‘(1)

ciallaíonn “éileamh creidmheasa breise” nó “ACC” éileamh creidmheasa breise atá incháilithe faoi Airteagal 4 de Threoirlíne BCE/2014/31;’;

‘(2)

ciallaíonn “cuntas sócmhainní”: (a) i ndáil le sócmhainní indíolta a shlógadh: (i) cuntas arna oscailt ag BCN ina leabhair féin; (ii) cuntas arna oscailt sna leabhair atá ag córas socraíochta urrús nó ag BCN eile atá ag gníomhú mar bhanc ceannais comhfhreagrach; agus (b) i ndáil le sócmhainní neamh-indíolta a shlógadh: (i) cuntas arna oscailt ag BCN ina leabhair féin; (ii) cuntas arna oscailt i leabhair BCN eile ag gníomhú dó mar bhanc ceannais comhfhreagrach. Gairtear “cuntais sheachtracha sócmhainní” de chuntais den sórt sin a osclaítear in institiúid seachas an banc ceannais baile; gairtear “cuntais inmheánacha sócmhainní” de chuntais den sórt sin a osclaítear i leabhair an bhainc ceannais baile;’;

‘(21)

ciallaíonn “slógadh trasteorann” slógadh na nithe seo a leanas: (a) sócmhainní indíolta: (i) arna sealbhú i mBallstát nach ionann é agus Ballstát an bhainc ceannais baile; agus (ii) arna n-eisiúint i mBallstát nach ionann é agus Ballstát an bhainc ceannais baile agus arna sealbhú i mBallstát an bhainc ceannais baile; (b) éilimh chreidmheasa arna rialú le dlí seachas dlí na dlínse ina bhfuil an banc ceannais baile bunaithe; nó (c) ACCanna arna rialú le dlí seachas dlí na dlínse ina bhfuil an BCN a fhaigheann an chomhthaobhacht bunaithe;’;

‘(22)

ciallaíonn “slógadh rochtana dírí” slógadh sócmhainní indíolta i gcás ina bhfaigheann BCN na sócmhainní sin isteach i gcuntas urrús arna sealbhú ag an BCN sin i dtaisclann lárnach urrús atá lonnaithe i ndlínse seachas an dlínse ina bhfuil an BCN bunaithe;’;

‘(24)

ciallaíonn “slógadh intíre”: (a) maidir le sócmhainní indíolta, slógadh sócmhainne arna heisiúint agus arna sealbhú i dtaisclann lárnach urrús atá lonnaithe sa dlínse chéanna ina bhfuil an banc ceannais baile bunaithe; agus (b) maidir le héilimh chreidmheasa agus le ACCanna, slógadh éileamh creidmheasa agus ACCanna arna rialú le dlí na dlínse ina bhfuil an banc ceannais baile bunaithe;’;

‘(44)

ciallaíonn “comhthiomsú” an modh oibríochtúil a úsáideann BCNanna chun comhthaobhacht arna slógadh ag contrapháirtithe a choimeád, trína gcuireann an contrapháirtí comhthaobhacht ar fáil do BCN chun creidmheas ón BCN sin a chomhthaobhú, agus ar modh oibríochtúil é nach bhfuil sócmhainní incháilithe aonair nasctha ann le haon oibríocht shonrach chreidmheasa de chuid an Eurochórais;’;

‘(48)

ciallaíonn “modh coinneála clárúcháin” coinneáil sócmhainní indíolta a shlógtar mar chomhthaobhacht ar chuntas urrús de chuid an chontrapháirtí;’;

‘(51)

ciallaíonn “modh aistrithe clárúcháin” seachadadh sócmhainní indíolta a shlógtar mar chomhthaobhacht ó chuntas urrús de chuid an chontrapháirtí chuig cuntas urrús de chuid an BCN;’;

‘(a)

sócmhainní indíolta;’;

‘(b)

sócmhainní neamh-indíolta.’;