(1)

Chun nach gcruthófar coinbhleachtaí leasa a d’fhéadfadh teacht chun cinn i gcás ina raibh fostaithe an tsoláthraí rátálacha ESG a bhfuil baint dhíreach acu le próiseas measúnaithe míreanna rátáilte le bheith rannpháirteach in aon cheann de na gníomhaíochtaí dá dtagraítear in Airteagal 16(1), pointí (c), (d), nó (f), de Rialachán (AE) 2024/3005, ba cheart do sholáthraithe rátálacha Comhshaoil, Sóisialta agus Rialachais (ESG) a áirithiú go bhfuil róil agus freagrachtaí atá sainithe go soiléir ag an bhfoireann chriticiúil sin agus go sanntar í do struchtúir ar leith laistigh den soláthraí rátálacha ESG. Chun sreabhadh neamhbheartaithe faisnéise íogaire laistigh de struchtúir nó réimsí gnó agus gníomhaíochtaí éagsúla a chosc, ba cheart do na soláthraithe rátálacha ESG sin bearta deighilte fisiceacha a chur i bhfeidhm freisin, lena n-áirítear spásanna oibre tiomnaithe a shannadh d’anailísithe rátála, i gcás na foirne sin, chun iad a dheighilt go fisiceach ó fhostaithe an tsoláthraí rátálacha ESG a bhfuil baint acu le haon cheann de na gníomhaíochtaí dá dtagraítear in Airteagal 16(1), de Rialachán (AE) 2024/3005.

(2)

Ar an gcúis chéanna, na soláthraithe rátálacha ESG sin atá ag gabháil cheana féin do sheirbhísí agus gníomhaíochtaí infheistíochta, do ghníomhaíochtaí institiúidí creidmheasa nó do ghníomhaíochtaí árachais nó athárachais, nó na soláthraithe rátálacha ESG sin a bhfuil sé beartaithe acu gabháil do na seirbhísí agus gníomhaíochtaí sin, ba cheart bearta breise a bheith i bhfeidhm acu i bhfoirm rialuithe slándála faisnéise agus rialuithe a bhaineann le líonraí, beartais agus nósanna imeachta inmheánacha, oiliúint, bearta conarthacha agus seiceálacha faireacháin ar chomhlíonadh, lena n-áirítear athbhreithniú a dhéanamh ar chumarsáid fostaithe a bhfuil baint acu leis an bpróiseas measúnaithe ar mhír rátáilte.

(3)

Chun coinbhleachtaí leasa iarbhír nó féideartha a shainaithint, ba cheart coimircí breise a bheith i bhfeidhm ag soláthraí rátálacha ESG a bhfuil sé beartaithe aige tagarmharcanna a sholáthar tríd an eintiteas dlítheanach céanna, ar coimircí iad a bhaineann le luach saothair agus socruithe cúitimh fostaithe nó daoine eile a bhfuil baint dhíreach acu leis an bpróiseas measúnaithe, le rátálacha ESG a tháirgeadh agus a thairiscint, agus le socruithe réamhchonarthacha.

(4)

Ós rud é go bhforlíontar Rialachán (AE) 2024/3005 leis an Rialachán seo, a bhfuil feidhm aige ón 2 Iúil 2026, is iomchuí dáta chur i bhfeidhm an Rialacháin seo a chur siar go dtí an dáta sin.

(5)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Eorpach um Urrúis agus Margaí (ESMA) faoi bhráid an Choimisiúin.

(6)

Reáchtáil ESMA comhairliúcháin phoiblí oscailte maidir leis na dréachtchaighdeáin theicniúla rialála ar a bhfuil an Rialachán seo bunaithe, agus rinne sé anailís ar na costais agus ar na tairbhí gaolmhara féideartha agus d’iarr sé comhairle ar an nGrúpa Geallsealbhóirí um Urrúis agus Margaí arna bhunú i gcomhréir le hAirteagal 37 de Rialachán (AE) Uimh. 1095/2010 ó Pharlaimint na hEorpa agus ón gComhairle (2),

(a)

nósanna imeachta cinnteoireachta agus struchtúir eagraíochtúla a bheith i bhfeidhm acu, le línte tuairiscithe sonracha agus leithdháileadh sonrach feidhmeanna agus freagrachtaí, lena n-áirithítear nach bhfuil baint ag fostaithe a bhfuil baint dhíreach acu le próiseas measúnaithe míre rátáilte le haon cheann de na gníomhaíochtaí dá dtagraítear in Airteagal 16(1) de Rialachán (AE) 2024/3005;

(b)

bearta deighilte fisicí a chur chun feidhme le haghaidh fostaithe agus daoine eile a bhfuil baint dhíreach acu leis an bpróiseas measúnaithe ar mhír rátáilte agus le haghaidh baill foirne a sholáthraíonn aon cheann de na gníomhaíochtaí dá dtagraítear in Airteagal 16(1) de Rialachán (AE) 2024/3005 ar bhealach lena gcosnaítear neamhspleáchas agus neamhchlaontacht fostaithe agus daoine eile a bhfuil baint dhíreach acu leis an bpróiseas measúnaithe ar mhír rátáilte;

(c)

a áirithiú go gcuirfidh fostaithe agus daoine eile a bhfuil baint dhíreach acu le próiseas measúnaithe míre rátáilte féindearbhú isteach uair amháin gach 12 mhí ina luaitear nach bhfuil baint acu le haon cheann de na gníomhaíochtaí dá dtagraítear in Airteagal 16(1) de Rialachán (AE) 2024/3005 a sholáthar.

(a)

bearta chun a áirithiú nach ndéanfaidh coinbhleachtaí iarbhír nó féideartha leasa a eascraíonn as rannpháirtíocht an tsoláthraí rátálacha ESG i ngníomhaíocht sholáthar na dtagarmharcanna difear do na socruithe cúitimh agus meastóireachta feidhmíochta is infheidhme maidir le fostaithe agus daoine eile a bhfuil baint dhíreach acu le próiseas measúnaithe míre rátáilte;

(b)

socruithe chun a áirithiú nach mbeidh táirgeadh agus tairiscint rátálacha ESG ag brath ar úsáid mheicníoch a bhaint as comhpháirteanna nó aschur tagarmhairc arb é an soláthraí rátálacha ESG an riarthóir ina leith;

(c)

measúnú doiciméadaithe ar aon choinbhleacht iarbhír nó fhéideartha leasa sula ndéanfaidh an soláthraí rátálacha ESG conradh chun seirbhísí a sholáthar le haghaidh aon cheann díobh seo a leanas: