(1)

Le Rialachán Cur Chun Feidhme (AE) 2019/2072 ón gCoimisiún (2) bunaítear liosta plandaí, táirgí plandaí agus réada eile a bhfuil toirmeasc ar iad a thabhairt isteach san Aontas ó thríú tíortha áirithe. I gcomhréir le pointe 1 d’Iarscríbhinn VI a ghabhann leis an Rialachán sin, tá toirmeasc ar phlandaí Chamaecyparis Spach, Juniperus L. agus Pinus L. le haghaidh plandú, seachas torthaí agus síolta, a thabhairt isteach san Aontas.

(2)

Le Rialachán Cur Chun Feidhme (AE) 2020/1217 ón gCoimisiún (3) ceadaítear, de mhaolú ar phointe 1 d’Iarscríbhinn VI a ghabhann le Rialachán Cur Chun Feidhme (AE) 2019/2072, faoi choinníollacha áirithe, plandaí Chamaecyparis Spach, Juniperus L. agus speicis áirithe Pinus L. le haghaidh plandú, ar cuireadh srian fáis orthu go nádúrtha nó go saorga, de thionscnamh na Seapáine (na ‘plandaí sonraithe’), a thabhairt isteach san Aontas.

(3)

Tá dhá óstach le haghaidh a gcéimeanna spóir éagsúla ag lotnaidí coraintín de chuid an Aontais, ar nós Gymnosporangium spp., ar óstaigh iad atá éagsúil ar bhealach tacsanomaíoch. Dá bhrí sin, chun a áirithiú nach bhfuil na lotnaidí is ábhar imní i láthair sa limistéar, i gcás onnmhairiú plandaí Juniperus , is iomchuí ceanglais a thabhairt isteach maidir le cigireachtaí freisin i gcás plandaí Chaenomeles Lindl., Crataegus L., Cydonia Mill., Juniperus L., Malus Mill., Photinia Ldl. agus Pyrus L., ar de thionscnamh na láithreach táirgthe céanna iad ach nach gá go bhfuil siad ceaptha lena n-onnmhairiú isteach san Aontas.

(4)

I gcomhréir le hAirteagal 3 de Rialachán Cur Chun Feidhme (AE) 2020/1217, an maolú dá bhforáiltear sa Rialachán Cur Chun Feidhme sin, rachaidh sé in éag an 31 Nollaig 2024.

(5)

An 29 Márta 2024 d’iarr an tSeapáin síneadh a chur leis an maolú dá bhforáiltear i Rialachán Cur Chun Feidhme (AE) 2020/1217.

(6)

Tar éis idircheapadh Matsucoccus matsumurae (Kuwana) agus Homona magnanima Dyakonov maidir le plandaí Pinus ón tSeapáin ar cuireadh srian fáis orthu, ba cheart na lotnaidí sin a mheas mar lotnaidí is ábhar imní freisin, ar feitheamh a meastóireachta mar lotnaidí coraintín féideartha de chuid an Aontais.

(7)

Thairis sin, thángthas ar an gconclúid sa Tuairim ón Údarás Eorpach um Shábháilteacht Bia (EFSA) an 15 Márta 2019 (4) maidir le plandaí Chamaecyparis Spach agus Pinus parviflora Sieb. & Zucc. (Pinus pentaphylla Mayr), go raibh na plandaí sin ina n-óstaigh don lotnaid Urocerus japonicus (F. Sm.). Ar an gcúis sin, ba cheart an lotnaid sin a mheas mar lotnaid is ábhar imní le haghaidh na bplandaí sin agus ba cheart í a bheith faoi réir bearta iomchuí.

(8)

Le tabhairt isteach na bplandaí sonraithe san Aontas, faoi réir cheanglais Rialachán Cur Chun Feidhme (AE) 2020/1217, arna gcur i bhfeidhm go héifeachtach ag an tSeapáin, léiríodh riosca inghlactha fíteashláintíochta do chríoch an Aontais. Dá bhrí sin, ba cheart an maolú a dheonú an athuair.

(9)

Ba cheart an maolú sin a bheith faoi réir ceanglais atá cosúil leis na ceanglais sin a leagtar amach i Rialachán Cur Chun Feidhme (AE) 2020/1217. Ba cheart feidhm a bheith ag na ceanglais sin gan dochar do phointe 30 d’Iarscríbhinn VII a ghabhann le Rialachán Cur Chun Feidhme (AE) 2019/2072, maidir le plandaí le haghaidh plandú ar cuireadh srian fáis orthu go nádúrtha nó go saorga a thabhairt isteach san Aontas, seachas síolta.

(10)

Roinnt de na lotnaidí a bhfuil na plandaí sonraithe mar óstaigh acu, agus go háirithe na lotnaidí Coleosporium asterum (Dietel) Sydow & P. Sydow, Coleosporium paederiae Dietel ex Hirats. f., Coleosporium phellodendri Komarov, Crisicoccus pini (Kuwana), Dendrolimus spectabilis (Butler), Dendrolimus superans Butler, Matsucoccus matsumurae (Kuwana), Sirex nitobei Mats., Thecodiplosis japonensis Uchida & Inouye agus Urocerus japonicus (F. Sm.), níl siad liostaithe go fóill mar lotnaidí coraintín de chuid an Aontais, toisc nach ndearnadh measúnú iomlán ar a riosca fíteashláintíochta go fóill. Dá bhrí sin, ós rud é go dtugtar aghaidh leis an Rialachán seo ar riosca fíteashláintíochta ar leith nach bhfuil measúnú iomlán déanta air go fóill, ba cheart na ceanglais a chuirtear ar fáil leis a bheith de chineál sealadach de bhun Airteagal 7 de Rialachán Cur Chun Feidhme (AE) 2019/2072, chun go bhféadfar athbhreithniú iomlán a dhéanamh ar an riosca sin.

(11)

Tá na plandaí sonraithe mar óstaigh ag Homona magnanima. I gcomhréir le Rialachán Cur Chun Feidhme (AE) 2022/1941 ón gCoimisiún (5), níl sé le tabhairt isteach i gcríoch an Aontais ná le gluaiseacht laistigh di ná le coinneáil inti, le hiolrú ná le scaoileadh inti mar lotnaid atá faoi réir na mbeart dá dtagraítear in Airteagal 30 de Rialachán (AE) 2016/2031.

(12)

Ar chúiseanna deimhneachta dlíthiúla; ba cheart Rialachán Cur Chun Feidhme (AE) 2020/1217 a aisghairm agus ba cheart forálacha an Rialacháin seo a chur ina ionad.

(13)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

ciallaíonn ‘plandaí sonraithe’ plandaí le haghaidh plandú ar cuireadh srian fáis orthu go nádúrtha nó go saorga, de thionscnamh na Seapáine, ó na speicis seo a leanas:

(2)

ciallaíonn ‘lotnaid is ábhar imní’: