1.   Leis an Rialachán seo, leagtar síos rialacha le haghaidh chruthú agus fheidhmiú éifeachtach an Aerspáis Eorpaigh Aonair chun caighdeáin sábháilteachta aerthráchta a dhaingniú, rannchuidiú le forbairt inbhuanaithe an chórais aerthráchta agus feidhmíocht fhoriomlán na bainistíochta aerthráchta agus seirbhísí aerloingseoireachta a fheabhsú le haghaidh aerthrácht ginearálta san Eoraip, d’fhonn freastal ar riachtanais úsáideoirí uile aerspáis. Leis an Aerspás Eorpach Aonair, cuimseofar gréasán comhleanúnach uile-Eorpach, aerspás a ndéanfar comhtháthú air de réir a chéile, córais bainistíochta gréasáin agus córais bainistíochta aerthráchta bunaithe ar shábháilteacht, éifeachtúlacht, idir-inoibritheacht agus nuachóiriú teicneolaíochta, ar mhaithe leis na húsáideoirí uile aerspáis, leis na saoránaigh agus leis an gcomhshaol.

2.   Ní dochar cur i bhfeidhm an Rialacháin seo do cheannasacht na mBallstát ar a n-aerspás ná do cheanglais na mBallstát a bhaineann leis an mbeartas poiblí, leis an tslándáil phoiblí agus le hábhair chosanta, mar a leagtar amach in Airteagal 55. Ní chumhdaítear oibríochtaí míleata ná traenáil mhíleata leis an Rialachán seo. Áiritheofar go ndéanfar comhordú leis na húdaráis mhíleata chun aon tionchair a d’fhéadfadh a bheith ag cur i bhfeidhm an Rialacháin seo ar ghníomhaíochtaí míleata a shainaithint agus chun aghaidh a thabhairt orthu.

3.   Ní dochar cur i bhfeidhm an Rialacháin seo do chearta agus dualgais na mBallstát faoi Choinbhinsiún Chicago um Eitlíocht Shibhialta Idirnáisiúnta, 1944 (‘Coinbhinsiún Chicago’). Sa chomhthéacs sin, tá sé d’aidhm ag an Rialachán seo, i dtaca leis na réimsí a chlúdaítear ann, cabhair a thabhairt do na Ballstáit i ndáil le comhlíonadh a gcuid oibleagáidí faoi Choinbhinsiún Chicago trí bhonn a sholáthar maidir le léirmhíniú coiteann agus cur chun feidhme aonfhoirmeach a chuid forálacha, agus trína áirithiú go gcuirtear na forálacha sin san áireamh go cuí sa Rialachán seo agus sna rialacha a tharraingítear suas chun é a chur chun feidhme.

4.   Beidh feidhm ag an Rialachán seo maidir leis an aerspás laistigh de réigiún EUR ICAO i gcás ina bhfuil na Ballstáit freagrach as seirbhísí aerthráchta a sholáthar. Féadfaidh na Ballstáit an Rialachán seo a chur i bhfeidhm freisin maidir le haerspás atá faoina bhfreagracht laistigh de réigiúin ICAO eile, ar an gcoinníoll go gcuireann siad an Coimisiún agus na Ballstáit eile ar an eolas faoi sin.

1.   Déanfaidh na Ballstáit, go comhpháirteach nó ina n-aonar, comhlacht nó comhlachtaí a ainmniú nó a bhunú mar údarás maoirseachta náisiúnta chun na cúraimí a ghlacadh chuige féin a shanntar d’údarás den sórt sin leis an Rialachán seo.

2.   Feidhmeoidh an t-údarás maoirseachta náisiúnta a chuid cumhachtaí ar bhealach neamhchlaonta, neamhspleách agus trédhearcach agus beidh sé eagraithe, soláthraithe le foireann, bainistithe agus maoinithe dá réir.

3.   Gan dochar do mhír 1, beidh na húdaráis mhaoirseachta náisiúnta neamhspleách ar aon soláthraithe seirbhísí aerloingseoireachta, i dtéarmaí eagrúcháin, ordlathais agus cinnteoireachta, agus beidh siad leithleach go dlíthiúil nó go feidhmiúil ó sholáthraithe seirbhísí aerloingseoireachta. De bhreis air sin, ní bheidh aon chumhacht cinnteoireachta ag soláthraithe seirbhísí aerloingseoireachta maidir le leithdháileadh bhuiséid na n-údarás maoirseachta náisiúnta. Ar choinníoll go ráthaítear neamhspleáchas den sórt sin, féadfaidh údarás maoirseachta náisiúnta a bheith mar chuid den aireacht náisiúnta chéanna nó den riarachán náisiúnta céanna le soláthraí seirbhísí aerloingseoireachta.

4.   I gcás nach bhfuil údarás maoirseachta náisiúnta leithleach go dlíthiúil ó sholáthraí seirbhísí aerloingseoireachta, cuirfidh an Ballstát lena mbaineann an Coimisiún ar an eolas faoi na bearta a rinne sé chun a áirithiú go gcomhlíonann an t-údarás maoirseachta náisiúnta ceanglais mhír 3 agus doiciméadóidh sé an bealach a mbaintear amach a neamhspleáchas, agus a éifeachtaí atá neamhspleáchas den sórt sin á léiriú. Chuige sin, i gcás ina bhfuil an t-údarás maoirseachta náisiúnta agus an soláthraí seirbhísí aerloingseoireachta mar chuid den riarachán céanna, ní iarrfaidh an t-údarás maoirseachta náisiúnta orduithe ná ní ghlacfaidh sé orduithe ó leibhéal ordlathais den riarachán sin a bhfuil údarás aige ar an soláthraí seirbhísí aerloingseoireachta, a mhéid a bhaineann leis na cúraimí atá orthu faoi Airteagal 5 agus le cinntí gaolmhara.

5.   Féadfar údarás maoirseachta náisiúnta a nascadh le húdarás rialála eile, amhail údarás inniúil náisiúnta nó údarás náisiúnta iomaíochta dá dtagraítear in Airteagal 11 de Rialachán (CE) Uimh. 1/2003 ón gComhairle (19), ar choinníoll go ndéantar na cinntí a bhaineann leis na cúraimí a thugtar don údarás maoirseachta náisiúnta faoin Rialachán seo go neamhspleách ar chúraimí eile a thugtar don chomhúdarás. Sa chás sin, comhlíonfaidh an comhúdarás na ceanglais neamhspleáchais a leagtar amach san Airteagal seo.

Déanfar ionadaíocht ar an údarás maoirseachta náisiúnta in ábhair a bhaineann leis na cúraimí a leagtar amach in Airteagal 5 den Rialachán seo ar bhealach lena n-áirithítear neamhspleáchas a chinntí.

6.   Gan dochar don dlí náisiúnta maidir le seirbhísigh phoiblí a earcú, áiritheoidh na Ballstáit go n-earcófar foireann a n-údarás maoirseachta náisiúnta, lena n-áirítear an fhoireann shealadach, trí phróisis earcaíochta shoiléire thrédhearcacha, lena n-áirithítear a neamhspleáchas agus áiritheoidh siad go roghnófar foireann na n-údarás maoirseachta náisiúnta ar bhonn cáilíochtaí sonracha, lena n-áirítear inniúlacht iomchuí agus taithí ábhartha, nó go gcuirfear an oiliúint iomchuí uirthi, chun na cúraimí a leagtar amach in Airteagal 5 a chomhlíonadh go héifeachtach.

Leagfaidh na Ballstáit rialacha síos chun nach mbeidh coinbhleachtaí leasa ann i gcás na foirne, lena n-áirítear daoine a dhéanann cinntí lena bhfeidhmítear na cumhachtaí a leagtar amach i gCaibidil III den Rialachán seo, ionas gur féidir leis na húdaráis mhaoirseachta náisiúnta na cúraimí a leagtar amach in Airteagal 5 a dhéanamh go neamhspleách.

7.   Gan dochar d’Airteagal 30(3), áiritheoidh na Ballstáit go mbeidh na hacmhainní airgeadais agus na cumais is gá ag na húdaráis mhaoirseachta náisiúnta chun na cúraimí a leagtar amach in Airteagal 5 a dhéanamh go héifeachtúil agus go tráthúil.

8.   Tabharfaidh na Ballstáit fógra don Choimisiún faoi ainmneacha agus seoltaí a n-údarás maoirseachta náisiúnta, agus faoi aon athruithe a dhéantar orthu, agus faoi na bearta a dhéantar chun a áirithiú go comhlíonfar an tAirteagal seo.

1.   Déanfaidh údarás maoirseachta náisiúnta na cúraimí a shanntar dó faoin Rialachán seo agus faoi Rialachán (AE) 2018/1139 agus na gníomhartha cur chun feidhme arna nglacadh ar an mbonn sin. Go háirithe, déanfaidh údarás maoirseachta náisiúnta an méid seo a leanas:

Chun críocha phointe (a), féadfaidh Ballstát a chinneadh an measúnú agus an mhaoirseacht a dhéantar ar chomhlíonadh na gceanglas a leagtar amach sa phointe sin ag an soláthraí seirbhísí aerloingseoireachta a shannadh dá údarás inniúil náisiúnta agus, i gcás den sórt sin, áiritheoidh sé go mbeidh acmhainní leordhóthanacha agus saineolas leordhóthanach ag an údarás inniúil náisiúnta sin chun na cúraimí sin a chur i gcrích agus cuirfidh sé an Coimisiún ar an eolas faoi sin.

2.   Déanfaidh gach údarás maoirseachta náisiúnta, i gcomhar leis an údarás inniúil náisiúnta, agus gan dochar d’Airteagal 4(5), na gníomhaíochtaí riachtanacha faireacháin is gá, lena n-áirítear, mar is iomchuí, cigireachtaí agus iniúchtaí, chun gur féidir a shainaithint mura gcomhlíonann na heintitis atá faoi réir a mhaoirseachta faoin Rialachán seo na ceanglais a leagtar amach sa Rialachán seo agus sna gníomhartha cur chun feidhme arna nglacadh ar an mbonn sin.

Gan dochar d’Airteagal 5(1), an dara fomhír, den Rialachán seo, soláthróidh an t-údarás maoirseachta náisiúnta an measúnú arna dhéanamh aige don údarás inniúil náisiúnta maidir leis na ceanglais a liostaítear i bpointe 7 d’Iarscríbhinn VIII a ghabhann le Rialachán (AE) 2018/1139 i ndáil le stóinseacht airgeadais, dliteanas, cumhdach árachais, úinéireacht agus struchtúr eagraíochtúil a bheith á gcomhlíonadh ag an soláthraí seirbhísí aerloingseoireachta. Áireofar sa mheasúnú sin, i gcás inarb iomchuí, moladh maidir leis an deimhniú a leasú, a theorannú, a chur ar fionraí nó a chúlghairm de bhun Airteagal 41 de Rialachán (AE) 2018/1139.

I gcás nach gcomhlíonann na heintitis a ndéantar maoirseacht orthu faoin Rialachán seo na ceanglais eile a leagtar amach sa Rialachán seo, forfheidhmeoidh an t-údarás maoirseachta náisiúnta na bearta ceartaitheacha is gá.

Comhlíonfaidh na soláthraithe seirbhísí aerloingseoireachta, na hoibreoirí aerfoirt agus na soláthraithe SCFanna lena mbaineann aon bhearta forfheidhmiúcháin a dhéanann na húdaráis mhaoirseachta náisiúnta sa chomhthéacs sin.

3.   Áiritheoidh na Ballstáit go mbeidh na cinntí a dhéanann na húdaráis mhaoirseachta náisiúnta de bhun an Airteagail seo faoi réir ceart achomhairc, i gcomhréir leis an reachtaíocht náisiúnta.

1.   Malartóidh na húdaráis mhaoirseachta náisiúnta, faoi chuimsiú Bhord um Chomhar na nÚdarás Maoirseachta Náisiúnta dá dtagraítear in Airteagal 18, faisnéis atá ábhartha d’údaráis mhaoirseachta náisiúnta eile, go háirithe faisnéis a bhaineann lena gcuid oibre agus próiseas cinnteoireachta, dea-chleachtais agus nósanna imeachta agus an Rialachán seo á chur i bhfeidhm acu.

2.   Oibreoidh na húdaráis mhaoirseachta náisiúnta i gcomhar lena chéile, i gcás inarb iomchuí, trí shocruithe oibre, chun cúnamh frithpháirteach a thabhairt i ndáil lena gcúraimí a leagtar síos in Airteagal 5 agus i ndáil le himscrúduithe agus suirbhéanna a láimhseáil.

3.   I gcás soláthar trasteorann seirbhísí aerloingseoireachta in aerspáis a thagann faoi fhreagracht dhá Bhallstát nó níos mó, áiritheoidh na Ballstáit lena mbaineann go dtabharfar i gcrích na comhaontuithe is gá chun maoirseacht a dhéanamh ar na seirbhísí sin. Cuirfidh na húdaráis mhaoirseachta náisiúnta lena mbaineann ar chumas na soláthraithe seirbhísí aerloingseoireachta na seirbhísí trasteorann sin a sholáthar agus féadfaidh siad socruithe oibre nó pleananna maoirseachta iomchuí a bhunú ina sonraítear cur chun feidhme an chomhair eatarthu.

4.   I gcás soláthar trasteorann seirbhísí aerloingseoireachta in aerspás a thagann faoi fhreagracht Ballstáit eile, forálfar sna comhaontuithe dá dtagraítear i mír 3 d’aitheantas frithpháirteach na gcúraimí a leagtar amach sa Rialachán seo atá le comhlíonadh ag gach Ballstát nó ag a n-údaráis agus d’aitheantas frithpháirteach thorthaí chomhlíonadh na gcúraimí sin. Sonróidh siad freisin an t-údarás maoirseachta náisiúnta a bheidh i gceannas ar na cúraimí a leagtar amach in Airteagal 5(1).

5.   I gcás ina gceadaítear é leis an dlí náisiúnta agus d’fhonn comhar réigiúnach a bhaint amach, féadfaidh na húdaráis mhaoirseachta náisiúnta comhaontuithe a thabhairt i gcrích freisin i leith roinnt na bhfreagrachtaí maidir leis na cúraimí maoirseachta.

6.   Tabharfaidh an Ballstát lena mbaineann fógra don Choimisiún faoi chomhaontuithe dá dtagraítear san Airteagal seo.

1.   Gan dochar d’Airteagail 8, 10 agus 11(6) den Rialachán seo, eintiteas a chomhlíonann na ceanglais a leagtar amach in Airteagail 40 agus 41 de Rialachán (AE) 2018/1139 agus sna gníomhartha cur chun feidhme agus tarmligthe dá dtagraítear in Airteagail 43 agus 47 faoi seach den Rialachán sin, beidh sé i dteideal seirbhísí aerloingseoireachta a sholáthar d’úsáideoirí aerspáis laistigh den Aontas, faoi choinníollacha neamh-idirdhealaitheacha.

2.   Gan dochar do na socruithe náisiúnta arna n-eascairt as Airteagal 4(5) agus d’Airteagal 5(1), an dara fomhír, den Rialachán seo, is iad údaráis mhaoirseachta náisiúnta an Bhallstáit a bhfuil a údarás inniúil náisiúnta freagrach as an deimhniú dá dtagraítear in Airteagal 41 de Rialachán 2018/1139, de bhun Airteagal 62 den Rialachán sin, a bheidh freagrach as na cúraimí a leagtar amach san Airteagal seo i dtaca le measúnú a dhéanamh ar chomhlíonadh na gceanglas fíor-riachtanach maidir le stóinseacht airgeadais, dliteanas, cumhdach árachais, úinéireacht agus struchtúr eagraíochtúil a liostaítear i bpointe 7 d’Iarscríbhinn VIII a ghabhann le Rialachán (AE) 2018/1139.

3.   Gan dochar do na socruithe náisiúnta arna n-eascairt as Airteagal 4(5) agus d’Airteagal 5(1), an dara fomhír, den Rialachán seo, d’fhonn a shuí an gcomhlíonann eintiteas na ceanglais fhíor-riachtanacha maidir le stóinseacht airgeadais, dliteanas, cumhdach árachais, úinéireacht agus struchtúr eagraíochtúil a liostaítear i bpointe 7 d’Iarscríbhinn VIII a ghabhann le Rialachán (AE) 2018/1139 agus na ceanglais a leagtar amach sna gníomhartha cur chun feidhme dá dtagraítear in Airteagal 43 den Rialachán sin, déanfaidh na húdaráis mhaoirseachta náisiúnta an méid seo a leanas:

4.   D’ainneoin mhír 1 den Airteagal seo agus faoi réir na gcoinníollacha a leagtar amach in Airteagal 2(5) de Rialachán (AE) 2018/1139, féadfaidh na Ballstáit cead a thabhairt don arm seirbhísí aerloingseoireachta dá dtagraítear in Airteagal 2(3), pointe (c), de Rialachán (AE) 2018/1139 a sholáthar san aerspás uile nó i gcuid den aerspás atá faoina bhfreagracht gan deimhniú i gcás ina dtairgeann an t-arm seirbhísí den sórt sin go príomha do ghluaiseachtaí aerárthaí seachas d’aerthrácht ginearálta. I gcásanna den sórt sin, cuirfidh an Ballstát lena mbaineann an Coimisiún agus na Ballstáit uile ar an eolas faoina chinneadh.

1.   Áiritheoidh na Ballstáit go ndéanfar seirbhísí aerthráchta a sholáthar ar bhonn eisiach laistigh de bhloic shonracha aerspáis i ndáil leis an aerspás atá faoina bhfreagracht. Chuige seo, ainmneoidh na Ballstáit, ar bhonn aonair nó ar bhonn comhchoiteann, soláthraí seirbhísí aerthráchta amháin nó níos mó. Beidh cumhacht lánroghnach ag na Ballstáit maidir le soláthraithe seirbhísí aerthráchta a ainmniú ar an gcoinníoll go gcomhlíonfaidh soláthraithe seirbhísí aerthráchta den sórt sin na ceanglais a leagtar síos san Airteagal seo gan dochar d’Airteagal 11(3).

2.   Comhlíonfaidh soláthraithe seirbhísí aerthráchta na coinníollacha carnacha seo a leanas:

De mhaolú ar phointí (c) agus (d), féadfaidh Ballstát soláthraí seirbhísí aerthráchta a ainmniú a bhfuil a phríomháit ghnó i dtríú tír nó nach bhfuil na coinníollacha á gcomhlíonadh maidir le húinéireacht agus le rialú a leagtar amach i bpointe (d) maidir le seirbhísí aerthráchta a sholáthar i gcuid teoranta den aerspás dá bhfuil an Ballstát sin freagrach i gcás ina bhfuil cuid den aerspás sin teorainn ar theorainn le haerspás faoi fhreagracht an tríú tír sin.

3.   Ní bheidh ainmniú soláthraí seirbhísí aerthráchta faoi réir aon choinníoll lena gceanglaítear ar an soláthraí sin:

i gcás ina gcuireann feidhmiú coinníll den sórt sin srian ar an tsaoirse seirbhísí a sholáthar nó ar an tsaoirse bhunaíochta nach bhfuil údar leis i bhfianaise cuspóir dlisteanach leasa ghinearálta, amhail beartas poiblí, slándáil phoiblí nó sábháilteacht, agus nach bhfuil sé comhréireach leis an gcuspóir sin.

4.   I gcás inarb ábhartha, sonróidh na Ballstáit na cearta agus na hoibleagáidí atá le hurramú ag na soláthraithe seirbhísí aerthráchta arna n-ainmniú i gcomhréir leis an Airteagal seo. Féadfar a áireamh ar na hoibleagáidí sin coinníollacha maidir le faisnéis ábhartha a sholáthar go tráthúil chun gur féidir gluaiseachtaí uile na n-aerárthaí san aerspás atá faoina bhfreagracht a shainaithint.

5.   Déanfaidh na Ballstáit measúnú ar na cearta agus na hoibleagáidí dá dtagraítear i mír 4 agus ar chomhlíonadh na n-oibleagáidí a eascraíonn as an Rialachán seo agus as Rialachán (AE) 2018/1139 go tréimhsiúil, nó aon uair a shainaithníonn siad athruithe ábhartha ar sholáthar na seirbhísí, agus, má mheastar gur gá sin, déanfaidh siad cinntí iomchuí maidir le hainmniú na soláthraithe seirbhísí aerthráchta lena mbaineann, gan dochar do leanúnachas seirbhíse.

6.   Cuirfidh na Ballstáit an Coimisiún agus na Ballstáit eile ar an eolas gan mhoill faoi aon chinneadh a dhéantar ar bhonn an Airteagail seo agus a bhaineann le soláthraí seirbhísí aerthráchta laistigh de bhloic shonracha aerspáis a ainmniú i ndáil leis an aerspáis atá faoina bhfreagracht.

1.   Gan dochar d’Airteagal 7(4) den Rialachán seo, féadfaidh soláthraithe seirbhísí aerloingseoireachta leas a bhaint as seirbhísí soláthraithe seirbhísí eile atá deimhnithe nó a bhfuil a gcumas dearbhaithe acu i gcomhréir le hAirteagal 41 de Rialachán (AE) 2018/1139. Déanfar comhar den sórt sin i gcomhréir le hAirteagal 11 den Rialachán seo i gcás inarb infheidhme.

I gcás soláthraithe seirbhísí aerthráchta arna n-ainmniú i gcomhréir le hAirteagal 8 agus soláthraithe SManna arna n-ainmniú i gcomhréir le hAirteagal 10, beidh comhar den sórt sin faoi réir údarú an Bhallstáit lena mbaineann.

2.   Chun críocha mhír 1, déanfaidh soláthraithe seirbhísí aerloingseoireachta a gcaidreamh oibre a chur ar bhonn foirmiúil trí bhíthin comhaontuithe scríofa nó socruithe dlíthiúla comhionanna, ina leagtar amach na dualgais shonracha, lena n-áirítear aon socruithe airgeadais is infheidhme, agus na feidhmeanna a ghlacann gach soláthraí chuige féin. Tabharfar fógra faoi na comhaontuithe nó na socruithe sin don údarás maoirseachta náisiúnta agus don údarás inniúil náisiúnta lena mbaineann.

1.   Féadfaidh na Ballstáit soláthraí SManna a ainmniú, ar bhonn aonair nó ar bhonn comhchoiteann, ar bhonn eisiach san aerspás uile nó i gcuid den aerspás atá faoina bhfreagracht, agus cúrsaí sábháilteachta á gcur san áireamh.

2.   Cuirfidh na Ballstáit an Coimisiún agus na Ballstáit eile ar an eolas gan mhoill faoi aon chinneadh a rinneadh ar bhonn an Airteagail seo.

1.   Gan dochar do Threoir 2014/24/AE ó Pharlaimint na hEorpa agus ón gComhairle (20) agus do Threoir 2014/25/AE ó Pharlaimint na hEorpa agus ón gComhairle (21), i gcás inarb infheidhme, féadfaidh soláthraithe seirbhísí aerthráchta ainmnithe a chinneadh CLF, SFA nó SSA, nó seirbhísí SManna a fháil i gcásanna nár ainmnigh na Ballstáit soláthraí SManna i gcomhréir le hAirteagal 10, faoi dhálaí an mhargaidh, lena n-áirítear trí bhíthin soláthairtí poiblí, nó cineálacha eile comhaontuithe i gcásanna nach bhfuil feidhm ag na Treoracha sin, agus cásanna sonracha á gcur san áireamh, amhail gan réiteach a bheith ar fáil ar an margadh agus breithnithe a bhaineann le leas an phobail.

2.   Féadfaidh na Ballstáit cead a thabhairt d’oibreoirí aerfoirt nó do ghrúpa oibreoirí aerfoirt seirbhísí aerthráchta le haghaidh rialú aeradróim agus/nó seirbhísí aerthráchta le haghaidh rialú ascnaimh a fháil faoi dhálaí an mhargaidh. Chuige sin, féadfaidh na Ballstáit a cheangal ar na hoibreoirí aerfoirt údar cuí a thabhairt go mbeifear in ann gnóthachain a bhaint amach i gcáilíocht na seirbhíse chun tairbhe úsáideoirí aerspáis, agus an leibhéal sábháilteachta is gá á choinneáil ag an am céanna.

3.   I gcás ina gceadaítear an soláthar dá dtagraítear i mír 2, áiritheoidh an t-oibreoir aerfoirt ábhartha nó grúpa oibreoirí aerfoirt ábhartha go n-áireofar ceanglais maidir le cáilíocht seirbhíse sna ceanglais theicniúla atá sna sonraíochtaí tairisceana. Ainmneoidh na Ballstáit an soláthraí seirbhísí arna roghnú mar thoradh ar an soláthar dá dtagraítear sa mhír seo.

4.   I gcás ina bhfaightear seirbhísí aerloingseoireachta faoi dhálaí an mhargaidh, is i gcomhréir le prionsabail na córa comhionainne, an neamh-idirdhealaithe agus na trédhearcachta, mar aon le prionsabail na bhforálacha is infheidhme den Chonradh agus i gcomhréir le Treoracha 2014/24/AE agus 2014/25/AE, i gcás inarb infheidhme, a dhéanfar na nósanna imeachta soláthair maidir le seirbhísí aerloingseoireachta a fháil.

5.   Déanfaidh na Ballstáit gach beart is gá chun a áirithiú go n-urramófar le soláthar seirbhísí aerthráchta faoi bhealach an ceanglas a bhaineann le cuntais ar leithligh a choinneáil dá dtagraítear in Airteagal 36(3).

Ina theannta sin, i gcás ina bhfuil sé beartaithe ag an soláthraí seirbhísí aerloingseoireachta páirt a ghlacadh i nósanna imeachta soláthair chun seirbhísí aerloingseoireachta a sholáthar i gcomhréir le míreanna 1 agus 2, déanfaidh an Ballstát ábhartha bearta iomchuí chun tras-fhóirdheonú le seirbhísí aerloingseoireachta eile a sheachaint.

6.   Ní fhéadfar soláthraí CLF, SFA, SSA, SManna nó seirbhísí aerthráchta le haghaidh rialú aeradróim nó rialú ascnaimh a roghnú agus más iomchuí, a ainmniú chun seirbhísí a sholáthar i mBallstát ach amháin mar thoradh ar sholáthar de bhun mhír 1, 2 nó 3, ar an gcoinníoll go gcomhlíonann sé na coinníollacha carnacha seo a leanas:

De mhaolú ar an mhír seo, aon soláthraí seirbhísí satailíte domhanda ar tugadh deimhniú dó de bhun Airteagal 41 de Rialachán (AE) 2018/1139 chun seirbhísí a sholáthar san Aontas roimh theacht i bhfeidhm an Rialacháin seo, féadfar é a roghnú chun seirbhísí a sholáthar san Aontas fiú mura gcomhlíonann sé na coinníollacha a leagtar amach i bpointí (b) agus (c).

7.   Ní bheidh feidhm ag Airteagail 23, 24, 25 agus 27 ná ag na rialacha cur chun feidhme a bhaineann leis na hAirteagail sin dá dtagraítear in Airteagal 28 maidir leis na soláthraithe seirbhísí aerthráchta arna n-ainmniú mar thoradh ar nós imeachta soláthair arna dhéanamh i gcomhréir le míreanna 2 agus 3 den Airteagal seo. Soláthróidh na soláthraithe seirbhísí aerthráchta lena mbaineann sonraí faoi fheidhmíocht na seirbhísí aerloingseoireachta sna príomhréimsí feidhmíochta dá dtagraítear in Airteagal 21(3), pointe (a), agus i réimse na sábháilteachta don údarás maoirseachta náisiúnta. Soláthróidh an t-údarás maoirseachta náisiúnta an fhaisnéis sin don Choimisiún gan mhoill.

8.   Gan dochar do Threoir 2014/25/AE nó 2014/24/AE, an chéad uair a dhéantar seirbhís aerthráchta le haghaidh rialú ascnaimh nó aeradróim a fháil ag aerfort ar leith i gcomhréir le mír 2 den Airteagal seo, agus i gcás ina mbeadh gá le hathrú ar shonraíochtaí tairisceana mar gheall ar choinníollacha fíor-riachtanacha, áiritheoidh na Ballstáit go bhfíorófar na ceanglais theicniúla maidir le cáilíocht seirbhíse a áirítear sna sonraíochtaí tairisceana le haghaidh na seirbhíse sonraí lena mbaineann.

1.   I gcás ina soláthraítear SCFanna, léireoidh na sonraí a scaiptear an tsláine agus an cháilíocht is gá chun a áirithiú go gcumasófar na seirbhísí a sholáthar go sábháilte agus go slán i dtaca le bainistíocht thrácht na n-aerárthaí gan foireann ar bhealach ina gcumasaítear úsáid chomhroinnte an aerspáis in éineacht le haerárthaí le foireann.

2.   Comhlíonfaidh an soláthraí SCFanna na ceanglais charnacha seo a leanas:

3.   I gcás ina ndéanann soláthraí SCF aonair arna ainmniú ag an mBallstát SCFanna a sholáthar i leith aerspás U-Space sonrach, beidh praghas na seirbhísí sin bunaithe ar na costais sheasta agus athraitheacha a bhaineann leis an tseirbhís lena mbaineann a sholáthar agus féadfar a áireamh ann, ina theannta sin, marcáil suas lena léirítear comhbhabhtáil iomchuí idir riosca agus toradh. I gcás nach soláthraíonn soláthraí SCF aonair SCFanna, soláthrófar an SCF aonair saor in aisce.

4.   Leagfar amach na costais ar ar a mbonn a shocraítear an praghas le haghaidh SCFanna i gcuntas a bheidh ar leithligh ó na cuntais a bhaineann le haon ghníomhaíochtaí eile de chuid an tsoláthraí seirbhíse lena mbaineann agus a mbeidh rochtain ag an údarás maoirseachta náisiúnta lena mbaineann air. Cuirfear na costais sin ar fáil go poiblí gan dochar d’Airteagal 52(3).

5.   Beidh an praghas arna shocrú ag soláthraí SCFanna faoi réir mheasúnú agus fhormheas na n-údarás maoirseachta náisiúnta lena mbaineann. Cuirfear praghas seirbhísí den sórt sin ar fáil go poiblí.

6.   Cuirfidh soláthraithe seirbhísí aerloingseoireachta na sonraí is gá le haghaidh oibriú aerárthach gan foireann in aerspás U-Space ar fáil, ar bhonn neamh-idirdhealaithe, gan dochar don tslándáil náisiúnta, don bheartas poiblí ná do leasanna beartais cosanta. Ní bhainfidh soláthraithe SCFanna ná soláthraithe seirbhíse U-Space úsáid as na sonraí sin ach amháin chun críocha oibríochtúla na seirbhísí a sholáthraíonn siad.

Beidh praghsanna le haghaidh rochtain ar shonraí den sórt sin bunaithe ar na costais bhreise a bhaineann leis na sonraí a chur ar fáil agus ar an gcostas a bhaineann leis na sonraí a ghiniúint, i gcás nach gcumhdaítear na costais deiridh sin faoi Airteagal 30 agus mura n-úsáideann na Ballstáit acmhainní airgeadais eile chun costais den sórt sin a chumhdach.

1.   Bunaítear leis seo Bord Athbhreithnithe Feidhmíochta (BAF) comhairleach atá neamhspleách agus neamhchlaonta. Déanfaidh cathaoirleach BAF ionadaíocht thar a cheann agus tacóidh rúnaíocht leis.

2.   Is é an ról a bheidh ag BAF cúnamh a thabhairt don Choimisiún agus a chúraimí a bhaineann le feidhmiú mionsonraithe na scéimeanna feidhmíochta agus muirearaithe a leagtar síos in Airteagail 21 go 27 agus in Airteagail 29 go 32, faoi seach, agus faoi Airteagal 34, agus sna gníomhartha cur chun feidhme dá dtagraítear in Airteagail 28 agus 33, á ndéanamh aige. Chun na críche sin, soláthróidh BAF tuairimí, moltaí, ábhar treorach agus tuarascálacha don Choimisiún, i gcomhréir leis na tosaíochtaí arna sainiú ag an gCoimisiún.

3.   Eiseoidh BAF ábhar treorach chun tacú le húdaráis mhaoirseachta náisiúnta, agus, arna iarraidh sin, tabharfaidh sé cúnamh do na húdaráis sin chun na scéimeanna feidhmíochta agus muirearaithe a chur chun feidhme.

4.   Na tuairimí, na moltaí, na tuarascálacha agus an t-ábhar treorach arna nglacadh nó arna soláthar ag BAF, ní bheidh siad ceangailteach. Is ról comhairleach amháin a bheidh ag BAF. Ní bheidh aon fheidhm rialála ná aon chumhacht chinnteoireachta eile aige seachas a thuairimí, a mholtaí, a ábhar treorach agus a thuarascálacha a ghlacadh.

1.   Seachtar comhaltaí a bheidh ar BAF, lena n-áirítear cathaoirleach BAF. Is náisiúnaigh de chuid an Aontais nó náisiúnaigh tríú tíortha a bhfuil comhaontú tugtha i gcrích ag an Aontas leo, ar comhaontú é faoina gcuireann na tíortha sin rialacha ábhartha dhlí an Aontais i bhfeidhm i réimse na bainistíochta aerthráchta agus na scéimeanna feidhmíochta agus muirearaithe a bheidh i gcomhaltaí BAF. Is téarma oifige 5 bliana nach féidir a athnuachan a bheidh ag comhaltaí BAF.

2.   Ceapfar comhaltaí BAF, lena n-áirítear an Cathaoirleach, ar bhonn fiúntais agus scileanna agus taithí a bhaineann le bainistíocht aerthráchta, seirbhísí aerloingseoireachta nó rialáil eacnamaíoch tionscal gréasán, i gcomhréir leis na critéir roghnúcháin agus incháilitheachta a shainítear sa ghníomh cur chun feidhme arna ghlacadh i gcomhréir le hAirteagal 20. Áiritheofar leis an bpróiseas ceapacháin i gcás comhaltaí den sórt sin go mbeidh an ionadaíocht cothrom i dtaca le hinniúlacht agus saineolas, chomh maith le hinscne agus tionscnamh geografach.

3.   Tar éis glao poiblí ar léiriú spéise, bunóidh an Coimisiún liosta iarrthóirí le bheith ina gcomhaltaí de BAF, agus ina gCathaoirleach ar BAF, a chomhlíonann na coinníollacha a leagtar amach i mír 2.

Is é an Coimisiún a cheapfaidh comhaltaí agus Cathaoirleach BAF ón liosta sin, tar éis dó dul i gcomhairle leis na Ballstáit agus tar éis nós imeachta roghnúcháin arna bhunú ar bhonn Airteagal 20.

4.   Féadfaidh an Coimisiún liosta ionadaithe a bhunú ar bhonn an liosta dá dtagraítear i mír 3, an chéad fhomhír.

I gcás comhalta nach bhfuil ábalta rannchuidiú go héifeachtach a thuilleadh le hobair BAF, a éiríonn as oifig nó nach gcomhlíonann na coinníollacha a leagtar amach san Airteagal seo a thuilleadh, cuirfear duine ón liosta ionadaithe in ionad an chomhalta sin, duine a cheaptar i gcomhréir leis an nós imeachta dá dtagraítear i mír 3, an dara fomhír, ar feadh a bhfuil fágtha de théarma oifige an chomhalta sin.

5.   Cuirfidh an Coimisiún torthaí na nglaonna ar iarratais agus na liostaí dá dtagraítear i míreanna 3 agus 4 in iúl do na Ballstáit.

1.   Gan dochar d’Airteagal 16(6), ní iarrfaidh comhaltaí BAF treoracha ar aon rialtas, institiúid, duine ná comhlacht ná ní ghlacfaidh siad treoracha uathu. Beidh BAF go hiomlán neamhspleách agus a thuairimí, a mholtaí, a thuarascálacha agus a ábhair threoracha á nglacadh aige.

2.   Beidh comhaltaí BAF neamhchlaonta agus gníomhóidh siad go neamhspleách ar aon tionchar seachtrach agus ar mhaithe le leas an phobail.

Chun na críche sin, léireoidh siad neamhspleáchas agus easpa coinbhleachtaí leasa agus beidh siad faoi réir oibleagáid na rúndachta gairmiúla, i gcomhréir leis na rialacha a leagtar síos sa ghníomh cur chun feidhme arna ghlacadh i gcomhréir le hAirteagal 20.

1.   Déanfaidh BAF cinneadh trí thromlach simplí dá chomhaltaí, agus é mar aidhm aige teacht ar chomhthoil. Beidh aon vóta amháin ag gach comhalta, lena n-áirítear an cathaoirleach.

2.   Glacfaidh BAF a rialacha nós imeachta féin agus cuirfidh sé a shocruithe oibre ar bun, i gcomhréir le rialacha inmheánacha an Choimisiúin maidir le grúpaí saineolaithe.

3.   Féadfaidh an Coimisiún freastal ar chruinnithe BAF, gan ceart vótála a bheith aige, cé is moite de phlé críochnaitheach BAF chun a thuairimí, a mholtaí, a thuarascálacha agus a ábhar treorach a ghlacadh. Féadfar cuireadh a thabhairt, ar bhonn ad hoc, do na geallsealbhóirí ábhartha dá dtagraítear in Airteagal 49(3), gan ceart vótála a bheith acu, freastal ar chruinnithe BAF, cé is moite de phlé críochnaitheach BAF chun a thuairimí, a mholtaí, a thuarascálacha agus a ábhar treorach a ghlacadh.

4.   Oibreoidh BAF ar bhonn clár oibre bliantúil arna bhunú ag BAF i gcomhréir le tosaíochtaí an Choimisiúin. Leis an gclár oibre sin, tabharfar lánurraim don ról atá ag BAF a leagtar amach in Airteagal 13(2) agus áireofar ann na gníomhaíochtaí uile is gá, laistigh den bhuiséad atá ar fáil, chun cúnamh a thabhairt don Choimisiún i ndáil leis na cúraimí atá air dá dtagraítear in Airteagal 13(2), lena n-áirítear chun go mbeidh an Coimisiún in ann cloí leis na tráthchláir is gá chun a chuid cúraimí a chur chun feidhme. Glacfaidh BAF an clár oibre tar éis dó dul i gcomhairle leis an gCoimisiún. Soláthróidh BAF tuarascáil bhliantúil a fhoilseoidh an gCoimisiún. Soláthróidh an Coimisiún an clár oibre bliantúil agus an tuarascáil bhliantúil do na Ballstáit. Cumhdófar gníomhaíochtaí uile BAF sa tuarascáil bhliantúil agus beidh faisnéis inti faoi chostais BAF.

5.   Tabharfaidh an Coimisiún rochtain ar an bhfaisnéis ábhartha uile do BAF chun a ról comhairleach a fhorghníomhú.

6.   Déanfaidh an Coimisiún faireachán ar fheidhmiú BAF agus ar a mhéid a chomhlíonann sé an Rialachán seo, agus cuirfidh sé na Ballstáit ar an eolas go rialta maidir leis an dul chun cinn atá déanta ag BAF ina chuid oibre.

1.   Soláthróidh an Coimisiún an rúnaíocht do BAF, lena n-áirítear an tacaíocht anailíseach, riaracháin agus theicniúil is gá, agus na riachtanais arna sonrú ag BAF á gcur san áireamh.

2.   Is é an príomhchúram a bheidh ar an rúnaíocht rannchuidiú le BAF agus a chúraimí á bhfeidhmiú go neamhspleách aige. Chun ábhar agus treoirlínte na dtuairimí, na moltaí, na dtuarascálacha agus an ábhair threoraigh ó BAF a ullmhú, tabharfaidh an rúnaíocht tacaíocht do BAF gan aon treoracha a ghlacadh seachas ó BAF chun go mbeidh sé in ann a ról a chomhlíonadh. Beidh go leor acmhainní ag an rúnaíocht chun a cúraimí a chomhlíonadh.

1.   Bunaítear leis seo Bord um Chomhar na nÚdarás Maoirseachta Náisiúnta.

2.   Déanfaidh Bord um Chomhar na nÚdarás Maoirseachta Náisiúnta an méid seo a leanas:

3.   Beidh Bord um Chomhar na nÚdarás Maoirseachta Náisiúnta comhdhéanta d’ionadaí agus malartach ó údarás maoirseachta náisiúnta gach Ballstáit, agus is é an t-údarás maoirseachta náisiúnta a ainmneoidh an bheirt acu. Toghfaidh Bord um Chomhar na nÚdarás Maoirseachta Náisiúnta cathaoirleach agus leaschathaoirleach as measc a chomhaltaí. Glacfaidh Bord um Chomhar na nÚdarás Maoirseachta Náisiúnta a chinntí trí thromlach simplí dá chomhaltaí. Féadfaidh an Coimisiún freastal ar chruinnithe Bhord um Chomhar na nÚdarás Maoirseachta Náisiúnta, gan cearta vótála a bheith aige. Féadfar cuireadh a thabhairt do BAF freastal ar na cruinnithe sin, ar bhonn ad hoc, gan cearta vótála a bheith aige. Féadfar cuireadh a thabhairt do thríú tíortha freastal ar na cruinnithe sin, ar bhonn ad hoc, gan cearta vótála a bheith aige, faoi réir chomhaontú comhthoiliúil chomhaltaí Bhord um Chomhar na nÚdarás Maoirseachta Náisiúnta.

4.   Soláthróidh an Rúnaíocht dá dtagraítear in Airteagal 17 an tacaíocht riaracháin agus theicniúil is gá do Bhord um Chomhar na nÚdarás Maoirseachta Náisiúnta.

1.   Chun feabhas a chur ar fheidhmíocht na seirbhísí aerloingseoireachta agus bainistíocht gréasáin san Aerspás Eorpach Aonair, beidh feidhm ag scéim feidhmíochta le haghaidh seirbhísí aerloingseoireachta agus bainistíocht gréasáin i gcomhréir leis an Airteagal seo agus le hAirteagail 22 go 28.

2.   Ní bheidh feidhm ag an Airteagal seo ná Airteagail 22 go 28 maidir le seirbhísí aerloingseoireachta críochfoirt a sholáthraítear ag aerfoirt, atá suite ar chríoch na mBallstát a bhfuil feidhm ag an gConradh maidir leo, a bhfuil níos lú ná 80 000 gluaiseacht aeriompair lena ngabhann rialacha um eitiltí de réir uirlisí acu in aghaidh na bliana. Féadfaidh Ballstát a chinneadh, áfach, go bhfuil seirbhísí aerloingseoireachta críochfoirt den sórt sin faoi réir na nAirteagal sin.

3.   Cuirfear an scéim feidhmíochta chun feidhme in imeacht tréimhsí tagartha, tréimhsí a mhairfidh 3 bliana ar a laghad agus 5 bliana ar a mhéad. Beidh an méid seo a leanas sa scéim feidhmíochta:

4.   Beidh an scéim feidhmíochta dá dtagraítear i míreanna 1 agus 3 bunaithe ar an méid seo a leanas:

Beidh na dreasachtaí dearfacha airgeadais agus dídhreasachtaí airgeadais dá dtagraítear i bpointe (i) comhréireach leis an méid a imíonn an fheidhmíocht arna baint amach ón sprioc. Cuirfear san áireamh leo an tionchar ar an ngréasán agus a mhéid a bhfuil bealach réasúnta ag an soláthraí seirbhísí aerloingseoireachta tionchar fachtóirí seachtracha a mhaolú. Socrófar na dreasachtaí agus na dídhreasachtaí ar leibhéal lena gcothófar go héifeachtach cáilíocht an tsoláthair seirbhíse agus ní chuirfidh siad isteach ar chumas an tsoláthraí seirbhísí aerloingseoireachta a oibleagáidí faoi Rialachán (AE) 2018/1139 a chomhlíonadh, lena n-áirítear maidir le stóinseacht airgeadais.

Chun na prionsabail ghinearálta dá dtagraítear i bpointe (l) a leagan síos, déanfaidh an Coimisiún athbhreithniú ar na critéir náisiúnta atá ann cheana chun costais is coiteann do sheirbhísí aerloingseoireachta faoi bhealach agus críochfoirt a leithdháileadh agus rachaidh sé i gcomhairle le húdaráis mhaoirseachta náisiúnta agus le geallsealbhóirí. Bunaithe ar an athbhreithniú sin, tráth nach déanaí ná 12 mhí roimh thús gach tréimhse tagartha, déanfaidh an Coimisiún na prionsabail ghinearálta sin a bhunú nó, de réir mar is iomchuí, a thabhairt cothrom le dáta.

5.   Agus na spriocanna feidhmíochta atá sna pleananna feidhmíochta á socrú, na dréachtphleananna feidhmíochta á n-ullmhú agus measúnú á dhéanamh orthu, agus faireachán agus tagarmharcáil á ndéanamh maidir le feidhmíocht na seirbhísí aerloingseoireachta agus bainistíocht an ghréasáin, cuirfear san áireamh an tionchar a bhíonn ag imthosca áitiúla chomh maith le fachtóirí seachtracha nach mbíonn bealach réasúnta ag an soláthraí seirbhísí aerloingseoireachta iad a mhaolú.

Maidir le tionchar na n-imthosca áitiúla a cuireadh san áireamh cheana agus spriocanna feidhmíochta uile-Aontais á socrú i gcomhréir le hAirteagal 22(2), pointe (d), chomh maith le luachanna miondealaithe a bhunaítear faoi Airteagal 22(1) á socrú, ní chuirfear an tionchar sin san áireamh ina dhiaidh sin agus measúnú á dhéanamh ar chomhsheasmhacht na spriocanna feidhmíochta atá sa dréachtphlean feidhmíochta le spriocanna feidhmíochta uile-Aontais chun údar a thabhairt le himeacht na spriocanna sin sa dréachtphlean ó na spriocanna uile-Aontais. Maidir le tionchar na n-imthosca áitiúla a cuireadh san áireamh cheana chun na spriocanna feidhmíochta atá sa dréachtphlean feidhmíochta a shocrú, ní chuirfear an tionchar sin san áireamh ina dhiaidh sin agus faireachán á dhéanamh ar bhaint amach na spriocanna sin.

6.   Socrófar leibhéal na spriocanna feidhmíochta dá dtagraítear i mír 3, pointe (c)(iii), agus imthosca áitiúla á gcur san áireamh, go háirithe ceanglais áitiúla maidir leis an mbeartas comhshaoil.

7.   Chun an scéim feidhmíochta a bhunaítear faoin Rialachán seo a chur chun feidhme, cuirfear san áireamh go bhfuil saintréithe éagsúla ag seirbhísí aerloingseoireachta faoi bhealach, ag seirbhísí aerloingseoireachta críochfoirt agus ag feidhmeanna gréasáin agus, dá bhrí sin, déileálfar leo dá réir sin, lena n-áirítear, más gá, chun feidhmíocht a thomhas.

1.   I gcomhréir le míreanna 2 agus 3 den Airteagal seo, glacfaidh an Coimisiún gníomhartha cur chun feidhme lena socraítear na spriocanna feidhmíochta uile-Aontais le haghaidh seirbhísí aerloingseoireachta faoi bhealach sna príomhréimsí feidhmíochta dá dtagraítear in Airteagal 21(3), pointe (a), i dtaca le gach tréimhse thagartha, agus saineoidh sé fad na tréimhse sin. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

I gcomhar leis na spriocanna feidhmíochta uile-Aontais sin, féadfaidh an Coimisiún gníomhartha cur chun feidhme a ghlacadh, lena socraítear luachanna bonnlíne comhlántacha, tairseacha foláirimh, luachanna miondealaithe agus grúpaí tagarmhairc. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

2.   I gcás na spriocanna feidhmíochta uile-Aontais dá dtagraítear i mír 1 agus na spriocanna feidhmíochta le haghaidh seirbhísí aerloingseoireachta faoi bhealach agus críochfoirt arna sainiú ag na Ballstáit ar an leibhéal náisiúnta, dá dtagraítear in Airteagal 21(3), pointe (c), saineofar iad ar bhonn na gcritéar fíor-riachtanach seo a leanas:

3.   Chun a chinntí maidir le spriocanna feidhmíochta uile-Aontais a ullmhú agus, má shainítear iad i gcur i bhfeidhm Airteagal 22(1), maidir le luachanna bonnlíne comhlántacha agus luachanna miondealaithe nó grúpaí tagarmhairc, rachaidh an Coimisiún i gcomhairle le húdaráis náisiúnta, le Eurocontrol, leis an mBainisteoir Gréasáin agus le geallsealbhóirí oibríochtúla, agus baileoidh sé aon ionchur is gá uathu.

1.   Glacfaidh na Ballstáit dréachtphlean feidhmíochta de bhun an Airteagail seo le haghaidh gach tréimhse tagartha.

2.   Ullmhóidh na soláthraithe seirbhísí aerloingseoireachta a ainmnítear faoi Airteagail 8 agus 10 ionchur don dréachtphlean feidhmíochta le haghaidh gach tréimhse tagartha agus le haghaidh na seirbhísí aerloingseoireachta a sholáthraíonn siad agus, i gcás inarb infheidhme, a fhaigheann siad ó sholáthraithe eile, agus cuirfidh siad faoi bhráid an údaráis maoirseachta náisiúnta é.

Féadfaidh an t-údarás maoirseachta náisiúnta a iarraidh gur i bhfoirm dréachtphlean feidhmíochta a bheidh an t-ionchur sin.

Is iad na soláthraithe seirbhísí aerloingseoireachta a ainmnítear faoi Airteagail 8 agus 10 a ullmhóidh ionchur den sórt sin tar éis spriocanna feidhmíochta uile-Aontais a shocrú in am trátha ionas go mbeidh an t-údarás maoirseachta náisiúnta in ann an teorainn ama a leagtar amach i mír 5 den Airteagal seo a chomhlíonadh.

3.   I gcás ina n-ainmnítear iad i gcomhréir le hAirteagal 10, soláthróidh soláthraithe SManna ionchur ar a mbonn costais don údarás maoirseachta náisiúnta freisin.

4.   An t-ionchur, arna sholáthar ag na soláthraithe seirbhísí aerloingseoireachta a ainmnítear faoi Airteagail 8 agus 10 faoi mhíreanna 2 agus 3 den Airteagal seo, maidir le leithdháileadh na gcostas a áirítear sna pleananna feidhmíochta, beidh sé bunaithe ar na prionsabail ghinearálta dá dtagraítear in Airteagal 21(4), pointe (l).

5.   Déanfaidh an t-údarás maoirseachta náisiúnta athbhreithniú ar an bhfaisnéis arna soláthar ag gach soláthraí seirbhísí aerloingseoireachta a ainmnítear faoi Airteagail 8 agus 10, faoi mhíreanna 2, 3 agus 4 den Airteagal seo, agus formheasfaidh sé í, nó déanfaidh sé na hathruithe is gá i gcás inarb iomchuí. Ina dhiaidh sin, bunaithe ar an bhfaisnéis sin agus, más iomchuí, ar ionchur ó údaráis náisiúnta eile, ullmhóidh an t-údarás maoirseachta náisiúnta dréachtphlean feidhmíochta náisiúnta aonair. Glacfaidh an Ballstát an dréachtphlean feidhmíochta náisiúnta sin.

Ullmhóidh an t-údarás maoirseachta náisiúnta an dréachtphlean feidhmíochta roimh thús na tréimhse tagartha lena mbaineann.

6.   Áiritheoidh na húdaráis mhaoirseachta náisiúnta, agus na pleananna feidhmíochta á n-ullmhú acu, go gcomhlíonfaidh leithdháileadh na gcostas a áirítear sa dréachtphlean feidhmíochta na prionsabail ghinearálta dá dtagraítear in Airteagal 21(4), pointe (l).

7.   Agus é mar aidhm acu leibhéal feidhmíochta na bainistíochta aerthráchta a fheabhsú, féadfaidh roinnt Ballstát comhphlean feidhmíochta a fhorbairt le haghaidh seirbhísí aerloingseoireachta faoi bhealach agus, de réir mar is iomchuí, le haghaidh seirbhísí aerloingseoireachta críochfoirt. Cumhdófar leis an bplean sin ar a laghad fad tréimhse tagartha amháin, áireofar ann sprioc chomhpháirteach feidhmíochta amháin ar a laghad agus beidh comhar trasteorann i gceist leis. Féadfar soláthar comhpháirteach a áireamh sa chomhar trasteorann d’fhonn idir-inoibritheacht agus rialachas comhpháirteach a fheabhsú chun úsáid an aerspáis a optamú.

8.   Áireofar sa dréachtphlean feidhmíochta dá dtagraítear i mír 1 faisnéis ábhartha, go háirithe réamhaisnéisí tráchta agus sonraí oibríochtúla, arna soláthar ag Eurocontrol agus ag an mBainisteoir Gréasáin nó, más iomchuí agus má tá údar leis agus tar éis dul i gcomhairle le húsáideoirí aerspáis agus soláthraithe seirbhísí aerloingseoireachta lena mbaineann, réamhaisnéisí tráchta eile.

Agus an dréachtphlean feidhmíochta á ullmhú, rachaidh an t-údarás maoirseachta náisiúnta i gcomhairle le hionadaithe úsáideoirí aerspáis agus, i gcás inarb ábhartha, le húdaráis mhíleata, oibreoirí aerfoirt agus comhordaitheoirí aerfoirt, chomh maith leis an údarás inniúil náisiúnta gan dochar do na socruithe náisiúnta arna n-eascairt as Airteagal 4(5) den Rialachán seo. Fíorófar comhlíonadh Rialachán (AE) 2018/1139 agus na ngníomhartha tarmligthe agus cur chun feidhme arna nglacadh ar an mbonn sin.

9.   Beidh sa dréachtphlean feidhmíochta, de réir mar is iomchuí, spriocanna feidhmíochta le haghaidh seirbhísí aerloingseoireachta faoi bhealach sna príomhréimsí feidhmíochta dá dtagraítear in Airteagal 21(3), pointe (a), a bheidh comhsheasmhach leis na spriocanna feidhmíochta uile-Aontais, chomh maith le spriocanna feidhmíochta le haghaidh seirbhísí aerloingseoireachta críochfoirt, i bpríomhréimsí feidhmíochta na costéifeachtúlachta agus na hacmhainneachta agus, faoi réir na gcoinníollacha a leagtar amach in Airteagal 21(3), pointe (c)(iii), i bpríomhréimse feidhmíochta na haeráide agus an chomhshaoil. Áireofar sna dréachtphleananna feidhmíochta tuairisc ar an gcaoi a gcuirtear i bhfeidhm na prionsabail ghinearálta dá dtagraítear in Airteagal 21(4), pointe (l), maidir le leithdháileadh costas coiteann den sórt sin.

Cuirfear san áireamh, i ndréachtphleananna feidhmíochta, Máistirphlean Eorpach BAT agus na hidirthuilleamaíochtaí idir na príomhréimsí feidhmíochta dá dtagraítear in Airteagal 21(3), pointe (a), agus na himthosca áitiúla.

10.   Gan dochar d’Airteagal 52(3), cuirfear na dréachtphleananna feidhmíochta arna nglacadh ar fáil go poiblí.

11.   Cuirfear na dréachtphleananna feidhmíochta arna nglacadh faoi bhráid an Choimisiúin lena measúnú agus lena bhformheas i gcomhréir le hAirteagal 24.

1.   Déanfaidh an Coimisiún measúnú ar na dréachtphleananna feidhmíochta arna nglacadh dá dtagraítear in Airteagal 23, lena n-áirítear comhsheasmhacht na spriocanna feidhmíochta le haghaidh seirbhísí aerloingseoireachta faoi bhealach leis na spriocanna feidhmíochta uile-Aontais, i gcomhréir leis na critéir agus na coinníollacha a leagtar síos sna gníomhartha cur chun feidhme dá dtagraítear in Airteagal 28, pointe (b), agus ar leithdháileadh na gcostas coiteann idir seirbhísí aerloingseoireachta faoi bhealach agus seirbhísí aerloingseoireachta críochfoirt de réir na bprionsabal ginearálta dá dtagraítear in Airteagal 21(4), pointe (l). Sa mheasúnú ar chomhsheasmhacht na spriocanna feidhmíochta le haghaidh seirbhísí aerloingseoireachta faoi bhealach leis na spriocanna feidhmíochta uile-Aontais, cuirfear san áireamh feabhsuithe feidhmíochta le himeacht ama. Déanfaidh an Coimisiún athbhreithniú ar na spriocanna feidhmíochta le haghaidh seirbhísí aerloingseoireachta críochfoirt i bhfianaise na ngnéithe a shonraítear sa ghníomh cur chun feidhme dá dtagraítear in Airteagal 28, pointe (b).

2.   Agus measúnú á dhéanamh ar chomhsheasmhacht na spriocanna feidhmíochta le haghaidh seirbhísí aerloingseoireachta faoi bhealach leis na spriocanna feidhmíochta uile-Aontais, tabharfaidh an Coimisiún aird chuí ar imthosca áitiúla agus ar idirthuilleamaíochtaí idir na príomhréimsí feidhmíochta dá dtagraítear in Airteagal 21(3), pointe (a).

Féadfaidh an Coimisiún a cheadú go n-imeoidh spriocanna feidhmíochta le haghaidh seirbhísí aerloingseoireachta faoi bhealach ó spriocanna feidhmíochta uile-Aontais a mhéid a bhaineann le príomhréimsí feidhmíochta i gcás ina meastar go bhfuil sé riachtanach agus comhréireach chun comhsheasmhacht na spriocanna feidhmíochta le haghaidh na seirbhísí sin a áirithiú le spriocanna feidhmíochta uile-Aontais a mhéid a bhaineann le príomhréimse feidhmíochta an chomhshaoil.

3.   I gcás ina bhfaigheann an Coimisiún go gcomhlíonann an dréachtphlean feidhmíochta arna ghlacadh na critéir agus na coinníollacha dá dtagraítear in Airteagal 24(1) agus a leagtar síos sna gníomhartha cur chun feidhme dá dtagraítear in Airteagal 28, pointe (b), arna léamh i gcomhar le mír 2 den Airteagal seo, glacfaidh sé gníomh cur chun feidhme chun é a fhormheas. Déanfar an gníomh cur chun feidhme sin a ghlacadh i gcomhréir leis an nós imeachta comhairliúcháin dá dtagraítear in Airteagal 48(2).

4.   I gcás ina bhfaigheann an Coimisiún go bhfuil amhras ann i dtaobh cé acu a chomhlíonann nó nach gcomhlíonann dréachtphlean feidhmíochta arna ghlacadh na critéir agus na coinníollacha arna léamh i gcomhar le mír 2 den Airteagal seo, cuirfidh sé tús le scrúdú mionsonraithe ar an dréachtphlean feidhmíochta sin, agus iarrfaidh sé faisnéis bhreise ón mBallstát lena mbaineann más gá.

5.   I gcás ina bhfaigheann an Coimisiún, tar éis dó scrúdú mionsonraithe a dhéanamh, go gcomhlíonann an dréachtphlean feidhmíochta arna ghlacadh na critéir agus na coinníollacha arna léamh i gcomhar le mír 2 den Airteagal seo, glacfaidh sé gníomh cur chun feidhme lena fhormheas. Déanfar an gníomh cur chun feidhme sin a ghlacadh i gcomhréir leis an nós imeachta comhairliúcháin dá dtagraítear in Airteagal 48(2).

I gcás ina bhfaigheann an Coimisiún nach gcomhlíonann an dréachtphlean feidhmíochta arna ghlacadh na critéir agus na coinníollacha sin, glacfaidh sé gníomh cur chun feidhme i bhfoirm cinneadh, lena n-iarrtar ar an mBallstát lena mbaineann dréachtphlean feidhmíochta athbhreithnithe a chomhlíonann na critéir agus na coinníollacha sin a thíolacadh agus, i gcás inarb ábhartha, lena leagtar amach na bearta ceartaitheacha atá le déanamh ag an mBallstát sin. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

Cuirfidh an Ballstát lena mbaineann na bearta atá déanta aige de bhun an chinnidh sin in iúl don Choimisiún, chomh maith le faisnéis lena léirítear go bhfuil an cinneadh sin á chomhlíonadh leis na bearta sin.

I gcás ina bhfaigheann an Coimisiún gur leor na bearta sin chun comhlíonadh a chinnidh a áirithiú, tabharfaidh sé fógra i ndáil leis sin don Bhallstát lena mbaineann agus glacfaidh sé gníomh cur chun feidhme chun an dréachtphlean feidhmíochta sin a fhormheas. Déanfar an gníomh cur chun feidhme sin a ghlacadh i gcomhréir leis an nós imeachta comhairliúcháin dá dtagraítear in Airteagal 48(2).

I gcás ina bhfaigheann an Coimisiún nach leor na bearta sin chun comhlíonadh an chinnidh a áirithiú, tabharfaidh sé fógra don Bhallstát lena mbaineann.

Déanfaidh an Coimisiún gníomhaíocht, i gcás inarb iomchuí, chun aghaidh a thabhairt ar an neamhchomhlíonadh, lena n-áirítear trí ghníomhaíochtaí dá bhforáiltear in Airteagal 258 den Chonradh ar Fheidhmiú an Aontais Eorpaigh.

6.   Glacfaidh na Ballstáit lena mbaineann na dréachtphleananna feidhmíochta arna bhformheas ag an gCoimisiún i gcomhréir leis an Airteagal seo mar phleananna cinntitheacha, agus cuirfear ar fáil go poiblí iad gan dochar d’Airteagal 52(3).

1.   Déanfaidh an t-údarás maoirseachta náisiúnta measúnú, i gcomhar leis an údarás inniúil náisiúnta gan dochar do na socruithe náisiúnta arna n-eascairt as Airteagal 21(5), i dtaobh an bhfuil na spriocanna feidhmíochta atá sna pleananna feidhmíochta arna bhformheas i gcomhréir le hAirteagal 24 á gcomhlíonadh ag na seirbhísí aerloingseoireachta a sholáthraítear san aerspás atá faoina bhfreagracht agus ar cuireadh na pleananna sin chun feidhme mar is ceart, agus cuirfidh sé chun feidhme na scéimeanna dreasachtaí dá dtagraítear in Airteagal 21(4), pointe (i).

2.   Déanfaidh an t-údarás maoirseachta náisiúnta tuarascálacha rialta a eisiúint maidir leis an bhfaireachán a dhéantar ar fheidhmíocht seirbhísí aerloingseoireachta a sholáthraíonn soláthraithe seirbhísí aerloingseoireachta a ainmnítear faoi Airteagail 8 agus 10 agus cuirfidh siad ar fáil don Choimisiún iad. Cuirfear torthaí na measúnuithe sin ar fáil go poiblí gan dochar d’Airteagal 52(3).

Soláthróidh na soláthraithe seirbhísí aerloingseoireachta a ainmnítear faoi Airteagail 8 agus 10 an fhaisnéis agus na sonraí is gá chun faireachán den sórt sin a dhéanamh don údarás maoirseachta náisiúnta. Áireofar leis sin faisnéis agus sonraí a bhaineann le costais iarbhír na seirbhísí arna soláthar agus arna bhfáil agus le hioncam gaolmhar.

3.   A mhéid atá bealach réasúnta ag an soláthraí seirbhísí aerloingseoireachta chun tionchar na dtosca seachtracha a mhaolú, i gcás nach mbaintear amach na spriocanna feidhmíochta atá sna pleananna feidhmíochta nó nach gcuirtear an plean feidhmíochta chun feidhme i gceart, ceanglóidh an t-údarás maoirseachta náisiúnta ar na soláthraithe seirbhísí aerloingseoireachta lena mbaineann bearta ceartaitheacha a chur chun feidhme. Beidh na bearta ceartaitheacha sin leordhóthanach chun feidhmíocht a fheabhsú agus beidh siad comhréireach, go háirithe i bhfianaise idirthuilleamaíochtaí le sábháilteacht agus idir réimsí feidhmíochta, agus an tionchair ar an ngréasán.

I gcás nach gcuirtear bearta ceartaitheacha a fhorchuirtear i bhfeidhm i gceart, déanfaidh an Ballstát lena mbaineann na bearta iomchuí agus cuirfidh sé an Coimisiún ar an eolas. I gcás ina leantar den tearcfheidhmíocht, féadfaidh an Coimisiún gníomhú i gcomhréir le hAirteagal 34(2) agus Airteagal 34(3).

4.   Déanfaidh an Coimisiún faireachán ar fheidhmíocht sholáthar na seirbhísí aerloingseoireachta agus na bhfeidhmeanna gréasáin ar bhonn na dtuarascálacha ó na húdaráis mhaoirseachta náisiúnta agus ar bhonn anailís ar na sonraí a fhaightear agus déanfaidh sé measúnuithe rialta ar bhaint amach foriomlán na spriocanna feidhmíochta uile-Aontais agus tíolacfaidh sé na torthaí don choiste dá dtagraítear in Airteagal 48(1).

1.   Déanfaidh an Bainisteoir Gréasáin dréachtphlean feidhmíochta gréasáin a tharraingt suas do gach tréimhse thagartha i gcomhréir leis an bpróiseas cinnteoireachta comhoibrithí dá dtagraítear in Airteagal 38(11).

Déanfar an Dréachtphlean Feidhmíochta Gréasáin a tharraingt suas tar éis spriocanna feidhmíochta uile-Aontais a shocrú agus roimh thús na tréimhse tagartha lena mbaineann. Beidh spriocanna feidhmíochta ann sna príomhréimsí feidhmíochta dá dtagraítear in Airteagal 21(3), pointe (a).

2.   Cuirfear an Dréachtphlean Feidhmíochta Gréasáin faoi bhráid an Choimisiúin lena mheasúnú agus lena fhormheas.

3.   Déanfaidh an Coimisiún measúnú ar an Dréachtphlean Feidhmíochta Gréasáin bunaithe ar na critéir fhíor-riachtanacha seo a leanas:

4.   I gcás ina bhfaigheann an Coimisiún go bhfuil an Dréachtphlean Feidhmíochta Gréasáin iomlán agus go léirítear leis feabhsuithe feidhmíochta leordhóthanacha, glacfaidh sé an Dréachtphlean Feidhmíochta Gréasáin mar phlean cinntitheach. Murab amhlaidh, iarrfaidh an Coimisiún ar an mBainisteoir Gréasáin Dréachtphlean Feidhmíochta Gréasáin athbhreithnithe a thíolacadh.

1.   I gcás, le linn tréimhse tagartha, nach bhfuil na spriocanna feidhmíochta uile-Aontais leordhóthanach a thuilleadh, i bhfianaise imthosca atá athraithe go suntasach nó cúrsaí sábháilteachta, agus ina bhfuil an t-athbhreithniú ar cheann amháin de na spriocanna nó ar roinnt díobh riachtanach agus comhréireach, déanfaidh an Coimisiún athbhreithniú ar na spriocanna feidhmíochta uile-Aontais sin. Beidh feidhm ag Airteagal 22 maidir le cinneadh den sórt sin.

I gcás, tar éis athbhreithniú den sórt sin, nach bhfuil na spriocanna feidhmíochta atá sna pleananna feidhmíochta arna nglacadh de bhun Airteagal 24(6) comhsheasmhach a thuilleadh leis na spriocanna feidhmíochta uile-Aontais, déanfaidh na húdaráis mhaoirseachta náisiúnta athbhreithniú ar na pleananna sin i ndáil leis na spriocanna feidhmíochta lena mbaineann. Beidh feidhm ag Airteagail 23, 24 agus 25 maidir leis an athbhreithniú ar na pleananna sin. Féadfar an comhairliúchán dá dtagraítear in Airteagal 23(8) a theorannú, chun críocha na fomhíre seo, do na spriocanna feidhmíochta agus do na codanna de na dréachtphleananna feidhmíochta a ndéantar difear dóibh go díreach nó go hindíreach leis an athbhreithniú.

Tar éis an athbhreithnithe dá dtagraítear sa chéad fhomhír, ullmhóidh na húdaráis mhaoirseachta náisiúnta dréachtphleananna feidhmíochta nua, a mbeidh feidhm ag Airteagail 23, 24 agus 25 maidir leo. Déanfaidh an Bainisteoir Gréasáin Dréachtphlean Feidhmíochta Gréasáin nua a tharraingt suas, a mbeidh feidhm ag Airteagal 26 maidir leis.

2.   Sa chinneadh maidir leis na spriocanna feidhmíochta uile-Aontais athbhreithnithe dá dtagraítear i mír 1, beidh forálacha idirthréimhseacha ann i dtaca leis an tréimhse ama go dtí go dtiocfaidh na pleananna feidhmíochta athbhreithnithe cinntitheacha chun bheith infheidhme. Ní bheidh feidhm chúlghabhálach ag spriocanna feidhmíochta uile-Aontais athbhreithnithe ná forálacha idirthréimhseacha.

3.   I gcás géarchéim ghréasáin, amhail coinbhleachtaí geopholaitiúla, géarchéimeanna sláinte nó tubaiste nádúrtha, lena gcuirtear cosc ar réamhaisnéisí tráchta iontaofa a eisiúint, féadfar a áireamh ar na forálacha idirthréimhseacha arna nglacadh ag an gCoimisiún i gcomhréir le mír 2 an scéim feidhmíochta a chur ar fionraí nó a oiriúnú go sealadach go dtí go dtiocfaidh deireadh leis an ngéarchéim ghréasáin agus go mbeidh na réamhaisnéisí iontaofa nua ar fáil. I gcás den sórt sin, saineoidh an Coimisiún na coinníollacha gaolmhara, lena n-áirítear oiriúnuithe riachtanacha ar mhuirir is infheidhme, sa chinneadh dá dtagraítear i mír 1.

4.   Féadfaidh na Ballstáit, faoi réir fhormheas an Choimisiúin, athbhreithniú a dhéanamh ar sprioc feidhmíochta amháin nó roinnt díobh le linn tréimhse tagartha i gcás ina mbaintear amach tairseacha foláirimh, nó i gcás ina léirítear nach bhfuil na sonraí, na toimhdí agus an réasúnaíocht tosaigh atá mar bhonn do na spriocanna feidhmíochta cruinn ar bhonn suntasach agus buan a thuilleadh de bharr imthosca nárbh fhéidir a thuar tráth ghlactha an phlean feidhmíochta. Formheasfaidh an Coimisiún an t-athbhreithniú sin má thagann sé ar an tátal go bhfuil an t-athbhreithniú riachtanach agus comhréireach agus go bhfuil na spriocanna feidhmíochta athbhreithnithe comhsheasmhach leis na spriocanna feidhmíochta uile-Aontais.

I gcás den sórt sin, déanfaidh na Ballstáit athbhreithniú ar na pleananna feidhmíochta i ndáil leis na spriocanna lena mbaineann, i gcomhréir leis na nósanna imeachta a leagtar amach in Airteagail 23 agus 24. Féadfar an comhairliúchán dá dtagraítear in Airteagal 23(8) a theorannú, chun críocha na míre seo, do na spriocanna feidhmíochta agus do na codanna de na pleananna feidhmíochta a ndéantar difear dóibh go díreach nó go hindíreach leis an athbhreithniú.

1.   Gan dochar don fhéidearthacht atá ag na Ballstáit soláthar seirbhísí aerloingseoireachta a chumhdaítear leis an Airteagal seo a mhaoiniú trí chistí poiblí a mhéid atá sin i gcomhréir le rialacha an Chonartha maidir le hiomaíochas i gcás inarb iomchuí, socrófar, forchuirfear agus forfheidhmeofar muirir le haghaidh seirbhísí aerloingseoireachta ar úsáideoirí aerspáis.

Beidh an scéim muirearaithe a chuirtear ar bun faoin Airteagal seo agus faoi Airteagail 30 go 32 comhsheasmhach le hAirteagal 15 de Choinbhinsiún Chicago. I gcás muirir faoi bhealach, maidir leis an scéim muirearaithe a chuirtear ar bun faoin Rialachán seo agus faoi na gníomhartha cur chun feidhme dá dtagraítear in Airteagal 33 agus maidir le córas muirearaithe Eurocontrol le haghaidh muirir faoi bhealach, beidh an scéim agus an córas sin comhsheasmhach.

2.   Ní bheidh feidhm ag Airteagail 29 go 36 maidir le seirbhísí aerloingseoireachta críochfoirt a sholáthraítear ag aerfoirt, atá suite ar chríoch na mBallstát a bhfuil feidhm ag an gConradh maidir leo, a bhfuil níos lú ná 80 000 gluaiseacht aeriompair lena ngabhann rialacha um eitiltí de réir uirlisí in aghaidh na bliana acu. Féadfaidh Ballstát a chinneadh, áfach, go bhfuil na seirbhísí aerloingseoireachta críochfoirt sin faoi réir na nAirteagal sin.

3.   Beidh na muirir bunaithe ar chostais na soláthraithe aerloingseoireachta a ainmnítear faoi Airteagail 8 agus 10 ar costais iad a thabhaítear i leith seirbhísí agus feidhmeanna a rachaidh chun tairbhe úsáideoirí aerspáis thar thréimhsí tagartha seasta mar a shainítear in Airteagal 21(3). Féadfar fáltas réasúnach ar shócmhainní a áireamh ar na costais sin.

4.   Trí bhíthin muirear, cuirfear chun cinn soláthar seirbhísí aerloingseoireachta atá sábháilte, éifeachtúil, éifeachtach agus inbhuanaithe d’fhonn ardleibhéal sábháilteachta agus costéifeachtúlachta a bhaint amach, agus tionchar comhshaoil na heitlíochta á laghdú ag an am céanna.

5.   Ní úsáidfear ioncam a fhaightear ó sholáthraí seirbhísí aerloingseoireachta a ainmnítear faoi Airteagail 8 agus 10 ar ioncam é a thagann as na muirir a fhorchuirtear ar úsáideoirí aerspáis i gcomhréir leis an Airteagal seo chun seirbhísí a mhaoiniú ar seirbhísí iad a sholáthraíonn soláthraí seirbhísí aerloingseoireachta faoi choinníollacha margaidh i gcomhréir le hAirteagal 11 nó chun aon ghníomhaíocht tráchtála eile arna déanamh ag an soláthraí sin a mhaoiniú.

6.   Tuairisceofar sonraí airgeadais maidir le costais a chinntear, costais iarbhír agus ioncam gaolmhar na soláthraithe aerloingseoireachta ainmnithe do na húdaráis mhaoirseachta náisiúnta. Chun a chur ar chumas an Choimisiúin a chúraimí a chur i gcrích faoin Rialachán seo, tuairisceoidh na húdaráis mhaoirseachta náisiúnta na sonraí sin don Choimisiún i gcomhréir leis na módúlachtaí a shainítear sa ghníomh cur chun feidhme dá dtagraítear in Airteagal 33. Cuirfear sonraí airgeadais maidir le costais a chinnfear, costais iarbhír agus ioncam gaolmhar ar fáil d’úsáideoirí aerspáis, agus foilseofar iad i gcomhréir le hAirteagal 52(3).

1.   Is iad a bheidh sna boinn chostais do mhuirir le haghaidh seirbhísí aerloingseoireachta, mar a leagtar amach iad sna pleananna feidhmíochta a ghlactar i gcomhréir le hAirteagal 24(6), na costais chinntitheacha a bhaineann le soláthar na seirbhísí sin sa limistéar muirearaithe faoi bhealach agus sa limistéar muirearaithe críochfoirt lena mbaineann.

2.   Áireofar ar na costais a chinntear dá dtagraítear i mír 1, costais na saoráidí agus na seirbhísí ábhartha, costas an chaipitil agus costas dímheasa sócmhainní, mar aon leis na costais chothabhála, oibriúcháin, bhainistíochta agus riaracháin lena n-áirítear costais foirne.

3.   Beidh na costais seo a leanas san áireamh freisin sna costais chinntitheacha dá dtagraítear i mír 1:

4.   Ní áireofar sna costais a chinntear costais na bpionós arna bhforchur ag na Ballstáit i gcomhréir le hAirteagal 53.

5.   Leithdháilfear na costais a bhaineann le seirbhísí aerloingseoireachta faoi bhealach agus seirbhísí aerloingseoireachta críochfoirt i gcomhréir leis na prionsabail ghinearálta dá dtagraítear in Airteagal 21(4), pointe (l). Ní cheadófar tras-fhóirdheontais idir seirbhísí aerloingseoireachta faoi bhealach agus seirbhísí aerloingseoireachta críochfoirt. Ní cheadófar tras-fhóirdheontas idir seirbhísí éagsúla aerloingseoireachta i gceachtar den dá chatagóir sin ach amháin má bhíonn údar maith leis ar chúiseanna oibiachtúla, faoi réir sainaithint thrédhearcach i gcomhréir le hAirteagal 36(3).

6.   Déanfaidh na soláthraithe seirbhísí aerloingseoireachta a ainmnítear faoi Airteagail 8 agus 10 na mionsonraí maidir lena mbonn costais a sholáthar don údarás maoirseachta náisiúnta. Chuige sin, brisfear síos na costais trí idirdhealú a dhéanamh idir costais foirne, costais oibriúcháin nach costais foirne iad, costais dímheasa, costas caipitil, costais eisceachtúla agus costais dá dtagraítear in Airteagal 30(3). Chun a chur ar chumas an Choimisiúin a chúraimí a dhéanamh faoin Rialachán seo, soláthróidh an t-údarás maoirseachta náisiúnta an fhaisnéis sin don Choimisiún i gcomhréir leis na módúlachtaí a shainítear sa ghníomh cur chun feidhme dá dtagraítear in Airteagal 33.

1.   Socrófar rátaí aonaid in aghaidh na bliana féilire agus le haghaidh gach limistéir mhuirearaithe ar bhonn na gcostas a chinntear agus na réamhaisnéisí tráchta a bhunaítear sna pleananna feidhmíochta chomh maith le coigeartuithe infheidhme a eascraíonn as na blianta roimhe agus as ioncaim eile, go háirithe cistí poiblí, lena n-áirítear tacaíocht airgeadais ó chláir chúnaimh an Aontais.

2.   Gan dochar d’Airteagal 30(5), saineoidh na Ballstáit na limistéir mhuirearaithe le haghaidh seirbhísí aerloingseoireachta roimh thús tréimhse tagartha agus sainaithneoidh siad na soláthraithe seirbhísí aerthráchta a thagann faoi raon feidhme gach limistéir mhuirearaithe. Glacfaidh an Coimisiún gníomh cur chun feidhme chun na coinníollacha a shainiú faoinar féidir leis na Ballstáit limistéar muirearaithe críochfoirt nua a mhodhnú nó a bhunú le linn tréimhse tagartha. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

3.   Is iad na Ballstáit a shocróidh na rátaí aonaid, faoi réir a bhfíoraithe ag an gCoimisiún go gcomhlíonann siad Airteagal 29, Airteagal 30 agus an tAirteagal seo.

I gcás ina bhfaigheann an Coimisiún nach gcomhlíonann ráta aonaid na ceanglais sin, déanfaidh an Ballstát lena mbaineann athbhreithniú ar an ráta aonaid dá réir, agus leasófar é chun na ceanglais sin a chomhlíonadh.

Foilseofar na rátaí aonaid.

4.   Féadfaidh na Ballstáit limistéir mhuirearaithe choiteanna a shainiú agus, sna cásanna sin, socróidh siad na rátaí aonaid coiteanna do na limistéir mhuirearaithe sin.

1.   Toibheofar muirir ar úsáideoirí aerspáis as seirbhísí aerloingseoireachta a sholáthar, faoi choinníollacha neamh-idirdhealaitheacha, agus acmhainneachtaí táirgeachta coibhneasta na n-aerárthaí éagsúla lena mbaineann á gcur san áireamh. Nuair a dhéantar muirir a fhorchur ar úsáideoirí aerspáis difriúla chun an tseirbhís chéanna a úsáid, ní dhéanfar idirdhealú ar bith i ndáil le náisiúntacht ná catagóir an úsáideora.

2.   Ríomhfar an muirear faoi bhealach le haghaidh seirbhísí aerloingseoireachta d’eitilt ar leith i limistéar muirearaithe ar bhealach ar leith ar bhonn an ráta aonaid arna bhunú don limistéar muirearaithe ar bhealach sin agus na haonaid seirbhísí faoi bhealach don eitilt sin.

3.   Ríomhfar an muirear críochfoirt le haghaidh seirbhísí aerloingseoireachta d’eitilt ar leith i limistéar muirearaithe críochfoirt ar leith ar bhonn an ráta aonaid arna bhunú don limistéar muirearaithe críochfoirt sin agus na haonaid seirbhísí críochfoirt don eitilt sin. Chun an muirear críochfoirt a ríomh, measfar gur eitilt aonair atá in ascnamh agus imeacht eitilte.

4.   Féadfar úsáideoirí áirithe aerspáis nó eitiltí áirithe, go háirithe na cinn a úsáideann aerárthaí éadroma agus aerárthaí stáit nó a oibrítear leis na haerárthaí sin, a dhíolmhú ó mhuirir aerloingseoireachta, ar choinníoll go gcumhdaítear costas na díolúine sin le hacmhainní eile agus nach ngearrtar ar úsáideoirí aerspáis eile í.

5.   Déanfaidh an Coimisiún, i gcomhairle leis na Ballstáit, le soláthraithe seirbhísí aerthráchta agus le húsáideoirí aerspáis, staidéar ar an méid a rannchuidíonn modhnú muirear le cuspóirí an Aerspáis Eorpaigh Aonair, a shainítear in Airteagal 1(1) den Rialachán seo, agus le cuspóirí Rialachán (AE) 2021/1119, a bhaint amach. Déanfar measúnú sa staidéar sin freisin ar indéantacht an mhodhnaithe sin agus ar a thionchar ar aerthrácht, ar sholáthar seirbhísí, ar chostais riaracháin agus ar gheallsealbhóirí.

6.   Le toradh an staidéir dá dtagraítear i mír 5 den Airteagal seo, soláthrófar an fhaisnéis fhíor-riachtanach don Choimisiún chun a chinneadh ar cheart gníomh cur chun feidhme a ghlacadh i gcomhréir le hAirteagal 48(3), chun a áirithiú go gcuirfear modhnú muirear faoi bhealach i bhfeidhm go haonfhoirmeach chun úsáideoirí aerspáis a spreagadh chun tacú le feabhsuithe ar fheidhmíocht aeráide agus chomhshaoil mar shampla úsáid an ródúcháin is éifeachtúla ó thaobh breosla de atá ar fáil, úsáid mhéadaithe teicneolaíochtaí tiomána glana malartacha lena n-áirítear breoslaí malartacha inbhuanaithe, agus an leibhéal sábháilteachta is fearr is féidir á choinneáil ag an am céanna.

7.   Is é a bheidh sa mhodhnú dá dtagraítear i mír 6 buntáistí nó míbhuntáistí airgeadais agus beidh sé neodrach ó thaobh an ioncaim de le haghaidh soláthraithe seirbhísí aerthráchta.

8.   I dteannta an mhodhnaithe muirear dá dtagraítear i mír 6, féadfaidh na Ballstáit muirir a mhodhnú chun soláthraithe seirbhísí aerthráchta agus úsáideoirí aerspáis a spreagadh chun tacú le feabhsuithe ar cháilíocht na seirbhísí mar shampla acmhainneacht mhéadaithe, moilleanna laghdaithe agus forbairt inbhuanaithe.

1.   Déanfaidh an Coimisiún athbhreithniú rialta ar na Ballstáit féachaint an bhfuil Airteagail 21 go 27 agus Airteagail 29 go 32 agus na gníomhartha cur chun feidhme dá dtagraítear in Airteagail 28 agus 33 á gcomhlíonadh acu. Agus an t-athbhreithniú sin á dhéanamh aige, déanfaidh an Coimisiún measúnú ar cé acu a áirithíonn nó nach n-áirithíonn na Ballstáit, i gcomhréir lena ndualgas maidir le comhar dílis, go gcomhlíonann na soláthraithe seirbhísí aerloingseoireachta a n-oibleagáidí faoi na hAirteagail sin. Gníomhóidh an Coimisiún i gcomhairle le BAF agus le húdaráis mhaoirseachta náisiúnta.

2.   I gcás inar léir don Choimisiún nach bhfuil na forálacha dá dtagraítear i mír 1 á gcomhlíonadh, féadfaidh sé imscrúdú a thionscnamh. Tabharfaidh sé i gcrích an t-imscrúdú laistigh de 4 mhí, tar éis éisteacht a thabhairt don Bhallstát agus don údarás maoirseachta náisiúnta lena mbaineann agus don soláthraí seirbhísí aerthráchta ainmnithe lena mbaineann.

3.   Gan dochar d’Airteagal 52(1), comhroinnfidh an Coimisiún na torthaí ón imscrúdú leis an mBallstát lena mbaineann, agus, i gcás inarb iomchuí, leis na soláthraithe seirbhísí aerloingseoireachta a ainmnítear faoi Airteagail 8 agus 10 lena mbaineann agus féadfaidh an Coimisiún tuairim a eisiúint i dtaobh cé acu a chomhlíon nó nár chomhlíon an Ballstát sin Airteagail 21 go 27 agus Airteagail 29 go 32 agus na gníomhartha cur chun feidhme dá dtagraítear in Airteagail 28 agus 33. Tabharfaidh sé fógra faoin tuairim sin don Bhallstát lena mbaineann.

1.   Ní bheidh feidhm ag Airteagail 21 go 34 maidir le hairm a sholáthraíonn seirbhísí aerloingseoireachta go príomha do ghluaiseachtaí aerárthaí seachas aerthrácht ginearálta.

Mar sin féin, féadfaidh na Ballstáit a chinneadh na hAirteagail sin a chur i bhfeidhm maidir le hairm a sholáthraíonn seirbhísí aerloingseoireachta go príomha maidir le gluaiseachtaí aerárthaí seachas aerthrácht ginearálta.

I gcás nach bhfuil feidhm ag forálacha Airteagail 21 go 34 maidir le hairm a sholáthraíonn seirbhísí aerloingseoireachta, ní bheidh costais na seirbhísí gaolmhara mar chuid de na costais a chinntear dá dtagraítear in Airteagal 30(1).

2.   Beidh feidhm ag Airteagail 21 go 34 maidir le hairm a sholáthraíonn seirbhísí aerloingseoireachta go príomha don aerthrácht ginearálta i leith na seirbhísí a sholáthraítear don aerthrácht ginearálta.

1.   Déanfaidh soláthraithe seirbhísí aerloingseoireachta, is cuma cén córas úinéireachta nó foirm dhlíthiúil atá acu, a gcuntais airgeadais a tharraingt suas agus a fhoilsiú gach bliain. Comhlíonfaidh na cuntais sin na caighdeáin chuntasaíochta idirnáisiúnta atá glactha ag an Aontas.

I gcás nach féidir na caighdeáin chuntasaíochta idirnáisiúnta a chomhlíonadh go hiomlán, toisc stádas dlíthiúil an tsoláthraí seirbhísí aerloingseoireachta, bainfidh an soláthraí an comhlíonadh sin amach a mhéid is féidir. Foilseoidh soláthraithe seirbhísí aerloingseoireachta tuarascáil bhliantúil agus déanfar iniúchadh neamhspleách orthu go rialta i leith na gcuntas dá dtagraítear sa mhír seo.

2.   Beidh an ceart ag na húdaráis mhaoirseachta náisiúnta rochtain a fháil ar chuntais soláthraithe seirbhísí aerloingseoireachta faoi mhaoirseacht na soláthraithe sin. Féadfaidh na Ballstáit cinneadh a dhéanamh rochtain ar na cuntais sin a thabhairt d’údaráis mhaoirseachta náisiúnta Bhallstáit eile. Soláthróidh na húdaráis mhaoirseachta náisiúnta an fhaisnéis sin don Choimisiún i gcás inar gá sin a dhéanamh ionas go bhféadfaidh an Coimisiún a chúraimí a dhéanamh faoin Rialachán seo.

3.   Coinneoidh soláthraithe seirbhísí aerloingseoireachta cuntais ar leithligh le haghaidh gach seirbhíse aerloingseoireachta ina gcuntasaíocht inmheánach mar a bheadh de cheangal orthu dá ndéanfadh gnólachtaí ar leithligh na seirbhísí sin d’fhonn idirdhealú, tras-fhóirdheonú agus saobhadh iomaíochta a sheachaint. Coinneoidh soláthraí seirbhísí aerloingseoireachta cuntais ar leithligh chomh maith le haghaidh gach gníomhaíochta sna cásanna seo a leanas:

Déanfar na costais a chinntear agus na costais iarbhír a eascraíonn as seirbhísí aerloingseoireachta a mhiondealú i gcatagóirí costas i gcomhréir le hAirteagal 30(6) agus cuirfear ar fáil go poiblí iad, gan dochar d’Airteagal 52(3).

4.   Déanfaidh an t-údarás maoirseachta náisiúnta nó eintiteas atá neamhspleách ar an soláthraí seirbhísí aerloingseoireachta lena mbaineann iniúchadh nó fíorú ar na sonraí airgeadais arna dtuairisciú i gcomhréir le hAirteagal 29(6) mar aon le faisnéis eile is ábhartha chun rátaí aonaid a ríomh agus déanfaidh an t-údarás maoirseachta náisiúnta iad sin a fhormheas. Cuirfear conclúidí an iniúchta sin ar fáil go poiblí gan dochar d’Airteagal 52(3).

1.   Is é an toradh a bheidh ar fheidhmeanna an ghréasáin bainistíochta aerthráchta go mbainfear úsáid inbhuanaithe éifeachtúil as an aerspás agus as na hacmhainní tearca. Áiritheofar leo chomh maith go mbeidh úsáideoirí aerspáis in ann ruthaig agus próifílí eitilte a oibriú atá optamaithe don chomhshaol, ach ag an am céanna rochtain chothrom réasúnach a cheadú ar an aerspás agus ar sheirbhísí aerloingseoireachta agus brú aerthráchta a laghdú. Leis na feidhmeanna gréasáin sin, a leagtar amach i mír 2 den Airteagal seo, tacófar le rochtain réidh a bheith ag úsáideoirí aerspáis ar sheirbhísí aerloingseoireachta agus, lena chois sin, tacófar le spriocanna feidhmíochta uile-Aontais, dá dtagraítear in Airteagal 21(3), pointe (b), a bhaint amach agus beidh siad bunaithe ar cheanglais oibríochtúla. Le cur chun feidhme na bhfeidhmeanna gréasáin sin, urramófar forálacha Airteagal 1, agus ní dochar iad do cheannasacht na mBallstát ar a gcuid aerspáis féin agus dá gceanglais maidir leis an mbeartas poiblí, leis an tslándáil phoiblí agus le cúrsaí cosanta.

2.   Is iad seo a leanas na feidhmeanna gréasáin dá dtagraítear i mír 1:

3.   Cuirfidh na Ballstáit agus gach geallsealbhóir oibríochtúil ábhartha feidhmeanna gréasáin i gcrích le rannchuidiú ón mBainisteoir Gréasáin mar a shainítear in Airteagal 38(6) agus sa ghníomh cur chun feidhme dá dtagraítear in Airteagal 38(10).

4.   Ní bheidh glacadh beart ceangailteach ag a bhfuil raon feidhme ginearálta ná feidhmiú lánrogha polaitiúla i gceist leis na feidhmeanna a leagtar amach i mír 2. Déanfar iad i gcomhordú le húdaráis shibhialta agus mhíleata, go háirithe, i gcomhréir le nósanna imeachta comhaontaithe maidir le húsáid sholúbtha an aerspáis. Is de chineál iomlán oibríochtúil nó teicniúil a bheidh na bearta a dhéanfar le haghaidh chur chun feidhme na bhfeidhmeanna a liostaítear i mír 2 agus cuirfear sainiúlachtaí na mBallstát san áireamh iontu.

5.   Chun cur chun feidhme agus comhlíonadh aonfhoirmeach na bhforálacha dá dtagraítear san Airteagal seo a áirithiú, déanfaidh an Coimisiún, d’fhonn na cuspóirí a leagtar amach in Airteagal 1 a bhaint amach, gníomhartha cur chun feidhme a ghlacadh, i gcomhréir leis an nós imeachta scrúdúcháin dá dtagraítear in Airteagal 48(3), lena leagtar síos rialacha mionsonraithe maidir le feidhmiú na bhfeidhmeanna gréasáin, lena n-áirítear maidir le bainistíocht géarchéime.

1.   Chun na cuspóirí dá dtagraítear in Airteagal 37(1) den Rialachán seo, a bhaint amach, déanfaidh an Coimisiún a áirithiú, le tacaíocht na Gníomhaireachta i gcomhréir le Rialachán (AE) 2018/1139, go rannchuideoidh an Bainisteoir Gréasáin le cur i gcrích na bhfeidhmeanna gréasáin a leagtar amach in Airteagal 37(2) den Rialachán seo, trí na cúraimí dá dtagraítear i mír 6 den Airteagal seo a dhéanamh. Déanfaidh an Coimisiún maoirseacht ar an mBainisteoir Gréasáin féachaint go gcuirfidh sé a chúraimí i gcrích mar is ceart.

2.   Ceapfaidh an Coimisiún comhlacht neamhspleách, neamhchlaonta, inniúil chun cúraimí an Bhainisteora Gréasáin a dhéanamh.

3.   Chuige sin, glacfaidh an Coimisiún gníomh cur chun feidhme i gcomhréir leis an nós imeachta scrúdúcháin dá dtagraítear in Airteagal 48(3).

Sa chinneadh faoi cheapachán, áireofar téarmaí agus coinníollacha an cheapacháin, lena n-áirítear an Bainisteoir Gréasáin a mhaoiniú.

4.   Chun cur chun feidhme agus comhlíonadh aonfhoirmeach na bhforálacha dá dtagraítear i mír 2 a áirithiú, déanfaidh an Coimisiún, d’fhonn na cuspóirí a leagtar amach in Airteagal 1 a bhaint amach, gníomhartha cur chun feidhme a ghlacadh lena leagtar síos forálacha mionsonraithe lena n-áirítear an méid seo a leanas:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

5.   Cuirfidh an Bainisteoir Gréasáin a chúraimí i gcrích ar bhealach neamhspleách costéifeachtúil. Beidh sé faoi réir rialachas agus uathrialachas cuí i gcás ina bhfuil feidhmeanna rialála chomh maith ag an gcomhlacht inniúil a cheaptar mar Bhainisteoir Gréasáin, áiritheofar go ndéanfar scaradh eagraíochtúil ó na feidhmeanna sin. Agus a chuid cúraimí á gcur i gcrích aige, cuirfidh an Bainisteoir Gréasáin, riachtanais an ghréasáin BAT ina iomláine san áireamh agus déanfaidh sé cumais chosanta a choimirciú ag an am céanna agus beidh na geallsealbhóirí oibríochtúla go léir rannpháirteach go hiomlán ann.

6.   Ar chur i bhfeidhm an ghnímh cur chun feidhme dá dtagraítear i mír 3 den Airteagal seo, rannchuideoidh an Bainisteoir Gréasáin, laistigh de theorainneacha Airteagal 37(4) den Airteagal seo, le forghníomhú na bhfeidhmeanna gréasáin trí na cúraimí seo a leanas:

7.   Rannchuideoidh an Bainisteoir Gréasáin le feidhmeanna gréasáin a fhorghníomhú trí bhíthin bearta tacaíochta atá dírithe ar phleanáil shábháilte éifeachtúil agus oibríochtaí sábháilte éifeachtúla na ngeallsealbhóirí laistigh den ghréasán faoi ghnáthdhálaí agus faoi dhálaí géarchéime gréasáin agus trí bhearta atá dírithe ar fheabhsú leanúnach na n-oibríochtaí gréasáin san Aerspás Eorpach Aonair agus ar fheidhmíocht fhoriomlán an ghréasáin, go háirithe maidir leis an scéim feidhmíochta a chur chun feidhme, lena n-áirítear i dtaca leis an aeráid agus leis an gcomhshaol. Cuirfear san áireamh, sa ghníomhaíocht a dhéanann an Bainisteoir Gréasáin, gur gá na haerfoirt a chomhtháthú go hiomlán sa ghréasán s agus beidh sé mar aidhm léi a áirithiú go gcomhlíonfar pleananna feidhmíochta agus spriocanna feidhmíochta na soláthraithe seirbhísí aerthráchta ainmnithe.

8.   Oibreoidh an Bainisteoir Gréasáin i ndlúthchomhar leis an gCoimisiún chun a éascú go léireofar na spriocanna feidhmíochta dá dtagraítear in Airteagal 21 go leordhóthanach sa phleanáil fhoriomlán maidir leis an acmhainneacht agus san acmhainneacht atá le cur ar fáil ag soláthraithe seirbhísí aerthráchta aonair agus atá le comhaontú idir an Bainisteoir Gréasáin agus na soláthraithe seirbhísí aerthráchta san NOP.

9.   Déanfaidh an Bainisteoir Gréasáin an méid seo a leanas:

10.   Chun cur chun feidhme aonfhoirmeach na bhforálacha dá dtagraítear i míreanna 6 go 9 den Airteagal seo a áirithiú, déanfaidh an Coimisiún, d’fhonn na cuspóirí a leagtar amach in Airteagal 1 a bhaint amach, gníomhartha cur chun feidhme a ghlacadh lena mbunófar rialacha mionsonraithe maidir le cur chun feidhme chúraimí an Bhainisteora Gréasáin, mar a shainítear sna míreanna sin.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

11.   Agus a chuid cúraimí á gcur i gcrích aige, déanfaidh an Bainisteoir Gréasáin bearta trí phróiseas cinnteoireachta comhoibrithí. Gníomhóidh páirtithe sa phróiseas cinnteoireachta comhoibrithí a mhéid is féidir d’fhonn feidhmiú agus feidhmíocht an ghréasáin a fheabhsú, lena n-áirítear baint amach na spriocanna uile-Aontais i bpríomhréimse feidhmíochta na haeráide agus an chomhshaoil. Cuirfidh an próiseas cinnteoireachta comhoibrithí leas an ghréasáin chun cinn, agus leasanna bunriachtanacha slándála agus cosanta á gcur san áireamh, agus dálaí áitiúla nó réigiúnacha eile, mar shampla dálaí geografacha, topagrafacha agus meitéareolaíocha.

Beidh na Ballstáit rannpháirteach go hiomlán i gcinntí a bhfuil tábhacht straitéiseach ag baint leo, go háirithe i múnlú an Phlean Straitéise Gréasáin.

12.   Beidh an próiseas cinnteoireachta comhoibrithí dá dtagraítear i mír 11 bunaithe, go háirithe, ar phróiseas comhairliúcháin le geallsealbhóirí oibríochtúla, le comhordaitheoirí sliotán aerfoirt, leis na Ballstáit agus, i gcás inarb ábhartha, leis an nGníomhaireacht agus leis an gCoimisiún, ar shocruithe agus próisis oibre le haghaidh oibríochtaí agus ar shásraí réitigh a mbeidh baint ag an mBord Bainistíochta Gréasáin leo i gcás inar gá.

I gcás inarb í ceannasacht ar a chuid aerspáis atá i gceist, ní mór toil an Bhallstáit sin a fháil.

13.   Chun cur chun feidhme aonfhoirmeach agus comhlíonadh na bhforálacha dá dtagraítear i míreanna 11 agus 12 a áirithiú, glacfaidh an Coimisiún, d’fhonn na cuspóirí a leagtar amach in Airteagal 1 a bhaint amach, gníomhartha cur chun feidhme lena leagfar síos forálacha mionsonraithe maidir leis an bpróiseas cinnteoireachta comhoibrithí, lena n-áirítear:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

14.   Bunaítear Bord Bainistíochta Gréasáin d’fhonn rialachas iomchuí ar fhorghníomhú na bhfeidhmeanna gréasáin a áirithiú.

Beidh freagracht ar an mBord Bainistíochta Gréasáin as na nithe seo a leanas:

Is i bhfoirm gníomh cur chun feidhme a dhéanfaidh an Coimisiún NSP a fhormheas. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

Beidh comhaltaí a bhfuil vóta acu agus comhaltaí nach bhfuil vóta acu ar an mBord Bainistíochta Gréasáin. Beidh sé comhdhéanta d’ionadaithe na ngeallsealbhóirí oibríochtúla, ionadaithe an Choimisiúin, ionadaithe an Bhainisteora Gréasáin agus ionadaithe Eurocontrol.

15.   Chun cur chun feidhme agus comhlíonadh aonfhoirmeach na bhforálacha dá dtagraítear i mír 14 den Airteagal seo a áirithiú, glacfaidh an Coimisiún, d’fhonn na cuspóirí a leagtar amach in Airteagal 1 a bhaint amach, gníomhartha cur chun feidhme lena leagtar síos rialacha mionsonraithe maidir leis an mBord Bainistíochta Gréasáin, go háirithe maidir leis an méid seo a leanas:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

16.   Gan dochar d’Airteagal 37(2), pointe (a), den Rialachán seo ná d’Airteagail 44 agus 46 de Rialachán (AE) 2018/1139 ná do na gníomhartha tarmligthe agus cur chun feidhme arna nglacadh ar an mbonn sin, beidh an inniúlacht iomlán ag na Ballstáit chun na bealaí agus na struchtúir aerspáis atá faoina bhfreagracht a fhorbairt, a fhormheas agus a bhunú. I dtaca leis sin, cuirfidh na Ballstáit éilimh aerthráchta, séasúracht agus castacht aerthráchta agus pleananna feidhmíochta san áireamh. Sula ndéanfaidh siad cinneadh maidir leis na gnéithe sin, tabharfaidh siad aird chuí ar riachtanais na n-úsáideoirí aerspáis lena mbaineann nó na ngrúpaí a dhéanann ionadaíocht ar na húsáideoirí aerspáis sin agus ar na húdaráis mhíleata de réir mar is iomchuí.

1.   Déanfar cuntais airgeadais an Bhainisteora Gréasáin a tharraingt suas agus a fhoilsiú go bliantúil. Comhlíonfaidh na cuntais sin na caighdeáin chuntasaíochta idirnáisiúnta atá glactha ag an Aontas. I gcás nach féidir na caighdeáin chuntasaíochta idirnáisiúnta a chomhlíonadh go hiomlán, toisc stádas dlíthiúil an Bhainisteora Gréasáin, féachfaidh an Bainisteoir Gréasáin leis an gcomhlíonadh sin a bhaint amach a mhéid is féidir.

2.   Foilseoidh an Bainisteoir Gréasáin tuarascáil bhliantúil ar a chuid gníomhaíochtaí agus déanfar iniúchadh neamhspleách air go rialta.

1.   Maidir le haerthrácht ginearálta, cuirfidh gach soláthraí seirbhísí aerloingseoireachta, gach úsáideoir aerspáis, gach aerfort agus an Bainisteoir Gréasáin sonraí oibríochtúla ábhartha ar fáil i bhformáid idir-inoibritheach i bhfíor-am, ar bhonn trédhearcach agus neamh-idirdhealaitheach agus gan dochar don tslándáil náisiúnta, don bheartas poiblí ná do leasanna beartais cosanta, lena n-áirítear ar bhonn trasteorann agus ar bhonn uile-Aontais. Beidh an infhaighteacht sin chun tairbhe soláthraithe seirbhísí aerloingseoireachta atá deimhnithe nó dearbhaithe, eintitis a bhfuil sé cruthaithe acu go bhfuil sé ar intinn acu seirbhísí aerloingseoireachta a sholáthar, eintitis mhíleata a bhfuil gníomhaíochtaí slándála agus cosanta de chúram orthu, soláthraithe seirbhísí aerloingseoireachta míleata, úsáideoirí aerspáis agus aerfoirt chomh maith leis an mBainisteoir Gréasáin. Ní úsáidfear na sonraí ach chun críoch oibríochta.

2.   Beidh praghsanna don tseirbhís dá dtagraítear i mír 1 bunaithe ar phrionsabail ghinearálta agus ar rialacha comhchoiteanna praghsála atá le bunú sa ghníomh cur chun feidhme dá dtagraítear i mír 4.

3.   Tabharfar rochtain saor in aisce ar na sonraí oibríochtúla ábhartha dá dtagraítear i mír 1 den Airteagal seo do na húdaráis atá i gceannas ar mhaoirseacht sábháilteachta, feidhmíocht agus maoirseacht gréasáin, slándáil, beartas poiblí agus cosaint, lena n-áirítear don Ghníomhaireacht, i gcomhréir le Rialachán (AE) 2018/1139.

4.   Glacfaidh an Coimisiún gníomhartha cur chun feidhme lena leagtar síos na ceanglais mhionsonraithe maidir le sonraí a chur ar fáil agus rochtain a fháil orthu i gcomhréir le míreanna 1 agus 3 den Airteagal seo, lena n-áirítear na sonraí oibríochtúla sonracha lena mbaineann, na prionsabail ghinearálta agus na rialacha comhchoiteanna praghsála maidir leis na praghsanna a shocrú dá dtagraítear i mír 2 den Airteagal seo agus ceanglais maidir le heintitis a shainaithint a bhfuil sé cruthaithe acu go bhfuil sé ar intinn acu i soláthar seirbhísí aerloingseoireachta a mheas. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

1.   Agus saintréithe agus cineál na gníomhaíochta míleata i ngach Ballstát, mar aon le heagrú na gcúrsaí míleata atá faoina bhfreagracht, á gcur san áireamh, áiritheoidh na Ballstáit cur i bhfeidhm an choincheapa maidir le húsáid sholúbtha an aerspáis faoin Aerspás Eorpach Aonair chun bainistíocht aerspáis agus bainistíocht aerthráchta a éascú i gcomhthéacs an chomhbheartais iompair agus, i gcás inarb iomchuí, i gcomhsheasmhacht le Máistirphlean Eorpach BAT.

2.   Tabharfaidh na Ballstáit tuarascáil bhliantúil don Choimisiún maidir le cur i bhfeidhm an choincheapa maidir le húsáid sholúbtha an aerspáis, i gcomhthéacs an chomhbheartais iompair, i ndáil leis an aerspás atá faoina bhfreagracht.

3.   I gcás inar gá coinníollacha aonfhoirmeacha, go háirithe i bhfianaise na dtuarascálacha arna gcur isteach ag na Ballstáit, chun cur i bhfeidhm a dhéanamh ar an gcoincheap maidir le húsáid sholúbtha an aerspáis faoin Aerspás Eorpach Aonair, glacfaidh an Coimisiún, laistigh de theorainneacha an chomhbheartais iompair agus gan dochar d’Airteagal 1(2), gníomhartha cur chun feidhme ina leagtar síos na coinníollacha aonfhoirmeacha sin. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

4.   I gcásanna ina mbíonn deacrachtaí suntasacha oibríochtúla i gcur i bhfeidhm an Airteagail seo, ar deacrachtaí iad lena ndéantar dochar do choimirce na slándála riachtanaí nó leasanna maidir le beartas cosanta, féadfaidh na Ballstáit an cur i bhfeidhm sin a chur ar fionraí go sealadach ar choinníoll go gcuirfidh siad an Coimisiún agus na Ballstáit eile ar an eolas faoi sin gan mhoill. Tar éis fionraí shealadach a thabhairt isteach, féadfar coigeartuithe ar na rialacha arna nglacadh faoi mhír 3 a fhorbairt don aerspás faoi fhreagracht an Bhallstáit lena mbaineann. Cuirfear deireadh leis an bhfionraí shealadach agus le haon choigeartú mar sin nuair a thiocfaidh deireadh leis na deacrachtaí oibríochtúla sin.

1.   Féadfaidh an Coimisiún comhthionscadail a chur ar bun, bunaithe ar an ngá atá ag na geallsealbhóirí le sioncrónú, chun na hathruithe riachtanacha oibríochtúla a chur chun feidhme, ar athruithe iad a shainaithnítear i Máistirphlean Eorpach BAT mar athruithe a bhfuil tionchar acu ar fud an ghréasáin agus a bhfuil aibíocht leordhóthanach maidir le cur chun feidhme bainte amach acu chun cumais idir-inoibritheacha a chumasú i ngach Ballstát, d’fhonn feidhmíocht an Aerspáis Eorpaigh Aonair a fheabhsú.

2.   Féadfaidh an Coimisiún freisin sásraí rialachais a bhunú le haghaidh comhthionscadal agus a gcur chun feidhme. Beidh gach geallsealbhóir ábhartha sibhialta agus míleata rannpháirteach sna sásraí sin a mhéid is féidir agus, i gcás inar féidir agus más iomchuí, beidh ról ceannasach acu.

3.   Féadfaidh comhthionscadail a bheith incháilithe le haghaidh cistiú ón Aontas faoin gcreat airgeadais ilbhliantúil. Chuige sin, agus gan dochar d’inniúlacht na mBallstát cinneadh a dhéanamh i dtaobh an chaoi a n-úsáidfidh siad a gcuid acmhainní airgeadais, déanfaidh an Coimisiún anailís neamhspleách costais is tairbhe chomh maith leis na comhairliúcháin iomchuí leis na Ballstáit agus leis na geallsealbhóirí ábhartha i gcomhréir le hAirteagal 49, lena bhfiosrófar an ord tosaíochta agus na slite cuí go léir chun a gcur chun feidhme a mhaoiniú.

4.   Glacfaidh an Coimisiún gníomhartha cur chun feidhme lena mbunaítear na comhthionscadail agus na sásraí rialachais dá dtagraítear i míreanna 1 agus 2 den Airteagal seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

1.   Déanfaidh an Coiste um Aerspás Aonair, dá ngairtear ‘an Coiste’ anseo feasta, cúnamh a thabhairt don Choimisiún, ar a mbeidh beirt ionadaithe ó gach Ballstát agus é faoi chathaoirleacht an Choimisiúin. Áiritheoidh an Coiste go gcuirfear leas na gcatagóirí úsáideoirí uile san áireamh go hiomchuí. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.

3.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

4.   I gcás nach dtugann an Coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

1.   Bunóidh na Ballstáit, na húdaráis mhaoirseachta náisiúnta, BAF agus an Bainisteoir Gréasáin, mar aon leis an nGníomhaireacht maidir lena cúraimí faoi Airteagal 21, míreanna 3 agus 4, agus Airteagal 38(1), sásraí comhairliúcháin le haghaidh comhairliúcháin iomchuí leis na geallsealbhóirí.

2.   Bunóidh an Coimisiún sásra ar leibhéal an Aontais chun dul i gcomhairle leis na geallsealbhóirí ábhartha maidir le ceisteanna a bhaineann le cur chun feidhme an Rialacháin seo.

Beidh an Coiste um Idirphlé Earnála, arna chur ar bun faoi Chinneadh 98/500/CE, páirteach sa chomhairliúchán. Chun críocha phointe (e) de mhír 3 den Airteagal seo, nuair a bheidh comhairliúchán de dhíth maidir le gnéithe míleata, rachaidh an Coimisiún, chomh maith leis na Ballstáit, i gcomhairle leis an nGníomhaireacht Eorpach um Chosaint agus le húdaráis náisiúnta mhíleata.

3.   Chun críocha mhíreanna 1 agus 2, déanfar comhairliúchán leis na geallsealbhóirí oibríochtúla agus neamhoibríochtúla seo a leanas, ar a laghad, i gcás inarb ábhartha:

1.   Ní dhéanfaidh na húdaráis mhaoirseachta náisiúnta, ag gníomhú dóibh i gcomhréir lena reachtaíocht náisiúnta, ná na húdaráis inniúla náisiúnta, ná an Coimisiún, ná BAF, ná an Bainisteoir Gréasáin, ná an Ghníomhaireacht aon fhaisnéis de chineál rúnda, go háirithe faisnéis faoi sholáthraithe seirbhísí aerloingseoireachta, a gcaidreamh gnó nó a ngnéithe costais ná ioncaim, a nochtadh.

2.   Ní dochar mír 1 do cheart na n-údarás maoirseachta náisiúnta agus an Choimisiúin faisnéis a nochtadh i gcás ina bhfuil sé seo fíor-riachtanach chun a gcuid cúraimí a chomhlíonadh. Sa chás sin, beidh nochtadh den sórt sin comhréireach agus beidh aird aige ar leasanna dlisteanacha na soláthraithe seirbhísí aerloingseoireachta, na n-úsáideoirí aerspáis, na n-aerfort nó na ngeallsealbhóirí ábhartha eile ó thaobh faisnéis atá íogair ó thaobh na tráchtála a chosaint.

3.   Nochtfar go poiblí faisnéis agus sonraí ar a dtugtar rochtain de bhun Airteagail 12(4), 23(10), 24(6), 25(2), 36(3) agus 36(4) nó a thuairiscítear de bhun Airteagal 29(6), go háirithe maidir le costais arna gcinneadh, chomh maith le costais iarbhír, na soláthraithe seirbhísí aerthráchta ainmnithe, faoi réir cúrsaí slándála poiblí, cosanta agus míleata nó leasanna tráchtála duine nádúrtha nó dhlítheanaigh, lena n-áirítear maoin intleachtúil, a chosaint, mura rud é go bhfuil leas sáraitheach poiblí ann i dtaca le nochtadh.

1.   Déanfaidh an Coimisiún meastóireacht chun measúnú a dhéanamh ar thionchair dhlíthiúla, shóisialta, eacnamaíocha agus chomhshaoil an Rialacháin seo, mar aon lena bhreisluach ar an leibhéal náisiúnta agus ar an leibhéal Eorpach araon, tar éis dheireadh an chúigiú tréimhse thagartha agus tráth nach déanaí ná 3 bliana tar éis dheireadh na tréimhse tagartha sin. Nuair atá údar maith ag an gCoimisiún chuige sin, féadfaidh sé faisnéis atá ábhartha maidir le cur i bhfeidhm an Rialacháin seo a iarraidh ar na Ballstáit, lena n-áirítear na húdaráis mhíleata.

2.   Cuirfidh an Coimisiún a thorthaí faoi bhráid Pharlaimint na hEorpa agus na Comhairle. Cuirfear torthaí na meastóireachta dá dtagraítear i mír 1 ar fáil don phobal.

1.   Beidh feidhm ag Airteagal 4(2) de Rialachán (CE) Uimh. 549/2004 agus Airteagal 12(3) de Rialachán (CE) Uimh. 550/2004 go dtí an 2 Nollaig 2026.

2.   Leanfaidh an Comhlacht Athbhreithnithe Feidhmíochta a ainmnítear faoi Airteagal 11(2) de Rialachán (CE) Uimh. 549/2004 dá fheidhmeanna a fheidhmiú go dtí an 2 Meitheamh 2025.

3.   Maidir le hAirteagal 11 de Rialachán (CE) Uimh. 549/2004, seachas mír 2 den Airteagal sin, agus Airteagal 15 de Rialachán (CE) Uimh. 550/2004, agus na gníomhartha cur chun feidhme arna nglacadh ar an mbonn sin, beidh feidhm acu fós chun críoch cur chun feidhme scéimeanna feidhmíochta agus muirearaithe a bhaineann leis an tríú agus an ceathrú tréimhse thagartha.

4.   Beidh feidhm ag Cinneadh Cur Chun Feidhme (AE) 2019/709 (23) ón gCoimisiún an 6 Bealtaine 2019 go dtí deireadh an cheathrú tréimhse thagartha nó go dtí go nglacfar gníomh cur chun feidhme i gcomhréir le hAirteagal 38(3) den Rialachán seo, cibé acu is luaithe.

5.   Beidh feidhm ag Airteagal 9 de Rialachán (CE) Uimh. 549/2004 go dtí an 2 Nollaig 2026.