí a chur chun feidhme chun iomaíochas a
fheabhsú san earnáil iarnróid, ar nós ról an ERA a fheabhsú i dtaca le heolas
faoin iarnród a scaipeadh nó oiliúint nó bogadh ó rialacha teicniúla agus
sábháilteachta náisiúnta go córas rialacha an AE ( trí rialacha ón ERA agus ó
na hÚdaráis Náisiúnta Sábháilteachta nach bhfuil aon ghá leo a aithint agus
ansin an ceangal a chur ar na húdaráis náisiúnta deireadh a chur leis na
rialacha sin, mar aon le teorainn a chur leis an deis rialacha nua a ghlacadh) Tionchar na roghanna: Measadh tionchar
comhshaoil na roghanna uile a bheith dearfa bíodh is go raibh sé íseal. Measadh
tionchar comhshaoil na roghanna uile a bheith dearfa bíodh is go raibh sé
íseal. Léirítear sa tábla thíos na sochair eacnamaíocha
(éifeachtúlacht) agus líon na gcuspóirí bainte amach (éifeachtacht) i gcomhair
roghanna comhcheangailte: Rogha || Éifeachtúlacht. (Sochar Glan Iomlán EUR.m) || Éifeachtacht (líon na gcuspóirí bainte amach) Roghanna 2+6: Tuilleadh 'Comhordúcháin' + beart cothrománach ag an ERA || 411 || 1 Roghanna 3+6: Ionad uileghnó + bearta cothrománacha ag an ERA || 461 || 2 Roghanna 4+6: Na hinniúlachtaí céanna an ERA agus ag na ÚNSanna + bearta cothrománacha || 497 || 3 Roghanna 5+6 Glacfaidh an ERA chuici gníomhaíochtaí na ÚNSanna maidir le húdarú & deimhniú +bearta cothrománacha || 476 || 3 Baineadh de thátal as an méid sin gurbh é
Rogha 4 (comhcheangailte le rogha 6) rogha na tosaíochta ós rud é go dtugann sé
an réimse torthaí is cothromaithe maidir leis an méid seo a leanas: –
an tionscal, i dtaca le costais agus
spriocthreimhsí laghdaithe le haghaidh deimhniúchán sábháilteachta agus údarú
feithiclí agus fochórais eile; –
an impleacht do bhuiséad an AE ó thaobh costais de; –
iarmhairtí costais ar institiúidí náisiúnta; –
a bheith i gcomhréir le prionsabail na coimhdeachta
agus na comhréireachta –
dul i ngleic leis na fadhbanna aitheanta, agus –
na cuspóirí a bhaint amach. Tugtar tuilleadh faisnéise ar an measúnú
tionchair agus ar thorthaí chomhairliúcháin na ngeallsealbhóirí i ndoiciméid
inmheánach oibre de chuid an Choimisiúin a ghabhann le tograí reachtacha chun
fáil réidh leis na bacainní riaracháin agus teicniúla i réimse na
hidir-inoibritheachta agus na sábháilteachta ar mhargadh iarnróid an AE.
Foilseofar é ar shuíomh gréasáin Ardrúnaíocht an Choimisiúin arna ghlacadh don
ionstraim reachtaíochta seo. 3. EILIMINTÍ DLÍ AN TOGRA Sa roinn seo tugtar barúlacha ar
phríomhfhorálacha Rialachán nua an ERA agus mínítear iad, nuair is gá i ndáil
le leasuithe ar bhuntéacs Rialachán (CE) Uimh. 881/2004. CAIBIDIL 1 PRIONSABAIL: Airteagal 1: rinneadh athbhreithniú ar na
cuspóirí chun cúraimí nua na Gníomhaireachta a léiriú agus bogadh iad chun na n‑aithrisí;
in ionad sin tugtar ''ábhar agus raon feidhme'' ar mhaithe le soiléire. Airteagal 2: bogadh stádas dlíthiúil
anseo de réir mar ab iomchuí (Airteagal 22 roimhe seo). Airteagal 3: leasaithe chun cineálacha
nua gníomhartha na Gníomhaireachta a léiriú i gceart. CAIBIDIL 2 MODHANNA OIBRE: Cuireadh isteach caibidil nua lena gcumhdófar
na saincheisteanna bhí i gcaibidlí eile ar dtús ach a bhaineann i gceart le
modhanna a úsáideann an ERA chun a chuspóirí a bhaint amach. Airteagal 4: Airteagal ''meithleacha''
athscríofa ar mhaithe le soiléire dhlíthiúil, go háirithe: an tagairt don AEIF
atá imithe i léig anois agus gur féidir í a scriosadh; bogadh an bunAirteagal 24(4)
anseo seachas an t‑Airteagal maidir le foireann an ERA; rialacha nós
imeachta atá le glacadh ag an mBord. Airteagal 7: ''measúnú tionchair'', sa
bhuntéacs níor bhain an anailís chostais/sochair ach le sábháilteacht amháin (Airteagal 6(4));
ní ceart go mbeadh an cúram seo mar chuid d'aon ghníomhaíocht faoi leith de
chuid na Gníomhaireachta, dá bhrí sin caitheadh na míreanna a bhogadh isteach i
roinn ghinearálta, é a bheith infheidhme go ginearálta agus cúraimí soiléire a
leagan amach; tá sé seo i gcomhréir le Páipéar Seasaimh an Bhoird maidir le
todhchaí an ERA agus na prionsabail a bhaineann le bunú an bhuiséid de réir
gníomhaíochtaí agus bainistiú de réir gníomhaíochtaí. Airteagal 8: ''staidéir''; Airteagal 20
roimhe seo – bogtha toisc gurb ionann staidéir agus modh chun cuspóirí a bhaint
amach agus toisc nach cúraimí iad iontu féin. Airteagal 9: ''tuairimí'', Airteagal 10
roimhe seo maidir le Tuairimí Teicniúla; scriostar an focal 'teicniúil', i
gcomhréir leis na treoracha; mír 2a(b) bainte amach toisc é a bheith imithe i
léig; mír 3 ( bunmhír 2b) leasaithe chun an raon feidhme a leathnú (teoranta do
Sonraíochtaí Teicniúla don Idir-inoibritheacht amháin roimhe seo, gan
réasúnaíocht shoiléir). Airteagal 10: ''cuairteanna ar
Bhallstáit'', Airteagal 33 roimhe seo – bogtha chun na roinne seo toisc
gurb ionann na cuairteanna agus modh chun cuspóirí na Gníomhaireachta a bhaint
amach . CAIBIDIL 3 CÚRAIMÍ A BHAINEANN LE
SÁBHÁILTEACHT IARNRÓID: Airteagal 11: ''tacaíocht theicniúil -
sábháilteacht'', mionathruithe ag soiléiriú chúraimí na Gníomhaireachta. Airteagal 12: ''deimhnithe
sábháilteachta'', ról nua an ERA (ag eisiúint deimhnithe sábháilteachta), mar a
beartaíodh sa tuarascáil ar an measúnú tionchair, i gcomhréir leis an Treoir
leasaithe um Shábháilteacht. Airteagal 13: ''cothabháil feithiclí'', Airteagal nua
– fágtha ón mbunChaibidil 3a, simplithe agus bogtha go dtí roinn na
sábháilteachta a measadh mar an áit ba ábhartha. Airteagal 14: ''iompar earraí
contúirteacha d'iarnród'', Airteagal nua, an obair atá ar siúl cheana féin
ag an ERA i réimse iompair earraí contúirteacha d'iarnród a chur ar bhonn
foirmiúil. CAIBIDIL 4 CÚRAIMÍ A BHAINEANN LE
hIDIR-INOIBRITHEACHT: Airteagal 15: ''tacaíocht theicniúil –
idir-inoibritheacht '', leasaithe beagáinín chun na hathruithe sa Treoir maidir
le hIdir‑inoibritheacht (pointe b agus pointe c) a léiriú agus chun na
cúraimí atá ar an ERA cheana a shoiléiriú. Airteagal 16: ''údaruithe feithiclí'', Airteagal nua
– lena gcumhdófar ról nua an ERA maidir le húdaruithe feithiclí a eisiúint lena
gcur ar an margadh, mar a beartaíodh sa tuarascáil ar an measúnú tionchair, i
gcomhréir leis an Treoir leasaithe maidir le hIdir-inoibritheacht. Airteagal 17: ''údaruithe le haghaidh
cineálacha feithiclí''; Airteagal nua – lena gcumhdófar ról nua an ERA
maidir le húdaruithe a eisiúint lena gcur ar an margadh le haghaidh cineálacha
feithiclí, i gcomhréir leis an Treoir leasaithe maidir le hIdir‑inoibritheacht. Airteagal 18: ''údaruithe chun fochórais
rialaithe-ordaithe agus comharthaíochta taobh riain a chur i mbun seirbhíse a
eisiúint'', Airteagal nua – lena gcumhdófar ról nua an ERA maidir le
húdarú trealaimh rialaithe-ordaithe agus comharthaíochta taobh riain; atá
nasctha le ról an ERA mar údarás an chórais agus le hiarmhairtí an chúraim nua
maidir le húdaruithe feithiclí lena gcur ar an margadh don Chóras Eorpach um
Bainistiú Tráchta Iarnróid (ERTMS) (lena áirthiú go bhfuil na húdaruithe sin
lena gcur ar an margadh a eisíodh d'fheithiclí a bhfuil trealamh den ERTMS ar
bord acu comhsheasmhach le córais taobh riain). Airteagal 19: ''feidhmchláir
theileamaitice'' Airteagal nua a cuireadh isteach chun an ról atá ag an
ERA cheana a chur ar bhonn foirmiúil, de réir Feidhmchláir Teileamaitice do
Phaisinéirí/Feidhmchláir Teileamaitice Lasta agus Sonraíochtaí Teicniúla don
Idir‑inoibritheacht, agus i gcomhréir leis an tuarascáil ar an Measúnú
Tionchair. Airteagal 20: ''tacaíocht do na
comhlachtaí um measúnú comhréireachta dá dtugtar fógra'', leasaithe – bogadh na
forálacha i dtaca le faireachán an Choimisiúin ar chomhlachtaí dá dtugtar fógra
go dtí an roinn nua faoi fhaireachán; is tacaíocht do chomhlachtaí dá dtugtar
fógra atá sa chuid eile (Thug an Coimisiún cúraimí i ndáil le hArdrúnaíocht Theicniúil
de chuid NB Rail (grúpa comhordaithe na gcomhlachtaí dá dtugtar fógra)
don Ghníomhaireacht amhail ón 20 Aibreán 2011 agus tá an
ghníomhaíocht seo faoi lánseol cheana; ní mór é sin a shoiléiriú sa
reachtaíocht). CAIBIDIL 5 CÚRAIMÍ A BHAINEANN LE RIALACHA
NÁISIÚNTA (curtha i ndiaidh na caibidle maidir le hidir-inoibritheacht) Airteagail 21, 22 agus 23: ''rialacha
náisiúnta'', airteagail nua a bhfuil an bunAirteagal 9a agus an bunAirteagal 9b
iontu, arna leasú chun nósanna imeachta a chur ar aon dul leis na Treoracha maidir le Sábháilteacht agus
Idir-inoibritheacht agus aird á tabhairt ar chumhachtaí leathnaithe an ERA
maidir le rialacha naisiúnta a eascraíonn ón tuarascáil ar an measúnú tionchair
agus ó dhréacht‑thuarascáil an Tascfhórsa maidir le Rialacha Náisiúnta
Sábháilteachta; bainistiú ar bhunachar Teicneolaíochta Faisnéise arna thabhairt
go soiléir don ERA, chun freagrachtaí measctha a bhí ann roimhe sin a
shoiléiriú (An Coimisiún agus an ERA) agus chun na fadhbanna teicniúla,
comhordúcháin agus úinéireachta a shárú. CAIBIDIL 6 CÚRAIMÍ A BHAINEANN LEIS AN ERTMS
(An Córas Eorpach um Bainistiú Tráchta Iarnróid: tá caibidil faoi leith nua
dlite ag roinn an ERTMS. Airteagail 24-28: ''cúraimí an ERTMS'' lena n‑ionchorpraítear
bunAirteagal 21a, arna leasú chun freagrachtaí na Gníomhaireachta agus
gníomhaithe eile maidir leis an ERTMS a shoiléiriú, chun imlonnú an ERTMS a
fheabhsú, agus chun an obair atá ar siúl cheana sa réimse seo a léiriú; Airteagal 13(e)
arna leasú i gcomhréir le réamh‑mheastóireacht an Choimisiúin ar cheithre
bliana d'obair leantach theicniúil. CAIBIDIL 7 CÚRAIMÍ A BHAINEANN LE FAIREACHÁN
AR AN LIMISTÉIR EORPACH AONAIR IARNRÓID: caibidil nua –tá cúraimí éagsúla
maidir le faireachán curtha le chéile in aon chaibidil amháin ar mhaithe le
trédhearcacht agus soiléire níos fearr. Airteagal 29: ''faireachán ar údaráis
náisiúnta sábháilteachta'', Airteagal nua – cúram nua ar an ERA: rialú ar
ÚNS, mar a beartaíodh sa tuarascáil ar an measúnú tionchair (agus sa
mheastóireacht ar Rialachán an ERA). Airteagal 30: ''faireachán ar
chomhlachtaí dá dtugtar fógra'', Airteagal nua – cúram nua ar an ERA:
rialú ar chomhlachtaí dá dtugtar fógra, mar a beartaíodh sa tuarascáil ar an
measúnú tionchair. Airteagal 31: ''faireachán ar dhul chun
cinn na hidir-inoibritheachta agus na sábháilteachta''. cuid de bunaithe ar an
mbunAirteagal 9 (míreanna nua 1 agus 2, agus soiléiriú déanta anois ar
chúramaí an ERA maidir le faireachán sábháilteachta), ar an mbunAirteagal 14
( míreanna nua 3 agus 4, le dhá thuarascáil ar leith maidir le
hidir-inoibritheacht agus sábháilteacht tugtha le chéile in aon thuarascáil
amháin); mír 5 – bunaithe ar Airteagal 21b (2a), i gcomhréir leis an
tuarascáil ar an Measúnú Tionchair agus le meastóireacht ar Rialachán an ERA. CAIBIDIL 8 CÚRAIMÍ EILE - caibidil nua ina
dtugtar le chéile na caibidlí a bhíodh ann maidir le cláir, foireann iarnróid
agus cúraimí eile: Airteagal 32: ''foireann iarnróid'',
tugtar le chéile bunAirteagail 16b, 16c agus 17 ar mhaithe le simpliú: tá
roinnt cúraimí imithe i léig, déantar cur síos ar chuid eile i
dTreoir 2007/59; arna leasú chun athbhrí agus athrá a sheachaint. Airteagal 33: ''cláir'', tugtar le chéile
bunAirteagail 18 agus 19, iad cothrom le dáta agus i gcomhréim leis an
reachtaíocht. Airteagal 34: ''líonraí údarás náisiúnta
sábháilteachta, comhlachtaí imscrúdaithe agus comhlachtaí ionadaíocha'', cuid
de roimhe seo i mbunAirteagal 6(5) agus Airteagal 9; cuireadh isteach
líonra na gcomhlachtaí ionadaíocha (mír 2) chun
struchtúr a chur ar chomhordú na ngeallsealbhóirí agus chun feabhas a
chur air ar leibhéal na Gníomhaireachta; cuireadh isteach mír 3 chun struchtúr
a chur ar chomhairliúchán leis na geallsealbhóirí uile agus chun feabhas a chur
air, agus chun aschur de chaighdeán níos airde a bhaint amach ar deireadh ón
nGníomhaireacht (ag teacht le meastóireacht Rialachán an ERA agus an Páipéar
Seasaimh i dtaca le todhchaí an ERA). Airteagal 35: ''cumarsáid agus
scaipeadh'', Airteagal nua, agus cuid de ghníomhaíochtaí ón ERA atá ann
cheana a chur ar bhonn foirmiúil agus ag eascairt ón tuarascáil ar an measúnú
tionchair, meastóireacht Rialachán an ERA agus an Páipéar Seasaimh i dtaca le
todhchaí an ERA. Airteagal 36: ''taighde agus cur chun
cinn na nuálaíochta'', Airteagal bunaidh agus taighde curtha leis, an
obair atá ar siúl cheana féin ag an ERA a chur ar bhonn foirmiúil; i gcomhréir
le Páipéar Seasaimh an Bhoird maidir le todhchaí an ERA. Airteagal 37: ''cúnamh don Choimisiún'',
arna mhionleasú. Airteagal 38: ''cúnamh le measúnú ar
thionscadail iarnróid'', Airteagal 15 ar dtús, raon feidhme arna leathnú
le sábháilteacht a chumhdach. Airteagal 39: ''cúnamh do Bhallstáit agus
geallsealbhóirí'', Airteagal nua, i ndiaidh na tuarascála ar an measúnú
tionchair (beart as Rogha 6) agus na torthaí ó mheastóireacht Rialachán an ERA. Airteagal 40: ''caidreamh
idirnáisiúnta''; Airteagal nua agus an obair atá ar siúl cuid mhaith
cheana féin ag an ERA a chur ar bhonn foirmiúil; i gcomhréir leis an tuarascáil
ar an measúnú tionchair agus le Páipéar Seasaimh an Bhoird maidir le todhchaí
an ERA. Airteagal 41: ''páirteanna spártha'' Airteagal nua
– cúram nua i gcomhréir leis an tuarascáil ar an measúnú tionchair. CAIBIDIL 9 EAGRÚ NA GNÍOMHAIREACHTA: arna
dréachtadh go príomha chun an Comhráiteas ón gCoimisiún, ó Pharlaimint na
hEorpa agus ón gComhairle maidir le gníomhaireachtaí díláraithe agus an Cur
Chuige Comhchoiteann (2012) a leanúint, go háirithe maidir le méadú
inniúlachtaí an Bhoird Bainistíochta (an Bord Riaracháin roimhe sin); cruthú an
Bhoird Feidhmiúcháin; clár oibre ilbhliantúil; forálacha caighdeánacha eile
maidir le hAcmhainní Daonna agus ceisteanna búiséadacha. Athruithe tábhachtacha eile: Airteagal 48: ''cláir oibre bhliantúla
agus ilbhliantúla'', Airteagal nua ar leith maidir le cláir oibre ar
ceapadh é bheith úsáideach ar mhaithe le soiléire; i gcomhréir leis an
gComhráiteas agus leis na moltaí ó Chúirt Iniúchóirí na hEorpa, ó Pharlaimint
na hEorpa, ó mheastóireacht Rialachán an ERA agus ó Pháipéar Seasaimh an Bhoird
maidir le todhchaí an ERA (i gcomhthéacs ilbhliantúil, ABB agus ABM, an
caidreamh leis na geallsealbhóirí). Airteagail 51-57: ''Bord Achomhairc'',
airteagail nua – tá gá le Bord Achomhairc tar éis méadú inniúlachtaí an ERA
(údaruithe feithiclí lena gcur ar an margadh agus deimhnithe um shábháilteacht
arna eisiúint); foráiltear sa tuarascáil ar an measúnú tionchair go mbunófar
Bord Achomhairc neamhspleách lasmuigh den Ghníomhaireacht, is dealraitheach,
áfach, go bhfuil an réiteach atá ann cheana féin ag an EASA (an Ghníomhaireacht
Eorpach um Shábháilteacht Eitlíochta) níos iomchuí bunaithe ar na
forálacha ábhartha de Rialachán an EASA. CAIBIDIL 10 FORÁLACHA AIRGEADAIS: Airteagal 58(2): pointe nua (c) – foinsí
nua d'ioncaim an ERA curtha isteach (táillí agus muirir seachtracha i dtaca le
húdaruithe feithiclí lena gcur ar an margadh agus deimhnithe um shábháilteacht
a eisiúint (cúraimí nua)); pointe nua (e) – lena thabhairt i gcomhréir le
Rialachán an EASA CAIBIDIL 11 FOIREANN: caibidil nua, ag
leanúint forálacha caighdeánacha den chuid is mó a thagann as an gCur Chuige
Coiteann i dtaca leis na gníomhaíochtaí (Airteagail 62 agus 63). Airteagal 61: ''foireann'', Airteagal 24
ar dtús, arna leasú i gcomhréir leis an gComhráiteas i dtaca le gníomhaíochtaí,
le meastóireacht Rialacháin an ERA agus le Páipéar Seasaimh Bhord an ERA maidir
le Todhchaí na Gníomhaireachta; tá an teorannú ar chonradh uasmhéide a bhí ann
roimhe seo scriosta. CAIBIDIL 12 FORÁLACHA GINEARÁLTA: Airteagal 64, Airteagail 66-68,
Airteagail 70-72: arna mbogadh ó áiteanna eile sa bhun‑Rialachán, arna
leasú más gá i gcomhréir leis an gComhráiteas i dtaca le gníomhaíochtaí. Airteagal 65; ''comhaontú maidir le
ceanncheathrú agus coinníollacha oibriúcháin'', Airteagal nua, i gcomhréir
leis an gComhráiteas i dtaca le gníomhaíochtaí díláraithe(2012). Airteagal 69: ''comhar leis na húdaráis
náisiúnta agus leis na comhlachtaí'', airteagail nua ag éiri as cumhachtaí nua
an ERA chun deimhnithe agus údaruithe a eisiúint; comhar leis na comhlachtaí
náisiúnta agus leis na húdaráis i gcásanna áirithe a mheastar gá a bheith leis
mar gheall ar a saineolas; an fhéidearthacht cuid de chúraimí an ERA a chur ar
(fo)conradh. CAIBIDIL 13 FORÁLACHA CRÍOCHNAITHEACHA:
caibidil nua Airteagail 73 agus 74: ''gníomhartha
tarmligthe'', airteagail nua – a eascraíonn ó chumhachtaí nua an ERA
(deimhnithe um shábháilteacht agus údaruithe feithiclí lena gcur ar an margadh
agus a eisiúint, a hacmhainní féin aici), ní mór bearta tarmligthe a ghlacadh;
is amhlaidh atá i gcás an EASA. Airteagal 75: ''nós imeachta coiste'', Airteagal nua,
arna dhéanamh chun gan bheith ag tagairt d'ionstraimí eile (Treoir maidir
le hIdir-inoibritheacht). Airteagal 76: ''meastóireacht agus
athbhreithniú'', bunAirteagal leasaithe i gcomhréir leis an gComhráiteas
maidir le gníomhaíochtaí. AIRTEAGAIL A D'FHAN MAR A BHÍ SA RIALACHÁN
(CE) UIMH. 881/2004:5,6,58,59,60. 4. IMPLEACHT BHUISÉADACH Foráiltear leis an Rialachán seo bonn
reachtach i dtaca le gealltanais bhuiséadacha agus foirne maidir le Gníomhaireacht
Iarnróid an Aontais Eorpaigh. Tugtar na ríomhanna mionsonraithe san
Iarscríbhinn, sa Ráiteas Airgeadais Reachtach. Chomh fada is a bhaineann sé le soláthar
foirne san ERA, tá sé tábhachtach a thaispeáint go ndéantar foráil san
ionstraim seo maidir leis an méid seo a leanas: 1.
ríomhanna ar acmhainní ó dhá Ráiteas Airgeadais
Reachtacha a bhí ann roimhe ag gabháil leis an mbun‑Rialachán (CE) Uimh. 881/2004
agus leis an leasú ó 2008 a rinneadh air (Rialachán (CE) Uimh. 1335/2008),
lenar foráladh d'fhoireann sealadach de 104 don ERA; 2.
nósanna imeachta búiséadacha don tréimhse 2005-
2013 lenar thug an tÚdarás Buiséadach 39 post breise don ERA chun cúraimí eile
nach léirítear sa Rialachán bunaidh a chumhdach, rud a d'fhág 143 postanna
sealadacha ar fad in 2013; 3.
tionchair acmhainní a mheastar a bhainfidh le
cúraimí nua agus cumhachtaí breise an ERA sa Rialachán nua seo, socraithe ag 43
duine. Maidir le pointe 2, tabhair do d'aire
go bhfuil líon na bpost tar éis dul in airde de réir a chéile ó bunaíodh an ERA
in 2005.Tá an t‑athrú seo faoi réir mionscrúdaithe a bhfuil glactha leis
ag an údarás buiséadach gach bliain i gcomhréir le líon na bpost arna moladh ag
an gCoimisiún. Is í príomhchúis na difríochta idir pointe 1 agus pointe 2 ná
nach ndearnadh foráil sa Rialachán bunaidh maidir le roinnt mhaith feidhmeanna
ná gníomhaíochtaí mar atá gnóthaí dlíthiúla, Oifigeach Cosanta Sonraí,
Rúnaíocht don Bhord Riaracháin, iniúchadh inmheánach, pleanáil caighdeáin agus
gnó, meastóireacht eacnamaíoch (measúnú tionchair), soláthar, bainistiú
áiseanna, agus Ceann Riaracháin – nó ar a laghad níor ceapadh go mbeadh
foireann speisialaithe ina mbun. I réimsí áirithe gníomhaíochta, lena n‑áirítear
Acmhainní Daonna, Faisnéis Teicneolaíochta agus Airgeadas, ba ró-íseal i bhfad
a measadh riachtanais acmhainní. Maidir le meastóireacht eacnamaíoch, tá sé seo
ann toisc gur bunaíodh an ERA chun cur le limistéar iarnróid comhtháite agus
iomaíoch. Tá sé mar chuid lárnach de ghníomhaíochtaí na Gníomhaireachta ón tús
– fiú mura ndearnadh foráil maidir le foireann speisialaithe sa ráiteas
airgeadais. Is dobhréagnaithe é an gá atá leis an ngníomhaíocht seo agus tá
borradh ag teacht air le déanaí i gcomhréir le cur chuige Bhunú an Bhuiséid de
réir Gníomhaíochtaí; is léir é seo agus Airteagal nua beartaithe le
háireamh i Rialachán nua na Gníomhaireachta. I dteannta na bhforbairtí sin, le gníomhartha
éagsúla ón gCoimisiún tá cúraimí breise ar an nGníomhaireacht a bhfuil
impleachtaí acmhainní leo, rud nach léir ón ráiteas airgeadais. Cuir i gcás, le
Cinneadh 2011/155/EU ón gCoimisiún maidir le foilsiú agus bainistiú an
doiciméid tagartha dá dtagraítear in Airteagal 27(4) de Threoir 2008/57/CE
tugadh cúraimí breise do Ghníomhaireacht maidir leis an bpróiséas agus na
rialacha a ghabhann le húdarú feithiclí iarnróid agus fochórais a dhéanamh
trédhearcach agus iad a shimpliú. Le bheith níos sonraí, baineann ról an ERA le
doiciméadú ar na próisis údaraithe sna Ballstáit, doiciméadú ar rialacha
náisiúnta a chuirtear i bhfeidhm ar údarú feithiclí iarnróid agus ar
chomhsheasmhachtaí sonraí a sheiceáil, tacú leis na hÚdaráis Náisiúnta
Sábháilteachta agus sonraí a bhainistiú agus a chothabháil. Maidir le pointe 3, eascraíonn na
himpleachtaí buiséadacha agus foirne i dtaca le cúraimí nua agus leathnaithe go
príomha ó ríomhanna ón measúnú tionchair, cur chun feidhme na moltaí sa
Chomhráiteas ón gCoimisiún, ó Pharlaimint na hEorpa agus ón gComhairle maidir
le gníomhaireachtaí díláraithe, ó mholtaí na Cúirte Iniúchóirí agus na
Seirbhíse Iniúchta Inmheánaí, agus ó mheastóireacht ar Rialachán an ERA.
Mínítear na hathruithe uile sa reachtaíocht go cuimsitheach i gcuid 3 den
Mheabhrán seo. Meastar go bhfuil gá leis an 70 duine chun déileáil leis na
cúraimí nua agus leathnaithe sin, le 43 ball foirne breise anuas ar leibhéal
reatha foirne sa Ghníomhaireacht. Beidh an 43 duine nua seo ag déileáil le
húdaruithe agus deimhnithe a eisiúint agus cumhdófar iad le táillí seachtracha
agus le muirir, cumhdófar riachtanais na 27 dhuine eile trí ath‑imlonnú
inmheánach fhoireann na Gníomhaireachta atá ann cheana. Dá bhrí sin, ní bheidh
aon tionchar breise ar bhuiséad an AE ( cé is moite de 2015 agus 2016, nuair
nach mbeidh táillí seachtracha ná muirir fós ar fáil). Chumhdódh an 43 duine breise atá beartaithe na
catagóirí seo a leanas: ·
Saineolaithe teicniúla (41 duine), chun déileáil le
húdaruithe a eisiúint le haghaidh feithiclí a chur ar an margadh agus le
haghaidh cineálacha feithiclí (30), údaruithe le haghaidh fochórais
rialaithe-ordaithe agus chomharthaíochta taobh riain a chur i mbun seirbhíse
(6) agus deimhnithe sábháilteachta (5); ·
Foireann riaracháin nasctha (2), lena n‑áirítear
cuntasóir chun déileáil le córas pleanáilte de tháillí seachtracha agus de
mhuirir a bhainistiú, lena n‑áirítear comhar le húdaráis náisiúnta. Chumhdódh na táillí seachtracha agus na muirir
na forchostais nasctha, go príomha: ·
Cinntí arna n‑eisiúint ag an ERA a aistriú go
na teangacha náisiúnta; ·
Córas TF is gá i gcomhair gnó cuntasaíochta (
táillí seachtracha agus muirir). Bheadh na 27 dhuine eile, a chumhdófar le hath‑imlonnú
inmheánach fhoireann na Gníomhaireachta atá ann cheana, ag déileáil le: ·
Faireachán ar údaráis náisiúnta sábháilteachta agus
ar chomhlachtaí a dtugtar fógra dóibh, agus ar chur chun feidhme reachtaíochta
náisiúnta sábháilteachta agus idir‑inoibritheachta; ·
Laghdú ar líon na rialacha náisiúnta; ·
Comhairle agus tacaíocht do Bhallstáit agus do
gheallsealbhóirí, faisnéis a bhaineann le hiarnróid agus oiliúint a scaipeadh
agus comhordú ar pháirteanna spártha a d'fhéadfadh bheith ann a chaighdeánú . Meastar gurb é EUR 157.113 milliún
an impleacht bhuiséadach a bheidh ar an ERA i mbuiséad 2015 - 2020 an
AE. Beidh costas EUR 0 4114 milliún ar na cúraimí nua ar
bhuiséad an AE toisc go gcumhdófar iad le táillí agus le muirir a íocfaidh an
tionscal ó 2017 ar aghaidh. Tá tionchar ar acmhainní an Choimisiúin freisin
(in DG MOVE). Maidir leis sin, ionchorpraítear sa Rialachán seo: 4.
ríomhanna ar acmhainní ó dhá Ráiteas Airgeadais
Reachtacha a bhí ann roimhe ag gabháil leis an mbun‑Rialachán 881/2004
agus leis an leasú ó 2008 a rinneadh air (Rialachán (CE) Uimh. 1335/2008),
lenar foráladh d'fhoireann sealadach de bheirt oifigeach/ ball foirne
shealadacha don Choimisiún; 5.
athruithe don tréimhse 2005 – 2013, le triúr ball
foirne breise d'fhoireann an Choimisiúin ag déileáil le ceisteanna a bhaineann
leis an ERA, le cúraimí breise a chumhdach nár léiríodh sa Rialachán bunaidh. Is é 5 dhuine an móriomlán don Choimisiún a
bhaineann leis an tionscnamh seo, níor iarradh aon fhoireann bhreise. 2013/0014 (COD) Togra le haghaidh RIALACHÁIN Ó PHARLAIMINT NA hEORPA AGUS
ÓN gCOMHAIRLE maidir le Gníomhaireacht Iarnróid an Aontais
Eorpaigh agus lena n‑aisghairtear Rialachán
(CE) Uimh. 881/2004 (Téacs atá ábhartha maidir leis an LEE) TÁ PARLAIMINT NA hEORPA AGUS
COMHAIRLE AN AONTAIS EORPAIGH, Ag féachaint don Chonradh ar Fheidhmiú an
Aontais Eorpaigh, agus go háirithe Airteagal 91(1) de, Ag féachaint don togra ón gCoimisiún Eorpach, Tar éis an dréachtghníomh reachtach a chur
chuig na parlaimintí náisiúnta, Ag féachaint don tuairim ó Choiste Eacnamaíoch
agus Sóisialta na hEorpa[5], Ag féachaint don tuairim ó Choiste na Réigiún[6], Ag gníomhú dóibh i gcomhréir leis an ngnáthnós
imeachta reachtach, De bharr an méid seo a leanas: (1) Chun limistéar iarnróid
Eorpach gan teorainneacha a bhunú de réir a chéile tá gá le gníomhaíocht an
Aontais i réimse na rialachán teicniúla is infheidhme i leith iarnróid maidir
leis na gnéithe teicniúla (idir-inoibritheacht) agus na gnéithe sábháilteachta,
toisc dlúthbhaint a bheith acu lena chéile agus toisc go bhfuil leibhéal
comhchuibhithe níos airde de dhíth ar leibhéal an Aontais ina leith. Glacadh
reachtaíocht ábhartha iarnróid, go háirithe trí phacáiste iarnróid, le fiche
bliain anuas, agus is iad Treoir 2004/49/CE ó Pharlaimint na hEorpa agus ón
gComhairle an 29 Aibreán 2004 maidir le sábháilteacht ar iarnróid an
Chomhphobail agus Treoir 2008/57/CE ó Pharlaimint na hEorpa agus ón gComhairle
an 17 Meitheamh 2008 maidir le hidir-inoibritheacht an chórais
iarnróid laistigh den Chomhphobal na cinn is ábhartha. (2) Is gá obair shuntasach
theicniúil a dhéanamh chun na spriocanna maidir le sábháilteacht iarnróid agus
idir-inoibritheacht a bhaint amach i gcomhthráth, agus is gá comhlacht
speisialaithe a bheith i gceannas uirthi. Sin an fáth go raibh sé riachtanach,
mar chuid den Dara Pacáiste Iarnróid in 2004, gníomhaireacht Eorpach a bheadh
freagrach as sábháilteacht iarnróid agus idir inoibritheacht (dá ngairfear an
Ghníomhaireacht anseo feasta) a chruthú laistigh den chreat institiúideach atá
ann faoi láthair, agus le meas ar chothromaíocht na cumhachta san Aontas (3) Bunaíodh an Ghníomhaireacht
Eorpach Iarnróid i dtosach le Rialachán (CE) Uimh. 881/2004 ó Pharlaimint
na hEorpa agus ón gComhairle an 29 Aibreán 2004[7], ar mhaithe le bunú limistéar
iarnróid Eorpach gan teorainneacha a chur chun cinn agus le cabhrú chun an
earnáil iarnróid a athbheochan agus na buntáistí ríthábhachtacha atá aici ó
thaobh na sábháilteachta de a atreisiú. Is gá ionstraim nua a chur in ionad
Rialachán 881/2004 mar thoradh ar an líon suntasach athruithe ar chúraimí na
Gníomhaireachta agus ar a heagrú inmheánach. (4) Beartaítear athruithe
tábhachtacha sa Cheathrú Pacáiste Iarnróid chun feidhmiú an limistéir Aonair
Eorpaigh a fheabhsú trí leasuithe trí bhíthin athmhúnlaithe ar an Treoir
2004/49/CE agus ar an Treoir 2008/57/CE, an péire acu nasctha go díreach le
cúraimí na Gníomhaireachta. Déantar foráil sna Treoracha sin, in éineacht leis
an Rialachán seo, go háirithe maidir le cúraimí a dhéanamh a bhaineann le
húdaruithe feithiclí agus deimhnithe sábháilteachta a eisiúint ar leibhéal an Aontais.
Tuigtear leo go mbeidh ról níos mó ag an nGníomhaireacht. (5) Ba cheart go rannchuideodh an
Ghníomhaireacht le Limistéar Aonair Iarnróid Eorpach gan teorainneacha a
chruthú agus a fheidhmiú go héifeachtach agus leibhéal ard sábháilteachta a
ráthú agus seasamh na hearnála iarnróid maidir le hiomaíocht a fheabhsú
freisin. Ba cheart é sin a bhaint amach trí rannchuidiú, ar ábhair theicniúla,
le reachtaíocht an Aontais Eorpaigh a chur chun feidhme trí leibhéal
idir-inoibritheachta na gcóras iarnróid a fheabhsú agus trí chur chuige
comhchoiteann a fhorbairt maidir le sábháilteacht ar an gcóras iarnróid
Eorpach. Ba cheart don Ghníomhaireacht ról a chomhlíonadh freisin mar údarás
Eorpach atá freagrach as údaruithe feithiclí iarnróid lena gcur ar an margadh agus
as cineálacha feithiclí, deimhnithe um shábháilteacht do ghnóthais iarnróid
agus údaruithe chun fochórais rialaithe-ordaithe agus comharthaíochta taobh
riain a chur i mbun seirbhíse a eisiúint. Ina theannta sin, ba cheart di
faireachán a dhéanamh ar rialacha iarnróid náisiúnta agus ar fheidhmíocht na n‑údarás
náisiúnta atá ag feidhmiú sna réimsí idir-inoibritheachta agus sábháilteachta
iarnróid. (6) Agus a cuspóirí á gcur i
gcrích aici, ba cheart don Ghníomhaireacht próiseas méadaithe an Aontais a thógáil
san áireamh go hiomlán chomh maith leis na bacainní ar leith a bhaineann le
naisc iarnróid le tríú tíortha. Ba cheart nach mbeadh freagracht ach ag an
nGníomhaireacht amháin as na feidhmeanna agus na cumhachtaí a shanntar di. (7) Ba cheart don Ghníomhaireacht,
agus a cúraimí á gcomhlíonadh aici, agus go háirithe maidir le moltaí a
dhréachtadh, saineolas seachtrach iarnróid a thógáil san áireamh a mhéad is
féidir. Ba cheart don shaineolas seo a bheith comhdhéanta den chuid is mó de
ghairmithe ón earnáil iarnróid agus ó údaráis náisiúnta ábhartha. Ba cheart
dóibh meithleacha inniúla ionadaíocha de chuid na Gníomhaireachta a dhéanamh. (8) Ar mhaithe le léargas a
thabhairt ar na hiarmhairtí eacnamaíocha ar an earnáil iarnróid agus a
thionchar ar an sochaí, agus le cur ar chumas daoine eile cinntí eolasacha a
dhéanamh, agus chun tosaíochtaí oibre agus leithdháilúcháin acmhainní a
bhainistiú ar bhealach níos éifeachtaí laistigh den Ghníomhaireacht, ba cheart
don Ghníomhaireacht forbairt bhreise a dhéanamh ar a rannpháirtíocht sna
gníomhaíochtaí measúnaithe tionchair. (9) Ba cheart don Ghníomhaireacht
tacaíocht theicniúil neamhspleách oibiachtúil a sholáthar, don Choimisiún den
chuid is mó. Tugtar bonn sa Treoir .... [Idir- inoibritheacht Iarnróid] maidir
le Sonraíochtaí Teicniúla Idir-inoibritheachta (STInna) a dhréachtú agus a
leasú agus tugtar bonn sa Treoir ... [Sábháilteacht Iarnróid] maidir le
Modhanna Sábháilteachta Comhchoiteanna (MSCanna) agus Spriocanna Sábháilteachta
Comhchoiteanna (SSCanna) a dhréachtú agus a leasú. Tá buanchreat teicniúil agus
foireann thiomnaithe de chuid comhlachta speisialaithe de dhíth ar mhaithe le
leanúnachas na hoibre agus forbairt na STInna, MSCanna agus SSCanna le himeacht
ama. Chuige seo, ba cheart don Ghníomhaireacht bheith freagrach as moltaí a
sholáthar don Choimisiún maidir le STInna, MSCanna agus SSCanna a dhréachtú
agus a leasú. Ba cheart go mbeadh an fhéidearthacht chéanna ag na heagraíochtaí
sábháilteachta náisiúnta agus ag na comhlachtaí rialála tuairim neamhspleách theicniúil
a iarraidh ón nGníomhaireacht. (10) Bhíodh fadhbanna éagsúla roimh
gnóthais iarnróid agus iad ag déanamh iarratais ar dheimhnithe slándála le
húdaráis inniúla náisiúnta, ó nósanna imeachta fada agus costais iomarcacha go
caitheamh neamhchothrom, go háirithe i gcás iontrálaithe nua. Níor aithníodh na
deimhnithe a eisíodh i mBallstát amháin gan choinníoll i mBallstát eile, chun
dochair don limistéar Aonair iarnróid Eorpach. Chun go mbeidh na nósanna
imeachta maidir le deimhnithe sábháilteachta a eisiúint le gnóthais iarnróid
níos éifeachtaí agus neamhchlaonta, tá sé riachtanach ascnamh i dtreo deimhniú
sábháilteachta aonair a bheidh bailí ar fud an Aontais agus a eiseoidh an
Ghníomhaireacht. Tugtar bonn chun an méid sin a dhéanamh sa Treoir … [An Treoir
um Shábháilteacht Iarnróid] leasaithe. (11) Faoi láthair déantar foráil i
dTreoir 2008/57/CE, i gcás feithiclí iarnróid, maidir le húdarú maidir le cur i
mbun seirbhíse i ngach Ballstát, ach amháin i gcásanna sonracha. Phléigh an
Tascfhórsa maidir le húdarú feithiclí a bhunaigh an Coimisiún in 2011 roinnt
cásanna inar fhulaing monaróirí agus gnóthais iarnróid de thoradh ar rófhad
agus róchostas an phróisis údaraithe agus mhol sé roinnt feabhsuithe. De bharr
go n‑eascraíonn roinnt de na fadhbanna as castacht an phróisis údaraithe
feithiclí atá ann faoi láthair, ba cheart é a shimpliú. Níor cheart go
bhfaigheadh aon fheithicil iarnróid ach údarú amháin agus ba cheart go n‑eiseodh
an Ghníomhaireacht an t údarú seo chun feithiclí a chur ar an margadh agus do
chineálacha feithiclí. Bheadh leasanna inláimhsithe ann dá bharr don earnáil
trí chostais agus am an nós imeachta a laghdú, agus mhaolódh sé an baol
féideartha idirdhealaithe, go háirithe i gcás cuideachtaí nua ar mian leo dul
isteach i margadh iarnróid. Tugtar bonn chun an méid sin a dhéanamh sa Treoir …
[Idir-inoibritheacht Iarnróid] leasaithe. (12) Ar mhaithe le forbairt bhreise
a dhéanamh ar an limistéar Aonair iarnróid Eorpach, go háirithe maidir le
faisnéis iomchuí a sholáthar do chustaiméirí lastais agus do phaisinéirí, agus
ag cur rannpháirtíocht reatha na Gníomhaireachta san áireamh, tá sé riachtanach
ról treisithe a thabhairt di i réimse na bhfeidhmchlár teileamaitice.
D’áiritheodh sé seo go ndéanfaí forbairt chomhleanúnach orthu agus go ndéanfaí
iad a imlonnú go tapa. (13) I bhfianaise chomh tábhachtach
agus atá an Córas Eorpach um Bainistiú Tráchta Iarnróid (ERTMS) chun forbairt
rianúil a dhéanamh ar an limistéar Aonair iarnróid Eorpach agus dá
shábháilteacht, agus ag cur san áireamh na forbartha ilroinnte a rinneadh air
go dtí seo, tá sé riachtanach an comhordú foriomlán a dhéantar air ar leibhéal
an Aontais a neartú. Dá bhrí sin, ba cheart ról níos lárnaí a bheith ag an
nGníomhaireacht, ag feidhmiú mar chomhlacht is inniúla an Aontais, sa réimse
seo lena n‑áirithiú go ndéanfar forbairt chomhsheasmhach ar an ERMTS,
rannchuidiú lena n áirithiú go gcomhlíonann trealamh an ERMTS sonraíochtaí atá
i bhfeidhm agus lena áirithiú go ndéanfar comhordú ar chláir thaighde Eorpacha
a bhaineann leis an ERMTS le forbairt shonraíochtaí teicniúla an ERMTS. Ina
theannta sin, chun go mbeidh na nósanna imeachta maidir le húdaruithe chun
fochórais rialaithe-ordaithe agus comharthaíochta taobh riain a eisiúint níos
éifeachtaí agus neamhchlaonta, tá sé riachtanach ascnamh i dtreo údarú aonair a
bheidh bailí san Aontais agus a eiseoidh an Ghníomhaireacht. Tugtar bonn chun
an méid sin a dhéanamh sa Treoir … [An Treoir maidir le hIdir-inoibritheacht
Iarnróid] leasaithe. (14) Bhíodh údaráis inniúla
náisiúnta ag gearradh táille go hiondúil as údaruithe feithiclí agus deimhnithe
sábháilteachta a eisiúint. Agus an inniúlacht á haistriú chuig leibhéal an
Aontais, ba cheart go mbeadh an Ghníomhaireacht i dteideal táille a ghearradh
as na deimhnithe agus na húdaruithe atá luaite sna haithrisí roimhe seo a
eisiúint. Ba cheart go mbeadh leibhéal na muirear sin cothrom le nó níos ísle
ná an meán reatha san Aontas agus ba cheart é a chinneadh i ngníomh tarmligthe
a ghlacfaidh an Coimisiún. (15) Is cuspóir ginearálta é gur
cheart aistriú feidhmeanna agus cúraimí ó na Ballstáit chuig an nGníomhaireacht
a dhéanamh go héifeachtúil, gan aon laghdú ar na leibhéil ard shábháilteachta
atá ann faoi láthair. Ba cheart go mbeadh acmhainní leormhaithe ag an
Ghníomhaireacht dá cúraimí nua, agus ba cheart go mbunófaí uainiú
leithdháileadh na n‑acmhainní sin ar riachtanais atá sainithe go soiléir.
Ag tógáil fios gnó na n‑údarás náisiúnta san áireamh, go háirithe na
hÚdaráis Náisiúnta Sábháilteachta, ba cheart an Ghníomhaireacht in ann úsáid
oiriúnach a bhaint as an saineolas sin agus na húdaruithe agus deimhnithe
ábhartha á mbronnadh. Chuige seo, ba cheart saineolaithe náisiúnta a thabhairt
ar iasacht chuig an nGníomhaireacht a spreagadh. (16) Déantar foráil sa Treoir …
[Sábháilteacht Iarnróid] agus sa Treoir … [Idir-inoibritheacht Iarnróid] maidir
le scrúdú a dhéanamh ar bhearta náisiúnta ó thaobh sábháilteachta agus
idir-inoibritheachta de, agus ó thaobh comhoiriúnachta le rialacha iomaíochta
de. Cuireann siad teorainn freisin leis an deis atá ag Ballstáit rialacha
náisiúnta nua a ghlacadh. Tá coinbhleachtaí féideartha ann le rialacha an
Aontais de thoradh ar an gcóras reatha ina bhfuil líon mór rialacha náisiúnta
fós ann agus cruthaíonn sé baol go mbeadh trédhearcacht neamhleor ann nó
idirdhealú faoi cheilt ar oibreoirí eachtracha, go háirithe na cinn níos lú nó
cinn nua. D'fhonn ascnamh i dtreo rialacha iarnróid atá trédhearcach
neamhchlaonta i ndáiríre ar leibhéal an Aontais, is gá atreisiú a dhéanamh ar
an laghdú de réir a chéile ar rialacha náisiúnta. Agus tá tuairim bunaithe ar
shaineolas neamhspleách neodrach riachtanach ar leibhéal an Aontais. Chuige
seo, is gá ról na Gníomhaireachta a neartú. (17) Tá nósanna imeachta
feidhmíochta, eagrúcháin agus cinnteoireachta i réimse na hidir-inoibritheachta
agus na sábháilteachta iarnróid an‑éagsúil i measc na n‑údarás
sábháilteachta náisiúnta agus na gcomhlachtaí um measúnú comhréireachta a
dtugtar fógra dóibh, rud a dhéanann dochar d'fheidhmiú rianúil an limistéir
Aonair iarnróid Eorpaigh. Is féidir leis seo tionchar diúltach a bheith aige ar
ghnóthais bheaga agus mheánmhéide ar mian leo dul isteach sa mhargadh iarnróid
i mBallstát eile go háirithe. Dá bhrí sin, tá comhordú neartaithe riachtanach
d'fhonn comhchuibhiú níos fearr a bhaint amach ar leibhéal an Aontais. Ba
cheart don Ghníomhaireacht faireachán a dhéanamh ar na húdaráis sábháilteachta
náisiúnta agus ar na comhlachtaí um measúnú comhréireachta a dtugtar fógra
dóibh trí bhíthin iniúchtaí agus cigireachtaí chuige seo. (18) I réimse na sábháilteachta, tá
sé tábhachtach an leibhéal trédhearcachta is mó is féidir agus sreabhadh
éifeachtach faisnéise a áirithiú. Tá sé tábhachtach feidhmíocht a anailísiú,
bunaithe ar tháscairí comhchoiteanna agus le baint ag gach páirtí san earnáil
léi, agus ba cheart é sin a dhéanamh. Maidir le staitisticí, is gá dul i
ndlúthchomhar le Eurostat. (19) D'fhonn faireachán a dhéanamh
ar dhul chun cinn maidir le hidir-inoibritheacht agus sábháilteacht, ba cheart
don Ghníomhaireacht a bheith freagrach as tuarascáil ábhartha a fhoilsiú gach
re bliain. I bhfianaise an tsaineolais theicniúil atá aici agus a
neamhchlaontachta, ba cheart don Ghníomhaireacht cúnamh a thabhairt don
Choimisiún freisin chun faireachán a dhéanamh ar chur chun feidhme reachtaíocht
sábháilteachta agus idir-inoibritheachta iarnróid an Aontais. (20) Ba cheart idir-inoibritheacht
an ghréasáin thras‑Eorpaigh a fheabhsú agus ba cheart na tionscadail
infheistíochta nua a roghnóidh an tAontas le cabhrú leo a bheith i gcomhréir le
cuspóir na hidir-inoibritheachta atá leagtha síos i gCinneadh Uimh. 1692/96/CE
ó Pharlaimint na hEorpa agus ón gComhairle an 23 Iúil 1996 maidir le
treoirlínte Comhphobail chun an gréasán Tras‑Eorpach iompair a fhorbairt[8]. Is í an Ghníomhaireacht an
institiúid cheart le rannchuidiú leis na cuspóirí sin. (21) Is cuid thábhachtach den
chóras sábháilteachta í cothabháil ar rothstoc. Ní raibh fíormhargadh Eorpach
ann go dtí seo chun cothabháil a dhéanamh ar threalamh iarnróid i ngeall is
nach bhfuil ann do chóras deimhniúcháin do cheardlanna cothabhála. Tá an méid
sin ag cur le costais don earnáil agus bíonn aistir gan ualach ann de thoradh
air. Dá bhrí sin, ba cheart córas deimhniúcháin Eorpach do cheardlanna
cothabhála a fhorbairt de réir a chéile agus a choinneáil cothrom le dáta, agus
is í an Ghníomhaireacht an comhlacht is iomchuí chun réitigh leordhóthanacha a
mholadh don Choimisiún. (22) Is gné thábhachtach iad na
cáilíochtaí gairmiúla atá de dhíth ar thiománaithe traenach sa tsábháilteacht
agus san idir-inoibritheacht araon san Aontas. Is réamhchoinníoll iad freisin
maidir le saorghluaiseacht oibrithe sa tionscal iarnróid. Ba cheart an creat
atá ann cheana féin don idirphlé sóisialta a urramú agus aghaidh á thabhairt ar
an gceist seo. Ba cheart don Ghníomhaireacht an tacaíocht theicniúil atá
riachtanach chun an ghné seo a thógáil san áireamh ar leibhéal an Aontais a
thógáil san áireamh. (23) Ba cheart don Ghníomhaireacht
comhar a eagrú agus a éascú i measc na n‑údarás sábháilteachta náisiúnta,
na gcomhlachtaí imscrúdaithe agus na gcomhlachtaí ionadaíocha ón earnáil
iarnróid atá ag feidhmiú ar an leibhéal Eorpach, d'fhonn dea-chleachtais a chur
chun cinn, faisnéis ábhartha a mhalartú, sonraí a bhaineann le hiarnróid a
bhailiú agus faireachán a dhéanamh ar fheidhmíocht sábháilteachta fhoriomlán an
chórais iarnróid. (24) D'fhonn an leibhéal
trédhearcachta is mó is féidir agus rochtain chothrom do gach páirtí ar
fhaisnéis ábhartha a áirithiú, ba cheart go mbeadh rochtain ag an bpobal ar na
doiciméid atá beartaithe sna próisis idir-inoibritheachta agus sábháilteachta
iarnróid. Is amhlaidh an scéal i gcás ceadúnas, deimhnithe sábháilteachta agus
doiciméad ábhartha iarnróid eile. Ba cheart don Ghníomhaireacht modh
éifeachtúil a sholáthar chun an fhaisnéis seo a mhalartú agus a fhoilsiú. (25) Is cúram tábhachtach é cur
chun cinn na nuálaíochta agus an taighde sa réimse iarnróid agus ba cheart don
Ghníomhaireacht é sin a spreagadh, i bhfianaise an clú agus an seasamh atá
aici. Níor cheart go mbeadh aon shaobhadh sa mhargadh ábhartha mar thoradh ar
aon chúnamh airgeadais a chuirfear ar fáil laistigh de chreat ghníomhaíochtaí
na Gníomhaireachta ar an ábhar seo. (26) D'fhonn éifeachtúlacht
thacaíocht airgeadais an Aontais, cáilíocht na tacaíochta sin agus a
comhoiriúnacht leis na ceanglais theicniúla ábhartha a mhéadú, ba cheart ról
gníomhach a bheith ag an nGníomhaireacht, mar an t‑aon chomhlacht amháin
de chuid an Aontais le hinniúlacht a tharraingíonn dea-chlú sa réimse iarnróid,
maidir le measúnú a dhéanamh ar thionscadail iarnróid. (27) D'fhéadfadh sé go gcruthóidh
reachtaíocht idir-inoibritheachta agus sábháilteachta iarnróid, treoracha cur
chun feidhme nó moltaí na Gníomhaireacht fadhbanna maidir lena léirmhíniú nó
fadhbanna eile do na geallsealbhóirí. Is réamhchoinníoll í tuiscint cheart
aonfhoirmeach ar na hionstraimí sin chun an acquis iarnróid a chur chun feidhme
go héifeachtach agus maidir le feidhmiú an mhargaidh iarnróid. Dá bhrí sin, ba
cheart don Ghníomhaireacht dul i mbun gníomhaíochtaí oiliúna agus míniúcháin go
gníomhach ina leith sin. (28) D'fhonn a cúraimí a dhéanamh i
gceart, ba cheart go mbeadh pearsantacht dhlítheanach agus buiséad uathrialach
a mhaoineofar go príomha le ranníocaíocht ón Aontas agus le táillí agus muirir
a íocfaidh iarratasóirí. D'fhonn neamhspleáchas a áirithiú sa bhainistíocht ó
lá go lá ar an nGníomhaireacht agus maidir leis na tuairimí, moltaí agus cinntí
a eiseoidh sí, ba cheart eagrú na Gníomhaireacht a bheith trédhearcach agus ba
cheart freagracht iomlán a bheith ag an Stiúrthóir Feidhmiúcháin. Ba cheart d'fhoireann
na Gníomhaireachta a bheith neamhspleách agus cothromaíocht oiriúnach de
chonarthaí gearrthéarmacha agus fadtéarmacha a léiriú, chun an t‑eolas
eagraíochtúil agus an leanúnachas gnó atá aici a choinneáil agus malartú
riachtanach leanúnach saineolais leis an earnáil iarnróid a choinneáil ag an am
céanna. (29) Lena n‑áirithiú go
mbainfear amach feidhmeanna na Gníomhaireacht go héifeachtach, ba cheart
ionadaithe a bheith ag na Ballstáit agus ag an gCoimisiún ar Bhord
Bainistíochta a dtabharfar na cumhachtaí riachtanacha dó, lena n‑áirítear
cumhachtaí chun an buiséad a bhunú agus chun cláir oibre bhliantúla agus
ilbhliantúla a fhormheas. (30) Chun trédhearcacht chinntí an
Bhoird Bhainistíochta a áirithiú, ba cheart go mbeadh ionadaithe ó na
hearnálacha lena mbaineann ag freastal ar na cruinnithe dá chuid, ach gan
cheart vótála acu; forchoimeádfar an ceart vótála sin d'ionadaithe na n‑údarás
poiblí atá freagrach do na húdaráis rialaithe daonlathacha. Ba cheart don
Choimisiún ionadaithe na hearnála a cheapadh bunaithe ar chomh ionadaíoch agus
atá siad ar leibhéal an Aontais ar ghnóthais iarnróid, bainisteoirí bonneagair,
an tionscal iarnróid, ceardchumainn na n‑oibrithe, paisinéirí agus
custaiméirí lastais. (31) Chun cruinnithe an Bhoird
Bhainistíochta a ullmhú i gceart agus chun comhairle a chur air maidir leis na
cinntí a bheidh le glacadh, ba cheart Bord Feidhmiúcháin comhairleach a
chruthú. (32) Is gá a áirithiú go mbeidh na
réitigh riachtanacha ag páirtithe a ndéanfaidh na cinntí a dhéanfaidh an
Ghníomhaireacht difear dóibh ar bhealach neamhspleách neamhchlaonta. Ba cheart
sásra oiriúnach achomhairc a bhunú le go bhféadfaidh cinntí an Stiúrthóra
Fheidhmiúcháin a bheith faoi réir achomhairc chuig Bord Achomhairc
speisialaithe, bord a d'fhéadfaí caingean a thionscnamh i gcoinne a chuid
cinntí roimh an gCúirt Bhreithiúnais ina dhiaidh sin. (33) Chabhródh dearcadh
straitéiseach níos leithne maidir le gníomhaíochtaí na Gníomhaireachta chun
pleanáil agus bainistiú níos éifeachtaí a dhéanamh ar a cuid acmhainní agus
rannchuideodh sé sin le caighdeán níos airde ar thorthaí na Gníomhaireachta. Ba
cheart don Bhord Bainistíochta, dá bhrí sin, clár oibre ilbhliantúil a ghlacadh
agus a thabhairt cothrom le dáta go rialta, tar éis dul i mbun comhairliúcháin
leis na geallsealbhóirí ábhartha i gceart. (34) Ba cheart d'obair na
Gníomhaireachta a bheith trédhearcach. Ba cheart rialú éifeachtach ó
Pharlaimint na hEorpa a áirithiú agus, chuige seo, ba cheart go mbeadh sé ar
chumas Pharlaimint na hEorpa éisteacht le Stiúrthóir Feidhmiúcháin na
Gníomhaireachta agus go rachfaí i gcomhairle leis faoin gclár oibre
ilbhliantúil. Ba cheart don Ghníomhaireacht reachtaíocht ábhartha an Aontais a
bhaineann le rochtain phoiblí ar dhoiciméid a chur i bhfeidhm freisin. (35) Le blianta beaga anuas, agus
níos mó gníomhaireachtaí díláraithe á gcruthú, tá iarrachtaí déanta ag an
údarás buiséadach trédhearcacht agus rialú ar bhainistiú chistí an Aontais a
leithdháiltear orthu a fheabhsú, go háirithe maidir le buiséadú táillí, rialú
airgeadais, cumhacht comhlíonta, ranníocaíochtaí scéimeanna pinsin agus an nós
imeachta buiséadach inmheánach (cód iompair). Ar an gcaoi chéanna, ba cheart
feidhm a bheith ag Rialachán (CE) Uimh. 1073/1999 ó Pharlaimint na hEorpa
agus ón gComhairle an 25 Bealtaine 1999 maidir le himscrúduithe arna
ndéanamh ag an Oifig Eorpach Frith‑Chalaoise (OLAF)[9] gan choinníoll i leith na
Gníomhaireachta, agus ba cheart di aontú do Chomhaontú Idirinstitiúideach an
25 Bealtaine 1999 idir Parlaimint na hEorpa, Comhairle an Aontais
Eorpaigh agus Coimisiún na gComhphobal Eorpach maidir le himscrúduithe
inmheánacha arna ndéanamh ag an Oifig Eorpach Frith‑Chalaoise[10]. (36) Ó tharla nach féidir leis na
Ballstáit cuspóirí an bhirt atá beartaithe, eadhon comhlacht speisialaithe a
bhunú chun réitigh chomhchoiteanna a cheapadh i gcúrsaí a bhaineann le
sábháilteacht agus idir-inoibritheacht iarnróid, a bhaint amach go
leordhóthanach ós obair chomhpháirteach an obair atá le déanamh agus gur fearr
dá bhrí sin is féidir iad a bhaint amach ar leibhéal an Aontais, féadfaidh an
tAontas bearta a ghlacadh i gcomhréir le prionsabal na coimhdeachta mar atá
leagtha amach in Airteagal 5 den Chonradh. I gcomhréir le prionsabal na
comhréireachta mar atá leagtha amach san Airteagal sin, ní théann an Rialachán
seo thar a bhfuil riachtanach chun na cuspóirí sin a bhaint amach. (37) D'fhonn leibhéal na dtáillí
agus na muirear, a mbeidh an Ghníomhaireacht i dteideal a ghearradh, a
chinneadh i gceart, ba cheart an chumhacht chun gníomhartha a ghlacadh i
gcomhréir le hAirteagal 290 den Chonradh ar Fheidhmiú an Aontais Eorpaigh
a tharmligean chuig an gCoimisiún i ndáil le hairteagail a bhaineann leis na
nithe seo a leanas a eisiúint agus a athnuachan: údaruithe le haghaidh
fochórais rialaithe-ordaithe agus chomharthaíochta taobh riain a chur i mbun
seirbhíse, údaruithe le haghaidh feithiclí a chur ar an margadh agus le
haghaidh cineálacha feithiclí, agus deimhnithe sábháilteachta. Tá sé thar a
bheith tábhachtach go gcuirfidh an Coimisiún comhairliúcháin iomchuí i gcrích
le linn a chuid oibre ullmhúcháin, lena n‑áirítear le saineolaithe.
Ba cheart don Choimisiún, le linn dó gníomhartha tarmligthe a ullmhú agus a
tharraingt suas, a áirithiú go ndéanfar doiciméid ábhartha a chur chuig
Parlaimint na hEorpa agus chuig an gComhairle ar bhealach comhuaineach,
tráthúil agus iomchuí. (38) Chun cur chun feidhme
Airteagail 21 agus Airteagal 22 den Rialachán seo, a bhaineann le
himscrúdú ar dhréacht‑rialacha náisiúnta agus ar rialacha atá i bhfeidhm,
a áirithiú, ba cheart cumhachtaí cur chun feidhme a thabhairt don Choimisiún. (39) Chun coinníollacha
aonfhoirmeacha a áirithiú le haghaidh cur chun feidhme Airteagal 29, Airteagal 30,
Airteagal 31 agus Airteagal 51 den Rialachán seo, ba cheart
cumhachtaí cur chun feidhme a thabhairt don Choimisiún. Ba cheart na cumhachtaí
sin a fheidhmiú i gcomhréir le Rialachán (AE) Uimh. 182/2011 ó Pharlaimint
na hEorpa agus ón gComhairle an 16 Feabhra 2011 lena leagtar síos na
rialacha agus prionsabail ghinearálta a bhaineann le meicníochtaí le haghaidh
rialú na mBallstát ar fheidhmiú a chumhachtaí cur chun feidhme ag an
gCoimisiún. (40) Chun an Comhráiteas agus an
Cur Chuige Comhchoiteann arna gcomhaontú ag an Meitheal Idirinstitiúideach ar
ghníomhaireachtaí díláraithe an AE i mí Iúil 2012 a chomhlíonadh, is gá
prionsabail áirithe a chur chun feidhme maidir le rialachas na Gníomhaireachta. (41) Urramaítear na cearta
bunúsacha leis an Rialachán seo mar aon leis na prionsabail a aithnítear go
háirithe i gCairt um Chearta Bunúsacha an Aontais Eorpaigh, TAR ÉIS AN RIALACHÁN SEO A GHLACADH: CAIBIDIL 1 PRIONSABAIL Airteagal 1 Ábhar
agus raon feidhme 1.
Leis an Rialachán seo bunaítear Gníomhaireacht
Iarnróid an Aontais Eorpaigh (an "Ghníomhaireacht"). 2.
Déantar foráil sa Rialachán seo maidir leis na
nithe seo a leanas: (a)
an Ghníomhaireacht a bhunú agus na cúraimí a
ghabhann léi; (b)
cúraimí na mBallstát. 3.
Beidh feidhm ag an Rialachán seo maidir leis na
nithe seo a leanas: (c)
idir-inoibritheacht laistigh de chóras iarnróid an
Aontais dá bhforáiltear i dTreoir ../../.AE [an Treoir maidir le
hIdir-inoibritheacht Iarnróid]; (d)
sábháilteacht chóras iarnróid an Aontais dá
bhforáiltear i dTreoir ../../.AE [an Treoir um Shábháilteacht Iarnróid]; (e)
deimhniúchán na dtiománaithe traenach dá
bhforáiltear i dTreoir 2007/59/CE ó Pharlaimint na hEorpa agus ón gComhairle an
23 Deireadh Fómhair 2007 maidir le deimhniúchán a dhéanamh ar
thiománaithe traenach a bhfuil innill féinghluaiste agus traenacha á n‑oibriú
acu i gcóras iarnróid an Chomhphobail [Treoir na dTiománaithe Iarnróid]. Airteagal 2 Stádas
dlítheanach 1.
Comhlacht an Aontais, a mbeidh pearsantacht
dhlítheanach aici, a bheidh sa Ghníomhaireacht. 2.
I ngach ceann de na Ballstáit, beidh an inniúlacht
dhlítheanach is fairsinge a thugtar do dhaoine dlítheanacha faoina ndlíthe ag
an nGníomhaireacht. Féadfaidh sí, go háirithe, maoin shochorraithe agus maoin
dhochorraithe a fháil nó a dhiúscairt agus féadfaidh sí bheith ina páirtí in
imeachtaí dlíthiúla. 3.
Déanfaidh a Stiúrthóir ionadaíocht ar an
nGníomhaireacht. Airteagal 3 Cineálacha
ghníomhartha na Gníomhaireachta Féadfaidh an Ghníomhaireacht: (a) moltaí a chur faoi bhráid an
Choimisiúin a bhaineann leis na hAirteagail seo a leanas a chur i bhfeidhm: 11,
13, 14, 15, 23, 24, 26, 30, 32, 31, 33 agus 41; (b) moltaí a chur faoi bhráid na
mBallstát a bhaineann leis na hAirteagail seo a leanas a chur i bhfeidhm: 21,
22 agus 30; (c) tuairimí a thabhairt don Choimisiún
de bhun Airteagal 9, Airteagal 21, Airteagal 22 agus Airteagal 38,
agus do na húdaráis lena mbaineann sna Ballstáit de bhun Airteagal 9; (d) cinntí a dhéanamh de bhun Airteagal 12,
Airteagal 16, Airteagal 17 agus Airteagal 18; (e) tuairimí a eisiúint maidir le cad is
modhanna inghlactha comhlíonta ann de bhun Airteagal 15; (f) doiciméid theicniúla a eisiúint de
bhun Airteagal 15; (g) tuarascálacha iniúchta a eisiúint de
bhun Airteagal 29 agus Airteagal 30; (h) treoirlínte agus doiciméad
neamhcheangailteacha eile lena n‑éascaítear cur i bhfeidhm na
reachtaíochta idir-inoibritheachta agus sábháilteachta a eisiúint de bhun Airteagal 11,
Airteagal 15 agus Airteagal 24. CAIBIDIL 2 MODHANNA OIBRE Airteagal 4 Cruthú
agus comhdhéanamh na meithleacha 1.
Bunóidh an Ghníomhaireacht líon teoranta
meithleacha chun moltaí a tharraingt suas, go háirithe maidir le sonraíochtaí
teicniúla idir-inoibritheachta (STInna), modhanna sábháilteachta comhchoiteanna
(MSCanna) agus spriocanna sábháilteachta comhchoiteanna (SSCanna). Féadfaidh an Ghníomhaireacht meithleacha a bhunú i
gcásanna eile a bhfuil údar cuí leo ar iarratas ón gCoimisiún nó dá stuaim
féin, tar éis dul i gcomhairle leis an gCoimisiún. 2.
Ceapfaidh an Ghníomhaireacht saineolaithe sna
meithleacha. Ceapfaidh an Ghníomhaireacht ionadaithe sna
meithleacha, ionadaithe a ainmneoidh na húdaráis náisiúnta atá inniúil maidir
leis na meithleacha inar mian leo a bheith rannpháirteach. Ceapfaidh an Ghníomhaireacht gairmithe ón earnáil
iarnróid sna meithleacha, ón liosta dá dtagraítear i mír 3. Áiritheoidh sí go
mbeidh ionadaíocht leordhóthanacha ar na hearnálacha sin den tionscal agus ar
na húsáideoirí sin a d'fhéadfadh na bearta a fhéadfaidh an Coimisiún a mholadh
bunaithe ar na moltaí a chuirfidh an Ghníomhaireacht faoina bhráid difear a
dhéanamh dóibh. Féadfaidh an Ghníomhaireacht saineolaithe
neamhspleácha agus ionadaithe ó eagraíochtaí idirnáisiúnta a aithnítear mar
eagraíochtaí inniúla sa réimse lena mbaineann a cheapadh sna meithleacha, más
gá. Ní fhéadfar baill foirne na Gníomhaireachta a cheapadh sna meithleacha. 3.
Seolfaidh gach comhlacht ionadaíoch dá dtagraítear
in Airteagal 34 liosta de na saineolaithe is incháilithe atá faoi
shainchúram ionadaíocht a dhéanamh orthu i ngach meitheal ar aghaidh chuige an
nGníomhaireacht. 4.
I gcás ar bith ina mbeidh tionchar díreach ag obair
na meithleacha den sórt sin ar dhálaí oibre, sláinte agus sábháilteacht na n‑oibrithe
sa tionscal, beidh ionadaithe ó eagraíochtaí na n‑oibrithe rannpháirteach
na meithleacha ábhartha mar chomhaltaí iomlána. 5.
Seasfaidh an Ghníomhaireacht speansais taistil agus
chothabhála chomhaltaí na meithleacha, bunaithe ar rialacha agus ar scálaí a
ghlacfaidh an Bord Bainistíochta. 6.
Is ionadaí ón nGníomhaireacht a bheidh ina
chathaoirleach ar na meithleacha. 7.
Beidh obair na meithleacha trédhearcach. Leagfaidh
an Bord Bainistíochta síos rialacha nós imeachta na meithleacha. Airteagal 5 Comhairliúchán
leis na comhpháirtithe sóisialta I gcás ar bith ina mbeidh tionchar díreach ag
an obair dá bhforáiltear in Airteagal 11, Airteagal 12, Airteagal 15
agus Airteagal 32 ar thimpeallacht shóisialta nó ar dhálaí oibre na n‑oibrithe
sa tionscal, rachaidh an Ghníomhaireacht i mbun comhairliúcháin leis na
comhpháirtithe sóisialta laistigh de chreat an choiste um agallamh earnálach a
bunaíodh de bhun Chinneadh 98/500/CE[11]. Eagrófar na comhairliúcháin sin sula gcuirfidh
an Ghníomhaireacht a moltaí faoi bhráid an Choimisiúin. Tabharfaidh an
Ghníomhaireacht aird iomchuí ar na comhairliúcháin sin agus beidh sí ar fáil, i
gcónaí, chun a cuid moltaí a léirmhíniú. Seolfaidh an Ghníomhaireacht na
tuairimí a chuirfidh an coiste um agallamh earnálach in iúl ar aghaidh chuig an
gCoimisiún agus seolfaidh an Coimisiún ar aghaidh chuig an gcoiste dá
dtagraítear in Airteagal 75 iad. Airteagal 6 Comhairliúchán
le custaiméirí lastais iarnróid agus le paisinéirí I gcás ar bith ina mbeidh tionchar díreach ag
an obair dá bhforáiltear in Airteagal 11 agus Airteagal 15 ar
chustaiméirí lastais iarnróid agus ar phaisinéirí, rachaidh an Ghníomhaireacht
i gcomhairle leis na heagraíochtaí a dhéanann ionadaíocht orthu. Déanfaidh an
Coimisiún liosta na n‑eagraíochtaí a rachfar i gcomhairle leo a
tharraingt suas le cúnamh ón gcoiste dá dtagraítear in Airteagal 75. Eagrófar na comhairliúcháin sin sula gcuirfidh
an Ghníomhaireacht a tograí faoi bhráid an Choimisiúin. Tabharfaidh an
Ghníomhaireacht aird iomchuí ar na comhairliúcháin sin agus beidh sí ar fáil, i
gcónaí, chun a cuid tograí a léirmhíniú. Seolfaidh an Ghníomhaireacht na
tuairimí a chuirfidh na heagraíochtaí lena mbaineann in iúl ar aghaidh chuig an
gCoimisiún agus seolfaidh an Coimisiún ar aghaidh chuig an gcoiste dá
dtagraítear in Airteagal 75 iad. Airteagal 7 Measúnú
tionchair 1.
Tabharfaidh an Ghníomhaireacht faoi mheasúnú
tionchair ar a cuid moltaí agus tuairimí. Glacfaidh an Bord Bainistíochta
modheolaíocht measúnaithe tionchair bunaithe ar mhodheolaíocht an Choimisiúin.
Déanfaidh an Ghníomhaireacht idirchaidreamh leis an gCoimisiún lena áirithiú go
dtabharfar aird iomchuí ar obair ábhartha ag an gCoimisiún. 2.
Sula seolfar gníomhaíocht atá san áireamh sa chlár
oibre, tabharfaidh an Ghníomhaireacht faoi mheasúnú tionchair luath ina leith
ina sonrófar na nithe seo a leanas: (a)
an cheist atá le réiteach agus na réitigh a
d'fhéadfadh a bheith uirthi; (b)
a mhéad agus a bheadh gníomh ar leith de dhíth,
lena n‑áirítear moladh nó tuairim de chuid na Gníomhaireachta a chur
amach; (c)
an rannchuidiú a bheifeá ag súil leis ón nGníomhaireacht
chun an fhadhb a réiteach. Ina theannta sin, beidh gach gníomhaíocht agus
tionscadal sa chlár oibre faoi réir anailíse éifeachtúlachta ina aonar agus i
gcomhar lena chéile, chun an úsáid is fearr a bhaint as buiséad agus as
acmhainní na Gníomhaireachta. 3.
Féadfaidh an Ghníomhaireacht measúnú ex post a
dhéanamh ar an reachtaíocht a eascraíonn óna moltaí. 4.
Cuirfidh na Ballstáit na sonraí atá riachtanach don
mheasúnú tionchair ar fáil don Ghníomhaireacht. Airteagal 8 Staidéir Nuair is gá chun a cuid cúraimí a chur chun
feidhme, ordóidh an Ghníomhaireacht staidéir a dhéanamh agus maoineoidh sí óna
buiséad iad. Airteagal 9 Tuairimí 1.
Tabharfaidh an Ghníomhaireacht tuairimí uaithi ar
iarratas ó na comhlachtaí rialála náisiúnta dá dtagraítear in Airteagal 55
den Treoir 2012/34/AE [An Treoir lenar bunaíodh Limistéar Aonair Iarnróid
Eorpach (athmhúnlú)] maidir leis na gnéithe a bhaineann le sábháilteacht agus
le hidir-inoibritheacht in ábhair a chuirfear ar a súile. 2.
Tabharfaidh an Ghníomhaireacht tuairimí uaithi ar
iarratas ón gCoimisiún maidir le leasuithe ar aon ionstraim a ghlacfar ar bhonn
Threoir … [An Treoir maidir le hIdir-inoibritheacht] nó ar bhonn Threoir …
[An Treoir um Shábháilteacht Iarnróid], go háirithe i gcás ina gcuirtear aon
easpa líomhnaithe in iúl. 3.
Maidir leis na tuairimí dá dtagraítear sna míreanna
roimhe seo agus in airteagail eile sa Rialachán seo, tabharfaidh an
Ghníomhaireacht a tuairimí uaithi laistigh de dhá mhí, mura gcomhaontófar a
mhalairt. Cuirfidh an Ghníomhaireacht na tuairimí ar fáil go poiblí laistigh de
dhá mhí i leagan óna mbainfear gach ábhar lena mbaineann rúndacht thráchtála
de. Airteagal 10 Cuairteanna
ar Bhallstáit 1.
Féadfaidh an Ghníomhaireacht cuairteanna a
thabhairt ar Bhallstáit d'fhonn a cúraimí a chomhlíonadh, go háirithe iad siúd
dá dtagraítear in Airteagail 12, 21, 22, 16, 17, 27, 29, 30, 31 agus 38, i
gcomhréir leis an mbeartas arna shainiú ag an mBord Bainistíochta. 2.
Cuirfidh an Ghníomhaireacht an Ballstát lena
mbaineann ar an eolas faoin gcuairt atá beartaithe, faoi ainmneacha oifigigh
tarmligthe na Gníomhaireachta agus faoin dáta ar a dtosóidh an chuairt.
Déanfaidh oifigigh na Gníomhaireachta a tharmligtear chun cuairteanna den sórt
sin a dhéanamh an méid sin tar éis cinneadh ón Stiúrthóir Feidhmiúcháin a chur
faoina mbráid ina sonrófar cuspóirí agus aidhmeanna na cuairte. 3.
Éascóidh údaráis náisiúnta na mBallstát obair
fhoireann na Gníomhaireachta. 4.
Déanfaidh an Ghníomhaireacht tuarascáil a
tharraingt suas maidir le gach cuairt agus seolfaidh sí chuig an gCoimisiún agus
chuig an mBallstát lena mbaineann í. 5.
Tá na míreanna roimhe seo gan dochar do na
cigireachtaí dá dtagraítear in Airteagal 29 (6) agus in Airteagal 30
(6) a leanfar i gcomhréir leis an nós imeachta atá tuairiscthe iontu. CAIBIDIL 3 Cúraimí a bhaineann le SÁbháilteacht Iarnróid Airteagal 11 Tacaíocht
theicniúil – moltaí maidir le sábháilteacht iarnróid 1.
Tabharfaidh an Ghníomhaireacht moltaí uaithi chuig
an gCoimisiún maidir leis na Modhanna Sábháilteachta Comhchoiteanna (MSCanna)
agus Spriocanna Sábháilteachta Comhchoiteanna (SSCanna) dá bhforáiltear in Airteagal 6
agus in Airteagal 7 den Treoir … [an Treoir um Shábháilteacht Iarnróid].
Tabharfaidh an Ghníomhaireacht moltaí uaithi chuig an gCoimisiún freisin maidir
le leasú tréimhsiúil ar MSCanna agus SSCanna. 2.
Tabharfaidh an Ghníomhaireacht moltaí uaithi chuig
an gCoimisiún, ar iarratas ón gCoimisiún nó dá stuaim féin, maidir le bearta
eile i réimse na sábháilteachta. 3.
Féadfaidh an Ghníomhaireacht treoirlínte agus
doiciméid neamhcheangailteacha eile a thabhairt uaithi chun cur chun feidhme na
reachtaíochta sábháilteachta iarnróid a éascú. Airteagal 12 Deimhnithe
sábháilteachta Eiseoidh an Ghníomhaireacht deimhnithe
sábháilteachta aonair i gcomhréir le hAirteagal 10 agus Airteagal 11
den Treoir … [an Treoir um Shábháilteacht]. Airteagal 13 Cothabháil feithiclí 1.
Cabhróidh an Ghníomhaireacht leis an gCoimisiún i
dtaca leis an gcóras deimhniúcháin ar na heintitis atá i bhfeidhil cothabhála i
gcomhréir le hAirteagal 14(6) den Treoir … [an Treoir um Shábháilteacht
Iarnróid]. 2.
Tabharfaidh an Ghníomhaireacht moltaí uaithi chuig
an gCoimisiún i bhfianaise Airteagal 14(7) den Treoir … [an Treoir um
Shábháilteacht Iarnróid]. 3.
Déanfaidh an Ghníomhaireacht anailís ar aon bheart
malartach a chinnfear i gcomhréir le hAirteagal 15 den Treoir … [an Treoir
um Shábháilteacht Iarnróid] sa tuarascáil dá dtagraítear in Airteagal 30
(2) den Rialachán seo. Airteagal 14 Earraí contúirteacha a iompar
d'iarnród Déanfaidh an Ghníomhaireacht forbairtí a
leanúint sa reachtaíocht ina bpléitear le hearraí contúirteacha a iompar
d'iarnród laistigh den chiall sa Treoir 2008/68/CE ó Pharlaimint na hEorpa agus
ón gComhairle[12]
agus cuirfidh sí i gcomparáid leis an reachtaíocht ina bpléitear le
hidir-inoibritheacht agus sábháilteacht iarnród iad, go háirithe na ceanglais
riachtanacha. Chuige seo, cabhróidh an Ghníomhaireacht leis an gCoimisiún agus
féadfaidh sí moltaí a thabhairt uaithi ar iarratas ón gCoimisiún nó dá stuaim
féin. CAIBIDIL 4 Cúraimí a bhaineann le hIdir-inoibritheacht Airteagal 15 Tacaíocht theicniúil i réimse na
hidir-inoibritheachta iarnróid 1.
Déanfaidh an Ghníomhaireacht an méid seo a leanas: (a)
moltaí a thabhairt uaithi don Choimisiún maidir
leis na STInna, agus leasú orthu, i gcomhréir le hAirteagal 5 den Treoir …
[An Treoir maidir le hIdir-inoibritheacht]; (b)
moltaí a thabhairt uaithi don Choimisiún maidir
leis na teimpléid do dhearbhú fíoraithe an 'AE' agus maidir leis na doiciméid
sa chomhad teicniúil is gá a bheith ag gabháil leis, i gcomhréir le hAirteagal 15
den Treoir … [An Treoir maidir le hIdir-inoibritheacht]; (c)
moltaí a thabhairt uaithi don Choimisiún maidir le
sonraíochta i gcomhair clár, agus leasú orthu, i gcomhréir le hAirteagal 43,
Airteagal 44 agus Airteagal 45 den Treoir … [An Treoir maidir le
hIdir-inoibritheacht]; (d)
tuairimí a thabhairt uaithi a bheidh ina modhanna
inghlactha comhlíonta ó thaobh easpaí STI de, i gcomhréir le hAirteagal 6(2)
den Treoir … [An Treoir maidir le hIdir-inoibritheacht]; (e)
tuairimí a thabhairt uaithi don Choimisiún maidir
le hiarratais ó na Ballstáit gan STInna a chur i bhfeidhm, i gcomhréir le hAirteagal 7
den Treoir … [An Treoir maidir le hIdir-inoibritheacht]; (f)
doiciméid theicniúla a eisiúint i gcomhréir le hAirteagal 4(9)
den Treoir … [An Treoir maidir le hIdir-inoibritheacht]; (g)
moltaí a thabhairt uaithi don Choimisiún a
bhaineann le dálaí oibre na mball foirne uile a thugann faoi chúraimí atá
criticiúil ó thaobh na sábháilteachta de. 2.
Chun na moltaí dá dtagraítear i mír 1, pointe (a)
agus pointe (b) a dhréachtú, déanfaidh an Ghníomhaireacht a áirithiú: (a)
go gcuirfear na STInna agus na sonraíochtaí le
haghaidh clár in oiriúint don dul chun cinn teicniúil agus treochtaí sa
mhargadh agus do cheanglais shóisialta; (b)
go ndéanfar comhordú ar fhorbairt na STInna agus ar
iad a choinneáil cothrom le dáta, ar lámh amháin, agus forbairt ar aon
chaighdeán Eorpach a bheidh riachtanach ó thaobh na hidir-inoibritheachta de,
ar an lámh eile, agus teagmháil ábhartha a choinneáil leis na comhlachtaí
Eorpacha um chaighdeánú. 3.
Féadfaidh an Ghníomhaireacht treoirlínte agus
doiciméid neamhcheangailteacha eile a thabhairt uaithi chun cur chun feidhme na
reachtaíochta idir-inoibritheachta iarnróid a éascú. Airteagal 16 Údaruithe chun feithiclí a chur ar an
margadh Eiseoidh an Ghníomhaireacht údaraithe le
haghaidh feithiclí iarnróid lena gcur ar an margadh i gcomhréir le hAirteagal 20
den Treoir … [an Treoir maidir le hIdir-inoibritheacht]. Airteagal 17 Údaruithe chun cineálacha feithiclí a
chur ar an margadh Eiseoidh an Ghníomhaireacht údaraithe le
haghaidh cineálacha feithiclí lena gcur ar an margadh i gcomhréir le hAirteagal 22
den Treoir … [an Treoir maidir le hIdir-inoibritheacht]. Airteagal 18 Údaruithe chun fochórais
rialaithe-ordaithe agus comharthaíochta taobh riain a chur i mbun seirbhíse Eiseoidh an Ghníomhaireacht údaraithe chun
fochórais rialaithe-ordaithe agus comharthaíochta taobh riain atá lonnaithe nó
á n‑oibriú san Aontas ar fad a chur i mbun seirbhíse i gcomhréir le
hAirteagal 18 den Treoir … [an Treoir maidir le
hIdir-inoibritheacht]. Airteagal 19 Feidhmchláir theileamaitice 1.
Feidhmeoidh an Ghníomhaireacht ina húdarás córais,
a bheidh freagrach as sonraíochtaí teicniúla a choinneáil le haghaidh na
feidhmchláir theileamaitice, i gcomhréir leis na STInna ábhartha. 2.
Déanfaidh an Ghníomhaireacht an nós imeachta maidir
le hiarratais ar athruithe ar na sonraíochtaí seo a bhainistiú a shainiú, a
fhoilsiú agus a chur i bhfeidhm. Chuige seo, déanfaidh an Ghníomhaireacht clár
na n‑iarratas ar athruithe ar shonraíochtaí na bhfeidhmchlár
teileamaitice agus a státas a bhunú agus a choinneáil. 3.
Déanfaidh an Ghníomhaireacht na huirlisí teicniúla
chun bainistiú a dhéanamh ar na leaganacha difriúla de shonraíochtaí na
bhfeidhmchlár teileamaitice a fhorbairt agus a choinneáil. 4.
Tabharfaidh an Ghníomhaireacht cúnamh don
Choimisiún maidir le faireachán a dhéanamh ar imlonnú na bhfeidhmchlár
teileamaitice i gcomhréir leis na STInna ábhartha. Airteagal 20 Tacaíocht do na comhlachtaí
measúnaithe comhréireachta dá dtugtar fógra 1.
Tabharfaidh an Ghníomhaireacht tacaíocht do
ghníomhaíochtaí na gcomhlachtaí measúnaithe comhréireachta dá dtugtar fógra dá
dtagraítear in Airteagal 27 den Treoir … [an Treoir maidir le
hIdir-inoibritheacht]. Cuimseofar sa tacaíocht sin go háirithe treoirlínte a
dhréachtú maidir le measúnú a dhéanamh ar chomhréireacht nó oiriúnacht úsáide
comhpháirte idir-inoibritheachta dá dtagraítear in Airteagal 9 den Treoir
… [an Treoir maidir le hIdir-inoibritheacht] agus treoirlínte do nós imeachta
fíoraithe an CE dá dtagraítear in Airteagal 10 den Treoir … [an Treoir
maidir le hIdir-inoibritheacht]. 2.
Éascóidh an Ghníomhaireacht comhar na gcomhlachtaí
measúnaithe comhréireachta dá dtugtar fógra, go háirithe trí fheidhmiú mar
rúnaíocht theicniúil dá ngrúpa comhair. CAIBIDIL 5 Cúraimí a bhaineann le Rialacha Náisiúnta Airteagal 21 Scrúdú ar dréachtrialacha náisiúnta 1.
Déanfaidh an Ghníomhaireacht scrúdú ar na
dréachtrialacha náisiúnta a sheolfar chuici, laistigh de dhá mhí ón uair go
bhfaighfear iad, i gcomhréir le: (a)
Airteagal 8(2) den Treoir … [an Treoir um
Shábháilteacht Iarnróid], (b)
Airteagal 14 den Treoir … [an Treoir maidir le
hIdir-inoibritheacht]. 2.
I gcás ina measfaidh an Ghníomhaireacht, tar éis an
scrúdaithe dá dtagraítear i mír 1, go gcuirfidh na rialacha náisiúnta ar chumas
na ceanglais riachtanacha ó thaobh na hidir-inoibritheachta de a chomhlíonadh,
na MSCanna a urramú agus na SSCanna a bhaint amach, agus nach mbeadh aon
idirdhealú treallach ná srian faoi cheilt ar oibriú iompair iarnróid idir
Ballstáit mar thoradh orthu, cuirfidh an Ghníomhaireacht an Coimisiún agus an
Ballstát lena mbaineann ar an eolas faoina measúnú dearfach. Féadfaidh an
Coimisiún an riail a bhailíochtú sa chóras TF dá dtagraítear in Airteagal 23.
3.
I gcás ina mbeidh measúnú diúltach ann de thoradh
an scrúdaithe dá dtagraítear i mír 1, déanfaidh an Ghníomhaireacht an méid seo
a leanas: (a)
moladh a thabhairt uaithi chuig an mBallstát lena
mbaineann ina sonrófar na cúiseanna nár cheart don riail atá i gceist theacht i
bhfeidhm agus/nó a chur i bhfeidhm; (b)
an Coimisiún a chur ar an eolas faoina measúnú
diúltach. 4.
I gcás nach ndéanfaidh an Ballstát aon ghníomh
laistigh de 2 mhí tar éis moladh na Gníomhaireachta dá dtagraítear i bpointe
(a) de mhír 3 a fháil, féadfaidh an Coimisiún, tar éis an t‑eolas dá
dtagraítear i bpointe (b) de mhír 3 a fháil agus tar éis dó éisteacht leis na
cúiseanna a bhí ag an mBallstát lena mbaineann, cinneadh a ghlacadh a chuirfear
faoi bhráid an Bhallstáit lena mbaineann ina n‑iarrfar air an
dréachtriail atá i gceist a mhodhnú nó cur i bhfeidhm, teacht i bhfeidhm nó cur
chun feidhme na rialach a chur ar fionraí. Airteagal 22 Scrúdú
ar rialacha náisiúnta atá i bhfeidhm 1.
Déanfaidh an Ghníomhaireacht scrúdú ar na
dréachtrialacha náisiúnta a sheolfar chuici, laistigh de dhá mhí ón uair go
bhfaighfear iad, i gcomhréir le hAirteagal 14(3) den Treoir … [an Treoir
maidir le hIdir-inoibritheacht]. 2.
I gcás ina measfaidh an Ghníomhaireacht, tar éis an
scrúdaithe dá dtagraítear i mír 1, go gcuirfidh na rialacha náisiúnta ar chumas
na ceanglais riachtanacha ó thaobh na hidir-inoibritheachta de a chomhlíonadh
agus na SSCanna a bhaint amach, agus nach mbeadh aon idirdhealú treallacha ná
srian faoi cheilt ar oibriú iompair iarnróid idir Ballstáit mar thoradh orthu,
cuirfidh an Ghníomhaireacht an Coimisiún agus an Ballstát lena mbaineann ar an
eolas faoina measúnú dearfach. Féadfaidh an Coimisiún an riail a bhailíochtú sa
chóras TF dá dtagraítear in Airteagal 23. 3.
I gcás ina mbeidh measúnú diúltach ann de thoradh
an scrúdaithe dá dtagraítear i mír 1, déanfaidh an Ghníomhaireacht an méid seo
a leanas: (c)
moladh a thabhairt uaithi chuig an mBallstát lena
mbaineann ina sonrófar na cúiseanna gur cheart an riail atá i gceist a mhodhnú
nó a aisghairm; (d)
an Coimisiún a chur ar an eolas faoina measúnú
diúltach. 4.
I gcás nach ndéanfaidh an Ballstát aon ghníomh
laistigh de 2 mhí tar éis moladh na Gníomhaireachta dá dtagraítear i bpointe
(a) de mhír 3 a fháil, féadfaidh an Coimisiún, tar éis an t‑eolas dá
dtagraítear i bpointe (b) de mhír 3 a fháil agus tar éis dó éisteacht leis na
cúiseanna a bhí ag an mBallstát lena mbaineann, cinneadh a ghlacadh a chuirfear
faoi bhráid an Bhallstáit lena mbaineann ina n‑iarrfar air an riail atá i
gceist a mhodhnú nó a aisghairm. 5.
Beidh feidhm leis an nós imeachta dá dtagraítear i
mír 2 agus i mír 3, mutatis mutandis, i gcásanna ina gcuirfear ar a shúile don
Ghníomhaireacht go bhfuil aon riail náisiúnta, bíodh sé ina riail ar tugadh
fógra ina leith nó ná bíodh, iomarcach nó i gcoinbhleacht leis na MSCanna,
SSCanna, STInna ná le haon reachtaíocht eile de chuid an Aontais sa réimse
iarnróid. Airteagal 23 Córas
TF a bheidh le n‑úsáid chun críche fógra a thabhairt agus le rangú a
dhéanamh ar rialacha náisiúnta 1.
Bunóidh an Ghníomhaireacht córas tiomnaithe TF ina
mbeidh na rialacha náisiúnta dá dtagraítear in Airteagal 21(1) agus in Airteagal 22(1),
déanfaidh sí bainistíocht air agus cuirfidh sí ar fáil do gheallsealbhóirí agus
don phobal é. 2.
Tabharfaidh Ballstáit fógra maidir le rialacha
náisiúnta dá dtagraítear in Airteagal 21(1) agus in Airteagal 22(1)
don Ghníomhaireacht agus don Choimisiún tríd an gcóras TF dá dtagraítear i mír
1. Foilseoidh an Ghníomhaireacht na rialacha sa chóras sin agus bainfidh sí
úsáid as chun an Coimisiún a chur ar an eolas i gcomhréir le hAirteagal 21
agus Airteagal 22. 3.
Déanfaidh an Ghníomhaireacht rialacha náisiúnta a
dtugtar fógra ina leith a rangú i gcomhréir le hAirteagal 14(8) den
Treoir … [an Treoir maidir le hIdir-inoibritheacht]. Chuige seo, bainfidh
sí úsáid as an gcóras dá dtagraítear sa chéad mhír den Airteagal seo. 4.
Déanfaidh an Ghníomhaireacht rangú ar rialacha
náisiúnta a dtugtar fógra ina leith i gcomhréir le hAirteagal 8(2)
den Treoir … [an Treoir maidir le hIdir-inoibritheacht], ag tógáil
forbairt reachtaíocht an AE san áireamh. Chuige seo, forbróidh an
Ghníomhaireacht Uirlis um Bainistíocht Rialacha a úsáidfidh na Ballstáit chun a
gcórais rialacha náisiúnta a shimpliú. Bainfidh an Ghníomhaireacht úsáid as an
gcóras dá dtagraítear sa chéad mhír den Airteagal seo chun an Uirlis um
Bainistíocht Rialacha a fhoilsiú. CAIBIDIL 6 Cúraimí a bhaineann leis an gCóras Eorpach Um Bainistiú
Tráchta Iarnróid (ERTMS) Airteagal 24 Údarás córas don ERTMS 1.
Feidhmeoidh an Ghníomhaireacht ina húdarás córais,
a bheidh freagrach as sonraíochtaí teicniúla a choinneáil don ERTMS. 2.
Déanfaidh an Ghníomhaireacht an nós imeachta maidir
le hiarratais ar athruithe ar na sonraíochtaí seo a bhainistiú a shainiú, a
fhoilsiú agus a chur i bhfeidhm. Chuige seo, déanfaidh an Ghníomhaireacht clár
na n‑iarratas ar athruithe ar shonraíochtaí ERTMS agus a stádas a bhunú
agus a choinneáil. 3.
Molfaidh an Ghníomhaireacht leagan nua de
shonraíochtaí teicniúla ERTMS a ghlacadh. Ní dhéanfaidh sí sin ach amháin más
rud é go bhfuil an leagan roimhe imlonnaithe go leordhóthanach. Ní dhéanfaidh
forbairt leaganacha nua dochar do ráta imlonnaithe an ERTMS, do chobhsaíocht na
sonraíochtaí atá riachtanach chun táirgeadh trealamh an ERTMS a bharrfheabhsú,
don toradh ar infheistíocht do ghnóthais iarnróid ná do phleanáil éifeachtach
maidir le himlonnú ERTMS. 4.
Déanfaidh an Ghníomhaireacht uirlisí teicniúla a
fhorbairt agus a choinneáil chun na leaganacha éagsúla den ERTMS a bhainistiú
d'fhonn comhchuibheas teicniúil agus oibriúcháin a áirithiú idir líonraí agus
feithiclí a mbeidh leaganacha éagsúla feistithe iontu agus chun dreasachtaí a
chur ar fáil chun leaganacha atá i bhfeidhm a chur chun feidhme go tapa. 5.
I gcomhréir le hAirteagal 5(10) den Treoir …
[an Treoir maidir le hIdir-inoibritheacht Iarnróid], déanfaidh an
Ghníomhaireacht a áirithiú go mbeidh leaganacha níos déanaí den trealamh ERTMS
comhoiriúnach go teicniúil le leaganacha níos luaithe. 6.
Déanfaidh an Ghníomhaireacht treoirlínte ábhartha
faoin gcur i bhfeidhm do gheallsealbhóirí agus doiciméadú míniúcháin a
bhaineann leis na sonraíochtaí teicniúla don ERTMS a ullmhú agus a scaipeadh. Airteagal 25 Meitheal ad hoc ERTMS de chomhlachtaí measúnaithe comhréireachta dá
dtugtar fógra 1.
Bunóidh an Ghníomhaireacht meitheal ad hoc ERTMS de
chomhlachtaí measúnaithe comhréireachta dá dtugtar fógra dá dtagraítear in Airteagal 27
den Treoir … [an Treoir maidir le hIdir-inoibritheacht] agus beidh sí ina
cathaoirleach uirthi. Déanfaidh an mheitheal seiceáil ar chomh
comhsheasmhach agus atá cur i bhfeidhm an nós imeachta um measúnú a dhéanamh ar
chomhréireacht nó oiriúnacht úsáide comhpháirte idir-inoibritheachta dá
dtagraítear in Airteagal 9 den Treoir … [an Treoir maidir le
hIdir-inoibritheacht] agus na nósanna imeachta fíoraithe 'CE' dá dtagraítear in
Airteagal 10 den Treoir … [an Treoir maidir le hIdir-inoibritheacht] agus
a dhéanann comhlachtaí measúnaithe comhréireachta dá dtugtar fógra. 2.
Cuirfidh an Ghníomhaireacht tuarascáil chuig an
gCoimisiún gach ré bliain maidir le gníomhaíochtaí na meithle dá dtagraítear i
mír 1, lena n‑áirítear staitisticí faoi fhreastal ionadaithe na
gcomhlachtaí measúnaithe comhréireachta dá dtugtar fógra sa mheitheal. 3.
Déanfaidh an Ghníomhaireacht meastóireacht ar chur
i bhfeidhm an nós imeachta um measúnú comhréireachta na gcomhpháirteanna
idir-inoibritheachta agus an nós imeachta fíoraithe 'CE' do threalamh ERTMS
agus gach ré bliain seolfaidh sé tuarascáil chuig an gCoimisiún ina molfar, más
iomchuí, feabhsuithe le déanamh. Airteagal 26 Tacaíocht theicniúil agus comhoiriúnacht oibríochtúil idir fochórais
ERTMS ar bord agus taobh riain 1.
Féadfaidh an Ghníomhaireacht cúnamh a thabhairt do
na gnóthais iarnróid, ar iarratas uathu, maidir leis an gcomhoiriúnacht
theicniúil agus oibríochtúil idir fochórais ERTMS ar bort agus taobh riain a
sheiceáil sula gcuirfear feithicil i mbun seirbhíse. 2.
I gcás ina fhaigheann an Ghníomhaireacht amach go
bhfuil baol ar easpa comhoiriúnachta teicniúil agus oibríochtúil idir líonraí
agus feithiclí atá feistithe le trealamh ERTMS i gcomhthéacs tionscadail ERTMS
ar leith, féadfaidh sé iarraidh ar na gníomhaithe ábhartha, go háirithe
comhlachtaí measúnaithe comhréireachta dá dtugtar fógra, gnóthais iarnróid,
bainisteoirí bonneagair agus údaráis shábháilteachta náisiúnta, aon fhaisnéis
ábhartha a sholáthar a bhaineann leis na nósanna imeachta arna gcur i bhfeidhm
le haghaidh fíoraithe 'CE' agus cur i mbun seirbhíse, nó le dálaí oibríochtúla.
Cuirfidh an Ghníomhaireacht an Coimisiún ar an eolas maidir le baol den sórt
sin agus, más gá, déanfaidh sí bearta iomchuí a mholadh don Choimisiún. Airteagal 27 Tacaíocht d'imlonnú ERTMS agus do thionscadail ERTMS 1.
Déanfaidh an Ghníomhaireacht faireachán ar imlonnú
an ERTMS i gcomhréir leis an bplean imlonnaithe atá leagtha amach i dTreoir
2012/88/AE[13]
agus déanfaidh sí faireachán ar shuiteáil ERTMS feadh na gConairí Tras‑Eorpacha
Iompair agus na gConairí Lasta Iarnróid dá bhforáiltear i Rialachán (AE) Uimh. 913/2010[14]. 2.
Déanfaidh an Ghníomhaireacht athleanúint theicniúil
ar thionscadail le maoiniú ón Aontas d'imlonnú ERTMS a áirithiú, lena n‑áirítear,
nuair is infheidhme, anailís ar dhoiciméid tairisceana tráth an ghlao ar
thairiscintí. Ba cheart don Ghníomhaireacht cúnamh a thabhairt, más gá, do
thairbhithe chistí an Aontais lena n‑áirithiú go bhfuil na réitigh
theicniúla a chuirfear chun feidhme sna tionscadail i gcomhréir go hiomlán leis
na STInna a bhaineann le rialú-ordú agus comharthaíocht agus go bhfuil siad
idir-inoibritheach go hiomlán dá bharr sin. Airteagal 28 Creidiúnú na saotharlann 1.
Tacóidh an Ghníomhaireacht, go háirithe trí
threoirlínte oiriúnacha a thabhairt do na comhlachtaí creidiúnaithe, le
creidiúnú comhchuibhithe na saotharlann ERTMS i gcomhréir le Rialachán (CE) Uimh. 765/2008
ó Pharlaimint na hEorpa agus ón gComhairle[15]. 2.
Féadfaidh an Ghníomhaireacht a bheith
rannpháirteach sna hathbhreithnithe piaraí a cheanglaítear faoi Rialachán (CE) Uimh. 765/2008
mar bhreathnadóir. CAIBIDIL 7 CÚRAIMÍ A BHAINEANN LE FAIREACHÁN AR AN LIMISTÉIR
EORPACH AONAIR IARNRÓID Airteagal 29 Faireachán
ar údaráis náisiúnta sábháilteachta 1.
Déanfaidh an Ghníomhaireacht faireachán ar
fheidhmíocht agus ar dhéanamh cinntí na n‑údarás náisiúnta sábháilteachta
trí bhíthin iniúchta agus cigireachtaí. 2.
Beidh an Ghníomhaireacht i dteideal iniúchadh a
dhéanamh ar na nithe seo a leanas: (a)
cumas na n‑údarás náisiúnta sábháilteachta
cúraimí a bhaineann le sábháilteacht agus idir-inoibritheacht iarnróid a chur i
gcrích; (b)
éifeachtacht fhaireachán na n‑údarás
náisiúnta sábháilteachta ar chórais bainistíochta sábháilteachta na
ngníomhaithe dá dtagraítear in Airteagal 16 den Treoir […] [An Treoir um
Shábháilteacht Iarnróid]. Glacfaidh an Bord Bainistíochta an nós imeachta
maidir leis na hiniúchtaí a dhéanamh. 3.
Déanfaidh an Ghníomhaireacht tuarascálacha iniúchta
a eisiúint agus seolfaidh sí chuig an údarás náisiúnta sábháilteachta lena
mbaineann agus chuig an gCoimisiún iad. Beidh, go háirithe, liosta d'aon easpaí
a aithneoidh an Ghníomhaireacht i ngach tuarascáil iniúchta, chomh maith le
moltaí ar son feabhais. 4.
Má mheasann an Ghníomhaireacht go gcuireann na
heaspaí dá dtagraítear i mír 3 cosc ar an údarás náisiúnta sabháilteachta lena
mbaineann a chuid cúraimí ó thaobh sábháilteachta agus idir-inoibritheachta
iarnróid de a chur i gcrích, molfaidh an Ghníomhaireacht don údarás
sábháilteachta náisiúnta céimeanna oiriúnacha a thógáil laistigh de theorainn
ama a shaineofar ag tógáil thábhacht na heaspa san áireamh. 5.
I gcás go n‑easaontaíonn údarás náisiúnta
sábháilteachta le moladh na Gníomhaireachta dá dtagraítear i mír 4, nó i gcás
nach ndéanann údarás náisiúnta sábháilteachta aon ghníomh mar thoradh ar
mholadh na Gníomhaireachta laistigh de 3 mhí ón moladh sin a fháil, féadfaidh
an Coimisiún cinneadh a dhéanamh laistigh de sé mhí i gcomhréir leis an nós
imeachta comhairleach dá dtagraítear in Airteagal 75. 6.
Beidh an Ghníomhaireacht i dteideal cigireachtaí a
dhéanamh le nó gan réamhfhógra sna húdaráis náisiúnta sábháilteachta, chun
réimsí ar leith dá ngníomhaíochtaí agus dá n‑oibríochtaí a fhíorú, go
háirithe doiciméid athbhreithnithe, próisis agus taifid a bhaineann lena
gcúraimí dá dtagraítear in Airteagal 16 den Treoir … [An Treoir um
Shábháilteacht Iarnróid]. Féadfar na cigireachtaí a dhéanamh ar bhonn ad hoc nó
i gcomhréir le plean arna fhorbairt ag an nGníomhaireacht. Ní mhairfidh
cigireacht tréimhse níos faide ná dhá lá. Éascóidh údaráis náisiúnta na
mBallstát obair fhoireann na Gníomhaireachta. Cuirfidh an Ghníomhaireacht
tuarascáil faoi gach cigireacht ar fáil don Choimisiún. Airteagal 30 Faireachán
ar chomhlachtaí measúnaithe comhréireachta dá dtugtar fógra 1.
Déanfaidh an Ghníomhaireacht faireachán ar
chomhlachtaí measúnaithe comhréireachta dá dtugtar fógra trí bhíthin cúnaimh do
na comhlachtaí creidiúnaithe, iniúchta agus cigireachtaí, mar a thuairiscítear
i mír 2 go mír 5. 2.
Tacóidh an Ghníomhaireacht le creidiúnú
comhchuibhithe na gcomhlachtaí measúnaithe comhréireachta dá dtugtar fógra, go
háirithe trí threoir oiriúnach a thabhairt do na comhlachtaí creidiúnaithe
maidir le critéir mheasúnaithe agus maidir le nósanna imeachta chun measúnú a
dhéanamh ar cé acu an gcomhlíonann comhlachtaí dá dtugtar fógra na ceanglais dá
dtagraítear in Airteagal 27 den Treoir … [an Treoir maidir le
hIdir-inoibritheacht], tríd an bonneagar creidiúnaithe Eorpach arna aithint Airteagal 14
den Rialachán (CE) Uimh. 765/2008 ó Pharlaimint na hEorpa agus ón
gComhairle lena leagtar amach na ceanglais maidir le creidiúnú agus maidir le
faireachas margaidh a bhaineann le táirgí a mhargú agus lena n‑aisghairtear
Rialachán (CEE) Uimh. 339/93. 3.
I gcás comhlachtaí measúnaithe comhréireachta dá
dtugtar fógra nach bhfuil creidiúnaithe i gcomhréir le hAirteagal 24 den
Treoir … [An Treoir Idir-inoibritheachta], féadfaidh an Ghníomhaireacht iniúchadh
a dhéanamh ar a gcumas na ceanglais dá dtagraítear in Airteagal 27 den
Treoir sin a chomhlíonadh. Glacfaidh an Bord Bainistíochta an nós imeachta
maidir le hiniúchtaí a dhéanamh. 4.
Déanfaidh an Ghníomhaireacht tuarascálacha iniúchta
ina gcumhdófar na gníomhaíochtaí dá dtagraítear i mír 3 a eisiúint agus
seolfaidh sí chuig an gcomhlacht measúnaithe comhréireachta dá dtugtar fógra
lena mbaineann agus chuig an gCoimisiún iad. Beidh, go háirithe, aon easpaí a
aithneoidh an Ghníomhaireacht agus moltaí ar son feabhais i ngach tuarascáil
iniúchta. Má mheasann an Ghníomhaireacht go gcuireann na heaspaí seo cosc ar an
gcomhlacht dá dtugtar fógra lena mbaineann a chuid cúraimí ó thaobh
sábháilteachta agus idir-inoibritheachta iarnróid de a chur i gcrích, glacfaidh
an Ghníomhaireacht moladh ina n‑iarrfar ar an mBallstát ina bhfuil an
comhlacht dá dtugtar fógra sin bunaithe céimeanna a thógáil laistigh de
theorainn ama. 5.
I gcás go n‑easaontaíonn Ballstát leis an
moladh dá dtagraítear i mír 4, nó i gcás nach ndéanann comhlacht dá dtugtar
fógra aon ghníomh mar thoradh ar mholadh na Gníomhaireachta laistigh de 3 mhí
ón moladh sin a fháil, féadfaidh an Coimisiún tuairim a ghlacadh laistigh de
thréimhse sé mhí i gcomhréir leis an nós imeachta comhairleach dá dtagraítear
in Airteagal 75. 6.
Féadfaidh an Ghníomhaireacht, lena n‑áirítear
i gcomhar leis na comhlachtaí creidiúnaithe náisiúnta ábhartha, cigireachtaí a
dhéanamh le nó gan réamhfhógra ar chomhlachtaí measúnaithe comhréireachta dá
dtugtar fógra chun réimsí ar leith dá ngníomhaíochtaí agus dá n‑oibríochtaí
a fhíorú, go háirithe doiciméid athbhreithnithe, deimhnithe agus taifid a
bhaineann lena gcúraimí dá dtagraítear in Airteagal 27 den Treoir … [An
Treoir maidir le hIdir-inoibritheacht Iarnróid]. Féadfar na cigireachtaí a dhéanamh
ar bhonn ad hoc nó i gcomhréir le plean arna fhorbairt ag an nGníomhaireacht.
Ní mhairfidh cigireacht tréimhse níos faide ná dhá lá. Éascóidh na comhlachtaí
measúnaithe comhréireachta dá dtugtar fógra obair fhoireann na Gníomhaireachta.
Cuirfidh an Ghníomhaireacht tuarascáil faoi gach cigireacht ar fáil don
Choimisiún. Airteagal 31 Faireachán
ar dhul chun cinn na hidir-inoibritheachta agus na sábháilteachta 1.
Déanfaidh an Ghníomhaireacht, in éineacht le líonra
na gcomhlachtaí náisiúnta imscrúdaithe, sonraí ábhartha a bhailiú faoi
thimpistí agus faoi theagmhais, agus déanfaidh sí faireachán ar rannchuidiú na
gcomhlachtaí náisiúnta imscrúdaithe le sábháilteacht an chórais iarnróid ina
iomláine. 2.
Déanfaidh an Ghníomhaireacht faireachán ar
fheidhmíocht fhoriomlán sábháilteachta an chórais iarnróid. Féadfaidh an
Ghníomhaireacht cúnamh a lorg go háirithe ó na líonraí dá dtagraítear in Airteagal 34,
lena n‑áirítear bailiú sonraí. Bainfidh an Ghníomhaireacht leas freisin ó
na sonraí arna mbailiú ag Eurostat agus rachaidh sí i gcomhar le hEurostat chun
nach ndéanfar obair a dhúbailt agus lena áirithiú go mbeidh comhsheasmhacht sna
modheolaíochtaí a úsáidtear sna táscairí sábháilteachta comhchoiteanna agus sna
táscairí a úsáidtear i modhanna eile iompair. 3.
Ar iarratas ón gCoimisiún, déanfaidh an
Ghníomhaireacht moltaí a eisiúint maidir le conas idir-inoibritheacht na gcóras
iarnróid a fheabhsú, go háirithe trí chomhordú a fheabhsú idir gnóthais
iarnróid agus bainisteoirí bonneagair, nó idir bainisteoirí bonneagair. 4.
Déanfaidh an Ghníomhaireacht faireachán ar dhul
chun cinn ó thaobh idir-inoibritheacht agus sábháilteacht na gcóras iarnróid
de. Gach ré bliain cuirfidh sé tuarascáil maidir le dul chun cinn ó thaobh
idir-inoibritheachta agus sábháilteachta sa Limistéar Aonair Eorpach Iarnróid
faoi bhráid an Choimisiúin agus foilseoidh sí freisin í. 5.
Ar iarratas ón gCoimisiún, gcuirfidh an
Ghníomhaireacht tuarascálacha ar fáil maidir faoi staid chur chun feidhme agus
cur i bhfeidhm reachtaíocht an Aontais maidir le sábháilteacht agus
idir-inoibritheacht i mBallstát tugtha. CAIBIDIL 8 CÚRAIMÍ EILE Airteagal 32 Foireann
iarnróid 1.
Déanfaidh an Ghníomhaireacht na cúraimí oiriúnacha
a bhaineann le foireann iarnróid atá leagtha amach sna hAirteagail 4, 20, 22,
23, 25, 28, 33, 34, 35 agus 37 den Treoir 2007/59/CE ó Pharlaimint na hEorpa
agus ón gComhairle[16]. 2.
D'fhéadfaí go n‑iarrfadh an Coimisiún ar an
nGníomhaireacht cúraimí eile a dhéanamh a bhaineann le foireann iarnróid i
gcomhréir le Treoir 2007/59/CE. 3.
Rachaidh an Ghníomhaireacht i gcomhairle le
húdaráis inniúla ó thaobh ceisteanna foirne iarnróid de sna cúraimí dá
dtagraítear i mír 1 agus i mír 2. Féadfaidh an Ghníomhaireacht comhar a chur
chun cinn i measc na n‑údarás seo, lena n‑áirítear trí chruinnithe
oiriúnacha a eagrú lena n‑ionadaithe. Airteagal 33 Cláir
agus rochtain orthu 1.
Bunóidh agus coimeádfaidh an Ghníomhaireacht na
cláir Eorpacha dá bhforáiltear in Airteagal 43, Airteagal 44 agus Airteagal 45
den Treoir … [An Treoir maidir le hIdir-inoibritheacht]. Feidhmeoidh an Ghníomhaireacht
ina húdarás córais do gach clár agus bunachar sonraí dá dtagraítear sna
Treoracha um Shábháilteacht, Idir-inoibritheachta agus Tiománaithe Iarnróid.
Áireofar air sin, go háirithe: (a)
sonraíochtaí na gclár a fhorbairt agus a
choinneáil; (b)
comhordú ar fhorbairt sna Ballstáit maidir leis na
cláir; (c)
treoir a thabhairt maidir leis na cláir do
gheallsealbhóirí ábhartha; (d)
moltaí a dhéanamh don Choimisiún maidir le
feabhsuithe ar shonraíochtaí na gclár atá ann cheana agus aon ghá atá le cinn
nua a bhunú. 2.
Cuirfidh an Ghníomhaireacht na doiciméid agus na
cláir seo a leanas dá bhforáiltear sa Treoir … [An Treoir maidir le
hIdir-inoibritheacht] agus sa Treoir … [An Treoir um Shábháilteacht Iarnróid]
ar fáil go poiblí: (a)
dearbhaithe CE maidir le fíorú ar fhochórais; (b)
dearbhuithe comhréireachta CE na gcomhpháirteanna
idir-inoibritheachta agus dearbhuithe oiriúnachta úsáide CE na gcomhpháirteanna
idir-inoibritheachta; (c)
na ceadúnais a eisítear i gcomhréir le Treoir … [An
Treoir lenar bunaíodh Limistéar Aonair Iarnróid Eorpach (athmhúnlú)]; (d)
na dearbhuithe sábháilteachta a eisítear
i gcomhréir le hAirteagal 10 den Treoir … [An Treoir um
Shábháilteacht Iarnróid]; (e)
na tuarascálacha ar imscrúduithe a sheoltar chuig
an nGníomhaireacht i gcomhréir le hAirteagal 24 den Treoir … [An
Treoir um Shábháilteacht Iarnróid]; (f)
na rialacha náisiúnta a dtugtar fógra fúthu don
Choimisiún i gcomhréir le hAirteagal 8 den Treoir … [An Treoir
um Shábháilteacht Iarnróid] agus i gcomhréir le hAirteagal 14 den
Treoir … [An Treoir maidir le hIdir-inoibritheacht Iarnróid]; (g)
cláir na bhfeithiclí, lena n‑áirítear le
naisc chuig cláir náisiúnta ábhartha; (h)
na cláir bhonneagair, lena n‑áirítear le
naisc chuig cláir náisiúnta ábhartha; (i)
clár Eorpach na gcineálacha údaraithe feithiclí; (j)
clár na n‑iarratas ar athruithe agus na n‑iarratas
ar athruithe a bheartaítear a dhéanamh ar shonraíochtaí an ERTMS; (k)
clár na n‑iarratas ar athruithe agus na n‑iarratas
ar athruithe a bheartaítear a dhéanamh ar shonraíochtaí STI na bhFeidhmchlár
Teileamaitice do Phaisinéirí (TAP) nó ar shonraíochtaí STI na bhFeidhmchlár
Teileamaitice do Lasta (TAF); (l)
clár mharcanna na gcoimeádaithe feithiclí a
choimeádann an Ghníomhaireacht i gcomhréir leis an STI maidir le hoibriú
agus bainistiú tráchta; (m)
tuarascálacha cáilíochta a eisítear i gcomhréir le
hAirteagal 28(2) den Rialachán (CE) Uimh. 1371/2007. 3.
Pléifidh agus comhaontóidh an Coimisiún na
Ballstáit na socruithe praiticiúla maidir leis na doiciméid dá dtagraítear i
mír 2 a sheoladh ar bhonn dréachta a ullmhóidh an Ghníomhaireacht. 4.
Agus na doiciméid dá dtagraítear i mír 2
á seoladh, féadfaidh na comhlachtaí lena mbaineann cibé doiciméid a shonrú ar
doiciméid iad nach nochtfar don phobal ar chúiseanna slándála. 5.
Tabharfaidh na húdaráis náisiúnta a bheidh
freagrach as eisiúint na gceadúnas agus na ndearbhuithe dá dtagraítear
i mír 2(c) agus i mír 2(d) fógra don Ghníomhaireacht,
laistigh d'aon mhí amháin, maidir le gach cinneadh ar leith chun na ceadúnais
agus dearbhuithe sin a eisiúint, a athnuachan, a leasú nó a chúlghairm. 6.
Féadfaidh an Ghníomhaireacht aon doiciméad poiblí
nó aon nasc atá ábhartha i dtaca le cuspóirí an Rialacháin seo a chur san
áireamh sa bhunachar sonraí poiblí, ag tógáil reachtaíocht ábhartha an Aontais
maidir le cosaint sonraí san áireamh. Airteagal 34 Líonraí
údarás náisiúnta sábháilteachta, comhlachtaí imscrúdúcháin agus comhlachtaí
ionadaíocha 1.
Bunóidh an Ghníomhaireacht líonra de na húdaráis
náisiúnta sábháilteachta agus líonra de na comhlachtaí imscrúdúcháin dá
dtagraítear in Airteagal 21 den Treoir …/… [An Treoir um Shábháilteacht Iarnróid].
Soláthróidh an Ghníomhaireacht rúnaíocht dóibh. Is iad na cúraimí a bheidh ag
na líonraí, go háirithe, ná: (a)
faisnéis a mhalartú a bhaineann le sábháilteacht
agus idir-inoibritheacht iarnróid; (b)
dea-chleachtais a chur chun cinn; (c)
sonraí a sholáthar don Ghníomhaireacht maidir le
sábháilteacht iarnróid, go háirithe sonraí a bhaineann le táscairí
sábháilteachta comhchoiteanna. Éascóidh an Ghníomhaireacht comhar idir na líonraí
seo agus féadfaidh sí go háirithe cinneadh a dhéanamh cruinnithe comhpháirteacha
den dá líonra a eagrú. 2.
Bunóidh an Ghníomhaireacht líonra de na comhlachtaí
ionadaíocha ón earnáil iarnróid atá ag feidhmiú ar leibhéal an Aontais.
Saineofar liosta de na comhlachtaí seo i gníomh cur chun feidhme a ghlacfaidh
an Coimisiún, i gcomhréir leis an nós imeachta comhairleach dá dtagraítear in Airteagal 75.
Soláthróidh an Ghníomhaireacht rúnaíocht don líonra. Is iad na cúraimí a bheidh
ag an líonra, go háirithe, ná: (d)
faisnéis a mhalartú a bhaineann le sábháilteacht
agus idir-inoibritheacht iarnróid; (e)
dea-chleachtais a chur chun cinn; (f)
sonraí a sholáthar don Ghníomhaireacht maidir le
sábháilteacht agus idir-inoibritheacht iarnróid. 3.
Féadfaidh na líonraí dá dtagraítear i mír 1 agus i
mír 2 tuairimí neamhcheangailteacha a eisiúint maidir leis na dréachtmholtaí dá
dtagraítear in Airteagal 9(2). 4.
Féadfaidh an Ghníomhaireacht líonraí eile a bhunú
le comhlachtaí nó le húdaráis a mbeidh freagracht orthu as cuid den chóras
iarnróid. 5.
Féadfaidh an Coimisiún páirt a ghlacadh i
gcruinnithe na líonraí dá dtagraítear san Airteagal seo. Airteagal 35 Cumarsáid
agus scaipeadh Déanfaidh an Ghníomhaireacht creat Eorpach na
reachtaíochta, caighdeán agus treorach iarnróid a chur in iúl agus a scaipeadh
chuig geallsealbhóirí ábhartha, i gcomhréir le pleananna cumarsáide agus
scaipthe ábhartha a ghlacfaidh an Bord Bainistíochta. Tabharfaidh an Bord
Bainistíochta na pleananna sin cothrom le dáta go rialta, bunaithe ar anailís
ar riachtanais. Airteagal 36 Taighde
agus cur chun cinn na nuálaíochta 1.
Rannchuideoidh an Ghníomhaireacht, ar iarratas ón
gCoimisiún, le gníomhaíochtaí taighde iarnróid ar leibhéal an Aontais, lena n‑áirítear
trí thacaíocht a thabhairt do sheirbhísí ábhartha an Choimisiúin agus do
chomhlachtaí ionadaíochta. Beidh an rannchuidiú seo gan dochar do ghníomhaíochtaí
eile taighde ar leibhéal an Aontais. 2.
Féadfaidh an Coimisiún cúram a chur ar an
nGníomhaireacht nuálaíocht a chur chun cinn a bhfuil sé mar aidhm léi
idir-inoibritheacht agus sábháilteacht iarnróid a fheabhsú, go háirithe úsáid a
bhaint as teicneolaíochtaí nua faiséise agus as córais rianaithe. Airteagal 37 Cúnamh don Choimisiún 1.
Tabharfaidh an Ghníomhaireacht, ar iarratas ón
gCoimisiún, cúnamh don Choimisiún i gcur chun feidhme reachtaíocht an
Aontais a mbeidh sé de chuspóir aici leibhéal idir-inoibritheachta na gcóras
iarnróid a fheabhsú agus cur chuige comhchoiteann a fhorbairt i leith na
sábháilteachta sa chóras Eorpach iarnróid. 2.
Féadfar go n‑áireofaí sa chúnamh sin: (a)
comhairle theicniúil a sholáthar maidir le hábhair
a éilíonn fios gnóithe sonrach; (b)
faisnéis a bhailiú trí na gréasáin dá dtagraítear
in Airteagal 34. Airteagal 38 Cúnamh
le measúnú ar thionscadail iarnróid Gan dochar do na maoluithe dá bhforáiltear in Airteagal 9
den […] [An Treoir maidir le hIdir-inoibritheacht Iarnróid], déanfaidh an
Ghníomhaireacht, ar iarratas ón gCoimisiún, scrúdú, ó thaobh na
hidir-inoibritheachta agus na sábháilteachta de, ar aon tionscadal a bhaineann
le dearadh, le tógáil, le hathnuachan nó le huasghrádú an fhochórais a bhfuil
iarratas déanta ar thacaíocht airgeadais an Aontais ina leith. Laistigh de thréimhse a chomhaontófar leis an
gCoimisiún de réir thábhacht an tionscadail agus de réir na n‑acmhainní a
bheidh ar fáil agus nach faide ná dhá mhí í, tabharfaidh an Ghníomhaireacht
tuairim uaithi an bhfuil an tionscadal i gcomhréir leis an reachtaíocht
ábhartha idir-inoibritheachta agus sábháilteachta iarnróid. Airteagal 39 Cúnamh
do Bhallstáit, do thíortha is iarrthóirí agus do gheallsealbhóirí 1.
Ar a thionscnamh féin nó ar iarratas ón gCoimisiún,
ó Bhallstáit, ó thíortha is iarrthóirí nó ó na gréasáin dá dtagraítear in Airteagal 34,
tabharfaidh an Ghníomhaireacht faoi ghníomhaíochtaí oiliúna agus faoi
ghníomhaíochtaí oiriúnacha eile a bhaineann le reachtaíocht
idir-inoibritheachta agus sábháilteachta iarnróid agus táirgí gaolmhara na
Gníomhaireachta amhail cláir, treoracha cur chun feidhme nó moltaí a chur i
bhfeidhm agus a mhíniú. 2.
Déanfaidh an Bord cinneadh maidir le cineál agus
fairsinge na ngníomhaíochtaí dá dtagraítear i mír 1 agus cuirfear san áireamh
sa chlár oibre iad. Airteagal 40 Caidreamh
idirnáisiúnta 1.
A mhéid is gá chun na cuspóirí atá leagtha amach sa
Rialachán seo a bhaint amach, agus gan dochar d’inniúlachtaí faoi seach na
mBallstát agus institiúidí an Aontais, lena n‑áirítear an tSeirbhís
Eorpach Gníomhaíochta Seachtraí, féadfaidh an Ghníomhaireacht teagmhálacha a
fhorbairt agus comhaontuithe riaracháin a dhéanamh le húdaráis mhaoirseachta,
le heagraíochtaí idirnáisiúnta agus le córais riaracháin tríú tíortha atá
inniúil ó thaobh cúrsaí a chumhdaítear faoi ghníomhaíochtaí na Gníomhaireachta,
ar mhaithe le coinneáil cothrom le dáta maidir le forbairtí eolaíochta agus
teicniúla agus lena n‑áirithiú go gcuirfear reachtaíocht agus caighdeáin
iarnróid an Aontais Eorpaigh chun cinn. 2.
Ní chruthóidh na socruithe sin oibleagáidí
dlíthiúla i dtaca leis an Aontas agus lena Bhallstáit, ná ní choiscfidh siad
Ballstáit agus a gcuid údarás inniúil ó shocruithe déthaobhacha nó ó shocruithe
iltaobhacha a thabhairt i gcrích leis na húdaráis mhaoirseachta sin, leis na
heagraíochtaí idirnáisiúnta sin agus leis na córais riaracháin sin de chuid
tríú tíortha. Beidh na socruithe agus an comhar sin faoi réir plé roimh ré leis
an gCoimisiún agus tuairiscí rialta a thabhairt don Choimisiún. 3.
Glacfaidh an Bord Bainistíochta straitéis i gcomhair
caidreamh le tríú tíortha nó le heagraíochtaí idirnáisiúnta a bhaineann le
cúrsaí lena bhfuil inniúlacht ag an nGníomhaireacht ina leith. Beidh an
straitéis sin san áireamh i gclár oibre bliantúil agus ilbhliantúil na
Gníomhaireachta, ina sonrófar na hacmhainní a ghabhann léi. Airteagal 41 Comhordú
i dtaca le páirteanna spártha Rannchuideoidh an Ghníomhaireacht le
páirteanna spártha iarnróid a aithint a d'fhéadfaí caighdeánú a dhéanamh orthu.
Chuige seo, féadfaidh an Ghníomhaireacht meitheal a bhunú ar mhaithe le
gníomhaíochtaí na ngeallsealbhóirí a chomhardú agus féadfaidh sí teagmhálacha a
bhunú le comhlachtaí Eorpacha um chaighdeánú. Cuirfidh an Ghníomhaireacht
moltaí oiriúnacha faoi bhráid an Choimisiúin. CAIBIDIL 9 EAGRÚCHÁN NA GNÍOMHAIREACHTA Airteagal 42 Struchtúr riaracháin agus bainistíochta Is éard a bheidh i struchtúr riaracháin agus bainistíochta na
Gníomhaireachta: (a)
Bord Bainistíochta, a fheidhmeoidh na feidhmeanna
atá leagtha amach in Airteagal 47; (b)
Bord Feidhmiúcháin, a fheidhmeoidh na feidhmeanna
atá leagtha amach in Airteagal 49; (c)
Bainisteoir Feidhmiúcháin, a fheidhmeoidh na
freagrachtaí atá leagtha amach in Airteagal 50; (d)
Bord Achomhairc, a fheidhmeoidh na freagrachtaí atá
leagtha amach in Airteagail 54-56. Airteagal 43 Comhdhéanamh
an Bhoird Bainistíochta 1.
Is éard a bheidh sa Bhord Bainistíochta ionadaí
amháin ó gach Ballstát agus ceathrar ionadaí ón gCoimisiún, a bhfuil ceart
vótála ag gach duine acu. Áireofar sa Bhord Bainistíochta chomh maith
seisear ionadaí, nach bhfuil ceart vótála acu, a dhéanfaidh ionadaíocht thar
ceann na ngrúpaí seo a leanas ar an leibhéal Eorpach: (a)
gnóthais iarnróid; (b)
bainisteoirí bonneagair; (c)
an tionscal iarnróid; (d)
ceardchumainn; (e)
paisinéirí; (f)
custaiméirí lastais. I gcás gach ceann de na grúpaí sin, ceapfaidh an
Coimisiún ionadaí agus ionadaí malartach ó ghearrliosta de cheithre ainm arna
gcur isteach ag a n‑eagraíochtaí Eorpacha faoi seach. 2.
Ceapfar comhaltaí an bhoird agus a malartaigh i
bhfianaise a gcuid eolais ar phríomhghnó na gníomhaireachta, ag cur san áireamh
scileanna ábhartha bainistíochta, riaracháin agus buiséadacha. Ba cheart do na
páirtithe uile iarracht a dhéanamh ráta athraithe a n‑ionadaithe ar an
mBord a theorannú chun leanúnachas obair an Bhoird a áirithiú. Díreoidh na
páirtithe uile ar ionadaíocht chothrom idir fir agus mná a bhaint amach ar an
mBord Bainistíochta. 3.
Ceapfaidh gach Ballstát agus an Coimisiún a
gcomhaltaí ar an mBord Bainistíochta agus ceapfaidh siad malartach a dhéanfaidh
ionadaíocht thar ceann an chomhalta nuair a bheidh sé as láthair. 4.
Ceithre bliana a bheidh sa tréimhse oifige agus
féadfar í a athnuachan. 5.
Nuair is iomchuí, bunófar rannpháirtíocht
ionadaithe tríú tíortha agus na coinníollacha a bhaineann léi sin sna socruithe
dá dtagraítear in Airteagal 68. Airteagal 44 Cathaoirleach
an Bhoird Bainistíochta 1.
Toghfaidh an Bord Bainistíochta, trí thromlach dhá
thrian dá chomhaltaí atá i dteideal vótáil, Cathaoirleach a dhéanfaidh
ionadaíocht thar ceann Ballstát agus Leas‑Chathaoirleach as measc a
chomhaltaí. Glacfaidh an Leas‑Chathaoirleach ionad an
Chathaoirligh sa chás nach mbeidh an Cathaoirleach ábalta a chuid/a cuid
dualgas a chomhlíonadh. 2.
Is ceithre bliana a bheidh sa tréimhse oifige don
Chathaoirleach agus don Leas‑Chathaoirleach agus féadfar í a athnuachan.
Más rud é, áfach, go bhfuil deireadh lena gcomhaltas sa Bhord Bainistíochta
tráth ar bith le linn a dtéarma oifige, rachaidh a dtéarma oifige in éag go
huathoibríoch ar an dáta sin chomh maith. Airteagal 45 Cruinnithe 1.
Is é an Cathaoirleach a thionólfaidh cruinnithe an
Bhoird Bainistíochta. Beidh Stiúrthóir Feidhmiúcháin na Gníomhaireachta
rannpháirteach sna cruinnithe. 2.
Tiocfaidh an Bord Bainistíochta le chéile dhá uair
sa bhliain ar a laghad. Tiocfaidh sé le chéile freisin ar thionscnamh an
Chathaoirligh, arna iarraidh sin don Choimisiún, arna iarraidh sin do thromlach
a chomhaltaí nó d’aon trian d’ionadaithe na mBallstát ar an mBord. Airteagal 46 Vótáil Mura ndearbhaítear a mhalairt, déanfaidh an
Bord Bainistíochta a chinntí trí thromlach glan dá chomhaltaí atá i dteideal
vótáil. Beidh vóta amháin ag gach comhalta atá i dteideal vótáil. Airteagal 47 Feidhmeanna
an Bhoird Bainistíochta 1.
Chun a áirithiú go gcomhlíonfaidh an
Ghníomhaireacht a cuid cúraimí, déanfaidh an Bord Bainistíochta an méid seo a
leanas: (g)
an Tuarascáil Bhliantúil ar ghníomhaíochtaí na
Gníomhaireachta sa bhliain roimhe sin a ghlacadh, í a sheoladh, faoin
1 Iúil, chuig Parlaimint na hEorpa, an Chomhairle, an Coimisiún agus Cúirt
na nIniúchóirí agus í a phoibliú. (h)
clár oibre bliantúil na Gníomhaireachta don bliain
ina dhiaidh sin agus clár oibre ilbhliantúil straitéiseach a ghlacadh gach
bliain, trí thromlach dhá thrian dá chomhaltaí atá i dteideal vótáil, tar éis
tuairim an Choimisiúin a fháil agus i gcomhréir le hAirteagal 48; (i)
buiséad bliantúil na Gníomhaireachta a ghlacadh,
trí thromlach dhá thrian dá chomhaltaí atá i dteideal vótáil, agus feidhmeanna
eile i ndáil le buiséad na Gníomhaireachta a fheidhmiú, i gcomhréir le
Caibidil 10; (j)
nósanna imeachta a bhunú le haghaidh
chinnteoireacht an Stiúrthóra Feidhmiúcháin; (k)
beartas a ghlacadh maidir le cuairteanna de bhun Airteagal 10; (l)
a rialacha nós imeachta a bhunú; (m)
na pleananna maidir le cumarsáid agus scaipeadh dá
dtagraítear in Airteagal 35 a ghlacadh agus a thabhairt cothrom le dáta; (n)
nósanna imeachta a ghlacadh maidir leis na
hiniúchtaí dá dtagraítear in Airteagal 29 agus Airteagal 30 a
dhéanamh; (o)
i gcomhréir le mír 2, cumhachtaí an údaráis
cheapacháin arna dtabhairt dóibh leis na Rialacháin Foirne agus leis na
Coinníollacha Fostaíochta Seirbhíseach Eile maidir leis an údarás a bhfuil sé
de chumhacht aige conradh fostaíochta a chur i gcrích a fheidhmiú i ndáil le
foireann na Gníomhaireachta (‘cumhachtaí an údaráis ceapacháin’); (p)
rialacha iomchuí cur chun feidhme a oiriúnú do
Rialacháin Foirne agus do na Coinníollacha Fostaíochta Seirbhíseach Eile i
gcomhréir leis an nós imeachta dá bhforáiltear in Airteagal 110 de na
Rialacháin Foirne; (q)
an Stiúrthóir Feidhmiúcháin a cheapadh agus
d'fhéadfaí a théarma oifige a shíneadh nó é a chur as oifig trí thromlach dhá
thrian dá chomhaltaí atá i dteideal vótáil, i gcomhréir le hAirteagal 62. (r)
straitéis frithchalaoise a ghlacadh, atá
comhréireach leis na rioscaí calaoise ag féachaint do chostas‑sochar na
mbeart atá le cur chun feidhme; (s)
obair leantach leormhaith ar thorthaí agus moltaí a
thagann as imscrúduithe de chuid na hOifige Eorpaí Frith‑Chalaoise (OLAF)
a áirithiú agus as na tuarascálacha iniúchta agus meastóireachtaí inmheánacha
nó seachtracha éagsúla; (t)
rialacha a ghlacadh maidir le cosc agus bainistiú
coinbhleachtaí leasa i ndáil le comhaltaí an Bhoird Bainistíochta agus an
Bhoird Achomhairc. 2.
Glacfaidh an Bord Bainistíochta, i gcomhréir leis
an nós imeachta dá bhforáiltear in Airteagal 110 de na Rialacháin Foirne,
cinneadh bunaithe ar Airteagal 2(1) de na Rialacháin Foirne agus ar Airteagal 6
de na Coinníollacha Fostaíochta Seirbhíseach Eile lena dtarmligtear cumhachtaí
ábhartha na n‑údarás ceapacháin chuig an Stiúrthóir Feidhmiúcháin agus
lena sainítear na coinníollacha faoinar féidir an tarmligean cumhachtaí seo a
fhionraí. Údaraítear an Stiúrthóir Feidhmiúcháin chun na cumhachtaí sin a
fhotharmligean. I gcur i bhfeidhm na fomhíre roimhe seo, i gcás
inar gá in imthosca fíoreisceachtúla, féadfaidh an Bord Bainistíochta trí
bhíthin cinnidh, tarmligean cumhachtaí na n‑údarás ceapacháin chuig an
Stiúrthóir Feidhmiúcháin agus na cumhachtaí sin arna bhfotharmligean ag an
Stiúrthóir Feidhmiúcháin a fhionraí go sealadach, agus iad a fheidhmiú é féin
nó iad a tharmligean chuig duine dá chomhaltaí nó chuig ball foirne seachas an
Stiúrthóir Feidhmiúcháin. Airteagal 48 Cláir
oibre bhliantúla agus ilbhliantúla 1.
Glacfaidh Bord na Gníomhaireachta an clár oibre
faoin 30 Samhain gach bliain, agus tuairim an Choimisiúin á cur san
áireamh, agus cuirfidh sé ar aghaidh é chuig na Ballstáit, Parlaimint na hEorpa,
an Chomhairle, an Coimisiún agus chuig na gréasáin dá dtagraítear in Airteagal 34. 2.
Glacfar an clár oibre gan dochar do nós imeachta
buiséadach bliantúil an Aontais. Más rud é go gcuireann an Coimisiún in iúl,
laistigh de 15 lá ón dáta a nglactar an clár oibre, nach n‑aontaíonn sé
leis an gclár, athscrúdóidh an Bord Bainistíochta an clár agus glacfaidh sé é,
mar atá leasaithe más gá, laistigh de thréimhse dhá mhí, ar an dara léamh cibé
acu trí thromlach dhá thrian dá chomhaltaí atá i dteideal vótáil, lena n‑áirítear
ionadaithe uile an Choimisiúin, nó trí aontoilíocht ionadaithe na mBallstát. 3.
Sainaithneofar cuspóirí gach gníomhaíochta i gclár
oibre na Gníomhaireachta. De ghnáth, beidh gach gníomhaíocht agus tionscadal
nasctha go soiléir leis na hacmhainní is gá lena gcur i gcrích, i gcomhréir le
prionsabail bhuiséadú de réir gníomhaíochtaí agus bhainistiú de réir
gníomhaíochtaí agus leis an nós imeachta um measúnú tionchair luath dá
bhforáiltear i mír 2 d’Airteagal 7. 4.
Leasóidh an Bord Bainistíochta, más gá, an clár
oibre arna ghlacadh nuair a thabharfar cúram nua don Ghníomhaireacht. Beidh
cuimsiú an chúraim nua sin faoi réir anailíse ar na hacmhainní daonna agus
buiséadacha agus féadfaidh sé bheith faoi réir cinnidh lena bhfionrófar cúraimí
eile. 5.
Déanfaidh an Bord Bainistíochta clár oibre
ilbhliantúil straitéiseach a ghlacadh agus a thabhairt cothrom le dáta faoin 30 Samhain
gach bliain. Cuirfear tuairim an Choimisiúin san áireamh. Rachfar i gcomhairle
le Parlaimint na hEorpa agus na gréasáin dá dtagraítear in Airteagal 34
maidir leis an dréacht. Cuirfear an clár oibre ilbhliantúil arna ghlacadh ar
aghaidh chuig na Ballstáit, Parlaimint na hEorpa, an Coimisiún agus chuig na
líonraí dá dtagraítear in Airteagal 34. Airteagal 49 An Bord
Feidhmiúcháin 1.
Beidh Bord Feidhmiúcháin de chúnamh ag an mBord
Bainistíochta. 2.
Ullmhóidh an Bord Feidhmiúcháin cinntí a bheidh le
glacadh ag an mBord Bainistíochta. Nuair is gá, ar chúiseanna práinne,
déanfaidh sé cinntí sealadacha áirithe thar ceann an Bhoird Bainistíochta, go háirithe
maidir le cúrsaí riaracháin agus buiséadacha. I gcomhar leis an mBord Bainistíochta, áiritheoidh
sé obair leantach leormhaith ar thorthaí agus moltaí a thagann as imscrúduithe
de chuid na hOifige Eorpaí Frith‑Chalaoise (OLAF) agus as na tuarascála iniúchta
agus meastóireachtaí inmheánacha nó seachtracha éagsúla; Gan dochar do fhreagrachtaí an Stiúrthóra
Feidhmiúcháin, mar atá leagtha amach in Airteagal 30, beidh sé de chúnamh
aige agus tabharfaidh sé comhairle maidir le cur chun feidhme chinntí an Bhoird
Bainistíochta, d’fhonn maoirseacht ar bhainistiú riaracháin agus buiséadach a
threisiú. 3.
Beidh an Bord Feidhmiúcháin comhdhéanta de
Chathaoirleach an Bhoird Bainistíochta, ionadaí amháin ón gCoimisiúin agus
[ceathrar] comhalta eile ón mBord Bainistíochta. Ceapfaidh an Bord
Bainistíochta comhaltaí an Bhoird Feidhmiúcháin agus a chathaoirleach. 4.
Is ionann téarma oifige chomhaltaí an Bhoird
Feidhmiúcháin agus téarma oifige chomhaltaí an Bhoird Bainistíochta. 5.
Tiocfaidh an Bord Feidhmiúcháin le chéile gach trí
mhí ar a laghad. Tionólfaidh cathaoirleach an Bhoird Feidhmiúcháin cruinnithe
breise arna iarraidh sin do chomhaltaí an Bhoird. 6.
Leagfaidh an Bord Bainistíochta síos rialacha nós
imeachta an Bhoird Feidhmiúcháin. Airteagal 50 Dualgais
an Stiúrthóra Feidhmiúcháin 1.
Is é an Stiúrthóir Feidhmiúcháin, a mbeidh
neamhspleáchas iomlán aige i gcomhlíonadh a chúraimí, a dhéanfaidh bainistiú ar
an nGníomhaireacht. Beidh an Stiúrthóir Feidhmiúcháin freagrach don Bhord
Bainistíochta as a chuid gníomhaíochtaí. 2.
Gan dochar do chumhachtaí an Choimisiúin, an Bhoird
Bainistíochta, ná an Bord Feidhmiúcháin, ní dhéanfaidh an Stiúrthóir
Feidhmiúcháin treoracha a iarraidh ná a ghlacadh ó aon rialtas ná ó aon
chomhlacht eile. 3.
Tuairisceoidh an Stiúrthóir Feidhmiúcháin do Pharlaimint
na hEorpa maidir le comhlíonadh a chuid dualgas nuair a iarrfar sin air.
Féadfaidh an Chomhairle a iarraidh ar an Stiúrthóir Feidhmiúcháin tuairisciú
maidir le comhlíonadh a chuid dualgas. 4.
Is é an Stiúrthóir Feidhmiúcháin ionadaí dlíthiúil
na Gníomhaireachta. Glacfaidh sé cinntí, moltaí, tuairimí agus gníomhartha
foirmiúla eile na Gníomhaireachta 5.
Beidh an Stiúrthóir Feidhmiúcháin freagrach as
bainistiú riaracháin na Gníomhaireachta agus as cur chun feidhme na gcúraimí
arna sannadh di leis an Rialachán seo. Beidh an Stiúrthóir Feidhmiúcháin
freagrach as an méid seo a leanas, go háirithe: (a)
riarachán laethúil na Gníomhaireachta; (b)
na cinntí arna nglacadh ag an mBord Bainistíochta a
chur chun feidhme; (c)
an clár oibre bliantúil agus an clár oibre
ilbhliantúil straitéiseach a ullmhú agus iad a chur faoi bhráid an Bhoird
Bainistíochta tar éis dul i gcomhairle leis an gCoimisiún; (d)
an clár oibre bliantúil agus an clár oibre
ilbhliantúil straitéiseach a chur chun feidhme agus, a mhéid is féidir,
freagairt d'iarrataí ar chúnamh ón gCoimisiún i ndáil le cúraimí na
Gníomhaireachta i gcomhréir leis an Rialachán seo; (e)
tuairisciú don Bhord Bainistíochta maidir leis an
gclár oibre ilbhliantúil straitéiseach a chur chun feidhme; (f)
na céimeanna is gá a ghlacadh, go háirithe treoracha
riaracháin inmheánaigh a ghlacadh agus orduithe a fhoilsiú, lena áirithiú go n‑oibríonn
an Ghníomhaireacht i gcomhréir leis an Rialachán seo; (g)
córas faireacháin éifeachtach a bhunú chun torthaí
na Gníomhaireachta a chur i gcomparáid lena cuspóirí oibríochtúla agus córas
measúnaithe rialta a bhunú a chomhfhreagraíonn do chaighdeáin ghairmiúla
aitheanta; (h)
dréacht‑tuarascáil ghinearálta a ullmhú gach
bliain ar bhonn na gcóras faireacháin agus measúnaithe dá dtagraítear i bpointe
(g), agus í a chur faoi bhráid an Bhoird Bainistíochta; (i)
dréacht‑ráiteas na Gníomhaireachta ar
mheastacháin ioncaim agus caiteachais na Gníomhaireachta a ullmhú de bhun Airteagal 58
agus an buiséad a chur chun feidhme de bhun Airteagal 59; (j)
an tuarascáil bhliantúil ar ghníomhaíochtaí na
Gníomhaireachta a ullmhú agus í a thíolacadh don Bhord Bainistíochta le measúnú
a dhéanamh uirthi. (k)
plean gníomhaíochta ag leanúint as conclúidí na
meastóireachtaí cúlghabhálacha a ullmhú agus tuairisciú don Choimisiún dhá uair
sa bhliain ar dhul chun cinn; (l)
leasanna airgeadais an Aontais a chosaint trí
bhearta coisctheacha in aghaidh calaoise, éillithe agus aon ghníomhaíochtaí
mídhleathacha eile a chur i bhfeidhm, trí sheiceálacha éifeachtacha agus, má
bhraitear neamhrialtachtaí, trí mhéideanna á íocadh go mícheart a ghnóthú agus,
i gcás inar iomchuí, trí phionóis riaracháin agus airgeadais a bheidh
éifeachtach, chomhréireach agus athchomhairleach a chur i bhfeidhm. (m)
straitéis frithchalaoise na Gníomhaireachta a
ullmhú agus é a thíolacadh don Bhord Bainistíochta lena formheas; (n)
dréacht‑rialachán airgeadais na
Gníomhaireachta a ullmhú le glacadh ag an mBord Bainistíochta faoi Airteagal 60,
agus a rialacha cur chun feidhme. Airteagal 51 Cruthú
agus comhdhéanamh na mBord Achomhairc 1.
Bunóidh an Ghníomhaireacht Bord Achomhairc amháin
nó níos mó. 2.
Beidh Bord Achomhairc comhdhéanta de Cathaoirleach
agus beirt chomhalta. Beidh comhaltaí malartacha acu chun ionadaíocht a
dhéanamh thar a gceann nuair a bheidh siad as láthair. 3.
Ceapfaidh an Bord Bainistíochta an Cathaoirleach,
na comhaltaí eile agus a malartaigh ó liosta d’iarrthóirí incháilithe arna
bhunú ag an gCoimisiún. 4.
I gcás ina measann an Bord Achomhairc go bhfuil gá
leis de bharr chineál an achomhairc, féadfaidh sé a iarraidh ar an mBord
Bainistíochta beirt chomhalta bhreise agus a malartaigh a cheapadh ón liosta dá
dtagraítear i mír 3. 5.
Ar mholadh ón nGníomhaireacht, bunóidh an
Ghníomhaireacht rialacha nós imeachta an Bhoird Achomhairc, tar éis dul i
gcomhairle leis an mBord Bainistíochta agus i gcomhréir leis an nós imeachta
comhairleach dá dtagraítear in Airteagal 75. Airteagal 52 Comhaltaí
an Bhoird Achomhairc 1.
Mairfidh téarma oifige chomhaltaí agus mhalartaigh
an Bhoird Achomhairc ceithre bliana agus féadfar é a athnuachan. 2.
Beidh comhaltaí an Bhoird Achomhairc neamhspleách
agus ní fhéadfaidh siad aon dualgais eile a chomhlíonadh laistigh den
Ghníomhaireacht. Ní bheidh siad faoi cheangal ag aon treoir agus a gcinntí á
ndéanamh acu. 3.
Ní fhéadfar comhaltaí Boird Achomhairc a chur as
oifig nó a bhaint de liosta na n‑iarrthóirí incháilithe le linn a
dtéarmaí oifige, mura bhfuil cúiseanna tromchúiseacha ann é sin a dhéanamh agus
go gcinneann an Coimisiún an méid sin a dhéanamh, tar éis dó tuairim an Bhoird
Bainistíochta a fháil. Airteagal 53 Eisiamh
agus agóid 1.
Ní fhéadfaidh comhaltaí an Bhoird Achomhairc páirt
a ghlacadh in aon imeachtaí achomhairc má bhíonn leas pearsanta acu iontu, má
bhí baint acu cheana leis na himeachtaí mar ionadaithe ar dhuine de na
páirtithe iontu, ná má bhí siad rannpháirteach sa chinneadh a bhfuil achomharc
á dhéanamh ina aghaidh. 2.
Maidir le comhaltaí an Bhoird Achomhairc a mheasann
nach ceart dóibh páirt a ghlacadh in aon imeacht achomhairc ar cheann de na
cúiseanna dá dtagraítear i mír 1 nó ar aon chúis eile, cuirfidh siad
an méid sin in iúil don Bhord Achomhairc agus cinnfidh an Bord Achomhairc ar an
eisiamh dá réir. Airteagal 54 Cinntí
atá faoi réir achomhairc 1.
Féadfar achomharc a thabhairt os comhair an Bhoird
Achomhairc in aghaidh cinntí arna nglacadh ag an nGníomhaireacht de bhun
Airteagail 12, 16, 17 agus 18. 2.
Ní bheidh éifeacht fionraíochta ag achomharc a
thaiscfear de bhun mhír 1. Féadfaidh an Ghníomhaireacht, áfach, cur i bhfeidhm
an chinnidh a bhfuiltear ag déanamh achomhairc ina aghaidh a fhionraí, má
mheasann sí go gceadófar sin sna himthosca. Airteagal 55 Daoine
atá i dteideal achomhairc, teorainn ama agus foirm 1.
Féadfaidh aon duine nádúrtha nó dlítheanach
achomharc a dhéanamh in aghaidh cinnidh a dhíríonn an Ghníomhaireacht ar an
duine sin de bhun Airteagal 12, 16, 17 agus 18. 2.
Déanfar an t‑achomharc, mar aon le ráiteas ar
an bhforas atá leis, a chomhdú i scríbhinn sa Ghníomhaireacht laistigh de dhá
mhí ón uair a thabharfar fógra faoin mbeart don duine i dtrácht nó, mura
dtugtar fógra don duine faoin mbeart, laistigh de dhá mhí ón lá a cuireadh in
iúl dó é. Airteagal 56 Scrúdú
ar achomhairc agus cinntí fúthu 1.
Agus an t‑achomharc á scrúdú, gníomhóidh an
Bord Achomhairc go pras. Tabharfaidh sé cuireadh, a mhinice is gá, do na
páirtithe sna himeachtaí achomhairc barúlacha a chomhdú laistigh de theorainneacha
sonraithe ama maidir leis na fógraí a eiseoidh sé féin, nó maidir le cumarsáidí
ó na páirtithe eile sna himeachtaí achomhairc. Féadfaidh páirtithe sna
himeachtaí achomhairc cur i láthair a dhéanamh ó bhéal. 2.
Féadfaidh an Bord Achomhairc cumhacht iomchuí a
fheidhmiú a thagann faoi inniúlacht na Gníomhaireachta nó féadfaidh sé an cás a
tharchur chuig comhlacht inniúil na Gníomhaireachta Beidh cinneadh an Bhoird
Achomhairc ina cheangal ar an gcomhlacht inniúil. Airteagal 57 Caingne
os comhair na Cúirte Breithiúnais 1.
Ní fhéadfar caingne le haghaidh chealú chinntí na
Gníomhaireachta arna ndéanamh de bhun Airteagail 12, 16, 17 agus 18 a
thabhairt os comhair Chúirt Bhreithiúnais an Aontais Eorpaigh ach amháin nuair
atáthar tar éis dul ar iontaoibh nósanna imeachta achomhairc uile laistigh den
Ghníomhaireacht agus nár éirigh leo. 2.
Déanfaidh an Ghníomhaireacht na bearta uile is gá
chun breithiúnas Chúirt Bhreithiúnais an Aontais Eorpaigh a chomhlíonadh. CAIBIDIL 10 FORÁLACHA AIRGEADAIS Airteagal 58 Buiséad 1.
Ullmhófar meastacháin ar ioncam agus caiteachas go
léir na Gníomhaireachta le haghaidh gach bliana airgeadais, i gcomhthráth leis
an mbliain féilire, agus leagfar amach iad i mbuiséad na Gníomhaireachta. Beidh
an t‑ioncam agus an caiteachas i gcothromaíocht. 2.
Is éard a bheidh in ioncam na Gníomhaireachta: (a)
ranníocaíocht ón Aontas, (b)
aon ranníocaíocht ó thríú tíortha a rannchuidíonn
le hobair na Gníomhaireachta, dá bhforáiltear in Airteagal 68, (c)
na táillí a d’íoc na hiarratasóirí ar dheimhnithe
agus údaruithe agus sealbhóirí na ndeimhnithe agus na n‑údaruithe sin
arna n‑eisiúint ag an nGníomhaireacht i gcomhréir le hAirteagail 12,
16, 17 agus 18; (d)
muirir ar fhoilseacháin, ar oiliúint agus ar aon
seirbhísí eile a chuireann an Ghníomhaireacht ar fáil; (e)
aon ranníocaíocht dheonach airgeadais ó Bhallstáit,
ó thríú tíortha nó ó eintitis eile, fad is nach gcuirfeadh an ranníocaíocht sin
isteach ar neamhspleáchas agus ar neamhchlaontacht na Gníomhaireachta. 3.
Áireofar le caiteachas na Gníomhaireachta costais
foirne, costais riaracháin, costais bonneagair agus costais oibríochtúla. 4.
Beidh an t‑ioncam agus an caiteachas i
gcothromaíocht. 5.
Gach bliain, soláthróidh an Bord Bainistíochta, ar
bhonn dréachta arna dhéanamh ag an Stiúrthóir Feidhmiúcháin ar bhonn buiséadú
de réir gníomhaíochtaí, ráiteas faoi mheastacháin ar ioncam agus caiteachas don
Ghníomhaireacht le haghaidh na bliana airgeadais ina dhiaidh sin. Cuirfidh an
Bord Bainistíochta an ráiteas faoi mheastacháin, a chuimseoidh dréachtphlean
bunaíochta, chuig an gCoimisiún faoi 31 Eanáir ar a dhéanaí. 6.
Cuirfidh an Coimisiún an ráiteas faoi mheastacháin
ar aghaidh chuig Parlaimint na hEorpa agus chuig an gComhairle (dá ngairtear an
t‑údarás buiséadach anseo feasta) mar aon le réamh‑dhréachtbhuiséad
ginearálta an Aontais. 7.
Ar bhonn an ráitis faoi mheastacháin, iontrálfaidh
an Coimisiún i réamh‑dhréachtbhuiséad ginearálta an Aontais na
meastacháin a mheasann sé a bheith riachtanach le haghaidh an phlean bunaíochta
agus méid an fhóirdheontais atá le gearradh ar an mbuiséad ginearálta, rud a
chuirfidh sé faoi bhráid an údaráis bhuiséadaigh i gcomhréir le hAirteagal 314
den Chonradh, mar aon le tuairisc ar aon difríocht, agus údar maith léi, idir
ráiteas na Gníomhaireachta faoi mheastacháin agus an fóirdheontas atá le
gearradh ar an mbuiséad ginearálta. 8.
Údaróidh an t‑údarás buiséadach na
leithreasuithe i gcomhair an fhóirdheontais arna thabhairt don Ghníomhaireacht.
Glacfaidh an t‑údarás buiséadach an plean bunaíochta i gcomhair na
Gníomhaireachta. 9.
Glacfaidh an Bord Bainistíochta an buiséad, trí
thromlach dhá thrian dá chomhaltaí atá i dteideal vótáil. Beidh buiséad na
Gníomhaireachta críochnaitheach ón uair a ghlacfar go críochnaitheach buiséad
ginearálta an Aontais. I gcás inar iomchuí, déanfar é a choigeartú dá réir sin. 10.
Tabharfaidh an Bord Bainistíochta fógra, a luaithe
is féidir, don údarás buiséadach faoi aon tionscadal atá ar intinn aige a chur
chun feidhme a bhféadfadh impleachtaí suntasacha airgeadais a bheith aige ar
mhaoiniú an bhuiséid, go háirithe faoi aon tionscadail a bhaineann le maoin
amhail foirgnimh a fháil ar cíos nó a cheannach. Cuirfidh sé an Coimisiún ar an
eolas faoin méid sin. I gcás ina gcuireann brainse den údarás buiséadach in iúl
go bhfuil sé ar intinn aige tuairim a thabhairt faoin tionscadal, cuirfidh sé a
thuairim ar aghaidh chuig an mBord Bainistíochta tráth nach déanaí ná sé
seachtaine ó dháta fógartha an tionscadail. Airteagal 59 An
buiséad a chur chun feidhme agus a rialú 1.
Is é an Stiúrthóir Feidhmiúcháin a chuirfidh
buiséad na Gníomhaireachta chun feidhme. 2.
Faoin 1 Márta, ar a dhéanaí, i ndiaidh gach
bliana airgeadais, cuirfidh oifigeach cuntasaíochta na Gníomhaireachta na
cuntais shealadacha chuig oifigeach cuntasaíochta an Choimisiúin mar aon le
tuarascáil ar an mbainistiú buiséadach agus airgeadais don bhliain airgeadais
sin. Déanfaidh oifigeach cuntasaíochta an Choimisiúin cuntais shealadacha na n‑institiúidí
agus na gcomhlachtaí díláraithe a chomhdhlúthú i gcomhréir le hAirteagal 147
de Rialachán (AE, Euratom) Uimh. 966/2012 (An Rialacháin Airgeadais
ginearálta) 3.
Faoin 31 Márta, ar a dhéanaí, i ndiaidh gach
bliana airgeadais, cuirfidh oifigeach cuntasaíochta an Choimisiúin cuntais
shealadacha na Gníomhaireachta ar aghaidh chuig an gCúirt Iniúchóirí, mar aon
le tuarascáil ar an mbainistiú buiséadach agus airgeadais don bhliain
airgeadais sin. Cuirfear an tuarascáil ar an mbainistiú buiséadach agus
airgeadais don bhliain airgeadais sin ar aghaidh chuig Parlaimint na hEorpa
agus chuig an gComhairle chomh maith. Scrúdóidh an Chúirt Iniúchóirí na cuntais sin i
gcomhréir le hAirteagal 287 den Chonradh. Foilseoidh sí tuarascáil ar
ghníomhaíochtaí na Gníomhaireachta gach bliain. 4.
Nuair a gheobhaidh an Stiúrthóir Feidhmiúcháin
barúlacha na Cúirte Iniúchóirí maidir le cuntais shealadacha na
Gníomhaireachta, déanfaidh sé, de bhun Airteagal 148 den Rialachán
Airgeadais ginearálta, cuntais chríochnaitheacha na Gníomhaireachta a
tharraingt suas ar a chúram féin agus cuirfidh sé faoi bhráid an Bhoird
Bainistíochta iad chun tuairim a fháil. 5.
Tabharfaidh an Bord Bainistíochta tuairim uaidh
maidir le cuntais chríochnaitheacha na Gníomhaireachta. 6.
Déanfaidh an Stiúrthóir Feidhmiúcháin, faoi 1 Iúil
ar a dhéanaí i ndiaidh gach bliana airgeadais, na cuntais chríochnaitheacha,
mar aon le tuairim an Bhoird Bainistíochta, a chur ar aghaidh chuig Parlaimint
na hEorpa, chuig an gComhairle, chuig an gCoimisiún agus chuig an gCúirt
Iniúchóirí. 7.
Foilseofar na cuntais chríochnaitheacha. 8.
Cuirfidh an Stiúrthóir freagra chuig an gCúirt
Iniúchóirí maidir lena barúlacha faoin 30 Meán Fómhair tar éis gach bliana
airgeadais, ar a dhéanaí. Cuirfidh sé an freagra sin chuig an mBord
Bainistíochta freisin. 9.
Cuirfidh an Stiúrthóir Feidhmiúcháin, arna iarraidh
sin do Pharlaimint na hEorpa, aon fhaisnéis is gá faoi bhráid na Parlaiminte
chun an nós imeachta urscaoilte a chur i bhfeidhm go rianúil don bhliain
airgeadais i dtrácht, i gcomhréir le hAirteagal 165(3) den Rialachán
Airgeadais ginearálta. 10.
Tabharfaidh Parlaimint na hEorpa, ar mholadh ón
gComhairle ag gníomhú di trí thromlach cáilithe, urscaoileadh don Stiúrthóir
Feidhmiúcháin roimh an 30 Aibreán den bhliain n+2 i leith chur chun
feidhme an bhuiséid i gcomhair na bliana N. Airteagal 60 Rialachán
Airgeadais Glacfaidh an Bord Bainistíochta na rialacha
airgeadais is infheidhme maidir leis an nGníomhaireacht tar éis dul i
gcomhairle leis an gCoimisiún. Ní imeoidh siad ó Rialachán (CE, Euratom) Uimh. 2343/2002[17] mura bhfuil gá sonrach leis
sin le haghaidh oibriú na Gníomhaireachta agus mura bhfuil réamhthoiliú faighte
ón gCoimisiún. CAIBIDIL 11 An Fhoireann Airteagal 61 Forálacha
ginearálta 1.
Beidh feidhm ag Rialacháin Foirne agus ag
Coinníollacha Fostaíochta Sheirbhísigh eile an Aontais Eorpaigh agus ag na
rialacha arna nglacadh trí chomhaontú idir institiúidí an Aontais Eorpaigh chun
éifeacht a thabhairt do na Rialacháin Foirne sin, maidir le foireann na
Gníomhaireachta. 2.
Chun leasa na seirbhíse, earcóidh an
Ghníomhaireacht: (a)
baill foirne atá incháilithe le haghaidh conartha
tréimhse éiginnte. (b)
baill foirne nach bhfuil incháilithe le haghaidh
conartha tréimhse éiginnte. Glacfar rialacha iomchuí cur chun feidhme don mhír
seo i gcomhréir leis an nós imeachta dá bhforáiltear in Airteagal 110 de
na Rialacháin Foirne. 3.
Glacfaidh an Ghníomhaireacht bearta riaracháin
iomchuí chun a seirbhísí a eagrú le haon choinbhleacht leasa a sheachaint. Airteagal 62 An
Stiúrthóir Feidhmiúcháin 1.
Ceapfar an Stiúrthóir Feidhmiúcháin mar ghníomhaire
sealadach de chuid na gníomhaireachta faoi Airteagal 2(a) de
Choinníollacha Fostaíochta Seirbhíseach Eile. 2.
Ceapfaidh an Bord Bainistíochta an Stiúrthóir
Feidhmiúcháin, ó liosta iarrthóirí arna moladh ag an gCoimisiún, tar éis nós
imeachta roghnúcháin oscailte agus trédhearcach. Chun críche chonradh an Stiúrthóra Feidhmiúcháin a
thabhairt i gcrích, déanfaidh Cathaoirleach an Bhoird Bainistíochta ionadaíocht
thar ceann na Gníomhaireachta. Sula ndéanfar an ceapachán, féadfar a iarraidh ar
an iarrthóir a roghnóidh an Bord Riaracháin ráiteas a dhéanamh os comhair
choiste inniúil Pharlaimint na hEorpa agus ceisteanna ó chomhaltaí an choiste
sin a fhreagairt. 3.
Cúig bliana a mhairfidh téarma oifige an Stiúrthóra
Feidhmiúcháin . Faoi dheireadh na tréimhse sin, déanfaidh an Coimisiún measúnú
ina gcuirfear san áireamh measúnú ar fheidhmíocht an Stiúrthóra Feidhmiúcháin
agus cúraimí agus dúshláin na Gníomhaireachta sa todhchaí. 4.
Féadfaidh an Bord Bainistíochta, ag gníomhú dó ar
thogra ón gCoimisiún, agus an measúnú dá dtagraítear i mír 3 á chur san
áireamh, téarma oifige an Stiúrthóra Feidhmiúcháin a shíneadh uair amháin, ar
feadh cúig bliana ar a mhéid. 5.
Cuirfidh an Bord Bainistíochta Parlaimint na hEorpa
ar an eolas maidir lena rún téarma oifige an Stiúrthóra Feidhmiúcháin a
shíneadh. Sa mhí sula síneofar a théarma oifige, féadfar cuireadh a thabhairt
don Stiúrthóir Feidhmiúcháin ráiteas a dhéanamh os comhair choiste inniúil na
Parlaiminte agus ceisteanna a chuirfidh comhaltaí an choiste a fhreagairt. 6.
Ní fhéadfaidh Stiúrthóir Feidhmiúcháin, a ndearnadh
síneadh ar a chonradh, páirt a ghlacadh i nós imeachta roghnúcháin eile don
phost céanna ag deireadh na tréimhse foriomláine. 7.
Ní fhéadfar an Stiúrthóir Feidhmiúcháin a chur as
oifig ach amháin ar chinneadh ón mBord Bainistíochta ag gníomhú dó ar thogra ón
gCoimisiún. Airteagal 63 Saineolaithe
Náisiúnta ar Iasacht agus baill foirne eile Féadfaidh an Ghníomhaireacht úsáid a bhaint as
Saineolaithe Náisiúnta ar Iasacht nó as aon bhall foirne eile nach bhfuil
fostaithe ag an nGníomhaireacht faoi na Rialacháin Foirne agus na Coinníollacha
Fostaíochta Seirbhíseach Eile. Glacfaidh an Bord Bainistíochta cinneadh lena
leagfar síos rialacha maidir le saineolaithe náisiúnta a thabhairt ar iasacht
don Ghníomhaireacht. CAIBIDIL 12 FORÁLACHA GINEARÁLTA Airteagal 64 Pribhléidí
agus díolúintí Beidh feidhm ag an bPrótacal ar Phribhléidí
agus Díolúintí an Aontais Eorpaigh maidir leis an nGníomhaireacht agus maidir
lena foireann. Airteagal 65 Comhaontú
maidir le ceanncheathrú agus coinníollacha oibriúcháin 1.
Na socruithe riachtanacha maidir leis an gcóiríocht
a chuirfear ar fáil don Ghníomhaireacht sa Bhallstát aíochta agus na saoráidí a
chuirfidh an Ballstát sin ar fáil mar aon leis na rialacha sonracha is
infheidhme i mBallstát aíochta na Gníomhaireachta maidir leis an Stiúrthóir
Feidhmiúcháin, le comhaltaí an Bhoird Bainistíochta, le foireann na
Gníomhaireachta agus baill dá dteaghlach, leagfar síos iad i gcomhaontú maidir
le ceanncheathrú idir an Ghníomhaireacht agus an Ballstát aíochta a thabharfar
i gcrích a luaithe is a gheofar formheas ón mBord Bainistíochta agus tráth nach
déanaí ná 2015. 2.
Déanfaidh an Ballstát aíochta na dálaí is fearr is
féidir a chur ar fáil chun go bhfeidhmeoidh an Ghníomhaireacht go hiomchuí,
lena n‑áirítear córas oideachais ilteangach a bhfuil gné Eorpach ag baint
leis, agus naisc iomchuí iompair. Airteagal 66 Dliteanas 1.
Beidh dliteanas conarthach na Gníomhaireachta faoi
rialú an dlí is infheidhme maidir leis an gconradh atá i gceist. 2.
Beidh dlínse ag Cúirt Bhreithiúnais an Aontais
Eorpaigh breithiúnas a thabhairt de bhun aon chlásail eadrána atá i gconradh
arna thabhairt i gcrích ag an nGníomhaireacht. 3.
I gcás dliteanais neamhchonarthaigh, déanfaidh an
Ghníomhaireacht, i gcomhréir leis na prionsabail ghinearálta is coiteann do
dhlíthe na mBallstát, aon damáiste a shlánú arb iad a ranna nó a baill foirne
féin is cúis leis agus iad i mbun a ndualgas. 4.
Beidh dlínse ag Cúirt Bhreithiúnais an Aontais
Eorpaigh i ndíospóidí a bhaineann leis an gcúiteamh as aon damáiste dá
dtagraítear i mír 3. Airteagal 67 Socruithe
teanga 1.
Beidh feidhm ag na forálacha atá leagtha síos i
Rialachán Uimh. 1 an 15 Aibreán 1958 lena gcinntear na teangacha
a úsáidfidh Comhphobal Eacnamaíochta na hEorpa[18]
maidir leis an nGníomhaireacht. 2.
Soláthróidh Ionad Aistriúcháin Chomhlachtaí an
Aontais Eorpaigh na seirbhísí aistriúcháin a theastóidh chun go bhfeidhmeoidh
an Ghníomhaireacht. Airteagal 68 Rannpháirtíocht
tríú tíortha in obair na Gníomhaireachta 1.
Gan dochar d’Airteagal 40, beidh fáilte ag an
nGníomhaireacht roimh rannpháirtíocht tríú tíortha, go háirithe tíortha
laistigh de raon feidhme Bheartas Comharsanachta na hEorpa, tíortha faoin
mBeartas um Méadú agus tíortha CSTE a bhfuil comhaontuithe tugtha i gcrích acu
leis an Aontas faoinar ghlac na tíortha lena mbaineann reachtaíocht an Aontais
nó a coibhéis de bhearta náisiúnta sa réimse arna gcumhdach faoin Rialachán seo
agus faoinar chuir siad i bhfeidhm í. 2.
I gcomhréir le forálacha ábhartha na gcomhaontuithe
dá dtagraítear i mír 1, déanfar socruithe idir an Ghníomhaireacht agus na tríú
tíortha lena sonrófar rialacha mionsonraithe rannpháirtíochta do na tíortha sin
in obair na Gníomhaireachta, go háirithe cineál agus méid na rannpháirtíochta
sin. Ar na socruithe seo áireofar forálacha maidir le ranníocaíochtaí
airgeadais agus baill foirne. Féadfaidh siad foráil a dhéanamh maidir le
hionadaíocht, gan ceart vótála, ar an mBord Bainistíochta. Síneoidh an Ghníomhaireacht na socruithe tar éis
comhaontú a fháil ón gCoimisiún agus tar éis di dul i gcomhairle leis an mBord
Bainistíochta. Airteagal 69 Comhar
leis na húdaráis agus na comhlachtaí náisiúnta 1.
Féadfaidh an Ghníomhaireacht comhaontú a dhéanamh
leis na húdaráis náisiúnta ábhartha, go háirithe na hÚdaráis Náisiúnta
Sábháilteachta, agus le comhlachtaí inniúla eile, i ndáil le
hAirteagail 12, 16, 17 agus 18 a chur chun feidhme. 2.
Féadfar a áireamh sna comhaontuithe cuid de
chúraimí na Gníomhaireachta a chonrú chuig na húdaráis náisiúnta, amhail
comhaid a sheiceáil agus a ullmhú, comhoiriúnacht theicniúil a fhíorú,
cuairteanna a dhéanamh agus staidéir theicniúla a dhréachtú. 3.
Áiritheoidh an Ghníomhaireacht go n‑áireofar
sna comhaontuithe tuairisciú sonraithe ar chúraimí agus coinníollacha maidir le
táirgí insoláthartha, na teorainneacha ama is infheidhme maidir lena seachadadh
agus an sceideal íocaíochtaí. 4.
Tá na comhaontuithe atá tuairiscithe i míreanna 1,
2 agus 3 gan dochar do fhreagracht fhoriomlán na Gníomhaireachta maidir lena
cúraimí dá bhforáiltear in Airteagail 12, 16, 17 agus 18 a chomhlíonadh. Airteagal 70 Trédhearcacht Beidh feidhm ag Rialachán (CE) Uimh. 1049/2001
ó Pharlaimint na hEorpa agus ón gComhairle[19]
maidir le doiciméid i seilbh na Gníomhaireachta. Glacfaidh an Bord Bainistíochta bearta
praiticiúla chun Rialachán (CE) Uimh. 1049/2001 a chur chun feidhme
faoin […]. Féadfaidh cinntí arna nglacadh ag an
nGníomhaireacht de bhun Airteagal 8 de Rialachán (CE) Uimh. 1049/2001
a bheith ina n‑ábhar gearáin chuig an Ombudsman nó a bheith ina n‑ábhar
caingne os comhair Chúirt Bhreithiúnais an Aontais Eorpaigh, faoi Airteagal 228
agus Airteagal 263 den Chonradh faoi seach. Beidh próiseáil sonraí de chineál pearsanta
arna déanamh ag an nGníomhaireacht faoi réir Rialachán (CE) Uimh. 45/2001. Airteagal 71 Rialacha
slándála maidir le faisnéis rúnaicmithe a chosaint Déanfaidh an Ghníomhaireacht na prionsabail
slándála atá i rialacha slándála an Choimisiúin le haghaidh Faisnéis
Rúnaicmithe an Aontais Eorpaigh (EUCI) agus faisnéis neamh‑rúnaicmithe
atá íogair a chosaint a chur i bhfeidhm, mar atá leagtha amach san Iarscríbhinn
a ghabhann le Cinneadh 2001/844/CE, CEGC, Euratom ón gCoimisiún an
29 Samhain 2001 lena leasaítear a rialacha inmheánacha nós imeachta.
Cumhdófar leis sin, inter alia, foráil maidir leis an bhfaisnéis sin a
mhalartú, a phróiseáil agus a stóráil. Airteagal 72 Calaois
a chomhrac 1.
Chun an comhrac in aghaidh na calaoise, an éillithe
agus gníomhaíochtaí mídhleathacha eile a éascú faoi Rialachán (CE) Uimh. 1073/1999,
laistigh de sé mhí ón lá a thiocfaidh an Rialachán seo i bhfeidhm, aontóidh an
Ghníomhaireacht do Chomhaontú Idirinstitiúideach an 25 Bealtaine 1999
maidir le himscrúduithe inmheánacha arna ndéanamh ag an Oifig Eorpach Frith‑Chaloise
(OLAF) agus glacfaidh sí na forálacha iomchuí is infheidhme maidir le fostaithe
uile na Gníomhaireachta ag úsáid an teimpléid atá leagtha amach san
Iarscríbhinn a ghabhann leis an gComhaontú sin. 2.
Beidh cumhacht iniúchóireachta ag Cúirt Iniúchóirí
na hEorpa, ar bhonn doiciméad agus ar an láthair, ar gach tairbhí deontais, ar
gach conraitheoir agus ar gach fochonraitheoir a fuair cistí de chuid an
Aontais ón nGníomhaireacht. 3.
Féadfaidh OLAF imscrúduithe a dhéanamh, lena n‑áirítear
seiceálacha agus cigireachtaí ar an láthair, i gcomhréir leis na forálacha agus
na nósanna imeachta atá leagtha síos i Rialachán (CE) Uimh. 1073/1999
ó Pharlaimint na hEorpa agus ón gComhairle[20]
agus Rialachán (Euratom, CE) Uimh. 2185/96 ón gComhairle[21] d'fhonn a shuí ar tharla
calaois, éilliú nó aon ghníomhaíocht neamhdhleathach eile a dhéanann difear do
leasanna airgeadais an Aontais a bhaineann le deontas nó conradh arna mhaoiniú
ag an nGníomhaireacht. 4.
Gan dochar do mhíreanna 1, 2 agus 3, beidh
forálacha a thugann de chumhacht go sainráite do Chúirt Iniúchóirí na hEorpa
agus do OLAF na hiniúchtaí agus imscrúduithe sin a chur i gcrích de réir a n‑inniúlachtaí
faoi seach, beidh siad sna comhaontuithe comhair le tríú tíortha agus le
heagraíochtaí idirnáisiúnta, i gconarthaí, i gcomhaontuithe deontais agus
cinntí deontais na Gníomhaireachta. CAIBIDIL 13 FORÁLACHA CRÍOCHNAITHEACHA Airteagal 73 Gníomhartha
tarmligthe a bhaineann le hAirteagail 12, 16, 17 agus 18. 1.
Tabharfar de chumhacht don Choimisiún gníomhartha
tarmligthe a ghlacadh i gcomhréir le hAirteagal 74 maidir le táillí agus
muirir agus Airteagail 12, 16, 17 agus 18 á gcur i bhfeidhm. 2.
Leis na bearta dá dtagraítear i mír 1 cinnfear go
háirithe na cúrsaí a bhfuil táillí agus muirir dlite ina leith de bhun
Airteagail 12, 16, 17 agus 18, méid na dtáillí agus na muirear agus an
bealach ina mbeidh siad le híoc. 3.
Toibheofar táillí agus muirir i leith an méid seo a
leanas: (a)
údaruithe le haghaidh fochórais rialaithe-ordaithe
agus chomharthaíochta taobh riain a chur i mbun seirbhíse a eisiúint agus a
athnuachan, údaruithe le haghaidh feithiclí a chur ar an margadh agus le
haghaidh cineálacha feithiclí, lena n‑áirítear an fhéidearthacht iad a
bheith comhoiriúnach leis na gréasáin nó na línte a léiriú; (b)
eisiúint agus athnuachan deimhnithe sábháilteachta;
(c)
soláthar seirbhísí; léireofar iontu an costas
iarbhír do gach soláthar ar leith; (d)
próiseáil achomharc. Sloinnfear gach táille agus muirear, in euro, agus
beidh siad iníoctha in euro. 4.
Socrófar méid na dtáillí agus na muirear ar an
leibhéal sin lena n‑áiritheofar gur leor an t‑ioncam ina leith chun
costas iomlán na seirbhísí arna seachadadh a chumhdach. Léireofar sa chostas
sin go háirithe, caiteachais uile na Gníomhaireachta a chuirfear i leith na
mball foirne dá dtagraítear i mír 3, lena n‑áireofar ranníocaíochtaí
pro-rata an fhostóra leis an scéim pinsean. Más rud é go dtiocfaidh neamhchomhardú
suntasach as soláthar na seirbhísí arna gclúdach le táillí agus muirir arís
agus arís eile, beidh sé éigeantach athbhreithniú a dhéanamh ar leibhéal na
dtáillí agus na muirear. Is éard a bheidh sna táillí agus sna muirir sin
ioncaim shannta don Ghníomhaireacht. Airteagal 74 An tarmligean
a fheidhmiú 1.
Tugtar de chumhacht don Choimisiún gníomhartha
tarmligthe a ghlacadh faoi réir na gcoinníollacha atá leagtha síos san Airteagal
seo. 2.
Is go ceann tréimhse éiginnte ama ó dháta theacht i
bhfeidhm an Rialacháin seo a thabharfar tarmligean na cumhachta dá dtagraítear
in Airteagal 73 don Choimisiún. 3.
Féadfaidh Parlaimint na hEorpa nó an Chomhairle
tarmligean na cumhachta dá dtagraítear in Airteagal 73 a chúlghairm tráth
ar bith. Leis an gcinneadh chun cúlghairm a dhéanamh, cuirfear deireadh le
tarmligean na cumhachta atá sonraithe sa chinneadh sin. Tiocfaidh sé i bhfeidhm
an lá tar éis fhoilsiú an chinnidh in Iris Oifigiúil an Aontas
Eorpaigh nó ar dháta níos déanaí arna shonrú ann. Ní dhéanfaidh sé difear
do bhailíocht aon ghníomhartha tarmligthe atá i bhfeidhm cheana. 4.
A luaithe a ghlacfaidh sé gníomh tarmligthe,
tabharfaidh an Coimisiún fógra ina leith go comhuaineach do Pharlaimint na
hEorpa agus don Chomhairle. 5.
Ní thiocfaidh gníomh tarmligthe arna ghlacadh de
bhun Airteagal 73 i bhfeidhm ach i gcás nár chuir Parlaimint na hEorpa nó
an Chomhairle ina choinne laistigh de thréimhse [2 mhí] ó cuireadh Parlaimint
na hEorpa nó an Chomhairle ar an eolas faoin ngníomh sin nó, i gcás inar chuir
Parlaimint na hEorpa agus an Chomhairle araon in iúl don Choimisiún roimh dhul
in éag don tréimhse sin, nach gcuirfidh siad i gcoinne an ghnímh. Cuirfear
[2 mhí] leis an tréimhse sin ar thionscnamh Pharlaimint na hEorpa nó na
Comhairle. Airteagal 75 An nós
imeachta coiste Beidh an coiste a bunaíodh le hAirteagal 21
de Threoir 96/48/CE de chúnamh ag an gCoimisiún. Is é a bheidh sa choiste
sin, coiste de réir bhrí Rialachán (AE) Uimh. 182/2011. I gcás ina ndéanfar tagairt don Airteagal
seo, beidh feidhm ag Airteagal 4 de Rialachán (AE) Uimh. 182/2011. Airteagal 76 Meastóireacht agus athbhreithniú 1.
Tráth nach déanaí ná cúig bliana tar éis theacht i
bhfeidhm an Rialacháin seo agus gach cúig bliana ina dhiaidh sin, coimisiúnóidh
an Coimisiún meastóireacht chun measúnú a dhéanamh, go háirithe, ar thionchar,
éifeachtacht agus éifeachtúlacht na Gníomhaireachta agus a cleachtas oibre. Sa
mheastóireacht díreofar, go háirithe, ar aon ghá le sainordú na Gníomhaireachta
a leasú, agus impleachtaí airgeadais aon leasaithe dá leithéid. 2.
Cuirfidh an Coimisiún an tuarascáil mheastóireachta
mar aon lena gconclúidí ar an tuarascáil ar aghaidh chuig Parlaimint na hEorpa,
an Chomhairle agus an Bord Bainistíochta. Poibleofar torthaí na meastóireachta. 3.
Nuair a dhéanfar gach dara meastóireacht, déanfar
measúnú freisin ar na torthaí a bhain an Ghníomhaireacht amach ag féachaint dá
cuspóirí, dá sainordú agus dá cúraimí. Airteagal 77 Forálacha
idirthréimhseacha: 1.
Tagann an Ghníomhaireacht in ionad na
Gníomhaireachta Eorpaí Iarnróid a bunaíodh le Rialachán (CE) Uimh. 881/2004
agus i gcomharbacht uirthi maidir le húinéireacht, comhaontuithe, oibleagáidí
dlíthiúla, conarthaí fostaíochta, gealltanais agus dliteanais airgeadais. 2.
De mhaolú ar Airteagal 43, fanfaidh Comhaltaí
an Bhoird Riaracháin arna gceapadh faoi Rialachán (CE) Uimh. 881/2004
roimh dháta theacht i bhfeidhm an Rialacháin seo, in oifig go dtí dáta éaga a
dtéarma mar Chomhaltaí an Bhoird Bainistíochta. De mhaolú ar Airteagal 49, fanfaidh an
Stiúrthóir Feidhmiúcháin arna cheapadh i gcomhréir le Rialachán (CE) Uimh. 881/2004
in oifig go dtí dáta éaga a théarma. 3.
De mhaolú ar Airteagal 61, urramófar gach
conradh fostaíochta atá i bhfeidhm ar an dáta ar a dtagann an Rialachán seo i
bhfeidhm, go dtí a dháta éaga. Airteagal 78 Aisghairm Tá Rialachán (CE) Uimh. 881/2004
aisghairthe. Airteagal 79 Teacht
i bhfeidhm Tiocfaidh an Rialachán seo i bhfeidhm an
fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile
agus go hiomlán agus beidh sé infheidhme go díreach i ngach Ballstát. Arna dhéanamh sa Bhruiséil, Thar ceann Pharlaimint na hEorpa Thar
ceann na Comhairle An tUachtarán An
tUachtarán IARSCRÍBHINN RÁITEAS AIRGEADAIS REACHTACH
1.
LEAGAN AMACH AN TOGRA/TIONSCNAIMH
1.1.
Teideal an togra/tionscnaimh
Togra
le haghaidh Rialacháin ó Pharlaimint na hEorpa agus ón gComhairle maidir le
Gníomhaireacht Iarnróid an Aontais Eorpaigh agus lena n‑aisghairtear
Rialachán (CE) Uimh. 881/2004
1.2.
Réimsí beartais lena mbaineann i gcreat ABM/ABB[22]
06:
Soghluaiseacht agus Iompar 0602:
Beartas iompair intíre, d'aer, agus ar muir 060208:
Gníomhaireacht Eorpach Iarnróid 06020801:
Gníomhaireacht Eorpach Iarnróid -- Ranníocaíocht le Teideal 1 agus Teideal 2 06020802:
Gníomhaireacht Eorpach Iarnróid – Ranníocaíocht le Teideal 3
1.3.
An cineál togra/tionscnaimh
¨ Baineann an
togra/tionscnamh le beart nua ¨ Baineann an
togra/tionscnamh le beart nua a leanann treoirthionscadal/réamhbheart[23] ý Baineann an togra/tionscnamh le síneadh ar
bheart atá ann cheana ¨ Baineann an
togra/tionscnamh le beart a atreoraíodh i dtreo birt nua
1.4.
Cuspóirí
1.4.1.
Cuspóirí straitéiseacha ilbhliantúla an Choimisiúin
ar a bhfuil an togra/tionscnamh dírithe
Cuspóirí/breisluach
an AE i gcomhréir le Eoraip 2020: Cuidíonn
an Ghníomhaireacht iompar d’iarnród atá idir-inoibritheach, sábháilte agus
inbhuanaithe a chothú do gheilleagar an AE agus do shaoránaigh an AE. Tagann sé
sin go hiomlán le trí thosaíocht na Straitéise Eoraip 2020: -
Fás cliste: geilleagar a fhorbairt atá bunaithe ar eolas agus ar nuálaíocht.
Cuidíonn an Ghníomhaireacht na caighdeáin theicniúla is airde is féidir a
fhorbairt i ndáil le bonneagar agus feithiclí iarnróid, agus ar an dóigh sin
cuireann sí eolas agus nuálaíocht chun cinn. -
Fás inbhuanaithe: geilleagar atá níos éifeachtúla ó thaobh acmhainní, níos
glaise agus níos iomaíche a chur chun cinn. Cuidíonn an Ghníomhaireacht earnáil
iompair an AE a dhéanamh níos inbhuanaithe agus níos neamhdhíobhálaí don
chomhshaol, agus cuireann sí teorainn le leibhéal foriomlán astaíochtaí agus le
hídiú fuinnimh. Cuideoidh iompar d’iarnród leis na spriocanna aeráide/fuinnimh
'20/20/20' agus an tionscnamh suaitheanta 'Eoraip atá tíosach ar acmhainní' a
bhaint amach. Beidh ról ag an nGníomhaireacht ina chur chun feidhme sna
hearnálacha éagsúla. -
Fás cuimsitheach: geilleagar ardfhostaíochta a chothú as a dtiocfaidh
comhtháthú sóisialta agus críochach. Maidir le réigiúin fhorimeallacha agus an
ceangal atá acu leis an gcroílár, is gné ríthábhachtach an t‑iompar
d’iarnród chun comhtháthú críochach a áirithiú. Soláthraíonn sé modh iompair
atá inbhuanaithe agus ar phraghas réasúnta do chodanna móra den daonra, rud a
chuidíonn deiseanna níos mó a chruthú i réimse na soghluaiseachta sóisialta
agus na fostaíochta, agus a chuidíonn chun an bhearna idir na réigiúin shaibhre
agus bhochta agus na tíortha saibhre agus bochta san AE a líonadh.
1.4.2.
Cuspóirí sonracha agus na gníomhaíochtaí ABM/ABB
lena mbaineann
Réimse buiséid: 06 02 Gníomhaíocht ABM/ABB lena mbaineann: 060208 Gníomhaireacht
Eorpach Iarnróid -
Ceannteideal buiséid 06 02 08 01 – Gníomhaireacht Eorpach Iarnróid -
Fóirdheontas faoi Theideal I agus Teideal II (caiteachas riaracháin) -
Ceannteideal buiséid 06 02 08 02 – Gníomhaireacht Eorpach Iarnróid -
Fóirdheontas faoi Theideal I agus Teideal III (caiteachas riaracháin) Cuspóirí sonracha: Sainchuspóir 1: Éifeachtúlacht na nósanna
imeachta maidir le deimhniú agus údarú sábháilteachta iarnróid a mhéadú trí
dheimhnithe sábháilteachta aonair, údaruithe feithiclí lena gcur ar an margadh
agus údaruithe le fochórais rialaithe-ordaithe agus comharthaíochta taobh riain
a eisiúint a bheadh bailí ar fud an AE, agus chun neamh‑idirdhealú a
áirithiú. Sainchuspóir 2: Comhleanúnachas chreat
iarnróid an AE a mhéadú trí fhaireachán a dhéanamh ar údaráis náisiúnta
iarnróid agus trí líon na rialacha a bhaineann le hiarnróid náisiúnta a laghdú. Sainchuspóir 3: Cur chun feidhme agus cur i
bhfeidhm reachtaíocht iarnróid an AE a fheabhsú trí bhreis cúnaimh a thabhairt
don Choimisiún, do na Ballstáit agus do na geallsealbhóirí. Sainchuspóir 4: Cúnamh a thabhairt don
Choimisiún reachtaíocht thánaisteach maidir le hidir-inoibritheacht agus
sábháilteacht iarnróid a chruthú agus a thabhairt cothrom le dáta, lena n‑áirítear
cur chuige coiteann maidir le sábháilteacht a fhorbairt. Sainchuspóir 5: Forbairt chomhleanúnach an
Chórais Eorpaigh um Bainistiú Tráchta Iarnróid (ERTMS) san AE a áirithiú, agus
an córas sin a chur chun cinn lasmuigh den AE. Sainchuspóir 6: Deimhniú cuí tiománaithe
traenach agus cúraimí bainteacha eile a áirithiú, i gcomhréir le
Treoir 2007/59/CE. Sainchuspóir 7: Cláir agus bunachair phoiblí a
bhaineann le sábháilteacht agus idir‑inoibritheacht iarnróid a
chothabháil agus a nuashonrú.
1.4.3.
An toradh agus an tionchar a bhfuil súil leo
Sonraigh an tionchar a
bheadh ag an togra/tionscnamh ar na tairbhithe/grúpaí ar a bhfuil sé dírithe. Torthaí
atá ceangailte leis na sainchuspóirí: Toradh chuspóir sonrach Uimh. 1: costais
laghdaithe le haghaidh iarratasóirí agus tréimhse níos giorra chun deimhnithe
sábháilteachta, údaruithe feithiclí lena gur ar an margadh agus údaruithe le
fochórais rialaithe-ordaithe agus comharthaíochta taobh riain a eisiúint; na
coinníollacha céanna do na hiarratasóirí ar fad san AE; neamh‑idirdhealú
a áirithiú d'oibreoirí. Toradh chuspóir sonrach Uimh. 2:
comhchuibhiú ar chur i bhfeidhm reachtaíocht iarnróid an AE agus ar chleachtais
na n‑údarás náisiúnta; breis soiléire agus trédhearcachta i ndáil le
ceanglais dhlíthiúla agus coinníollacha oibriúcháin san AE trí rialacha nach
bhfuil gá leo a laghdú, rud a chuirfeadh teorainn leis na deiseanna i ndáil le
cleachtais idirdhealaitheacha i gcoinne oibreoirí. Toradh chuspóir sonrach Uimh. 3: tuiscint
níos fearr ag geallsealbhóirí agus ag na Ballstáit ar reachtaíocht iarnróid
agus oibríocht níos rianúla an Limistéir Eorpaigh Aonair Iarnróid mar thoradh
air sin; obair sheirbhísí éagsúla an Choimisiúin a dhéanamh níos éifeachtaí
agus níos éifeachtúla. Toradh chuspóir sonrach Uimh. 4: An
Limistéar Eorpach Aonair Iarnróid a bheith níos idir-inoibrithí agus leibhéal
ard sábháilteachta ann, rud a rachadh chun sochair do ghnóthais iarnróid, do
chustaiméirí agus do phaisinéirí. Toradh chuspóir sonrach Uimh. 5: cuirtear
an Córas Eorpach um Bainistiú Tráchta Iarnróid (an ERTMS) chun feidhme go
comhsheasmhach ar fud an AE agus tá a chuid trealaimh ag teacht leis na
sonraíochtaí atá i bhfeidhm; caighdeáin an ERTMS á gcur chun cinn lasmuigh den
AE. Toradh chuspóir sonrach Uimh. 6: caitear
le tiománaithe traenacha ar bhealach comhsheasmhach san AE. Toradh chuspóir sonrach Uimh. 7:
trédhearcacht do gheallsealbhóirí iarnróid, do na Ballstáit agus don phobal go
ginearálta i ndáil le sonraí tábhachtacha maidir le hidir‑inoibritheacht
agus sábháilteacht iarnróid
1.4.4.
Táscairí lena léirítear toradh agus tionchar
Sonraigh na táscairí
lena léirítear an faireachán ar chur chun feidhme an togra/tionscnaimh. Táscairí chuspóir sonrach Uimh. 1: -
líon na ndeimhnithe sábháilteachta arna n‑eisiúint; -
líon na n‑údaruithe feithiclí lena gcur ar an margadh arna n‑eisiúint; -
líon na n‑údaruithe chun fochórais rialaithe‑ordaithe agus
comharthaíochta taobh riain a chur i mbun seirbhíse arna n‑eisiúint. Táscairí chuspóir sonrach Uimh. 2: -
líon thuarascálacha iniúchóireachta na n‑údarás náisiúnta arna n‑eisiúint; -
líon na rialacha náisiúnta arna dtarraingt siar; -
líon na rialacha náisiúnta arna ndearbhú go bhfuil glactha leo thar
theorainneacha; -
torthaí eile a bhaineann le rialú agus faireachán. Táscairí chuspóir sonrach Uimh. 3: -
líon na dtuarascálacha lena ndéantar meastóireacht ar chur chun feidhme na
reachtaíochta iarnróid; -
líon na dtionscadal iarnróid arna measúnú; -
líon na n‑imeachtaí faisnéise agus oiliúna (ceardlanna, comhdhálacha)
arna n‑eagrú; -
líon na ndoiciméad léirmhínitheach arna n‑eisiúint; -
líon na gcuairteanna cúnaimh arna ndéanamh; -
torthaí eile a bhaineann le breis cúnaimh. Táscairí chuspóir sonrach Uimh. 4: -
líon na moltaí i ndáil le Sonraíochtaí nua Teicniúla Idir-inoibritheacha
(STInna) arna seoladh chuig an gCoimisiún; -
líon na moltaí i ndáil le hathbhreithniú a dhéanamh ar Shonraíochtaí nua
Teicniúla Idir-inoibritheacha arna seoladh chuig an gCoimisiún; -
líon na moltaí i ndáil le Modhanna nua Sábháilteachta Comhchoiteanna (MSCanna)
arna seoladh chuig an gCoimisiún; -
líon na moltaí i ndáil le hathbhreithniú ar na Modhanna nua Sábháilteachta
Comhchoiteanna arna seoladh chuig an gCoimisiún; -
líon na dtuairimí arna soláthar don Choimisiún, do na Ballstáit agus do
gheallsealbhóirí eile; -
líon na measúnuithe tionchair agus na n‑anailísí costais‑sochair
arna n‑eisiúint; -
torthaí eile a bhaineann le tuilleadh idir-inoibritheachta agus sábháilteachta. Táscairí chuspóir sonrach Uimh. 5: -
líon na moltaí a bhaineann le hathruithe agus leaganacha nua an ERTMS arna n‑eisiúint; -
líon na dtuarascálacha arna soláthar don Choimisiún ina ndéantar meastóireacht
ar chur chun feidhme an mheasúnaithe comhréireachta agus ar nós imeachta
fíorúcháin an CE ar threalamh an ERTMS; -
líon na moltaí i ndáil le neamhréireachtaí teicniúla thionscadail an ERTMS arna
seoladh chuig an gCoimisiún; -
torthaí eile a bhaineann le forbairt chomhleanúnach agus úsáid an ERTMS a
áirithiú. Táscairí chuspóir sonrach Uimh. 6: -
líon na dtiománaithe traenach arna ndeimhniú i gcomhréir leis an Treoir maidir
le tiománaithe traenach; -
torthaí eile a bhaineann le coinníollacha tiománaithe traenach a chomhchuibhiú. Táscairí chuspóir sonrach Uimh. 7: -
líon na mbunachar sonraí poiblí agus na gclár arna mbunú agus arna mbainistiú; -
torthaí eile a bhaineann le trédhearcacht sonraí a bhaineann le hiarnród.
1.5.
An foras atá leis an togra/tionscnamh
1.5.1.
Na ceanglais is gá a shásamh sa ghearrthéarma nó
san fhadtéarma
Ceadú
don Ghníomhaireacht Eorpach Iarnróid dul i mbun gníomhaíochtaí nua agus
leanúint de chúraimí atá orthu cheana a chumhdach, ar cúraimí iad a bhfuil gá
leo chun margadh inmheánach iarnróid atá idir‑inoibritheach ina iomláine
agus sábháilte a bhaint amach (Limistéar Eorpach Aonair Iarnróid).
1.5.2.
Luach breise a bhaineann le rannpháirtíocht an AE
Tá
ról an AE faoi láthair (cúraimí na Gníomhaireachta Eorpaí Iarnróid) leagtha
síos i Rialachán Bunaidh na Gníomhaireachta Eorpaí Iarnróid 881/2004. Ina
theannta sin, le Treoir 2004/49/CE, Treoir 2008/57/CE agus Treoir 2007/59/CE,
tá cúraimí eile tugtha go díreach agus go hindíreach don Ghníomhaireacht. Ar an
mbealach céanna, bhí tionchar ag roinnt reachtaíochta tánaistí arna glacadh ag
an gCoimisiún faoi na treoracha thuasluaite, go háirithe na Sonraíochtaí
Teicniúla Idir-inoibritheacha (TSInna), na Modhanna Sábháilteachta
Comhchoiteanna (MSCanna) agus na Spriocanna Sábháilteachta Comhchoiteanna
(SSCanna), ar ghníomhaíochtaí agus ar obair na Gníomhaireachta Eorpaí Iarnróid.
Tá an Rialachán seo dírithe ar chúraimí ar fad na Gníomhaireachta faoi láthair
a chur le chéile in aon ghníomh dlíthiúil amháin, agus ról na Gníomhaireachta
Eorpaí Iarnróid a leathnú go réimsí eile ina bhfuil údar leis. I
gcomhréir leis an bPáipéar Bán um Iompair 2011 (Treochlár um Limistéar Eorpach
Aonair Iompair – I dtreo córais iompair atá iomaíoch agus tíosach ar acmhainní)
agus le torthaí an mheasúnaithe tionchair a ghabhann leis an tionscnamh seo,
cuirfidh an togra seo le breisluach an AE trí fháil réidh le bacainní teicniúla
agus riaracháin atá san earnáil iarnróid cheana, go háirithe ar na bealaí seo a
leanas: -
trí údarú feithiclí iarnróid agus deimhniú sábháilteachta gnóthas iarnróid a
dhéanamh níos éifeachtúla (níos saoire agus níos tapa) agus níos neamhchlaonta,
ach iad a aistriú go dtí leibhéal an AE; -
trí chomhleanúnachas agus cur i bhfeidhm acquis iarnróid an AE a mhéadú
trí ligean don Ghníomhaireacht faireachán a dhéanamh ar fheidhmiú údarás
náisiúnta atá gníomhach i réimsí idir-inoibritheachta agus sábháilteachta
iarnróid; -
dul chun cinn níos tapa a éascú i dtreo caighdeán iarnróid don AE a bheadh
coiteann i bhfírinne, trí chur le bearta na Gníomhaireachta Eorpaí Iarnróid i
ndáil le rialacha d'iarnróid náisiúnta a laghdú; -
caitheamh chistí an AE ar na hiarnróid a fheabhsú (TEN, an Ciste
Comhtháthaithe, Cistí Struchtúrtha, cláir thaighde, etc.). Beidh
breisluach ann de thoradh rannpháirtíocht an AE trí bhíthin na Gníomhaireachta
Eorpaí Iarnróid a bhuí leis an méid seo a leanas: -
úsáid struchtúir thiomnaithe agus foirne cáilithe, a bhfuil cuid acu ar fáil
cheana féin; -
taithí dhearfach le modhanna seanbhunaithe (mar shampla, trí ghréasán bunaithe
agus oibríochtúil na n‑údarás náisiúnta sábháilteachta a úsáid); -
a oibiachtúil agus a neamhchlaonta is atá sé, rud a shásaíonn na
geallsealbhóirí.
1.5.3.
Ceachtanna a foghlaimíodh ó thaithí eile dá
leithéid san am a chuaigh thart
Léirigh
an mheastóireacht ar Rialachán na Gníomhaireachta Eorpaí Iarnróid agus ar
fheidhmiú na Gníomhaireachta (2009‑2010) mar aon leis an meastóireacht
ghinearálta ar Ghníomhaireachtaí an AE in 2009 an breisluach a sholáthraíonn an
Ghníomhaireacht. Déanann
an tionscnamh iarracht (trí leasú a dhéanamh ar Rialachán na Gníomhaireachta
Eorpaí Iarnróid) na moltaí a fuarthas ón meastóireacht ar an nGníomhaireacht
Eorpach Iarnróid, ón gCúirt Iniúchóirí, ón tSeirbhís um Iniúchóireacht
Inmheánach agus ó Chomhráiteas an Choimisiúin, Pharlaimint na hEorpa agus na
Comhairle maidir le gníomhaireachtaí díláraithe a chur i bhfeidhm, go háirithe
i ndáil le struchtúr inmheánach, rialachas agus feidhmiú.
1.5.4.
Comhoiriúnacht d'ionstraimí ábhartha eile agus
sineirgíocht a d'fhéadfadh a bheith ann
Tá an togra ag teacht leis an bPáipéar Bán um
Iompair 2011, go háirithe le tionscnamh 1 agus tionscamh 19: - "Údarú cineáil feithiclí aonair agus deimhniú
sábháilteachta gnóthais aonair iarnróid a bhaint amach trí ról na
Gníomhaireachta Eorpaí Iarnóid (ERA) a threisiú"; - "Cur le ról an ERA i réimse na sábháilteachta
iarnróid, go háirithe maidir le maoirseacht a dhéanamh ar bhearta náisiúnta
sábháilteachta arna nglacadh ag na hÚdaráis Náisiúnta Sábháilteachta agus a
gcomhchuibhiú de réir a chéile." Tá an togra ag teacht le beartas agus reachtaíocht
an AE maidir le hidir‑inoibritheacht agus sábháilteacht iarnród, go
háirithe Treoir 2004/49 (Treoir maidir le Sábháilteacht Iarnróid) agus Treoir 2008/57
(Treoir maidir le hIdir‑inoibritheacht Iarnróid), a dhéanfar a leasú mar
chuid den tionscnamh seo freisin. Tá na trí ghníomh sin idirnasctha agus tá
siad dírithe ar dheireadh a chur leis na bacainní riaracháin agus teicniúla atá
ann fós, go háirithe trí chur chuige comhchoiteann maidir le rialacha
sábháilteachta agus idir‑inoibritheachta a bhunú chun barainneachtaí
scála a mhéadú i dtaca le gnóthais iarnróid atá gníomhach ar fud an AE, ar
chostais riaracháin a ísliú agus ar dhlús a chur faoi na nósanna imeachta
riaracháin, chomh maith le hidirdhealú faoi cheilt a sheachaint. Ina
theannta sin, tá an tionscnamh seo mar chuid den Cheathrú Pacáiste Iarnróid, ar
pacáiste níos leithne é a bheidh dírithe – sa bhreis ar an gcuspóir thuasluaite
- ar an margadh intíre paisinéirí d’iarnród a oscailt agus rialachas na
bainistíochta bonneagair a bharrfheabhsú; táthar ag súil go háirithe le
sineirgíochtaí i ndáil le hidirdhealú a laghdú i dtaca le rochtain ar
bhonneagar, agus na bacainní atá ar rochtain a ísliú d'iontrálaithe nua dá réir
sin. Tá
sineirgíocht thábhachtach ann freisin idir cúraimí leasaithe na Gníomhaireachta
Eorpaí Iarnróid agus Gníomhaireacht Feidhmiúcháin TEN‑T i ndáil le
meastóireacht a dhéanamh ar thionscadail iarnróid, maidir le luach níos fearr
ar airgead agus éifeachtúlacht tionscadal arna maoiniú ó chistí an AE. Sa
bhreis air sin, tá an tionscnamh seo ag teacht le moltaí na Cúirte Iniúchóirí,
na Seirbhíse um Iniúchóireacht Inmheánach agus Comhráiteas an Choimisiúin,
Pharlaimint na hEorpa agus na Comhairle maidir le gníomhaireachtaí díláraithe,
agus le meastóireacht na Gníomhaireachta Eorpaí Iarnróid, agus cuireann sé na
moltaí sin chun feidhme. Ar
deireadh, déanann an tionscnamh seo iarracht roinnt cúraimí agus gníomhaíochtaí
a áireamh i Rialachán na Gníomhaireachta Eorpaí Iarnróid, a sannadh don
Ghníomhaireacht le gníomhartha eile, go háirithe Treoir 2007/59/CE, Cinntí
an Choimisiúin maidir le Sonraíochtaí Teicniúla Idir-inoibritheachta, agus
Modhanna Sábháilteachta Comhchoiteanna.
1.6.
Fad agus tionchar airgeadais
x Togra/tionscnamh a bheidh i bhfeidhm ar
feadh tréimhse neamhtheoranta –
Cuirfear chun feidhme é le linn na tréimhse tosaigh
2015 go 2020, –
cuirfear ag feidhmiú go hiomlán ina dhiaidh sin é.
1.7.
Modhanna bainistíochta atá beartaithe[24]
¨ Bainistíocht dhíreach láraithe ag an gCoimisiún x Bainistíocht indíreach láraithe trí na cúraimí cur chun feidhme a tharmligean chuig: –
¨ gníomhaireachtaí feidhmiúcháin –
x comhlachtaí arna mbunú ag na Comhphobail[25] –
¨ comhlachtaí náisiúnta san earnáil phoiblí/comhlachtaí a bhfuil misean
de sheirbhís phoiblí acu –
¨ daoine a bhfuil sé de chúram orthu bearta ar leith a chur chun
feidhme de bhun Theideal V den Chonradh ar an Aontas Eorpach agus atá
sainaitheanta sa ghníomh bunaidh ábhartha de réir bhrí Airteagal 49 den
Rialachán Airgeadais ¨ Bainistíocht chomhroinnte leis na Ballstáit ¨ Bainistíocht dhíláraithe le tríú tíortha ¨ Comhbhainistíocht le
heagraíochtaí idirnáisiúnta (tabhair sonraí)
2.
BEARTA BAINISTÍOCHTA
2.1.
Rialacha faireacháin agus tuairiscithe
Sonraigh cé chomh
minic, agus na coinníollacha. Tá
gníomhaireachtaí ar fad an AE ag obair faoi dhianchóras faireacháin lena
mbaineann inniúlacht iniúchóireachta inmheánaí, Seirbhís um Iniúchóireacht
Inmheánach an Choimisiúin, an Bord Riaracháin, an Coimisiún, an Chúirt
Iniúchóirí agus an tÚdarás Buiséadach. Leanfar d'fheidhm a bheith ag an gcóras
sin mar atá leagtha síos i Rialachán bunaidh na Gníomhaireachta Eorpaí
Iarnróid.
2.2.
Córas bainistíochta agus rialaithe
2.2.1.
Na rioscaí a aithníodh
Tada
2.2.2.
Modhanna rialaithe atá beartaithe
Neamhbhainteach
2.3.
Bearta chun calaois agus neamhrialtachtaí a chosc
Sonraigh bearta
coisctheacha agus cosanta atá ann cheana nó atá beartaithe. Áirítear
bearta frithchalaoise faoi Airteagal 41 de Rialachán bunaidh na
Gníomhaireachta Eorpaí Iarnróid, agus leanfar d'fheidhm a bheith acu amach
anseo.
3.
AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH
3.1.
Ceannteidil an chreata airgeadais ilbhliantúil agus
na línte buiséid ar a n‑imrítear tionchar
· Línte buiséid atá ann cheana In ord cheannteidil
agus línte buiséid an chreata airgeadais ilbhliantúil. Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht Uimhir [Tuairisc] || LD/LN ([26]) || ó thíortha CSTE[27] || ó thíortha is iarrthóirí[28] || ó thríú tíortha || de réir bhrí Airteagal 18(1)(aa) den Rialachán Airgeadais 1.1 || 06.02.08 [líne buiséid na Gníomhaireachta Eorpaí Iarnróid] || Neamhdhifreáilte || TÁ || NÍL || NÍL || NÍL
3.2.
An tionchar a mheastar a bheidh ag an
togra/tionscnamh ar chaiteachas
Roimh chur síos mionsonraithe a dhéanamh ar an
tionchar a mheastar a bheidh ag an togra seo, tá sé tábhachtach a rá go bhfuil
an meastachán seo sealadach i láthair na huaire ó tá sé faoi réir an tÚdarás
Buiséadach an chéad chreata airgeadais ilbhliantúil eile (2014–2020) a
ghlacadh.
3.2.1.
Achoimre ar an tionchar a mheastar a bheidh ag an
togra/tionscnamh ar chaiteachas
EUR milliúin (praghsanna reatha, go dtí an 3ú
deachúil) Ceannteideal an chreata airgeadais ilbhliantúil: || 1 || Fás Cliste agus Uilechuimsitheach DG: MOVE || || || 2015 || 2016 || 2017 || 2018 || 2019 || 2020 || IOMLÁN 2015-2020 Leithreasuithe de chineál riaracháin || || || || || || || Uimhir na líne buiséid 06.02.08 [Líne buiséid na Gníomhaireachta Eorpaí Iarnróid ] Bunús: - Túsphointe - DB 2013 ag EUR 25M, - 2 % cánachas arna chur i bhfeidhm ar an bhfoireann 2014-2017, - méadú 1 % ar an mbuiséad bliantúil de bharr an choigeartaithe bliantúil. Ó 2017 amach, beidh ioncam seachtrach ó tháillí agus ó mhuirir i bhfeidhm agus mar sin ní bheidh aon éileamh ar bhuiséad an AE i ndáil le foireann nua. || Gealltanais || (1) || 25.613 (lena n‑áirítear 0.113 do chúraimí nua) || 26 (lena n‑áirítear 0.3 do thascanna nua) || 26 (0 do chúraimí nua) || 26.25 (0 do chúraimí nua) || 26.5 (0 do chúraimí nua) || 26.75 (0 do chúraimí nua) || 157.113 (ar cumhdach do chúraimí nua in 2015-2016 é 0.413 de sin) Íocaíochtaí || (2) || 25.613 || 26 || 26 || 26.25 || 26.5 || 26.75 || 157.113 IOMLÁN leithreasuithe do DG MOVE || Gealltanais || (5)=1+3 || 25.613 || 26 || 26 || 26.25 || 26.5 || 26.75 || 157.113 (ar cumhdach do chúraimí nua in 2015-2016 é 0.413 de sin) Íocaíochtaí || (6)=2+4 || 25.613 || 26 || 26 || 26.25 || 26.5 || 26.75 || 157.113 IOMLÁN leithreasuithe faoi CHEANNTEIDEAL 1 den chreat airgeadais ilbhliantúil || Gealltanais || =5 || 25.613 || 26 || 26 || 26.25 || 26.5 || 26.75 || 157.113 (ar cumhdach do chúraimí nua in 2015-2016 é 0.413 de sin) Íocaíochtaí || =6 || 25.613 || 26 || 26 || 26.25 || 26.5 || 26.75 || 157.113 Ceannteideal an chreata airgeadais ilbhliantúil: || 5 || 'Caiteachas riaracháin' EUR milliúin, praghsanna reatha (go dtí an 3ú
deachúil) || || || 2015 || 2016 || 2017 || 2018 || 2019 || 2020 || IOMLÁN 2015-2020 DG: MOVE || Acmhainní daonna Bunús: leibhéal reatha buiséid d'fhoireann DG MOVE atá ag plé le saincheisteanna a bhaineann leis an nGníomhaireacht Eorpach Iarnróid (EUR 0.655 M – cúigear ball foirne) arna chur i bhfeidhm gach bliain + coigeartú bliantúil 1 % || 0.655 || 0.66 || 0.665 || 0.67 || 0.675 || 0.68 || 4.005 Caiteachas riaracháin eile || 0 || 0 || 0 || 0 || 0 || 0 || 0 IOMLÁN DG MOVE || Leithreasuithe || 0.655 || 0.66 || 0.665 || 0.67 || 0.675 || 0.68 || 4.005 IOMLÁN leithreasuithe faoi CHEANNTEIDEAL 5 den chreat airgeadais ilbhliantúil || (Iomlán leithreasuithe = Iomlán íocaíochtaí) || 0.655 || 0.66 || 0.665 || 0.67 || 0.675 || 0.68 || 4.005 EUR milliúin (go dtí an 3ú deachúil) || || || 2015 || 2016 || 2017 || 2018 || 2019 || 2020 || IOMLÁN IOMLÁN leithreasuithe faoi CHEANNTEIDIL 1 go 5 den chreat airgeadais ilbhliantúil || Gealltanais || 26.268 || 26.66 || 26.665 || 26.92 || 27.175 || 27.43 || 161.118 Íocaíochtaí || 26.268 || 26.66 || 26.665 || 26.92 || 27.175 || 27.43 || 161.118
3.2.2.
Dréachtphlean bunaíochta atá beartaithe don
Ghníomhaireacht Eorpach Iarnróid 2015-2020
MAOINEOFAR AN FHOIREANN NUA AR FAD LE TÁILLÍ
AGUS MUIRIR SEACHTRACHA Ó 2017 AMACH: An fhoireann atá beartaithe don Ghníomhaireacht Eorpach Iarnróid 2015-2020 [Bunús: 143 ball foirne plean bunaíochta in 2013 agus 2 % cánachais faoi 2017 (-2-3 duine in aghaidh na bliana)] || || 2015 || 2016 || 2017 || 2018 || 2019 || 2020 Gráid AD || || 101 || 100 || 99 || 99 || 99 || 99 Gráid nua AD || || 0 || 0 || 12 || 14 || 14 || 14 Iomlán AD || || 101 || 100 || 111 || 113 || 113 || 113 Gráid AST || || 37 || 36 || 34 || 34 || 34 || 34 Gráid nua AST || || 0 || 0 || 4 || 4 || 4 || 4 Iomlán AST || || 37 || 36 || 38 || 38 || 38 || 38 Fo-iomlán na bpost don Phlean Bunaíochta || || 138 || 136 || 149 || 151 || 151 || 151 SNInna || || 6 || 6 || 6 || 6 || 6 || 6 SNInna nua || || 2 || 5 || 12 || 13 || 13 || 13 Iomlán SNInna || || 8 || 11 || 18 || 19 || 19 || 19 Gníomhairí ar conradh || || 15 || 15 || 15 || 15 || 15 || 15 Gníomhairí nua ar conradh || || 1 || 3 || 7 || 9 || 10 || 12 Iomlán gníomhairí ar conradh || || 16 || 18 || 22 || 24 || 25 || 27 Líon iomlán post nua || || 5 || 10 || 35 || 40 || 41 || 43 Tionchar ar phoist don phlean bunaíochta || || 0 || 0 || 16 || 18 || 18 || 18 IOMLÁN GINEARÁLTA || || 162 || 165 || 189 || 194 || 195 || 197 || || || || || || ||
3.2.3.
An tionchar a mheastar a bheidh ar leithreasuithe
riaracháin agus ar leithreasuithe faoi chomhair oibríochtaí
–
¨ Ní éilíonn an togra/tionscnamh go n‑úsáidfear leithreasuithe
faoi chomhair oibríochtaí –
x Éilíonn an togra/tionscnamh go n‑úsáidfear leithreasuithe faoi
chomhair oibríochtaí agus leithreasuithe riaracháin mar a mhínítear thíos: –
Tabhair faoi deara go mbaineann na haschuir a
luaitear thíos le buiséad iomlán na Gníomhaireachta Eorpaí Iarnróid (Teideal 1,
2 agus 3). –
Tabhair faoi deara gur ioncam don Ghníomhaireacht
Eorpach Iarnróid a bheidh i gcostas na n‑aschur i gCuspóir Sonrach Uimh. 1:
gearrfaidh an Ghníomhaireacht táille ar iarratasóirí seachtracha as na
doiciméid sin a eisiúint. Dá bhrí sin, cuirtear idir lúibíní iad agus ní
chuirtear iad le suim iomlán chostais na n‑aschur ar fad. Leithreasuithe faoi chomhair gealltanas in EUR
milliúin (go dtí an 3ú deachúil) Sonraigh cuspóirí agus aschuir ò || || || 2015 || 2016 || 2017 || 2018 || 2019 || 2020 || IOMLÁN || || Saghas aschuir[29] || Meánchostas na n‑aschur || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon iomlán na n‑aschur || Iomlán iomlán || CUSPÓIR SONRACH Uimh. 1[30]: Éifeachtúlacht na nósanna imeachta maidir le deimhniú agus údarú sábháilteachta iarnróid a mhéadú trí dheimhnithe sábháilteachta aonair, údaruithe feithiclí lena gcur ar an margadh agus údaruithe le fochórais rialaithe-ordaithe agus comharthaíochta taobh riain a eisiúint a bheadh bailí ar fud an AE, agus chun neamh‑idirdhealú a áirithiú. || || || || || || || || || || || || || || Deimhnithe sábháilteachta aonair || Líon na ndeimhnithe sábháilteachta arna n‑eisiúint; || (0.01) – a chumhdófar le táillí agus le muirir || 0 || || 0 || || 110 || (1.1) || 110 || (1.1) || 110 || (1.1) || 110 || (1.1) || 440 || (4.4) (4.4) – a chumhdófar le táillí agus le muirir Údaruithe feithiclí lena gcur ar an margadh || Líon na n‑údaruithe feithicle lena gcur ar an margadh arna eisiúint; || (0.017) – a chumhdófar le táillí agus le muirir || 0 || || 0 || || 456 || (7.752) || 452 || (7.684) || 449 || (7.632) || 447 || (7.598) || 1804 || (30.67) – a chumhdófar le táillí agus le muirir Údarás córas don ERTMS || Líon na n‑údaruithe chun fochórais rialaithe-ordaithe agus comharthaíochta taobh riain a chur i mbun seirbhíse arna n‑eisiúint. || (0.05) (0.05) – a chumhdófar le táillí agus le muirir || 0 || || 0 || || 30 || (1.5) || 32 || (1.6) || 35 || (1.75) || 40 || (2) || 137 || (6.85) – a chumhdófar le táillí agus le muirir Fo-iomlán chuspóir sonrach Uimh. 1 || || || || || || (10.352) || || (10.384) || || (10.482) || || (10.698) || || (41.92) CUSPÓIR SONRACH Uimh. 2: Comhleanúnachas chreat iarnróid an AE a mhéadú trí fhaireachán a dhéanamh ar údaráis náisiúnta iarnróid agus trí líon na rialacha a bhaineann le hiarnróid náisiúnta a laghdú || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon iomlán na n‑aschur || Iomlán iomlán Údaráis náisiúnta faireacháin || Líon na dtuarascálacha iniúchóireachta arna n‑eisiúint || 0.2 || 2 || 0.4 || 3 || 0.6 || 5 || 1 || 5 || 1 || 5 || 1 || 5 || 1 || 25 || 5 Laghdú ar rialacha dibhéirseacha náisiúnta agus glacadh le rialacha thar theorainneacha a mhéadú || Líon na rialacha náisiúnta arna dtarraingt siar || 0.0015 || 1000 || 1.5 || 1500 || 2.25 || 1500 || 2.25 || 2000 || 3 || 1500 || 2.25 || 1500 || 2.25 || 9000 || 13.5 Líon na rialacha náisiúnta a dhearbhaítear a nglacadh thar theorainneacha || 0.001 || 1000 || 1.0 || 1000 || 1.0 || 1000 || 1.0 || 1000 || 1.0 || 1000 || 1.0 || 1000 || 1.0 || 8000 || 6.0 Eile || Torthaí eile a bhaineann le rialú agus faireachán || 0.001 || 100 || 0.1 || 100 || 0.1 || 125 || 0.125 || 125 || 0.125 || 150 || 0.15 || 150 || 0.15 || 750 || 0.75 Fo-iomlán chuspóir sonrach Uimh. 2 || || || || || || || || || || || || || || 25.25 CUSPÓIR SONRACH Uimh. 3: Cur chun feidhme agus cur i bhfeidhm reachtaíocht iarnróid an AE a fheabhsú trí bhreis cúnaimh a thabhairt don Choimisiún, do na Ballstáit agus do na geallsealbhóirí, agus cúraimí eile || || || || || || || || || || || || || || Cúnamh don Choimisiún || Líon na dtuarascálacha lena ndéantar meastóireacht ar chur chun feidhme na reachtaíochta iarnróid || 0.1 || 3 || 0.3 || 5 || 0.5 || 7 || 0.7 || 10 || 1 || 14 || 1 || 18 || 1 || 57 || 5.7 Líon na dtionscadal iarnróid a ndéantar meastóireacht orthu || 0.05 || 5 || 0.25 || 7 || 0.35 || 10 || 0.5 || 15 || 0.75 || 20 || 1 || 25 || 1.25 || 82 || 4.1 Cúnamh do na Ballstáit agus do gheallsealbhóirí eile || Lon na n‑imeachtaí faisnéise agus oiliúna (ceardlanna, comhdhálacha) arna n‑eagrú || 0.1 || 5 || 0.5 || 7 || 0.7 || 10 || 1 || 12 || 1.2 || 14 || 1.4 || 16 || 1.6 || 64 || 6.4 Líon na ndoiciméad léirmhínitheach arna n‑eisiúint || 0.1 || 2 || 0.2 || 2 || 0.2 || 4 || 0.4 || 8 || 0.8 || 10 || 1 || 10 || 1 || 36 || 3.6 Líon na gcuairteanna cúnaimh arna ndéanamh || 0.1 || 2 || 0.2 || 4 || 0.4 || 8 || 0.8 || 10 || 1 || 10 || 1 || 12 || 1.2 || 46 || 4.6 Cúraimí eile || Torthaí eile a bhaineann le breis cúnaimh || 0.001 || 100 || 0.1 || 100 || 0.1 || 100 || 0.1 || 100 || 0.1 || 100 || 0.1 || 100 || 0.1 || 600 || 0.6 Fo-iomlán chuspóir sonrach Uimh. 3 || || || || || || || || || || || || || || 25 CUSPÓIR SONRACH Uimh. 4: Cúnamh a thabhairt don Choimisiún reachtaíocht thánaisteach maidir le hidir-inoibritheacht agus sábháilteacht iarnróid a chruthú agus a thabhairt cothrom le dáta, lena n‑áirítear cur chuige coiteann maidir le sábháilteacht a fhorbairt. || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon iomlán na n‑aschur || Costas iomlán Tuilleadh idir-inoibritheachta || Líon na STInna nua arna seoladh chuig an gCoimisiún || 1 || 0 || 0 || 0 || 0 || 1 || 1 || 1 || 1 || 1 || 1 || 1 || 1 || 4 || 4 Líon na STInna arna seoladh chuig an gCoimisiún || 0.6 || 4 || 2.4 || 4 || 2.4 || 4 || 2.4 || 4 || 2.4 || 4 || 2.4 || 4 || 2.4 || 24 || 14.4 Leibhéal méadaitheach sábháilteachta || Líon na MSCanna arna seoladh chuig an gCoimisiún || 1 || 0 || 0 || 0 || 0 || 1 || 1 || 1 || 1 || 1 || 1 || 1 || 1 || 4 || 4 Líon na MSCanna athbhreithnithe arna seoladh chuig an gCoimisiún || 0.6 || 4 || 2.4 || 4 || 2.4 || 4 || 2.4 || 4 || 2.4 || 4 || 2.4 || 4 || 2.4 || 24 || 14.4 Oibríocht Limistéir Eorpaigh Aonair Iarnróid a éascú || Líon na dtuairimí arna soláthar don Choimisiún, do na Ballstáit agus do gheallsealbhóirí || 0.2 || 6 || 1.2 || 6 || 1.2 || 8 || 1.6 || 8 || 1.6 || 8 || 1.6 || 8 || 1.6 || 44 || 8.8 Líon na measúnuithe tionchair agus na n‑anailísí costais‑sochair arna n‑eisiúint || 0.06 || 20 || 1.2 || 20 || 12 || 25 || 1.5 || 27 || 1.62 || 29 || 1.74 || 30 || 1.8 || 151 || 9.06 Eile || Torthaí eile a bhaineann le hidir-inoibritheacht agus sábháilteacht mhéadaitheach || 0.006 || 50 || 0.3 || 80 || 0.48 || 80 || 0.48 || 80 || 0.48 || 80 || 0.48 || 80 || 0.48 || 450 || 2.7 Fo-iomlán chuspóir sonrach Uimh. 4 || || || || || || || || || || || || || || 57.36 CUSPÓIR SONRACH Uimh. 5: Forbairt chomhleanúnach an ERTMS san AE a áirithiú, agus an córas sin a chur chun cinn lasmuigh den AE. || || || || || || || || || || || || || || Údarás córais don ERTMS || Líon na moltaí i ndáil le hathruithe agus leaganacha nua an ERTMS arna eisiúint || 0.7 || 2 || 1.4 || 2 || 1.4 || 4 || 2.8 || 5 || 3.5 || 6 || 4.2 || 8 || 5.6 || 27 || 18.9 Fíorú ar chur chun feidhme an ERTMS || Líon na dtuarascálacha ina ndéantar meastóireacht ar chur chun feidhme an mheasúnaithe comhréireachta agus ar nós imeachta fíorúcháin an CE ar threalamh an ERTMS arna n‑eisiúint || 0.04 || 8 || 0.32 || 12 || 0.48 || 20 || 0.8 || 25 || 1 || 30 || 1.2 || 30 || 1.2 || 125 || 5 Líon na moltaí a bhaineann le neamhréireachtaí teicniúla thionscadail an ERTMS arna n‑eisiúint || 0.1 || 3 || 0.3 || 3 || 0.3 || 5 || 0.5 || 8 || 0.8 || 10 || 1 || 12 || 1.2 || 41 || 4.1 Cúraimí eile || Torthaí eile a bhaineann le forbairt chomhleanúnach agus úsáid an ERTMS a áirithiú. || 0.001 || 100 || 0.1 || 100 || 0.1 || 100 || 0.1 || 100 || 0.1 || 100 || 0.1 || 100 || 0.1 || 600 || 0.6 Fo-iomlán chuspóir sonrach Uimh. 5 || || || || || || || || || || || || || || 28.6 CUSPÓIR SONRACH Uimh. 6: Deimhniú cuí tiománaithe traenach agus cúraimí bainteacha eile a áirithiú, i gcomhréir le Treoir 2007/59/CE || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon iomlán na n‑aschur || Costas iomlán Comhchuibhiú ar na critéir do thiománaithe traenach || Líon na mbeart a dhéanann comhchuibhiú ar choinníollacha na dtiománaithe traenach arna n‑eisiúint i gcomhréir leis an Treoir maidir le tiománaithe traenach || 0.6 || 2 || 1.2 || 2 || 1.2 || 2 || 1.2 || 2 || 1.2 || 2 || 1.2 || 2 || 1.2 || 12 || 7.2 Torthaí eile || 0.001 || 10 || 0.01 || 10 || 0.01 || 10 || 0.01 || 10 || 0.01 || 10 || 0.01 || 10 || 0.01 || 60 || 0.6 Fo-iomlán chuspóir sonrach Uimh. 6 || || || || || || || || || || || || || || 7.8 CUSPÓIR SONRACH Uimh. 7: Cláir agus bunachair phoiblí a bhaineann le sábháilteacht agus idir-inoibritheacht iarnróid a chothabháil agus a nuashonrú || || || || || || || || || || || || || || Trédhearcacht do gheallsealbhóirí agus don phobal i ndáil le sonraí maidir le hidir-inoibritheacht agus sábháilteacht || Líon na mbunachar sonraí poiblí agus na gclár arna mbunú agus arna mbainistiú || 0.1 || 15 || 1.5 || 17 || 1.7 || 20 || 2 || 20 || 2 || 25 || 2.5 || 25 || 2.5 || 122 || 12.2 Torthaí eile || 0.001 || 10 || 0.01 || 10 || 0.01 || 15 || 0.015 || 15 || 0.015 || 15 || 0.015 || 15 || 0.015 || 80 || 0.8 Fo-iomlán chuspóir sonrach Uimh. 7 || || || || || || || || || || || || || || 13 COSTAS IOMLÁN || || || || || || || || || || || || || || 157.01
3.2.4.
An tionchar a mheastar a bheidh ag an
togra/tionscnamh ar leithreasuithe de chineál riaracháin
3.2.4.1.
Achoimre
–
¨ Ní éilíonn an togra/tionscnamh go n‑úsáidfear leithreasuithe de
chineál riaracháin –
x Éilíonn an togra/tionscnamh go n‑úsáidfear leithreasuithe de
chineál riaracháin mar a mhínítear thíos: Bunús leis an ríomh: an fhoireann reatha ag Ard‑Stiúrthóireacht
MOVE a phléann le saincheisteanna a bhaineann leis an nGníomhaireacht Eorpach
Iarnróid (cúigear, EUR 0.131 M in aghaidh an duine/na bliana agus
coigeartú bliantúil 1 %) i gcás gach bliana; méadú ar bith mar gheall ar
chumhachtaí neartaithe na Gníomhaireachta Eorpaí Iarnróid EUR milliúin (go dtí
an 3ú deachúil) || 2015 || 2016 || 2017 || 2018 || 2019 || 2020 || IOMLÁN 2015-2020 Oifigigh (Gráid AD) Oifigigh (Gráid AST) || 0.655 || 0.66 || 0.665 || 0.67 || 0.675 || 0.68 || 4.005 Gníomhaire ar conradh || 0 || 0 || 0 || 0 || 0 || 0 || 0 Gníomhairí sealadacha || || || || || || || Saineolaithe náisiúnta ar iasacht IOMLÁN || 0 || 0 || 0 || 0 || 0 || 0 || 0 Saineolaithe náisiúnta ar iasacht || 0 || 0 || 0 || 0 || 0 || 0 || 0 IOMLÁN || 0.655 || 0.66 || 0.665 || 0.67 || 0.675 || 0.68 || 4.005
3.2.4.2.
Na hacmhainní daonna a mheastar a bheidh
riachtanach
–
¨ Ní éilíonn an togra/tionscnamh go n‑úsáidfear acmhainní daonna –
x Éilíonn an togra/tionscnamh go n‑úsáidfear acmhainní daonna mar
a mhínítear thíos: Bunús leis an ríomh: an fhoireann reatha ag Ard‑Stiúrthóireacht
MOVE a phléann le saincheisteanna a bhaineann leis an nGníomhaireacht Eorpach
Iarnróid (cúigear, EUR 0.131 M in aghaidh an duine/na bliana) i gcás gach
bliana; méadú ar bith mar gheall ar chumhachtaí neartaithe na Gníomhaireachta
Eorpaí Iarnróid Sloinnfear an meastachán i méideanna iomlána
(nó go dtí an 1ú deachúil ar a mhéad) || 2015 || 2016 || 2017 || 2018 || 2019 || 2020 Poist don phlean bunaíochta (oifigigh agus gníomhairí sealadacha) XX 01 01 01 (Ceanncheathrú agus Oifigí Ionadaíocht an Choimisiúin) || 5 || 5 || 5 || 5 || 5 || 5 XX 01 01 02 (Toscaireachtaí) || 0 || 0 || 0 || 0 || 0 || 0 XX 01 05 01 (Taighde indíreach) || 0 || 0 || 0 || 0 || 0 || 0 10 01 05 01 (Taighde díreach) || 0 || 0 || 0 || 0 || 0 || 0 Pearsanra seachtrach (i gcoibhéis lánaimseartha: FTE)[31] XX 01 02 01 (CA, INT, SNE ón ‘gclúdach domhanda’) || 0 || 0 || 0 || 0 || 0 || 0 XX 01 02 02 (CA, INT, JED, LA agus SNE sna toscaireachtaí) || 0 || 0 || 0 || 0 || 0 || 0 XX 01 04 yy [32] || sa Cheanncheathrú[33] || 0 || 0 || 0 || 0 || 0 || 0 i dtoscaireachtaí || 0 || 0 || 0 || 0 || 0 || 0 XX 01 05 02 (CA, INT, SNE - Taighde indíreach) || 0 || 0 || 0 || 0 || 0 || 0 10 01 05 02 (CA, INT, SNE - Taighde díreach) || 0 || 0 || 0 || 0 || 0 || 0 Línte buiséid eile (sonraigh) || 0 || 0 || 0 || 0 || 0 || 0 IOMLÁN || 5 || 5 || 5 || 5 || 5 || 5 Is é XX an réimse beartais nó an
teideal buiséid lena mbaineann. Comhlíonfar na
riachtanais acmhainní daonna trí fhoireann ón Ard‑Stiúrthóireacht a
bhfuil bainistíocht an bhirt faoina cúram cheana agus/nó atá ath‑imlonnaithe
taobh istigh den Ard‑Stiúrthóireacht, mar aon le haon leithdháileadh
breise a d'fhéadfaí a thabhairt don Ard‑Stiúrthóireacht atá i mbun
bainistíochta faoi chuimsiú an nós imeachta maidir le leithdháileadh bliantúil
i bhfianaise na srianta buiséadacha. Tuairisc ar na cúraimí a bheidh le déanamh: Oifigigh agus gníomhairí sealadacha || Pléann an fhoireann atá in Ard‑Stiúrthóireacht MOVE faoi láthair le saincheisteanna a bhaineann leis an nGníomhaireacht Eorpach Iarnróid, lena n‑áirítear: - bearta cur chun feidhme a glacadh mar thoradh ar mholtaí na Gníomhaireachta a bhainistiú (Cinntí agus Rialacháin an Choimisiúin) i réimse na sábháilteachta agus na hidir-inoibritheachta iarnróid; - comhordú agus rialú riaracháin ar an nGníomhaireacht Eorpach Iarnróid: cláir oibre, pleananna beartais foirne ilbhliantúla, cruinnithe an Bhoird Bainistíochta agus a fhochoiste buiséad; - comhordú beartais: rannpháirtíocht i meithleacha oibre na Gníomhaireachta Eorpaí Iarnróid, ábhar an chláir oibre, sainorduithe ón gCoimisiún chuig an nGníomhaireacht Eorpach Iarnróid, cruinnithe ar an leibhéal oibre; - tuairimí na Gníomhaireachta Eorpaí Iarnróid a bhainistiú; - freagrachtaí airgeadais agus cuntasóireachta a bhaineann leis an nGníomhaireacht Eorpach Iarnróid ar thaobh an Choimisiúin (buiséad, urscaoileadh etc.) Pearsanra seachtrach ||
3.2.5.
Comhoiriúnacht don chreat airgeadais ilbhliantúil
reatha
–
¨ Tá an togra/tionscnamh comhoiriúnach don chreat airgeadais
ilbhliantúil reatha. –
x Beidh athchlárú an cheannteidil ábhartha sa chreat airgeadais
ilbhliantúil ag gabháil leis an togra/tionscnamh seo. Mínigh an cineál athchláraithe a bhfuil gá leis, agus
sonraigh na línte buiséid lena mbaineann agus na méideanna comhfhreagracha. Níor
mhór líne buiséid na Gníomhaireachta Eorpaí Iarnróid (06.02.08) a athrú go dtí
an méid atá sonraithe sa ráiteas airgeadais seo (iomlán EUR 157.113 M don
tréimhse 2015-2020). Faoi
láthair, ní áirítear ach méideanna táscacha do na gníomhaireachtaí atá san
áireamh sa chreat airgeadais. Measadh an méid táscach don Ghníomhaireacht
Eorpach Iarnróid sular foilsíodh torthaí an mheasúnaithe tionchair agus na
ríomhanna eile a raibh baint acu leis an tionscnamh seo. Don
tréimhse 2015-2020, athrófar stádas na Gníomhaireachta Eorpaí Iarnróid ó
'ghníomhaireacht ar luas cúrsála' go 'gníomhaireacht cúraimí nua'. –
¨ Éilíonn an togra/tionscnamh go gcuirfear an ionstraim sholúbthachta i
bhfeidhm nó go ndéanfar athbhreithniú ar an gcreat airgeadais ilbhliantúil[34]. Mínigh an méid a bhfuil gá leis, agus sonraigh na
ceannteidil agus na línte buiséid lena mbaineann agus na méideanna
comhfhreagracha.
3.2.6.
Ranníocaíochtaí ó thríú páirtithe
–
Déantar foráil sa togra/tionscnamh maidir le
cómhaoiniú atá réamh mheasta thíos: Leithreasuithe in EUR milliúin (go dtí an 3ú deachúil) || 2015 || 2016 || 2017 || 2018 || 2019 || 2020 || Iomlán Ranníocaíocht CSTE ón Iorua agus ón Íoslainn arna ríomh ag 2 % den bhuiséad || 0.5 || 0.5 || 0.5 || 0.5 || 0.5 || 0.5 || 3 IOMLÁN leithreasuithe cómhaoinithe || 0.5 || 0.5 || 0.5 || 0.5 || 0.5 || 0.5 || 3
3.3.
An tionchar a mheastar a bheidh ar ioncam
–
¨ Ní bheidh tionchar airgeadais ar bith ag an togra ar ioncam. –
x Beidh an tionchar airgeadais seo a leanas ag an togra/tionscnamh: –
x ar acmhainní dílse –
¨ ar ioncam ilghnéitheach EUR milliúin (go dtí an 3ú deachúil) Líne buiséid ioncaim || Leithreasuithe atá ar fáil don tréimhse bhuiséadach leanúnach || Tionchar an togra/tionscnaimh[35] 2015 || 2016 || 2017 || 2018 || 2019 || 2020 06.02.08 líne buiséid na Gníomhaireachta Eorpaí Iarnróid || || || || 10.352 || 10.384 || 10.482 || 10.698 Sonraigh an modh le
haghaidh an tionchar ar ioncam a ríomh. I
gcás roinnt de na cúraimí nua arna mbeartú don Ghníomhaireacht Eorpach Iarnróid
(deimhnithe sábháilteachta, údaruithe feithiclí lena gcur ar an margadh agus
údaruithe chun fochóras rialaithe-ordaithe agus comharthaíochta taobh riain a
chur i mbun seirbhíse), beifear in ann muirir a ghearradh ar na hiarratasóirí
seachtracha as iad a eisiúint. De
réir an mheasúnaithe tionchair, cuirfear tús leis na cúraimí nua sin in 2017
agus ríomhadh an t‑ioncam don Ghníomhaireacht Eorpach Iarnróid ar an
mbealach seo a leanas: -
costas ar dheimhniú sábháilteachta a eisiúint: EUR 0.01m -
costas ar údarú feithicle a eisiúint: EUR 0.017m -
costas ar údaruithe a eisiúint chun fochóras rialaithe-ordaithe agus
comharthaíochta taobh riain a chur i mbun seirbhíse: EUR 0.05m -
i dtábla 3.2.3 tá líon ábhartha na gcineálacha cinntí a eisítear gach bliain Achoimre
ar an modh ríomha: Ríomhadh
na táillí atá leagtha amach sa tuarascáil ar an measúnú tionchair trí mheán na
dtáillí reatha arna n‑íoc ag oibreoirí a dteastaíonn uathu deimhniú
sábháilteachta nó údarú feithicle a fháil san AE a oibriú amach; cur chuige
cosúil a bhí ann i gcás údaruithe chun fochóras rialaithe-ordaithe agus
comharthaíochta taobh riain a chur i mbun seirbhíse. Bhí éagsúlacht mhór i méid
na dtáillí a íocadh, agus difríocht shuntasach idir na táillí a íocadh sna
Ballstáit AE 15 (thart ar EUR 20 000 do dheimhnithe
sábháilteachta agus EUR 28 000 d'údaruithe) agus na táillí a íocadh
sna Ballstáit AE 12 (thart ar EUR 3 000 do dheimhnithe sábháilteachta
agus EUR 17 000 d'údaruithe). Chun luach na dtáillí amach anseo a
chinneadh glacadh leis, i bhfianaise chostas na foirne sa Ghníomhaireacht agus
na bpróiseas níos cuíchóirithe i ndéileáil le hiarratais, gurbh é luach a
bheadh i ngiorracht do mheánphointe an mheánluacha ísil agus an mheánluacha
aird an luach b'iomchuí amach anseo. Is
tábhachtach a thabhairt faoi deara gur meánluachanna iad na ríomhanna atá
leagtha amach do na táillí i gcás gach cineál deimhnithe sábháilteachta agus
údaruithe feithiclí; sonraíodh 4 chineál deimhnithe sábháilteachta agus 20
cineál údaruithe feithiclí i staidéar tacaíochta an mheasúnaithe tionchair. Cé
go dtiocfaidh laghdú ar líon na ndeimhnithe agus na n‑údaruithe de
dheasca an phróisis "láraithe" leis an nGníomhaireacht Eorpach Iarnróid,
beidh iliomad catagóirí ann fós. Mar shampla, beidh próiséas éagsúil ann fós
chun inneall féinghluaiste agus vaigín a údarú. Ar an gcaoi sin, ní mór na
táillí a éagsúlú don dá chatagóir sin. Go háirithe, beidh na táillí chun vaigín
a údarú níos ísle ná an meán agus beidh na táillí d'innill fhéinghluaiste agus
d'ilaonaid níos airde. Ba
cheart gur mheán é an uimhir (praghas in aghaidh an údarúcháin/deimhniúcháin) a
ríomhadh sa tuarascáil ar an measúnú tionchair; faoin nGníomhaireacht a bheadh
sé na táillí beachta a shainiú do na catagóirí éagsúla lena áirithiú go bhfuil
meán na dtáillí a bhailítear ionann leis an meán sin, nó níos mó ná é. Mar sin
féin, is é aidhm an ríomha meastachán réalaíoch ach coimeádach a thabhairt ar
ioncam don Ghníomhaireacht, agus ní chuirtear as an áireamh go bhféadfadh
meánluach níos airde a theacht ar na táillí atá le gearradh, más gá sin agus má
tá údar leis. I
dtéarmaí líon na n‑údaruithe agus na ndeimhnithe, ríomhadh iad sin ó
leibhéal reatha na n‑údaruithe agus na ndeimhnithe. Amach anseo, i ndáil
le deimhnithe sábháilteachta, glacadh leis go mbeadh toradh ar líon na
ndeimhnithe sábháilteachta arna n‑eisiúint mar thoradh ar líon na n‑iontrálaithe
nua a bhí ag teacht isteach sa mhargadh, agus d'fhéadfadh laghdú a theacht ar líon
na ndeimhnithe sábháilteachta arna n‑eisiúint de bharr athrú ar na
cineálacha deimhnithe sábháilteachta. Dá bhrí sin, mar mheastachán coimeádach
glactar leis nach dtiocfaidh aon athrú ar líon iomlán bliantúil na ndeimhnithe
sábháilteachta. Cur
chuige beagán éagsúil a bhí ann le haghaidh údaruithe feithiclí, áfach;
bunaítear an tsamhail ar leibhéil údarúcháin atá ann cheana, arna soláthar ag
geallsealbhóirí agus trí bhíthin staidéar éagsúil. Mar sin féin, cé gur dócha
go dtiocfadh níos mó iontrálaithe nua isteach sa mhargadh agus dá bhrí sin go
mbeidh níos mó feithiclí ann le húdarú, i ndearbhthéarmaí, is mó seans go
gcloífidh na hiontráluithe nua sin le teicneolaíochtaí a bhfuil a bhfiúntas
cruthaithe agus ar an mbealach sin le rothstoc a deimhníodh cheana féin. Ina
theannta sin, de réir mar a dhéantar caighdeánú ar an tionscal, amach anseo is
dócha nach mbeidh an méid céanna feithiclí le húdarú, agus beidh titim bheag ar
líon na n‑údaruithe dá bhrí sin. Arís, roinn an tsamhail an measúnú idir
na Ballstáit AE 15 agus AE 12. Measann
Ard‑Stiúrthóireacht MOVE go bhfuil na ríomhanna láidir agus bunaithe go
cuí ar shonraí atá ann cheana agus atá infhíoraithe agus a fuarthas ó
gheallsealbhóirí agus ón nGníomhaireacht Eorpach Iarnróid. Cuirtear níos mó
faisnéise maidir le modheolaíocht ar fáil sa tuarascáil ar an measúnú tionchair
a ghabhann leis an togra seo, go háirithe Iarscríbhinn VII. [1] http://www.consilium.europa.eu/uedocs/cms_data/docs/pressdata/en/ec/127599.pdf. [2] COM(2012)
299 final. [3] COM(2012) 259 final. [4] http://ec.europa.eu/transport/evaluations/doc/2011_era-evaluation‑881-2004.pdf. [5] OJ C … p …. [6] OJ C … p …. [7] IO L 164, 30.04.04, lch 1. [8] IO L 228, 09.09.96, lch 1. [9] IO L 136, 31.05.99, lch 1. [10] IO L 136, 31.05.99, lch 15. [11] Cinneadh 98/500/CE ón gCoimisiún an 20 Bealtaine 1998 ag bunú Coistí um
Agallamh Earnálach a chuireann an t-agallamh ar aghaidh idir na comhpháirtithe
sóisialta ar leibhéal Eorpach (IO L 225, 12.8.1998, lch 27). [12] IO L 260, 30.09.08, lch 13 [13] IO L 51, 23.02.12, lch 1 [14] IO L 276, 20.10.10, lch 22 [15] IO L 218, 13.08.08, lch 30. [16] IO L 315, 3.12.2007, lch 51. [17] Rialachán (CE, Euratom) Uimh. 2343/2002 ón gCoimisiún an
23 Nollaig 2002 maidir leis an gcreat-Rialachán Airgeadais do na
comhlachtaí dá dtagraítear in Airteagal 185 den Rialachán (CE, Euratom)
Uimh. 1605/2002 ón gComhairle maidir leis an Rialachán Airgeadais is
infheidhme maidir le buiséad ginearálta na gComhphobal Eorpach (IO L 357,
31.12.2002, lch. 72) . [18] IO 17, 6.10.1958, lch. 385. [19] IO L 145, 31.5.2001, lch 43. [20] IO L 136, 31.5.1999, p. 1 [21] IO L 292, 15.11.1996, lch. 2 [22] ABM: Bainistiú de réir
gníomhaíochtaí – ABB: Bunú an
bhuiséid de réir gníomhaíochtaí. [23] Dá dtagraítear in Airteagal 49(6)(a) nó (b) den Rialachán
Airgeadais [24] Is féidir mionsonraí ar na modhanna bainistíochta agus tagairtí don
Rialachán Airgeadais a fheiceáil ar shuíomh gréasáin DG Budg: http://www.cc.cec/budg/man/budgmanag/budgmanag_en.html. [25] Dá dtagraítear in Airteagal 185 den Rialachán Airgeadais. [26] LD = Leithreasuithe difreáilte / LN = Leithreasuithe neamhdhifreáilte. [27] CSTE: Comhlachas Saorthrádála
na hEorpa. . [28] Tíortha is iarrthóirí agus, nuair is iomchuí, tíortha ó na Balcáin
Thiar a d'fhéadfadh a bheith ina n‑iarrthóirí. [29] Is ionann aschuir agus táirgí agus seirbhísí atá le soláthar (e.g.: líon na malartuithe mac léinn arna maoiniú, líon
km de bhóithre arna thógáil, etc.). [30] Mar a thuairiscítear i Roinn 1.4.2. "‘"Cuspóirí sonracha...". [31] CA= Gníomhaire ar conradh; FG
= foireann gníomhaireachta, ('Intérimaire'); JED = "Jeune Expert en Délégation" (Saineolaí Óg i
dToscaireacht); LA= Gníomhaire
áitiúil; SNE= Saineolaí náisiúnta ar
iasacht; . [32] Faoin uasteorainn do phearsanra seachtrach ó leithreasuithe faoi
chomhair oibríochtaí (na seanlínte "BA"). [33] Le haghaidh na gCistí Struchtúracha, an Chiste Eorpaigh Talmhaíochta um
Fhorbairt Tuaithe (CETFT) agus an Chiste Eorpaigh Iascaigh (CEI) go bunúsach. [34] Féach pointí 19 agus 24 den Chomhaontú Idirinstitiúideach. [35] A fhad a bhaineann le hacmhainní dílse traidisiúnta (dleachtanna
custaim, tobhaigh siúcra), ní mór na méideanna a luaitear a bheith ina
nglanmhéideanna, i.e. méideanna comhlána agus 25 % de chostais bhailiúcháin a
bheith bainte astu.