(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a athnuachan.

(2)

Na hullmhóidí arb é atá iontu Lactiplantibacillus plantarum DSM 18112, Lactiplantibacillus plantarum DSM 18113, Lactiplantibacillus plantarum DSM 18114, Lactiplantibacillus plantarum ATCC 55943, Lactiplantibacillus plantarum ATCC 55944 (a sainaithníodh go tacsanomaíoch roimhe seo mar Lactobacillus plantarum DSM 18112, Lactobacillus plantarum DSM 18113, Lactobacillus plantarum DSM 18114, Lactobacillus plantarum ATCC 55943, Lactobacillus plantarum ATCC 55944), údaraíodh iad ar feadh tréimhse 10 mbliana mar bhreiseáin bheathaithe le haghaidh gach speicis ainmhíoch le Rialachán Cur Chun Feidhme (AE) Uimh. 1065/2012 ón gCoimsiún (2).

(3)

Le Rialachán Cur Chun Feidhme (AE) Uimh. 1113/2013 ón gCoimisiún (3) údaraíodh na hullmhóidí arb é atá iontu Lentilactobacillus buchneri ATCC PTA-2494 (a sainaithníodh roimhe seo mar Lactobacillus buchneri LN 4637/ATCC PTA-2494) agus Lentilactobacillus buchneri ATCC PTA-6138 (a sainaithníodh roimhe seo mar Lactobacillus buchneri LN 40177/ATCC PTA-6138) ar feadh tréimhse 10 mbliana mar bhreiseáin bheathaithe le haghaidh gach speicis ainmhíoch.

(4)

I gcomhréir le hAirteagal 14(1) de Rialachán (CE) Uimh. 1831/2003, cuireadh seacht n-iarratas isteach chun údarú na n-ullmhóidí arb é atá iontu Lactiplantibacillus plantarum DSM 18112, Lactiplantibacillus plantarum DSM 18113, Lactiplantibacillus plantarum DSM 18114, Lactiplantibacillus plantarum ATCC 55943, Lactiplantibacillus plantarum ATCC 55944, Lentilactobacillus buchneri ATCC PTA-2494 agus Lentilactobacillus buchneri ATCC PTA-6138 mar bhreiseáin bheathaithe a athnuachan le haghaidh gach speicis ainmhíoch, iarratais inar iarradh go n-aicmeofaí na breiseáin sin i gcatagóir na mbreiseán ‘breiseáin theicneolaíocha’ agus san fheidhmghrúpa ‘breiseáin sadhlais’. Bhí na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 ag gabháil leis na hiarratais sin.

(5)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sna tuairimí uaidh an 15 Aibreán 2024 (4) , (5) agus an 17 Aibreán 2024 (6) , (7) , (8) , (9) , (10) go bhfuil na hullmhóidí arb é atá iontu Lactiplantibacillus plantarum DSM 18112, Lactiplantibacillus plantarum DSM 18113, Lactiplantibacillus plantarum DSM 18114, Lactiplantibacillus plantarum ATCC 55943, Lactiplantibacillus plantarum ATCC 55944, Lentilactobacillus buchneri ATCC PTA-2494 agus Lentilactobacillus buchneri ATCC PTA-6138 fós sábháilte do gach speiceas ainmhíoch, do thomhaltóirí agus don chomhshaol faoi na coinníollacha úsáide atá údaraithe faoi láthair. Tháinig sé ar an gconclúid freisin gur cheart a mheas gur íogróirí craicinn agus riospráide iad na breiseáin agus go bhfuil riosca ag gabháil le haon teagmháil dheirmeach nó riospráide. In éagmais sonraí, ní raibh an tÚdarás in ann teacht ar chonclúid maidir lena n-acmhainneacht a bheith ina ngreannaitheoirí súl. Tháinig an tÚdarás ar an gconclúid freisin nach gá measúnú a dhéanamh ar éifeachtúlacht na mbreiseán ós rud é nach n-áirítear sna hiarratais ar athnuachan an údaraithe moladh maidir le coinníollacha an údaraithe bunaidh a leasú nó a fhorlíonadh, ar moladh é a mbeadh tionchar aige ar éifeachtúlacht na mbreiseán. Mar gheall ar an easpa sonraí maidir le héilliú miocróbach agus eisíontais, ní raibh an tÚdarás in ann teacht ar chonclúid maidir le saintréithiú iomlán na n-ullmhóidí arb é atá iontu Lactiplantibacillus plantarum DSM 18112, Lactiplantibacillus plantarum DSM 18113, Lactiplantibacillus plantarum DSM 18114, Lactiplantibacillus plantarum ATCC 55943, Lactiplantibacillus plantarum ATCC 55944, Lentilactobacillus buchneri ATCC PTA-2494 agus Lentilactobacillus buchneri ATCC PTA-6138. Sa tuairim uaidh ina dhiaidh sin an 24 Meitheamh 2025 (11), thuairiscigh an tÚdarás gur sholáthair an t-iarratasóir sonraí nua agus tháinig sé ar an gconclúid gur saintréith de chuid na mbreiseán iad an t-éilliú miocróbach (seachas i gcás Enterobacteriaceae) agus an íonacht cheimiceach, agus nár sainaithníodh aon ábhar imní maidir le sábháilteacht.

(6)

Na conclúidí agus na moltaí ar ar thángthas sa mheasúnú ar an modh anailíse ar na hullmhóidí arb é atá iontu Lactiplantibacillus plantarum DSM 18112, Lactiplantibacillus plantarum DSM 18113, Lactiplantibacillus plantarum DSM 18114, Lactiplantibacillus plantarum ATCC 55943, Lactiplantibacillus plantarum ATCC 55944, Lentilactobacillus buchneri ATCC PTA-2494 agus Lentilactobacillus buchneri ATCC PTA-6138 mar bhreiseáin bheathaithe i gcomhthéacs an údaraithe roimhe seo, mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil siad bailí agus infheidhme maidir leis an iarratas atá ann faoi láthair. I gcomhréir le hAirteagal 5(4), pointe (c), de Rialachán (CE) Uimh. 378/2005 ón gCoimisiún (12), níl gá le tuarascáil mheastóireachta ón tSaotharlann Tagartha dá bhrí sin.

(7)

I bhfianaise an mhéid thuas, measann an Coimisiún go gcomhlíonann na hullmhóidí arb é atá iontu Lactiplantibacillus plantarum DSM 18112, Lactiplantibacillus plantarum DSM 18113, Lactiplantibacillus plantarum DSM 18114, Lactiplantibacillus plantarum ATCC 55943, Lactiplantibacillus plantarum ATCC 55944, Lentilactobacillus buchneri ATCC PTA-2494 agus Lentilactobacillus buchneri ATCC PTA-6138 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú na mbreiseán sin a athnuachan. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(8)

Mar thoradh ar athnuachan údarú na n-ullmhóidí arb é atá iontu Lactiplantibacillus plantarum DSM 18112, Lactiplantibacillus plantarum DSM 18113, Lactiplantibacillus plantarum DSM 18114, Lactiplantibacillus plantarum ATCC 55943, Lactiplantibacillus plantarum ATCC 55944, Lentilactobacillus buchneri ATCC PTA-2494 agus Lentilactobacillus buchneri ATCC PTA-6138 mar bhreiseáin bheathaithe, ba cheart Rialachán Cur Chun Feidhme (AE) Uimh. 1065/2012 a leasú agus ba cheart Rialachán Cur Chun Feidhme (AE) Uimh. 1113/2013 a aisghairm.

(9)

Ós rud é nach bhfuil gá leis na modhnuithe ar na coinníollacha maidir le húdarú na n-ullmhóidí arb é atá iontu Lactiplantibacillus plantarum DSM 18112, Lactiplantibacillus plantarum DSM 18113, Lactiplantibacillus plantarum DSM 18114, Lactiplantibacillus plantarum ATCC 55943, Lactiplantibacillus plantarum ATCC 55944, Lentilactobacillus buchneri ATCC PTA-2494 agus Lentilactobacillus buchneri ATCC PTA-6138 a chur i bhfeidhm láithreach ar chúiseanna sábháilteachta, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Sa teideal, scriostar na huimhreacha sealbhaithe ‘DSM 18112, DSM 18113, DSM 18114, ATCC 55943 agus ATCC 55944’.

(2)

San Iarscríbhinn, cuirtear na hiontrálacha seo a leanas isteach: