(1)

Sa Teachtaireacht ón gCoimisiún dar teideal ‘Eoraip níos simplí agus níos tapúla’ (2), iarrtar bearta simpliúcháin arb é is aidhm dóibh an t-ualach rialála agus na costais ghaolmhara a laghdú do dhaoine, do ghnólachtaí, do pháirtithe leasmhara agus do riaracháin phoiblí san Aontas agus rialacha a dhéanamh níos soiléire, níos éasca a thuiscint agus níos tapúla a chur chun feidhme.

(2)

Ar bhonn na taithí a fuarthas le linn cláir shimplí a chur chun feidhme agus ar bhonn malartuithe leis na Ballstáit agus le tairbhithe cistiú ón Aontas, sainaithníodh Airteagail 10, 13 agus 21 de Rialachán Cur Chun Feidhme (AE) 2015/1831 (3) ón gCoimisiún lena leasú chun ualaí riaracháin a laghdú agus cur chun feidhme na gclár sin a éascú.

(3)

Ar bhonn na taithí a fuarthas ó glacadh Rialachán Cur Chun Feidhme (AE) 2015/1831, an sprioc-am a fhorchuirtear ar na Ballstáit conarthaí a thabhairt i gcrích chun cláir a chur chun feidhme in éineacht leis na heagraíochtaí tairisceana roghnaithe, d’fhéadfadh sé nach leor é chun an nós imeachta maidir le roghnú na gcomhlachtaí cur chun feidhme dá bhforáiltear in Airteagal 2 de Rialachán Tarmligthe (AE) 2015/1829 ón gCoimisiún (4) a chur i gcrích. Dá bhrí sin, is gá síneadh a chur leis an sprioc-am sin chun ligean do thairbhithe comhlachtaí a roghnú i gceart a bheidh freagrach as cláir shimplí a chur chun feidhme agus chun laghdú a dhéanamh ar an ngá atá le hiarraidh ar an gCoimisiún síniú conarthaí a údarú tar éis don sprioc-am dul in éag.

(4)

Chun cur chun feidhme na gclár le haghaidh tairbhithe cistiú ón Aontas a éascú, ba cheart uasráta an réamh-mhaoinithe trí réamhíocaíochtaí a mhéadú chun a áirithiú go gcumhdófar go leordhóthanach riachtanais maoinithe tosaigh, go háirithe le haghaidh tairbhithe a bhfuil acmhainn airgeadais theoranta acu, agus solúbthacht á coinneáil ag an am céanna maidir le cé acu a bhaintear nó nach mbaintear úsáid as na réamhíocaíochtaí sin agus a mhéid a bhaintear úsáid astu.

(5)

Chun an t-ualach riaracháin ar na Ballstáit a laghdú, ba cheart na hoibleagáidí maidir le fógra a thabhairt don Choimisiún i dtaca le cláir shimplí a laghdú agus ba cheart idirdhealú a dhéanamh, ar thaobh amháin, idir sonraí a bhaineann le forghníomhú airgeadais agus torthaí seiceálacha riaracháin agus seiceálacha ar an láthair agus, ar an taobh eile, sonraí a bhaineann le tionchar na gclár a ndéantar measúnú orthu. Na hoibleagáidí maidir le fógra a thabhairt a bhaineann le tionchar na gclár a ndéantar measúnú orthu, ba cheart iad a laghdú agus, ag an am céanna, fógra leordhóthanach a thabhairt don Choimisiún chun cláir a bhainistiú, agus ar an gcaoi sin an t-ualach riaracháin ar na Ballstáit a laghdú.

(6)

Mar sin féin, chun mearbhall a sheachaint mar gheall ar chur i bhfeidhm comhthreomhar rialacha éagsúla, níor cheart feidhm a bheith ag leasuithe ar Rialachán Cur Chun Feidhme (AE) 2015/1831 maidir le cláir leanúnacha.

(7)

Ba cheart Rialachán Cur Chun Feidhme (AE) 2015/1831 a leasú dá réir sin.

(8)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Chomheagrú na Margaí Talmhaíochta,

(1)

in Airteagal 10, cuirtear an méid seo a leanas in ionad mhír 3:

(2)

in Airteagal 13, cuirtear an méid seo a leanas in ionad mhír 3:

(3)

cuirtear an méid seo a leanas in ionad Airteagal 21: