1.   Beidh dearadh faoi chosaint ag dearadh AE, más dearadh nua é agus má tá gné shainiúil aige.

2.   Dearadh a chuirtear i bhfeidhm ar tháirge nó a ionchorpraítear i dtáirge atá mar chomhpháirt de tháirge casta, ní mheasfar an dearadh sin a bheith nua agus gné shainiúil a bheith ag baint leis ach amháin:

3.   Ciallóidh ‘gnáthúsáid’ de réir bhrí mhír (2), pointe (a), an úsáid a bhaineann an t-úsáideoir deiridh aisti, gan cothabháil, seirbhísiú ná obair dheisiúcháin a chur san áireamh.

1.   Measfar dearadh a bheith nua más rud é nach bhfuil aon dearadh comhionann curtha ar fáil don phobal:

2.   Measfar dearaí a bheith comhionann le chéile más rud é nach bhfuil na gnéithe atá acu éagsúil lena chéile ach ó thaobh mionsonraí neamhábhartha de.

1.   Measfar gné shainiúil a bheith ag dearadh má tá an bhraistint fhoriomlán a mhúsclaítear san úsáideoir eolasach éagsúil leis an mbraistint fhoriomlán a mhúsclaítear in úsáideoir den sórt sin le haon dearadh atá curtha ar fáil don phobal:

2.   Agus measúnú á dhéanamh ar ghné shainiúil, cuirfear san áireamh méid na saoirse a bhí ag an dearthóir agus an dearadh á dhearadh aige nó aici.

1.   Chun Airteagail 6 agus 7 a chur i bhfeidhm, measfar dearadh a bheith curtha ar fáil don phobal más rud é gur foilsíodh é tar éis a chláraithe nó ar bhealach eile, nó más rud é gur cuireadh ar taispeáint é, gur úsáideadh sa trádáil é nó gur nochtadh ar bhealach eile é, roimh an dáta dá dtagraítear in Airteagal 6(1), pointe (a), agus Airteagal 7(1), pointe (a), nó in Airteagal 6(1), pointe (b), agus Airteagal 7(1) pointe (b), de réir an cháis, ach amháin i gcás nach bhféadfadh lucht speisialtóireachta na hearnála lena mbaineann, atá ag oibriú laistigh den Aontas, teacht le réasún chun bheith ar eolas faoi na himeachtaí sin i ngnáthchúrsa gnó. Mar sin féin, ní mheasfar an dearadh a bheith curtha ar fáil don phobal más é an t-aon chúis lena bheith ar fáil gur nochtadh é do thríú duine faoi choinníollacha rúndachta sainráite nó intuigthe.

2.   Ní chuirfear nochtadh san áireamh chun Airteagail 6 agus 7 a chur i bhfeidhm más rud é go bhfuil an dearadh a nochtadh, atá comhionann leis an dearadh a bhfuil cosaint faoi dhearadh AE cláraithe á héileamh ina leith nó nach bhfuil éagsúil leis an mbraistint fhoriomlán a mhúsclaítear le dearadh den sórt sin, curtha ar fáil don phobal:

3.   Beidh feidhm ag mír 2 freisin más rud é gur cuireadh an dearadh ar fáil don phobal mar iarmhairt ar mhí-úsáid i ndáil leis an dearthóir nó le comharba i dteideal an dearthóra.

1.   Ní bheidh dearadh AE ar marthain san gnéithe de chuma táirge atá faoi réir ag a fheidhm teicniúil agus aige sin amháin.

2.   Ní bheidh dearadh AE ar marthain sna gnéithe de chuma táirge is gá a atáirgeadh go cruinn ó thaobh déanaimh agus toisí de ionas gur féidir an táirge ina n-ionchorpraítear an dearadh, nó ar a gcuirtear i bhfeidhm é, a cheangal go meicniúil le táirge eile, nó a chur isteach i dtáirge eile, nó timpeall air, nó ina choinne, ionas go bhféadfaidh ceachtar den dá tháirge a fheidhm féin a dhéanamh.

3.   D’ainneoin mhír 2 den Airteagal seo, beidh dearadh AE, faoi na coinníollacha a leagtar síos in Airteagal 6 agus in Airteagal 7, ar marthain i ndearadh a bhfuil sé de chuspóir aige ligean do tháirgí so-chómhalartaithe a bheith cóimeáilte nó ceangailte le chéile ar bhealaí iomadúla laistigh de chóras modúlach.

1.   Cumhdófar le raon feidhme na cosanta a thugtar le dearadh AE aon dearadh nach músclaíonn braistint fhoriomlán éagsúil san úsáideoir eolach.

2.   Agus measúnú á dhéanamh ar raon feidhme na cosanta, cuirfear san áireamh méid na saoirse a bhí ag an dearthóir agus a chuid nó a cuid dearaí á ndearadh aige nó aici.

1.   Dearadh a chomhlíonann na ceanglais a leagtar síos in Roinn 1, beidh sé faoi chosaint ag dearadh AE neamhchláraithe ar feadh tréimhse 3 bliana ón dáta a cuireadh an dearadh ar fáil don phobal laistigh den Aontas den chéad uair.

2.   Chun críocha mhír 1, measfar dearadh a bheith curtha ar fáil don phobal laistigh den Aontas más rud é gur foilsíodh é, gur cuireadh ar taispeáint é, gur úsáideadh sa trádáil é nó gur nochtadh ar bhealach eile é sa chaoi is go bhféadfadh lucht speisialtóireachta na hearnála lena mbaineann, atá ag oibriú laistigh den Aontas, teacht le réasún chun bheith ar an eolas faoi na himeachtaí sin. Mar sin féin, ní mheasfar an dearadh a bheith curtha ar fáil don phobal más é an t-aon chúis lena bheith ar fáil gur nochtadh é do thríú duine faoi choinníollacha rúndachta sainráite nó intuigthe.

1.   Cuirfear tús le cosaint do dhearadh AE cláraithe a luaithe a chláróidh an Oifig é.

2.   Déanfar dearadh AE cláraithe a chlárú ar feadh tréimhse 5 bliana arna ríomh ó dháta comhdaithe an iarratais ar chlárú. Féadfaidh an sealbhóir cirt an clárú a athnuachan, i gcomhréir le hAirteagal 66, ar feadh tréimhse amháin nó níos mó de 5 bliana an ceann, suas le téarma cosanta iomlán 25 bliana ó dháta comhdaithe an iarratais ar chlárú.

1.   Dílseoidh an ceart ar an dearadh AE don dearthóir nó do chomharba i dteideal an dearthóra.

2.   Más beirt nó níos mó a d’fhorbair dearadh go comhpháirteach, dílseoidh an ceart ar an dearadh AE dóibh go comhpháirteach.

3.   Mar sin féin, i gcás ina bhforbraíonn fostaí an dearadh i gcomhlíonadh dhualgais an fhostaí nó ag leanúint na dtreoracha a thug fostóir an fhostaí, dílseoidh an ceart ar an dearadh AE don fhostóir, mura gcomhaontaítear a mhalairt nó mura sonraítear a mhalairt faoin dlí náisiúnta.

1.   Má dhéanann duine dearadh AE neamhchláraithe a nochtadh nó a éileamh, ar duine é nó í nach bhfuil ina theideal faoi Airteagal 14, nó má dhéantar iarratas ar dhearadh AE cláraithe nó má chláraítear é in ainm duine den sórt sin, féadfaidh an duine atá ina theideal faoin Airteagal sin, gan dochar d’aon leigheas eile a d’fhéadfadh a bheith mar rogha don duine sin, aitheantas mar shealbhóir dlisteanach an dearaidh AE a éileamh os comhair chúirt inniúil nó údarás inniúil an Bhallstáit lena mbaineann.

2.   I gcás ina bhfuil duine i dteideal dearadh AE go comhpháirteach, féadfaidh an duine sin, i gcomhréir le mír 1, aitheantas mar shealbhóir comhpháirteach a éileamh.

3.   Beidh imeachtaí faoi mhír 1 nó 2 faoi urchosc 3 bliana tar éis an dáta a foilsíodh dearadh AE cláraithe nó tar éis an dáta a nochtadh dearadh AE neamhchláraithe. Ní bheidh feidhm ag an bhforáil seo más rud é go raibh an duine nach bhfuil i dteideal an dearaidh AE ag gníomhú de mheon mímhacánta tráth a rinneadh iarratas ar an dearadh sin, tráth a nochtadh é nó tráth a fuarthas é.

4.   Féadfaidh an duine atá i dteideal dearaidh AE faoi Airteagal 14 iarraidh ar athrú úinéireachta a chur faoi bhráid na hOifige, de bhun mhír 1 den Airteagal seo, mar aon le cinneadh críochnaitheach ó chúirt inniúil nó údarás inniúil an Bhallstáit lena mbaineann maidir leis an teidlíocht ar an dearadh AE.

5.   I gcás dearadh AE cláraithe, déanfar na heilimintí seo a leanas a iontráil sa Chlár dearaí AE dá dtagraítear in Airteagal 104 (‘an Clár’):

1.   I gcás ina dtarlaíonn athrú iomlán ar úinéireacht dearaidh AE chláraithe de thoradh imeachtaí faoi Airteagal 15(1), rachaidh na ceadúnais agus na cearta eile i léig nuair a dhéanfar ainm shealbhóir nua an dearaidh AE chláraithe a iontráil sa Chlár.

2.   Más rud é, sula gcláraítear tionscnamh na n-imeachtaí faoi Airteagal 15(1), gur shaothraigh sealbhóir nó ceadúnaí an dearaidh AE chláraithe an dearadh laistigh den Aontas nó má thug siad faoi ullmhúcháin dháiríre éifeachtacha chuige sin, féadfaidh an sealbhóir sin nó an ceadúnaí sin leanúint den saothrú sin ar choinníoll go n-iarrann siad, laistigh de thréimhse 3 mhí ón dáta a iontráladh ainm an tsealbhóra nua sa Chlár, ceadúnas neamheisiach ar an sealbhóir nua ar iontráladh a ainm nó a hainm sa Chlár. Deonófar an ceadúnas ar feadh tréimhse réasúnach agus faoi théarmaí réasúnacha.

3.   Ní bheidh feidhm ag mír 2 más ag gníomhú de mheon mímhacánta a bhí sealbhóir an dearaidh AE chláraithe tráth a thosaigh an sealbhóir sin nó an ceadúnaí sin ar shaothrú an dearaidh nó ar ullmhúcháin chuige sin.

1.   Le dearadh AE cláraithe, tabharfar an ceart eisiach dá shealbhóir leis an dearadh a úsáid agus le cosc a chur ar aon tríú páirtí nach bhfuair toiliú ón sealbhóir é a úsáid.

2.   Féadfar an méid seo a leanas, go háirithe, a thoirmeasc faoi mhír 1:

3.   Beidh sealbhóir dearaidh AE chláraithe i dteideal cosc a chur ar gach tríú páirtí táirgí a thabhairt isteach san Aontas, le linn trádála, ó thríú tíortha, ar táirgí iad nach scaoiltear le haghaidh saorchúrsaíocht san Aontas, i gcás ina n-ionchorpraítear an dearadh ar bhealach comhionann sna táirgí sin nó ina gcuirtear an dearadh i bhfeidhm ar bhealach comhionann orthu, nó i gcás nach féidir an dearadh a idirdhealú ina bhunghnéithe ó na táirgí sin, agus i gcás nach bhfuil údarú ón sealbhóir tugtha.

Rachaidh an ceart dá dtagraítear sa chéad fhomhír den mhír seo i léig, más rud é, le linn imeachtaí chun a chinneadh cé acu a sáraíodh an dearadh AE nó nár sáraíodh, arna dtionscnamh i gcomhréir le Rialachán (AE) Uimh. 608/2013, go soláthraíonn an dearbhóir nó sealbhóir na dtáirgí fianaise nach bhfuil sealbhóir an dearaidh AE chláraithe i dteideal toirmeasc a chur ar na táirgí sin a chur ar an margadh i dtír an chinn scríbe.

4.   Ní bheidh sealbhóir dearaidh AE neamhchláraithe i dteideal gníomhaíochtaí dá dtagraítear i míreanna 1 agus 2 a chosc ach amháin más í an úsáid atá á conspóid is toradh ar an dearadh cosanta a chóipeáil.

An úsáid atá á conspóid dá dtagraítear sa chéad fhomhír, ní mheasfar í a bheith mar thoradh ar chóipeáil an dearaidh AE neamhchláraithe más rud é go bhfuil sí mar thoradh ar obair neamhspleách cruthaitheachta de chuid dearthóra arbh inmheasta go réasúnta ina leith nach raibh eolas aige nó aici ar an dearadh a chuir an sealbhóir ar fáil don phobal.

5.   Beidh feidhm ag mír 4 den Airteagal seo freisin maidir le dearadh AE cláraithe atá faoi réir chur siar a fhoilsithe fad nár cuireadh na hiontrálacha ábhartha sa Chlár agus an comhad ar fáil don phobal i gcomhréir le hAirteagal 62(4).

1.   Na cearta a thugtar le dearadh AE, ní dhéanfar iad a fheidhmiú i leith an mhéid seo a leanas:

2.   Ní bheidh feidhm ag mír 1, pointí (c), (d) agus (e), ach amháin i gcás ina bhfuil na gníomhaíochtaí comhoiriúnach le cleachtais chóirthrádála agus nach ndéanann siad dochar míchuí do ghnáthshaothrú an dearaidh, agus, sa chás dá dtagraítear i bpointe (c), ina luaitear foinse an táirge ina n-ionchorpraítear an dearadh nó ar a gcuirtear i bhfeidhm an dearadh.

1.   Ní thabharfar cosaint do dhearadh AE atá mar chomhpháirt de tháirge casta a bhfuil dearadh na comhpháirte ag brath ar an gcuma atá air, agus a úsáidtear de réir bhrí Airteagal 20(1) chun an táirge casta a dheisiú chun cuma bhunaidh an táirge chasta a athbhunú, agus chun na críche sin amháin.

2.   Monaróir nó díoltóir comhpháirte de tháirge casta nár chuir tomhaltóirí ar an eolas go cuí, trí thásc soiléir agus infheicthe ar an táirge nó ar bhealach iomchuí eile, faoi thionscnamh tráchtála an táirge, agus faoi chéannacht mhonaróir an táirge, atá le húsáid chun an táirge casta a dheisiú, ionas gur féidir leo rogha eolasach a dhéanamh idir táirgí iomaíocha is féidir a úsáid le haghaidh an deisiúcháin, ní dhéanfaidh monaróir nó díoltóir den sórt sin mír 1 a agairt.

3.   Ní cheanglófar ar mhonaróir ná díoltóir comhpháirte de tháirge casta a ráthú go n-úsáidfidh na húsáideoirí deiridh na comhpháirteanna a dhéanann siad nó a dhíolann siad ar deireadh chun críche deisiúcháin, agus chun na críche sin amháin, chun cuma bhunaidh an táirge chasta a athbhunú.

1.   Tríú daoine ar féidir leo a chruthú gur thosaigh siad ag baint úsáid, de mheon macánta, laistigh den Aontas, as dearadh a áirítear faoi raon feidhme cosanta dearaidh AE chláraithe, ar dearadh é nár cóipeáladh ón dearadh AE cláraithe sin, nó go ndearna siad ullmhúcháin dháiríre éifeachtacha chuige sin, roimh dháta comhdaithe an iarratais, nó, má éilítear tosaíocht, roimh dháta na tosaíochta, beidh ceart réamhúsáide ag tríú daoine den sórt sin.

2.   Leis an gceart réamhúsáide, beidh an tríú duine i dteideal an dearadh a shaothrú chun na gcríoch ar chucu a thosaigh an tríú duine ag baint úsáid as, nó ar chucu a ndearna an tríú duine ullmhúcháin dháiríre éifeachtacha, roimh dháta comhdaithe nó tosaíochta an dearadh AE chláraithe.

3.   Ní bheidh réim ag an gceart réamhúsáide maidir le ceadúnas a dheonú do dhuine eile chun an dearadh a shaothrú.

4.   Ní féidir an ceart réamhúsáide a aistriú ach amháin, i gcás inar gnólacht an tríú duine, i dteannta na coda den ghnó a ndearnadh an ghníomhaíocht nó na hullmhúcháin lena linn.

1.   Dearbhófar go bhfuil dearadh AE cláraithe neamhbhailí ar iarratas chuig an Oifig i gcomhréir leis an nós imeachta a leagtar síos i dTeidil VI agus VII nó dearbhóidh cúirt um dhearaí AE go bhfuil dearadh AE cláraithe neamhbhailí ar bhonn frithéilimh le linn imeachtaí um shárú.

2.   Féadfar dearadh AE a dhearbhú a bheith neamhbhailí fiú tar éis don dearadh AE dul i léig nó a bheith tugtha suas, má léiríonn an t-iarratasóir leas dlisteanach i gcinneadh a fháil ar na tuillteanais.

3.   Dearbhóidh cúirt um dhearaí AE go bhfuil dearadh AE neamhchláraithe neamhbhailí ar iarratas chuig cúirt den sórt sin nó ar bhonn frithéilimh le linn imeachtaí um shárú.

1.   Ní fhéadfar dearadh AE a dhearbhú a bheith neamhbhailí ach sna cásanna seo a leanas:

2.   Féadfaidh na páirtithe seo a leanas na forais neamhbhailíochta dá bhforáiltear i mír 1, pointí (a) agus (b), a agairt:

3.   Ní fhéadfaidh ach an duine atá i dteideal an dearaidh AE faoi Airteagal 14, agus an duine sin amháin, an foras neamhbhailíochta dá bhforáiltear i mír 1, pointe (c), den Airteagal seo a agairt.

4.   Ní fhéadfaidh ach na páirtithe seo a leanas, agus na páirtithe sin amháin, na forais neamhbhailíochta dá bhforáiltear i mír 1, pointí (d), (e) agus (f), a agairt:

5.   Ní fhéadfaidh ach an duine nó an t-eintiteas lena mbaineann an úsáid mhíchuí, agus iad siúd amháin, an foras neamhbhailíochta dá bhforáiltear i mír 1, pointe (g), a agairt.

6.   De mhaolú ar mhíreanna 4 agus 5, féadfaidh Ballstáit a fhoráil gur féidir leis an údarás iomchuí sa Bhallstát i dtrácht na forais dá bhforáiltear i mír 1, pointí (d) agus (g), a agairt ar a thionscnamh féin.

7.   Ní dhearbhófar dearadh AE cláraithe a bheith neamhbhailí i gcás inar thoiligh an t-iarratasóir ar cheann de na cearta dá dtagraítear i mír 1, pointí (d), (e) agus (f), nó sealbhóir ceann amháin de na cearta sin go sainráite do chlárú an dearaidh AE sular cuireadh an t-iarratas ar dhearbhú neamhbhailíochta nó an frithéileamh isteach.

8.   I gcás ina ndearna an t-iarratasóir ar cheann de na cearta dá dtagraítear i mír 1, pointí (d), (e) agus (f), nó sealbhóir ceann de na cearta sin iarratas roimhe seo ar dhearbhú go bhfuil dearadh AE neamhbhailí nó i gcás ina ndearna siad frithéileamh le linn imeachtaí um shárú, ní dhéanfaidh siad iarratas nua ar dhearbhú neamhbhailíochta a chur isteach ná frithéileamh nua a thaisceadh ar bhonn aon cheann de na cearta eile dá dtagraítear sna pointí sin a d’fhéadfadh a agairt mar thaca leis an gcéad iarratas nó leis an gcéad fhrithéileamh.

1.   Dearadh AE a dhearbhaítear a bheith neamhbhailí, measfar nach raibh na héifeachtaí dá bhforáiltear sa Rialachán seo ag an dearadh AE sin ón tús.

2.   Faoi réir na bhforálacha náisiúnta a bhaineann le héilimh ar chúiteamh as damáiste a tharla de dheasca faillí nó meon mímhacánta ar thaobh shealbhóir an dearaidh AE, nó a bhaineann le saibhriú éagórach, ní dhéanfaidh éifeacht chúlghabhálach neamhbhailíocht an dearaidh AE difear do na nithe seo a leanas:

1.   Déanfar iarratas ar dhearadh AE cláraithe a chomhdú ag an Oifig.

2.   Déanfaidh an Oifig fáltas a eisiúint don iarratasóir gan mhoill ina n-áireofar, ar a laghad, uimhir an chomhaid, léiriú an dearaidh, tuairisc ar an dearadh nó sainaithint eile an dearaidh, cineál agus líon na ndoiciméad agus an dáta a bhfuarthas iad. I gcás iarratas iolrach, sonrófar san fháltas arna eisiúint ag an Oifig an chéad dearadh agus líon na ndearaí a comhdaíodh.

1.   Is é a bheidh in iarratas ar dhearadh AE cláraithe:

2.   Beidh tásc na dtáirgí a mbeartaítear an dearadh a ionchorprú iontu nó a mbeartaítear é a chur i bhfeidhm orthu san iarratas freisin.

3.   Sa bhreis air sin, féadfar na nithe seo a leanas a bheith san iarratas:

4.   Beidh an t-iarratas faoi réir an táille iarratais a íoc. I gcás ina gcomhdaítear iarraidh ar fhoilsiú a chur siar dá dtagraítear i mír 3, pointe (b), beidh sí faoi réir táille bhreise as foilsiú a chur siar.

5.   I dteannta na gceanglas dá dtagraítear i míreanna 1 go 4, comhlíonfaidh iarratas ar dhearadh AE cláraithe na ceanglais fhoirmiúla a leagtar síos sa Rialachán seo agus sna gníomhartha cur chun feidhme arna nglacadh dá bhun. A mhéid a bhaineann na ceanglais sin leis an léiriú dearaidh dá dtagraítear i mír 1, pointe (c), agus leis na modhanna maidir le léiriú, cinnfidh an Stiúrthóir Feidhmiúcháin an bealach chun amhairc éagsúla a uimhriú i gcás léiriú trí amhairc shocra, formáidí agus méid comhaid leictreonaigh chomh maith le haon sonraíocht theicniúil ábhartha eile. Má dhéantar foráil sna ceanglais sin maidir le sainaithint ábhair nach n-iarrtar aon chosaint ina leith trí bhíthin cineálacha áirithe séanta físiúla nó maidir le cineálacha áirithe sonracha amharc a chomhdú, féadfaidh an Stiúrthóir Feidhmiúcháin a chinneadh go gceadaítear cineálacha breise séanta físiúla agus cineálacha sonracha amharc.

6.   Ní dhéanfaidh an fhaisnéis atá sna heilimintí dá dtagraítear i mír 2 agus i mír 3, pointí (a) agus (d), difear do raon feidhme cosanta an dearaidh as féin.

1.   Féadfar uasmhéid de 50 dearadh a chur le chéile in aon iarratas iolrach amháin ar dhearadh AE cláraithe. Uimhreoidh an Oifig gach dearadh atá in iarratas iolrach i gcomhréir le córas atá le cinneadh ag an Stiúrthóir Feidhmiúcháin.

2.   I dteannta na dtáillí dá dtagraítear in Airteagal 42(4), beidh an t-iarratas iolrach faoi réir táille iarratais a íoc i leith gach dearaidh breise a áirítear san iarratas iolrach agus, i gcás ina bhfuil iarraidh ar fhoilsiú a chur siar san iarratas, beidh sé faoi réir táille a íoc as foilsiú a chur siar i leith gach dearaidh a áirítear san iarratas iolrach a n-iarrtar cur siar ina leith.

3.   Comhlíonfaidh an t-iarratas iolrach na ceanglais fhoirmiúla a leagtar síos sna gníomhartha cur chun feidhme arna nglacadh de bhun Airteagal 45.

4.   Féadfar gach ceann de na dearaí atá san iarratas iolrach nó i gclárú bunaithe ar iarratas den sórt sin a láimhseáil ar leithligh ó na dearaí eile. Ar leithligh ó na dearaí eile, féadfar dearadh den sórt sin a fhorfheidhmiú, a cheadúnú, a thabhairt suas, a athnuachan, a shannadh, nó a dhearbhú a bheith neamhbhailí nó féadfaidh sé a bheith ina ábhar do cheart in rem, do thobhach forghníomhaithe, d’imeachtaí dócmhainneachta nó d’fhoilsiú curtha siar.

1.   Táirgí a mbeartaítear an dearadh a ionchorprú iontu nó a mbeartaítear é a chur i bhfeidhm orthu, déanfar iad a aicmiú i gcomhréir le hAicmiú Locarno, arna leasú agus mar atá i bhfeidhm ar dháta comhdaithe an iarratais.

2.   Leis an tásc táirge, dá dtagraítear in Airteagal 42(2), déanfar cineál na dtáirgí a shainaithint go soiléir agus go beacht agus beifear in ann gach táirge a aicmiú in aon aicme agus aon fho-aicme amháin d’Aicmiú Locarno, trí úsáid a bhaint, más féidir, as an mbunachar sonraí chomhchuibhithe de thásca táirgí a chuireann an Oifig ar fáil. Beidh an tásc táirge ag teacht le léiriú an dearaidh.

3.   Déanfar na táirgí a ghrúpáil de réir na n-aicmí d’Aicmiú Locarno, agus cuirfear uimhir na haicme lena mbaineann an grúpa táirgí sin roimh gach grúpa agus cuirfear i láthair iad in ord na n-aicmí agus na bhfo-aicmí faoin aicmiú sin.

4.   Nuair a úsáideann an t-iarratasóir tásca táirge nach bhfuil sa bhunachar sonraí dá dtagraítear i mír 2, nó nach bhfuil ag teacht le léiriú an dearaidh, féadfaidh an Oifig tásca táirge ón mbunachar sonraí a mholadh. I gcás nach dtugann an t-iarratasóir freagra laistigh den teorainn ama a shonraíonn an Oifig, féadfaidh sí dul ar aghaidh leis an scrúdú bunaithe ar na tásca táirge atá molta.

1.   Maidir le duine a bhfuil iarratas ar cheart dearaidh nó ar chuspa áisiúlachta comhdaithe go cuí aige nó aici in aon Stát is páirtí i gCoinbhinsiún Pháras, nó sa Chomhaontú lena mbunaítear an Eagraíocht Dhomhanda Trádála, nó le haghaidh aon Stát den sórt sin, nó maidir le comharba an duine i dteideal, beidh ceart tosaíochta ag an duine sin nó ag an gcomharba i dteideal sin, ar feadh tréimhse 6 mhí ón dáta a comhdaíodh an chéad iarratas, chun iarratas ar dhearadh AE cláraithe a chomhdú i ndáil leis an dearadh nó cuspa áisiúlachta céanna.

2.   Gach comhdú atá leordhóthanach, faoi dhlí náisiúnta an Stáit ina ndearnadh é nó faoi chomhaontuithe déthaobhacha nó iltaobhacha, chun an dáta ar ar comhdaíodh an t-iarratas a bhunú, beag beann ar an toradh a d’fhéadfadh a bheith ar an iarratas, aithneofar é mar chomhdú as a dtagann ceart tosaíochta.

3.   Maidir le hiarratas ina dhiaidh sin ar dhearadh a bhí ina ábhar do chéad iarratas roimhe sin, agus a chomhdaítear sa Stát céanna, nó i ndáil leis, measfar gurb é an chéad iarratas chun tosaíocht a chinneadh, ar choinníoll go bhfuil an t-iarratas roimhe sin, ar dháta comhdaithe an iarratais ina dhiaidh sin, tarraingthe siar, tugtha suas nó diúltaithe gan a bheith curtha ar fáil lena iniúchadh ag an bpobal agus gan aon cheart a bheith ag teacht as agus ar choinníoll nach raibh sé ina bhonn le ceart tosaíochta a éileamh. Ina dhiaidh sin, ní bheidh an t-iarratas roimhe sin ina bhonn le ceart tosaíochta a éileamh.

4.   Más rud é go ndearnadh an chéad chomhdú i Stát nach páirtí é i gCoinbhinsiún Pháras ná sa Chomhaontú lena mbunaítear an Eagraíocht Trádála Domhanda, ní bheidh feidhm ag míreanna 1 go 3 ach amháin a mhéid a dheonaíonn an Stát sin, de réir torthaí foilsithe, ar bhonn an chéad chomhdaithe a dhéantar ag an Oifig agus faoi réir coinníollacha atá coibhéiseach leo sin a leagtar síos sa Rialachán seo, ceart tosaíochta a bhfuil an éifeacht choibhéiseach aige. Iarrfaidh an Stiúrthóir Feidhmiúcháin ar an gCoimisiún, i gcás inar gá, féachaint ar a fhiosrú cé acu a thugann an Stát sin cóireáil chómhalartach den sórt sin nó nach dtugann. Má chinneann an Coimisiún go dtugtar cóireáil chómhalartach, foilseoidh sé teachtaireacht chuige sin in Iris Oifigiúil an Aontais Eorpaigh.

5.   Beidh feidhm ag an gceart tosaíochta dá dtagraítear i mír 4 ón dáta a fhoilsítear an teachtaireacht in Iris Oifigiúil an Aontais Eorpaigh lena gcinntear go dtugtar cóireáil chómhalartach, mura sonraítear sa teachtaireacht dáta níos luaithe óna mbeidh feidhm aige. Scoirfidh sé d’fheidhm a bheith aige ón dáta a fhoilsítear teachtaireacht ón gCoimisiún in Iris Oifigiúil an Aontais Eorpaigh ina luaitear nach dtugtar cóireáil chómhalartach a thuilleadh, mura sonraítear sa teachtaireacht dáta níos luaithe óna mbeidh feidhm aige.

6.   Foilseofar teachtaireachtaí dá dtagraítear i míreanna 4 agus 5 in Iris Oifigiúil na hOifige freisin.

1.   Iarratasóir ar dhearadh AE cláraithe ar mian leis nó léi tairbhiú de thosaíocht iarratais roimhe sin, comhdóidh an t-iarratasóir sin dearbhú tosaíochta in éineacht leis an iarratas nó laistigh de 2 mhí ón dáta comhdaithe. Áireofar i ndearbhú tosaíochta den sórt sin dáta agus tír an iarratais roimhe sin. Déanfar uimhir chomhaid an iarratais roimhe sin agus an doiciméadacht atá mar thaca leis an éileamh tosaíochta a chomhdú laistigh de 3 mhí ó dháta comhdaithe an dearbhaithe tosaíochta.

2.   Féadfaidh an Stiúrthóir Feidhmiúcháin a chinneadh go bhféadfaidh níos lú a bheith sa doiciméadacht atá le soláthar ag an iarratasóir mar thaca leis an éileamh tosaíochta ná mar a cheanglaítear faoi na gníomhartha cur chun feidhme arna nglacadh de bhun Airteagal 51, faoi réir chomhlíonadh phrionsabal na córa comhionainne d’iarratasóirí agus ar choinníoll go bhfuil an fhaisnéis is gá ar fáil don Oifig ó fhoinsí eile.

1.   Má nochtaigh iarratasóir ar dhearadh AE cláraithe táirgí ina n-ionchorpraítear an dearadh, nó ar a gcuirtear i bhfeidhm é, ag taispeántas idirnáisiúnta oifigiúil nó atá aitheanta go hoifigiúil a thagann faoi raon feidhme an Choinbhinsiúin maidir le taispeántais idirnáisiúnta, arna shíniú i bPáras an 22 Samhain 1928 agus arna athbhreithniú go deireanach an 30 Samhain 1972, féadfaidh an t-iarratasóir, má chomhdaítear an t-iarratas laistigh de thréimhse 6 mhí ón dáta a nochtadh táirgí den sórt sin den chéad uair, ceart tosaíochta a éileamh ón dáta sin.

2.   Comhdóidh iarratasóir ar mian leis nó léi tosaíocht a éileamh de bhun mhír 1 dearbhú tosaíochta in éineacht leis an iarratas nó laistigh de 2 mhí ón dáta comhdaithe. Comhdóidh an t-iarratasóir, laistigh de 3 mhí ón dearbhú tosaíochta, fianaise gur nochtadh na táirgí ina n-ionchorpraítear an dearadh, nó ar a gcuirtear i bhfeidhm é, de réir bhrí mhír 1.

3.   Le tosaíocht taispeántais a dheonaítear i mBallstát nó i dtríú tír, ní dhéanfar tréimhse na tosaíochta a leagtar síos in Airteagal 49 a fhadú.

1.   Luafar i gcinntí ón Oifig na cúiseanna ar a bhfuil siad bunaithe. Ní bheidh siad bunaithe ach ar chúiseanna nó fianaise a raibh deis ag na páirtithe lena mbaineann a gcuid tráchtanna ina leith a chur i láthair. I gcás ina dtionóltar imeachtaí ó bhéal os comhair na hOifige, féadfar an cinneadh a thabhairt ó bhéal. Ina dhiaidh sin, tabharfar fógra i scríbhinn faoin gcinneadh do na páirtithe.

2.   Léireofar roinn nó rannóg na hOifige in aon chinneadh, aon chumarsáid nó aon fhógra ón Oifig mar aon le hainm an oifigigh nó ainmneacha na n-oifigeach atá freagrach. Síneoidh an t-oifigeach sin nó na hoifigigh sin iad, nó, in ionad síniú, beidh séala clóite nó stampáilte na hOifige orthu. Féadfaidh an Stiúrthóir Feidhmiúcháin a chinneadh gur féidir úsáid a bhaint as modhanna eile chun roinn nó rannóg na hOifige agus ainm an oifigigh nó na n-oifigeach atá freagrach a shainaithint nó gur féidir úsáid a bhaint as aitheantas seachas séala i gcás ina dtarchuirtear cinntí, teachtaireachtaí nó fógraí trí aon mhodh teicniúil cumarsáide.

3.   Cinntí ón Oifig atá faoi réir achomhairc, beidh teachtaireacht i scríbhinn ag gabháil leo lena léirítear go bhfuil aon fhógra achomhairc le comhdú i scríbhinn ag an Oifig laistigh de 2 mhí ón dáta a thugtar fógra faoin gcinneadh i dtrácht. Le haon teachtaireacht den sórt sin, díreofar aird na bpáirtithe freisin ar na forálacha a leagtar síos in Airteagail 66, 67, 68, 71 agus 72 de Rialachán (AE) 2017/1001, a bhfuil feidhm acu freisin maidir le hachomhairc faoin Rialachán seo de bhun Airteagal 77(2) den Rialachán seo. Ní phléadálfaidh na páirtithe nár chuir an Oifig in iúl go raibh imeachtaí achomhairc ar fáil.

1.   Scrúdóidh an Oifig, as a stuaim féin, na fíorais in imeachtaí os a comhair. In imeachtaí a bhaineann le dearbhú neamhbhailíochta, áfach, ní bheidh an Oifig in ann scrúdú a dhéanamh ach ar na forais, ar na fíorais, ar an bhfianaise agus ar na hargóintí a thugann na páirtithe agus ar an bhfaoiseamh a iarrtar.

2.   Féadfaidh an Oifig neamhaird a thabhairt ar fhíorais nó ar fhianaise nach bhfuil curtha faoina bráid in am trátha ag na páirtithe lena mbaineann.

1.   Má mheasann an Oifig go mbeadh imeachtaí ó bhéal áisiúil, eagrófar iad ar thionscnamh na hOifige nó arna iarraidh sin d’aon pháirtí sna himeachtaí.

2.   Imeachtaí ó bhéal os comhair na scrúdaitheoirí agus na roinne atá i bhfeighil an Chláir, ní bheidh siad oscailte don phobal.

3.   Imeachtaí ó bhéal, lena n-áirítear tabhairt an chinnidh a thabhairt, os comhair na Rannán Neamhbhailíochta agus na mBord Achomhairc, beidh siad oscailte don phobal, ach amháin má chinneann an roinn a bhfuil na himeachtaí os a comhair a mhalairt i gcásanna ina bhféadfadh míbhuntáistí tromchúiseacha nach bhfuil údar leo a bheith ann dá ligfí an pobal isteach iontu, go háirithe míbhuntáistí do pháirtí sna himeachtaí.

1.   In aon imeachtaí os comhair na hOifige, beidh na modhanna seo a leanas i measc na modhanna chun fianaise a thabhairt nó a fháil:

2.   Féadfaidh an roinn ábhartha den Oifig duine dá baill a choimisiúnú chun scrúdú a dhéanamh ar an bhfianaise a thugtar ar aird.

3.   Má mheasann an Oifig go bhfuil sé riachtanach go ndéanfaidh páirtí, finné nó saineolaí fianaise a thabhairt ó bhéal, eiseoidh sí toghairm don duine lena mbaineann teacht os a comhair. 1 mhí amháin ar a laghad a bheidh sa tréimhse fógra arna soláthar i dtoghairm den sórt sin, ach amháin i gcás ina gcomhaontaíonn an páirtí, an finné nó an saineolaí le tréimhse níos giorra.

4.   Cuirfear na páirtithe ar an eolas faoin éisteacht d’fhinné nó do shaineolaí os comhair na hOifige. Beidh an ceart acu a bheith i láthair agus ceisteanna a chur ar an bhfinné nó ar an saineolaí.

5.   Cinnfidh an Stiúrthóir Feidhmiúcháin méideanna na gcostas atá le híoc, lena n-áirítear réamhíocaíochtaí, a mhéid a bhaineann leis na costais a bhaineann le fianaise a ghlacadh.

1.   Déanfaidh an Oifig, as a stuaim féin, fógra a thabhairt dóibh siúd lena mbaineann faoi chinntí agus toghairmeacha agus faoi aon fhógra nó aon teachtaireacht eile as a ríomhtar teorainn ama, nó a bhfuiltear le fógra a thabhairt dóibh siúd lena mbaineann ina leith i gcomhréir le forálacha eile de chuid an Rialacháin seo nó de chuid gníomhartha arna nglacadh dá bhun, nó ar ordaigh an Stiúrthóir Feidhmiúcháin fógra a thabhairt ina leith.

2.   Is trí mhodhanna leictreonacha a thabharfar fógra. Cinnfidh an Stiúrthóir Feidhmiúcháin na mionsonraí maidir le modhanna leictreonacha.

3.   I gcás nárbh fhéidir leis an Oifig fógra a thabhairt, is mar fhógra poiblí a thabharfar fógra. Cinnfidh an Stiúrthóir Feidhmiúcháin an chaoi atá an fógra poiblí le tabhairt agus socróidh an Stiúrthóir Feidhmiúcháin tús na tréimhse 1 mhí, agus ar dhul in éag na tréimhse sin, measfar go mbeidh fógra tugtha faoin doiciméad.

1.   Is i dtéarmaí blianta, míonna, seachtainí nó laethanta iomlána a leagfar síos teorainneacha ama. Tosófar an ríomh an lá tar éis an lae ar tharla an t-imeacht ábhartha. Ní bheidh fad na dteorainneacha ama níos lú ná 1 mhí ná ní bheidh sé níos mó ná 6 mhí, mura bhforáiltear a mhalairt sa Rialachán seo nó in aon ghníomh arna ghlacadh dá bhun.

2.   Cinnfidh an Stiúrthóir Feidhmiúcháin, roimh thosach gach bliana féilire, na laethanta nach mbeidh an Oifig ar oscailt chun doiciméid a fháil.

3.   Cinnfidh an Stiúrthóir Feidhmiúcháin fad thréimhse an bhriste i gcás briseadh iarbhír ar nasc na hOifige le modhanna leictreonacha cumarsáide údaraithe.

4.   Más rud é, de dhroim tarlú eisceachtúil, amhail tubaiste nádúrtha nó stailc, go mbristear nó go gcuirtear isteach ar chumarsáid chuí ó na páirtithe sna himeachtaí chuig an Oifig nó vice versa, féadfaidh an Stiúrthóir Feidhmiúcháin a chinneadh, maidir leis na páirtithe uile sna himeachtaí a bhfuil cónaí orthu nó a bhfuil a n-oifig chláraithe sa limistéar geografach sin dá ndéanann an tarlú eisceachtúil difear, nó a bhfuil ionadaí ceaptha acu agus áit ghnó ag an ionadaí sa limistéar sin, go ndéanfar gach teorainn ama a rachadh in éag, murach sin, an dáta a thosaíonn tarlú den sórt sin nó ina dhiaidh sin a fhadú go dtí dáta áirithe. Agus an dáta sin á chinneadh, déanfaidh an Stiúrthóir Feidhmiúcháin measúnú ar cathain a thiocfaidh deireadh leis an tarlú eisceachtúil. Má dhéanann an tarlú difear do shuíomh na hOifige, sonrófar sa chinneadh sin ón Stiúrthóir Feidhmiúcháin go bhfuil feidhm ag an gcinneadh maidir le gach páirtí sna himeachtaí.

1.   Ceartóidh an Oifig, as a stuaim féin nó arna iarraidh sin do pháirtí, aon earráidí teanga nó tras-scríofa agus dearmaid fhollasacha ina cinntí, aon earráidí i gclárú dearaidh AE nó aon earráidí i bhfoilsiú an chláraithe.

2.   I gcás ina n-iarrann an sealbhóir go gceartófaí earráidí i gclárú dearaidh AE nó i bhfoilsiú an chláraithe, beidh feidhm mutatis mutandis ag Airteagal 69.

3.   Foilseoidh an Oifig ceartúcháin a dhéantar ar earráidí i gclárú dearaidh AE agus i bhfoilsiú an chláraithe.

1.   I gcás ina bhfuil iontráil sa Chlár déanta ag an Oifig nó i gcás ina bhfuil cinneadh déanta aici ina bhfuil earráid fhollasach is inchurtha i leith na hOifige, áiritheoidh sí go gcealófar an iontráil nó go gcúlghairfear an cinneadh. I gcás nach bhfuil ach páirtí amháin sna himeachtaí agus go ndéanann an iontráil nó an ghníomhaíocht difear do chearta an pháirtí sin, cinnfear cealú nó cúlghairm fiú mura raibh an earráid soiléir don pháirtí.

2.   Déanfaidh an roinn a rinne an iontráil nó a rinne an cinneadh cealú nó cúlghairm dá dtagraítear i mír 1 a chinneadh as a stuaim féin nó arna iarraidh sin do cheann de na páirtithe sna himeachtaí. Déanfar an iontráil sa Chlár a chealú nó an cinneadh a chúlghairm laistigh de 1 bhliain ón dáta a rinneadh an iontráil sa Chlár nó a rinneadh an cinneadh, tar éis dul i gcomhairle leis na páirtithe sna himeachtaí agus le haon sealbhóir ceart maidir leis an dearadh AE i dtrácht a iontráiltear sa Chlár. Coimeádfaidh an Oifig taifead d’aon chealú nó cúlghairm den sórt sin.

3.   Ní dochar an tAirteagal seo do cheart na bpáirtithe achomharc a dhéanamh i gcomhréir le hAirteagail 77 agus 78 nó don fhéidearthacht earráidí agus dearmaid fhollasacha a cheartú i gcomhréir le hAirteagal 92. I gcás ina bhfuil achomharc déanta i gcoinne cinneadh ón Oifig ina bhfuil earráid, beidh na himeachtaí achomhairc gan chuspóir tráth a dhéanfaidh an Oifig a cinneadh a chúlghairm de bhun mhír 1 den Airteagal seo. Sa chás deireanach sin, aisíocfar an táille achomhairc leis an achomharcóir.

1.   An t-iarratasóir ar dhearadh AE cláraithe, sealbhóir dearaidh AE chláraithe nó aon pháirtí eile in imeachtaí os comhair na hOifige nach raibh in ann, d’ainneoin an cúram cuí a bhí de dhíth i ngeall ar na himthosca a bheith déanta, teorainn ama a chomhlíonadh i leith na hOifige, déanfar a gcearta a athbhunú, ar iarratas, más rud é go bhfuil sé mar iarmhairt dhíreach ag an neamhchomhlíonadh i dtrácht, de bhua fhorálacha an Rialacháin seo, go gcaillfear aon cheart nó aon mhodh sásaimh.

2.   Déanfaidh an t-iarratasóir an t-iarratas a chomhdú i scríbhinn laistigh de 2 mhí ón tráth a bhaintear an chúis nár comhlíonadh an teorainn ama. Déanfar an ghníomhaíocht nár cuireadh i gcrích a thabhairt i gcrích laistigh den tréimhse sin. Ní bheidh an t-iarratas inghlactha ach amháin laistigh den bhliain go díreach tar éis dhul in éag na teorann ama nár comhlíonadh. I gcás nach dtíolactar an iarraidh ar athnuachan an chláraithe nó nach n-íoctar táille athnuachana, ní bhainfear den tréimhse 1 bhliain an tréimhse bhreise 6 mhí tar éis dhul in éag an chláraithe dá bhforáiltear in Airteagal 66(3).

3.   San iarratas, luafar na forais ar a bhfuil sé bunaithe agus leagfar amach na fíorais ar a bhfuil sé ag brath. Ní mheasfar é a bheith comhdaithe go dtí go n-íocfar an táille as athbhunú na gceart. Má dheonaítear restitutio in integrum, aisíocfar an táille.

4.   Is í an roinn atá inniúil ar chinneadh a dhéanamh maidir leis an ngníomhaíocht nár cuireadh i gcrích a dhéanfaidh cinneadh faoin iarratas.

5.   Mura gcomhlíontar na teorainneacha ama a leagtar síos i mír 2 den Airteagal seo agus in Airteagal 96, ní eascróidh as sin athbhunú na gceart dá dtagraítear i mír 1 den Airteagal seo.

6.   I gcás ina n-athbhunaítear cearta an iarratasóra ar dhearadh AE cláraithe nó cearta sealbhóra dearaidh AE chláraithe, ní fhéadfaidh siad a gcearta a agairt i leith tríú páirtí, ar páirtí é a chuir earraí ar an margadh, de mheon macánta, le linn na tréimhse idir caillteanas na gceart san iarratas ar an dearadh AE cláraithe nó i gclárú an dearaidh sin agus foilsiú na tagartha d’athbhunú na gceart sin, arb earraí iad ina n-ionchorpraítear dearadh a áirítear faoi raon feidhme cosanta an dearaidh AE chláraithe nó ar a gcuirtear i bhfeidhm é.

7.   Féadfaidh tríú páirtithe a fhéadfaidh leas a bhaint as forálacha mhír 6, féadfaidh siad imeachtaí tríú páirtí a thabhairt i gcoinne an chinnidh lena ndéantar cearta an iarratasóra ar dhearadh AE cláraithe nó shealbhóir an dearaidh AE chláraithe a athbhunú laistigh de thréimhse 2 mhí ón dáta a fhoilsítear an tagairt d’athbhunú na gceart sin.

8.   Ní chuirfidh aon ní san Airteagal seo teorainn le ceart Ballstáit restitutio in integrum a dheonú i leith na dteorainneacha ama dá bhforáiltear sa Rialachán seo agus atá le comhlíonadh i leith údaráis an Stáit sin.

1.   An t-iarratasóir ar dhearadh AE cláraithe, sealbhóir dearaidh AE chláraithe nó aon pháirtí eile in imeachtaí os comhair na hOifige nár chomhlíon teorainn ama i leith na hOifige, féadfaidh siad, arna iarraidh sin dóibh, leanúint leis na himeachtaí a fháil, ar choinníoll go mbeidh an ghníomhaíocht nár cuireadh i gcrích tugtha i gcrích tráth a dhéantar an iarraidh. Ní bheidh an iarraidh ar leanúint leis na himeachtaí inghlactha ach amháin má thíolactar í laistigh de 2 mhí ó dhul in éag na teorann ama nár comhlíonadh. Measfar nach mbeidh an iarraidh comhdaithe go dtí go mbeidh an táille as leanúint leis na himeachtaí íoctha.

2.   Ní dheonófar leanúint leis na himeachtaí i gcás nach gcomhlíontar na teorainneacha ama a leagtar síos in:

3.   Is í an roinn atá inniúil ar chinneadh a dhéanamh maidir leis an ngníomhaíocht nár cuireadh i gcrích a dhéanfaidh cinneadh maidir leis an iarraidh ar leanúint leis na himeachtaí.

4.   Má ghlacann an Oifig leis an iarraidh ar leanúint leis na himeachtaí, measfar nár tharla na hiarmhairtí ar mhainneachtain an teorainn ama a chomhlíonadh. I gcás ina ndearnadh cinneadh sa tréimhse idir dul in éag na teorann ama sin agus an iarraidh ar leanúint leis na himeachtaí, déanfaidh an roinn atá inniúil ar chinneadh a dhéanamh maidir leis an ngníomhaíocht nár cuireadh i gcrích athbhreithniú ar an gcinneadh agus, i gcás inar leor tabhairt i gcrích na gníomhaíochta sin nár cuireadh i gcrích, déanfaidh sí cinneadh difriúil. Má chinneann an Oifig, tar éis an athbhreithnithe, nach gá an cinneadh bunaidh a athrú, dearbhóidh sí an cinneadh sin i scríbhinn.

5.   Má dhiúltaíonn an Oifig don iarraidh ar leanúint leis na himeachtaí, aisíocfar an táille.

1.   Brisfear na himeachtaí atá os comhair na hOifige:

Sa mhéid nach ndéanfaidh an bás nó an t-éagumas dá dtagraítear sa chéad fhomhír, pointe (a), den mhír seo difear d’údarú ionadaí a cheaptar i gcomhréir le hAirteagal 116, ní bhrisfear na himeachtaí ach amháin arna iarraidh sin don ionadaí sin.

2.   Féadfar imeachtaí os comhair na hOifige a atosú a luaithe a shuífear céannacht an duine arna údarú chun leanúint leo nó a luaithe a bheidh gach iarracht réasúnach déanta ag an Oifig chun céannacht an duine sin a shuíomh.

1.   Rachaidh cearta na hOifige ar íocaíocht táille i léig tar éis 4 bliana ó dheireadh na bliana féilire ina raibh an táille dlite.

2.   Rachaidh cearta i gcoinne na hOifige ar aisíocaíocht táillí nó suimeanna airgid a íocadh de bhreis ar tháille i léig tar éis 4 bliana ó dheireadh na bliana féilire inar tháinig an ceart chun cinn.

3.   Brisfear na tréimhsí a leagtar síos i míreanna 1 agus 2, sa chás a chumhdaítear le mír 1, le hiarraidh ar an táille a íoc agus, sa chás a chumhdaítear le mír 2, le héileamh réasúnaithe i scríbhinn. Má bhristear an tréimhse, tosóidh sí arís láithreach agus tiocfaidh deireadh léi ar a dhéanaí 6 bliana tar éis dheireadh na bliana a thosaigh sí ar dtús, ach amháin más rud é gur cuireadh tús, idir an dá linn, le himeachtaí breithiúnacha chun an ceart a fhorfheidhmiú. Sa chás sin, tiocfaidh deireadh leis an tréimhse ar a luaithe 1 bhliain tar éis údarás mar chinneadh críochnaitheach a bheith faighte ag an mbreithiúnas.

1.   An páirtí a chaill in imeachtaí le haghaidh dearbhú neamhbhailíochta dearaidh AE chláraithe nó in imeachtaí achomhairc, iompróidh an páirtí sin na táillí a d’íoc an páirtí eile as an iarratas ar dhearbhú neamhbhailíochta agus as achomharc. An páirtí a chaill in imeachtaí den sórt sin, iompróidh an páirtí sin freisin na costais uile arna dtabhú ag an bpáirtí eile, ar costais iad atá bunriachtanach do na himeachtaí, lena n-áirítear taisteal agus cothú agus luach saothair d’ionadaí dá dtagraítear in Airteagal 116(1), laistigh de na huasrátaí a leagtar síos le haghaidh gach catagóire costais sa ghníomh cur chun feidhme arna ghlacadh de bhun Airteagal 102.

2.   I gcás ina n-éiríonn le gach páirtí ar chuntair áirithe agus ina dteipeann orthu ar chuntair eile, nó i gcás inar gá ar chúiseanna cothromais, cinnfidh an Rannán Neamhbhailíochta nó an Bord Achomhairc cionroinnt eile a dhéanamh ar na costais atá éagsúil ón gceann a leagtar síos i mír 1.

3.   Páirtí a fhoirceannann na himeachtaí tríd an iarratas ar an dearadh AE, an t-iarratas ar dhearbhú neamhbhailíochta nó an t-achomharc a tharraingt siar, trí gan athnuachan a dhéanamh ar chlárú an dearaidh AE nó tríd an dearadh AE cláraithe a thabhairt suas, iompróidh an páirtí sin na táillí agus na costais arna dtabhú ag an bpáirtí eile mar a leagtar síos i míreanna 1 agus 2.

4.   I gcás nach dtéann cás ar aghaidh chun breithiúnais, is faoi rogha an Rannáin Neamhbhailíochta nó an Bhoird Achomhairc a bheidh na costais.

5.   I gcás ina dtugann na páirtithe réiteach ar chostais i gcrích os comhair an Rannáin Neamhbhailíochta nó an Bhoird Achomhairc, ar réiteach é atá éagsúil leis an réiteach dá bhforáiltear i míreanna 1 go 4, tabharfaidh an comhlacht lena mbaineann an comhaontú sin ar aird.

6.   Socróidh an Rannán Neamhbhailíochta nó an Bord Achomhairc as a stuaim féin méid na gcostas atá le híoc de bhun mhíreanna 1 go 5 den Airteagal seo i gcás ina bhfuil na costais atá le híoc teoranta do na táillí a íoctar leis an Oifig agus do na costais ionadaíochta. I ngach cás eile, is í clárlann an Bhoird Achomhairc nó an Rannáin Neamhbhailíochta a shocróidh, arna iarraidh sin, méid na gcostas atá le híoc. Ní bheidh an iarraidh inghlactha ach amháin ar feadh tréimhse 2 mhí tar éis an dáta a thagann an cinneadh a ndearnadh iarratas ina leith chun na costais a shocrú chun bheith críochnaitheach, agus beidh bille agus fianaise tacaíochta ag gabháil léi. Maidir leis na costais ionadaíochta de réir bhrí Airteagal 116(1), is leor dearbhú ón ionadaí gur tabhaíodh na costais. Maidir le costais eile, is leor a sochreidteacht a shuí.

I gcás ina socraítear méid na gcostas de bhun na chéad fhomhíre den mhír seo, dámhfar costais ionadaíochta ar an leibhéal a leagtar síos sa ghníomh cur chun feidhme a ghlactar de bhun Airteagal 102 agus gan beann ar cé acu a tabhaíodh nó nár tabhaíodh na costais go hiarbhír.

7.   Cinntí maidir le costais a shocrú arna nglacadh i gcomhréir le mír 6, luafar iontu na cúiseanna ar a bhfuil siad bunaithe agus féadfaidh an Rannán Neamhbhailíochta nó an Bord Achomhairc athbhreithniú a dhéanamh orthu tar éis iarraidh a chomhdaítear laistigh de 1 mhí ón dáta a thugtar fógra faoin gcinneadh. Ní mheasfar í a bheith comhdaithe go dtí go n-íocfar an táille as athbhreithniú a dhéanamh ar mhéid na gcostas. Déanfaidh an Rannán Neamhbhailíochta nó an Bord Achomhairc, de réir mar a bheidh, cinneadh maidir leis an iarraidh chun athbhreithniú a dhéanamh ar an gcinneadh maidir le costais a shocrú gan imeachtaí ó bhéal.

1.   Is in-fhorfheidhmithe a bheidh aon chinneadh críochnaitheach de chuid na hOifige lena socraítear méid na gcostas.

2.   Beidh forfheidhmiú faoi rialú ag na rialacha nós imeachta sibhialta atá i bhfeidhm sa Bhallstát ina ndéantar ar a chríoch é. Ainmneoidh gach Ballstát údarás aonair a bheidh freagrach as barántúlacht an chinnidh dá dtagraítear i mír 1 a fhíorú agus cuirfidh sé a chuid sonraí teagmhála in iúl don Oifig, don Chúirt Bhreithiúnais agus don Choimisiún. Déanfaidh an t-údarás sin an t-ordú maidir le forfheidhmiú a chur i gceangal leis an gcinneadh, gan aon fhoirmiúlacht eile a bheith ann seachas fíorú bharántúlacht an chinnidh.

3.   Nuair a bheidh na foirmiúlachtaí dá dtagraítear i mír 2 curtha i gcrích, ar iarratas ón bpáirtí lena mbaineann, féadfaidh an páirtí sin dul i gceann an fhorfheidhmithe i gcomhréir leis an dlí náisiúnta tríd an ábhar a thabhairt go díreach os comhair an údaráis inniúil.

4.   Ní fhéadfar an forfheidhmiú a fhionraí ach amháin trí bhreith ón gCúirt Bhreithiúnais. Beidh dlínse ag cúirteanna an Bhallstáit lena mbaineann, áfach, i dtaca le gearáin á rá go bhfuil an forfheidhmiú á chur i gcrích ar dhóigh neamhrialta.

1.   Coimeádfaidh an Oifig Clár de dhearaí AE cláraithe, agus coimeádfaidh sí cothrom le dáta é.

2.   Beidh na hiontrálacha seo a leanas a bhaineann le cláruithe dearaí AE sa Chlár:

3.   Beidh na hiontrálacha seo a leanas sa Chlár freisin, agus dáta a dtaifeadta ag gabháil le gach ceann díobh:

4.   Féadfaidh an Stiúrthóir Feidhmiúcháin a chinneadh go bhfuil ítimí seachas na hítimí sin dá dtagraítear i míreanna 2 agus 3 le hiontráil sa Chlár.

5.   Féadfar an Clár a choinneáil ar bun i bhfoirm leictreonach. Déanfaidh an Oifig na hítimí dá dtagraítear i míreanna 1, 2 agus 3, lena n-áirítear aon sonraí pearsanta, a bhailiú, a eagrú, a phoibliú agus a stóráil chun na gcríoch a leagtar síos i mír 8. Déanfaidh an Oifig an Clár a choimeád ar bhealach ina mbeidh an pobal in ann teacht air go réidh ar mhaithe lena iniúchadh.

6.   Tabharfar fógra do shealbhóir dearaidh AE chláraithe faoi aon athrú sa Chlár.

7.   I gcás nach bhfuil rochtain ar an gClár srianta de bhun Airteagal 109(5), soláthróidh an Oifig, trí mhodhanna leictreonacha, sleachta deimhnithe nó neamhdheimhnithe as an gClár arna iarraidh sin.

8.   Déanfar na sonraí a bhaineann leis na hiontrálacha dá dtagraítear i míreanna 2 agus 3, lena n-áirítear aon sonraí pearsanta, a phróiseáil chun na gcríoch seo a leanas:

9.   Na sonraí uile, lena n-áirítear sonraí pearsanta, a bhaineann leis na hiontrálacha dá dtagraítear i míreanna 2 agus 3 den Airteagal seo, measfar gur chun leas an phobail iad agus féadfaidh aon tríú páirtí rochtain a fháil orthu seachas a mhéid a fhoráiltear a mhalairt le hAirteagal 62(2). Coimeádfar na hiontrálacha sa Chlár ar feadh tréimhse éiginnte.

1.   I dteannta na hoibleagáide Clár a choimeád mar a leagtar síos in Airteagal 104, déanfaidh an Oifig na sonraí uile a sholáthraíonn sealbhóirí nó aon pháirtí eile sna himeachtaí de bhun an Rialacháin seo nó de bhun gníomhartha arna n glacadh dá bhun a bhailiú agus a stóráil i mbunachar sonraí leictreonach.

2.   Féadfar a áireamh sa bhunachar sonraí leictreonach sonraí pearsanta, de bhreis ar na sonraí sin a áirítear sa Chlár de bhun Airteagal 104, a mhéid a cheanglaítear na sonraí sin leis an Rialachán seo nó le gníomhartha arna nglacadh dá bhun. Déanfar sonraí pearsanta a bhailiú, a stóráil agus a phróiseáil chun na gcríoch seo a leanas:

3.   Cinnfidh an Stiúrthóir Feidhmiúcháin na coinníollacha maidir le rochtain ar an mbunachar sonraí agus maidir leis an dóigh a bhféadfar an t-inneachar, cé is moite de na sonraí pearsanta dá dtagraítear i mír 2 den Airteagal seo ach lena n-áirítear na sonraí sin a liostaítear in Airteagal 104, a chur ar fáil.

4.   Beidh rochtain ar na sonraí pearsanta dá dtagraítear i mír 2 srianta agus ní dhéanfar na sonraí sin a chur ar fáil go poiblí ach amháin le toiliú sainráite ón bpáirtí lena mbaineann.

5.   Coimeádfar na sonraí uile ar feadh tréimhse éiginnte. Féadfaidh an páirtí lena mbaineann a iarraidh go mbainfí aon sonraí pearsanta den bhunachar sonraí, áfach, tar éis 18 mí ó dhul in éag an dearaidh AE chláraithe nó ó chlabhsúr an nós imeachta inter partes ábhartha. Beidh sé de cheart ag an bpáirtí lena mbaineann go gceartófar sonraí míchruinne nó míchearta tráth ar bith.

1.   Déanfar cinntí ón Oifig maidir le dearaí AE cláraithe a chur ar fáil ar líne mar fhaisnéis don phobal i gcoitinne agus ionas gur féidir an pobal i gcoitinne iad a cheadú. Féadfaidh aon pháirtí sna himeachtaí ar glacadh an cinneadh dá mbarr a iarraidh go mbainfí aon sonraí pearsanta a áirítear sa chinneadh.

2.   Féadfaidh an Oifig breithiúnais na gcúirteanna náisiúnta agus chúirteanna an Aontais a sholáthar ar líne, ar breithiúnais iad a bhaineann lena cúraimí, chun feasacht an phobail a mhúscailt faoi ábhair maidir le maoin intleachtúil agus cóineasú cleachtas a chur chun cinn. Urramóidh an Oifig coinníollacha an fhoilsithe tosaigh i ndáil le sonraí pearsanta.

1.   Seo a leanas a fhoilseoidh an Oifig go tréimhsiúil:

Féadfar na foilseacháin dá dtagraítear sa chéad fhomhír, pointí (a) agus (b), a dhéanamh trí mhodhanna leictreonacha.

2.   Is ar bhealach agus ar mhinicíocht a chinnfidh an Stiúrthóir Feidhmiúcháin a fhoilseofar an Feasachán maidir le Dearaí an Aontais Eorpaigh.

3.   Foilseofar Iris Oifigiúil na hOifige i dteangacha na hOifige. Féadfaidh an Stiúrthóir Feidhmiúcháin a chinneadh, áfach, go bhfuil ítimí áirithe le foilsiú in Iris Oifigiúil na hOifige i dteangacha oifigiúla uile an Aontais.

1.   Na comhaid a bhaineann le hiarratais ar dhearadh AE cláraithe nach bhfuil foilsithe fós nó na comhaid a bhaineann le dearaí AE cláraithe atá faoi réir chur siar a bhfoilsithe i gcomhréir le hAirteagal 62 nó a thugtar suas, toisc iad a bheith faoi réir cur siar den sórt, roimh dhul in éag na tréimhse sin nó ar dhul in éag na tréimhse sin, ní chuirfear na comhaid sin ar fáil lena n-iniúchadh gan toiliú ón iarratasóir ar an dearadh AE cláraithe ná ó shealbhóir cirt an dearaidh sin.

2.   Aon duine lenar féidir leas dlisteanach a chruthú, féadfaidh an duine sin comhad a iniúchadh gan toiliú ón iarratasóir ar dhearadh AE cláraithe ná ó shealbhóir an dearaidh sin sula bhfoilseofar é nó tar éis thabhairt suas an dearaidh sin sa chás dá bhforáiltear i mír 1.

Beidh feidhm aige sin go háirithe más rud é go gcruthaíonn an duine leasmhar go ndearna an t-iarratasóir ar dhearadh AE cláraithe nó sealbhóir an dearaidh sin bearta d’fhonn an ceart faoin dearadh AE cláraithe a agairt i gcoinne an duine leasmhair.

3.   Tar éis an dearadh AE cláraithe a fhoilsiú, féadfar an comhad a iniúchadh ar iarratas.

4.   I gcás ina ndéantar iniúchadh ar na comhaid de bhun mhír 2 nó 3, beidh na codanna seo a leanas den chomhad eisiata ón iniúchadh:

5.   I gcás ina bhfuil an clárú faoi réir chur siar a fhoilsithe de bhun Airteagal 62(1), beidh rochtain ar an gClár ag daoine eile seachas sealbhóir an dearaidh AE chláraithe teoranta d’ainm an tsealbhóra, ainm aon ionadaí, an dáta comhdaithe agus an dáta cláraithe, uimhir chomhaid an iarratais agus an nóta lena léirítear go bhfuil an foilsiú curtha siar. Sna cásanna sin, ní bheidh sna sleachta deimhnithe nó neamhdheimhnithe as an gClár ach ainm an tsealbhóra, ainm aon ionadaí, an dáta comhdaithe agus an dáta cláraithe, uimhir chomhaid an iarratais agus an nóta lena léirítear go bhfuil an foilsiú curtha siar, ach amháin i gcás ina bhfuil iarraidh ar shleachta déanta ag an sealbhóir nó ag ionadaí an tsealbhóra.

1.   Is trí mhodhanna teicniúla stórála na gcomhad a dhéanfar iniúchadh ar na comhaid de dhearaí AE cláraithe arna iarraidh de bhun Airteagal 109(3). Ar líne a dhéanfar an t-iniúchadh sin. Déanfaidh an Stiúrthóir Feidhmiúcháin cinneadh faoi mhodh an iniúchta.

2.   I gcás ina mbaineann an iarraidh go ndéanfaí iniúchadh ar na comhaid le hiarratas ar dhearadh AE cláraithe nó ar dhearadh AE cláraithe atá faoi réir chur siar a fhoilsithe i gcomhréir le hAirteagal 62 nó, toisc é a bheith faoi réir cur siar den sórt sin, a tugadh suas roimh dháta éaga na tréimhse sin nó ar dháta éaga na tréimhse sin, beidh an fhianaise seo leanas san iarraidh:

3.   Arna iarraidh sin, déanfar iniúchadh ar na comhaid trí bhíthin cóipeanna leictreonacha de na doiciméid chomhaid. Chomh maith leis sin, arna iarraidh sin, eiseoidh an Oifig cóipeanna deimhnithe nó neamhdheimhnithe den iarratas ar dhearadh AE cláraithe trí mhodhanna leictreonacha.

1.   Coimeádfaidh an Oifig na comhaid d’aon nós imeachta a bhaineann le hiarratais ar dhearaí AE agus le dearaí AE cláraithe. Déanfaidh an Stiúrthóir Feidhmiúcháin cinneadh faoin bhfoirm ina bhfuil na comhaid sin le coimeád inti.

2.   I gcás ina gcoimeádtar na comhaid i bhformáid leictreonach, coimeádfar na comhaid leictreonacha, nó na cóipeanna cúltaca díobh, ar feadh tréimhse éiginnte. Déanfar na doiciméid bhunaidh a chomhdaíonn na páirtithe sna himeachtaí, agus atá mar bhonn do na comhaid leictreonacha sin, a dhiúscairt i ndiaidh tréimhse tar éis don Oifig iad a ghlacadh, agus cinnfidh an Stiúrthóir Feidhmiúcháin an tréimhse sin.

3.   I gcás ina gcoimeádtar, agus a mhéid a choimeádtar, comhaid nó codanna de na comhaid i bhfoirm nach foirm leictreonach í, coimeádfar doiciméid nó ítimí fianaise ar cuid de na comhaid sin iad ar feadh 5 bliana ar a laghad ó dheireadh na bliana:

1.   Mura bhforáiltear a mhalairt sa Rialachán seo ná sa dlí náisiúnta, tabharfaidh an Oifig agus cúirteanna nó údaráis na mBallstát cúnamh dá chéile, arna iarraidh sin, trí fhaisnéis a chur in iúl nó trí chomhaid a chur ar fáil lena n-iniúchadh. I gcás ina gcuireann an Oifig comhaid ar fáil lena n-iniúchadh ag cúirteanna, oifigí ionchúisitheoirí poiblí nó lároifigí maoine tionsclaíche, ní bheidh an t-iniúchadh faoi réir na srianta a leagtar síos in Airteagal 109.

2.   Ní ghearrfaidh an Oifig táillí as faisnéis a chur in iúl nó as comhaid a chur ar fáil lena n-iniúchadh.

1.   Faoi réir mhír 2, ní chuirfear iallach ar aon duine ionadaíocht a bheith aige nó aici os comhair na hOifige.

2.   Gan dochar do mhír 3, an dara fomhír, den Airteagal seo, maidir le daoine nádúrtha nó dlítheanacha nach bhfuil sainchónaí orthu in LEE, nach bhfuil a bpríomháit ghnó in LEE nó nach bhfuil fíorbhunaíocht tionscail nó tráchtála éifeachtach acu in LEE, déanfar ionadaíocht orthu os comhair na hOifige i gcomhréir le hAirteagal 116(1) sna himeachtaí go léir dá bhforáiltear leis an Rialachán seo, cé is moite d’iarratas ar dhearadh AE cláraithe a chomhdú.

3.   Féadfaidh fostaí ionadaíocht a dhéanamh os comhair na hOifige ar dhaoine nádúrtha nó dlítheanacha a bhfuil sainchónaí orthu in LEE, a bhfuil a bpríomháit ghnó in LEE nó a bhfuil fíorbhunaíocht tionscail nó tráchtála éifeachtach acu in LEE.

Maidir le fostaí de chuid duine dlítheanach a bhfuil feidhm ag an mír seo maidir leis nó léi, féadfaidh an fostaí sin ionadaíocht a dhéanamh freisin ar dhaoine dlítheanacha eile a bhfuil naisc eacnamaíocha acu leis an gcéad duine dlítheanach, fiú mura bhfuil sainchónaí ar na daoine dlítheanacha eile sin in LEE, mura bhfuil a bpríomháit ghnó in LEE nó mura bhfuil fíorbhunaíocht tionscail nó tráchtála éifeachtach acu in LEE.

Déanfaidh fostaithe a dhéanann ionadaíocht ar dhaoine de réir bhrí na míre seo, arna iarraidh sin don Oifig nó, i gcás inarb iomchuí, don pháirtí sna himeachtaí, údarú sínithe a sholáthar don Oifig lena gcur isteach sna comhaid.

4.   I gcás ina bhfuil níos mó ná iarratasóir amháin nó níos mó ná tríú páirtí amháin ag gníomhú i gcomhpháirt, ceapfar ionadaí coiteann.

1.   Ní fhéadfaidh ach na daoine seo a leanas ionadaíocht a dhéanamh ar dhaoine nádúrtha nó dlítheanacha in imeachtaí os comhair na hOifige faoin Rialachán seo:

2.   Na hionadaithe gairmiúla dá dtagraítear i mír 1, pointe (c), ní bheidh siad i dteideal ionadaíocht a dhéanamh ar thríú daoine ach amháin in imeachtaí maidir le hábhair dhearaidh os comhair na hOifige.

3.   Déanfaidh ionadaithe, ag gníomhú dóibh os comhair na hOifige, arna iarraidh sin don Oifig nó, i gcás inarb iomchuí, don pháirtí eile sna himeachtaí, údarú sínithe a sholáthar don Oifig lena chur isteach sna comhaid.

4.   Déanfaidh an Oifig liosta speisialta d’ionadaithe gairmiúla maidir le hábhair dhearaidh a bhunú agus a choinneáil ar bun. Féadfar aon duine nádúrtha a chomhlíonann na coinníollacha seo a leanas a iontráil ar an liosta sin:

I gcás nach bhfuil an teidlíocht dá dtagraítear sa chéad fhomhír, pointe (c), coinníollach ar an gceanglas cáilíochtaí speisialta gairmiúla a bheith ag an duine, maidir le duine a dhéanann iarratas lena bheith iontráilte ar an liosta agus a ghníomhaíonn in ábhair dhearaidh os comhair Oifig Benelux um Maoin Intleachtúil nó os comhair lároifig maoine tionsclaíche, beidh an duine sin ag gníomhú amhlaidh ar bhonn rialta le 5 bliana anuas ar a laghad.

Mar sin féin, daoine a bhfuil cáilíochtaí gairmiúla acu chun ionadaíocht a dhéanamh ar dhaoine nádúrtha nó dlítheanacha in ábhair dhearaidh os comhair Oifig Benelux um Maoin Intleachtúil nó os comhair lároifig maoine tionsclaíche, ar cáilíochtaí iad a shainaithnítear go hoifigiúil i gcomhréir leis na rialacháin a leagtar síos ag an Stát lena mbaineann, ní chuirfear de cheangal orthu a bheith tar éis an ghairm a fheidhmiú.

5.   Déanfar duine a iontráil ar an liosta arna iarraidh sin, agus deimhniú arna sholáthar ag Oifig Benelux um Maoin Intleachtúil nó ag lároifig maoine tionsclaíche an Bhallstáit lena mbaineann ag gabháil leis an iarraidh, ar deimhniú é lena léirítear go gcomhlíontar na coinníollacha a leagtar síos i mír 4. Foilseofar na hiontrálacha ar liosta na n-ionadaithe gairmiúla maidir le hábhair dhearaidh in Iris Oifigiúil na hOifige.

6.   Féadfaidh an Stiúrthóir Feidhmiúcháin díolúine a dheonú ó aon cheann de na ceanglais seo a leanas:

7.   Féadfar duine a bhaint de liosta na n-ionadaithe gairmiúla maidir le hábhair dhearaidh arna iarraidh sin don duine sin nó nuair nach bhfuil an cumas ag an duine sin gníomhú mar ionadaí gairmiúil a thuilleadh. Foilseofar na leasuithe a dhéantar ar liosta na n-ionadaithe gairmiúla maidir le hábhair dhearaidh in Iris Oifigiúil na hOifige.

8.   Déanfar ionadaithe ag gníomhú dóibh os comhair na hOifige a iontráil sa bhunachar sonraí dá dtagraítear in Airteagal 105 agus gheobhaidh siad uimhir aitheantais. Féadfaidh an Oifig a chur de cheangal ar an ionadaí cineál fíor agus éifeachtach a mbunaíochta nó a bhfostaíochta ag aon cheann de na seoltaí a sainaithníodh a chruthú. Féadfaidh an Stiúrthóir Feidhmiúcháin na ceanglais fhoirmiúla a chinneadh chun uimhir aitheantais a fháil, go háirithe le haghaidh comhlachais ionadaithe, agus le haghaidh iontrálacha na n-ionadaithe sa bhunachar sonraí.

1.   Mura bhforáiltear a mhalairt sa Rialachán seo, beidh feidhm ag rialacha an Aontais maidir le dlínse agus le haithint agus forfheidhmiú breithiúnas in ábhair shibhialta agus thráchtála i leith imeachtaí a bhaineann le dearaí AE agus iarratais ar dhearaí AE cláraithe, agus i leith imeachtaí a bhaineann le caingne comhuaineacha agus caingne i ndiaidh a chéile ar bhonn dearaí AE agus dearaí náisiúnta.

2.   I gcás imeachtaí i ndáil leis na caingne agus éilimh dá dtagraítear in Airteagal 120 den Rialachán seo:

3.   Áireofar le tagairtí sa Rialachán seo do Rialachán (AE) Uimh. 1215/2012, i gcás inarb iomchuí, Comhaontú an 19 Deireadh Fómhair 2005 idir an Comhphobal Eorpach agus Ríocht na Danmhairge maidir le dlínse agus maidir le haithint agus forfheidhmiú breithiúnas in ábhair shibhialta agus thráchtála (16).

1.   Ainmneoidh na Ballstáit ina gcríocha an líon is teoranta is féidir de chúirteanna agus binsí náisiúnta céadchéime agus dara céime (‘cúirteanna um dhearaí AE’), a dhéanfaidh na feidhmeanna arna sannadh dóibh faoin Rialachán seo.

2.   Tabharfaidh an Ballstát lena mbaineann fógra gan mhoill don Choimisiún faoi aon athrú a dhéantar ar líon, ainm nó dlínse críochach na gcúirteanna um dhearaí AE atá ar liosta na gcúirteanna um dhearaí AE a chuir Ballstát in iúl don Choimisiún i gcomhréir le hAirteagal 80(2) de Rialachán (CE) Uimh. 6/2002.

3.   Tabharfaidh an Coimisiún fógra do na Ballstáit faoin bhfaisnéis dá dtagraítear i mír 2 agus foilseofar in Iris Oifigiúil an Aontais Eorpaigh í.

1.   Faoi réir fhorálacha an Rialacháin seo agus faoi réir aon fhoráil de Rialachán (AE) Uimh. 1215/2012 is infheidhme de bhua Airteagal 118 den Rialachán seo, déanfar imeachtaí i leith na gcaingne agus na n-éileamh dá dtagraítear in Airteagal 120 den Rialachán seo a thionscnamh i gcúirteanna an Bhallstáit ina bhfuil sainchónaí ar an gcosantóir nó, mura bhfuil sainchónaí ar an gcosantóir in aon cheann de na Ballstáit, in aon Bhallstát ina bhfuil bunaíocht ag an gcosantóir.

2.   Mura bhfuil sainchónaí ná bunaíocht ag an gcosantóir in aon cheann de na Ballstáit, déanfar imeachtaí den sórt sin a thionscnamh i gcúirteanna an Bhallstáit ina bhfuil sainchónaí ar an ngearánaí nó, mura bhfuil sainchónaí ar an ngearánaí in aon cheann de na Ballstáit, in aon Bhallstát ina bhfuil bunaíocht ag an ngearánaí.

3.   Mura bhfuil an sainchónaí sin ná an bhunaíocht sin ag an gcosantóir ná ag an ngearánaí, déanfar imeachtaí den sórt sin a thionscnamh i gcúirteanna an Bhallstáit ina bhfuil suíomh ag an Oifig.

4.   De mhaolú ar mhíreanna 1, 2 agus 3 den Airteagal seo:

5.   Féadfar imeachtaí i leith na gcaingne agus na n-éileamh dá dtagraítear in Airteagal 120, pointí (a) agus (d), a thionscnamh freisin i gcúirteanna na mBallstát sin ina ndearnadh an ghníomhaíocht sáraithe nó inar bagraíodh an ghníomhaíocht sáraithe a dhéanamh.

1.   Cúirt um dhearaí AE a bhfuil a dlínse bunaithe ar Airteagal 121(1), (2), (3) nó (4), beidh dlínse aici maidir le gníomhaíochtaí sáraithe arna ndéanamh nó arna mbagairt laistigh de chríoch aon Bhallstát.

2.   Cúirt um dhearaí AE a bhfuil a dlínse bunaithe ar Airteagal 121(5), ní bheidh dlínse aici ach maidir le gníomhaíochtaí sáraithe arna ndéanamh nó arna mbagairt laistigh de chríoch an Bhallstáit ina bhfuil an chúirt sin.

1.   Ní fhéadfar caingean nó frithéileamh ar dhearbhú neamhbhailíochta dearaidh AE a bheith bunaithe ach ar na forais neamhbhailíochta dá dtagraítear in Airteagal 27.

2.   Sna cásanna dá dtagraítear in Airteagal 27(2), (3), (4) agus (5), is é nó í an duine ag a bhfuil teidlíocht faoi na forálacha sin, agus an duine sin amháin, a fhéadfaidh an chaingean nó an frithéileamh a thabhairt.

3.   Má thugtar an frithéileamh i gcaingean dlí nach bhfuil sealbhóir cirt an dearaidh AE ina pháirtí nó ina páirtí inti cheana féin, cuirfear an méid sin ar an eolas don sealbhóir cirt agus féadfaidh an sealbhóir cirt a uamadh mar pháirtí sa chaingean i gcomhréir leis na coinníollacha a leagtar síos faoi dhlí an Bhallstáit ina bhfuil an chúirt.

4.   Ní fhéadfar bailíocht dearaidh AE a chur faoi shaincheist i gcaingean le haghaidh dearbhú ar neamhshárú.

5.   Maidir leis an gcúirt um dhearaí AE lenar comhdaíodh frithéileamh ar dhearbhú neamhbhailíochta dearaidh AE chláraithe, ní rachaidh an chúirt sin ar aghaidh le scrúdú ar an bhfrithéileamh go dtí gurb amhlaidh gur chuir an páirtí leasmhar nó an chúirt an Oifig ar an eolas faoin dáta ar ar comhdaíodh an frithéileamh. Déanfaidh an Oifig an fhaisnéis sin a thaifeadadh sa Chlár i gcomhréir le hAirteagal 104(3), pointe (q). Más rud é gur comhdaíodh iarratas ar dhearbhú neamhbhailíochta an dearaidh AE chláraithe leis an Oifig sular comhdaíodh an frithéileamh, cuirfidh an Oifig an chúirt ar an eolas faoi sin agus cuirfidh sí bac ar na himeachtaí i gcomhréir le hAirteagal 130(1) go dtí go ndéanfar cinneadh críochnaitheach den chinneadh faoin iarratas nó go ndéanfar an t-iarratas a tharraingt siar.

6.   An chúirt um dhearaí AE a éisteann frithéileamh ar dhearbhú neamhbhailíochta dearaidh AE chláraithe, ar iarratas ó shealbhóir cirt an dearaidh AE chláraithe agus tar éis na páirtithe eile a éisteacht, féadfaidh an chúirt sin bac a chur ar na himeachtaí agus iarraidh ar an gcosantóir iarratas ar dhearbhú neamhbhailíochta a chur faoi bhráid na hOifige laistigh de theorainn ama a chinnfidh an chúirt. Mura ndéantar an t-iarratas laistigh den teorainn ama, leanfar leis na himeachtaí agus measfar an frithéileamh a bheith tarraingthe siar. Beidh feidhm ag Airteagal 130(3).

1.   In imeachtaí i leith caingean um shárú nó caingean um shárú arna bhagairt ar dhearadh AE cláraithe, caithfidh an chúirt um dhearaí AE leis an dearadh AE mar dhearadh bailí. Ní fhéadfar agóid a dhéanamh i gcoinne bailíochta ach le frithéileamh ar dhearbhú neamhbhailíochta. Mar sin féin, maidir le pléadáil a bhaineann le neamhbhailíocht dearaidh AE, ar pléadáil í a chuirtear isteach ar bhealach eile seachas trí bhíthin frithéilimh, beidh an phléadáil sin inghlactha sa mhéid a mhaíonn an cosantóir go bhféadfaí a dhearbhú go bhfuil an dearadh AE neamhbhailí de bharr ceart dearaidh náisiúnta níos túisce, de réir bhrí Airteagal 27(1), pointe (d), ar leis an cosantóir é.

2.   In imeachtaí i leith caingean um shárú nó caingean um shárú arna bhagairt ar dhearadh AE neamhchláraithe, caithfidh an chúirt um dhearaí AE leis an dearadh AE mar dhearadh bailí más rud é go dtugann an sealbhóir cirt cruthúnas go bhfuil na coinníollacha a leagtar síos in Airteagal 12 comhlíonta agus go léiríonn an sealbhóir cirt an ghné shainiúil a bhaineann lena ndearadh AE. Mar sin féin, féadfaidh an cosantóir cur i gcoinne a bhailíochta trí bhíthin pléadála nó le frithéileamh ar dhearbhú neamhbhailíochta.

1.   I gcás inar cuireadh an dearadh AE faoi shaincheist, in imeachtaí os comhair cúirt um dhearaí AE, trí bhíthin frithéileamh ar dhearbhú neamhbhailíochta:

2.   Diúltóidh cúirt um dhearaí AE do fhrithéileamh ar dhearbhú neamhbhailíochta dearaidh AE chláraithe má tá cinneadh atá déanta ag an Oifig a bhaineann leis an ábhar céanna agus leis an gcúis caingne chéanna agus lena mbaineann na páirtithe céanna tagtha chun bheith críochnaitheach cheana féin.

3.   I gcás ina bhfuil breithiúnas tugtha ag cúirt um dhearaí AE, atá tagtha chun bheith críochnaitheach, faoi fhrithéileamh ar dhearbhú neamhbhailíochta dearaidh AE chláraithe, seolfaidh an chúirt nó aon pháirtí eile sna himeachtaí náisiúnta cóip den bhreithiúnas chuig an Oifig gan mhoill. Féadfaidh an Oifig nó aon pháirtí leasmhar eile faisnéis a iarraidh faoi bhreithiúnas den sórt sin. Déanfaidh an Oifig an breithiúnas a iontráil sa Chlár i gcomhréir le hAirteagal 104(3), pointe (r).

1.   Cuirfidh na cúirteanna um dhearaí AE forálacha an Rialacháin seo i bhfeidhm.

2.   Cuirfidh cúirt um dhearaí AE an dlí náisiúnta is infheidhme i bhfeidhm maidir le gach ábhar dearaidh nach gcumhdaítear leis an Rialachán seo.

3.   Mura bhforáiltear a mhalairt sa Rialachán seo, déanfaidh cúirt um dhearaí AE na rialacha nós imeachta lena rialaítear an cineál céanna caingne a bhaineann le ceart dearaidh náisiúnta sa Bhallstát ina bhfuil an chúirt sin a chur i bhfeidhm.

1.   I gcás ina gcinneann cúirt um dhearaí AE go ndearna an cosantóir sárú ar dhearadh AE, nó gur bhagair an cosantóir sárú a dhéanamh air, eiseoidh sí ordú, ach amháin má tá cúiseanna speisialta ann gan sin a dhéanamh, lena gcuirtear toirmeasc ar an gcosantóir leanúint ar aghaidh leis na gníomhaíochtaí a sháraigh nó a sháródh an dearadh AE. Déanfaidh sí na bearta sin freisin i gcomhréir lena dlí náisiúnta ar aidhm leo a áirithiú go gcomhlíontar an toirmeasc sin.

2.   Chomh maith leis sin, féadfaidh an chúirt um dhearaí AE bearta nó orduithe atá ar fáil faoin dlí is infheidhme agus a mheasann sí a bheith iomchuí in imthosca an cháis a chur i bhfeidhm.

1.   Féadfar iarratas a dhéanamh chun na gcúirteanna i mBallstát, lena n-áirítear cúirteanna um dhearaí AE, ar na bearta sealadacha sin, lena n-áirítear bearta cosanta, i leith dearadh AE a d’fhéadfadh a bheith ar fáil faoi dhlí an Stáit sin i leith cearta dearaidh náisiúnta, fiú más rud é, faoin Rialachán seo, go bhfuil dlínse ag cúirt um dhearaí AE de chuid Ballstát eile i dtaca le substaint an ábhair.

2.   In imeachtaí a bhaineann le bearta sealadacha, lena n-áirítear bearta cosanta, is inghlactha a bheidh pléadáil arna cur isteach ag an cosantóir ar bhealach eile seachas trí bhíthin frithéileamh a bhaineann le neamhbhailíocht dearadh AE. Beidh feidhm mutatis mutandis, mar sin féin, ag Airteagal 124(2).

3.   Beidh dlínse ag cúirt um dhearaí AE a bhfuil a dlínse bunaithe ar Airteagal 121(1), (2), (3) nó (4) den Rialachán seo chun bearta sealadacha, lena n-áirítear bearta cosanta, a dheonú atá infheidhme, faoi réir aon nós imeachta maidir le haithint agus forfheidhmiú de bhun Chaibidil III de Rialachán (AE) Uimh. 1215/2012, i gcríoch aon Bhallstáit. Ní bheidh dlínse den sórt sin ag aon chúirt eile.

1.   Déanfaidh cúirt um dhearaí AE atá ag éisteacht caingean dá dtagraítear in Airteagal 120 nach caingean le haghaidh dearbhú neamhbhailíochta í, ach amháin má tá forais speisialta ann le leanúint leis an éisteacht, as a stuaim féin tar éis na páirtithe a éisteacht, nó arna iarraidh sin do cheann de na páirtithe agus tar éis na páirtithe eile a éisteacht, bac a chur ar na himeachtaí i gcás ina bhfuil bailíocht an dearaidh AE faoi shaincheist cheana os comhair cúirt eile um dhearaí AE i ngeall ar fhrithéileamh nó, i gcás dearadh AE cláraithe, i gcás ina bhfuil iarratas ar dhearbhú neamhbhailíochta comhdaithe ag an Oifig cheana.

2.   Déanfaidh an Oifig, agus iarratas ar dhearbhú neamhbhailíochta an dearaidh AE chláraithe á éisteacht aici, ach amháin má tá forais speisialta ann le leanúint leis an éisteacht, as a stuaim féin tar éis na páirtithe a éisteacht, nó arna iarraidh sin do cheann de na páirtithe agus tar éis na páirtithe eile a éisteacht, bac a chur ar na himeachtaí i gcás ina bhfuil bailíocht an dearaidh AE chláraithe faoi shaincheist cheana i ngeall ar fhrithéileamh os comhair cúirt um dhearaí AE. Má iarrann ceann de na páirtithe sna himeachtaí os comhair na cúirte um dhearaí AE é, áfach, féadfaidh an chúirt, tar éis na páirtithe eile sna himeachtaí sin a éisteacht, bac a chur ar na himeachtaí. Sa chás sin, leanfaidh an Oifig leis na himeachtaí atá ar feitheamh os a comhair.

3.   I gcás ina gcuireann an chúirt um dhearaí AE bac ar na himeachtaí, féadfaidh sí bearta sealadacha, lena n-áirítear bearta cosanta, a ordú ar feadh thréimhse an bhaic.

1.   Féadfar achomharc a dhéanamh chuig cúirt dara céime um dhearaí AE in aghaidh bhreithiúnais na gcúirteanna céadchéime um dhearaí AE i ndáil le himeachtaí a eascraíonn as na caingne agus na héilimh dá dtagraítear in Airteagal 120.

2.   Cinnfear na coinníollacha faoinar féidir achomharc a thaisceadh le cúirt dara céime um dhearaí AE faoi dhlí náisiúnta an Bhallstáit ina bhfuil an chúirt sin suite.

3.   Beidh na rialacha náisiúnta a bhaineann le hachomharc breise infheidhme i ndáil le breithiúnais na gcúirteanna dara céime um dhearaí AE.

1.   Laistigh den Bhallstát sin a bhfuil dlínse ag a chúirteanna de bhun Airteagal 118(1), na cúirteanna sin a mbeadh dlínse ratione loci agus ratione materiae acu i gcás caingne a bhaineann le ceart dearaidh náisiúnta sa Bhallstát sin, beidh dlínse acu i leith caingne a bhaineann le dearaí AE nach iad na caingne dá dtagraítear in Airteagal 120 iad.

2.   Caingne a bhaineann le dearadh AE, seachas na caingne sin dá dtagraítear in Airteagal 120, nach bhfuil dlínse ag aon chúirt maidir leo de bhun Airteagal 118(1) agus de bhun mhír 1 den Airteagal seo, féadfar iad a éisteacht os comhair chúirteanna an Bhallstáit ina bhfuil suíomh na hOifige.

1.   Déanfar an t-iarratas ar dhearadh AE a chomhdú i dteanga amháin de theangacha oifigiúla an Aontais.

2.   Déanfaidh an t-iarratasóir an dara teanga a thabhairt le fios, teanga a bheidh ina teanga de chuid na hOifige, a nglacfaidh an t-iarratasóir léi mar theanga a d’fhéadfadh a bheith ina teanga trína ndéanfar na himeachtaí os comhair na hOifige.

Más rud é gur comhdaíodh an t-iarratas i dteanga nach teanga de theangacha na hOifige í, déanfaidh an Oifig socrú chun an t-iarratas a aistriú go dtí an teanga atá tugtha le fios ag an iarratasóir.

3.   I gcás inarb é nó í an t-iarratasóir ar dhearadh AE cláraithe an t-aon pháirtí in imeachtaí os comhair na hOifige, is í an teanga a úsáideadh chun an t-iarratas a chomhdú an teanga a bheidh mar theanga na n-imeachtaí. Más rud é go ndearnadh an t-iarratas i dteanga nach teanga de theangacha na hOifige í, féadfaidh an Oifig teachtaireachtaí i scríbhinn a sheoladh chuig an iarratasóir sa dara teanga atá tugtha le fios ag an iarratasóir san iarratas.

4.   I gcás imeachtaí neamhbhailíochta, is í an teanga a úsáideadh chun an t-iarratas ar dhearadh AE cláraithe a chomhdú an teanga a bheidh mar theanga na n-imeachtaí más teanga de theangacha na hOifige í. Más rud é go ndearnadh an t-iarratas i dteanga nach teanga de theangacha na hOifige í, is í an dara teanga atá tugtha le fios san iarratas a bheidh mar theanga na n-imeachtaí.

Is i dteanga na n-imeachtaí a chomhdófar an t-iarratas ar dhearbhú neamhbhailíochta.

I gcás nach í teanga na n-imeachtaí an teanga a úsáidtear chun an t-iarratas ar dhearadh AE cláraithe a chomhdú, féadfaidh sealbhóir cirt an dearaidh AE barúlacha a chomhdú i dteanga an chomhdaithe. Déanfaidh an Oifig socrú na barúlacha sin a aistriú go teanga na n-imeachtaí.

Leis an rialachán cur chun feidhme, féadfar foráil a dhéanamh nach bhféadfar na costais aistriúcháin atá le seasamh ag an Oifig, faoi réir maolú arna dheonú ag an Oifig i gcás ina bhfuil údar leis de bharr a chasta atá an cás, dul thar an méid a shocraítear le haghaidh gach catagóire imeachtaí ar bhonn mheánmhéid na ráiteas cáis a fhaigheann an Oifig. Féadfar caiteachas os cionn an mhéid sin a leithdháileadh ar an bpáirtí a chailleann in imeachtaí i gcomhréir le hAirteagal 101.

5.   Gan dochar do mhír 4:

Nuair a úsáidtear aon cheann de na foirmeacha arna soláthar ag an Oifig dá dtagraítear in Airteagal 89, áfach, féadfar foirmeacha den sórt sin a úsáid in aon cheann de theangacha oifigiúla an Aontais, ar choinníoll go gcomhlánaítear an fhoirm i gceann de theangacha na hOifige, a mhéid a bhaineann le heilimintí téacsúla.

6.   Féadfaidh páirtithe in imeachtaí neamhbhailíochta a chomhaontú gur teanga oifigiúil eile de chuid an Aontais a bheidh mar theanga na n-imeachtaí.

7.   Gan dochar do mhíreanna 3 agus 6 agus mura bhforáiltear a mhalairt, féadfaidh páirtí aon cheann de theangacha na hOifige a úsáid sna himeachtaí i scríbhinn os comhair na hOifige. I gcás nach ionann an teanga roghnaithe agus teanga na n-imeachtaí, cuirfidh an páirtí aistriúchán sa teanga sin ar fáil laistigh de 1 mhí ón dháta a tíolacadh an doiciméad bunaidh. I gcás inarb é nó í an t-iarratasóir ar dhearadh AE cláraithe an t-aon pháirtí in imeachtaí os comhair na hOifige agus nach ionann an teanga a úsáideadh chun an t-iarratas ar an dearadh AE cláraithe a chomhdú agus ceann de theangacha oifigiúla na hOifige, féadfar an t-aistriúchán a chomhdú freisin sa dara teanga a thug an t-iarratasóir le fios san iarratas.

8.   Cinnfidh an Stiúrthóir Feidhmiúcháin an bealach ina bhfuil aistriúcháin le deimhniú.

1.   An fhaisnéis go léir a fhorordaítear í a fhoilsiú leis an Rialachán seo nó le gníomh arna ghlacadh dá bhun, déanfar í a fhoilsiú i dteangacha oifigiúla uile an Aontais.

2.   Déanfar gach iontráil sa Chlár i ngach ceann de theangacha oifigiúla an Aontais.

3.   I gcás amhrais, is é an téacs i dteanga na hOifige inar comhdaíodh an t-iarratas ar an dearadh AE cláraithe a bheidh barántúil. Más rud é gur comhdaíodh an t-iarratas i dteanga oifigiúil de chuid an Aontais nach ceann de theangacha na hOifige í, is é an téacs sa dara teanga a thug an t-iarratasóir le fhios a bheidh barántúil.

1.   I dteannta na gcumhachtaí a thugtar di le Rialachán (AE) 2017/1001, beidh an roinn atá i bhfeighil ar Chláir freagrach as cinntí a dhéanamh maidir le hiontrálacha sa Chlár faoin Rialachán seo agus cinntí eile a cheanglaítear leis an Rialachán seo nach dtagann faoi inniúlacht na scrúdaitheoirí nó Rannáin Neamhbhailíochta.

2.   Beidh an roinn atá i bhfeighil an Chláir freagrach freisin as liosta na n-ionadaithe gairmiúla maidir le hábhair dhearaidh a choinneáil ar bun.

1.   Beidh Rannán Neamhbhailíochta freagrach as cinntí a dhéanamh i ndáil le hiarratais ar dhearbhuithe neamhbhailíochta ar dhearaí AE cláraithe.

2.   Triúr comhaltaí a bheidh i Rannán Neamhbhailíochta. Beidh cáilíocht dlí ag comhalta amháin ar a laghad.

3.   Is comhalta aonair den Rannán Neamhbhailíochta a dhéanfaidh cinntí a bhaineann le costais nó le nósanna imeachta.

1.   Leagfaidh an Stiúrthóir Feidhmiúcháin síos an méid atá le muirearú as aon seirbhísí arna soláthar ag an Oifig seachas na cinn a leagtar amach in Iarscríbhinn I, chomh maith leis an méid atá le muirearú as foilseacháin arna n-eisiúint ag an Oifig. Socrófar méideanna na muirear in euro agus foilseofar iad in Iris Oifigiúil na hOifige. Ní sháróidh méid gach muirir an méid atá riachtanach chun costais na seirbhíse sonraí a thugann an Oifig a chumhdach.

2.   Beidh na táillí agus na muirir nach leagtar síos an dáta dlite a bhaineann leo sa Rialachán seo le híoc an dáta a bhfaightear an iarraidh ar an tseirbhís a dtabhaítear an táille nó an muirear ina leith.

Le toiliú ón gCoiste um an mBuiséad, féadfaidh an Stiúrthóir Feidhmiúcháin a chinneadh cé na seirbhísí dá dtagraítear sa chéad fhomhír nach bhfuil le bheith ag brath ar réamhíocaíocht na dtáillí comhfhreagracha nó na muirear comhfhreagrach.

1.   Déanfar táillí agus muirir atá dlite don Oifig a íoc trí na modhanna íocaíochta a chinneann an Stiúrthóir Feidhmiúcháin le toiliú ón gCoiste um an mBuiséad.

Maidir leis na modhanna íocaíochta arna gcinneadh de bhun na chéad fomhíre, foilseofar iad in Iris Oifigiúil na hOifige. Déanfar gach íocaíocht in euro.

2.   Íocaíochtaí a dhéantar trí mhodhanna íocaíochta seachas na cinn dá dtagraítear i mír 1, measfar nach ndearnadh iad a íoc agus aisíocfar an méid a íocadh.

3.   Beidh an fhaisnéis is gá sna híocaíochtaí chun gur féidir leis an Oifig cuspóir na híocaíochta a shuíomh láithreach.

4.   Más rud é nach féidir cuspóir na híocaíochta dá dtagraítear i mír 2 a shuíomh láithreach, éileoidh an Oifig ar an duine a dhéanann na íocaíocht fógra i scríbhinn a thabhairt di maidir leis an gcuspóir sin laistigh de thréimhse áirithe. Mura gcomhlíonfaidh an duine an iarraidh laistigh den tréimhse sin, measfar nach ndearnadh an íocaíocht agus aisíocfar an méid a íocadh.

1.   Ní mheasfar teorainn ama le haghaidh íocaíochta a bheith comhlíonta ach amháin má tá méid iomlán na táille nó an mhuirir íoctha in am trátha. Más rud é nach n-íoctar an táille nó an muirear go hiomlán, déanfar an méid a íocadh a aisíoc tar éis don tréimhse le haghaidh íocaíochta dul in éag.

2.   Tabharfaidh an Oifig, áfach, a mhéid is féidir laistigh den tréimhse atá fágtha roimh dheireadh na tréimhse le haghaidh íocaíochta, an deis don duine a dhéanann an íocaíocht an méid gan íoc a íoc.

3.   Le toiliú ón gCoiste um an mBuiséad, féadfaidh an Stiúrthóir Feidhmiúcháin caingean le haghaidh aisghabháil fhorfheidhmithe aon suime atá dlite a tharscaoileadh i gcás inar suim íosta í atá le haisghabháil nó i gcás ina bhfuil an aisghabháil sin ró-éiginnte.

4.   I gcás ina n-íoctar suim iomarcach chun táille nó muirear a chumhdach, aisíocfar an tsuim iomarcach.

1.   Mura bhforáiltear a mhalairt sa Teideal seo, beidh feidhm mutatis mutandis ag an Rialachán seo agus ag aon rialacháin lena gcuirtear an Rialachán seo chun feidhme arna ghlacadh de bhun Airteagal 159 maidir le cláruithe dearaí tionsclaíocha sa Chlár Idirnáisiúnta arna choinneáil ar bun ag Biúró Idirnáisiúnta na hEagraíochta Domhanda um Maoin Intleachtúil (‘clárú idirnáisiúnta’ agus ‘an Biúró Idirnáisiúnta’, faoi seach) lena n-ainmnítear an tAontas, faoi Ionstraim na Ginéive.

2.   Beidh an éifeacht chéanna ag aon taifeadadh a dhéantar ar chlárú idirnáisiúnta lena n-ainmnítear an tAontas sa Chlár Idirnáisiúnta agus a bheadh ag an taifeadadh sin amhail gur sa Chlár a rinneadh é, agus beidh an éifeacht chéanna ag clárú idirnáisiúnta lena n-ainmnítear an tAontas a fhoilsítear i bhFeasachán an Bhiúró Idirnáisiúnta agus a bheadh aige amhail gur san Fheasachán maidir le Dearaí an Aontais Eorpaigh a foilsíodh é.

1.   Beidh an éifeacht chéanna ag clárú idirnáisiúnta lena n-ainmnítear an Aontas, ó dháta a chláraithe dá dtagraítear in Airteagal 10(2) d’Ionstraim na Ginéive, agus atá ag iarratas ar dhearadh AE cláraithe.

2.   Más rud é nach dtugtar fógra faoi aon diúltú nó más rud é go dtarraingítear siar aon diúltú den sórt sin, beidh an éifeacht chéanna ag clárú idirnáisiúnta dearaidh lena n-ainmnítear an tAontas, ón dáta dá dtagraítear i mír 1, agus atá ag clárú dearaidh mar dhearadh AE cláraithe.

3.   Soláthróidh an Oifig faisnéis maidir le cláruithe idirnáisiúnta dá dtagraítear i mír 2 i bhfoirm nasc leictreonach chuig an mbunachar sonraí inchuardaithe de chláruithe idirnáisiúnta dearaí arna choinneáil ar bun ag an mBiúró Idirnáisiúnta.

1.   I gcás ina bhfionnann an Oifig, le linn di scrúdú a dhéanamh ar chlárú idirnáisiúnta, nach gcomhfhreagraíonn an dearadh a n-iarrtar cosaint ina leith don sainmhíniú a leagtar síos in Airteagal 4, pointe (1), den Rialachán seo, nó go bhfuil an dearadh contrártha don bheartas poiblí nó do phrionsabail na moráltachta a bhfuil glacadh leo, nó gurb ionann an dearadh agus úsáid mhíchuí aon cheann de na hítimí a liostaítear in Airteagal 6ter de Choinbhinsiún Pháras, nó úsáid mhíchuí suaitheantas, feathal agus scéithíní seachas iad siúd a chumhdaítear le hAirteagal 6ter den Choinbhinsiún sin agus a bhfuil leas ar leith ag an bpobal i mBallstát iontu, seolfaidh sí fógra faoi dhiúltú chuig an mBiúró Idirnáisiúnta tráth nach déanaí ná 6 mhí ó dháta foilsithe an chláraithe idirnáisiúnta, ina sonraítear na forais le diúltú de bhun Airteagal 12(2) d’Ionstraim na Ginéive.

2.   I gcás inar ann d’oibleagáid go ndéanfaí ionadaíocht ar shealbhóir an chláraithe idirnáisiúnta os comhair na hOifige de bhun Airteagal 115(2), beidh tagairt san fhógra dá dtagraítear i mír 1 den Airteagal seo don oibleagáid atá ar an sealbhóir ionadaí a cheapadh dá dtagraítear in Airteagal 116(1).

3.   Sonróidh an Oifig teorainn ama faoina bhféadfaidh sealbhóir an chláraithe idirnáisiúnta an clárú idirnáisiúnta a thréigean i leith an Aontais, an clárú idirnáisiúnta a theorannú i leith an Aontais do cheann amháin nó do chuid de na dearaí tionsclaíocha nó barúlacha a thíolacadh, agus faoina ndéanfaidh an sealbhóir, i gcás inarb iomchuí, ionadaí a cheapadh. Cuirfear tús leis an tréimhse an lá ar a n-eisíonn an Oifig an fógra faoi dhiúltú.

4.   Mura gceapann an sealbhóir ionadaí laistigh den tréimhse dá dtagraítear i mír 3, diúltóidh an Oifig d’éifeachtaí an chláraithe idirnáisiúnta.

5.   I gcás ina dtíolacann an sealbhóir barúlacha a shásaíonn an Oifig laistigh den tréimhse shonraithe, tarraingeoidh an Oifig an diúltú siar agus tabharfaidh sí fógra don Bhiúró Idirnáisiúnta i gcomhréir le hAirteagal 12(4) d’Ionstraim na Ginéive. I gcás nach dtíolacann an sealbhóir barúlacha a shásaíonn an Oifig laistigh den tréimhse shonraithe, de bhun Airteagal 12(2) d’Ionstraim na Ginéive, dearbhóidh an Oifig an cinneadh lena ndiúltaítear cosaint don chlárú idirnáisiúnta. Beidh an cinneadh sin faoi réir achomharc i gcomhréir le hAirteagail 66 go 72 de Rialachán (AE) 2017/1001 i gcomhar le hAirteagal 77(2) den Rialachán seo.

6.   I gcás ina ndéanann an sealbhóir an clárú idirnáisiúnta a thréigean nó an clárú idirnáisiúnta a theorannú do cheann amháin nó do chuid de na dearaí tionsclaíocha i leith an Aontais, cuirfidh an sealbhóir an Biúró Idirnáisiúnta ar an eolas trí bíthin an nós imeachta taifeadta i gcomhréir le hAirteagal 16(1), pointí (iv) agus (v), d’Ionstraim na Ginéive.

1.   Féadfar a dhearbhú gur neamhbhailí iad, go páirteach nó go hiomlán, éifeachtaí an chláraithe idirnáisiúnta san Aontas i gcomhréir leis an nós imeachta a leagtar síos i dTeidil VI agus VII nó féadfaidh cúirt um dhearaí AE sin a dhearbhú ar bhonn frithéileamh in imeachtaí um shárú.

2.   I gcás ina bhfuil an neamhbhailíocht ar an eolas ag an Oifig, tabharfaidh sí fógra don Bhiúró Idirnáisiúnta faoin neamhbhailíocht sin.