52012PC0150

MEABHRÁN MÍNIÚCHÁIN

1.           COMHTHÉACS AN TOGRA

· Forais agus cuspóirí an togra

Na cumhachtaí chur chun feidhme atá ag an gCoimisiún cheana féin faoi Threoracha 1999/4/CE, 2000/36/CE, 2001/111/CE, 2001/113/CE agus 2001/114/CE, a oiriúnú de réir an idirdhealaithe idir cumhachtaí tarmligthe agus cumhachtaí cur chun feidhme an Choimisiúin a tugadh isteach le hAirteagal 290 agus le hAirteagal 291 den Chonradh ar Fheidhmiú an Aontais Eorpaigh, agus cumhachtaí tarmligthe breise a thabhairt don Choimisiún.

Déantar idirdhealú sa Chonradh idir na cumhachtaí arna dtarmligean chuig an gCoimisiún maidir le gníomhartha neamhreachtacha a ghlacadh a bhfuil feidhm ghinearálta leo agus a fhorlíonann nó a leasaíonn eilimintí neamhriachtanacha áirithe den ghníomh reachtach sin, mar atá leagtha síos in Airteagal 290(1) den Chonradh (gníomhartha tarmligthe), agus na cumhachtaí arna dtabhairt don Choimisiún maidir le coinníollacha comhionanna a ghlacadh chun gníomhartha de chuid an Aontais atá ceangailteach ó thaobh dlí a chur chun feidhme mar atá leagtha síos in Airteagal 291(2) den Chonradh (gníomhartha cur chun feidhme). I ndáil le gníomhartha tarmligthe, déanann an Reachtóir an chumhacht a tharmligean chuig an gCoimisiún bearta gar‑reachtacha a ghlacadh. Tá an comhthéacs an‑difriúil i gcás gníomhartha cur chun feidhme. Go deimhin, is iad na Ballstáit go príomha atá freagrach as gníomhartha an Aontais Eorpaigh atá ceangailteach ó thaobh dlí a chur chun feidhme. Má theastaíonn coinníollacha comhionanna chun an gníomh reachtach a chur chun feidhme, áfach, tá an Coimisiún údaraithe na gníomhartha sin a ghlacadh. Tá oiriúnú Threoracha 1999/4/CE, 2000/36/CE, 2001/111/CE, 2001/113/CE agus 2001/114/CE de réir rialacha nua an Chonartha bunaithe ar aicmiú a dhéantar ar bhonn na fealsúnachta nua a bhaineann leis na cumhachtaí atá ag an gCoimisiún faoi láthair.

Ina theannta sin, i gcomhthéacs na fealsúnachta nua sin freisin, rinneadh grinnscrúdú ar fhorálacha na dTreoracha thuasluaite ionas go n‑aithneofaí aon riachtanas breise a d'fhéadfadh a bheith ann maidir le cumhachtaí nár mhór a thabhairt don Choimisiún faoi aicmiú nua an Chonartha.

Agus an méid sin déanta, ullmhaíodh dréacht‑togra chun Treoracha 1999/4/CE, 2000/36/CE, 2001/111/CE, 2001/113/CE agus 2001/114/CE a leasú.

· Comhthéacs ginearálta

Déantar idirdhealú idir dhá chineál gnímh de chuid an Choimisiúin in Airteagal 290 agus in Airteagal 291 den Chonradh ar Fheidhmiú an Aontais Eorpaigh:

– Le hAirteagal 290 den CFAE, tugtar cead don reachtóir "cumhacht a tharmligean chuig an gCoimisiún chun gníomhartha neamhreachtacha a bhfuil feidhm ghinearálta leo a fhorlíonann nó a leasaíonn gnéithe neamhriachtanacha áirithe den ghníomh reachtach a ghlacadh". Is mar 'gníomhartha tarmligthe' (Airteagal 290(3)) a thagraítear sa téarmaíocht a úsáidtear sa Chonradh do ghníomhartha dlíthiúla a ghlacann an Coimisiún ar an gcaoi sin.

– Le hAirteagal 291 den CFAE, tugtar cead do Bhallstáit "gach beart dlí náisiúnta is gá" a ghlacadh "chun gníomhartha Aontais atá ceangailteach ó thaobh dlí a chur chun feidhme". Déanfar cumhachtaí cur chun feidhme a thabhairt don Choimisiún leis na gníomhartha sin nuair is gá coinníollacha comhionanna chun na gníomhartha a chur chun feidhme. Sa téarmaíocht atá in úsáid sa Chonradh tagraítear do ghníomhartha dlí arna nglacadh ag an gCoimisiún sa dóigh sin mar 'gníomhartha cur chun feidhme' (Airteagal 291 (4))

· Forálacha atá ann cheana i réimse an togra

Dearbhú maidir le hAirteagal 290 agus le hAirteagal 291 den Chonradh ar Fheidhmiú an Aontais Eorpaigh.

Cinneadh 1999/468/CE ón gComhairle an 28 Meitheamh 1999 lena leagtar síos na nósanna imeachta maidir le feidhmiú na gcumhachtaí cur chun feidhme arna dtabhairt don Choimisiún, arna modhnú le Cinneadh 2006/512/CE ón gComhairle, arna aisghairm le Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme an Choimisiúin.

· Comhsheasmhacht le beartais agus le cuspóirí eile an Aontais

Neamhbhainteach.

2.           TORTHAÍ AN CHOMHAIRLIÚCHÁIN LEIS NA PÁIRTITHE LEASMHARA AGUS NA MEASÚNUITHE TIONCHAIR

· Comhairliúchán leis na páirtithe leasmhara

· Bailiú agus úsáid saineolais

Ní raibh aon ghá dul i gcomhairle leis na páirtithe leasmhara ná ní raibh gá le haon saineolas seachtrach ós rud é gur ábhar idirinstitiúideach an togra a mbeidh baint aige le gach gníomh ón gComhairle agus/nó ón gComhairle agus ó Pharlaimint na hEorpa.

· Measúnú tionchair

Níl aon ghá le measúnú tionchair toisc gur ábhar idirinstitiúideach an togra a mbeidh baint aige le gach gníomh ón gComhairle agus/nó ón gComhairle agus ó Pharlaimint na hEorpa.

3.           EILIMINTÍ DLÍ AN TOGRA

· Achoimre ar an ngníomhaíocht atá beartaithe

Na cumhachtaí tarmligthe agus cur chun feidhme is ceart a thabhairt don Choimisiún i ndáil le Treoracha 1999/4/C, 2000/36/CE, 2001/111/CE, 2001/113/CE agus 2001/114/CE a aithint agus an nós imeachta comhfhreagrach a bhunú chun na gníomhartha sin a ghlacadh sa chomhthéacs dlíthiúil nua atá ann de thoradh theacht i bhfeidhm Airteagal 290 agus Airteagal 291 den CFAE.

· Bunús dlí

Airteagal 43 agus Airteagal 114 den Chonradh ar Fheidhmiú an Aontais Eorpaigh.

· Prionsabal na coimhdeachta

Tagann an togra faoi inniúlacht atá roinnte idir an AE agus na Ballstáit agus comhlíonann sé prionsabal na coimhdeachta.

· Prionsabal na comhréireachta

Comhlíonann an togra prionsabal na comhréireachta.

· Rogha ionstraimí

Is cuid den chlár ailínithe é an togra agus ní bhaineann sé ach le cumhachtaí an Choimisiúin sa chomhthéacs nua dlíthiúil a cruthaíodh le Conradh Liospóin. Ní gá forálacha maidir le cumhachtaí tarmligthe an Choimisiúin a thrasuí i ndlíchórais na mBallstát. Dá bhrí sin, is é Rialachán an ionstraim atá roghnaithe.

2012/0075 (COD)

Togra le haghaidh

RIALACHÁIN Ó PHARLAIMINT NA HEORPA AGUS ÓN GCOMHAIRLE

lena leasaítear Treoracha 1999/4/CE, 2000/36/CE, 2001/111/CE, 2001/113/CE agus 2001/114/CE maidir leis na cumhachtaí atá le tabhairt don Choimisiún

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 43(2) agus Airteagal 114(1) de,

Ag féachaint don togra ón gCoimisiún Eorpach[1],

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa[2],

ag gníomhú dóibh i gcomhréir leis an ngnáthnós imeachta reachtach,

De bharr an méid seo a leanas:

(1)       Le Treoir 1999/4/CE ó Pharlaimint na hEorpa agus ón gComhairle an 22 Feabhra 1999 maidir le húisc chaife agus shiocaire[3], Treoir 2000/36/CE ó Pharlaimint na hEorpa agus ón gComhairle an 23 Meitheamh 2000 maidir le táirgí cócó agus táirgí seacláide atá ceaptha mar bhia don duine[4], Treoir 2001/111/CE ón gComhairle an 20 Nollaig 2001 maidir le siúcraí áirithe atá ceaptha mar bhia don duine[5], Treoir 2001/113/CE ón gComhairle an 20 Nollaig 2001 maidir le subha, glóthacha agus marmaláidí torthaí agus purée cnó capaill milsithe atá ceaptha mar bhia don duine[6], Treoir 2001/114/CE ón gComhairle an 20 Nollaig 2001 maidir le bainne leasaithe áirithe atá díhiodrátaithe go páirteach nó go hiomlán atá ceaptha mar bhia don duine[7], tugtar cumhachtaí don Choimisiún roinnt dá bhforálacha a chur chun feidhme, ar cumhachtaí iad atá le feidhmiú i gcomhréir leis na nósanna imeachta atá leagtha síos i dTreoir 1999/468/CE ón gComhairle an 28 Meitheamh 1999 lena leagtar síos na nósanna imeachta maidir le feidhmiú na gcumhachtaí cur chun feidhme arna dtabhairt don Choimisiún[8], arna leasú le Treoir 2006/512/CE ón gComhairle[9].

(2)       Mar thoradh ar theacht i bhfeidhm Chonradh Liospóin, is gá na cumhachtaí sin a ailíniú le hAirteagal 290 den Chonradh ar Feidhmiú an Aontais Eorpach (an Conradh).

(3)       Cé go bhfuil eilimintí teicniúla sna hIarscríbhinní a ghabhann le Treoracha 1999/4/CE, 2000/36/CE, 2001/111/CE agus 2001/114/CE a d'fhéadfaí a oiriúnú nó a thabhairt cothrom le dáta d'fhonn forbairtí ar na caighdeáin ábhartha idirnáisiúnta a chur san áireamh, ní thugtar don Choimisiún leis na Treoracha sin na cumhachtaí is iomchuí chun na hIarscríbhinní sin a oiriúnú nó a thabhairt cothrom le dáta go pras d'fhonn forbairtí ar na caighdeáin idirnáisiúnta a chur san áireamh. Ina theannta sin, ní thugtar don Choimisiún le Treoir 1999/4/CE na cumhachtaí is iomchuí chun an Iarscríbhinn a ghabhann léi a oiriúnú nó a thabhairt cothrom le dáta go pras chun dul chun cinn teicniúil a chur san áireamh, cé go bhfuil eilimintí teicniúla san Iarscríbhinn sin a d'fhéadfadh a bheith le hoiriúnú nó le tabhairt cothrom le dáta freisin chun an dul chun cinn teicniúil a chur san áireamh. Ina theannta sin, cé go bhfuil eilimintí teicniúla i Roinn A agus i Roinn B(1) d'Iarscríbhinn I a ghabhann le Treoir 2000/36/CE, ar eilimintí iad a d'fhéadfadh a bheith le hoiriúnú nó le tabhairt cothrom le dáta chun dul chun cinn teicniúil a chur san áireamh, níl na ranna sin cumhdaithe ag cumhachtaí an Choimisiúin maidir le forálacha áirithe den Iarscríbhinn sin a oiriúnú do dhul chun cinn teicniúil. Dá bhrí sin, ar mhaithe le cur chun feidhme comhleanúnach Threoracha 1999/4/CE, 2000/36/CE, 2001/111/CE, 2001/113/CE agus 2001/114/CE, ba cheart cumhachtaí breise a thabhairt don Choimisiún na hIarscríbhinní a ghabhann le Treoracha 1999/4/CE, 2000/36/CE, 2001/111/CE agus 2001/114/CE a oiriúnú nó a thabhairt cothrom le dáta chun dul chun cinn teicniúil agus forbairtí ar na caighdeáin idirnáisiúnta a chur san áireamh.

(4)       Dá bhrí sin, chun eilimintí áirithe neamhriachtanacha de Threoracha 1999/4/CE, 2000/36/CE, 2001/111/CE, 2001/113/CE agus 2001/114/CE a fhorlíonadh nó a leasú chun dul chun cinn teicniúil agus/nó, nuair is iomchuí, chun forbairtí ar na caighdeáin idirnáisiúnta a chur san áireamh, ba cheart an chumhacht gníomhartha a ghlacadh i gcomhréir le hAirteagal 290 den Chonradh a tharmligean chuig an gCoimisiún i ndáil leis an raon feidhme agus leis an inneachar seo a leanas: maidir le Treoir 1999/4/CE, na saintréithe teicniúla a bhaineann leis na tuairiscí agus na sainmhínithe ar tháirgí atá san Iarscríbhinn, arna sloinneadh i bhfoirm céatadán de ghnáth, a oiriúnú nó a thabhairt cothrom le dáta; maidir le Treoir 2000/36/CE, na saintréithe teicniúla a bhaineann leis na hainmneacha díolachán agus leis na sainmhínithe atá i Roinn A d'Iarscríbhinn 1, arna sloinneadh i bhfoirm céatadán agus/nó gram de ghnáth, agus Roinn B, Roinn C agus Roinn D den Iarscríbhinn sin a oiriúnú nó a thabhairt cothrom le dáta; maidir le Treoir 2001/111/CE, na saintréithe teicniúla a bhaineann leis na hainmneacha táirgí agus leis na sainmhínithe ar tháirgí atá i Roinn A den Iarscríbhinn, agus Roinn B den Iarscríbhinn sin a oiriúnú nó a thabhairt cothrom le dáta; maidir le Treoir 2001/113/CE, na saintréithe teicniúla a bhaineann leis na hainmneacha táirgí agus na sainmhínithe ar tháirgí atá i Roinn A den Iarscríbhinn, arna sloinneadh i bhfoirm gram agus/nó céatadán de ghnáth, agus Iarscríbhinn II agus Roinn B d'Iarscríbhinn III a oiriúnú nó a thabhairt cothrom le dáta; maidir le Treoir 2001/114/CE, Iarscríbhinn I a oiriúnú agus a thabhairt cothrom le dáta i ndáil leis na saintréithe teicniúla a bhaineann leis na sainmhínithe ar tháirgí agus leis na hainmneacha táirgí, arna sloinneadh i bhfoirm céatadán de ghnáth, agus Iarscríbhinn II chomh maith.

(5)       Tá sé tábhachtach, go háirithe, go ndéanfaidh an Coimisiún comhairliúcháin iomchuí le linn a chuid oibre ullmhúcháin, lena n‑áirítear comhairliúcháin le saineolaithe. Ba cheart don Choimisiún a áirithiú, le linn dó gníomhartha tarmligthe a ullmhú agus a tharraingt suas, go ndéanfar doiciméid ábhartha a tharchur chuig Parlaimint na hEorpa agus chuig an gComhairle ar bhealach comhuaineach, tráthúil agus iomchuí.

(6)       De thoradh ghlacadh Rialachán (CE) Uimh. 178/2002 ó Pharlaimint na hEorpa agus ón gComhairle an 28 Eanáir 2002 lena leagtar síos prionsabail agus ceanglais ghinearálta dlí an bhia, lena mbunaítear an tÚdarás Eorpach um Shábháilteacht Bia agus lena leagtar síos nósanna imeachta maidir le sábháilteacht bia[10], ar rialachán é a bhfuil feidhm aige maidir le gach céim den phróiseas táirgthe, próiseála agus leithdháilte bia agus beatha ar leibhéal an Aontais agus ar an leibhéal náisiúnta, tá forálacha ginearálta an Aontais maidir le bia‑ábhair infheidhme go díreach ar na táirgí atá cumhdaithe le Treoracha 1999/4/CE, 2000/36/CE, 2001/111/CE, 2001/113/CE agus 2001/114/CE. Dá bhrí sin, ní gá na cumhachtaí a bheith ag an gCoimisiún a thuilleadh forálacha na dTreoracha sin a ailíniú le forálacha ginearálta an Aontais maidir le bia‑ábhair. Ba cheart, dá bhrí sin, na forálacha lena dtugtar na cumhachtaí sin a scriosadh.

(7)       Ba cheart, dá bhrí sin, Treoracha 1999/4/CE, 2000/36/CE, 2001/111/CE, 2001/113/CE agus 2001/114/CE a leasú dá réir.

(8)       Ós rud é nach mbaineann na leasuithe ar Threoracha 1999/4/EC, 2000/36/EC, 2001/111/EC, 2001/113/EC agus 2001/114/EC ach le cumhachtaí an Choimisiúin amháin, ní gá do na Ballstáit iad a thrasuí,

TAR ÉIS AN RIALACHÁN SEO A GHLACADH:

Airteagal 1

Cuirtear an méid seo a leanas in ionad Airteagal 4 agus Airteagal 5 de Threoir 1999/4/CE:

'Airteagal 4

Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 5 chun na saintréithe teicniúla a bhaineann leis na tuairiscí agus na sainmhínithe ar tháirgí atá san Iarscríbhinn a leasú chun forbairtí ar na caighdeáin ábhartha idirnáisiúnta, más iomchuí, agus dul chun cinn teicniúil a chur san áireamh.

Airteagal 5

1.      Tugtar an chumhacht don Choimisiún gníomhartha tarmligthe a ghlacadh dá dtagraítear sa Treoir seo faoi réir na gcoinníollacha atá leagtha síos san Airteagal seo.

2.      Déanfar an chumhacht gníomhartha tarmligthe a ghlacadh dá dtagraítear in Airteagal 4 a thabhairt don Choimisiún ar feadh tréimhse neamhchinntithe amhail ón (...). (Tá Oifig na bhFoilseachán le dáta theacht i bhfeidhm an ghnímh leasaithigh seo a líonadh isteach).

3.      Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 4 a chúlghairm tráth ar bith. Cuirfidh cinneadh cúlghairm a dhéanamh deireadh le tarmligean na cumhachta atá sonraithe sa chinneadh sin. Beidh éifeacht leis an lá tar éis lá a fhoilsithe in Iris Oifigiúil an Aontais Eorpaigh nó ar dháta níos déanaí a shonrófar ann. Ní dhéanfaidh sé difear do bhailíocht na ngníomhartha tarmligthe atá i bhfeidhm cheana.

4.      A luaithe a ghlacfaidh sé gníomh tarmligthe, tabharfaidh an Coimisiún fógra ina leith go comhuaineach do Pharlaimint na hEorpa agus don Chomhairle.

5.      Gníomh tarmligthe a ghlacfar de bhun Airteagal 4, ní thiocfaidh sé i bhfeidhm ach amháin mura ndéanann Parlaimint na hEorpa ná an Chomhairle agóid ina choinne laistigh de thréimhse dhá mhí ó fhógra faoin ngníomh sin a bheith tugtha do Pharlaimint na hEorpa agus don Chomhairle nó más rud é, sula dtéann an tréimhse sin in éag, go gcuireann Parlaimint na hEorpa agus an Chomhairle araon in iúl nach ndéanfaidh siad agóid ina choinne. Cuirfear dhá mhí leis an tréimhse sin ar thionscnamh ó Pharlaimint na hEorpa nó ón gComhairle. '

Airteagal 2

Cuirtear an méid seo a leanas in ionad Airteagal 5 agus Airteagal 6 de Threoir 2000/36/CE:

'Airteagal 5

Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 6 chun na saintréithe teicniúla a bhaineann leis na hainmneacha díolachán agus leis na sainmhínithe ar dhíolacháin atá i Roinn A d'Iarscríbhinn 1, agus Ranna B, C agus D den Iarscríbhinn sin a leasú chun forbairtí ar na caighdeáin ábhartha idirnáisiúnta, más iomchuí, agus dul chun cinn teicniúil a chur san áireamh.

Airteagal 6

1.      Tugtar an chumhacht don Choimisiún gníomhartha tarmligthe a ghlacadh dá dtagraítear sa Treoir seo faoi réir na gcoinníollacha atá leagtha síos san Airteagal seo.

2.      Déanfar an chumhacht gníomhartha tarmligthe a ghlacadh dá dtagraítear in Airteagal 5 a thabhairt don Choimisiún ar feadh tréimhse neamhchinntithe ón (...) (Tá Oifig na bhFoilseachán le dáta theacht i bhfeidhm an ghnímh leasaithigh seo a líonadh isteach).

3.      Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 5 a chúlghairm tráth ar bith. Cuirfidh cinneadh cúlghairm a dhéanamh deireadh le tarmligean na cumhachta atá sonraithe sa chinneadh sin. Beidh éifeacht leis an lá tar éis lá a fhoilsithe in Iris Oifigiúil an Aontais Eorpaigh nó ar dháta níos déanaí a shonrófar ann. Ní dhéanfaidh sé difear do bhailíocht na ngníomhartha tarmligthe atá i bhfeidhm cheana.

4.      A luaithe a ghlacfaidh sé gníomh tarmligthe, tabharfaidh an Coimisiún fógra ina leith go comhuaineach do Pharlaimint na hEorpa agus don Chomhairle.

5.      Gníomh tarmligthe a ghlacfar de bhun Airteagal 5, ní thiocfaidh sé i bhfeidhm ach amháin mura ndéanann Parlaimint na hEorpa ná an Chomhairle agóid ina choinne laistigh de thréimhse dhá mhí ó fhógra faoin ngníomh sin a bheith tugtha do Pharlaimint na hEorpa agus don Chomhairle nó más rud é, sula dtéann an tréimhse sin in éag, go gcuireann Parlaimint na hEorpa agus an Chomhairle araon in iúl nach ndéanfaidh siad agóid ina choinne. Cuirfear dhá mhí leis an tréimhse sin ar thionscnamh ó Pharlaimint na hEorpa nó ón gComhairle.'

Airteagal 3

Cuirtear an méid seo a leanas in ionad Airteagal 4 agus Airteagal 5 de Threoir 2001/111/CE:

'Airteagal 4

Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 5 chun na saintréithe teicniúla a bhaineann leis na hainmneacha táirgí agus leis na sainmhínithe ar tháirgí atá i gCuid A den Iarscríbhinn, agus Cuid B den Iarscríbhinn a leasú chun forbairtí ar na caighdeáin ábhartha idirnáisiúnta, más iomchuí, agus dul chun cinn teicniúil a chur san áireamh.

Airteagal 5

1.      Tugtar an chumhacht don Choimisiún gníomhartha tarmligthe a ghlacadh dá dtagraítear sa Treoir seo faoi réir na gcoinníollacha atá leagtha síos san Airteagal seo.

2.      Déanfar an chumhacht gníomhartha tarmligthe a ghlacadh dá dtagraítear in Airteagal 4 a thabhairt don Choimisiún ar feadh tréimhse neamhchinntithe ón (...).. (Tá Oifig na bhFoilseachán le dáta theacht i bhfeidhm an ghnímh leasaithigh seo a líonadh isteach).

3.      Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 4 a chúlghairm tráth ar bith. Cuirfidh cinneadh cúlghairm a dhéanamh deireadh le tarmligean na cumhachta atá sonraithe sa chinneadh sin. Beidh éifeacht leis an lá tar éis lá a fhoilsithe in Iris Oifigiúil an Aontais Eorpaigh nó ar dháta níos déanaí a shonrófar ann. Ní dhéanfaidh sé difear do bhailíocht na ngníomhartha tarmligthe atá i bhfeidhm cheana.

4.      A luaithe a ghlacfaidh sé gníomh tarmligthe, tabharfaidh an Coimisiún fógra ina leith go comhuaineach do Pharlaimint na hEorpa agus don Chomhairle.

5.      Gníomh tarmligthe a ghlacfar de bhun Airteagal 4, ní thiocfaidh sé i bhfeidhm ach amháin mura ndéanann Parlaimint na hEorpa ná an Chomhairle agóid ina choinne laistigh de thréimhse dhá mhí ó fhógra faoin ngníomh sin a bheith tugtha do Pharlaimint na hEorpa agus don Chomhairle nó más rud é, sula dtéann an tréimhse sin in éag, go gcuireann Parlaimint na hEorpa agus an Chomhairle araon in iúl nach ndéanfaidh siad agóid ina choinne. Cuirfear dhá mhí leis an tréimhse sin ar thionscnamh ó Pharlaimint na hEorpa nó ón gComhairle.'

Airteagal 4

Cuirtear an méid seo a leanas in ionad Airteagal 5 agus Airteagal 6 de Threoir 2001/113/CE:

'Airteagal 5

Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 6 chun na saintréithe teicniúla a bhaineann leis na hainmneacha táirgí agus leis na sainmhínithe ar tháirgí atá in Iarscríbhinn I, agus Iarscríbhinn II agus Cuid B d'Iarscríbhinn III a leasú chun forbairtí ar na caighdeáin ábhartha idirnáisiúnta, más iomchuí, agus dul chun cinn teicniúil a chur san áireamh.

Airteagal 6

1.      Tugtar an chumhacht don Choimisiún gníomhartha tarmligthe a ghlacadh dá dtagraítear sa Treoir seo faoi réir na gcoinníollacha atá leagtha síos san Airteagal seo.

2.      Déanfar an chumhacht gníomhartha tarmligthe a ghlacadh dá dtagraítear in Airteagal 5 a thabhairt don Choimisiún ar feadh tréimhse neamhchinntithe ón (...).. (Tá Oifig na bhFoilseachán le dáta theacht i bhfeidhm an ghnímh leasaithigh seo a líonadh isteach).

3.      Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 5 a chúlghairm tráth ar bith. Cuirfidh cinneadh cúlghairm a dhéanamh deireadh le tarmligean na cumhachta atá sonraithe sa chinneadh sin. Beidh éifeacht leis an lá tar éis lá a fhoilsithe in Iris Oifigiúil an Aontais Eorpaigh nó ar dháta níos déanaí a shonrófar ann. Ní dhéanfaidh sé difear do bhailíocht na ngníomhartha tarmligthe atá i bhfeidhm cheana.

4.      A luaithe a ghlacfaidh sé gníomh tarmligthe, tabharfaidh an Coimisiún fógra ina leith go comhuaineach do Pharlaimint na hEorpa agus don Chomhairle.

5.      Gníomh tarmligthe a ghlacfar de bhun Airteagal 5, ní thiocfaidh sé i bhfeidhm ach amháin mura ndéanann Parlaimint na hEorpa ná an Chomhairle agóid ina choinne laistigh de thréimhse dhá mhí ó fhógra faoin ngníomh sin a bheith tugtha do Pharlaimint na hEorpa agus don Chomhairle nó más rud é, sula dtéann an tréimhse sin in éag, go gcuireann Parlaimint na hEorpa agus an Chomhairle araon in iúl nach ndéanfaidh siad agóid ina choinne. Cuirfear dhá mhí leis an tréimhse sin ar thionscnamh ó Pharlaimint na hEorpa nó ón gComhairle.'

Airteagal 5

Cuirtear an méid seo a leanas in ionad Airteagal 5 agus Airteagal 6 de Threoir 2001/114/CE:

'Airteagal 5

Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 6 chun na saintréithe teicniúla a bhaineann leis na sainmhínithe ar tháirgí agus leis na hainmneacha táirgí atá in Iarscríbhinn I, agus Iarscríbhinn II a leasú, chun forbairtí ar na caighdeáin ábhartha idirnáisiúnta, más iomchuí, agus dul chun cinn teicniúil a chur san áireamh.

Airteagal 6

1.      Tugtar an chumhacht don Choimisiún gníomhartha tarmligthe a ghlacadh dá dtagraítear sa Treoir seo faoi réir na gcoinníollacha atá leagtha síos san Airteagal seo.

2.      Déanfar an chumhacht gníomhartha tarmligthe a ghlacadh dá dtagraítear in Airteagal 5 a thabhairt don Choimisiún ar feadh tréimhse neamhchinntithe ón (...).. (Tá Oifig na bhFoilseachán le dáta theacht i bhfeidhm an ghnímh leasaithigh seo a líonadh isteach).

3.      Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 5 a chúlghairm tráth ar bith. Cuirfidh cinneadh cúlghairm a dhéanamh deireadh le tarmligean na cumhachta atá sonraithe sa chinneadh sin. Beidh éifeacht leis an lá tar éis lá a fhoilsithe in Iris Oifigiúil an Aontais Eorpaigh nó ar dháta níos déanaí a shonrófar ann. Ní dhéanfaidh sé difear do bhailíocht na ngníomhartha tarmligthe atá i bhfeidhm cheana.

4.      A luaithe a ghlacfaidh sé gníomh tarmligthe, tabharfaidh an Coimisiún fógra ina leith go comhuaineach do Pharlaimint na hEorpa agus don Chomhairle.

5.      Gníomh tarmligthe a ghlacfar de bhun Airteagal 5, ní thiocfaidh sé i bhfeidhm ach amháin mura ndéanann Parlaimint na hEorpa ná an Chomhairle agóid ina choinne laistigh de thréimhse dhá mhí ó fhógra faoin ngníomh sin a bheith tugtha do Pharlaimint na hEorpa agus don Chomhairle nó más rud é, sula dtéann an tréimhse sin in éag, go gcuireann Parlaimint na hEorpa agus an Chomhairle araon in iúl nach ndéanfaidh siad agóid ina choinne. Cuirfear dhá mhí leis an tréimhse sin ar thionscnamh ó Pharlaimint na hEorpa nó ón gComhairle.'

Airteagal 6

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

Thar ceann Pharlaimint na hEorpa              Thar ceann na Comhairle

An tUachtarán                                               An tUachtarán

[1]               IO C , , lch. .

[2]               IO C , , lch. .

[3]               IO L 66, 13.3.1999, lch. 26.

[4]               IO L 197, 3.8.2000, lch. 19.

[5]               IO L 10, 12.1.2002, lch. 53.

[6]               IO L 10, 12.1.2002, lch. 67.

[7]               IO L 15, 17.1.2002, lch. 19.

[8]               IO L 184, 17.7.1999, lch. 23.

[9]               IO L 200, 22.7.2006, lch. 11.

[10]             IO L 31, 1.2.2002, lch. 1.