(1)

Le Rialachán Tarmligthe (AE) 2020/760 ón gCoimisiún (2), déantar forlíonadh ar Rialachán (AE) Uimh. 1308/2013 a mhéid a bhaineann leis na rialacha maidir le riar taraif-chuótaí ar allmhairí agus onnmhairí le haghaidh táirgí talmhaíochta atá faoi réir ceadúnas.

(2)

De bhun Airteagal 9(1) de Rialachán Tarmligthe (AE) 2020/760, ní fhéadfaidh oibreoirí iarratais ar cheadúnais a chur isteach faoi tharaif-chuóta ar leith ach amháin le haghaidh cainníocht theoranta, arna ríomh ar bhonn na gcainníochtaí a d’allmhairigh siad san am a chuaigh thart (‘cainníocht tagartha’). Foráiltear le hAirteagal 9(2) den Rialachán Tarmligthe sin go gcumhdófar leis an gcainníocht tagartha táirgí a scaoiltear i saorchúrsaíocht san Aontas agus a thagann faoin uimhir taraif-chuóta chéanna agus ar den tionscnamh céanna iad.

(3)

Le hAirteagal 9(6) agus (7) de Rialachán Tarmligthe (AE) 2020/760, leagtar amach maolú ar an riail go bhfuil an chainníocht tagartha le ríomh ar bhonn allmhairí táirgí ar den tionscnamh céanna iad. I gcás grúpaí áirithe taraif-chuótaí, déantar an chainníocht tagartha a ríomh go carnach le haghaidh an ghrúpa iomláin a leagtar amach san Airteagal 9 sin seachas í a ríomh le haghaidh taraif-chuóta aonair. Dá bhrí sin, féadfar cainníocht tagartha an ghrúpa sin a úsáid chun iarratas a dhéanamh ar cheadúnais le haghaidh aon cheann de tharaif-chuótaí an ghrúpa lena mbaineann.

(4)

Dá bhrí sin, leis an maolú a leagtar amach in Airteagal 9(6) agus (7) de Rialachán Tarmligthe (AE) 2020/760, ceadaítear d’allmhaireoirí iarratas a dhéanamh ar na taraif-chuótaí faoi chainníocht tagartha an ghrúpa le méid áirithe solúbthachta.

(5)

Mar sin féin, d’fhéadfadh saobhadh margaidh a bheith ina thoradh ar úsáid an mhaolaithe sin, ós rud é go gcuireann forbairtí reachtacha agus margaidh a tharla le déanaí ar a gcumas do líon teoranta cuideachtaí sciartha móra de cheadúnais allmhairiúcháin a fháil faoi na taraif-chuótaí lena mbaineann. Méadaíodh an riosca sin trí dhíchur na ndleachtanna ar allmhairí ón Úcráin, dá bhforáiltear i Rialacháin (AE) 2022/870 (3), (AE) 2023/1077 (4) agus (AE) 2024/1392 (5) ó Pharlaimint na hEorpa agus ón gComhairle.

(6)

Chun an riosca sin maidir le saobhadh margaidh a íoslaghdú agus chun a áirithiú gur féidir le gach oibreoir leasmhar iarratas a dhéanamh ar cheadúnais allmhairiúcháin faoi na taraif-chuótaí lena mbaineann, is iomchuí taraif-chuótaí faoi shraithuimhreacha 09.4213, 09.4216 agus 09.4412 a bhaint de na grúpaí a liostaítear in Airteagal 9(6) agus (7) de Rialachán Tarmligthe (AE) 2020/760.

(7)

Ba cheart, dá bhrí sin, Rialachán Tarmligthe (AE) 2020/760 a leasú dá réir sin.

(8)

Chun bainistiú cuí na ngrúpaí taraif-chuótaí sin a áirithiú, agus ag cur san áireamh nach ionann na tréimhsí taraif-chuótaí lena n-aghaidh uile, ba cheart feidhm a bheith ag na leasuithe a thugtar isteach leis an Rialachán seo ó na tréimhsí taraif-chuótaí a thosóidh tar éis theacht i bhfeidhm an Rialacháin seo,