‘5.   Ní bheidh feidhm ag Airteagal 1 maidir le haon chúnamh teicniúil ná oiliúint theicniúil a sholáthraíonn na Ballstáit d’fhórsaí slándála na Libia arb é is aidhm dóibh an próiseas maidir le hathaontú institiúidí míleata agus slándála na Libia a chur chun cinn, agus an próiseas sin amháin, ná maidir le hairm nó trealamh míleata a bheith á dtabhairt isteach go sealadach sa Libia, ar airm nó trealamh míleata iad atá beartaithe lena n-úsáid ag soláthraithe cúnaimh theicniúil agus oiliúna teicniúla den sórt sin nach soláthraithe de chuid na Libia iad, agus acu sin amháin, chun cúnamh den sórt sin a sheachadadh nó chun iad a úsáid go cosantach, mar a cuireadh in iúl roimh ré don Choiste.

6.   Ní bheidh feidhm ag Airteagal 1 maidir le haerárthaí míleata ná soithí cabhlaigh arna dtabhairt isteach go sealadach i gcríoch na Libia ag Ballstát, chun earraí a sheachadadh nó chun gníomhaíochtaí a éascú, agus sin amháin, ar ghníomhaíochtaí iad atá díolmhaithe ar shlí eile nó nach gcumhdaítear leis an trádbhac arm, lena n-áirítear cúnamh daonnúil, ná maidir le hairm agus ábhar gaolmhar chun críoch cosanta a fhanann i gcónaí ar bord an tsoithigh nó an aerárthaigh le linn dóibh a bheith sa Libia go sealadach, nó a bhíonn i gcónaí ar iompar ag aon phearsanra nach pearsanra de chuid na Libia iad a dhíbhordáil go sealadach ón soitheach nó ón aerárthach sin.’

‘1.   Déanfaidh na Ballstáit na bearta is gá chun teacht isteach ina gcríocha, nó idirthuras trína gcríocha, a chosc i gcás daoine arna n-ainmniú agus arna gcur faoi shrianta taistil ag an gComhairle Slándála nó ag an gCoiste i gcomhréir le mír 22 de Rún 1970 (2011) ó Chomhairle Slándála na Náisiún Aontaithe, mír 23 de Rún 1973 (2011) ó Chomhairle Slándála na Náisiún Aontaithe, mír 4 de Rún 2174 (2014) ó Chomhairle Slándála na Náisiún Aontaithe, mír 11 de Rún 2213 (2015) ó Chomhairle Slándála na Náisiún Aontaithe, mír 11 de Rún 2362 (2017) ó Chomhairle Slándála na Náisiún Aontaithe, mír 11 de Rún 2441 (2018) ó Chomhairle Slándála na Náisiún Aontaithe agus mír 18 de Rún 2769 (2025) ó Chomhairle Slándála na Náisiún Aontaithe, mar a liostaítear in Iarscríbhinn I.’