(1)

Le Cinneadh Cur Chun Feidhme (AE) 2015/690 (2) ón gCoimisiún, údaraíodh bia agus beatha a chur ar an margadh, ar bia agus beatha iad ina bhfuil cadás géinmhodhnaithe GHB614 × LLCotton25, atá comhdhéanta de, nó a tháirgtear as. Cumhdaíodh le raon feidhme an údaraithe sin freisin táirgí seachas bia agus beatha a chur ar an margadh, ar táirgí iad ina bhfuil cadás géinmhodhnaithe GHB614 × LLCotton25 nó atá comhdhéanta de, le haghaidh na n-úsáidí céanna le cadás ar bith eile, cé is moite de shaothrú.

(2)

An 22 Márta 2024, thar ceann BASF Agricultural Solutions Seed US LLC, atá lonnaithe sna Stáit Aontaithe (‘an t-iarratasóir’), chuir BASF SE, atá lonnaithe sa Ghearmáin, iarratas faoi bhráid an Choimisiúin maidir leis an údarú sin a athnuachan.

(3)

An 7 Lúnasa 2025, d’eisigh an tÚdarás Eorpach um Shábháilteacht Bia (‘an tÚdarás’) tuairim eolaíoch fhabhrach maidir le cadás géinmhodhnaithe GHB614 × LLCotton25 (3) i gcomhréir le hAirteagail 6 agus 18 de Rialachán (CE) Uimh. 1829/2003. Tháinig sé ar an gconclúid nach raibh fianaise san iarratas ar athnuachan ar aon ghuais, nochtadh modhnaithe nó éiginnteachtaí eolaíocha nua a d’athródh conclúidí an mheasúnaithe riosca bunaidh ar chadás géinmhodhnaithe GHB614 × LLCotton25, a ghlac an tÚdarás in 2014 (4).

(4)

Rinne an tÚdarás breithniú, sa tuairim eolaíoch uaidh, ar gach ceist agus ábhar imní a tharraing na Ballstáit anuas i gcomhthéacs an chomhairliúcháin leis na húdaráis inniúla náisiúnta dá bhforáiltear in Airteagal 6(4) agus Airteagal 18(4) de Rialachán (CE) Uimh. 1829/2003.

(5)

Tháinig an tÚdarás ar an gconclúid freisin i dtaca leis an bplean faireacháin um éifeachtaí comhshaoil, arna chur isteach ag an iarratasóir, arb é atá ann plean ginearálta faireachais, go bhfuil an plean sin i gcomhréir leis na húsáidí atá beartaithe le haghaidh na dtáirgí, ar táirgí iad ina bhfuil cadás géinmhodhnaithe GHB614 × LLCotton25, nó atá comhdhéanta de.

(6)

Ina litir dar dáta an 24 Aibreán 2025, chuir BASF Belgian Coordination Center Comm V, atá lonnaithe sa Bheilg, an Coimisiún ar an eolas gur athraigh BASF Agricultural Solutions Seed US LLC a ainm go BASF Agricultural Solutions US LLC ón 30 Meán Fómhair 2024 ar aghaidh.

(7)

Agus conclúidí an Údaráis á gcur san áireamh, maidir leis an údarú chun bia agus beatha a chur ar an margadh, ar bia agus beatha iad ina bhfuil cadás géinmhodhnaithe GHB614 × LLCotton25, nó atá comhdhéanta de nó a tháirgtear as, agus táirgí, ar táirgí iad ina bhfuil cadás géinmhodhnaithe GHB614 × LLCotton25, nó atá comhdhéanta de, le haghaidh úsáidí seachas bia agus beatha, cé is moite de shaothrú, ba cheart an t-údarú sin a athnuachan.

(8)

Tá aitheantóir uathúil sannta do chadás géinmhodhnaithe GHB614 × LLCotton25 i gcomhréir le Rialachán (CE) Uimh. 65/2004 (5) ón gCoimisiún, i gcomhthéacs a údaraithe tosaigh le Cinneadh Cur Chun Feidhme (AE) 2015/690. Ba cheart leanúint den aitheantóir uathúil sin a úsáid.

(9)

A mhéid a bhaineann leis na táirgí a chumhdaítear leis an gCinneadh seo, is cosúil nach bhfuil gá le haon cheanglas sonrach lipéadaithe, seachas na ceanglais dá bhforáiltear in Airteagal 13(1) agus Airteagal 25(2), pointí (a) agus (b), de Rialachán (CE) Uimh. 1829/2003 agus in Airteagal 4(6) de Rialachán (CE) Uimh. 1830/2003 ó Pharlaimint na hEorpa agus ón gComhairle (6). Mar sin féin, chun a áirithiú go bhfanfaidh úsáid na dtáirgí ina bhfuil cadás géinmhodhnaithe GHB614 × LLCotton25 nó atá comhdhéanta de laistigh de theorainneacha an údaraithe a dheonaítear leis an gCinneadh seo, ba cheart a léiriú go soiléir ar lipéadú na dtáirgí sin, cé is moite de bhia agus comhábhair bia, nach bhfuil siad ceaptha lena saothrú.

(10)

Ba cheart do shealbhóir an údaraithe tuarascálacha bliantúla a chur isteach i ndáil le cur chun feidhme agus torthaí na ngníomhaíochtaí a leagtar amach sa phlean faireacháin um éifeachtaí comhshaoil. Ba cheart na torthaí sin a chur i láthair i gcomhréir leis na ceanglais a leagtar síos i gCinneadh 2009/770/CE ón gCoimisiún (7).

(11)

Leis an tuairim ón Údarás ní thugtar údar le coinníollacha nó srianta sonracha a fhorchur maidir le cur ar an margadh le haghaidh úsáide agus láimhseála, lena n-áirítear ceanglais faireacháin iarmhargaidh i ndáil le bia agus beatha a chaitheamh, ar bia agus beatha iad ina bhfuil cadás géinmhodhnaithe GHB614 × LLCotton25, nó atá comhdhéanta de, nó a tháirgtear as, ná maidir le héiceachórais shonracha nó an comhshaol agus/nó limistéir gheografacha a chosaint, dá bhforáiltear in Airteagal 6(5), pointe (e), agus Airteagal 18(5), pointe (e), de Rialachán (CE) Uimh. 1829/2003.

(12)

An fhaisnéis ábhartha uile maidir le húdarú na dtáirgí a chumhdaítear leis an gCinneadh seo, ba cheart í a iontráil sa chlár Comhphobail de bhia géinmhodhnaithe agus beatha ghéinmhodhnaithe dá dtagraítear in Airteagal 28(1) de Rialachán (CE) Uimh. 1829/2003.

(13)

Tá fógra le tabhairt faoin gCinneadh seo trí Theach Imréitigh na Bithshábháilteachta do Pháirtithe Phrótacal Cartagena ar an mBithshábháilteacht a ghabhann leis an gCoinbhinsiún maidir leis an Éagsúlacht Bhitheolaíoch, de bhun Airteagal 9(1) agus Airteagal 15(2), pointe (c), de Rialachán (CE) Uimh. 1946/2003 ó Pharlaimint na hEorpa agus ón gComhairle (8).

(14)

Níor thug an Buanchoiste um Plandaí, Ainmhithe, Bia agus Beatha tuairim uaidh laistigh den teorainn ama a leag Cathaoirleach an Choiste síos. Measadh go raibh gá leis an ngníomh cur chun feidhme seo agus chuir an cathaoirleach faoi bhráid an choiste achomhairc é chun go ndéanfaí tuilleadh plé ina leith. Níor thug an coiste achomhairc tuairim uaidh,

(a)

bianna agus comhábhair bhia ina bhfuil cadás géinmhodhnaithe BCS-GHØØ2-5 × ACS-GHØØ1-3, nó atá comhdhéanta de nó a tháirgtear as;

(b)

beatha ina bhfuil cadás géinmhodhnaithe BCS-GHØØ2-5 × ACS-GHØØ1-3, nó atá comhdhéanta de nó a tháirgtear as;

(c)

táirgí, ar táirgí iad ina bhfuil cadás géinmhodhnaithe BCS-GHØØ2-5 × ACS-GHØØ1-3, nó atá comhdhéanta de, le haghaidh úsáidí seachas iad siúd dá bhforáiltear i bpointí (a) agus (b), cé is moite de shaothrú.