This document is an excerpt from the EUR-Lex website
Document 32024R1106
Regulation (EU) 2024/1106 of the European Parliament and of the Council of 11 April 2024 amending Regulations (EU) No 1227/2011 and (EU) 2019/942 as regards improving the Union’s protection against market manipulation on the wholesale energy market (Text with EEA relevance)
Rialachán (AE) 2024/1106 ó Pharlaimint na hEorpa agus ón gComhairle an 11 Aibreán 2024 lena leasaítear Rialacháin (AE) Uimh. 1227/2011 agus (AE) 2019/942 a mhéid a bhaineann le feabhas a chur ar chosaint an Aontais ar chúbláil margaidh sa mhargadh mórdhíola fuinnimh (Téacs atá ábhartha maidir le LEE)
Rialachán (AE) 2024/1106 ó Pharlaimint na hEorpa agus ón gComhairle an 11 Aibreán 2024 lena leasaítear Rialacháin (AE) Uimh. 1227/2011 agus (AE) 2019/942 a mhéid a bhaineann le feabhas a chur ar chosaint an Aontais ar chúbláil margaidh sa mhargadh mórdhíola fuinnimh (Téacs atá ábhartha maidir le LEE)
PE/103/2023/REV/1
IO L, 2024/1106, 17.4.2024, ELI: http://data.europa.eu/eli/reg/2024/1106/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Iris Oifigiúil |
GA Sraith L |
2024/1106 |
17.4.2024 |
RIALACHÁN (AE) 2024/1106 Ó PHARLAIMINT NA hEORPA AGUS ÓN gCOMHAIRLE
an 11 Aibreán 2024
lena leasaítear Rialacháin (AE) Uimh. 1227/2011 agus (AE) 2019/942 a mhéid a bhaineann le feabhas a chur ar chosaint an Aontais ar chúbláil margaidh sa mhargadh mórdhíola fuinnimh
(Téacs atá ábhartha maidir le LEE)
TÁ PARLAIMINT NA hEORPA AGUS COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 194(2) de,
Ag féachaint don togra ón gCoimisiún Eorpach,
Tar éis dóibh an dréachtghníomh reachtach a chur chuig na parlaimintí náisiúnta,
Ag féachaint don tuairim ó Choiste Eacnamaíoch agus Sóisialta na hEorpa (1),
Tar éis dóibh dul i gcomhairle le Coiste na Réigiún,
Ag gníomhú dóibh i gcomhréir leis an ngnáthnós imeachta reachtach (2),
De bharr an mhéid seo a leanas:
(1) |
Teastaíonn sláine agus trédhearcacht na margaí mórdhíola fuinnimh chun iomaíocht oscailte chóir a áirithiú sna margaí inmheánacha leictreachais agus gáis agus chun cothrom iomaíochta a áirithiú do rannpháirtithe margaidh. Le Rialachán (AE) Uimh. 1227/2011 ó Pharlaimint na hEorpa agus ón gComhairle (3), bunaítear creat cuimsitheach chun an cuspóir sin a bhaint amach. Chun muinín an phobail as margaí mórdhíola fuinnimh feidhmiúla a fheabhsú agus chun an tAontas a chosaint go héifeachtach ar iarrachtaí ar dhrochúsáid margaidh, ba cheart Rialachán (AE) Uimh. 1227/2011 a leasú chun tuilleadh trédhearcachta a áirithiú agus acmhainneacht faireacháin a mhéadú, a chuireann, ar an gcaoi sin, le cobhsú praghsanna fuinnimh agus cosaint tomhaltóirí, chomh maith lena áirithiú go ndéanfar imscrúdú agus forfheidhmiú níos éifeachtaí ar chásanna féideartha de dhrochúsáid trasteorann an mhargaidh, agus aghaidh á tabhairt ar na heasnaimh a shainaithnítear sa chreat atá ann faoi láthair. |
(2) |
Tá an tábhacht a bhaineann le hionstraimí airgeadais a thrádáiltear ar mhargaí mórdhíola fuinnimh, lena n-áirítear díorthaigh fuinnimh, ag dul i méid. Mar gheall ar an idirghaol idir margaí airgeadais agus margaí mórdhíola fuinnimh a bheith ag éirí níos dlúithe, ba cheart Rialachán (AE) Uimh. 1227/2011 a ailíniú níos fearr le reachtaíocht an Aontais maidir le margaí airgeadais, amhail Rialachán (AE) Uimh. 596/2014 ó Pharlaimint na hEorpa agus ón gComhairle (4), lena n-áirítear é sin a dhéanamh maidir leis na sainmhínithe ar chúbláil margaidh agus ar fhaisnéis cos istigh. Ba cheart, dá bhrí sin, an sainmhíniú ar chúbláil margaidh i Rialachán (AE) Uimh. 1227/2011 a leasú chun go mbeidh sé i gcomhréir le hAirteagal 12 de Rialachán (AE) Uimh. 596/2014. Chuige sin, ba cheart an sainmhíniú ar chúbláil margaidh faoi Rialachán (AE) Uimh. 1227/2011 a leasú ní hamháin chun aon idirbheart a dhéantar a chumhdach, nó chun aon ordú chun trádáil a dhéanamh a eisítear, a mhodhnaítear nó a tharraingítear siar a chumhdach, ach chun aon iompraíocht eile a bhaineann le táirgí mórdhíola fuinnimh a chumhdach freisin, ar iompraíocht í lena ndéantar, nó ar dóigh dó nó di, comharthaí bréagacha nó míthreoracha a thabhairt maidir leis an soláthar táirgí mórdhíola fuinnimh nó maidir leis an éileamh nó leis an bpraghas atá orthu, lena ndéanann, nó ar dóigh dó nó di, trí ghníomhaíocht duine, nó trí ghníomhaíocht daoine i gcomhar le chéile, a shocrú go mbeadh an praghas atá ar tháirge mórdhíola fuinnimh amháin nó níos mó ar leibhéal saorga, nó lena n-úsáidtear seift shamhailteach nó aon chineál eile meabhlaireachta nó saorgachta, ar ní é lena ndéantar, nó ar dóigh dó nó di, comharthaí bréagacha nó míthreoracha a thabhairt maidir leis an soláthar táirgí mórdhíola fuinnimh nó maidir leis an éileamh nó leis an bpraghas atá orthu. I ndáil leis sin, ag féachaint don ailíniú le Rialachán (AE) Uimh. 596/2014, ba cheart, sa choincheap faoina gcuimsítear aon iompraíocht eile a bhaineann le táirgí mórdhíola fuinnimh, gníomhaíochtaí éagsúla a áireamh, amhail stuáil luachana, péinteáil na téipe nó cruthú praghasghluaiseachta, ach níor cheart don iompraíocht a bheith teoranta don mhéid sin. |
(3) |
Ba cheart an sainmhíniú ar fhaisnéis cos istigh a leasú freisin chun go mbeidh sé i gcomhréir le Rialachán (AE) Uimh. 596/2014. Nuair a bhaineann faisnéis cos istigh le próiseas a tharlaíonn ina chéimeanna, go háirithe, d’fhéadfadh faisnéis cos istigh a bheith i gceist le gach céim den phróiseas chomh maith leis an bpróiseas foriomlán. D’fhéadfadh gurbh ionann céim idirmheánach i bpróiseas fadtréimhseach inti féin agus sraith imthosca áirithe nó teagmhas áirithe atá ann nó a bhfuil ionchas réalaíoch ann go dtiocfadh ann dóibh nó go dtarlóidís, ar bhonn measúnú foriomlán ar na tosca atá ann cheana ag an am ábhartha. Mar sin féin, níor cheart an méid sin a léirmhíniú mar ní a chiallaíonn go gcaithfear méid éifeacht na sraithe imthosca sin nó an teagmhais sin ar phraghsanna na dtáirgí mórdhíola fuinnimh lena mbaineann a chur san áireamh. Maidir le céim idirmheánach i bpróiseas fadtréimhseach, ba cheart a mheas gur faisnéis cos istigh í má chomhlíonann sí, aisti féin, na critéir a leagtar síos sa Rialachán seo maidir le faisnéis cos istigh. |
(4) |
Ní dochar an Rialachán seo do Rialacháin (AE) Uimh. 648/2012 ó Pharlaimint na hEorpa agus ón gComhairle (5), (AE) Uimh. 596/2014 agus (AE) Uimh. 600/2014 ó Pharlaimint na hEorpa agus ón gComhairle (6) ná do Threoir 2014/65/AE ó Pharlaimint na hEorpa agus ón gComhairle (7) chomh maith le cur i bhfeidhm dhlí iomaíochta an Aontais maidir leis na cleachtais a chumhdaítear leis an Rialachán seo. |
(5) |
Maidir le faisnéis a chomhroinnt idir na húdaráis rialála náisiúnta agus údaráis airgeadais inniúla na mBallstát, is gné lárnach é den chomhar i ndáil le sáruithe féideartha ar an Rialachán seo agus de bhrath sáruithe féideartha ar an Rialachán seo, ar sáruithe iad a bhaineann leis na margaí mórdhíola fuinnimh agus na margaí airgeadais araon. I bhfianaise an mhalartaithe faisnéise idir údaráis inniúla de bhun Rialachán (AE) Uimh. 596/2014 ar an leibhéal náisiúnta, ba cheart do na húdaráis rialála náisiúnta faisnéis ábhartha a fhaigheann siad a chomhroinnt le húdaráis airgeadais inniúla na mBallstát agus leis na húdaráis náisiúnta iomaíochta. |
(6) |
I gcás nach bhfuil faisnéis a chomhroinntear le Gníomhaireacht an Aontais Eorpaigh um Chomhar idir Rialálaithe Fuinnimh (‘an Ghníomhaireacht’) íogair ó thaobh na tráchtála nó na slándála de, nó nach bhfuil an fhaisnéis sin íogair a thuilleadh, ba cheart don Ghníomhaireacht a bheith in ann an fhaisnéis sin a chur ar fáil do rannpháirtithe margaidh agus don phobal i gcoitinne ar bhealach inrochtana d’fhonn rannchuidiú le heolas feabhsaithe ar na margaí mórdhíola fuinnimh. Ba cheart a áireamh leis sin an fhéidearthacht don Ghníomhaireacht faisnéis chomhiomlánaithe maidir le hionaid mhargaidh eagraithe, ardáin faisnéise cos istigh (IIPanna) agus sásraí tuairiscithe cláraithe a fhoilsiú i gcomhréir leis an dlí is infheidhme maidir le cosaint sonraí ar mhaithe le feabhas a chur ar thrédhearcacht na margaí mórdhíola fuinnimh agus ar choinníoll nach ndéanfaidh sé saobhadh ar an iomaíocht sna margaí fuinnimh sin. |
(7) |
I gcás nach bhfuil faisnéis a chomhroinntear leis an nGníomhaireacht íogair ó thaobh na tráchtála de, nó nach bhfuil sí íogair a thuilleadh, ba cheart don Ghníomhaireacht a bheith in ann a bunachar sonraí trádála, atá neamhíogair ó thaobh na tráchtála de, a chur ar fáil chun críoch eolaíoch, faoi réir ceanglais rúndachta, d’fhonn rannchuidiú le heolas feabhsaithe ar na margaí mórdhíola fuinnimh. Beartaítear leis sin cabhrú le muinín a chothú as margaí mórdhíola fuinnimh agus an fhorbairt ar eolas ar fheidhmiú na margaí sin a chothú. Ba cheart don Ghníomhaireacht rialacha a bhunú agus a chur ar fáil go poiblí faoin tslí a bhfuil sé beartaithe aici an fhaisnéis a chur ar fáil chun críoch eolaíoch agus trédhearcachta ar mhodh cóir agus trédhearcach. |
(8) |
Chun tuilleadh feabhais a chur ar thrédhearcacht an mhargaidh i margaí mórdhíola fuinnimh an Aontais agus chun rannchuidiú le comhstraitéis sonraí fuinnimh an Aontais, ba cheart don Ghníomhaireacht lárionad tagartha digiteach a fhorbairt agus a chothabháil ina bhfuil faisnéis maidir le sonraí mhargaí mórdhíola fuinnimh an Aontais (‘an Lárionad Tagartha’). Ba cheart don Ghníomhaireacht codanna den fhaisnéis a bhailíonn sí de bhun an Rialacháin seo a chur ar fáil go poiblí, ar bhealach so-úsáidte, lena n-áirítear faisnéis maidir le trádáil conarthaí mórdhíola fuinnimh thar an gcuntar, comhaontuithe ceannaigh cumhachta agus conarthaí difríochta. Ba cheart aon sonraí a chuirtear ar fáil go poiblí trí bhíthin an Lárionaid Tagartha faisnéise a bheith faoi réir an Rialacháin seo agus an dlí is infheidhme maidir le cosaint sonraí. |
(9) |
Ionaid mhargaidh eagraithe a dhéanann gníomhaíochtaí a bhaineann le trádáil táirgí mórdhíola fuinnimh ar ionstraimí airgeadais iad mar a shainmhínítear in Airteagal 4(1), pointe (15), de Threoir 2014/65/AE, ba cheart iad a údarú go cuí de bhun cheanglais na Treorach sin. |
(10) |
Tháinig forbairt mhór ar úsáid na teicneolaíochta trádála le 10 mbliana anuas agus tá níos mó úsáide á baint aisti ar na margaí mórdhíola fuinnimh. Úsáideann go leor rannpháirtithe margaidh trádáil algartamach agus teicnící algartamacha ardmhinicíochta le gan ach idirghabháil dhaonna fhíorbheag nó gan aon idirghabháil dhaonna. Ba cheart aghaidh a thabhairt ar na rioscaí a eascraíonn as na cleachtais sin i Rialachán (AE) Uimh. 1227/2011. |
(11) |
Tá comhlíonadh na n-oibleagáidí tuairiscithe faoi Rialachán (AE) Uimh. 1227/2011 agus cáilíocht na sonraí a fhaigheann an Ghníomhaireacht ríthábhachtach chun a áirithiú go ndéantar faireachán éifeachtach ar sháruithe féideartha agus go ndéantar sáruithe féideartha a bhrath go héifeachtach d’fhonn a áirithiú cuspóir an Rialacháin sin a bhaint amach. Bíonn éifeacht dhiúltach ag neamhréireachtaí maidir le cáilíocht, formáidiú, iontaofacht agus costas sonraí trádála ar thrédhearcacht, cosaint tomhaltóirí agus éifeachtúlacht an mhargaidh. Tá sé fíor-riachtanach go mbeidh an fhaisnéis a fhaigheann an Ghníomhaireacht cruinn agus iomlán chun go mbeidh sí in ann a cúraimí agus feidhmeanna a dhéanamh go héifeachtach. |
(12) |
Chun feabhas a chur ar fhaireachán na Gníomhaireachta ar mhargaí mórdhíola fuinnimh agus bailiú sonraí a dhéanamh níos iomláine, ní mór feabhas a chur ar an gcóras tuairiscithe atá ann faoi láthair. Ba cheart na sonraí a bhailítear a leathnú chun bearnaí a dhruidim i mbailiú sonraí agus ba cheart an méid a leanas a chuimsiú: margaí cúpláilte, margaí nua cothromúcháin, conarthaí margaí cothromúcháin, acmhainneacht tarchuir leithdháilte agus táirgí a d’fhéadfadh a bheith insoláthartha san Aontas. Ba cheart é a bheith de cheangal ar ionaid mhargaidh eagraithe sonraí a bhaineann leis an leabhar orduithe a chur ar fáil don Ghníomhaireacht nó, arna iarraidh sin, rochtain ar an leabhar orduithe a sholáthar don Ghníomhaireacht gan mhoill. Ba cheart soláthraithe leabhar orduithe a ainmniú freisin mar dhaoine a shocraíonn idirbhearta go gairmiúil faoi réir na hoibleagáide faireachán agus tuairisciú a dhéanamh ar sháruithe amhrasta ar an Rialachán seo. |
(13) |
Ba cheart oibleagáidí tuairiscithe na rannpháirtithe margaidh a íoslaghdú tríd an bhfaisnéis a cheanglaítear, nó codanna di, a bhailiú ó fhoinsí atá ann cheana, i gcás inar féidir. Níl rannpháirtithe margaidh in ann sonraí maidir le hionaid mhargaidh eagraithe a thaifeadadh nó a thuairisciú. Ba cheart, dá bhrí sin, do na hionaid mhargaidh eagraithe ábhartha nó do thríú páirtithe atá ag gníomhú thar a gceann sonraí maidir le hionaid mhargaidh eagraithe a chur ar fáil don Ghníomhaireacht. |
(14) |
Aon phróiseáil a dhéantar ar shonraí pearsanta faoi chuimsiú an Rialacháin seo, amhail malartú nó tarchur sonraí pearsanta idir údaráis náisiúnta ábhartha agus tuairisciú na n-údarás rialála náisiúnta, ba cheart í a dhéanamh i gcomhréir le Rialachán (AE) 2016/679 ó Pharlaimint na hEorpa agus ón gComhairle (8), agus ba cheart aon mhalartú nó tarchur faisnéise a dhéanann an Ghníomhaireacht a dhéanamh i gcomhréir le Rialachán (AE) 2018/1725 ó Pharlaimint na hEorpa agus ón gComhairle (9). |
(15) |
Ba cheart ról tábhachtach a bheith ag IIPanna maidir le faisnéis cos istigh a nochtadh go héifeachtach. Ba cheart é a bheith éigeantach faisnéis cos istigh a nochtadh maidir le IIPanna tiomnaithe chun an fhaisnéis a dhéanamh inrochtana go héasca agus chun feabhas a chur ar thrédhearcacht. Féadfaidh rannpháirtithe margaidh leanúint d’úsáid a bhaint as bealaí eile, lena n-áirítear suíomhanna gréasáin rannpháirtithe margaidh, chun faisnéis cos istigh a nochtadh, fad a úsáidtear IIPanna lena nochtadh freisin. Chun muinín as IIPanna a áirithiú, ba cheart iad a údarú de bhun an Rialacháin seo. Ba cheart do IIPanna, lena n-áirítear iad siúd arna gclárú ag an nGníomhaireacht de bhun Airteagal 11 de Rialachán Cur Chun Feidhme (AE) Uimh. 1348/2014 ón gCoimisiún (10), na ceanglais maidir le húdarú a chomhlíonadh agus an dlí cosanta sonraí a chomhlíonadh. Ba cheart é a bheith de chumhacht ag an nGníomhaireacht an t-údarú sin a tharraingt siar i gcásanna áirithe, agus na coimircí nós imeachta dá dtagraítear in Airteagal 14(6), (7) agus (8) de Rialachán (AE) 2019/942 ó Pharlaimint na hEorpa agus ón gComhairle (11) á n-urramú an tráth céanna. Níor cheart tarraingt siar údaraithe cosc a chur ar eintiteas iarratas a dhéanamh ar údarú nua mar IIP leis an nGníomhaireacht. Ba cheart IIPanna arna gclárú ag an nGníomhaireacht de bhun Rialachán Cur Chun Feidhme (AE) Uimh. 1348/2014 agus a áirítear ar liosta IIPanna na Gníomhaireachta a cheadú leanúint de bheith ag oibriú go dtí go mbeidh cinneadh déanta ag an nGníomhaireacht maidir le húdarú de bhun an Rialacháin seo. Ba cheart sásraí a bheith i bhfeidhm ag IIPanna lenar féidir tuarascálacha maidir le faisnéis cos istigh a sheiceáil go tapa agus go héifeachtach. Maidir le sásraí den sórt sin a fhorbairt, féadfaidh IIPanna ról a thabhairt do rannpháirtithe margaidh. |
(16) |
Chun tuairisciú sonraí chuig an nGníomhaireacht a chuíchóiriú agus a dhéanamh níos éifeachtaí, ba cheart an fhaisnéis a sholáthar trí shásraí tuairiscithe cláraithe agus ba cheart don Ghníomhaireacht oibriú na sásraí tuairiscithe cláraithe a údarú de bhun an Rialacháin seo. Ba cheart do shásraí tuairiscithe cláraithe, lena n-áirítear iad siúd arna gclárú ag an nGníomhaireacht de bhun Airteagal 11 de Rialachán Cur Chun Feidhme(AE) Uimh. 1348/2014 ón gCoimisiún, na ceanglais maidir le húdarú a chomhlíonadh agus an dlí cosanta sonraí a chomhlíonadh. Ba cheart don Ghníomhaireacht clár a choinneáil de na sásraí tuairiscithe cláraithe atá údaraithe aici. Ba cheart é a bheith de chumhacht ag an nGníomhaireacht an t-údarú sin a tharraingt siar i gcásanna áirithe, agus na coimircí nós imeachta dá dtagraítear in Airteagal 14(6), (7) agus (8) de Rialachán (AE) 2019/942 á n-urramú an tráth céanna. Níor cheart tarraingt siar údaraithe cosc a chur ar eintiteas iarratas a dhéanamh ar údarú nua mar shásra tuairiscithe cláraithe leis an nGníomhaireacht. Maidir le sásraí tuairiscithe cláraithe arna gclárú ag an nGníomhaireacht de bhun Rialachán Cur Chun Feidhme (AE) Uimh. 1348/2014 agus a áirítear ar liosta na Gníomhaireachta de shásraí tuairiscithe cláraithe, ba cheart iad a cheadú leanúint de bheith ag oibriú go dtí go mbeidh cinneadh déanta ag an nGníomhaireacht maidir le húdarú de bhun an Rialacháin seo. Ba cheart sásraí a bheith i bhfeidhm ag sásraí tuairiscithe cláraithe lenar féidir tuarascálacha idirbheart a sheiceáil go héifeachtach. Maidir le sásraí den sórt sin a fhorbairt, féadfaidh sásraí tuairiscithe cláraithe ról a thabhairt do rannpháirtithe margaidh. |
(17) |
Chun faireachán a éascú chun trádáil fhéideartha ar bhonn faisnéis cos istigh a bhrath, ní mór bailiú na faisnéise cos istigh a ailíniú leis na próisis atá ann faoi láthair chun sonraí trádála a thuairisciú. |
(18) |
Ba cheart an oibleagáid a bheith ar dhaoine a shocraíonn nó a fhorghníomhaíonn idirbhearta go gairmiúil tuairisciú a dhéanamh ar idirbhearta amhrasacha a sháraíonn forálacha Rialachán (AE) Uimh. 1227/2011 maidir le trádáil cos istigh agus cúbláil margaidh agus, chun feabhas a chur ar an bhféidearthacht sáruithe den sórt sin a fhorfheidhmiú, ba cheart an oibleagáid a bheith orthu freisin tuairisciú a dhéanamh ar orduithe amhrasacha agus sáruithe féideartha ar an oibleagáid faisnéis cos istigh a fhoilsiú. Meastar gur daoine a shocraíonn idirbhearta go gairmiúil iad soláthraithe rochtana leictreonaí dírí agus soláthraithe leabhar orduithe. |
(19) |
Le Rialachán (AE) 2015/1222 ón gCoimisiún (12), foráiltear gur féidir le tríú tír a bheith rannpháirteach i gcúpláil aonair lá roimh ré agus i gcúpláil aonair ionlae san Aontas in earnáil an leictreachais. Ós rud é go n-úsáideann oibreoirí cúplála margaidh algartam sonrach chun tairiscintí ceannaigh agus tairiscintí díola a mheaitseáil ar an mbealach is fearr, d’fhéadfadh, mar thoradh air sin, go ndéanfaí orduithe chun trádáil a dhéanamh i dtríú tír atá rannpháirteach i gcúpláil aonair lá roimh ré agus i gcúpláil aonair ionlae san Aontas ach, mar thoradh orthu sin, dhéanfaí conradh maidir le soláthar leictreachais agus seachadadh san Aontas. Maidir leis na horduithe sin chun trádáil a dhéanamh i dtríú tíortha atá rannpháirteach i gcúpláil aonair lá roimh ré agus i gcúpláil aonair ionlae san Aontas a bhféadfadh seachadadh san Aontas a bheith mar thoradh orthu, ba cheart iad a chumhdach leis an sainmhíniú ar tháirgí mórdhíola fuinnimh de bhun an Rialacháin seo. |
(20) |
Chun measúnú cruinn oibiachtúil iontaofa a fháil ar an bpraghas ar sheachadtaí gáis nádúrtha leachtaithe (GNL) chuig an Aontas, ba cheart don Ghníomhaireacht na sonraí margaidh GNL uile a bhailiú a bhfuil gá leo chun measúnú laethúil ar phraghasanna GNL agus tagarmharc GNL a bhunú. Ba cheart measúnú ar phraghsanna GNL a dhéanamh agus tagarmharc GNL a bhunú ar bhonn gach idirbhirt a bhaineann le seachadtaí GNL san Aontas. Ba cheart an Ghníomhaireacht a chumhachtú chun na sonraí margaidh ábhartha a bhailiú ó na rannpháirtithe go léir atá gníomhach i seachadtaí GNL chuig an Aontas, ar cheart dóibh sonraí margaidh GNL a thuairisciú don Ghníomhaireacht chomh gar d’fhíor-am agus is féidir ó thaobh na teicneolaíochta de, tar éis idirbheart a chur i gcrích nó tar éis tairiscint cheannaigh nó tairiscint díola chun idirbheart a dhéanamh a phostú. Ba cheart an tacar sonraí is iomláine lena n-áirítear praghsanna idirbheart, praghsanna tairisceana ceannaigh agus praghsanna tairisceana díola ar sheachadtaí GNL chuig an Aontas a chuimsiú sa mheasúnú ón nGníomhaireacht ar phraghsanna GNL. Le foilsiú laethúil mheasúnaithe oibiachtúil sin ar phraghsanna GNL, agus an raon difríochta arna bhunú i gcomparáid le praghsanna tagartha eile ar an margadh i bhfoirm tagarmhairc GNL, réitítear an bealach do rannpháirtithe margaidh an measúnú a ghlacadh go deonach mar an praghas tagartha ina gconarthaí agus ina n-idirbhearta. Nuair a bhunófar é, d’fhéadfadh an measúnú ar phraghsanna GNL agus an tagarmharc GNL a bheith ina ráta tagartha le haghaidh conarthaí díorthach a úsáidtear chun an praghas ar GNL nó an difríocht sa phraghas idir an praghas GNL agus praghsanna gáis eile a fhálú. |
(21) |
D’fhéadfadh tarmligean cúraimí agus freagrachtaí a bheith ina ionstraim éifeachtach chun dúbailt cúraimí a laghdú agus comhar a chothú agus tá sé d’aidhm ag an tarmligean sin an t-ualach a fhorchuirtear ar rannpháirtithe margaidh a laghdú. Dá bhrí sin, ba cheart bunús dlí soiléir a sholáthar maidir leis an tarmligean sin. Ba cheart do na húdaráis rialála náisiúnta a bheith in ann cúraimí agus freagrachtaí a tharmligean chuig údarás rialála náisiúnta eile nó chuig an nGníomhaireacht, le toiliú a bheith faighte acu ó na toscairí roimh ré. Ba cheart do na húdaráis rialála náisiúnta a bheith in ann coinníollacha sonracha a thabhairt isteach agus raon feidhme an tarmligin a theorannú don mhéid is gá chun maoirseacht éifeachtach a dhéanamh ar rannpháirtithe nó ar ghrúpaí trasteorann sa mhargadh. Ba cheart na toscaireachtaí a rialú tríd an bprionsabal maidir le hinniúlacht a leithdháileadh ar an údarás is fearr atá in ann gníomhú ar an ábhar. |
(22) |
Ba cheart a áirithiú leis na rialacha maidir le comhlíonadh dhualgais na n-údarás rialála náisiúnta agus na Gníomhaireachta go seachnófar coinbhleachtaí leasa a mhéid is féidir. |
(23) |
Tá gá le creat aonfhoirmeach níos láidre chun cúbláil margaidh agus sáruithe eile ar Rialachán (AE) Uimh. 1227/2011 a chosc sna Ballstáit. Chun a áirithiú go gcuirfear fíneálacha riaracháin i bhfeidhm go comhsheasmhach ar fud na mBallstát as sáruithe ar Rialachán (AE) Uimh. 1227/2011, ba cheart an Rialachán sin a leasú chun foráil a dhéanamh maidir le liosta d’fhíneálacha riaracháin agus de bhearta riaracháin eile ba cheart a bheith ar fáil do na húdaráis rialála náisiúnta agus maidir le liosta critéar chun leibhéal na bhfíneálacha riaracháin sin a chinneadh. Go háirithe, ba cheart méid na bhfíneálacha riaracháin is féidir a fhorchur i gcás sonrach a bheith in ann an t-uasleibhéal dá bhforáiltear sa Rialachán seo a bhaint amach. Mar sin féin, leis an Rialachán seo, ní chuirtear teorainn le cumas na mBallstát foráil a dhéanamh d’fhíneálacha riaracháin níos ísle de réir an cháis. Ba cheart pionóis i leith sáruithe ar Rialachán (AE) Uimh. 1227/2011 a bheith comhréireach, éifeachtach agus athchomhairleach agus ba cheart dóibh cineál na sáruithe a léiriú, agus an prionsabal ne bis in idem á chur san áireamh. Agus fíneálacha riaracháin á nglacadh agus á bhfoilsiú, ba cheart cearta bunúsacha a urramú mar a leagtar síos i gCairt um Chearta Bunúsacha an Aontais Eorpaigh (‘an Chairt’). Is codanna comhlántacha de chóras forfheidhmiúcháin éifeachtach iad fíneálacha riaracháin agus bearta riaracháin eile. Tá gá le cur chuige comhsheasmhach i measc na n-údarás rialála náisiúnta chun maoirseacht chomhchuibhithe a dhéanamh ar na margaí mórdhíola fuinnimh. Chun a gcuid cúraimí a chomhlíonadh, is gá na hacmhainní iomchuí a sholáthar do na húdaráis rialála náisiúnta. |
(24) |
I gcás ina bhfuil rannpháirtí margaidh, nach bhfuil cónaí air san Aontas nó nach bhfuil bunaithe ann, gníomhach san Aontas, ba cheart dó ionadaí a ainmniú san Aontas. Ba cheart an t-ionadaí a ainmniú go sainráite le sainordú i scríbhinn ón rannpháirtí margaidh lena n-údarófar an duine sin le gníomhú thar a cheann. Ba cheart na húdaráis rialála náisiúnta nó an Ghníomhaireacht a bheith in ann dul i dteagmháil leis an ionadaí maidir leis na hoibleagáidí a leagtar síos sa Rialachán seo. |
(25) |
Go dtí seo, is iad na Ballstáit a bhí freagrach as maoirseacht agus forfheidhmiú a dhéanamh ar ghníomhaíochtaí faoi Rialachán (AE) Uimh. 1227/2011. Tá méadú de réir a chéile ag teacht ar chineál trasteorann na hiompraíochta a bhaineann le drochúsáid margaidh, agus is minic a bhíonn tionchar aici ar roinnt Ballstát. Is féidir le gníomhaíocht forfheidhmiúcháin in aghaidh cásanna trasteorann de dhrochúsáid margaidh a bheith ina cúis le dúshláin dhlínsiúla a bhaineann le sainaithint an údaráis rialála náisiúnta arbh fhearr ab fhéidir an t-imscrúdú atá i gceist a dhéanamh. |
(26) |
Baineann dúshlán ar leith ó thaobh an fhorfheidhmiúcháin de freisin le cásanna de dhrochúsáid margaidh lena mbaineann an iliomad eilimintí trasteorann agus rannpháirtithe margaidh atá bunaithe i dtríú tíortha. Níl an creat maoirseachta atá ann faoi láthair oiriúnach do chomhtháthú margaidh ar an leibhéal is inmhianaithe. Ní ann do shásra chun na cinntí maoirseachta is fearr is féidir a áirithiú le haghaidh cásanna trasteorann, i gcás ina bhfuil gá le socruithe casta faoi láthair chun gníomhaíocht chomhpháirteach na n-údarás rialála náisiúnta agus na Gníomhaireachta a áirithiú agus i gcás ina bhfuil meascán córas maoirseachta ann, agus ní mór aghaidh a thabhairt ar an méid sin. Is gá córas éifeachtúil agus éifeachtach maoirseachta agus imscrúdúcháin a chur ar bun le haghaidh na gcásanna sin de dhrochúsáid margaidh, rud nach féidir, mar gheall ar a ghnéithe uile-Aontais, aghaidh a thabhairt air le gníomhaíocht na mBallstát amháin. |
(27) |
An t-imscrúdú ar sháruithe ar Rialachán (AE) Uimh. 1227/2011 lena mbaineann gné thrasteorann, ba cheart é a dhéanamh trí phróiseas aonfhoirmeach ar leibhéal an Aontais. Thairis sin, is fearr is féidir imscrúduithe den sórt sin a dhéanamh ar leibhéal an Aontais, ós rud é go leathnaíonn a dtionchar thar chríoch Ballstáit aonair. Tá gá le rannpháirtíocht na Gníomhaireachta, go háirithe i margadh mórdhíola fuinnimh níos comhtháite, mar gheall ar chastacht na gcásanna trasteorann agus ar an ngá atá le hacmhainní leordhóthanacha a áirithiú do na cásanna sin. Ó tháinig Rialachán (AE) Uimh. 1227/2011 i bhfeidhm, tá taithí nach beag faighte ag an nGníomhaireacht maidir le faireachán a dhéanamh ar na margaí mórdhíola fuinnimh san Aontas agus sonraí ábhartha fúthu a bhailiú chun a sláine agus a dtrédhearcacht a áirithiú. Ar bhonn na taithí sin, ba cheart an Ghníomhaireacht a chumhachtú le himscrúduithe a dhéanamh chun sáruithe ar Rialachán (AE) Uimh. 1227/2011 a chomhrac, lena n-áirítear trí oifigeach imscrúdúcháin neamhspleách a cheapadh laistigh den Ghníomhaireacht. Ba cheart don Ghníomhaireacht imscrúduithe mar sin a dhéanamh i gcomhar leis na húdaráis rialála náisiúnta agus leis na húdaráis ábhartha eile chun tacú lena ngníomhaíochtaí forfheidhmiúcháin agus chun iad a chomhlánú, agus an prionsabal ne bis in idem á chur san áireamh. Thairis sin, i gcomhthéacs imscrúdú arna dhéanamh ag an nGníomhaireacht, i gcás inar gá, ba cheart do na húdaráis rialála náisiúnta ábhartha oibriú i gcomhar lena chéile chun cúnamh a thabhairt don Ghníomhaireacht. Agus a cumhachtaí á bhfeidhmiú aici, ba cheart an Ghníomhaireacht a bheith in ann tosaíocht a thabhairt, más gá, do na cásanna ag a bhfuil an tionchar trasteorann is suntasaí. |
(28) |
Chun na hoibleagáidí nua a shanntar di a chomhlíonadh, go háirithe na cinn sin a bhaineann le cumhachtaí imscrúdúcháin feabhsaithe i gcásanna trasteorann, ba cheart acmhainní leordhóthanacha a bheith ag an nGníomhaireacht, lena n-áirítear an pearsanra is gá. |
(29) |
Agus cinneadh á dhéanamh an bhfuil gné thrasteorann ag baint le cás, is príomhchritéar é seachadadh táirgí mórdhíola fuinnimh i líon áirithe Ballstát. Ar chúiseanna teicniúla, áfach, bíonn cásanna ann nuair nach féidir suíomh geografach seachadta táirgí mórdhíola fuinnimh a shainaithint. Cuir i gcás, nuair a dhéantar seachadadh táirgí mórdhíola fuinnimh nó nuair a ghlactar leis go ndéantar é i gcrios tairisceana a chumhdaíonn críoch nó cuid de chríoch dhá Bhallstát ar a laghad sna margaí mórdhíola leictreachais ionlae agus lá roimh ré, ní féidir an áit bheacht seachadta laistigh den chrios sin a shainaithint. Tá feidhm aige sin freisin maidir le seachadadh táirgí mórdhíola fuinnimh a dhéantar nó a nglactar leis go ndéantar é i gcriosanna cothromúcháin gáis a chumhdaíonn críoch nó cuid de chríoch dhá Bhallstát ar a laghad. Chun a áirithiú go ngníomhóidh an Ghníomhaireacht i bhfíorchásanna trasteorann seachas cásanna lena mbaineann gné náisiúnta amháin, ba cheart seachadadh táirgí mórdhíola fuinnimh laistigh de chrios tairisceana nó de chrios cothromúcháin a chumhdaíonn críoch dhá Bhallstát ar a laghad a mheas mar sheachadadh i mBallstát amháin. Mar sin féin, ba cheart do na húdaráis rialála náisiúnta a gceart a choimeád freisin maidir lena iarraidh go mbeidh an Ghníomhaireacht rannpháirteach i gcásanna lena mbaineann gné thrasteorann de bhun an Rialacháin seo, chomh maith lena gceart agóid a dhéanamh de bhun an Rialacháin seo. |
(30) |
Ba cheart an Ghníomhaireacht a chumhachtú le himscrúduithe ar bith is gá a dhéanamh trí chigireachtaí ar an láthair a dhéanamh, trí ráitis a ghlacadh, agus trí iarrataí ar fhaisnéis a eisiúint trí iarraidh shimplí nó trí chinneadh, chuig na daoine atá faoi réir imscrúdaithe, i gcás ina bhfuil gné shoiléir thrasteorann ag baint le sáruithe amhrasta ar Rialachán (AE) Uimh. 1227/2011. Chun éifeachtacht na gcigireachtaí ar an láthair a chosaint, ba cheart a bheith de chumhacht ag oifigigh na Gníomhaireachta agus ag daoine eile arna n-údarú nó arna gceapadh ag an nGníomhaireacht chun an chigireacht ar an láthair a dhéanamh dul isteach in áitreabh gnó ina bhféadfaí taifid ghnó a choinneáil agus áitreabh príobháideach stiúrthóirí, bainisteoirí nó ball foirne eile de chuid gnólachtaí lena mbaineann imscrúdú. Mar sin féin, ba cheart aon imscrúduithe ar áitreabh príobháideach le linn cigireachtaí ar an láthair a bheith faoi réir cinneadh réasúnaithe ón nGníomhaireacht agus faoi réir údarú roimh ré ó údarás breithiúnach náisiúnta. |
(31) |
Agus na cigireachtaí ar an láthair á ndéanamh aici agus iarrataí ar fhaisnéis á n-eisiúint aici chuig na daoine atá faoi réir imscrúdaithe, ba cheart don Ghníomhaireacht oibriú i ndlúthchomhar go gníomhach leis na húdaráis rialála náisiúnta ábhartha, agus ba cheart dóibh an cúnamh is gá a thabhairt don Ghníomhaireacht, lena n-áirítear é sin a dhéanamh i gcás ina ndiúltaíonn duine géilleadh don chigireacht ar an láthair nó an fhaisnéis a iarradh a sholáthar. Thairis sin, le linn cigireacht ar an láthair, ba cheart é a bheith de cumhacht ag oifigigh na Gníomhaireachta agus ag daoine arna n-údarú nó arna gceapadh ag an nGníomhaireacht chun an chigireacht ar an láthair a dhéanamh séalaí a ghreamú d’áitreabh gnó ar feadh na tréimhse ama is gá chun an chigireacht ar an láthair a dhéanamh. Cé is moite de chásanna cuí-réasúnaithe, níor cheart séalaí a ghreamú ar feadh níos mó ná 72 uair an chloig. Thairis sin, ba cheart é a bheith de chumhacht ag na hoifigigh a bhfuil na cigireachtaí ar an láthair á ndéanamh acu aon fhaisnéis atá ábhartha d’ábhar agus do chuspóir na cigireachta ar an láthair a iarraidh. |
(32) |
Ba cheart é a bheith de chumhacht ag an nGníomhaireacht íocaíochtaí pionósacha tréimhsiúla a fhorchur chun a áirithiú go gcomhlíonfar na cinntí uaithi maidir le cigireachtaí ar an láthair agus iarrataí ar fhaisnéis arna nglacadh i gcomhthéacs imscrúdú trasteorann. Mar sin féin, níor cheart é a bheith de chumhacht ag an nGníomhaireacht fíneálacha a fhorchur. Ba cheart d’aon íocaíochtaí pionósacha tréimhsiúla arna bhforchur ag an nGníomhaireacht a bheith comhréireach, éifeachtach agus athchomhairleach agus ba cheart imscrúduithe trasteorann éifeachtúla a áirithiú leo. Tá sé tábhachtach go n-urramófar go hiomlán coimircí nós imeachta agus cearta bunúsacha na ndaoine atá faoi réir imscrúduithe na Gníomhaireachta. Ba cheart d’aon ghníomhaíocht a dhéanfaidh an Ghníomhaireacht a bheith comhréireach agus ba cheart próis chuí agus cearta cosanta an duine a áirithiú léi. Ba cheart rúndacht na faisnéise arna cur isteach ag na daoine atá faoi réir an imscrúdaithe a choimirciú agus a mhalartú i gcomhréir le rialacha cosanta sonraí an Aontais is infheidhme. |
(33) |
Ag deireadh gach imscrúdaithe, ba cheart don Ghníomhaireacht tuarascáil imscrúdúcháin a tharraingt suas lena n-áirítear na torthaí uaithi agus an fhianaise ar fad ar ar bunaíodh na torthaí sin. Ba cheart an tuarascáil imscrúdúcháin a chur chuig údaráis rialála náisiúnta na mBallstát lena mbaineann, agus ba cheart, dá réir sin, gan dochar dá n-inniúlacht eisiach chun a chinneadh ar tharla sárú, aon bhearta forfheidhmiúcháin is gá a dhéanamh, lena n-áirítear, de réir mar is iomchuí, fíneálacha a fhorchur, i gcomhréir leis an Rialachán seo agus an dlí náisiúnta. Ba cheart do na húdaráis rialála náisiúnta a ndícheall a dhéanamh chun a áirithiú go ndéanfar obair leantach iomchuí ar na tuarascálacha imscrúdúcháin ón nGníomhaireacht. |
(34) |
Ba cheart don Ghníomhaireacht Parlaimint na hEorpa agus an Chomhairle a chur ar an eolas go tráthrialta faoina gníomhaíochtaí maidir le himscrúduithe trasteorann. Chun na críche sin, ba cheart don Ghníomhaireacht achoimrí ar na tuarascálacha imscrúdúcháin uaithi a chur faoi bhráid Pharlaimint na hEorpa agus na Comhairle ar bhonn tráthrialta. Ba cheart na hachoimrí sin a chur isteach i bhfoirm chomhiomlánaithe agus anaithnidithe, agus ba cheart déileáil leo mar achoimrí rúnda, inter alia i bhfianaise an ghá atá le cuspóir na n-imscrúduithe trasteorann i dtrácht a chosaint, i gcomhréir le Rialachán (CE) Uimh. 1049/2001 ó Pharlaimint na hEorpa agus ón gComhairle (13). |
(35) |
Ba cheart aon chinntí a ghlacann an Ghníomhaireacht faoin Rialachán seo a bheith faoi réir athbhreithniú ag Cúirt Bhreithiúnais an Aontais Eorpaigh, lena n-áirítear cinntí lenar fhorchuir an Ghníomhaireacht íocaíocht phionósach thréimhsiúil. Ní dochar an Rialachán seo d’inniúlacht na gcúirteanna náisiúnta nó na mbinsí náisiúnta athbhreithniú a dhéanamh ar chinntí arna nglacadh ag na húdaráis náisiúnta inniúla de bhun an Rialacháin seo, amhail údaruithe ó údaráis bhreithiúnacha náisiúnta i gcomhthéacs cigireachtaí ar an láthair arna ndéanamh ag an nGníomhaireacht nó éilimh ar neamhrialtachtaí faoi rialacha náisiúnta maidir le híocaíochtaí pionósacha tréimhsiúla a fhorfheidhmiú. |
(36) |
Leis an Rialachán seo, urramaítear na cearta bunúsacha agus comhlíontar na prionsabail a aithnítear, go háirithe, leis an gCairt, go háirithe an ceart maidir le sonraí pearsanta a chosaint, an tsaoirse gnó a sheoladh, an ceart chun leigheas éifeachtach agus triail chóir a fháil, agus an ceart chun nach ndéanfar duine a thriail ná a phionósú faoi dhó in imeachtaí coiriúla i ngeall ar an gcion coiriúil céanna, agus ní mór é a léirmhíniú agus a chur i bhfeidhm i gcomhréir leis na cearta agus leis na prionsabail sin. |
(37) |
Chun na mionsonraí is gá a leagan síos chun éifeachtacht an Rialacháin seo a áirithiú, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i ndáil leis an Rialachán seo a leasú trí na sainmhínithe ábhartha a ailíniú sna cásanna dá bhforáiltear sa Rialachán seo ar mhaithe le comhleanúnachas a áirithiú le dlí ábhartha eile de chuid an Aontais i réimsí na seirbhísí airgeadais agus an fhuinnimh agus trí na sainmhínithe sin a thabhairt cothrom le dáta chun forbairtí a dhéanfar amach anseo ar mhargaí mórdhíola fuinnimh a chur san áireamh, agus chun na críche sin amháin, agus i ndáil leis an Rialachán seo a fhorlíonadh trí na modhanna ina bhfuil IIPanna agus sásraí tuairiscithe cláraithe lena gcuid oibleagáidí faoi seach a chomhlíonadh, na mionsonraí a bhaineann leis an bpróiseas chun údarú a tharraingt siar agus le próiseas an ionadaithe ordúil chomh maith leis na coimircí ábhartha nós imeachta a shonrú, agus trí thairseacha íosta a bhunú, agus sonraíochtaí náisiúnta á gcur san áireamh, chun teagmhais a shainaithint ar dócha go mbeadh tionchar suntasach acu ar phraghsanna na dtáirgí mórdhíola fuinnimh dá ndéanfaí iad a phoibliú. Agus tairseacha mar sin á mbunú, ba cheart don Choimisiún féachaint ar chomhleanúnachas a áirithiú le dlí ábhartha eile de chuid an Aontais i réimsí na seirbhísí airgeadais agus an fhuinnimh. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (14). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile an tráth céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe. |
(38) |
Chun coinníollacha aonfhoirmeacha a áirithiú maidir leis an Rialachán seo a chur chun feidhme, ba cheart cumhachtaí cur chun feidhme a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (15). |
(39) |
Ós rud é nach féidir leis na Ballstáit cuspóir an Rialacháin seo, eadhon cosaint an Aontais ar chúbláil margaidh ar an margadh mórdhíola fuinnimh a fheabhsú, a ghnóthú go leordhóthanach ag feidhmiú ina n-aonar ach, dá bhrí sin, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta, mar a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a bhaint amach, |
TAR ÉIS AN RIALACHÁN SEO A GHLACADH:
Airteagal 1
Leasuithe ar Rialachán (AE) Uimh. 1227/2011
Leasaítear Rialachán (AE) Uimh. 1227/2011 mar a leanas:
(1) |
cuirtear an méid seo a leanas in ionad na dtagairtí do Rialacháin (CE) Uimh. 713/2009 agus (CE) Uimh. 714/2009 agus do Threoir 2003/6/CE:
|
(2) |
leasaítear Airteagal 1 mar a leanas:
|
(3) |
leasaítear Airteagal 2 mar a leanas:
|
(4) |
in Airteagal 3(1), cuirtear an fhomhír seo a leanas leis: ‘Measfar freisin gur trádáil cos istigh í faisnéis cos istigh a úsáid chun ordú, nó aon ghníomhaíocht trádála eile a bhaineann le táirge mórdhíola fuinnimh lena mbaineann an fhaisnéis, a chealú nó a leasú i gcás ina ndearnadh an t-ordú sula raibh an fhaisnéis cos istigh ag an duine lena mbaineann.’; |
(5) |
leasaítear Airteagal 4 mar a leanas:
|
(6) |
cuirtear an t-airteagal seo a leanas isteach: ‘Airteagal 4a Ardáin faisnéis cos istigh a údarú agus maoirseacht a dhéanamh orthu 1. Ní oibreoidh IIP go dtí go mbeidh measúnú déanta ag an nGníomhaireacht cibé acu a chomhlíonann nó nach gcomhlíonann an IIP sin na ceanglais a leagtar amach i míreanna 3, 4 agus 5 agus go dtí go mbeidh a oibríocht údaraithe aici. Bunóidh an Ghníomhaireacht clár de IIPanna a bheidh údaraithe aici de bhun na míre seo. Beidh clár IIPanna ar fáil go poiblí agus beidh faisnéis ann maidir leis na seirbhísí a bhfuil an IIP údaraithe ina leith. Déanfaidh an Ghníomhaireacht athbhreithniú tráthrialta ar mhíreanna 3, 4 agus 5 a bheith á gcomhlíonadh ag IIPanna. 2. Ceadófar do IIPanna arna gclárú ag an nGníomhaireacht de bhun Rialachán Cur Chun Feidhme (AE) Uimh. 1348/2014 ón gCoimisiún (*8) agus a áirítear ar liosta IIPanna na Gníomhaireachta leanúint de bheith ag oibriú go dtí go mbeidh cinneadh déanta ag an nGníomhaireacht maidir le húdarú de bhun an Airteagail seo. 3. Beidh beartais agus socruithe leordhóthanacha i bhfeidhm ag IIP chun an fhaisnéis cos istigh mar a cheanglaítear faoi Airteagal 4(1) a chur ar fáil go poiblí chomh gar d’fhíor-am agus is féidir go teicniúil, ar bhonn réasúnach tráchtála. Cuirfear an fhaisnéis cos istigh ar fáil agus beidh rochtain éasca uirthi saor in aisce chun gach críche, lena n-áirítear trí shuíomh gréasáin nó trí chomhéadan feidhmchláir. Scaipfidh an IIP faisnéis den sórt sin go héifeachtúil agus go comhsheasmhach ar bhealach lena n-áiritheofar go mbeidh rochtain phras ar an bhfaisnéis cos istigh, ar bhonn neamh-idirdhealaitheach agus ar bhealach lena n-éascaítear comhdhlúthú na faisnéise cos istigh le sonraí comhchosúla ó fhoinsí eile. 4. Áireofar san fhaisnéis cos istigh a chuireann IIP ar fáil go poiblí de bhun mhír 3 ar a laghad na mionsonraí seo a leanas, ag brath ar an gcineál faisnéise cos istigh:
5. Déanfaidh IIP socruithe riaracháin éifeachtacha a fheidhmiú agus a choinneáil ar bun arb é is aidhm dóibh coinbhleachtaí leasa idir é agus a chuid cliant a chosc. Go háirithe, maidir le IIP ar ionad margaidh eagraithe nó rannpháirtí margaidh é freisin, is ar bhealach neamh-idirdhealaitheach a dhéanfaidh sé an fhaisnéis cos istigh ar fad a bhailítear a láimhseáil, agus déanfaidh sé socruithe iomchuí a fheidhmiú agus a choinneáil ar bun chun feidhmeanna éagsúla gnó a scaradh ó chéile. Beidh sásraí fónta slándála i bhfeidhm ag IIP arna ndearadh chun ráthaíocht a thabhairt maidir le slándáil na modhanna aistrithe faisnéis cos istigh, chun an riosca maidir le truailliú sonraí agus rochtain neamhúdaraithe a íoslaghdú agus chun sceitheadh faisnéise cos istigh roimh an bhfoilsiú a chosc. Déanfaidh IIP acmhainní leordhóthanacha a choinneáil ar bun agus beidh saoráidí cúltaca aige chun a sheirbhísí a thairiscint agus a choinneáil ar bun. Beidh sásraí i bhfeidhm ag IIP lenar féidir tuarascálacha maidir le faisnéis cos istigh a sheiceáil go tapa agus go héifeachtach maidir lena n-iomláine, chun easnaimh agus earráidí soiléire a shainaithint, agus chun leagan ceartaithe de thuarascálacha den sórt sin a iarraidh. 6. I gcás ina bhfaigheann an Ghníomhaireacht gur sháraigh IIP aon cheann de na ceanglais a leagtar síos i míreanna 1 go 5 den Airteagal seo, sular dtarraingeofar siar údarú de bhun mhír 7 den Airteagal seo, tabharfaidh sí na coimircí nós imeachta iomchuí don IIP, lena n-áirítear na coimircí sin dá dtagraítear in Airteagal 14(6), (7) agus (8) de Rialachán (AE) 2019/942. 7. Féadfaidh an Ghníomhaireacht údarú IIP a tharraingt siar, trí bhíthin cinnidh, agus é a bhaint den chlár i gcás inar fíor an méid seo a leanas i leith an IIP:
I gcás cinneadh dá dtagraítear sa chéad fhomhír den mhír seo, léireoidh an Ghníomhaireacht na leigheasanna dlí atá ar fáil de bhun Airteagail 28 agus 29 de Rialachán (AE) 2019/942. Cuirfidh IIP ar tharraing an Ghníomhaireacht siar a údarú na rannpháirtithe margaidh ábhartha ar fad ar an eolas agus áiritheoidh sé ionadú ordúil lena n-áirítear aistriú sonraí chuig IIPanna eile, arna roghnú ag rannpháirtithe margaidh, agus atreorú sreafaí tuairiscithe chuig IIPanna eile. Socróidh an Ghníomhaireacht tréimhse réasúnach 6 mhí ar a laghad chun ionadú ordúil den sórt sin a áirithiú. Le linn na tréimhse sin, áiritheoidh an IIP go leanfar de na seirbhísí a sholáthraíonn sé. Féadfaidh an Ghníomhaireacht tréimhse níos giorra a shocrú, áfach, más rud é go bhféadfadh oibriú leantach an IIP oibriú ordúil an chórais a chur i mbaol, ag féachaint do thromchúis na bhfíoras as ar eascair tarraingt siar an údaraithe. Déanfaidh an Ghníomhaireacht, gan moill mhíchuí, fógra a thabhairt don údarás rialála náisiúnta sa Bhallstát ina bhfuil an IIP bunaithe faoi aon chinneadh údarú IIP a tharraingt siar de bhun na chéad fhomhíre agus cuirfidh sí na rannpháirtithe margaidh ar an eolas faoi sin. 8. Faoin 8 Bealtaine 2025, glacfaidh an Coimisiún gníomh tarmligthe i gcomhréir le hAirteagal 20 chun an Rialachán seo a fhorlíonadh tríd an méid seo a leanas a shonrú:
(*8) Rialachán Cur Chun Feidhme (AE) Uimh. 1348/2014 ón gCoimisiún an 17 Nollaig 2014 maidir le sonraí a thuairisciú i dtaca le cur chun feidhme Airteagal 8(2) agus Airteagal 8(6) de Rialachán (AE) Uimh. 1227/2011 ó Pharlaimint na hEorpa agus ón gComhairle maidir le sláine agus trédhearcacht an mhargaidh mórdhíola fuinnimh (IO L 363, 18.12.2014, lch. 121).’;" |
(7) |
cuirtear an t-airteagal seo a leanas isteach: ‘Airteagal 5a Trádáil algartamach 1. Rannpháirtí margaidh a ghabhann do thrádáil algartamach, beidh córais éifeachtacha agus rialuithe riosca éifeachtacha i bhfeidhm aige atá oiriúnach don ghnó a oibríonn sé chun a áirithiú go bhfuil a chórais trádála athléimneach agus go bhfuil dóthain acmhainneachta acu, go bhfuil siad faoi réir tairseacha trádála iomchuí agus teorainneacha trádála iomchuí agus go gcuireann siad cosc ar sheoladh orduithe earráideacha chun trádáil a dhéanamh nó ar fheidhmiú eile a bhféadfadh margadh mí-ordúil a chruthú nó cur le margadh mí-ordúil. Beidh córais éifeachtacha agus rialuithe riosca éifeachtacha i bhfeidhm ag an rannpháirtí margaidh freisin chun a áirithiú go gcomhlíonann na córais trádála an Rialachán seo agus rialacha ionaid mhargaidh eagraithe lena bhfuil sé nasctha. Beidh socruithe éifeachtacha leanúnachais gnó i bhfeidhm ag an rannpháirtí margaidh chun déileáil le haon teip ina chórais trádála agus áiritheoidh sé go ndéanfar tástáil iomlán ar a chórais agus go ndéanfar faireachán ceart orthu chun a áirithiú go gcomhlíonfar na ceanglais a leagtar síos sa mhír seo leo. 2. Tabharfaidh rannpháirtí margaidh a ghabhann do thrádáil algartamach i mBallstát fógra faoi sin d’údarás rialála náisiúnta an Bhallstáit ina bhfuil sé cláraithe de bhun Airteagal 9(1) agus don Ghníomhaireacht. Féadfaidh údarás rialála náisiúnta an Bhallstáit ina bhfuil an rannpháirtí margaidh cláraithe de bhun Airteagal 9(1) a cheangal ar an rannpháirtí margaidh a sholáthar, ar bhonn tráthrialta nó ad hoc, tuairisc ar chineál a straitéisí trádála algartamaí, mionsonraí na bparaiméadar trádála nó na dteorainneacha trádála a bhfuil an córas trádála faoina réir, na príomhrialuithe comhlíonta agus riosca atá i bhfeidhm lena áirithiú go gcomhlíontar na ceanglais a leagtar síos i mír 1 den Airteagal seo agus mionsonraí maidir le tástáil a chóras trádála. Socróidh an rannpháirtí margaidh go gcoinneofar taifid i ndáil leis na hábhair dá dtagraítear sa mhír seo ar feadh 5 bliana agus áiritheoidh sé go mbeidh na taifid sin leordhóthanach chun ligean d’údarás rialála náisiúnta an Bhallstáit ina bhfuil an rannpháirtí margaidh cláraithe de bhun Airteagal 9(1) faireachán a dhéanamh ar chomhlíonadh an Rialacháin seo. 3. Tabharfaidh rannpháirtí margaidh a sholáthraíonn rochtain dhíreach leictreonach ar ionad margaidh eagraithe fógra dá réir sin d’údarás rialála náisiúnta an Bhallstáit ina bhfuil an rannpháirtí margaidh cláraithe de bhun Airteagal 9(1) agus don Ghníomhaireacht. Féadfaidh údarás rialála náisiúnta an Bhallstát ina bhfuil an rannpháirtí margaidh cláraithe de bhun Airteagal 9(1) a cheangal ar an rannpháirtí margaidh a sholáthar, ar bhonn tráthrialta nó ad hoc, tuairisc ar na córais agus na rialuithe riosca dá dtagraítear i mír 1 den Airteagal seo agus fianaise gur cuireadh i bhfeidhm iad. Socróidh an rannpháirtí margaidh go gcoinneofar taifid i ndáil leis na hábhair dá dtagraítear sa mhír seo ar feadh 5 bliana agus áiritheoidh sé go mbeidh na taifid sin leordhóthanach chun ligean don údarás rialála náisiúnta an Bhallstáit ina bhfuil an rannpháirtí margaidh cláraithe de bhun Airteagal 9(1) faireachán a dhéanamh ar chomhlíonadh an Rialacháin seo. 4. Ní dochar an tAirteagal seo do na hoibleagáidí a leagtar síos i dTreoir 2014/65/AE.’ |
(8) |
in Airteagal 6, cuirtear an méid seo a leanas in ionad mhír 1: ‘1. Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 20:
|
(9) |
leasaítear Airteagal 7 mar a leanas:
|
(10) |
cuirtear na hairteagail seo a leanas isteach: ‘Airteagal 7a Cúraimí agus cumhachtaí na Gníomhaireachta maidir le measúnuithe ar phraghas GNL a dhéanamh agus maidir le tagarmharcanna GNL 1. Déanfaidh an Ghníomhaireacht measúnú laethúil ar phraghsanna GNL agus tagarmharc laethúil GNL a tháirgeadh agus a fhoilsiú. Chun críoch an mheasúnaithe ar phraghsanna GNL agus an tagarmhairc GNL, déanfaidh an Ghníomhaireacht sonraí margaidh GNL maidir le hidirbhearta a bhailiú agus a phróiseáil go córasach. I gcás inarb iomchuí, cuirfear san áireamh sa mheasúnú ar phraghsanna difríochtaí réigiúnacha agus dálaí margaidh. 2. De mhaolú ar Airteagal 3(4), pointe (b), den Rialachán seo, beidh feidhm maidir le rannpháirtithe margaidh GNL ag na hoibleagáidí agus na toirmisc atá ar na rannpháirtithe margaidh a leagtar síos sa Rialachán seo. Beidh feidhm maidir le rannpháirtithe margaidh GNL freisin ag na cumhachtaí a thugtar don Ghníomhaireacht faoin Rialachán seo agus faoi Rialachán Cur Chun Feidhme (AE) Uimh. 1348/2014, lena n-áirítear na forálacha maidir le rúndacht. Airteagal 7b Measúnuithe ar phraghsanna GNL agus tagarmharcanna GNL a fhoilsiú 1. Foilseofar an measúnú ar phraghsanna GNL ar bhonn laethúil, agus tráth nach déanaí ná 18:00 CET i gcás an mheasúnaithe ar phraghsanna idirbhirt glan amach. De bhreis ar an measúnú ar phraghsanna GNL a fhoilsiú, foilseoidh an Ghníomhaireacht freisin, ar bhonn laethúil, an tagarmharc GNL tráth nach déanaí ná 19:00 CET nó a luaithe is féidir go teicniúil. 2. Chun críocha an Airteagail seo, féadfaidh an Ghníomhaireacht úsáid a bhaint as seirbhísí tríú páirtí. Airteagal 7c Sonraí margaidh GNL a sholáthar don Ghníomhaireacht 1. Déanfaidh rannpháirtithe margaidh GNL na sonraí margaidh GNL a chur faoi bhráid na Gníomhaireachta go laethúil, saor in aisce, trí bhíthin na mbealaí tuairiscithe arna mbunú ag an nGníomhaireacht, i bhformáid chaighdeánaithe, trí phrótacal tarchurtha ardcháilíochta, agus chomh gar d’fhíor-am agus is féidir ó thaobh na teicneolaíochta de sula bhfoilseofar an measúnú laethúil ar phraghsanna GNL (18:00 CET). 2. Féadfaidh an Coimisiún gníomhartha cur chun feidhme a ghlacadh lena sonraítear an pointe ama faoina mbeidh sonraí margaidh GNL le tíolacadh roimh fhoilsiú an mheasúnaithe laethúil ar phraghsanna GNL dá dtagraítear i mír 1. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 21(2). 3. I gcás inarb iomchuí, déanfaidh an Ghníomhaireacht, tar éis di dul i gcomhairle leis an gCoimisiún, treoir a eisiúint i dtaca leis na nithe seo a leanas:
Airteagal 7d Cáilíocht na sonraí margaidh GNL 1. Áireofar na nithe seo a leanas i sonraí margaidh GNL:
2. Déanfaidh rannpháirtithe margaidh GNL sonraí margaidh GNL a sholáthar don Ghníomhaireacht sna haonaid agus sna hairgeadraí seo a leanas:
3. Eiseoidh an Ghníomhaireacht treoir maidir leis na critéir faoinarb ionann aighnitheoir aonair agus cuid shuntasach de na sonraí margaidh GNL arna dtíolacadh laistigh de thréimhse thagartha áirithe agus maidir leis an gcaoi a dtabharfar aghaidh ar an gcás sin sa mheasúnú laethúil uaithi ar phraghsanna GNL agus ar thagarmharc GNL. Airteagal 7e Leanúnachas gnó Déanfaidh an Ghníomhaireacht athbhreithniú tráthrialta ar a measúnú uaithi ar phraghsanna tagartha GNL agus an mhodheolaíocht uaithi maidir leis an tagarmharc GNL, chomh maith leis an modheolaíocht a úsáidtear chun sonraí margaidh GNL a thuairisciú agus chun na measúnuithe uaithi ar phraghsanna GNL agus na tagarmharcanna GNL uaithi a fhoilsiú, agus déanfaidh sí iad a nuashonrú agus fhoilsiú go tráthrialta, agus tuairimí rannchuiditheoirí sonraí margaidh GNL á gcur san áireamh.’ |
(11) |
leasaítear Airteagal 8 mar a leanas:
|
(12) |
leasaítear Airteagal 9 mar a leanas:
|
(13) |
cuirtear an t-airteagal seo a leanas isteach: ‘Airteagal 9a Údarú agus maoirseacht sásraí tuairiscithe cláraithe 1. Beidh oibriú sásra tuairiscithe chláraithe faoi réir údarú roimh ré ón nGníomhaireacht i gcomhréir leis an Airteagal seo. Údaróidh an Ghníomhaireacht páirtithe mar shásra tuairiscithe cláraithe sna cásanna seo a leanas:
Údaróidh an Ghníomhaireacht eintiteas chun oibriú mar shásra tuairiscithe cláraithe laistigh de thréimhse ama réasúnach agus, a mhéid is féidir, laistigh de 3 mhí ón iarratas iomlán a fháil. Beidh éifeacht leis an údarú agus beidh sé bailí ar chríoch an Aontais ina hiomláine, agus ceadófar leis don sásra tuairiscithe cláraithe na seirbhísí a bhfuil údarú faighte aige ina leith a sholáthar ar fud an Aontais. Sásraí tuairiscithe cláraithe arna gclárú ag an nGníomhaireacht de bhun Rialachán Cur Chun Feidhme (AE) Uimh. 1348/2014 agus a áirítear ar liosta na Gníomhaireachta de shásraí tuairiscithe cláraithe, ceadófar dóibh leanúint de bheith ag oibriú go dtí go mbeidh cinneadh déanta ag an nGníomhaireacht maidir le húdarú de bhun an Airteagail seo. Comhlíonfaidh sásra tuairiscithe cláraithe na coinníollacha maidir le húdarú dá dtagraítear sa mhír seo agus i mír 3. Déanfaidh sásra tuairiscithe cláraithe údaraithe, gan moill mhíchuí, fógra a thabhairt don Ghníomhaireacht faoi aon athrú ábhartha ar na coinníollacha maidir le húdarú. Bunóidh an Ghníomhaireacht clár de shásra tuairiscithe cláraithe atá údaraithe aici de bhun na míre seo. Beidh an clár ar fáil go poiblí agus beidh faisnéis ann maidir leis na seirbhísí a bhfuil an sásra tuairiscithe cláraithe údaraithe ina leith. Tabharfar an clár cothrom le dáta go tráthrialta. 2. Déanfaidh an Ghníomhaireacht athbhreithniú tráthrialta ar an dóigh a mbíonn míreanna 1 agus 3 á gcomhlíonadh ag sásraí tuairiscithe cláraithe. Chun na críche sin, tuairisceoidh sásraí tuairiscithe cláraithe don Ghníomhaireacht maidir lena ngníomhaíochtaí ar bhonn bliantúil. 3. Beidh beartais agus socruithe leordhóthanacha i bhfeidhm ag sásraí tuairiscithe cláraithe chun a áirithiú go ndéanfar tuairisciú pras ar fhaisnéis de réir mar a cheanglaítear faoi Airteagal 8. Déanfaidh sásraí tuairiscithe cláraithe socruithe riaracháin éifeachtacha a fheidhmiú agus a choinneáil ar bun arb é is aidhm dóibh coinbhleachtaí leasa idir é agus a gcuid cliant a chosc. Go háirithe, maidir le sásra tuairiscithe cláraithe ar ionad margaidh eagraithe nó rannpháirtí margaidh é freisin, is ar bhealach neamh-idirdhealaitheach a dhéanfaidh sé an fhaisnéis cos istigh ar fada bhailítear a láimhseáil, agus déanfaidh sé socruithe iomchuí a fheidhmiú agus a choinneáil ar bun chun feidhmeanna éagsúla gnó a scaradh ó chéile. Beidh sásraí fónta slándála i bhfeidhm ag sásraí tuairiscithe cláraithe chun coimircí a thabhairt maidir le slándáil agus fíordheimhniú na modhanna aistrithe faisnéise, chun an riosca maidir le truailliú sonraí agus rochtain neamhúdaraithe a íoslaghdú agus chun sceitheadh faisnéise a chosc, agus rúndacht na sonraí á coinneáil ar bun i gcónaí. Déanfaidh sásraí tuairiscithe cláraithe acmhainní leordhóthanacha a choinneáil ar bun agus beidh saoráidí cúltaca acu chun a seirbhísí a thairiscint agus a choinneáil ar bun. Beidh sásraí i bhfeidhm ag sásraí tuairiscithe cláraithe lenar féidir tuarascálacha idirbheart a sheiceáil go héifeachtach maidir lena n-iomláine, easnaimh agus earráidí soiléire arna ndéanamh ag an rannpháirtí margaidh a shainaithint, agus, i gcás ina bhfuil earráid nó easnamh den sórt sin ann, mionsonraí faoin earráid nó easnamh a chur in iúl don rannpháirtí margaidh agus iarraidh a dhéanamh ar leagan ceartaithe de thuarascálacha den sórt sin a fháil. Beidh córais i bhfeidhm ag sásraí tuairiscithe cláraithe chun gur féidir leo earráidí nó easnaimh arna ndéanamh acu féin a bhrath agus chun gur féidir leo tuarascálacha idirbheart a cheartú agus a tharchur chuig an nGníomhaireacht nó tuarascálacha cearta iomlána a atarchur, chuig an nGníomhaireacht de réir mar a bheidh. 4. I gcás ina bhfaigheann an Ghníomhaireacht gur sháraigh sásra tuairiscithe cláraithe mír 1, 2 nó 3 den Airteagal seo, sula dtarraingeofar siar údarú de bhun mhír 5 den Airteagal seo, tabharfaidh sí na coimircí nós imeachta iomchuí don sásra tuairiscithe cláraithe, lena n-áirítear na coimircí sin dá dtagraítear in Airteagal 14(6), (7) agus (8) de Rialachán (AE) 2019/942. 5. Féadfaidh an Ghníomhaireacht údarú sásra tuairiscithe chláraithe a tharraingt siar trí bhíthin cinnidh agus é a bhaint den chlár i gcás inar fíor an méid seo a leanas i leith an tsásra tuairiscithe chláraithe:
I gcás cinneadh dá dtagraítear sa chéad fhomhír den mhír seo, léireoidh an Ghníomhaireacht na leigheasanna dlí atá ar fáil de bhun Airteagail 28 agus 29 de Rialachán (AE) 2019/942. Cuirfidh sásra tuairiscithe cláraithe ar tharraing an Ghníomhaireacht siar a údarú na rannpháirtithe margaidh ábhartha ar fad ar an eolas agus áiritheoidh sé ionadú ordúil lena n-áirítear aistriú sonraí chuig sásraí tuairiscithe cláraithe eile, arna roghnú ag rannpháirtithe margaidh, agus atreorú sreafaí tuairiscithe chuig sásraí tuairiscithe cláraithe eile. Socróidh an Ghníomhaireacht tréimhse réasúnach 6 mhí ar a laghad chun ionadú ordúil den sórt sin a áirithiú. Le linn na tréimhse sin áiritheoidh an sásra tuairiscithe cláraithe go leanfar de na seirbhísí a sholáthraíonn sí. Féadfaidh an Ghníomhaireacht tréimhse níos giorra a sholáthar, áfach, más rud é go bhféadfadh oibriú leantach an tsásra tuairiscithe chláraithe oibriú ordúil an chórais a chur i mbaol, ag féachaint do thromchúis na bhfíoras as ar eascair tarraingt siar an údaraithe. Déanfaidh an Ghníomhaireacht, gan moill mhíchuí, fógra a thabhairt don údarás rialála náisiúnta sa Bhallstát ina bhfuil an sásra tuairiscithe cláraithe bunaithe faoi aon chinneadh údarú sásra tuairiscithe chláraithe a tharraingt siar de bhun na chéad fhomhíre agus cuirfidh sí na rannpháirtithe margaidh ar an eolas faoi sin. 6. Faoin 8 Bealtaine 2025, glacfaidh an Coimisiún gníomh tarmligthe i gcomhréir le hAirteagal 20 chun an Rialachán seo a fhorlíonadh tríd an méid seo a leanas a shonrú:
|
(14) |
in Airteagal 10, cuirtear an méid seo a leanas in ionad mhíreanna 1 agus 2: ‘1. Bunóidh an Ghníomhaireacht sásraí chun faisnéis a fhaigheann sí i gcomhréir le hAirteagal 7(1) agus le hAirteagal 8 a chomhroinnt leis an gCoimisiún, leis na húdaráis rialála náisiúnta, le húdaráis airgeadais inniúla na mBallstát, leis na húdaráis iomaíochta náisiúnta, le ÚEUM, le EUROFISC agus le húdaráis ábhartha eile ar leibhéal an Aontais. Sula mbunófar sásraí den sórt sin, rachaidh an Ghníomhaireacht i gcomhairle leis na húdaráis sin. Ní thabharfaidh an Ghníomhaireacht rochtain ar na sásraí dá dtagraítear sa chéad fhomhír den mhír seo ach amháin d’údaráis a bhfuil córais curtha ar bun acu trína gcumasaítear don Ghníomhaireacht na ceanglais a leagtar amach in Airteagal 12(1) a chomhlíonadh. 2. Bunóidh na húdaráis rialála náisiúnta sásraí chun faisnéis a fhaigheann siad i gcomhréir le hAirteagal 7(2) agus le hAirteagal 8 a chomhroinnt le húdaráis airgeadais inniúla na mBallstát, leis na húdaráis iomaíochta náisiúnta, leis na húdaráis chánach náisiúnta agus le húdaráis ábhartha eile ar an leibhéal náisiúnta. Sula mbunófar sásraí den sórt sin, rachaidh an t-údarás rialála náisiúnta i gcomhairle leis an nGníomhaireacht agus leis na húdaráis sin maidir le sásraí den sórt sin, murar bunaíodh sásraí den sórt sin roimh an 7 Bealtaine 2024. Eiseoidh an Ghníomhaireacht, i gcás inarb iomchuí, treoirlínte neamhcheangailteacha chun éascaíocht a dhéanamh d’údaráis rialála náisiúnta agus sásraí den sórt sin á mbunú. Ní thabharfaidh údaráis rialála náisiúnta rochtain ar na sásraí dá dtagraítear sa chéad fhomhír den mhír seo ach amháin d’údaráis a bhfuil córais curtha ar bun acu trína gcumasaítear do na húdaráis rialála náisiúnta na ceanglais a leagtar amach in Airteagal 12(1) a chomhlíonadh.’ |
(15) |
leasaítear Airteagal 12 mar a leanas:
|
(16) |
leasaítear Airteagal 13 mar a leanas:
|
(17) |
cuirtear na hairteagail seo a leanas isteach: ‘Airteagal 13a Cigireachtaí ar an láthair a dhéanann an Ghníomhaireacht 1. Ullmhóidh agus déanfaidh an Ghníomhaireacht cigireachtaí ar an láthair i ndlúthchomhar agus i gcomhordú le húdaráis ábhartha an Bhallstáit lena mbaineann. 2. Chun a hoibleagáidí mar a leagtar síos in Airteagal 13(5) go (8) a chomhlíonadh, féadfaidh an Ghníomhaireacht gach cigireacht ar an láthair is gá a dhéanamh ar áitreabh na ndaoine atá faoi réir an imscrúdaithe ina bhféadfaí taifid ghnó a bheith á gcoinneáil. I gcás inar gá ar mhaithe leis an gcigireacht ar an láthair a dhéanamh go cuí agus go héifeachtúil, féadfaidh an Ghníomhaireacht an chigireacht sin a dhéanamh gan fógra a thabhairt roimh ré do na daoine atá faoi réir an imscrúdaithe. 3. A mhéid is gá le haghaidh na cigireachta ar an láthair, tabharfar de chumhacht d’oifigigh na Gníomhaireachta agus do dhaoine arna n-údarú nó arna gceapadh ag an nGníomhaireacht chun an chigireacht sin a dhéanamh, maidir leis na daoine atá faoi réir cinneadh arna ghlacadh ag an nGníomhaireacht de bhun mhír 6, an méid seo a leanas a dhéanamh:
Cé is moite de chásanna cuí-réasúnaithe, ní ghreamófar na séalaí dá dtagraítear sa chéad fhomhír, pointe (d), ar feadh tréimhse is faide ná 72 uair an chloig. 4. Má tá drochamhras réasúnach ann go bhfuil taifid ghnó a bhaineann le hábhar cigireachta ar an láthair, a d’fhéadfadh a bheith ábhartha chun sárú ar an Rialachán seo a chruthú, á gcoinneáil in áitreabh príobháideach stiúrthóirí, bainisteoirí nó ball foirne eile de chuid gnólachtaí lena mbaineann imscrúdú, féadfaidh an Ghníomhaireacht, trí chinneadh, cigireacht ar an láthair a dhéanamh in áitreabh príobháideach den sórt sin. I gcásanna den sórt sin, luafar freisin sa chinneadh dá dtagraítear i mír 6 na cúiseanna a thug ar an nGníomhaireacht teacht ar an tátal go bhfuil drochamhras réasúnach ann. 5. Oifigigh na Gníomhaireachta agus daoine eile arna n-údarú nó arna gceapadh ag an nGníomhaireacht chun cigireacht ar an láthair a dhéanamh, déanfaidh siad a gcumhachtaí a fheidhmiú ar údarú i scríbhinn a thabhairt ar aird ina sonraítear ábhar agus cuspóir na cigireachta ar an láthair. 6. Na daoine atá faoi réir imscrúdaithe, géillfidh siad do chigireachtaí ar an láthair arna n-ordú le cinneadh a ghlacfaidh an Ghníomhaireacht. Sa chinneadh, sonrófar ábhar agus cuspóir na cigireachta ar an láthair agus léireofar an dáta a mbeidh sí le tosú, na híocaíochtaí pionósacha tréimhsiúla dá bhforáiltear in Airteagal 13g i gcás nach ngéilleann an duine lena mbaineann don chigireacht ar an láthair i gcomhréir le mír 3 den Airteagal seo, agus an ceart chun an cinneadh a chur faoi bhráid Chúirt Bhreithiúnais an Aontais Eorpaigh (“an Chúirt Bhreithiúnais”) lena athbhreithniú. Rachaidh an Ghníomhaireacht i gcomhairle le húdarás rialála náisiúnta an Bhallstáit ina bhfuil an chigireacht ar an láthair le déanamh sula nglacfar cinneadh den sórt sin. 7. Arna iarraidh sin don Ghníomhaireacht, déanfaidh oifigigh údarás rialála náisiúnta an Bhallstáit ina bhfuil an chigireacht le déanamh, agus daoine arna n-údarú nó arna gceapadh ag údarás rialála náisiúnta an Bhallstáit sin cúnamh gníomhach a thabhairt d’oifigigh na Gníomhaireachta agus do dhaoine arna n-údarú nó arna gceapadh ag an nGníomhaireacht. Chuige sin, beidh na cumhachtaí a leagtar amach san Airteagal seo acu. Féadfaidh oifigigh de chuid an údaráis rialála náisiúnta bheith i láthair ag an gcigireacht ar an láthair freisin arna iarraidh sin dóibh. 8. I gcás ina bhfaigheann oifigigh na Gníomhaireachta agus daoine arna n-údarú nó arna gceapadh ag an nGníomhaireacht go bhfuil duine ag cur i gcoinne cigireacht ar an láthair a ordaíodh de bhun an Airteagail seo, soláthróidh údarás rialála náisiúnta an Bhallstáit lena mbaineann an cúnamh is gá dóibh, nó d’údaráis rialála náisiúnta ábhartha eile, agus iarrfaidh sé, i gcás inarb iomchuí, cúnamh na bpóilíní nó cúnamh údaráis choibhéisigh forfheidhmiúcháin, ionas go mbeidh siad in ann a gcigireacht ar an láthair a dhéanamh. 9. Más rud é, maidir leis an gcigireacht ar an láthair dá bhforáiltear i mír 1 nó maidir leis an gcúnamh dá bhforáiltear i míreanna 7 agus 8, go gceanglaítear údarú a fháil ó údarás breithiúnach náisiúnta i gcomhréir leis an dlí náisiúnta is infheidhme, déanfaidh an Ghníomhaireacht iarratas ar údarú den sórt sin. Féadfaidh an Ghníomhaireacht iarratas a dhéanamh ar údarú den sórt sin freisin mar bheart réamhchúraim. Sna cásanna dá dtagraítear i mír 4, ní dhéanfar cigireacht ar an láthair gan údarú a fháil roimh ré ó údarás breithiúnach náisiúnta. 10. I gcás ina ndéanann an Ghníomhaireacht iarratas ar údarú dá dtagraítear i mír 9, fíoróidh an t-údarás breithiúnach náisiúnta an méid seo a leanas:
Chun críocha na chéad fhomhíre, pointe (b),den mhír seo, féadfaidh an t-údarás breithiúnach náisiúnta a iarraidh ar an nGníomhaireacht mínithe mionsonraithe a thabhairt, go háirithe maidir leis na forais atá ag an nGníomhaireacht chun drochamhras a bheith uirthi go ndearnadh sárú dá dtagraítear in Airteagal 13(3), maidir le tromchúis an tsáraithe amhrasta agus maidir le cineál rannpháirtíocht an duine atá faoi réir an imscrúdaithe. De mhaolú ar Airteagail 28 agus 29 de Rialachán (AE) 2019/942, ní bheidh an cinneadh ón nGníomhaireacht faoi réir a athbhreithnithe ach amháin ag an gCúirt Bhreithiúnais. Airteagal 13b Iarraidh ar fhaisnéis 1. Arna iarraidh sin don Ghníomhaireacht, soláthróidh aon duine di an fhaisnéis is gá chun oibleagáidí na Gníomhaireachta a leagtar síos in Airteagal 13(5) go(8) a chomhlíonadh. San iarraidh uaithi, déanfaidh an Ghníomhaireacht an méid seo a leanas:
2. Chun críche iarrataí ar fhaisnéis dá dtagraítear i mír 1 den Airteagal seo, beidh an chumhacht ag an nGníomhaireacht cinntí a ghlacadh freisin. I gcinneadh den sórt sin, léireoidh an Ghníomhaireacht, de bhreis ar na heilimintí a liostaítear i mír 1 den Airteagal seo, oibleagáid an duine freagra a thabhairt ar an iarraidh, na híocaíochtaí pionósacha tréimhsiúla dá bhforáiltear in Airteagal 13g i gcás nach gcomhlíonann an duine lena mbaineann an iarraidh, agus an ceart chun an cinneadh a chur faoi bhráid na Cúirte Breithiúnais lena athbhreithniú. De mhaolú ar Airteagail 28 agus 29 de Rialachán (AE) 2019/942, ní bheidh an cinneadh ón nGníomhaireacht faoi réir a athbhreithnithe ach amháin ag an gCúirt Bhreithiúnais. 3. Soláthróidh na daoine a fhaigheann iarraidh ar fhaisnéis de bhun mhír 1 nó 2, nó a n-ionadaithe, an fhaisnéis a iarrtar. Beidh na daoine sin go hiomlán freagrach as a áirithiú go bhfuil an fhaisnéis a sholáthraítear iomlán agus ceart agus nach bhfuil sí míthreorach. 4. I gcás ina bhfaigheann oifigigh na Gníomhaireachta, agus daoine arna n-údarú nó arna gceapadh ag an nGníomhaireacht, nach gcomhlíonann duine iarraidh ar fhaisnéis, déanfaidh údarás rialála náisiúnta an Bhallstáit lena mbaineann, arna iarraidh sin don Ghníomhaireacht, an cúnamh is gá a thabhairt don Ghníomhaireacht chun comhlíonadh na hoibleagáide a leagtar síos i mír 3 a áirithiú, lena n-áirítear trí fhíneálacha a fhorchur i gcomhréir leis an dlí náisiúnta is infheidhme. 5. I gcás ina bhfaigheann oifigigh na Gníomhaireachta, agus daoine arna n-údarú nó arna gceapadh ag an nGníomhaireacht, go ndiúltaíonn duine an fhaisnéis a iarradh a sholáthar, féadfaidh an Ghníomhaireacht teacht ar chonclúidí ar bhonn na faisnéise atá ar fáil. 6. Seolfaidh an Ghníomhaireacht, gan mhoill, cóip den iarraidh dá dtagraítear i mír 1 nó den chinneadh dá dtagraítear i mír 2 chuig údaráis rialála náisiúnta na mBallstát lena mbaineann. Airteagal 13c An chumhacht chun ráitis a ghlacadh 1. Chun na hoibleagáidí atá uirthi faoi Airteagal 13(5) go (8) a chomhlíonadh, féadfaidh an Ghníomhaireacht agallamh a chur ar aon duine a thoilíonn le dul faoi agallamh, agus ráitis a ghlacadh uathu, chun faisnéis a bhailiú a bhaineann le hábhar imscrúdaithe uaidh. Féadfaidh an Ghníomhaireacht na freagraí a thaifeadadh. 2. I gcás ina ndéantar agallamh de bhun mhír 1 in áitreabh an duine lena mbaineann, cuirfidh an Ghníomhaireacht údarás rialála náisiúnta an Bhallstáit ar ar a chríoch a dhéantar an t-agallamh ar an eolas faoi sin. Féadfaidh oifigigh údarás rialála náisiúnta an Bhallstáit sin cúnamh a thabhairt d’oifigigh na Gníomhaireachta agus do dhaoine arna n-údarú nó arna gceapadh ag an nGníomhaireacht chun an t-agallamh a dhéanamh. Airteagal 13d Coimircí nós imeachta 1. Déanfaidh an Ghníomhaireacht cigireachtaí ar an láthair, iarrfaidh sí faisnéis agus glacfaidh sí ráitis agus lánurraim á tabhairt do choimircí nós imeachta na ndaoine atá faoi réir imscrúdaithe, lena n-áirítear:
Beidh achoimre ar na fíorais a bhaineann leis an duine i dtrácht san áireamh sa chuireadh chun barúil a thabhairt ar fhíorais de bhun an chirt dá dtagraítear i bpointe (d) agus léireofar sa chuireadh sin teorainn ama leordhóthanach chun barúlacha a thíolacadh. I gcásanna cuí-réasúnaithe inar gá rúndacht na cigireachta ar an láthair nó imscrúdaithe riaracháin nó choiriúil atá ar siúl nó a bheidh ar siúl amach anseo arna dhéanamh ag údarás náisiúnta a chaomhnú, féadfaidh an Ghníomhaireacht cinneadh a dhéanamh an cuireadh chun barúil a thabhairt a chur siar. 2. Lorgóidh an Ghníomhaireacht fianaise ar son agus i gcoinne na ndaoine atá faoi réir imscrúdaithe, agus déanfaidh sí cigireachtaí ar an láthair, iarrfaidh sí faisnéis agus glacfaidh sí ráitis go hoibiachtúil agus go neamhchlaonta agus i gcomhréir le prionsabal thoimhde na neamhchiontachta. 3. Déanfaidh an Ghníomhaireacht cigireachtaí ar an láthair, iarrfaidh sí faisnéis agus glacfaidh sí ráitis agus lánurraim á tabhairt don rúndacht is infheidhme agus do rialacha cosanta sonraí an Aontais. 4. Ní bheidh feidhm ag Airteagal 14(6) de Rialachán (AE) 2019/942 maidir le cinntí ón nGníomhaireacht arna nglacadh de bhun Airteagal 13a(6) nó Airteagal 13b(2). Airteagal 13e Cúnamh frithpháirteach Chun a áirithiú go gcomhlíonfar na ceanglais ábhartha a leagtar amach in Airteagail 13 go 13c, tabharfaidh na húdaráis rialála náisiúnta agus an Ghníomhaireacht cúnamh dá chéile le linn imscrúdú. Airteagal 13f An t-oifigeach imscrúdúcháin 1. Chun a cuid oibleagáidí faoi Airteagal 13(5) go (8) a chomhlíonadh, féadfaidh an Ghníomhaireacht, i gcás ina measann sí gurb iomchuí sin chun éifeachtacht agus éifeachtúlacht an imscrúdaithe a áirithiú agus na hacmhainní inmheánacha atá ar fáil di á gcur san áireamh, oifigeach tiomnaithe imscrúdúcháin a cheapadh laistigh den Ghníomhaireacht chun an t-imscrúdú a stiúradh. 2. Chun a chúraimí nó a cúraimí a dhéanamh, féadfaidh an t-oifigeach imscrúdúcháin na cumhachtaí atá ar fáil don Ghníomhaireacht a fheidhmiú, lena n-áirítear na cumhachtaí a leagtar amach in Airteagail 13a, 13b agus 13c, agus na coimircí nós imeachta a leagtar amach in Airteagal 13d á n-urramú. Agus a chúraimí nó a cúraimí á ndéanamh aige nó aici, beidh rochtain ag an oifigeach imscrúdúcháin ar na doiciméid agus an fhaisnéis uile arna mbailiú ag an nGníomhaireacht agus a gníomhaíochtaí maoirseachta á ndéanamh aici atá ábhartha chun an t-imscrúdú a dhéanamh. Airteagal 13g Íocaíochtaí pionósacha tréimhsiúla 1. Déanfaidh an Ghníomhaireacht, trí bhíthin cinnidh, íocaíocht phionósach thréimhsiúil a fhorchur i leith duine atá faoi réir imscrúdaithe chun iallach a chur ar an duine sin:
2. Déanfar an íocaíocht phionósach thréimhsiúil a fhorchur ar bhonn laethúil go dtí go ndéanfaidh an duine lena mbaineann na cinntí ábhartha dá dtagraítear in Airteagal 13a(6) nó Airteagal 13b(2) a chomhlíonadh. 3. Beidh íocaíochtaí pionósacha tréimhsiúla éifeachtach comhréireach. Chuige sin, i gcás daoine dlítheanacha, 3 % den mheánláimhdeachas laethúil sa bhliain ghnó roimhe sin a bheidh i méid na híocaíochta pionósaí tréimhsiúla nó, i gcás daoine nádúrtha, 2 % den mheánioncam laethúil sa bhliain féilire roimhe sin. Déanfar íocaíocht phionósach thréimhsiúil a ríomh ón dáta a shonraítear sa chinneadh lena bhforchuirtear an íocaíocht phionósach thréimhsiúil. 4. Féadfar íocaíocht phionósach thréimhsiúil a fhorchur ar feadh tréimhse nach faide ná 6 mhí ón bhfógra faoin gcinneadh ón nGníomhaireacht. 5. De mhaolú ar Airteagail 28 agus 29 de Rialachán (AE) 2019/942, ní bheidh an cinneadh ón nGníomhaireacht faoi réir a athbhreithnithe ach amháin ag an gCúirt Bhreithiúnais. Airteagal 13h Coimircí nós imeachta i ndáil le cinntí maidir le híocaíochtaí pionósacha tréimhsiúla 1. D’ainneoin Airteagal 14(6) de Rialachán (AE) 2019/942, sula ndéanfaidh sí aon chinneadh lena bhforchuirtear íocaíocht phionósach thréimhsiúil faoi Airteagal 13g den Rialachán seo, tabharfaidh an Ghníomhaireacht deis do na daoine a bhfuil sé ar intinn aici cinneadh den sórt sin a dhíriú chucu éisteacht a fháil maidir leis na torthaí ón nGníomhaireacht. Is ar na torthaí sin a raibh deis ag na daoine lena mbaineann a mbarúil a thabhairt ina leith, agus orthu sin amháin, a bhunóidh an Ghníomhaireacht a cinntí. 2. Déanfar cearta cosanta na ndaoine lena mbaineann a urramú go hiomlán le linn an imscrúdaithe. Beidh siad i dteideal rochtain a bheith acu ar na doiciméid sin i gcomhad na Gníomhaireachta atá ábhartha don chinneadh ón nGníomhaireacht an íocaíocht phionósach thréimhsiúil a fhorchur, faoi réir leas dlisteanach daoine eile agus a rúin ghnó á gcosaint acu. Ní chuimseofar faisnéis rúnda ná doiciméid ullmhúcháin inmheánacha de chuid na Gníomhaireachta sa cheart rochtain a fháil ar an gcomhad. Airteagal 13i Cineál, forfheidhmiú agus leithdháileadh na n-íocaíochtaí pionósacha tréimhsiúla 1. Is de chineál riaracháin a bheidh na híocaíochtaí pionósacha tréimhsiúla arna bhforchur de bhun Airteagal 13g. 2. Beidh na híocaíochtaí pionósacha tréimhsiúla arna bhforchur de bhun Airteagal 13g in-fhorfheidhmithe. Rialófar an forfheidhmiú leis na rialacha náisiúnta nós imeachta is infheidhme sna Ballstáit lena mbaineann. Beidh an t-ordú maidir lena fhorfheidhmiú i gceangal leis an gcinneadh ón nGníomhaireacht, gan d’fhoirmiúlacht ach fíorú ar bharántúlacht an chinnidh ón údarás náisiúnta a ainmneoidh rialtas gach Ballstáit chuige sin agus a chuirfidh sé i bhfios don Ghníomhaireacht agus don Chúirt Bhreithiúnais. Nuair a bheidh na foirmiúlachtaí dá dtagraítear sa tríú fomhír curtha i gcrích ag an údarás náisiúnta ainmnithe, ar iarratas ón nGníomhaireacht, féadfaidh an Ghníomhaireacht dul ar aghaidh leis an bhforfheidhmiú i gcomhréir leis an dlí náisiúnta is infheidhme tríd an ábhar a thabhairt go díreach os comhair an údaráis náisiúnta ainmnithe. Ní fhéadfar forfheidhmiú a fhionraí ach amháin trí bhreith ón gCúirt Bhreithiúnais. Beidh dlínse ag cúirteanna na mBallstát lena mbaineann, áfach, i dtaca le gearáin go bhfuil an forfheidhmiú á chur i gcrích ar dhóigh neamhrialta. 3. Déanfar méideanna na n-íocaíochtaí pionósacha tréimhsiúla a leithdháileadh chuig buiséad ginearálta an Aontais Eorpaigh. Airteagal 13j Athbhreithniú arna dhéanamh ag an gCúirt Bhreithiúnais Beidh dlínse neamhtheoranta ag an gCúirt Bhreithiúnais athbhreithniú a dhéanamh ar chinntí ón nGníomhaireacht lena bhforchuirtear íocaíochtaí pionósacha tréimhsiúla. Féadfaidh sí an íocaíocht phionósach thréimhsiúil a forchuireadh a neamhniú, a laghdú nó a mhéadú.’ |
(18) |
cuirtear an méid seo a leanas in ionad Airteagal 15: ‘Airteagal 15 Oibleagáidí ar dhaoine a shocraíonn nó a fhorghníomhaíonn idirbhearta go gairmiúil 1. Aon duine a shocraíonn idirbhearta i dtáirgí mórdhíola fuinnimh go gairmiúil ar a bhfuil drochamhras réasúnach go bhféadfadh ordú chun trádáil a dhéanamh nó idirbheart, lena n-áirítear aon chealú nó modhnú air, cibé acu a chuirtear ar ionad margaidh eagraithe é nó lasmuigh de, Airteagal 3, 4 nó 5 a shárú, tabharfaidh an duine sin fógra faoi sin don Ghníomhaireacht agus don údarás rialála náisiúnta ábhartha gan a thuilleadh moille agus i gcás ar bith tráth nach déanaí ná 4 seachtaine ón lá a thagann an duine sin ar an eolas faoin teagmhas amhrasach. 2. Aon duine a fhorghníomhaíonn idirbhearta go gairmiúil faoi Airteagal 16 de Rialachán (AE) Uimh. 596/2014 agus a fhorghníomhaíonn freisin idirbhearta i dtáirgí mórdhíola fuinnimh nach ionstraimí airgeadais iad, agus ar a bhfuil drochamhras réasúnach go bhféadfadh ordú chun trádáil a dhéanamh nó idirbheart, lena n-áirítear aon chealú nó modhnú air, cibé acu a chuirtear ar ionad margaidh eagraithe é nó lasmuigh de, Airteagal 3, 4 nó 5 den Rialachán seo a shárú, tabharfaidh an duine sin fógra faoi sin don Ghníomhaireacht agus don údarás rialála náisiúnta ábhartha gan a thuilleadh moille agus i gcás ar bith tráth nach déanaí ná 4 seachtaine ón lá a thagann an duine sin ar an eolas faoin teagmhas amhrasach. 3. Déanfaidh na daoine dá dtagraítear i míreanna 1 agus 2 socruithe, córais agus nósanna imeachta éifeachtacha a bhunú agus a choinneáil ar bun chun an méid seo a leanas a dhéanamh:
4. Gan dochar do Rialachán (AE) Uimh. 596/2014, beidh daoine a shocraíonn nó a fhorghníomhaíonn idirbhearta go gairmiúil faoi réir rialacha fógartha na mBallstát ina bhfuil an rannpháirtí margaidh ag a bhfuil baint leis an sárú féideartha cláraithe agus ina seachadtar an táirge mórdhíola fuinnimh. Díreofar fógra den sórt sin chuig údaráis rialála náisiúnta na mBallstát sin. 5. Faoin 8 Bealtaine 2025 agus gach bliain ina dhiaidh sin, déanfaidh an Ghníomhaireacht, i gcomhar leis na húdaráis rialála náisiúnta, tuarascáil a eisiúint agus a phoibliú ina mbeidh faisnéis chomhiomlánaithe i gcomhréir leis an dlí is infheidhme maidir le cosaint sonraí, cé is moite d’fhaisnéis atá íogair ó thaobh na tráchtála de, maidir le cur chun feidhme an Airteagail seo, go háirithe maidir leis an méid seo a leanas:
|
(19) |
leasaítear Airteagal 16 mar a leanas:
|
(20) |
cuirtear na hairteagail seo a leanas isteach: ‘Airteagal 16a Cúraimí agus freagrachtaí a tharmligean 1. Féadfaidh údaráis rialála náisiúnta, le toiliú an toscaire, cúraimí agus freagrachtaí a tharmligean chuig an nGníomhaireacht nó chuig údarás rialála náisiúnta eile faoi réir na gcoinníollacha a leagtar amach san Airteagal seo. Féadfaidh na Ballstáit socruithe sonracha a leagan amach maidir le tarmligean freagrachtaí atá le comhlíonadh sula ndéanfaidh a n-údaráis rialála náisiúnta comhaontuithe tarmligin agus féadfaidh siad raon feidhme an tarmligin a theorannú do na nithe is gá chun maoirseacht éifeachtach a dhéanamh ar rannpháirtithe margaidh nó ar ghrúpaí. Féadfaidh an Ghníomhaireacht cúnamh a thabhairt d’údaráis rialála náisiúnta trí threoir neamhcheangailteach a eisiúint nó trí dhea-chleachtais a mhalartú maidir le cúraimí agus freagrachtaí a tharmligean idir údaráis rialála náisiúnta inniúla. 2. Is é a leanfaidh as tarmligean na gcúraimí agus na bhfreagrachtaí go n-ath-leithdháilfear na hinniúlachtaí a leagtar síos sa Rialachán seo. Is le dlí na mBallstát ina bhfuil an toscaire lonnaithe a rialófar an nós imeachta, an forfheidhmiú agus an t-athbhreithniú riaracháin agus breithiúnach a bhaineann leis na freagrachtaí tarmligthe. 3. Tabharfaidh na húdaráis rialála náisiúnta fógra don Ghníomhaireacht faoi aon chomhaontuithe maidir le tarmligean a bheartaíonn siad a dhéanamh. Déanfaidh siad na comhaontuithe sin mí amháin, ar a luaithe, tar éis dóibh an Ghníomhaireacht a chur ar an eolas. 4. Féadfaidh an Ghníomhaireacht tuairim ar chomhaontú tarmligin atá beartaithe ar tugadh fógra ina leith de bhun mhír 3 a eisiúint laistigh d’aon mhí amháin ón bhfógra a fháil. 5. Chun a áirithiú go gcuirfear na páirtithe go léir lena mbaineann ar an eolas go hiomchuí, déanfaidh an Ghníomhaireacht aon chomhaontú tarmligin arna thabhairt i gcrích ag na húdaráis rialála náisiúnta a fhoilsiú trí mheán iomchuí. Airteagal 16b Treoirlínte agus moltaí 1. D’fhonn cleachtais mhaoirseachta atá comhsheasmhach, éifeachtúil agus éifeachtach a bhunú laistigh den Aontas, agus chun a áirithiú go gcuirfear dlí an Aontais i bhfeidhm ar bhealach coiteann, aonfhoirmeach agus comhsheasmhach, eiseoidh an Ghníomhaireacht treoirlínte agus moltaí a dhíreofar chuig na húdaráis rialála náisiúnta uile nó ar na rannpháirtithe margaidh uile agus eiseoidh sí moltaí chuig údarás rialála náisiúnta amháin nó níos mó nó chuig rannpháirtí margaidh amháin nó níos mó maidir le cur i bhfeidhm Airteagail 3 go 5a, 8, 9 agus 9a agus Airteagal 10(1). 2. Rachaidh an Ghníomhaireacht, laistigh de thréimhse ama leormhaith agus réalaíoch, i mbun comhairliúcháin phoiblí iomchuí leis na rannpháirtithe margaidh ábhartha maidir leis na treoirlínte agus na moltaí a eisíonn sí agus déanfaidh sí anailís ar na costais agus na tairbhí a d’fhéadfadh a bheith ag baint le treoirlínte agus moltaí den sórt sin a eisiúint. Beidh na comhairliúcháin agus na hanailísí sin comhréireach maidir le raon feidhme, cineál agus tionchar na dtreoirlínte nó na moltaí. 3. Tabharfaidh na húdaráis rialála náisiúnta agus na rannpháirtithe margaidh aird chuí ar na treoirlínte agus na moltaí sin. 4. Féadfaidh na húdaráis rialála náisiúnta an Ghníomhaireacht a chur ar an eolas ar bhonn tráthrialta faoi chur chun feidhme na dtreoirlínte nó na moltaí a dhírítear chucu. 5. Má cheanglaítear amhlaidh le treoirlíne nó le moladh, tabharfaidh na rannpháirtithe margaidh fógra don Ghníomhaireacht maidir le cur chun feidhme na treoirlíne sonraí nó an mholta shonraigh. Arna iarraidh sin don Ghníomhaireacht, tabharfaidh na rannpháirtithe margaidh le fios an bunús atá le fógra den sórt sin ar bhealach soiléir agus mionsonraithe. 6. Laistigh de 12 mhí tar éis treoirlínte nó moltaí a eisiúint de bhun mhír 1, féadfaidh an Ghníomhaireacht dul i mbun comhairliúcháin, lena n-áirítear le húdaráis rialála náisiúnta nó rannpháirtithe margaidh, chun measúnú a dhéanamh ar oiriúnacht agus éifeachtacht na dtreoirlínte nó na moltaí sin. 7. Cuirfidh an Ghníomhaireacht sa tuarascáil dá dtagraítear in Airteagal 19(1), pointe (k), de Rialachán (AE) 2019/942 na treoirlínte agus na moltaí atá eisithe aici.’ |
(21) |
in Airteagal 17, cuirtear an méid seo a leanas in ionad mhír 3: ‘3. Ní fhéadfar faisnéis rúnda a fhaigheann na daoine dá dtagraítear i mír 2, agus a gcuid dualgas á gcomhlíonadh acu, a nochtadh d’aon duine eile ná d’aon údarás eile, seachas i bhfoirm achomair nó i bhfoirm chomhiomlán nach féidir rannpháirtí margaidh aonair a shainaithint inti, gan dochar do chásanna a chumhdaítear leis an dlí coiriúil, le forálacha eile an Rialacháin seo nó le dlí ábhartha eile de chuid an Aontais.’ |
(22) |
cuirtear an méid seo a leanas in ionad Airteagail 18 agus 19: ‘Airteagal 18 Pionóis 1. Déanfaidh na Ballstáit síos na rialacha a bhaineann leis na pionóis is infheidhme maidir le sáruithe ar an Rialachán seo a leagan síos agus glacfaidh siad gach beart is gá lena áirithiú go gcuirfear chun feidhme iad. Beidh na pionóis dá bhforáiltear éifeachtach, athchomhairleach agus comhréireach, lena léirítear cineál, fad agus tromchúis an tsáraithe, an damáiste a rinneadh do thomhaltóirí agus na gnóthachain ionchasacha ó thrádáil ar bhonn faisnéis cos istigh agus ar bhonn cúbláil margaidh. Gan dochar d’aon phionós coiriúil agus gan dochar do chumhachtaí maoirseachta na n-údarás rialála náisiúnta faoi Airteagal 13, déanfaidh na Ballstáit foráil, i gcomhréir leis an dlí náisiúnta, go mbeidh sé de chumhacht ag údaráis rialála náisiúnta fíneálacha riaracháin iomchuí agus bearta riaracháin eile a ghlacadh i ndáil leis na sáruithe ar an Rialachán seo dá dtagraítear in Airteagal 13(1). Tabharfaidh na Ballstáit fógra mionsonraithe don Choimisiún agus don Ghníomhaireacht faoi na forálacha sin, agus tabharfaidh siad fógra dóibh gan mhoill faoi aon leasú ina dhiaidh sin lena ndéantar difear do na forálacha sin. 2. I gcás nach bhforáiltear i gcóras dlí an Bhallstáit d’fhíneálacha riaracháin, féadfar an tAirteagal seo a chur i bhfeidhm sa chaoi is go ndéanfaidh an t-údarás inniúil an nós imeacht fíneála a thionscnamh agus go ndéanfaidh na cúirteanna náisiúnta inniúla an fhíneáil a fhorchur, agus é á áirithiú acu go mbeidh na leigheasanna dlí sin éifeachtach agus go mbeidh éifeacht choibhéiseach acu ar na fíneálacha riaracháin a fhorchuireann na húdaráis mhaoirseachta. Ar aon chaoi, beidh na fíneálacha a fhorchuirtear éifeachtach, comhréireach agus athchomhairleach. Tabharfaidh na Ballstáit sin fógra don Choimisiún faoi fhorálacha a ndlíthe féin a ghlacann siad de bhun na mire seo faoin 8 Bealtaine 2026 ar a dhéanaí, agus tabharfaidh siad fógra don Choimisiún gan mhoill faoi aon leasú ina dhiaidh sin lena ndéanfar difear do na forálacha sin. 3. Áiritheoidh na Ballstáit, i gcomhréir leis an dlí náisiúnta agus faoi réir an phrionsabail ne bis in idem, go mbeidh sé de chumhacht ag na húdaráis rialála náisiúnta na fíneálacha riaracháin seo a leanas ar a laghad agus bearta riaracháin eile a fhorchur maidir le sáruithe ar an Rialachán seo:
4. Maidir le daoine nádúrtha, is mar a leanas a bheidh na fíneálacha riaracháin uasta dá dtagraítear i mír 3, pointe (e):
D’ainneoin mhír 3, pointe (e), ní bheidh méid na fíneála níos mó ná 20 % d’ioncam bliantúil an duine nádúrtha lena mbaineann sa bhliain féilire roimhe sin. I gcás inar bhain an duine nádúrtha lena mbaineann tairbhe airgeadais as an sárú go díreach nó go hindíreach, beidh méid na fíneála riaracháin cothrom leis an tairbhe sin ar a laghad. 5. Maidir le daoine dlítheanacha, is mar a leanas a bheidh na fíneálacha riaracháin uasta dá dtagraítear i mír 3, pointe (e):
D’ainneoin mhír 3, pointe (e), ní rachaidh méid na fíneála riaracháin thar 20 % de láimhdeachas bliantúil iomlán an duine dhlítheanaigh lena mbaineann sa bhliain ghnó roimhe sin. I gcás inar bhain an duine dlítheanach lena mbaineann tairbhe airgeadais as an sárú go díreach nó go hindíreach, beidh méid na fíneála riaracháin cothrom leis an tairbhe sin ar a laghad. 6. Áiritheoidh na Ballstáit go bhféadfaidh an t-údarás rialála náisiúnta bearta nó pionóis a fhorchuirtear mar gheall ar shárú ar an Rialachán seo a nochtadh don phobal, mura rud é go mbeadh an nochtadh sin ina chúis le damáiste míréireach do na páirtithe atá i gceist. 7. Áiritheoidh na Ballstáit, agus cinneadh á dhéanamh acu faoi chineál agus leibhéal na bhfíneálacha riaracháin agus na mbeart riaracháin eile, go gcuirfidh údaráis rialála náisiúnta gach cúinse ábhartha san áireamh, lena n-áirítear, i gcás inarb iomchuí:
8. I bhfeidhmiú a gcumhachtaí fíneálacha riaracháin agus bearta riaracháin eile a fhorchur faoi mhír 1, an dara fomhír, den Airteagal seo, oibreoidh na húdaráis rialála náisiúnta i ndlúthchomhar chun a áirithiú go mbeidh feidhmiú a gcumhachtaí maoirseachta agus imscrúdúcháin, agus na fíneálacha riaracháin a fhorchuireann siad agus na bearta riaracháin eile a dhéanann siad, éifeachtach agus iomchuí faoin Rialachán seo. Comhordóidh siad a ngníomhaíochtaí, i gcomhréir le hAirteagal 16(2), chun dúbailt agus forluí a sheachaint nuair a bhíonn a gcumhachtaí maoirseachta agus imscrúdúcháin á bhfeidhmiú acu agus nuair a bhíonn fíneálacha riaracháin á bhforchur acu i leith cásanna trasteorann. 9. Faoin 8 Bealtaine 2027 agus gach 3 bliana ina dhiaidh sin, cuirfidh an Coimisiún tuarascáil faoi bhráid Pharlaimint na hEorpa agus na Comhairle ina ndéantar measúnú an ndéantar foráil maidir le pionóis as sáruithe ar an Rialachán seo agus an gcuirtear i bhfeidhm go comhsheasmhach iad ar fud na mBallstát. Airteagal 19 Caidreamh idirnáisiúnta A mhéid is gá chun na cuspóirí a leagtar amach sa Rialachán seo a bhaint amach, agus gan dochar d’inniúlachtaí faoi seach na mBallstát agus institiúidí agus chomhlachtaí an Aontais, lena n-áirítear an tSeirbhís Eorpach Gníomhaíochta Seachtraí, féadfaidh an Ghníomhaireacht teagmhálacha a fhorbairt agus socruithe riaracháin a dhéanamh le húdaráis mhaoirseachta, le heagraíochtaí idirnáisiúnta agus leis na córais riaracháin de chuid tríú tíortha, go háirithe iad sin a bhfuil tionchar acu ar mhargadh mórdhíola fuinnimh an Aontais, chun comhchuibhiú an chreata rialála a chur chun cinn. Leis na socruithe sin, ní chruthófar oibleagáidí dlíthiúla i dtaca leis an Aontas agus lena Bhallstáit, ná ní choiscfear ar na Ballstáit agus a gcuid údarás inniúil socruithe déthaobhacha nó iltaobhacha a thabhairt i gcrích leis na húdaráis mhaoirseachta sin, leis na heagraíochtaí idirnáisiúnta sin agus leis na córais riaracháin de chuid tríú tíortha. Féadfaidh baint a bheith ag na socruithe sin le gnéithe leasa choitinn, amhail modheolaíochtaí chun sonraí a bhailiú, anailís agus measúnú a dhéanamh ar shonraí nó ar fhaisnéis eile, agus réimsí eile saineolais.’ |
(23) |
leasaítear Airteagal 20 mar a leanas:
|
(24) |
cuirtear an t-airteagal seo a leanas isteach: ‘Airteagal 21a Tuairisciú agus athbhreithniú 1. Faoin 1 Meitheamh 2027, agus gach 5 bliana ina dhiaidh sin, déanfaidh an Coimisiún, tar éis dul i gcomhairle leis na geallsealbhóirí ábhartha, measúnú ar chur i bhfeidhm an Rialacháin seo, go háirithe a mhéid a bhaineann lena thionchar ar iompraíocht an mhargaidh, ar rannpháirtithe margaidh, ar leachtacht, ar cheanglais tuairiscithe, lena n-áirítear ar shonraí margaidh GNL, agus ar leibhéal an ualaigh riaracháin ar rannpháirtithe margaidh, lena n-áirítear na bacainní ar iontráil a d’fhéadfadh a bheith ann do rannpháirtithe nua margaidh, mar aon le feidhmíocht na Gníomhaireachta i ndáil lena cuspóirí, a sainordú agus a cúraimí. Ar bhonn na measúnuithe sin, déanfaidh an Coimisiún tuarascáil a tharraingt suas agus cuirfidh sé faoi bhráid Pharlaimint na hEorpa agus na Comhairle í gan moill mhíchuí. Beidh tograí reachtacha ag gabháil leis na tuarascálacha sin, i gcás inarb iomchuí. 2. Faoin 1 Meitheamh 2025, déanfaidh an Coimisiún measúnú ar éifeachtacht na bpionós coiriúil arna dtabhairt isteach ag na Ballstáit i leith cásanna intinneacha agus tromchúiseacha de dhrochúsáid margaidh ar mhargaí mórdhíola fuinnimh an Aontais agus cuirfidh sé tuarascáil faoi bhráid Pharlaimint na hEorpa agus na Comhairle. Féadfar bearta iomchuí a mholadh sa tuarascáil, agus féadfar tíolacadh togra reachtaigh a áireamh ar na bearta sin.’. |
Airteagal 2
Leasuithe ar Rialachán (AE) 2019/942
Leasaítear Rialachán (AE) 2019/942 mar a leanas:
(1) |
in Airteagal 6, scriostar mír 8. |
(2) |
leasaítear Airteagal 12 mar a leanas:
|
(3) |
in Airteagal 32, cuirtear an méid seo a leanas in ionad mhír 1: ‘1. Beidh táillí dlite do ACER as faisnéis arna tuairisciú ag rannpháirtithe margaidh, nó ag daoine nó eintitis a thuairiscíonn thar a cheann, de bhun Airteagal 8 de Rialachán (AE) Uimh. 1227/2011 a bhailiú, a láimhseáil, a phróiseáil agus a anailísiú agus as faisnéis cos istigh a nochtadh de bhun Airteagail 4 agus 4a den Rialachán sin. Íocfaidh sásraí tuairiscithe cláraithe agus ardáin faisnéise cos istigh na táillí. Féadfaidh ioncaim ó na táillí sin costais ACER a chumhdach freisin as na cumhachtaí maoirseachta agus imscrúdúcháin a fheidhmiú de bhun Airteagail 13 go 13c agus Airteagal 16 de Rialachán (AE) Uimh. 1227/2011.’. |
Airteagal 3
Teacht i bhfeidhm agus cur i bhfeidhm
1. Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
2. De mhaolú ar mhír 1, beidh feidhm ag na dátaí cur i bhfeidhm seo a leanas:
(a) |
beidh feidhm ag Airteagal 1, pointí (6) agus (13), maidir le hAirteagal 4a(1) go (7) agus Airteagal 9a(1) go (5) de Rialachán (AE) Uimh. 1227/2011, ón dáta a thiocfaidh na gníomhartha tarmligthe arna nglacadh de bhun na bpointí sin i bhfeidhm; |
(b) |
beidh feidhm ag Airteagal 1, pointe (10), maidir le hAirteagail 7a go 7e de Rialachán (AE) Uimh. 1227/2011, ón 1 Eanáir 2025; |
(c) |
beidh feidhm ag Airteagal 1, pointe (18), a mhéid a bhaineann le hAirteagal 15(2) de Rialachán (AE) Uimh. 1227/2011, ón 8 Samhain 2024. |
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 11 Aibreán 2024.
Thar ceann Pharlaimint na hEorpa
An tUachtarán
R. METSOLA
Thar ceann na Comhairle
An tUachtarán
H. LAHBIB
(1) IO C 293, 18.8.2023, lch. 138.
(2) Seasamh ó Pharlaimint na hEorpa an 29 Feabhra 2024 (nár foilsíodh fós san Iris Oifigiúil) agus cinneadh ón gComhairle an 18 Márta 2024.
(3) Rialachán (AE) Uimh. 1227/2011 ó Pharlaimint na hEorpa agus ón gComhairle an 25 Deireadh Fómhair 2011 maidir le sláine agus trédhearcacht an mhargaidh mórdhíola fuinnimh (IO L 326, 8.12.2011, lch. 1).
(4) Rialachán (AE) Uimh. 596/2014 ó Pharlaimint na hEorpa agus ón gComhairle an 16 Aibreán 2014 maidir le drochúsáid margaidh (an rialachán maidir le drochúsáid margaidh) agus lena n-aisghairtear Treoir 2003/6/CE ó Pharlaimint na hEorpa agus ón gComhairle agus Treoracha 2003/124/CE, 2003/125/CE agus 2004/72/CE ón gCoimisiún (IO L 173, 12.6.2014, lch. 1).
(5) Rialachán (AE) Uimh. 648/2012 ó Pharlaimint na hEorpa agus ón gComhairle an 4 Iúil 2012 maidir le díorthaigh thar an gcuntar, contrapháirtithe lárnacha agus stórtha trádála (IO L 201, 27.7.2012, lch. 1).
(6) Rialachán (AE) Uimh. 600/2014 ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Rialachán (AE) Uimh. 648/2012 (IO L 173, 12.6.2014, lch. 84).
(7) Treoir 2014/65/AE ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Treoir 2002/92/CE agus Treoir 2011/61/AE (IO L 173, 12.6.2014, lch. 349).
(8) Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1).
(9) Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).
(10) Rialachán Cur Chun Feidhme (AE) Uimh. 1348/2014 ón gCoimisiún an 17 Nollaig 2014 maidir le sonraí a thuairisciú i dtaca le cur chun feidhme Airteagal 8(2) agus Airteagal 8(6) de Rialachán (AE) Uimh. 1227/2011 ó Pharlaimint na hEorpa agus ón gComhairle maidir le sláine agus trédhearcacht an mhargaidh mórdhíola fuinnimh (IO L 363, 18.12.2014, lch. 121).
(11) Rialachán (AE) 2019/942 ó Pharlaimint na hEorpa agus ón gComhairle an 5 Meitheamh 2019 lena mbunaítear Gníomhaireacht an Aontais Eorpaigh um Chomhar idir Rialálaithe Fuinnimh (IO L 158, 14.6.2019, lch. 22).
(12) Rialachán (AE) 2015/1222 ón gCoimisiún an 24 Iúil 2015 lena mbunaítear treoirlíne maidir le leithdháileadh acmhainneachta agus le bainistiú ar phlódú (IO L 197, 25.7.2015, lch. 24).
(13) Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid ó Pharlaimint na hEorpa, ón gComhairle agus ón gCoimisiún (IO L 145, 31.5.2001, lch. 43).
(14) IO L 123, 12.5.2016, lch. 1.
(15) Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).
ELI: http://data.europa.eu/eli/reg/2024/1106/oj
ISSN 1977-0839 (electronic edition)