(1)

Faoi Rialachán (AE) 2023/1230, tá an Coimisiún le foráil a dhéanamh maidir le teimpléad caighdeánaithe lena mbaileoidh na Ballstáit na sonraí agus an fhaisnéis dá dtagraítear in Airteagal 6(5), pointí (a) go (d), den Rialachán, lena n-áirítear an fhaisnéis dá dtagraítear in Airteagal 6(9). Áirithítear le teimpléad caighdeánaithe den sórt sin coinníollacha aonfhoirmeacha maidir le sonraí agus faisnéis a bhailiú chun catagóir innealra nó táirgí gaolmhara a chur le hIarscríbhinn I a ghabhann leis an Rialachán sin nó chun catagóir innealra nó táirgí gaolmhara a tharraingt siar ón Iarscríbhinn sin.

(2)

Is iomchuí, dá bhrí sin, teimpléad a leagan amach a bheidh le húsáid ag na Ballstáit chun na sonraí sin agus an fhaisnéis sin a bhailiú. Chun na ceanglais tuairiscithe a chuíchóiriú, sa teimpléad caighdeánaithe teorannaítear na sonraí agus an fhaisnéis atá le soláthar don mhéid a bhfuil fíorghá leis, go háirithe trína cheangal nach dtabharfar ach na sonraí sonracha agus an fhaisnéis shonrach i ndáil le hinnealra sonrach nó táirgí gaolmhara sonracha agus chun críocha sonracha Airteagal 6(10), an chéad fhomhír, de Rialachán (AE) 2023/1230, ós rud é nach ndéantar an fhaisnéis shonrach sin agus na sonraí sonracha sin chun na gcríoch sonrach sin a cheangal le haon reachtaíocht eile de chuid an Aontais.

(3)

Rinne an Coimisiún comhairliúcháin iomchuí le linn obair ullmhúcháin an teimpléid a leagtar síos sa Rialachán seo agus chuaigh sé i gcomhairle leis an ngrúpa saineolaithe ábhartha freisin.

(4)

Tá na bearta dá bhforáiltear sa Rialachán seo i gcomhréir leis an tuairim ón gCoiste dá dtagraítear in Airteagal 48(1) de Rialachán (AE) 2023/1230,