This document is an excerpt from the EUR-Lex website
Document 32026D1544
Council Decision (EU) 2026/1544 of 17 November 2025 on the conclusion, on behalf of the Union, of the Protocol on the implementation of the Sustainable Fisheries Partnership Agreement between the European Union and the Government of the Cook Islands (2025-2032)
Cinneadh (AE) 2026/1544 ón gComhairle an 17 Samhain 2025 maidir le tabhairt i gcrích, thar ceann an Aontais, an Phrótacail maidir le cur chun feidhme an Chomhaontaithe Comhpháirtíochta Iascaigh Inbhuanaithe idir an tAontas Eorpach agus Rialtas Oileáin Cook (2025-2032)
Cinneadh (AE) 2026/1544 ón gComhairle an 17 Samhain 2025 maidir le tabhairt i gcrích, thar ceann an Aontais, an Phrótacail maidir le cur chun feidhme an Chomhaontaithe Comhpháirtíochta Iascaigh Inbhuanaithe idir an tAontas Eorpach agus Rialtas Oileáin Cook (2025-2032)
ST/13158/2025/INIT
IO L, 2026/1544, 5.8.2026, ELI: http://data.europa.eu/eli/dec/2026/1544/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2026/1544/oj
|
Iris Oifigiúil |
GA Sraith L |
|
2026/1544 |
5.8.2026 |
CINNEADH (AE) 2026/1544 ÓN gCOMHAIRLE
an 17 Samhain 2025
maidir le tabhairt i gcrích, thar ceann an Aontais, an Phrótacail maidir le cur chun feidhme an Chomhaontaithe Comhpháirtíochta Iascaigh Inbhuanaithe idir an tAontas Eorpach agus Rialtas Oileáin Cook (2025-2032)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 43, i gcomhar le hAirteagal 218(6), an dara fomhír, pointe (a)(v), agus Airteagal 218(7) de,
Ag féachaint don togra ón gCoimisiún Eorpach,
Ag féachaint don toiliú ó Pharlaimint na hEorpa (1),
De bharr an mhéid seo a leanas:
|
(1) |
I gcomhréir le Cinneadh (AE) 2025/2625 ón gComhairle (2), síníodh an Prótacal maidir le cur chun feidhme an Chomhaontaithe Comhpháirtíochta Iascaigh Inbhuanaithe idir an tAontas Eorpach agus Rialtas Oileáin Cook (2025-2032) (‘an Prótacal’) an 9 Nollaig 2025, faoi réir a thabhairt i gcrích ar dháta níos déanaí. |
|
(2) |
Is é is aidhm don Phrótacal cead a thabhairt do shoithí de chuid an Aontais iascaireacht a dhéanamh i limistéar iascaireachta Oileáin Cook, é a chur ar a gcumas don Aontas agus do Rialtas Oileáin Cook obair i ndlúthchomhair le chéile chun forbairt beartais iascaigh inbhuanaithe agus saothrú freagrach acmhainní iascaigh i limistéar iascaireachta Oileáin Cook agus san Aigéan Ciúin Iartharach agus san Aigéan Ciúin Láir a chur chun cinn tuilleadh, agus chun rannchuidiú le dálaí oibre cuibhiúla a chruthú i dtionscal na hiascaireachta. |
|
(3) |
Ba cheart an Prótacal a fhormheas thar ceann an Aontais. |
|
(4) |
Le hAirteagal 6 den Chomhaontú Comhpháirtíochta Iascaigh Inbhuanaithe idir an tAontas Eorpach agus Rialtas Oileáin Cook (3) (‘an Comhaontú’), bunaítear Comhchoiste atá freagrach as faireachán a dhéanamh ar chur i bhfeidhm an Chomhaontaithe agus an Phrótacail (‘an Comhchoiste’). Thairis sin, de bhun Airteagal 7 den Phrótacal, is féidir leis an gComhchoiste leasuithe áirithe ar an bPrótacal a fhormheas. Chun formheas na leasuithe sin a éascú, ba cheart an chumhacht a thabhairt don Choimisiún, faoi réir forálacha agus coinníollacha substainteacha agus nós imeachta, na leasuithe a fhormheas thar ceann an Aontais faoi nós imeachta simplithe. |
|
(5) |
Ba cheart don Chomhairle seasamh an Aontais a bhunú maidir leis na leasuithe atá beartaithe ar an bPrótacal. Ba cheart na leasuithe atá beartaithe a fhormheas mura rud é go ndéanann mionlach blocála de na Ballstáit agóid in aghaidh na leasuithe sin, i gcomhréir le hAirteagal 16(4) den Chonradh ar an Aontas Eorpach. |
|
(6) |
Ós rud é go gcumhdaíonn an Prótacal níos mó ná aon bhliain airgeadais amháin, féadfar na gealltanais bhuiséadacha ghaolmhara a roinnt ina dtráthchodanna bliantúla thar ré an Phrótacail i gcomhréir le hAirteagal 112(2) de Rialachán (AE, Euratom) 2024/2509 ó Pharlaimint na hEorpa agus ón gComhairle (4). |
|
(7) |
Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (5) agus thug sé tuairim uaidh an 11 Samhain 2025 (6), |
TAR ÉIS AN CINNEADH SEO A GHLACADH:
Airteagal 1
Déantar leis seo an Prótacal maidir le cur chun feidhme an Chomhaontaithe Comhpháirtíochta Iascaigh Inbhuanaithe idir an tAontas Eorpach agus Rialtas Oileáin Cook (2025-2032) (‘an Prótacal’) a fhormheas thar ceann an Aontais.
Airteagal 2
I gcomhréir leis na forálacha agus na coinníollacha a leagtar amach san Iarscríbhinn a ghabhann leis an gCinneadh seo, údarófar an Coimisiún leasuithe ar an bPrótacal arna nglacadh ag an gComhchoiste a bunaíodh faoi Airteagal 6 den Chomhaontú a fhormheas, thar ceann an Aontais.
Airteagal 3
Tiocfaidh an Cinneadh seo i bhfeidhm ar dháta a ghlactha (7).
Arna dhéanamh i Lucsamburg, an 17 Samhain 2025.
Thar ceann na Comhairle
An tUachtarán
A. VAFEADES
(1) Toiliú an 20 Bealtaine 2026 (nár foilsíodh fós san Iris Oifigiúil).
(2) Cinneadh (AE) 2025/2625 ón gComhairle an 12 Samhain 2025 maidir le síniú, thar ceann an Aontais, agus cur i bhfeidhm sealadach an Phrótacail maidir le cur chun feidhme an Chomhaontaithe Comhpháirtíochta Iascaigh Inbhuanaithe idir an tAontas Eorpach agus Rialtas Oileáin Cook (2025-2032) (IO L, 2025/2625, 23.12.2025, ELI: http://data.europa.eu/eli/dec/2025/2625/oj).
(3) IO L 131, 20.5.2016, lch. 3, ELI: http://data.europa.eu/eli/agree_internation/2016/776/oj.
(4) Rialachán (AE, Euratom) 2024/2509 ó Pharlaimint na hEorpa agus ón gComhairle an 23 Meán Fómhair 2024 maidir leis na rialacha airgeadais is infheidhme maidir le buiséad ginearálta an Aontais (IO L, 2024/2509, 26.9.2024, ELI: http://data.europa.eu/eli/reg/2024/2509/oj).
(5) Rialachán (AE) 2018/1725 ó Pharlaimint na hEorpa agus ón gComhairle an 23 DeireadhFómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39, ELI: http://data.europa.eu/eli/reg/2018/1725/oj).
(6) EDPS Opinion 29/2025 on the signing, provisional application and conclusion of the Protocol on the implementation of the Fisheries Partnership Agreement between the European Union and the Government of the Cook Islands | European Data Protection Supervisor.
(7) Foilseoidh Ardrúnaíocht na Comhairle dáta theacht i bhfeidhm an Phrótacail in Iris Oifigiúil an Aontais Eorpaigh.
IARSCRÍBHINN
Nós imeachta maidir le formheas a dhéanamh ar leasuithe ar an bPrótacal atá le glacadh ag an gComhchoiste
(1)
I gcás ina n-iarrfar ar an gComhchoiste leasuithe ar an bPrótacal a ghlacadh i gcomhréir le hAirteagal 7(3) den Phrótacal, údarófar an Coimisiún le caibidlíocht a dhéanamh le Rialtas Oileáin Cook agus, i gcás inarb iomchuí agus faoi réir phointe 3 den Iarscríbhinn seo a chomhlíonadh, na leasuithe atá beartaithe ar an bPrótacal a fhormheas, thar ceann an Aontais, maidir leis na hábhair seo a leanas:|
(a) |
athbhreithniú ar na deiseanna iascaireachta de bhun Airteagail 1(2) agus 7(1) den Phrótacal agus, dá bhrí sin, ar an ranníocaíocht airgeadais dá bhforáiltear in Airteagal 2(1) agus in Airteagal 2(2) den Phrótacal; |
|
(b) |
na socruithe cur chun feidhme don tacaíocht earnála dá dtagraítear in Airteagal 4 den Phrótacal; |
|
(c) |
na dálaí agus na socruithe teicniúla faoina rachaidh soithí de chuid an Aontais i mbun a ngníomhaíochtaí iascaireachta; |
|
(d) |
na coimircí breise, dá bhforáiltear in Airteagal 8(4) den Phrótacal, arb é is aidhm dóibh sonraí pearsanta a chosaint. |
(2)
Maidir leis an bhformheas a dhéanfar thar ceann an Aontais, áiritheoidh an Coimisiún:|
(a) |
go mbeidh sé comhsheasmhach le cuspóirí an chomhbheartais iascaigh; |
|
(b) |
go mbeidh sé comhoiriúnach maidir leis na rialacha ábhartha arna nglacadh ag eagraíochtaí réigiúnacha bainistithe iascaigh agus go gcuirfear san áireamh ann an comhbhainistiú a dhéanann stáit chósta; |
|
(c) |
go gcuirfear san áireamh ann an fhaisnéis staidrimh, an fhaisnéis bhitheolaíoch agus an fhaisnéis ábhartha eile is déanaí arna tarchur chuig an gCoimisiún. |
(3)
Chuige sin, agus bunaithe ar an bhfaisnéis dá dtagraítear i bpointe 2(c), tarchuirfidh an Coimisiún chuig an gComhairle, nó chuig a comhlachtaí ullmhúcháin, in am trátha roimh an gcruinniú ábhartha den Chomhchoiste, doiciméad ina leagfar amach go mionsonraithe sonraí an tseasaimh atá beartaithe ag an Aontas (‘an doiciméad ullmhúcháin’) lena bhreithniú agus lena fhormheas.
(4)
Measfar an seasamh atá beartaithe ag an Aontas atá sa doiciméad ullmhúcháin a bheith formheasta, mura ndéanann líon áirithe Ballstát, líon is comhionann le mionlach blocála sa Chomhairle, i gcomhréir le hAirteagal 16(4) den Chonradh ar an Aontas Eorpach, agóid ag cruinniú de chomhlacht ullmhúcháin na Comhairle nó laistigh de 20 lá ón doiciméad ullmhúcháin a fháil, nó cibé acu is túisce. I gcás ina ndéantar an agóid sin, cuirfear an cheist faoi bhráid na Comhairle.
(5)
Más rud é, le linn cruinnithe den Chomhchoiste a thionólfar ina dhiaidh sin, lena n-áirítear cruinnithe ar an láthair, nach féidir teacht ar chomhaontú, cuirfear an t-ábhar os comhair na Comhairle arís, i gcomhréir leis an nós imeachta a leagtar amach i bpointí 2 go 4, chun go gcuirfear na gnéithe nua san áireamh i seasamh an Aontais.
(6)
Iarrtar ar an gCoimisiún na bearta uile is gá a dhéanamh, in am trátha, lena áirithiú go ndéanfar obair leantach ar chinneadh an Chomhchoiste, lena n-áirítear, i gcás inarb iomchuí, an cinneadh ábhartha a fhoilsiú in Iris Oifigiúil an Aontais Eorpaigh agus aon togra is gá a chur in iúl chun an cinneadh sin a chur chun feidhme.
(7)
A mhéid a bhaineann le hábhair eile nach mbaineann le modhnuithe ar an bPrótacal i gcomhréir le hAirteagal 7(3) de, déanfar an seasamh atá le glacadh ag an Aontas sa Chomhchoiste a chinneadh i gcomhréir leis na Conarthaí agus le cleachtais oibre bhunaithe.
ELI: http://data.europa.eu/eli/dec/2026/1544/oj
ISSN 1977-0839 (electronic edition)