(1)

Le Rialachán Cur Chun Feidhme (AE) 2019/159 (3) (‘an Rialachán Cinntitheach’), d’fhorchuir an Coimisiún Eorpach (‘an Coimisiún’) beart coimirce cinntitheach ar allmhairí cruach áirithe (‘an beart’). Is éard atá sa bheart taraif-chuótaí i leith táirgí cruach áirithe (‘an táirge lena mbaineann’), lena gcumhdaítear 26 chatagóir táirgí cruach. Socraítear na taraif-chuótaí ar leibhéil lena gcaomhnaítear sreafaí trádála traidisiúnta ar bhonn catagóire de réir an táirge. I gcás ina mbíonn an taraif-chuóta iomchuí ídithe, gearrtar dleacht lasmuigh den chuóta 25 %. Forchuireadh an beart coimirce ar feadh tréimhse tosaigh 3 bliana, go dtí an 30 Meitheamh 2021.

(2)

Le Rialachán Cur Chun Feidhme (AE) 2021/1029 ón gCoimisiún (4) (‘an chéad Rialachán um athbhreithniú i ndáil le fadú’), tháinig an Coimisiún ar an gconclúid go raibh gá fós leis an mbeart chun mórdhíobháil a chosc nó a leigheas, agus go raibh tionscal an Aontais ag coigeartú dá réir. Mheas sé freisin go raibh fadú an bhirt chun leas an Aontais. Dá réir sin, chinn sé an beart coimirce a fhadú go dtí an 30 Meitheamh 2024.

(3)

Le Rialachán Cur Chun Feidhme (AE) 2024/1782 ón gCoimisiún (5) (‘an dara Rialachán um athbhreithniú i ndáil le fadú’), tháinig an Coimisiún ar an gconclúid go raibh gá fós leis an mbeart chun mórdhíobháil a chosc nó a leigheas, agus go raibh an fadú sin chun leas an Aontais. Tháinig sé ar an gconclúid freisin go raibh an tionscal ag coigeartú. Dá réir sin, chinn sé an beart coimirce a fhadú go dtí an 30 Meitheamh 2026.

(4)

In aithris (161) den Rialachán Cinntitheach, gheall an Coimisiún ‘measúnú a dhéanamh ar an staid ar bhonn rialta, agus athbhreithniú a mheas ar a laghad ag deireadh gach bliana ina raibh na bearta á bhforchur’. Den mheon sin, rinne an Coimisiún trí imscrúdú um athbhreithniú i ndáil le feidhmiú in 2019 (6), 2020 (7) agus 2022 (8) faoi seach. I mí an Mheithimh 2023 (9) mheas sé freisin, in imscrúdú athbhreithnithe, cé acu ar ghá an beart a fhoirceannadh go luath nó nár ghá (10).

(5)

An 29 Samhain 2024, fuair an Coimisiún iarraidh chuí-réasúnaithe ó 13 Bhallstát chun athbhreithniú ar fheidhmiú a thionscnamh de bhun Airteagal 20 de Rialachán (AE) 2015/478 ó Pharlaimint na hEorpa agus ón gComhairle (11) (‘bun-Rialachán Coimirce an Aontais’) agus Airteagal 16 de Rialachán (AE) 2015/755 ó Pharlaimint na hEorpa agus ón gComhairle (12). Tá fianaise san iarraidh ar athrú ar imthosca ón athbhreithniú deireanach ar an mbeart. Go háirithe, bhí faisnéis san iarraidh maidir leis an gcrapadh ar éileamh an Aontais ar chruach, rud a d’fhág gur tháinig méadú ar bhearnaí leis an leibhéal reatha méideanna cuótaí saor ó dhleacht toisc go ndearnadh iad sin a léirscaoileadh go leanúnach. Thairis sin, tá an borradh ar onnmhairí cruach ón tSín chuig mór-réigiúin tar éis onnmhairí ó réigiúin eile a bhrú i dtreo an Aontais.

(6)

De réir na hiarrata, mar gheall ar na forbairtí margaidh sin le déanaí ba ghá athmheasúnú a dhéanamh ar leithdháileadh agus ar bhainistiú na dtaraif-chuótaí. I bhfianaise Airteagal 20 de bhun-Rialachán Coimirce an Aontais agus Airteagal 8 den Rialachán Cinntitheach, mheas an Coimisiún gur bonn leordhóthanach í an fhaisnéis a soláthraíodh, lena n-áirítear na foinsí agus an fhianaise thacaíochta, chun imscrúdú a thionscnamh.

(7)

Dá réir sin, chuir an Coimisiún tús le himscrúdú athbhreithniúcháin, mar sin, trí bhíthin fógra tionscnaimh (13) (‘an fógra’) a foilsíodh in Iris Oifigiúil an Aontais Eorpaigh an 17 Nollaig 2024. D’iarr an Coimisiún ar pháirtithe leasmhara a dtuairimí a chur in iúl agus fianaise a thíolacadh maidir leis na forais seo a leanas go háirithe maidir le hathbhreithniú:

(8)

San Fhógra iarradh ar pháirtithe leasmhara fianaise agus sonraí a sholáthar chun a chinneadh an mbeadh bonn cirt le feidhmiú an bhirt coimirce a choigeartú chun oibriú na coimirce a choinneáil in oiriúint d’fhorbairt an mhargaidh agus i gcomhréir le leas na bpáirtithe leasmhara uile.

(9)

Lorg an Coimisiún faisnéis shonrach ó tháirgeoirí agus úsáideoirí de chuid an Aontais trí cheistneoirí, a cuireadh ar fáil do pháirtithe leasmhara ar an gcomhad poiblí (‘TRON’) (14) agus ar shuíomh gréasáin an Choimisiúin Eorpaigh (AS TRADE) (15).

(10)

Mar a rinne sé in imscrúduithe athbhreithnithe roimhe seo, cheap an Coimisiún nós imeachta dhá chéim. Ar dtús, bhí an deis ag páirtithe a h-aighneachtaí agus i gcás inarb infheidhme, freagra ar na ceistneoirí a sheoladh isteach faoin 10 Eanáir 2025. Chuir an Coimisiún an fhaisnéis seo ar fáil ar an gcomhad poiblí agus bhí 14 lá ag páirtithe leasmhara trácht uirthi (céim frisnéisí). Chuir an Coimisiún na frisnéisí ar fáil in TRON ina dhiaidh sin.

(11)

Fuair an Coimisiún 12 fhreagra ceistneora, 40 aighneacht agus 22 fhrisnéis.

(12)

Thug roinnt páirtithe leasmhara barúil nár cuireadh an iarraidh ó na Ballstáit ar athbhreithniú ar fheidhmiú, ná an fhianaise fholuiteach, ar fáil láithreach do pháirtithe leasmhara. Rinneadh argóint gur chuir sé sin srian míchuí ar dheis na bpáirtithe leasmhara an fhianaise a fhrisnéis, agus go raibh tionchar nach beag aige sin ar chumas na bpáirtithe leasmhara rannchuidithe fóinteacha a sholáthar.

(13)

D’áitigh roinnt páirtithe leasmhara nach bhfuil aon bhunús dlí le hathbhreithniú ar fheidhmiú, agus d’áitigh páirtithe leasmhara eile nach bhfuil sé i gcomhréir le dlí EDT athbhreithniú ar fheidhmiú a dhéanamh bunaithe ar imthosca athraithe. Luaigh páirtí leasmhar amháin gurb ionann athmheasúnú a dhéanamh ar na taraif-chuótaí laistigh de 6 mhí ón athbhreithniú roimhe sin agus minicíocht iomarcach an athbhreithnithe ar an mbeart.

(14)

San fhógra tionscnaimh, iarradh go sonrach ar pháirtithe a dtuairimí a roinnt agus fianaise a chur isteach maidir le cúig fhoras athbhreithnithe (féach aithris 7 thuas), seachas barúil a thabhairt ar an iarraidh tosaigh ó na Ballstáit. Tar éis iarraidh i scríbhinn ar fhaisnéis a fuarthas an 3 Eanáir 2025, chuir (16) an Coimisiún na doiciméid ábhartha ar fáil lena n-iniúchadh maidir le TRON an 7 Eanáir 2025, dá bhforáiltear in Airteagal 5(4) de Rialachán (AE) 2015/478 (17). Ina theannta sin, bhí deis ag páirtithe freagra a thabhairt ar an bhfianaise a thug tionscal an Aontais chun cinn ina bhfrisnéisí, a bhfuair siad 14 lá ina leith. D’iarr roinnt páirtithe leasmhara síneadh ama, agus in dhá chás tugadh síneadh 10 lá. Dá réir sin, tugadh neart deiseanna do pháirtithe leasmhara a mbarúlacha a thabhairt.

(15)

De réir an fhógra tionscnaimh, is é Airteagal 20 de Rialachán (AE) 2015/478 ó Pharlaimint na hEorpa agus ón gComhairle, Airteagal 16 de Rialachán (AE) 2015/755 agus Airteagal 8 de Rialachán Cur Chun Feidhme (AE) 2019/159 ón gCoimisiún bunús dlí an athbhreithnithe. Foráiltear go sainráite leis an bhforáil sin go bhféadfadh an Coimisiún athbhreithniú a dhéanamh ar an mbeart i gcás ina dtiocfadh athrú ar imthosca. Le Comhaontú EDT maidir le Coimircí, ní chuirtear bac ar athbhreithnithe (roghnacha) den sórt sin seachas an t-athbhreithniú meántéarma sainordaitheach.

(16)

Mar fhreagairt ar an maíomh gur minicíocht iomarcach é athmheasúnú a dhéanamh ar na taraif-chuótaí laistigh de 6 mhí ón athbhreithniú roimhe sin, ní fhorchuirtear le hAirteagal 8 aon srian ambhunaithe maidir leis an uair a d’fhéadfaí athbhreithniú a thionscnamh. Os rud é gurb é is cuspóir don athbhreithniú ar fheidhmiú oibriú na coimirce a choinneáil in oiriúint d’fhorbairt an mhargaidh agus i gcomhréir le leasanna na bpáirtithe leasmhara uile, níl aon tréimhse teorann ann maidir le cathain a bheidh gá le hathbhreithniú den sórt sin.

(17)

Dá bhrí sin, tá uainiú an athbhreithnithe atá ann faoi láthair ar fheidhmiú comhsheasmhach go hiomlán le creat dlíthiúil an Aontais agus le hoibleagáidí idirnáisiúnta faoi dhlí EDT.

(18)

Agus an gá atá le coigeartuithe a d’fhéadfadh a bheith ann agus méid na gcoigeartuithe sin á sainaithint aige, rinne an Coimisiún measúnú freisin ar éabhlóid dhá phríomhghné, ó rinneadh an t-imscrúdú deireanach ar an athbhreithniú: ró-acmhainneacht agus bearta trádála i dtríú tíortha.

(19)

Lean staid na ró-acmhainneachta de bheith ag dul in olcas sa dara leath de 2024 agus go luath in 2025. Faoi dheireadh 2024, measadh gur shroich an acmhainneacht shuiteáilte dhomhanda 2 482 mhilliún tona, sin méadú níos mó ná 50 milliún tona i gcomparáid le 2023 (18). Ba san India, in ASEAN agus sa Mheánoirthear ba mhó a bhí an méadú sin le sonrú. Tharla méadú ábhartha den sórt sin ar acmhainneacht i gcomhthéacs an t-éileamh domhanda ar chruach a lagú. In 2024, tháinig laghdú 1 % (-18 milliún tona) ar an éileamh domhanda ar chruach i gcomparáid le 2023 (19), rud a leathnaigh an bhearna leis an acmhainneacht shuiteáilte tuilleadh dá bhrí sin.

(20)

Amach anseo, meastar go dtiocfaidh acmhainneacht bhreise mhór chun cinn, agus thart ar 145 mhilliún tona ann mar thionscadail atá ar siúl faoi láthair nó atá beartaithe (20), agus meastar nach dtiocfaidh ach fás measartha ar an éileamh in 2025, rud a bhainfidh leibhéil 2023 amach, i.e. go mbeidh sé fós níos mó ná an fás leanúnach acmhainneachta. Mar thoradh air sin, tá leibhéal na ró-acmhainneachta le fanacht ag leibhéil an-ard. Léirítear sna meastacháin go bhféadfadh an bhearna idir acmhainneacht shuiteáilte agus táirgeadh a bheith chomh hard le 630 milliún tona in 2026 (21).

(21)

Léiríodh na hábhair imní maidir le staid na ró-acmhainneachta atá ag dul in olcas agus a tionchar diúltach ar dhéantóirí cruach go soiléir i Ráiteas Aireachta an Fhóraim Dhomhanda um Chruach an 8 Deireadh Fómhair 2024 (22). Meabhraíodh sa ráiteas an tionchar diúltach tromchúiseach a bhí ag an ró-acmhainneacht ar phoist, ar tháirgeadh, ar phraghsanna, ar an sciar den mhargadh, ar ioncam agus ar bhrabúsacht an tionscail, agus aithníodh a thábhachtaí atá sé gníomhaíochtaí coincréiteacha a dhéanamh chun aghaidh a thabhairt ar ró-acmhainneacht.

(22)

Sa chomhthéacs sin ina bhfuil ró-acmhainneacht ag dul i méid, dheimhnigh an Coimisiún gur lean onnmhairí cruach na Síne ag méadú, agus gur shroich siad 110 milliún tona, gar do na leibhéil is airde riamh (23). Os rud é go léirítear le hionchas an mhargaidh go mbeidh laghdú breise ar an éileamh intíre sa tSín in 2025 (24), tá coinne leis go leanfar den treocht maidir le leibhéal ard onnmhairí a thosaigh in 2023 agus a bhain buaicphointe amach in 2024.

(23)

Dá bhrí sin, tá sé réasúnta a bheith ag súil go leanfaidh onnmhairí na Síne de bhrú an-láidir a chur, i dtéarmaí méideanna agus praghsanna araon, ar fud margaí tríú tíortha (25), rud a mbeidh tionchar diúltach aige ar iomaitheoirí sna margaí sin go díreach, e.g. trína n-easáitiú nó trí iallach a chur orthu dul san iomaíocht le praghsanna níos ísle. Ina theannta sin, os rud é go bhfuil bearna bhreise le feiceáil ag déantóirí cruach i dtríú tíortha áirithe idir an t-éileamh agus an fás acmhainneachta ina margaí intíre, chuirfí brú orthu asraonta malartacha a lorg dá ró-acmhainneacht. Mar thoradh air sin, chuirfí brú breise ar allmhairí isteach i margadh an Aontais ó na tíortha tionscnaimh sin. Chuirfeadh sé sin leis an leibhéal foriomlán méadaitheach de sciar margaidh na n-allmhairí atá le feiceáil in 2024 i margadh an Aontais.

(24)

I ndáil leis an méid sin, dheimhnigh an Coimisiún freisin, ó rinneadh an t-imscrúdú deireanach, go bhfuil láithreacht allmhairí i margadh an Aontais de thionscnaimh áirithe i gcás ina leanann méaduithe acmhainneachta ábhartha ar aghaidh (go sonrach ASEAN, an India, an tSín, an Meánoirthear agus an Afraic Thuaidh), fós ard agus i gcásanna áirithe, go bhfuil méadú breise tagtha orthu. Léirigh na sonraí sin comhghaol idir forbairtí acmhainneachta agus leibhéal an bhrú allmhairiúcháin ó na tíortha tionscnaimh sin ar mhargadh an Aontais (26).

(25)

Dá bhrí sin, dheimhnigh an Coimisiún gur cúis mhór imní i gcónaí é staid agus ionchas na ró-acmhainneachta domhanda agus go raibh sé ag súil go mbeadh brú méadaithe breise ar allmhairí san Aontas mar thoradh air, in éagmais coigeartuithe, mar gheall ar acmhainneacht mhéadaitheach, éabhlóid an éilimh agus brú leanúnach ar mhargaí tríú tíortha.

(26)

Rinne an Coimisiún measúnú freisin ar na forbairtí is déanaí maidir le bearta trádála ar allmhairí cruach arna nglacadh ag tríú tíortha. Dheimhnigh an Coimisiún gur mhó líon na mbeart cosanta trádála a bhí i bhfeidhm ag deireadh 2024 ná na bearta a bhí i bhfeidhm an bhliain roimhe sin.

(27)

Taobh amuigh de bhearta cosanta trádála, thug an Coimisiún faoi deara go raibh méadú tagtha ar na bearta taraife atá i bhfeidhm ó rinneadh an t-imscrúdú athbhreithnithe roimhe sin. Áiríodh ar na bearta sin, i measc nithe eile, taraifí méadaithe sa Tuirc (27), sa Cholóim (28) agus i gCeanada (29). Chomh maith le bearta cosanta maidir le táirgí áirithe cruach san Afraic Theas (30), agus tús a chur le himscrúdú coimirce ar tháirgí áirithe cruach comhréidh ag an India (31).

(28)

Thairis sin, an 10 Feabhra 2025, d’fhógair na Stáit Aontaithe go gcuirfí deireadh le heisiaimh tíortha a bhí ann roimhe seo, le díolúintí táirgí chomh maith le córais shonracha taraif-chuótaí nó cuótaí faoi bheart Roinn 232 (32). Mar thoradh ar an athrú sin ar an mbeart, bheadh gach tír thionscnamh faoi réir dleacht 25 % i bprionsabal. I bhfianaise mhéid mhargadh na Stát Aontaithe agus leibhéal na dleachta, measann an Coimisiún go gcruthódh an fhorbairt sin (33), mar aon leis na bearta taraife breise arna gcur chun feidhme ag tíortha eile, teannas breise sna margaí cruach, rud a mhéadódh an baol go ndéanfaí sraonadh trádála breise isteach san Aontas.

(29)

Chun measúnú a dhéanamh ar staid eacnamaíoch thionscal cruach an Aontais, chuir an Coimisiún ceistneoirí chuig táirgeoirí cruach aitheanta de chuid an Aontais chun faisnéis a bhailiú maidir le táscairí díobhála áirithe i leith an táirge lena mbaineann le linn na tréimhse faoi bhreathnú. Cuireadh na ceistneoirí ar fáil ar shuíomh gréasáin Ard-Stiúrthóireacht Trádála an Choimisiúin Eorpaigh (34). Rinneadh gach treoir ábhartha maidir le ceistneoirí a áireamh leis an bhfógra tionscnaimh freisin.

(30)

Fuair an Coimisiún freagraí ceistneora ó chomhaltaí de thrí chomhlachas tionscail aitheanta de chuid an Aontais agus ó tháirgeoirí eile de chuid an Aontais nach comhaltaí d’aon chomhlachas iad freisin.

(31)

I seisiúin chros-seiceála chianda thiomnaithe, rinne an Coimisiún comhdhlúthú ar na sonraí a fuair sé go díreach ó tháirgeoirí de chuid an Aontais, agus rinne sé cros-seiceáil ar a gcruinneas leis an tacar sonraí a thíolaic comhlachais tionscail an Aontais. Ina dhiaidh sin, rinne an Coimisiún freagraí chomhaltaí na gcomhlachas a cheangal leis na freagraí a fuarthas ó tháirgeoirí nach comhaltaí de chomhlachas iad i dtacar sonraí comhdhlúite amháin, arb é is bonn don mheasúnú ar staid eacnamaíoch thionscal an Aontais.

(32)

Léirítear éabhlóid na dtáscairí díobhála idir na blianta 2021 agus 2024 i dTáblaí 1 go 3 thíos:

(33)

Le linn na tréimhse faoi bhreathnú, tháinig laghdú seasta ar mhéid táirgeachta táirgeoirí de chuid an Aontais, is é sin - 11 % in 2022, - 13 % agus - 18 % in 2024, i gcomparáid le 2021. Lean úsáid acmhainneachta ag ísliú, agus sroicheadh leibhéal an-íseal 67 % in 2023 agus d’fhan sí ar an leibhéal céanna in 2024, d’ainneoin laghdú acmhainneachta 5 % in 2024.

(34)

Thosaigh laghdú ag teacht ar thomhaltas i margadh an Aontais in 2022 (-8 %), agus lean an treocht sin ar aghaidh in 2023 (-14 %) agus d’fhan sí ar an leibhéal céanna in 2024 (-14 %) i gcomparáid leis an mbliain 2021. Lean an fhorbairt ar mhéid díolachán intíre táirgeoirí de chuid an Aontais treocht chomhchosúil le linn na tréimhse faoi bhreathnú (- 8 % in 2022, - 13 % in 2023 agus - 14 % in 2024 i gcomparáid le 2021). Le linn na tréimhse faoi bhreathnú, tháinig laghdú 0,7 % ar sciar thionscal an Aontais den mhargadh.

(35)

Tháinig méadú 34 % ar phraghsanna díola aonaid in 2022, tháinig méadú 12 % orthu in 2023 agus méadú 1 % in 2024 i gcomparáid le 2021.

(36)

Leis an méadú ar phraghsanna agus an feachtas iar-COVID um théarnamh, d’éirigh tionscal an Aontais a bheith brabúsach in 2021 (9.1 %) agus tháinig méadú beag ar bhrabúis in 2022 (9.9 %). In 2023, tháinig laghdú géar ar bhrabúsacht, gan ach brabús 0,5 % á bhaint amach agus lean an treocht ar aghaidh in 2024 ag iompú ina caillteanas (–0,4 %).

(37)

Lean an treocht dhiúltach a breathnaíodh in 2023 ar aghaidh in 2024 agus tháinig meath breise ar tháscairí díobhála nó d’fhan siad ar na leibhéil níos ísle a bhí ann in 2023.

(38)

Agus cur chuige an bhun-imscrúdaithe á leanúint aige, (36) rinne an Coimisiún measúnú freisin ar fhorbairt na dtáscairí díobhála de réir an tacair táirge. (37) Is táirgí cothroma, táirgí fada agus feadáin iad na tacair táirge a chumhdaítear leis an mbeart coimirce cruach.

(39)

Léirítear i dTáblaí 4 go 6 thíos forbairt na dtáscairí díobhála de réir an tacair táirge:

Tábla 4

Táirgeacht, acmhainneacht táirgeachta agus úsáid acmhainneachta

Tábla 5

Tomhaltas an Aontais, díolacháin intíre agus an sciar den mhargadh

Tábla 6

Praghas díola aonaid agus brabúsacht

(40)

Ar bhonn na dtáscairí thuas, leis an anailís in aghaidh an tacair táirge, comhthacaítear torthaí an táirge lena mbaineann: tháinig meath ach beag ar staid eacnamaíoch thionscal an Aontais le linn na tréimhse faoi bhreathnú agus tá sé i staid leochaileach faoi láthair. Fiú na feadáin tacair táirge a raibh ag éirí go níos fearr a mhéid a bhaineann le brabúsacht agus forbairtí maidir leis an sciar den mhargadh, in ainneoin sin tháinig meath ar phríomhtháscairí eile cuir i gcás úsáid acmhainneachta, leibhéil táirgeachta agus díolacháin intíre le linn na tréimhse faoi bhreathnú.

(41)

Rinne an Coimisiún measúnú ar fhorbairt na n-allmhairí, i dtéarmaí foriomlána agus i gcomparáid le tomhaltas an Aontais, chun an méid brú a d’fhéadfaí gur chuir siad ar mhargadh an Aontais le linn na tréimhse faoi bhreathnú a chinneadh.

(42)

Tháinig laghdú - 11 % ar allmhairí isteach san Aontas in 2024 i gcomparáid le 2021, nuair a shroich siad a dara leibhéal is airde ó bhí 2013 ann (38). Mar sin féin, bhí dearbhmhéadú 7 % ann idir 2023 agus 2024.

Tábla 7

An fhorbairt ar allmhairí in 000 tona

(43)

Leis an anailís a rinneadh ar leibhéal na dtacar táirge, lena n-áirítear méadú coibhneasta ar bhrú allmhairí agus an sciar den mhargadh ag dul in airde dá bharr sin, deimhníodh an treocht fhoriomlán seo mar a léirítear i dTábla 8 thíos.

Tábla 8

An sciar den mhargadh de réir an tacair táirge

(44)

Fuair an Coimisiún 12 fhreagra ceistneora, 40 aighneacht agus 22 fhrisnéis ó pháirtithe leasmhara, lena n-áirítear táirgeoirí cruach de chuid an Aontais, úsáideoirí agus allmhaireoirí cruach de chuid an Aontais, mar aon lena gcomhlachais faoi seach, agus ó tháirgeoirí onnmhairiúcháin agus rialtais tríú tíortha. Tugtar forléargas sa roinn seo ar na barúlacha ó pháirtithe leasmhara, atá eagraithe in 8 bhfo-roinn. Déantar na barúlacha a ghrúpáil de réir cineáil agus ábhair.

(45)

Dhearbhaigh tionscal an Aontais nach bhfuil na taraif-chuótaí atá ann cheana ag teacht a thuilleadh leis an éileamh ar chruach laistigh den Aontas. D’áitigh an tionscal go ndearnadh cuótaí a léirscaoileadh níos mó ná 15 phointe céatadáin i gcomparáid le 2019. Mar gheall air sin, mar aon leis an laghdú a tháinig le déanaí ar an éileamh ar chruach, tá méadú tagtha ar an mbearna idir méideanna na gcuótaí saor ó dhleacht atá ann faoi láthair agus an t-éileamh iarbhír. Mar thoradh air sin, d’iarr tionscal an Aontais coigeartú ar na taraif-chuótaí chun an t-éileamh atá ann faoi láthair a léiriú ar bhealach níos fearr, agus d’iarr sé ar an gCoimisiún leibhéil na dtaraif-chuótaí a laghdú 25 % go 50 % ar an meán.

(46)

D’áitigh tíortha agus úsáideoirí onnmhairiúcháin áirithe, cé gur cosúil gur tháinig laghdú ar an éileamh foriomlán, go léiríonn earnálacha áirithe éileamh méadaitheach ar tháirgí cruach ar leith. De réir na bpáirtithe sin, dá ndéanfaí na taraif-chuótaí a theannadh sna catagóirí sin, bheadh tionchar diúltach aige sin ar iomaíochas thionscail iartheachtacha an Aontais. Trí chuótaí a choinneáil níos solúbtha, is fearr is féidir leis na tionscail sin freastal ar a riachtanais ábhartha, riachtanais a d’fhéadfadh sé tarlú nach mbeadh táirgeoirí an Aontais in ann iad a sholáthar i gcainníochtaí leordhóthanacha. D’áitigh na páirtithe sin nach léiríonn cur chuige a oireann do chách maidir le taraif-chuótaí an t-éileamh éagsúil ar fud earnálacha éagsúla laistigh den Aontas.

(47)

Ina theannta sin, rinne roinnt táirgeoirí onnmhairiúcháin tagairt do thuarascáil WorldSteel le déanaí ina dtuartar go dtiocfaidh méadú ar an éileamh domhanda ar chruach in 2025 (39). Áitíonn siad go dtagann sé seo salach ar réamhaisnéisí an tionscail, ag caitheamh amhrais ar iontaofacht fhianaise an tionscail.

(48)

Dhearbhaigh tionscal an Aontais go bhfuil meath suntasach tagtha ar a staid eacnamaíoch, go sonrach sna ráithí is déanaí. Áitíonn siad go bhfuil sé sin le feiceáil i dtéarmaí táirgthe, díolachán agus brabúsachta, agus go gcoinníonn allmhairí sciartha arda den mhargadh nó sciartha méadaitheacha den mhargadh agus go ndéanann siad sladghearradh ar phraghsanna tháirgeoirí an Aontais.

(49)

D’áitigh tíortha agus úsáideoirí onnmhairiúcháin áirithe go raibh tionchar nach beag ag tosca seachtracha amhail costais arda fuinnimh agus saincheisteanna geopholaitiúla ar an margadh cruach. D’fhéadfadh na tosca sin, seachas brú ó allmhairí, a bheith ina gcúis le cuid mhór de na deacrachtaí a bhí ag tionscal cruach an Aontais.

(50)

D’iarr tionscal an Aontais deireadh a chur le tabhairt anonn ráithiúil na gcuótaí nár úsáideadh go dtí an chéad ráithe eile, nó mar mhalairt air sin, uasteorainn a chur leis an tabhairt anonn. D’iarr roinnt tíortha agus úsáideoirí onnmhairiúcháin an sásra tabhairt anonn a choinneáil, agus d’áitigh siad gur gné lárnach de struchtúr na dtaraif-chuótaí é sin lena soláthraítear intuarthacht agus dá bhrí sin nach dtagann sé faoi raon feidhme an athbhreithnithe.

(51)

D’iarr tíortha agus úsáideoirí onnmhairiúcháin áirithe go mbainfí córas na gcuótaí tírshonracha le haghaidh catagóirí áirithe (nó fiú le haghaidh gach catagóire) agus go ndéanfaí cuótaí áirithe a riar ar fud an domhain laistigh de gach ráithe chun a n-úsáid a uasmhéadú.

(52)

D’iarr tionscal an Aontais agus táirgeoir onnmhairiúcháin amháin ar an gCoimisiún na cuótaí uile a athríomh bunaithe ar thréimhse thagartha nua. Fuair an Coimisiún roinnt iarrataí freisin (ó úsáideoirí agus ó tháirgeoirí onnmhairiúcháin) chun cuótaí a mhéadú i gcatagóirí áirithe chun freastal ar éileamh méadaitheach thionscail iartheachtacha an Aontais.

(53)

Dhearbhaigh tionscal an Aontais freisin go leanann táirgí cruach na Síne, faoi réir bearta frithdhumpála, de bheith ag teacht isteach i margadh an Aontais ar phraghsanna an-íseal, rud a fhágann go bhfuil na dleachtanna forchurtha neamhéifeachtach. I bhfianaise an mhéid sin, d’iarr an tionscal ar an gCoimisiún cuótaí tírshonracha a athbhunú don tSín i gcatagóirí inar athdháileadh méideanna roimhe sin mar gheall ar bhearta frithdhumpála a bheith ann.

(54)

Ar deireadh, d’iarr roinnt páirtithe leasmhara (tionscal an Aontais agus roinnt táirgeoirí onnmhairiúcháin) ar an gCoimisiún beart a dhéanamh chun caolú dleachta de bharr ídiú láithreach ar an gcéad lá den cheathrú cuid de chuótaí iarmharacha a sheachaint trí riarachán míosúil a thabhairt isteach, nó trí chóras a thabhairt isteach a bheadh bunaithe ar an té is túisce a ndéantar freastal air chun cuótaí a leithdháileadh. Chuir tíortha agus táirgeoirí onnmhairiúcháin áirithe i gcoinne córas leithdháilte ‘tús freastail ar an gceann is túisce’ a thabhairt isteach, agus d’áitigh siad nach mbeadh sé praiticiúil an córas a chur chun feidhme.

(55)

D’áitigh roinnt páirtithe leasmhara (táirgeoirí onnmhairiúcháin agus tionscal an Aontais den chuid is mó) ó rinneadh an t-athbhreithniú roimhe seo agus go háirithe in 2024, gur mhéadaigh onnmhaireoirí áirithe a n-onnmhairí i gcatagóirí áirithe sa chuóta iarmharach go mór, rud a d’fhág go ndearnadh onnmhaireoirí eile a bhrú amach. Chun an tsaincheist sin a réiteach, d’iarr cuid acu go dtabharfaí isteach cuótaí tírshonracha breise nó go leathnófaí úsáid na n-uasteorainneacha sna cuótaí iarmharacha.

(56)

Ina theannta sin, dhearbhaigh roinnt páirtithe leasmhara gur cheart síneadh a chur leis an gcóras neamhrochtana atá ann faoi láthair chun cosc a chur ar bhrú amach sa chuóta iarmharach i gcatagóirí roghnaithe. Mhol páirtí leasmhar eile gur cheart don Choimisiún an córas rochtana teoranta a leathnú.

(57)

D’iarr tionscal an Aontais ar an gCoimisiún machnamh a dhéanamh gan díolúintí nua a dheonú do thíortha i mbéal forbartha ar bhonn na sonraí allmhairiúcháin is déanaí. Chuir roinnt páirtithe leasmhara ina choinne sin agus d’iarr siad go ndéanfaí nuashonrú ar liosta na dtíortha is comhaltaí den Eagraíocht Dhomhanda Trádála atá i mbéal forbartha agus atá eisiata ó raon feidhme an bhirt.

(58)

Dhearbhaigh tionscal an Aontais nach bhfuil léirscaoileadh cuótaí iomchuí a thuilleadh i bhfianaise an laghdaithe atá ag teacht ar an éileamh agus na mbearnaí atá ag méadú leis an leibhéal méideanna cuótaí saor ó dhleacht atá ann faoi láthair. Ar an taobh eile, d’iarr páirtithe leasmhara eile ar an gCoimisiún an leibhéal léirscaoilte a mhéadú thar an 1 % atá ann faoi láthair, nó ar a laghad an leibhéal reatha a choinneáil ar bun, bíodh sin do gach catagóir táirge nó do roinnt catagóirí sonracha táirgí agus/nó do thionscnaimh shonracha.

(59)

D’iarr tionscal an Aontais ar an gCoimisiún machnamh a dhéanamh ar an dleacht 25 % lasmuigh den chuóta a mhéadú. Áitítear gur fiú beart den sórt sin a dhéanamh i bhfianaise leibhéil praghsanna ísle na n-allmhairí atá á spreagadh ag ró-acmhainneacht dhomhanda atá ag dul in olcas móide líon méadaitheach beart ionstraimí cosanta trádála i dtríú tíortha. Áitíodh, dá bhrí sin, nach leor dleacht 25 % lasmuigh den chuóta a thuilleadh chun allmhairí lasmuigh den chuóta a chosc.

(60)

Ina theannta sin, d’iarr tíortha onnmhairiúcháin áirithe go n-eisiafaí ón mbeart iad ar bhonn a gComhaontuithe Comhlachais faoi seach leis an Aontas.

(61)

D’iarr roinnt páirtithe leasmhara taraif-chuóta catagóirí áirithe a roinnt ina dhá fhochatagóir, chun aghaidh níos fearr a thabhairt ar shainiúlachtaí na dtáirgí a ghrúpáiltear faoi na catagóirí. D’áitigh úsáideoir de chuid an Aontais é sin i gcás chatagóir 1, d’áitigh táirgeoir onnmhairiúcháin é i gcás chatagóir 16 agus d’áitigh táirgeoirí de chuid an Aontais é i gcás chatagóirí 21 agus 26.

(62)

Dhearbhaigh páirtí leasmhar amháin (táirgeoir onnmhairiúcháin ón Éigipt) gur chuir an uasteorainn 15 % i gcatagóir 1 a tugadh isteach sa Sara hAthbhreithniú Fadaithe srian ar a sreafaí trádála traidisiúnta. D’áitigh an páirtí leasmhar gur sháraigh a méideanna onnmhairí stairiúla chuig an Aontas an uasteorainn sin go mór.

(63)

Bhreithnigh an Coimisiún an staid atá ann faoi láthair agus ionchas na ró-acmhainneachta domhanda, chomh maith le staid eacnamaíoch thionscal an Aontais agus na forbairtí is déanaí maidir le bearta trádála ar allmhairí cruach arna nglacadh ag tríú tíortha, mar a shonraítear i Roinn 3. Ar an mbonn sin, chinn an Coimisiún gur gá bainistiú na dtaraif-chuótaí a oiriúnú, chun éifeachtacht an bhirt a áirithiú agus leas an Aontais á chur san áireamh.

(64)

I bhfianaise na mbarúlacha a fuarthas ó pháirtithe leasmhara, chinn an Coimisiún meastóireacht a dhéanamh ar an staid de réir catagóire ar fud na 26 chatagóir a áirítear sa choimirce. Is é is cuspóir don chur chuige sin éifeachtacht an bhirt a áirithiú i gcatagóirí a bhfuil brú mór allmhairiúcháin orthu, ach gan srian gan ghá a chur ar dheiseanna foinsithe do thionscail úsáideoirí an Aontais i gcatagóirí nach bhfuil brú allmhairiúcháin iontu.

(65)

Rinne an Coimisiún anailís ina mheasúnú go háirithe ar úsáid na gcuótaí sa bhliain choimirce roimhe sin, ar fhorbairt thomhaltas an Aontais agus ar sciar margaidh na n-allmhairí i ngach ceann de na catagóirí. Ina theannta sin, cuireadh acmhainneacht thionscal an Aontais a bhí ar fáil san áireamh chomh maith leis na foinsí soláthair a bhí ar fáil agus na hábhair imní shonracha a d’ardaigh na páirtithe leasmhara maidir le húsáid cuótaí. Thug an Coimisiún aird ar leith ar fhorbairtí na dtosca sin in 2024.

(66)

Ar an mbonn sin, ba chosúil, cé go leanann an beart de bheith éifeachtach i gcatagóirí áirithe, i roinnt mhaith catagóirí eile, gur tharla méadú ar mhéideanna allmhairí atá díréireach le forbairt an tomhaltais, rud a d’fhág go raibh brú mór ar allmhairí, i méideanna agus i bpraghsanna araon.

(67)

Mar sin féin, i measc na gcatagóirí ina bhfuil brú allmhairiúcháin ann, níl sé dian go haonfhoirmeach. Thairis sin, tá éagsúlacht i ndáileadh na n-allmhairí i measc na bhfoinsí atá ar fáil i measc na gcatagóirí freisin. I gcatagóirí áirithe, d’eascair an méadú ar allmhairí ó fhoinse amháin nó ó roinnt foinsí a d’úsáid formhór na méideanna a bhí ar fáil sa chuóta iarmharach, rud a bhrúigh amach soláthróirí traidisiúnta, agus brú mór ar phraghsanna á fheidhmiú ag an am céanna. Dá bhrí sin, ba léir nach bhfuil réiteach amháin ann a réiteodh na saincheisteanna éagsúla go léir a sainaithníodh sna catagóirí éagsúla.

(68)

Ar an mbonn sin, shainaithin an Coimisiún na catagóirí inar baineadh an bonn d’éifeachtacht an bhirt agus rinne sé iad a shórtáil de réir thromchúis an cháis i gceithre ghrúpa:

(69)

Cuirtear tuairisc mhionsonraithe ar gach grúpa i láthair sna ranna ina dhiaidh sin. Tá na sonraí is bunús leis na hanailísí sin ar fáil in Iarscríbhinn III.

(70)

Cumhdaítear leis an ngrúpa seo catagóirí 1A, 4A, 7, 21, 24. Sna catagóirí sin, breathnaíodh brú allmhairiúcháin an-mhór. I ngach ceann de na catagóirí seo, bhí úsáid na gcuótaí ag 84 % ar an meán, agus i gcatagóir 4A bhí an úsáid os cionn 100 %. Idir 2021 agus 2024, tháinig laghdú mór ar thomhaltas sna catagóirí sin. Tháinig laghdú 27 % ar thomhaltas i gcatagóir 4A, agus laghdú 17 % ar an meán i gcatagóirí 1A agus 24 agus 7 % i gcatagóirí 7 agus 21. Sa tréimhse is déanaí, thug an Coimisiún an treocht chéanna faoi deara. Idir 2023 agus 2024, tháinig laghdú ar thomhaltas i ngach catagóir, laghdú 6 % i gcatagóir 7 agus laghdú 3 % ar an meán i gcatagóirí 1A, 4A agus 24. I gcatagóir 21, tháinig laghdú 1 % ar thomhaltas. An tráth céanna, tháinig méadú mór ar na sciartha allmhairiúcháin i ngach catagóir, 9 % i gcatagóir 4A agus suas le 3 % i gcatagóirí 1A, 7, 21 agus 24.

(71)

Ó bhí 2021 ann, tá laghdú tagtha ar úsáid acmhainneachta an Aontais i ngach catagóir, lena n-áirítear sa tréimhse is déanaí. Agus an mheánúsáid acmhainneachta ag 68 %, mheas an Coimisiún go bhfuil acmhainneacht mhór ar fáil sna catagóirí sin.

(72)

Cumhdaítear leis an ngrúpa seo catagóirí 2, 5, 6, 14, 16, 17, 18, 20, 22 agus 25B. Sna catagóirí sin, bhí an brú allmhairiúcháin a breathnaíodh, cé nach raibh sé chomh dian leis an mbrú i ngrúpa 1, fós mór. I ngach ceann de na catagóirí seo, bhí úsáid na gcuótaí ag 90,2 % ar an meán, agus i gcatagóirí 14, 18 agus 25B bhí an úsáid os cionn 100%. Idir 2021 agus 2024, tháinig laghdú mór ar thomhaltas i ngach catagóir seachas catagóir amháin. Tháinig laghdú 22 % ar thomhaltas i gcatagóirí 2 agus 16, agus 17 % ar an meán i gcatagóirí 6, 14 agus 18 agus 8% i gcatagóirí 5, 17, 20 agus 22. Ag an am céanna, tháinig méadú ar sciartha allmhairí i ngach catagóir. Sa tréimhse is déanaí, thosaigh tomhaltas ag méadú i ngach catagóir seachas catagóir 14. Mar sin féin, bhí brú mór fós ar allmhairí i bhfianaise úsáid ard na gcuótaí agus an mhéadaithe ar sciar margaidh na n-allmhairí ó 2021.

(73)

Ó bhí 2021 ann, tá laghdú tagtha ar úsáid acmhainneachta an Aontais i ngach catagóir. Lean an treocht sin ar aghaidh sa tréimhse is déanaí, cé is moite de chatagóirí 5, 6 agus 16, áit a raibh méadú beag ar úsáid acmhainneachta, cé go raibh sé fós i bhfad faoi bhun leibhéil 2022. Agus an mheánúsáid acmhainneachta ag 54 % agus an ráta is airde ag 70 % (catagóir 5), mheas an Coimisiún go bhfuil acmhainneacht shubstaintiúil ar fáil sna catagóirí sin.

(74)

Cumhdaítear leis an ngrúpa seo catagóirí 3B, 13, 15, 26. Sna catagóirí seo, bhí úsáid an chuóta 65 % ar an meán. Idir 2021 agus 2024, tháinig laghdú ar thomhaltas i ngach catagóir agus tháinig méadú go sonrach ar allmhairí. Idir 2023 agus 2024, i bhformhór na gcatagóirí inar tháinig laghdú ar thomhaltas, tháinig laghdú ar an sciar allmhairí freisin (catagóirí 3B, 15 agus 26). Dá bhrí sin, agus na húsáidí cuóta i ngach catagóir á gcur san áireamh, bhí an brú allmhairiúcháin níos measartha sa ghrúpa seo.

(75)

Ó bhí 2021 ann, tá laghdú tagtha ar úsáid acmhainneachta an Aontais i ngach catagóir. Lean an treocht sin ar aghaidh sa tréimhse is déanaí, cé is moite de chatagóirí 13 agus 15, áit a raibh méadú beag ar úsáid acmhainneachta, cé go raibh sé fós faoi bhun leibhéil 2022. Agus an mheánúsáid acmhainneachta ag 60 % agus an ráta is airde ag 67 % (catagóir 26), mheas an Coimisiún go bhfuil acmhainneacht shubstaintiúil ar fáil sna catagóirí sin.

(76)

Cumhdaítear leis an ngrúpa seo catagóirí 1B, 3A, 4B, 8, 9, 10, 12, 19, 25A, 27 agus 28. Sa ghrúpa sin, níor braitheadh aon bhrú allmhairiúcháin nó níor braitheadh ach brú íosta allmhairiúcháin, toisc go raibh úsáid an chuóta íseal i ngach catagóir seachas catagóir amháin. Dá bhrí sin, mheas an Coimisiún gan aon choigeartú a chur i bhfeidhm sna catagóirí sin ionas nach gcuirfí srian gan ghá ar dheiseanna foinsithe do thionscail úsáideoirí an Aontais. I gcatagóir 4B, chuir páirtithe leasmhara fianaise dhiongbháilte i láthair a léirigh go bhfuil coinneáil an status-quo ag teacht le leas an Aontais.

(77)

Ó bhí 2021 ann, tá laghdú tagtha ar úsáid acmhainneachta an Aontais i ngach catagóir. Lean an treocht sin ar aghaidh sa tréimhse is déanaí, ach tá an ráta úsáide ag méadú i gcatagóirí 4B, 8, 9 agus 19, cé go bhfuil sé fós faoi leibhéil 2022. Agus an mheánúsáid acmhainneachta ag 56 %, in éineacht le meánúsáid íseal an chuóta (faoi bhun 50 %), mheas an Coimisiún nár sainaithníodh aon bhrú allmhairiúcháin agus go bhfuil sé chun leas an Aontais gan an beart a choigeartú sna catagóirí sin.

(78)

Tar éis dó na catagóirí a shainaithint inar baineadh an bonn d’éifeachtacht an bhirt, mheas an Coimisiún gur ghá sraith coigeartuithe agus mionchoigeartuithe a thabhairt isteach ar bhainistiú na dtaraif-chuótaí sna catagóirí sin, chun iad a ailíniú níos fearr le héabhlóid an mhargaidh agus chun feidhmiú an bhirt a fheabhsú. Cé go bhfuil cuid de na coigeartuithe sin de chineál cothrománach, baineann an chuid is mó díobh go sonrach le catagóirí áirithe táirgí.

(79)

Rinne páirtí leasmhar amháin trácht ar bhrú amach táirge an-sonrach i gcatagóir 1 mar thoradh ar an uasteorainn 15 % a thabhairt isteach sa dara hathbhreithniú ar fheidhmiú.

(80)

Measann an Coimisiún go bhfuil na táirgí sin an-speisialaithe agus go bhfuil luach i bhfad níos airde acu i gcomparáid le táirgí eile i gcatagóir 1.

(81)

Ina mheasúnú, dheimhnigh an Coimisiún go raibh iarmhairt neamhbheartaithe ag tabhairt isteach na huasteorann 15 % gur ídíodh fochuóta 09.8452 laistigh den chuóta iarmharach do chatagóir 1 ar an gcéad lá i ngach ceann de na trí chás ó tugadh isteach é i mí Iúil 2024 (40). (41) (42) Mar thoradh air sin, ní raibh na táirgí nideoige laistigh de chatagóir 1 faoi chód AC 7212 60 00 in ann tairbhe a bhaint as cuóta saor ó dhleacht ar chor ar bith.

(82)

Is é an bealach is oiriúnaí chun déileáil go héifeachtach leis an gcás seo an catagóir seo a roinnt ina dhá chuid: cumhdaítear le cuóta fo-tharaife (catagóir 1B) cód AC thuasluaite an táirge an-sonrach, agus áirítear na cóid eile i gcatagóir 1A. Ní cosúil go gcruthaíonn deighilt den sórt sin aon ualach díréireach ar na húdaráis chustaim. Is i dTábla 9 atá sreafaí trádála traidisiúnta tháirge 1B a úsáidtear chun taraif-chuótaí iomchuí a ríomh.

Tábla 9

Allmhairí i gCatagóir 1B i dtonaí

(83)

Leis an deighilt atá beartaithe, d’áiritheofaí go mbeadh na méideanna is gá ar fáil don táirge nideoige san Aontas agus chaomhnófaí sreafaí trádála traidisiúnta i dtéarmaí méideanna agus tionscnamh.

(84)

Faoi rialacha EDT (43) agus an Aontais (44), déanfaidh Comhalta EDT a chuireann beart coimirce i bhfeidhm é a léirscaoileadh de réir a chéile go tráthrialta le linn na tréimhse cur i bhfeidhm tar éis é a bheith forchurtha ar feadh bliain amháin. Is é cuspóir an léirscaoilte tuilleadh iomaíochta allmhairiúcháin isteach sa mhargadh a cheadú de réir a chéile agus tá an tionscal intíre ag dul in oiriúint do leibhéal méadaithe na n-allmhairí.

(85)

Ní shuitear le dlí EDT aon cheanglas ar leith maidir le foirm nó luas coincréiteach an léirscaoilte, ach amháin gur cheart an léirscaoileadh sin a dhéanamh de réir a chéile agus go tráthrialta le linn na tréimhse cur i bhfeidhm.

(86)

Léirscaoileadh beart coimirce cruach an Aontais go bliantúil ó bhí 2019 ann agus rinneadh a iomchuí atá an ráta léirscaoilte a mheasúnú agus a mhodhnú roinnt uaireanta (45). Is é 1 % an ráta léirscaoilte bliantúil atá i bhfeidhm faoi láthair ó mhí Iúil 2024.

(87)

Chun a chinneadh an bhfuil an leibhéal léirscaoilte atá i bhfeidhm faoi láthair iomchuí, rinne an Coimisiún anailís shiarbhreathnaitheach agus réamhbhreathnaitheach araon.

(88)

Ina measúnú siarbhreathnaitheach, léirítear leis na sonraí gur sháraigh an ráta léirscaoilte an éabhlóid tomhaltais. Cé gur méadaíodh taraif-chuótaí faoi bheagnach 25 % (lena n-áirítear breisiú 5 % is infheidhme ó mhí Feabhra 2019), tháinig laghdú 14 % ar thomhaltas le linn na tréimhse céanna. In 2024, tháinig laghdú 1 % (-18 milliún tona) ar an éileamh domhanda ar chruach i gcomparáid le 2023, rud atá contrártha leis an bhfás + 1.7 % a bhfuiltear ag súil leis le haghaidh 2024. Leis na treochtaí contrártha sin, leathnaíodh an bhearna idir leibhéal na dtaraif-chuótaí agus éileamh an mhargaidh go mór.

(89)

Maidir leis an measúnú réamhbhreathnaitheach, mar a mhínítear i Roinn 3 thuas, ní fhoráiltear leis na hionchais mhargaidh is déanaí maidir le tomhaltas cruach domhanda ach téarnamh measartha in 2025 (leibhéil 2023 a bhaint amach), rud a mheastar a leanfaidh margadh an Aontais.

(90)

I bhfianaise na treochta diúltaí agus an ionchais dhiúltaigh le déanaí maidir le tomhaltas cruach i margadh cruach an domhain agus an Aontais, mheas an Coimisiún nach bhfuil sé chun leas an Aontais an bhearna mhór atá ann faoi láthair idir luas an mhéadaithe ar mhéideanna taraif-chuótaí agus tomhaltas cruach a mhéadú a thuilleadh. Dá bhrí sin, mheas an Coimisiún go mbainfí an bonn go mór d’éifeachtacht an bhirt dá gcoinneofaí nó dá méadófaí an ráta 1 % atá ann faoi láthair.

(91)

Ar na cúiseanna sin, measann an Coimisiún gur iomchuí an ráta léirscaoilte a shuí ag 0.1 % chun éifeachtacht an bhirt a áirithiú.

(92)

Dá bhrí sin, tiocfaidh méadú 0.1 % ar na taraif-chuótaí fós ón 1 Iúil 2025 ar aghaidh do gach catagóir táirge. Leagtar amach na méideanna sonracha don tréimhse 1 Iúil 2025 – 30 Meitheamh 2026 (ar bhonn ráithiúil) in Iarscríbhinn II a ghabhann leis an Rialachán seo.

(93)

In éineacht le coigeartuithe eile a chuirtear i láthair sa Rialachán seo, leis an ráta léirscaoilte seo, rannchuideofar le feabhas a chur ar éifeachtacht an bhirt i dtréimhse ina bhfuil margadh an Aontais ag fulaingt teannais faoi thionchar allmhairí, teannas atá ann mar thoradh ar éifeachtaí diúltacha na ró-acmhainne agus ar na freagairtí a eascraíonn as sin ar fud an domhain, i gcomhthéacs éilimh laig. Beidh méideanna leordhóthanacha saor ó dhleacht ag úsáideoirí an Aontais fós faoi tharaif-chuótaí atá ann cheana.

(94)

De réir roinn 2 den fhógra tionscnaimh, d’fhógair an Coimisiún go ndéanfadh sé athbhreithniú chun a chinneadh ar sháraigh allmhairí ó Chomhalta EDT atá i mbéal forbartha an tairseach 3 % sa tréimhse lena mbaineann (2024) agus, más gá, go ndéanfadh sé an liosta a thabhairt cothrom le dáta de Chomhaltaí EDT ar tíortha i mbéal forbartha iad ar cheart iad a áireamh, nó a eisiamh, ó raon feidhm an bhirt.

(95)

De réir Airteagal 9 de Chomhaontú EDT maidir le Bearta Cosanta agus Airteagal 18 den bhun-Rialachán Coimirce, ní chuirfear beart coimirce i bhfeidhm in aghaidh táirge de thionscnamh Chomhalta EDT ar tír i mbéal forbartha í, fad a fhanann a sciar allmhairí faoi 3 % d’iomlán na n-allmhairí i gcatagóir táirgí ar leith. Má bhíonn sciar allmhairí Chomhaltaí EDT uile ar tíortha i mbéal forbartha iad faoin tairseach 3 % ina sciar níos mó ná 9 % d'iomlán na n-allmhairí i gcatagóir ar leith, beidh feidhm ag an mbeart coimirce ar gach comhalta EDT ar tír i mbéal forbartha é. Rinne an Coimisiún liosta na dtíortha i mbéal forbartha a athbhreithniú agus a thabhairt cothrom le dáta go tráthrialta.

(96)

Tugadh an liosta cothrom le dáta an uair dheireanach i mí an Mheithimh 2024, i gcomhthéacs an imscrúdaithe athbhreithnithe roimhe seo chun measúnú a dhéanamh ar shíneadh a d’fhéadfaí a chur leis an mbeart coimirce (46). Mar a rinne sé in imscrúduithe athbhreithnithe roimhe seo, thug an Coimisiún liosta na dtíortha i mbéal forbartha atá faoi réir an bhirt, agus eisiata uaidh, cothrom le dáta bunaithe ar ríomh dá sciar allmhairí agus na sonraí allmhairiúcháin comhdhlúthaithe is déanaí á n-úsáid, i.e. staitisticí allmhairithe na bliana 2024. Níor measadh gur iomchuí aon athrú ar an modheolaíocht a úsáideadh in athbhreithnithe roimhe seo.

(97)

Is iad seo a leanas na hathruithe mar thoradh ar an liosta cothrom le dáta sin is infheidhme ón 1 Aibreán 2025 (tábla cothrom le dáta in Iarscríbhinn I a ghabhann leis an Rialachán seo):

(98)

Mar gheall ar chóras na gcuótaí nár úsáideadh a thabhairt anonn ó ráithe go ráithe laistigh de bhliain choimirce (47), is iondúil gurb í an ráithe dheireanach de bhliain choimirce (Aibreán-Meitheamh) an ráithe ina mbíonn na méideanna nár úsáideadh is airde. Chun an úsáid is mó is féidir a bhaint as cuótaí ag deireadh na bliana coimirce, mheas an Coimisiún gurb é leas an Aontais sásra a thabhairt isteach sa Rialachán cinntitheach trína bhféadfadh onnmhaireoirí móra a bhfuil a gcuóta tír-shonrach ídithe acu rochtain a fháil freisin ar mhéideanna iarmharacha na gcuótaí sa ráithe dheireanach. Ba é cuspóir an tsásra sin a sheachaint go bhféadfadh sé nach n-úsáidfí méideanna na gcuótaí iarmharacha.

(99)

Faoin gcéad athbhreithniú ar fheidhmiú in 2019, thug an Coimisiún dá aire go bhféadfadh sé go ndéanfar soláthróirí níos lú a bhrú amach go míchuí sna cuótaí iarmharacha mar thoradh ar an gcóras seo. D'fhairsingigh an treocht seo go níos mó catagóirí tar éis 2019. Dá bhrí sin, sa dara athbhreithniú ar fheidhmiú, cheap an Coimisiún córas trína mbeadh rochtain na dtíortha atá faoi réir cuóta tírshonrach ar an gcuóta iarmharach sa ráithe dheireanach de bhliain choimirce bunaithe ar an úsáid iarbhír ar bhain na tíortha sin as an gcuóta iarmharach sna ráithí roimhe sin faoi réir an taraif-chuóta iarmharaigh. D’fhéach an coigeartú seo leis na sreabha a chosaint sa ráithe dheireanach de sholáthróirí níos lú arb iad tairbhithe nádúrtha na gcuótaí iarmharacha iad (48).

(100)

D’fhonn díláithriú tionscnaimh thraidisiúnta a íoslaghdú sna cuótaí iarmharacha, agus ag leanúint de rochtain bhreise a cheadú sna catagóirí sin i gcás inar gá úsáid uasta an chuóta a áirithiú, chruthaigh an Coimisiún córas trína dtiocfadh gach catagóir táirge laistigh de cheann amháin de na trí ghrúpa seo a leanas, a chomhfhreagraíonn do thrí chás rochtana dhifriúla. Chomhlíon an córas sin ceann de na príomhphrionsabail agus príomhchuspóirí an bhirt chosanta, is é sin, a áirithiú go gcaomhnaítear sreabha trádála traidisiúnta ó thaobh tionscnaimh de.

(101)

Is iad seo a leanas na trí chóras atá i bhfeidhm faoi láthair:

(102)

Leis an gcóras, bhí tíortha a bhí faoi réir cuóta tírshonrach in ann dul thar a sreabhadh trádála traidisiúnta i bhformhór na gcatagóirí táirgí trí rochtain a fháil ar an gcuóta iarmharach sa ráithe dheireanach de thréimhse nuair nach raibh na soláthróirí reatha in ann na cuótaí a úsáid. Meabhraíonn an Coimisiún gur tugadh an sásra sin isteach ar dtús chun leas an Aontais chun a sheachaint go bhféadfadh sé nach n-úsáidfí méideanna na gcuótaí iarmharacha, rud a d’fhéadfadh teorainn a chur le deiseanna foinsithe agus le soláthar do thionscail úsáideoirí an Aontais murach sin.

(103)

Mar sin féin, i gcomhthéacs reatha an luasmhoillithe ghinearálta i margadh cruach an Aontais, measann an Coimisiún nach iomchuí a thuilleadh rochtain ráithe 4 a thabhairt do shealbhóirí cuótaí tírshonracha sna catagóirí sin inar sainaithníodh brú allmhairiúcháin agus tomhaltas laghdaitheach (grúpaí 1, 2 agus 3). Sna cásanna sin, bhí tionchar diúltach ag allmhairí ar staid eacnamaíoch thionscal an Aontais, mar a shonraítear i Roinn 3.3.

(104)

Thairis sin, shuigh an Coimisiún freisin ar bhonn na bhfreagraí ar an gceistneoir ó thionscal an Aontais go raibh acmhainneacht leordhóthanach ag tionscal an Aontais sna catagóirí sin go léir chun éileamh féideartha na n-úsáideoirí a chomhlíonadh.

(105)

Ar an mbonn sin, ba cheart go ndéanfar na córais rochtana de réir catagóire táirgí a choigeartú mar a leanas (le haghaidh méideanna sonracha féach Iarscríbhinn II a ghabhann leis an Rialachán seo):

Is iad seo a leanas na catagóirí nach mbeadh feidhm ag an gcóras seo maidir leo:

Córas speisialta: 4B

(106)

Leis na coigeartuithe sin, ní bhainfear an bonn de phríomhphrionsabail an bhirt coimirce, is é sin, a áirithiú go gcaomhnófar sreafaí trádála traidisiúnta ó thaobh tionscnaimh de.

(107)

Tá na hathruithe a eascraíonn as an nuashonrú seo infheidhme ón 1 Aibreán 2025.

(108)

Tar éis fogha gan údar a thug an Rúis faoin Úcráin, chuir an tAontas Eorpach cosc ar allmhairiú táirgí áirithe cruach de thionscnamh na Bealarúise agus na Rúise (49). Mar thoradh ar na bearta sin, ní raibh allmhairí ón mBealarúis agus ón Rúis a bhí faoi réir an bhirt coimirce in ann teacht isteach san Aontas a thuilleadh. Dá bhrí sin, mheas an Coimisiún gurb é leas an Aontais é feidhmiú an bhirt coimirce a choigeartú trí na méideanna allmhairí de thionscnamh na Rúise agus na Bealarúise (na méideanna smachtbhannaí) a athdháileadh i ngach catagóir táirgí i gcás ina raibh cuótaí tírshonracha ag na tíortha sin, i measc tíortha onnmhairiúcháin eile atá faoi réir an bhirt coimirce bunaithe ar a sciartha faoi seach d’allmhairí foriomlána in 2021.

(109)

Meabhraíonn an Coimisiún gur chun leas an Aontais a rinneadh an cinneadh sin, i gcomhréir le hionchais an mhargaidh an tráth sin, chun a áirithiú nach gcruthófar leis na toirmisc sin ar allmhairí ganntanas soláthair i margadh an Aontais sna catagóirí lena mbaineann, agus gur féidir le húsáideoirí cruach an Aontais leanúint de na méideanna sin a fhoinsiú saor ó dhleacht ó fhoinsí eile. Leis an gcinneadh sin, méadaíodh rochtain na gcomhpháirtithe trádála uile ar mhéideanna saor ó dhleacht, thar a sreafaí trádála traidisiúnta.

(110)

Mar sin féin, mar a mhínítear i Roinn 3 thuas, i bhfianaise chomhthéacs reatha an luasmhoillithe ghinearálta i margadh cruach an Aontais agus an t-ionchas maidir leis amach anseo, measann an Coimisiún nach chun leas an Aontais a thuilleadh na méideanna sin a bheith ar fáil sna catagóirí ina bhfuil an brú allmhairiúcháin is mó roimh thionscal an Aontais, agus i gcás ina bhfuil laghdú sonrach tagtha ar thomhaltas.

(111)

Dá bhrí sin, chun éifeachtacht an bhirt a choinneáil ar bun, measann an Coimisiún gurb iomchuí an t-athdháileadh a rinneadh roimhe sin a aisiompú go hiomlán nó go páirteach sna catagóirí sin a thagann faoi ghrúpaí 1 agus 2.

(112)

Dá réir sin, measann an Coimisiún gurb iomchuí an t-athdháileadh sin a aisiompú i gcatagóir 24. Saintréith den chatagóir sin is ea treocht laghdaitheach tomhaltais in 2024 (-7 %), agus faigheann allmhairí sciar den mhargadh (+4 %). Trí athdháileadh na dtaraif-chuótaí a aisiompú, déanfar na taraif-chuótaí a ailíniú leis an éileamh atá ann faoi láthair agus leis an éileamh réamh-mheasta, gan an baol a bheith ann go mbeidh ganntanas soláthair ann toisc go mbeidh méideanna leordhóthanacha saor ó dhleacht fós ar fáil do thionscail úsáideoirí.

(113)

Maidir le catagóirí 1A, 7, 16 agus 21, measann an Coimisiún freisin gurb iomchuí athdháileadh 65 % de na méideanna a aisiompú. Léiríonn na catagóirí sin laghdú ar thomhaltas in 2024, agus faigheann allmhairí sciar den mhargadh. Dá n-aisiompófaí athdháileadh na méideanna iomlána atá faoi réir smachtbhannaí, áfach, bheadh baol ann go mbeadh ganntanas soláthair ann do thionscail úsáideoirí. Dá bhrí sin, mheas an Coimisiún gurbh iomchuí 35 % de na méideanna atá faoi réir smachtbhannaí sna catagóirí sin a athdháiltear thar gach tionscnamh a choinneáil.

(114)

Tá na méideanna sonracha le fáil in Iarscríbhinn II a ghabhann leis an Rialachán seo. Tá na hathruithe a eascraíonn as an nuashonrú seo infheidhme ón 1 Aibreán 2025.

(115)

Agus an beart coimirce cinntitheach á dhearadh, agus sna hathbhreithnithe ina dhiaidh sin, d’fhéach an Coimisiún le sreabha trádála traidisiúnta a chaomhnú i dtéarmaí méideanna agus tionscnamh. Baineadh amach an cuspóir chun méideanna traidisiúnta a chaomhnú trí tharaif-chuótaí a ríomh bunaithe ar shreabha trádála a bhí ann roimhe seo, agus baineadh amach an cuspóir chun tionscnaimh thraidisiúnta a chaomhnú trí chuótaí tírshonracha a shuí.

(116)

Mar thoradh ar an gcóras sin, áfach, d’fhéadfadh tíortha traidisiúnta soláthair níos lú, nár cháiligh do chuóta tírshonrach i gcatagóirí táirgí áirithe, a bheith neamhchosanta ar éifeacht ‘brú amach’ laistigh de na taraif-chuótaí iarmharacha. Dá bhrí sin, sa dara hathbhreithniú maidir le fadú, mheas an Coimisiún gurbh iomchuí uasteorainn 15 % a thabhairt isteach in aghaidh na tíre aonair i gcatagóirí 1 agus 16.

(117)

I bhfianaise na maíomh ó pháirtithe leasmhara gur mhéadaigh onnmhaireoirí áirithe a n-onnmhairí go mór i gcatagóirí sonracha laistigh den chuóta iarmharach, rud a d’fhág gur brúdh amach cinn eile, rinne an Coimisiún measúnú ar an staid i ngach ceann de na 26 chatagóir. Deimhníodh leis an anailís go bhfuil laghdú ar onnmhairí soláthróirí traidisiúnta chuig an Aontas faoi chuótaí iarmharacha i roinnt catagóirí mar thoradh ar fhorbairtí sa mhargadh le déanaí agus go bhfuil méadú ar onnmhairí ó sholáthróirí eile faoi na cuótaí iarmharacha céanna. Chuir an t-athrú sin ar shreafaí trádála isteach ar chomhardú na dtionscnamh sna taraif-chuótaí iarmharacha, rud a d’imir tionchar diúltach ar fheidhmiú an bhirt i roinnt catagóirí.

(118)

I gcatagóirí eile, d’aithin an Coimisiún go bhfuil baol ann go mbeidh plódú ann. Mar a pléadh i Roinn 3, cuireann roinnt tosca leis an riosca sin, go príomha na forbairtí is déanaí maidir le bearta trádála ar allmhairí cruach arna nglacadh ag tríú tíortha, in éineacht le saincheist leanúnach na ró-acmhainneachta domhanda, an mhéadaithe ar onnmhairí cruach ón tSín agus an mhéadaithe ar acmhainneacht shuiteáilte ar fud an domhain. Chruthódh na forbairtí sin tuilleadh teannais ar na margaí cruach, rud a mhéadódh an gar-riosca go mbrúfaí amach sreafaí trádála traidisiúnta mar gheall ar atreorú breise trádála isteach san Aontas.

(119)

Bunaithe ar an méid thuas, measann an Coimisiún gurb iomchuí teorannú a fhorchur ar an uasmhéid is féidir le tír aonair amháin a onnmhairiú faoin taraif-chuóta iarmharach sna catagóirí sin ina dtarlaíonn brú amach, nó ina sainaithnítear riosca brú amach.

(120)

Bhí sé d’aidhm ag an gCoimisiún leibhéil na n-uasteorainneacha a chalabrú chun cothromaíocht a áirithiú idir (an baol) brú amach a chosc agus deiseanna leordhóthanacha foinsithe a chaomhnú do thionscail úsáideoirí an Aontais.

(121)

I bhfianaise an mheasúnaithe thuas, agus tar éis na leasanna uile atá i gceist a mheas go cúramach, ba cheart na huasteorainneacha seo a leanas a chur i bhfeidhm do na tíortha agus do na catagóirí:

(122)

Sainaithníodh na leibhéil sin d’fhonn é a chur ar a gcumas do sholáthróirí atá ann cheana faoin gcuóta iarmharach leanúint dá sreafaí trádála stairiúla (agus léirscaoilte) a onnmhairiú, agus cobhsaíocht na sreafaí trádála traidisiúnta do thíortha a bhí i mbaol brú amach a choinneáil ag an am céanna.

(123)

Measann an Coimisiún go bhfuil na coigeartuithe sin chun leas foriomlán an Aontais toisc go gcuireann na huasteorainneacha calabraithe feabhas ar fheidhmiú agus ar éifeachtacht an bhirt coimirce tríd an riosca a bhaineann le brú amach míchuí a íoslaghdú. Ag an am céanna, áirithíonn siad éagsúlacht leordhóthanach i bhfoinsí soláthair d’úsáideoirí an Aontais, rud a thugann rochtain leanúnach dóibh ar roghanna foinsithe iomaíocha agus éagsúla.

(124)

Tá na hathruithe a eascraíonn as an nuashonrú seo infheidhme ón 1 Aibreán 2025.

(125)

Mheas an Coimisiún gurb é leas an Aontais é ligean d’úsáideoirí an Aontais an úsáid is iomláine a bhaint as na méideanna saor ó dhleacht faoi na taraif-chuótaí agus, dá bhrí sin, ceadaíodh sa Rialachán Cinntitheach leithdháiltí ráithiúla taraif-chuótaí nár úsáideadh a thabhairt anonn go huathoibríoch go dtí an chéad tréimhse eile.

(126)

San imscrúdú reatha, áfach, thug an Coimisiún faoi deara gur chuir tabhairt anonn méideanna den sórt sin le brú allmhairiúcháin a mhéadú i ráithí áirithe agus i gcatagóirí áirithe.

(127)

Agus comhthéacs reatha an luasmhoillithe ghinearálta i margadh cruach an Aontais agus an t-ionchas maidir leis amach anseo á chur san áireamh, mheas an Coimisiún nach chun leas an Aontais a thuilleadh é cuótaí nár úsáideadh a thabhairt anonn, go sonrach sna catagóirí ina bhfuil an brú allmhairiúcháin is mó roimh thionscal an Aontais, agus ina bhfuil laghdú tagtha ar thomhaltas in 2024.

(128)

Ar an mbonn sin, measann an Coimisiún gur cheart an fhéidearthacht méideanna nár úsáideadh a thabhairt anonn ó ráithe chuóta amháin go dtí an chéad ráithe eile a aisghairm sna catagóirí ina sainaithnítear brú mór allmhairiúcháin (grúpaí 1 agus 2), is é sin, i gcatagóirí 1A, 2, 4A, 5, 6, 7, 14, 16, 17, 18, 20, 21, 22, 24, 25B.

(129)

Measann an Coimisiún go bhfuil an sásra tabhairt anonn fós iomchuí sna catagóirí ina sainaithnítear brú íseal allmhairiúcháin (grúpaí 3 agus 4), is é sin, i gcatagóirí 3A, 3B, 4B, 8, 9, 10, 12, 13, 15, 19, 25A, 26, 27, 28.

(130)

Tá feidhm ag na hathruithe a eascraíonn as an nuashonrú sin ón 1 Iúil 2025.

(131)

Na taraif-chuótaí, bídís tírshonrach nó iarmharach, a leithdháileadh bunaithe ar fheidhmíocht onnmhairiúcháin i dtréimhse thagartha an imscrúdaithe bhunaidh (50). Ní féidir an tréimhse thagartha sin a athrú, mar a mhol tionscal an Aontais, os rud é go mbeadh athríomh na dtaraif-chuótaí uile bunaithe ar shreafaí níos déanaí, a chumhdaítear leis an mbeart, i gcoinne an chuspóra sreafaí trádála traidisiúnta a choinneáil ar bun.

(132)

Tugann an Coimisiún dá aire go mbeadh méadú na dleachta lasmuigh den chuóta contrártha don oibleagáid maidir le léirscaoileadh forchéimnitheach an bhirt faoi Airteagal 19(4) den Rialachán maidir le Beart Coimirce Bunúsach agus Airteagal 7(4) de Chomhaontú EDT maidir le Beart Coimirce.

(133)

Maidir leis an iarraidh a bhaineann leis an dleacht a roinnt ar bhonn pro rata lá ídithe an chuóta, bunaítear le hAirteagal 51.4 de Rialachán Cur Chun Feidhme (AE) 2015/2447 ón gCoimisiún (51) go leithdháilfear dleachtanna ar bhonn pro rata.

(134)

Dhearbhaigh tionscal an Aontais gur féidir córas den sórt sin a chur chun feidhme mar sin féin. D’ainneoin an mhéid thuas, measann an Coimisiún córas a thabhairt isteach atá bunaithe ar Tús Freastail ar an gCeann is Túisce chun dualgais a leithdháileadh nach bhfuil praiticiúil lena gcur chun feidhme. Bheadh córas den sórt sin ag brath ar uainiú beacht na gclárúchán allmhairiúcháin a shainaithint, rud a mbeadh tionchar ag tosca seachtracha air, amhail éifeachtúlacht agus luas na 27 n-údarás custaim náisiúnta maidir le hallmhairí a chlárú. Mar thoradh air sin, measann an Coimisiún nach mbeadh cur chuige den sórt sin chun leas an Aontais, toisc go bhféadfadh sé éiginnteachtaí dlíthiúla substaintiúla a chruthú d’allmhaireoirí an Aontais.

(135)

Mar sin féin, measann an Coimisiún go dtabharfar aghaidh ar an tsaincheist bhunúsach, ar ídiú an-tapa é ar tharaif-chuótaí áirithe go minic laistigh de lá amháin, trí choigeartuithe eile, go sonrach trí uasteorainneacha a thabhairt isteach ar an uasmhéid is féidir le tír aonair amháin a onnmhairiú faoin taraif-chuóta iarmharach i gcatagóirí ina dtarlaíonn ídiú tapa den sórt sin.

(136)

D’áitigh páirtithe leasmhara áirithe gur cheart an cuóta i gcatagóirí áirithe a dhomhandú chun úsáid iomlán an mhéid leithdháilte a éascú agus dáileadh cothrom i measc na gcomhpháirtithe onnmhairiúcháin uile á áirithiú ag an am céanna.

(137)

Tugann an Coimisiún dá aire gur cinneadh sa Rialachán Cinntitheach (52) gurb é córas cuótaí ráta taraife tírshonrach an córas is iomchuí chun sreafaí trádála traidisiúnta a áirithiú agus, dá bhrí sin, gur socraíodh mar réamhshocrú é. Níor thug an Coimisiún riarachán domhanda isteach ach amháin in imthosca eisceachtúla agus mar gheall ar éilimh a bhfuil údar cuí leo (53).

(138)

Measann an Coimisiún nár thug na páirtithe leasmhara údar leordhóthanach maidir leis an bhfáth go bhfuil an córas réamhshocraithe mí-oiriúnach do na catagóirí sonraithe, ná nár léirigh siad conas a d’fhreastalódh coigeartú den sórt sin ar leas foriomlán an Aontais.

(139)

Mhaígh tionscal an Aontais go dtagann táirgí cruach na Síne isteach i margadh an Aontais fós ar phraghsanna an-íseal, d’ainneoin iad a bheith faoi réir bearta frithdhumpála. Tugann an Coimisiún dá aire nach dtabharfar aghaidh ar na hábhair imní a chuir tionscal an Aontais in iúl trí chuótaí tírshonracha a athbhunú don tSín i gcatagóirí inar athdháileadh na méideanna sin roimhe seo mar gheall ar bhearta frithdhumpála a bheith ann, os rud é go leanfadh allmhairí ón tSín de bheith ag teacht isteach sa mhargadh, ach faoi chuóta tírshonrach ina ionad sin.

(140)

Dhearbhaigh páirtí leasmhar amháin (táirgeoir onnmhairiúcháin ón Éigipt) gur chuir an uasteorainn 15 % i gcatagóir 1 a tugadh isteach sa dara hathbhreithniú fadaithe srian ar a sreafaí trádála traidisiúnta. Tugann an Coimisiún dá aire nach dtugann aon sonraí ón bpáirtí leasmhar bunús leis an maíomh sin. D’ainneoin sin, measann an Coimisiún tar éis a anailíse féin go bhfuil an ráiteas sin mícheart. Ní sháraíonn méideanna onnmhairí stairiúla na hÉigipte chuig an Aontas an uasteorainn 15 %, ná an uasteorainn 13 %.

(141)

Maidir leis an iarraidh ó thíortha onnmhairithe áirithe a bhfuil comhaontú déthaobhach acu leis an Aontas go ndéanfaí iad a eisiamh ó raon feidhme an bhirt, ba mhaith leis an gCoimisiún a mheabhrú nach gceanglaítear leis na comhaontuithe déthaobhacha atá i gceist allmhairí ó na tíortha faoi seach a eisiamh ón mbeart coimirce. Tá sé fionnta ag an gCoimisiún go gcomhlíontar coinníollacha na gcomhaontuithe déthaobhacha sin maidir le hallmhairí a bheith faoi réir bearta cosanta arna ndéanamh i gcomhréir le Comhaontú na hEagraíochta Domhanda Trádála maidir le Bearta Cosanta.

(142)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Choimircí a bunaíodh faoi Airteagal 3(3) de Rialachán (AE) 2015/478 agus faoi Airteagal 22(3) de Rialachán (AE) 2015/755 faoi seach,