(1)

Le Treoir (AE) 2015/413 ó Pharlaimint na hEorpa agus ón gComhairle (3) éascaítear malartú trasteorann faisnéise faoi chionta tráchta a bhaineann le sábháilteacht ar bhóithre agus ar an gcaoi sin laghdaítear saoirse ó phionós ciontóirí neamhchónaitheacha. Cuireann imscrúdú éifeachtach trasteorann cionta tráchta a bhaineann le sábháilteacht ar bhóithre agus forfheidhmiú smachtbhannaí feabhas ar shábháilteacht ar bhóithre toisc go spreagann sé tiománaithe neamhchónaitheacha níos lú cionta a dhéanamh agus tiomáint ar bhealach níos sábháilte.

(2)

Ach eolas a bheith ag saoránaigh an Aontais a mhéid a bhaineann leis na rialacha tráchta a bhaineann le sábháilteacht ar bhóithre atá i bhfeidhm, na smachtbhannaí is infheidhme sna Ballstáit éagsúla agus an dóchúlacht ard smachtbhanna dosheachanta a fháil, cuirfear sábháilteacht ar bhóithre chun cinn agus laghdófar líon na gcionta tráchta a bhaineann le sábháilteacht ar bhóithre agus na nguaiseacha tráchta ar bhóithre.

(3)

Is léir ó thaithí na n-údarás forfheidhmiúcháin a bhfuil baint acu le himscrúdú a dhéanamh ar chionta tráchta a bhaineann le sábháilteacht ar bhóithre go dteipeann ar fhoclaíocht reatha Threoir (AE) 2015/413 imscrúdú éifeachtach a éascú ar chionta tráchta a bhaineann le sábháilteacht ar bhóithre arna ndéanamh ag tiománaithe neamhchónaitheacha agus go dteipeann uirthi maidir le forfheidhmiú pionós airgeadais a mhéid is inmhianaithe. Dá dheasca sin, bíonn tiománaithe neamhchónaitheacha saor ó phionós a bheag nó a mhór agus bíonn tionchar diúltach aige ar shábháilteacht ar bhóithre san Aontas. Ina theannta sin, ní urramaítear i gcónaí cearta bunúsacha agus cearta nós imeachta tiománaithe neamhchónaitheacha i gcomhthéacs imscrúduithe trasteorann, go háirithe mar gheall ar easpa trédhearcachta i socrú mhéid na bpionós airgeadais agus sna nósanna imeachta achomhairc. Dá bhrí sin, is é is aidhm don Treoir seo feabhas a chur ar éifeachtacht an imscrúdaithe ar chionta tráchta a bhaineann le sábháilteacht ar bhóithre arna ndéanamh le feithiclí atá cláraithe i mBallstát seachas an Ballstát ina ndearnadh an cion (‘Ballstát an chiona’). Leis sin, chabhrófaí le sprioc an Aontais líon na marbh ó gach modh iompair a laghdú trí é a ísliú go gar do nialas faoi 2050 agus dhéanfaí cearta bunúsacha agus cearta nós imeachta tiománaithe neamhchónaitheacha a threisiú.

(4)

I gCreat Beartais an Aontais um Shábháilteacht ar Bhóithre 2021-2030 – na chéad chéimeanna eile i dtreo ‘Fís Nialais’ an 19 Meitheamh 2019, d’athdhearbhaigh an Coimisiún go bhfuil sé tiomanta don sprioc uaillmhianach básanna agus gortuithe tromchúiseacha ar bhóithre an Aontais a laghdú go gar do nialas faoi 2050 (‘Fís Nialais’), agus don sprioc mheántéarmach líon na mbásanna agus na ngortuithe tromchúiseacha a laghdú 50 % faoi 2030, sprioc a socraíodh ar dtús i nDearbhú Vaileite maidir le Sábháilteacht ar Bhóithre a ghlac Airí Iompair Bhallstáit an Aontais an 29 Márta 2017. Chun na spriocanna sin a bhaint amach, d’fhógair an Coimisiún, sa Teachtaireacht uaidh an 9 Nollaig 2020, dar teideal Sustainable and Smart Mobility Strategy – putting European transport on track for the future [Straitéis um an tSoghluaisteacht Inbhuanaithe agus Chliste – iompar Eorpach a sheoladh ar bhealach a leasa don todhchaí], go raibh rún aige athbhreithniú a dhéanamh ar Threoir (AE) 2015/413.

(5)

Ba cheart raon feidhme Threoir (AE) 2015/413 a leathnú chun cionta tráchta eile a bhaineann le sábháilteacht ar bhóithre a chuimsiú chun cóir chomhionann do thiománaithe a áirithiú. I bhfianaise an bhunúis dlí ar ar glacadh Treoir (AE) 2015/413, eadhon Airteagal 91(1), pointe (c), den Chonradh ar Fheidhmiú an Aontais Eorpaigh (CFAE), leis na cionta breise atá le cur leis an Treoir sin, ba cheart nasc díreach a léiriú leis an tsábháilteacht ar bhóithre trí aghaidh a thabhairt ar iompraíocht chontúirteach agus mheargánta a bhfuil riosca tromchúiseach ag baint leo d’úsáideoirí bóithre. Le leathnú raon feidhme Threoir (AE) 2015/413, ba cheart a an dul chun cinn teicniúil maidir le brath uathoibríoch cionta tráchta a bhaineann le sábháilteacht ar bhóithre a léiriú freisin.

(6)

Déantar cionta tráchta a bhaineann le sábháilteacht ar bhóithre a aicmiú mar chionta riaracháin nó cionta coiriúla faoin dlí náisiúnta. Dá bhrí sin, ag brath ar na nósanna imeachta náisiúnta is infheidhme, d’fhéadfadh imeachtaí arna dtionscnamh ag údaráis riaracháin nó bhreithiúnacha os comhair cúirteanna a bhfuil dlínse acu in ábhair riaracháin nó choiriúla a bheith mar thoradh ar chionta den sórt sin. I bhformhór na gcásanna, déanann na Ballstáit cionta tráchta den sórt sin a bhaineann le sábháilteacht ar bhóithre a shaothrú le linn ollphróiseála, ach, i gcásanna ina gceanglaítear faoi dhlí Bhallstát an chiona go ndéanfar an tiománaí a shainaithint go beacht mar réamhchoinníoll chun an smachtbhanna ábhartha a fhorchur, ní féidir Ordú Imscrúdaithe Eorpach a chur i bhfeidhm go héifeachtach agus/ná a eisiúint. I bhformhór na gcásanna, ní chomhlíontar na coinníollacha chun Ordú Imscrúdaithe Eorpach a eisiúint mar a leagtar amach in Airteagal 6 de Threoir 2014/41/AE ó Pharlaimint na hEorpa agus ón gComhairle iad (4), agus dá bhrí sin ní féidir an Treoir sin a chur i bhfeidhm, go háirithe i gcásanna ina ndéantar na cionta a rangú mar chionta riaracháin. Sa chomhthéacs sin, ionas go mbeidh údaráis náisiúnta Bhallstát an chiona in ann ciontóirí a shainaithint leis an leibhéal cinnteachta a cheanglaítear faoina ndlí náisiúnta, ba cheart nós imeachta éifeachtach a bheith ar fáil dóibh chun cúnamh frithpháirteach a iarraidh ar údaráis náisiúnta ábhartha an Bhallstáit ina bhfuil an fheithicil lena ndearnadh an cion cláraithe (‘Ballstát an chlárúcháin’) nó ar Bhallstát cónaithe an duine lena mbaineann. Ba cheart an nós imeachta sin a bheith bunaithe ar bhearta dea-shainithe nach ndéanann difear tromchúiseach do chearta na ndaoine lena mbaineann. Mar sin féin, ba cheart an méid sin a bheith gan dochar do chásanna ina meastar, i gcásanna aonair, go bhfuil na coinníollacha maidir le cur i bhfeidhm Threoir 2014/41/AE á gcomhlíonadh, agus sa chás sin ba cheart do na Ballstáit sin atá faoi cheangal ag an Treoir sin na nósanna imeachta a leagtar síos sa Treoir sin a chur i bhfeidhm. Ba cheart a mheabhrú go ndéantar comhar breithiúnach in ábhair choiriúla, atá bunaithe ar phrionsabal an aitheantais fhrithpháirtigh ar bhreithiúnais agus ar chinntí breithiúnacha, a rialáil le creat dlíthiúil sonrach de chuid an Aontais. Dá bhrí sin, is gá nach mbainfidh cur i bhfeidhm Threoir (AE) 2015/413 arna leasú leis an Treoir seo an bonn de chearta agus d’oibleagáidí na mBallstát a eascraíonn as dlí infheidhme eile de chuid an Aontais in ábhair choiriúla, agus go háirithe na cearta agus na hoibleagáidí sin a leagtar síos i gCinneadh Réime 2005/214/CGB ón gComhairle (5), a mhéid a bhaineann le haitheantas frithpháirteach pionós airgeadais, agus i dTreoir 2014/41/AE a mhéid a bhaineann leis na nósanna imeachta i ndáil le bailiú faisnéise, agus in Airteagal 5 den Choinbhinsiún arna bhunú ag an gComhairle i gcomhréir le hAirteagal 34 den Chonradh ar an Aontas Eorpach, maidir le Cúnamh Frithpháirteach in Ábhair Choiriúla idir Ballstáit an Aontais Eorpaigh (6) a mhéid a bhaineann leis na nósanna imeachta maidir le doiciméid nós imeachta a sheoladh agus a sheirbheáil. Ina theannta sin, na himeachtaí coiriúla lena n-éilítear ráthaíochtaí sonracha do na daoine lena mbaineann, na coimircí nós imeachta do na daoine faoi dhrochamhras agus do na daoine cúisithe, a chumhdaítear i dTreoracha 2010/64/AE (7), 2012/13/AE (8), 2013/48/AE (9), (AE) 2016/343 (10), (AE) 2016/800 (11) agus (AE) 2016/1919 (12) ó Pharlaimint na hEorpa agus ón gComhairle, níor cheart tionchar a bheith ag cur chun feidhme Threoir (AE) 2015/413 orthu.

(7)

Ba cheart freagrachtaí agus inniúlachtaí na bpointí teagmhála náisiúnta a shainiú chun a áirithiú go gcomhoibreoidh siad go rianúil leis na húdaráis inniúla eile ar fad a bhfuil baint acu le himscrúdú na gcionta tráchta a bhaineann le sábháilteacht ar bhóithre agus a thagann faoi raon feidhme Threoir (AE) 2015/413 arna leasú leis an Treoir seo. Ba cheart pointí teagmhála náisiúnta a bheith ar fáil i gcónaí d’údaráis inniúla den sórt sin agus a n-iarrataí a fhreagairt gan moill mhíchuí. Ba cheart an cás a bheith amhlaidh gan beann ar chineál an chiona nó ar stádas dlíthiúil an údaráis inniúil, agus go háirithe gan beann ar inniúlacht náisiúnta nó fhonáisiúnta nó áitiúil a bheith ag an údarás inniúil.

(8)

Is léir go bhfuil bunghnéithe an chórais malartaithe trasteorann faisnéise a bunaíodh le Treoir (AE) 2015/413 éifeachtach. Mar sin féin, tá gá le tuilleadh feabhsuithe agus coigeartuithe chun saincheisteanna a eascraíonn as easpa sonraí, sonraí earráideacha nó sonraí míchruinne a leigheas. Dá bhrí sin, ba cheart oibleagáidí breise a fhorchur ar na Ballstáit maidir leis an ngá atá le sonraí áirithe sna bunachair sonraí ábhartha a choinneáil ar fáil agus cothrom le dáta chun éifeachtacht an mhalartaithe faisnéise a mhéadú.

(9)

Tá roinnt Ballstát anois ag tabhairt aghaidh ar fheiniméan ina bhfuil cionta tromchúiseacha tráchta a bhaineann le sábháilteacht ar bhóithre á ndéanamh i gcarranna a thógtar ar cíos i mBallstáit eile. Ní ghearrtar pionós ar thiománaithe carranna den sórt sin a thógtar ar cíos agus a dhéanann cion tráchta a bhaineann le sábháilteacht ar bhóithre toisc gur féidir leo sochar a bhaint as na difríochtaí i rialacha éagsúla na mBallstát, agus as na heasnaimh atá ann a mhéid a bhaineann le malartú faisnéise agus cúnamh frithpháirteach.

(10)

Ba cheart cead a bheith ag pointe teagmhála náisiúnta Bhallstát an chiona cuardaigh uathoibrithe a dhéanamh i gcláir feithiclí chun sonraí a aisghabháil maidir le húsáideoirí deiridh feithiclí i gcás ina bhfuil faisnéis den sórt sin ar fáil cheana féin. Ina theannta sin, ba cheart tréimhse coinneála sonraí a bhunú a mhéid a bhaineann le céannacht shealbhóirí, úinéirí agus úsáideoirí deiridh na bhfeithiclí a bhí ann roimhe sin chun an fhaisnéis iomchuí atá de dhíth orthu don imscrúdú a sholáthar do na húdaráis.

(11)

D’fhéadfadh sé nach mbeadh an duine lena mbaineann eolach ar chóras dlí Bhallstát an chiona ná nach labhródh an duine sin a theanga oifigiúil ná a theangacha oifigiúla, agus dá bhrí sin, ba cheart cosaint níos fearr a thabhairt do chearta bunúsacha agus cearta nós imeachta na ndaoine lena mbaineann. Chun an cuspóir sin a bhaint amach, ba cheart íoscheanglais éigeantacha maidir le hábhar an fhógra maidir le cion tráchta a bhunú agus níor cheart an teimpléad atá ann faoi láthair don litir faisnéise, nach bhfuil inti ach faisnéis bhunúsach, mar a leagtar amach in Iarscríbhinn II a ghabhann le Treoir (AE) 2015/413, a úsáid a thuilleadh.

(12)

Ar a laghad, ba cheart úsáid a bhaint as foclaíocht san fhógra maidir le cion tráchta atá sothuigthe dóibh siúd nach bhfuil oiliúint dhlíthiúil orthu agus ba cheart a áireamh san fhógra faisnéis mhionsonraithe maidir le haicmiú dlíthiúil agus iarmhairtí dlíthiúla an chiona tráchta a bhaineann le sábháilteacht ar bhóithre, á chur san áireamh go háirithe gur féidir leis na smachtbhannaí i leith na gcionta a chumhdaítear faoi raon feidhme Threoir (AE) 2015/413 arna leasú leis an Treoir seo a bheith de chineál neamhairgid, amhail srianta a chuirtear ar cheart tiomána an chiontóra. Ba cheart tacú leis na cearta cosanta freisin trí fhaisnéis mhionsonraithe a chur ar fáil maidir le cá háit, cá huair agus conas na cearta sin a fheidhmiú i mBallstát an chiona. I ndáil leis sin, ba cheart dóthain ama a thabhairt do neamhchónaithigh leigheas a lorg, trí achomharc a iarraidh mar shampla. Ba cheart tuairisc ar nósanna imeachta in absentia a sholáthar freisin i gcás inarb infheidhme, ós rud é go bhféadfadh sé nach mbeadh sé beartaithe ag an duine lena mbaineann filleadh ar Bhallstát an chiona chun páirt a ghlacadh sna himeachtaí. Ba cheart roghanna íocaíochta agus bealaí chun méid na smachtbhannaí a mhaolú a bheith intuigthe go héasca freisin chun comhar deonach a dhreasú. Ar deireadh, ós rud é gur cheart an fógra maidir le cion tráchta a bheith ar an gcéad doiciméad a fhaigheann an duine lena mbaineann, ba cheart an fhaisnéis a shonraítear in Airteagal 13 de Threoir (AE) 2016/680 ó Pharlaimint na hEorpa agus ón gComhairle (13) a bheith ann, ar cheart a áireamh inti, de bhun Airteagal 13(2), pointe (d), den Treoir sin, faisnéis faoin bhfoinse óna dtagann na sonraí pearsanta, agus an fhaisnéis a shonraítear in Airteagail 13 agus 14 de Rialachán (AE) 2016/679 ó Pharlaimint na hEorpa agus ón gComhairle (14). Ba cheart an fhaisnéis sin a sholáthar san fhógra maidir le cion tráchta go díreach nó trí thagairt a dhéanamh don áit ina gcuirtear ar fáil í. Caithfidh na Ballstáit cuidiú le húsáideoirí bóithre barántúlacht na bhfógraí maidir le cion tráchta agus na ndoiciméad iardain a fhíorú. Chun na críche sin, caithfidh na Ballstáit teimpléid a roinnt lena chéile agus leis an gCoimisiún, trí mhodhanna slána, is é sin teimpléid na bhfógraí maidir le cion tráchta agus teimpléid na ndoiciméad iardain arna n-eisiúint ag a n-údaráis inniúla agus a úsáidtear i gcásanna trasteorann. Caithfidh na Ballstáit a chéile a chur ar an eolas freisin faoi na húdaráis inniúla a bhfuil sé de cheart acu na fógraí maidir le cion tráchta agus na doiciméid iardain sin a eisiúint.

(13)

I gcás ina ndéantar tiománaí neamhchónaitheach a sheiceáil ar an láthair ag seiceáil cois bóthair, agus ina dtionscnaítear imeachtaí leantacha mar thoradh air sin i ndáil le cion tráchta a bhaineann le sábháilteacht ar bhóithre, ba cheart fógra maidir le cion tráchta a sheoladh chuig an tiománaí neamhchónaitheach. I gcás seiceálacha ar an láthair i ndáil le cion tráchta a bhaineann le sábháilteacht ar bhóithre arna dhéanamh ag an tiománaí neamhchónaitheach agus i gcás ina ndearna an t-údarás inniúil an smachtbhanna a bhaineann leis an gcion a rinneadh a fhorfheidhmiú trí iallach a chur ar an tiománaí neamhchónaitheach an fhíneáil a íoc ar an láthair, níor cheart ach eilimintí riachtanacha áirithe d’fhógra maidir le cion tráchta a sholáthar don tiománaí ar an láthair.

(14)

Chun a áirithiú gurb é an duine lena mbaineann an duine a fhaigheann an fógra maidir le cion tráchta agus aon doiciméid iardain, agus chun rannpháirtíocht earráideach tríú páirtithe nach mbaineann leis a sheachaint, ba cheart don Treoir seo rialacha i ndáil le seirbheáil an fhógra maidir le cion tráchta agus na ndoiciméad iardain a leagan síos.

(15)

Ba cheart an fógra maidir le cion tráchta agus aon doiciméid iardain riachtanacha a sheoladh i dteanga dhoiciméad clárúcháin na feithicle. Sna cásanna sin ina bhfuil fógra maidir le cion tráchta agus doiciméid iardain á seoladh amach i dteanga nach dtuigeann an duine lena mbaineann, ba cheart cead a bheith ag an duine sin lena mbaineann a iarraidh na doiciméid iardain a fháil i dteanga oifigiúil amháin eile de chuid institiúidí an Aontais is rogha leis seachas teanga dhoiciméad clárúcháin na feithicle. Ba cheart d’údarás inniúil Bhallstát an chiona an iarraidh sin a dheonú.

(16)

Ba cheart athbhreithniú dlíthiúil éifeachtach a chur ar fáil sna cásanna nuair nach gcomhlíonann údaráis inniúla Bhallstát an chiona na caighdeáin teanga agus na rialacha maidir le seirbheáil doiciméad a leagtar síos sa Treoir seo agus ina ndlíthe náisiúnta féin.

(17)

I gcásanna nach féidir an duine lena mbaineann a shainaithint leis an leibhéal cinnteachta a cheanglaítear faoi dhlí Bhallstát an chiona bunaithe ar an bhfaisnéis a fuarthas ó chlár na bhfeithiclí, ba cheart do na Ballstáit oibriú le chéile chun céannacht an duine lena mbaineann a fhionnadh. Chuige sin, ba cheart nós imeachta um chúnamh frithpháirteach a thabhairt isteach a mbeadh sé mar aidhm leis an duine lena mbaineann a shainaithint, trí iarraidh ar dhearbhú, ar bhonn faisnéis atá i seilbh údarás inniúil Bhallstát an chiona cheana féin, nó trí iarraidh ar údaráis inniúla ábhartha Bhallstát an chlárúcháin nó an Bhallstáit cónaithe fiosrúchán spriocdhírithe a dhéanamh.

(18)

Ba cheart d’údaráis inniúla na mBallstát úsáid a bhaint as foirm chaighdeánach leictreonach don iarraidh agus don fhreagairt ar chúnamh frithpháirteach, chun an fhaisnéis bhreise arna hiarraidh ag údarás inniúil Bhallstát an chiona a sholáthar, faisnéis is gá chun an duine lena mbaineann a shainaithint. Ba cheart do na Ballstáit úsáid a bhaint as a bpointí teagmhála náisiúnta chun go bhféadfaí na hiarrataí amach ar chúnamh frithpháirteach agus na freagraí isteach orthu araon a aistriú go slán agus go héifeachtúil. Ba cheart an fhaisnéis a iarrtar a bhailiú gan aon mhoill mhíchuí agus in aon chás laistigh de na teorainneacha ama dá dtagraítear sa Treoir seo. Agus an fhaisnéis á bailiú agus an iarraidh ar chúnamh á freagairt, cuirfidh Ballstát an chlárúcháin nó an Ballstát cónaithe a fuair an iarraidh san áireamh go gcaithfear fógra a thabhairt don duine lena mbaineann in am trátha agus go gcaithfidh Ballstát an chiona a rinne an iarraidh a bheith in ann na bearta is gá a dhéanamh in am trátha, agus reachtanna na dtréimhsí a leagtar amach i ndlí náisiúnta Bhallstát an chiona go háirithe á gcur san áireamh.

(19)

Ba cheart d’údarás inniúil Bhallstát an chlárúcháin nó an Bhallstáit cónaithe na forais a shainaithint go sonrach ar ar a mbonn is féidir leis diúltú cúnamh frithpháirteach a sholáthar chun an duine lena mbaineann a shainaithint. Ba cheart, go háirithe, coimircí a thabhairt isteach ionas nach nochtfar céannacht daoine faoi chosaint, amhail finnéithe faoi chosaint, agus cúnamh frithpháirteach á sholáthar.

(20)

Ba cheart cead a bheith ag na Ballstáit na nósanna imeachta náisiúnta céanna a úsáid agus a d’úsáidfidís dá mba rud é gur dhuine dá gcónaitheoirí féin a rinne an cion tráchta a bhaineann le sábháilteacht ar bhóithre chun an duine lena mbaineann nach cónaitheoir dá gcuid é a shainaithint. Ba cheart deimhneacht dhlíthiúil a threisiú a mhéid a bhaineann le hinfheidhmeacht beart sonrach arna nglacadh faoi nósanna imeachta den sórt sin, eadhon maidir le doiciméid lena gceanglaítear dearbhú nó séanadh maidir le déanamh an chiona nó lena bhforchuirtear oibleagáidí ar dhaoine lena mbaineann comhoibriú chun an duine faoi dhliteanas a shainaithint. Ós rud é gur cheart na héifeachtaí dlíthiúla céanna a bheith ag na bearta sin ar na daoine lena mbaineann agus atá acu i gcásanna intíre, ba cheart na caighdeáin chéanna maidir le cearta bunúsacha agus cearta nós imeachta a bheith ag na daoine sin freisin.

(21)

I gcás ina bhforáiltear go sainráite i ndlí an Aontais nó i ndlí náisiúnta do rochtain ar fhaisnéis ó bhunachair sonraí náisiúnta eile nó ó bhunachair sonraí eile de chuid an Aontais nó faisnéis uathu a mhalartú chun críocha Threoir (AE) 2015/413, ba cheart an deis a bheith ag na Ballstáit faisnéis a mhalartú trí úsáid a bhaint as bunachair sonraí den sórt sin, agus cearta bunúsacha na ndaoine neamhchónaitheoirí lena mbaineann á n-urramú ag an am céanna.

(22)

I gcás nach féidir doiciméid a sheachadadh leis an bpost, trí sheachadadh cláraithe, trí phost cláraithe nó trí mhodhanna leictreonacha ar comhionann a luach, ba cheart cead a bheith ag údarás inniúil Bhallstát an chiona brath ar údarás inniúil Bhallstát an chlárúcháin nó an Bhallstáit cónaithe na doiciméid agus na cumarsáidí a sheirbheáil ar an duine lena mbaineann faoina dhlí náisiúnta féin lena rialaítear seirbheáil doiciméad. Ba cheart do na Ballstáit úsáid a bhaint as a bpointí teagmhála náisiúnta chun go bhféadfaí an iarraidh amach ar dhoiciméid nós imeachta a sheachadadh agus an freagra isteach uirthi araon a aistriú go slán agus go héifeachtúil.

(23)

Is gá a thabhairt chun suntais go bhfuil fadhb nach beag ann maidir le neamh-fhorfheidhmiú cionta tráchta a bhaineann le sábháilteacht ar bhóithre arna ndéanamh ag neamhchónaitheoirí agus go bhféadfadh sé nach leor na leasuithe ar Airteagal 1 de Chinneadh Réime 2005/214/CGB ón gComhairle, lena leagtar síos an sainmhíniú ar chinneadh, chun dul i ngleic leis an bhfadhb sin ar bhealach éifeachtach.

(24)

Ós rud é nach bhfuil Cinneadh Réime 2005/214/CGB curtha in oiriúint d’ollphróiseáil cionta tráchta a bhaineann le sábháilteacht ar bhóithre, a gcáilítear smachtbhannaí beaga airgid ina leith go minic, mar smachtbhannaí riaracháin, agus chun cóir chomhionann do thiománaithe cónaitheacha agus neamhchónaitheacha a áirithiú, ba cheart forálacha sonracha a bhunú sa Treoir seo lena chur ar chumas na mBallstát cinntí riaracháin i ndáil le fíneálacha tráchta bóthair a fhorfheidhmiú thar theorainneacha agus cúnamh frithpháirteach a chur ar fáil chun na críche sin. Ní chuirfear bac leis sin ar chur i bhfeidhm Chinneadh Réime 2005/214/CGB.

(25)

Déanfaidh an Coimisiún, i gcomhar leis na Ballstáit, athbhreithniú ar réitigh maidir le rochtain trasteorann leictreonach ar chláir cionta tráchta a bhaineann le sábháilteacht ar bhóithre, arna mbainistiú ag na húdaráis náisiúnta d’fhonn measúnú a dhéanamh ar bhealaí chun feabhas a chur ar an rochtain atá ag saoránaigh ar na fógraí maidir le cion tráchta agus ar na doiciméid iardain a sheoltar chucu.

(26)

Maidir leis an iarraidh ar shonraí clárúcháin feithicle agus malartú na n-eilimintí sonraí a nochtadh i gcásanna trasteorann, ba cheart í a dhéanamh trí chóras leictreonach aonair. Dá bhrí sin, ag tógáil ar an gcreat teicniúil atá ann cheana, níor cheart cuardach uathoibrithe a dhéanamh ar shonraí clárúcháin feithicle faoi Threoir (AE) 2015/413 ach amháin trí fheidhmchlár bogearraí an Chórais Eorpaigh Faisnéise maidir le Feithiclí agus Ceadúnais Tiomána (EUCARIS), atá ar ardchaighdeán slándála, agus trí leaganacha leasaithe den fheidhmchlár bogearraí sin, a úsáid. Leis an bhfeidhmchlár bogearraí sin, ba cheart a bheith in ann sonraí sonracha clárúcháin feithicle a mhalartú go gasta, go costéifeachtach, go slán agus go hiontaofa idir na Ballstáit, agus, dá bhrí sin, éifeachtúlacht an imscrúdaithe ar chionta tráchta a bhaineann le sábháilteacht ar bhóithre a mhéadú. Níor cheart do na Ballstáit faisnéis a mhalartú ar bhealaí eile, nach mbeadh chomh cost-éifeachtúil agus nach bhféadfaí cosaint na sonraí arna dtarchur a áirithiú leo. Agus sonraí clárúcháin feithicle á malartú, d’fhéadfadh údaráis inniúla iarrataí neamhghnácha a fháil a chuirfeadh amhras orthu go bhfuil mí-úsáid á baint as an bpróiseas malartaithe faisnéise agus a d’fhéadfadh a cheangal ar na húdaráis inniúla sin bearta iomchuí a dhéanamh. D’fhéadfadh iarrataí neamhghnácha den sórt sin a bheith neamhghnách go háirithe ó thaobh a minicíochta nó a n-inneachair de nó a bheith tobann nó gan a bheith bainteach ach le cionta ar leith. Ba cheart do na Ballstáit EUCARIS a úsáid go sonrach chun cuardaigh uathoibrithe a dhéanamh ar shonraí clárúcháin feithicle agus chun cúnamh frithpháirteach a sholáthar chun an duine lena mbaineann a shainaithint, chun cúnamh frithpháirteach a sholáthar chun an fógra maidir le cion tráchta agus doiciméid iardain a sheirbheáil agus chun cúnamh frithpháirteach a sholáthar le linn gníomhaíochtaí forfheidhmiúcháin a dhéanamh.

(27)

Chun cosc a chur ar chleachtais mhí-úsáideacha a tháinig chun cinn le linn chur chun feidhme Threoir (AE) 2015/413 agus chun cearta bunúsacha na saoránach lena mbaineann na himeachtaí trasteorann a bhunaítear leis an Treoir sin arna leasú leis an Treoir seo a choimirciú, ba cheart do na Ballstáit a áirithiú go ndéanfaidh a n-údaráis inniúla agus a bpointí teagmhála náisiúnta atá i gceannas ar chur chun feidhme Threoir (AE) 2015/413 arna leasú leis an Treoir seo na hoibleagáidí a shanntar dóibh a chomhlíonadh go hiomlán gan na heintitis dhlítheanacha atá faoi úinéireacht phríobháideach nó faoi bhainistiú príobháideach a chumhachtú leis na gníomhaíochtaí a bhaineann le cur chun feidhme na Treorach seo. Go háirithe, leis an gceart go ndéanfar sonraí pearsanta na ndaoine lena mbaineann a chosaint, leis an gceart chun dea-riaracháin, leis an gceart chun leighis éifeachtaigh agus chun trialach córa, leis an gceart chun toimhde na neamhchiontachta agus cearta cosanta, chomh maith le feidhmiú cuí an tsásra malartaithe faisnéise trasteorann a bhunaítear le Treoir (AE) 2015/413 ceanglaítear go bhfuil na húdaráis inniúla náisiúnta ainmnithe agus na pointí teagmhála náisiúnta, agus siadsan amháin, le bheith in ann nósanna imeachta a thionscnamh, a sheoladh agus a fhorfheidhmiú a bhaineann le cionta tráchta a bhaineann le sábháilteacht ar bhóithre. Tá an méid sin gan dochar don fhéidearthacht atá ag údaráis inniúla brath ar na seirbhísí tacaíochta teicniúla arna soláthar ag eintitis dhlítheanacha atá faoi úinéireacht phríobháideach nó faoi bhainistiú príobháideach, amhail seirbhísí poist, tógáil nó cothabháil radar, agus anailís a bheith á déanamh ag saotharlanna príobháideacha ar úsáid drugaí nó alcóil. Le hidirthréimhse 2 bhliain, cheadófaí do na Ballstáit, a bhí ag dul ar iontaoibh na n-eintiteas dlítheanach atá faoi úinéireacht phríobháideach nó faoi bhainistiú príobháideach agus an Treoir seo á cur chun feidhme, a áirithiú go bhfuil a n-údaráis inniúla lánoibríochtúil agus in ann na nósanna imeachta a bhaineann le malartú trasteorann a bhainistiú agus lánurraim á tabhairt do na rialacha a leagtar amach i dTreoir (AE) 2015/413 arna leasú leis an Treoir seo.

(28)

Ba cheart raon feidhme na faisnéise a thuairiscíonn na Ballstáit don Choimisiún a leathnú chun go n-áireofaí inti gnéithe a bhfuil dlúthbhaint acu leis an gcuspóir sábháilteacht ar bhóithre a fheabhsú agus chun go n-áireofaí inti faisnéis maidir le líon na gcionta tráchta a bhaineann le sábháilteacht ar bhóithre arna ndéanamh ag tiománaithe feithiclí atá cláraithe i dtríú tír agus arna mbrath ag údarás inniúil Ballstáit. Is é is aidhm don leathnú sin é a chur ar a chumas don Choimisiún anailís a dhéanamh ar staid na himeartha sna Ballstáit agus tionscnaimh a mholadh ar bhonn fónta fíorasach. Chun an t-ualach riaracháin breise ar údaráis na mBallstát a fhritháireamh agus chun tuairisciú a ailíniú le féilire meastóireachta an Choimisiúin, ba cheart síneadh a chur leis an tréimhse tuairiscithe. Ba cheart idirthréimhse a dheonú ionas go bhféadfaidh deireadh a bheith leis an tréimhse tuairiscithe leanúnach 2 bhliain gan uaim.

(29)

Chun na cuspóirí a leagtar amach i gCreat Beartais an Aontais um Shábháilteacht ar Bhóithre 2021-2030 – Na chéad chéimeanna eile i dtreo ‘Fís Nialais’ a bhaint amach, d’fhéadfaí an cheist maidir le conas aghaidh a thabhairt ar chionta tráchta a bhaineann le sábháilteacht ar bhóithre arna ndéanamh ag tiománaithe feithiclí atá cláraithe i dtríú tír a mheas. Chuige sin, ní mór féachaint ar bhealaí éagsúla chun feabhas a chur ar an gcomhar agus ar an malartú faisnéise maidir le cionta tráchta a bhaineann le sábháilteacht ar bhóithre idir na Ballstáit agus tríú tíortha, ar choinníoll go dtugtar cosaint choibhéiseach do na daoine lena mbaineann agus go n-urramaítear na rialacha maidir le sonraí pearsanta a aistriú chuig tríú tíortha. Is gá féachaint freisin ar réitigh dhigiteacha thiomnaithe. Bheadh sé sin gan dochar do cheart na mBallstát comhaontuithe déthaobhacha nó iltaobhacha a thabhairt i gcrích le tríú tíortha maidir le comhar chun cionta tráchta a bhaineann le sábháilteacht ar bhóithre a fhorfheidhmiú.

(30)

Leis an Treoir seo, níor cheart bac a chur ar na Ballstáit comhaontuithe déthaobhacha nó iltaobhacha eatarthu a thabhairt i gcrích agus a chur i bhfeidhm, a mhéid a sháródh comhaontuithe den sórt sin na nósanna imeachta a leagtar amach sa Treoir seo agus a mhéid a chuideoidís leis na nósanna imeachta sin a shimpliú nó a éascú.

(31)

Ós rud é gur sonraí pearsanta iad sonraí a bhaineann leis an duine lena mbaineann a shainaithint de réir bhrí Rialachán (AE) 2016/679 agus Threoir (AE) 2016/680, agus gur leasaíodh go suntasach creat dlíthiúil an Aontais maidir le sonraí pearsanta a láimhseáil ó glacadh Treoir (AE) 2015/413, ba cheart na forálacha maidir le próiseáil sonraí pearsanta a ailíniú leis an gcreat dlíthiúil nua.

(32)

De bhun Airteagal 62(6) de Threoir (AE) 2016/680, rinne an Coimisiún athbhreithniú ar ghníomhartha dlíthiúla eile arna nglacadh ag an Aontas lena rialaítear sonraí pearsanta a bheith á bpróiseáil ag údaráis inniúla chun na gcríoch a leagtar amach in Airteagal 1(1) den Treoir sin, chun measúnú a dhéanamh ar an ngá leis na gníomhartha sin a ailíniú leis an Treoir sin agus chun na tograí is gá a dhéanamh, i gcás inarb iomchuí, chun na gníomhartha sin a leasú chun cur chuige comhsheasmhach a áirithiú maidir le sonraí pearsanta a chosaint faoi raon feidhme na Treorach sin. Mar thoradh ar an athbhreithniú sin, a tíolacadh i dteachtaireacht ón gCoimisiún an 24 Meitheamh 2020 dar teideal Way forward on aligning the former third pillar acquis with data protection rules [an bealach chun cinn i ndáil le acquis an iar-thríú colún a ailíniú le rialacha cosanta sonraí], sainaithníodh Treoir (AE) 2015/413 mar cheann de na gníomhartha eile sin ba ghá a leasú. Dá bhrí sin, ba cheart a shoiléiriú sa Treoir seo gur cheart próiseáil sonraí pearsanta a bheith i gcomhréir freisin le Treoir (AE) 2016/680, i gcás ina dtagann an phróiseáil faoina raon feidhme ábhartha agus pearsanta.

(33)

Aon phróiseáil a dhéantar ar shonraí pearsanta faoi Threoir (AE) 2015/413, ba cheart di Rialachán (AE) 2016/679, Treoir (AE) 2016/680 agus Rialachán (AE) 2018/1725 ó Pharlaimint na hEorpa agus ón gComhairle (15) a chomhlíonadh i gcás ina dtagann an phróiseáil sin faoina raon feidhme ábhartha agus pearsanta faoi seach.

(34)

Leagtar síos i dTreoir (AE) 2015/413, i gcomhréir le hAirteagal 6(1), an chéad fhomhír, pointe (e), agus, i gcás inarb infheidhme, le hAirteagal 10 de Rialachán (AE) 2016/679 agus Airteagal 8 de Threoir (AE) 2016/680, an bunús dlí le haghaidh na ngníomhaíochtaí próiseála is gá chun céannacht an duine lena mbaineann a shuí agus chun an fógra maidir le cion tráchta agus na doiciméid iardain a sheachadadh don duine lena mbaineann. I gcomhréir leis na rialacha céanna, leagtar síos leis an Treoir seo an bunús dlí d’oibleagáid na mBallstát sonraí pearsanta a phróiseáil chun cúnamh frithpháirteach a thabhairt dá chéile chun na daoine lena mbaineann a shainaithint.

(35)

I roinnt Ballstát, is i líonra freastalaithe (‘néal’) a stóráiltear sonraí pearsanta daoine neamhchónaitheacha lena mbaineann. Gan dochar do na rialacha maidir le sárú ar shonraí pearsanta a leagtar síos i Rialachán (AE) 2016/679 agus i dTreoir (AE) 2016/680, agus maidir le sárú ar shonraí pearsanta agus teagmhais slándála a leagtar síos i dTreoir (AE) 2022/2555 ó Pharlaimint na hEorpa agus ón gComhairle (16), ba cheart do na Ballstáit a áirithiú go gcuirfidh siad a chéile ar an eolas faoi theagmhais chibearshlándála a bhaineann leis na sonraí sin.

(36)

Ba cheart don Choimisiún tacaíocht airgeadais chomhréireach a chur ar fáil do thionscnaimh lena bhfeabhsaítear an comhar trasteorann i bhforfheidhmiú rialacha tráchta a bhaineann le sábháilteacht ar bhóithre san Aontas. Is féidir tacaíocht den sórt sin a chur ar fáil freisin le haghaidh feachtais faisnéise ar fud an Aontais maidir le difríochtaí sa dlí náisiúnta, agus béim ar leith á leagan ar thíortha comharsanacha.

(37)

Ba cheart tairseach ar líne (‘Tairseach CBE’) a bhunú chun faisnéis chuimsitheach maidir leis na rialacha tráchta a bhaineann le sábháilteacht ar bhóithre atá i bhfeidhm sna Ballstáit a sholáthar d’úsáideoirí bóithre san Aontas. Caithfidh faisnéis den sórt sin a bheith intuigthe agus inrochtana. Ba cheart a chumhdach leis an bhfaisnéis sin faisnéis faoi leigheasanna dlí, faoi aon chearta a thugtar do na daoine lena mbaineann faoi Threoir (AE) 2015/413 arna leasú leis an Treoir seo, lena n-áirítear roghanna teanga, faisnéis faoi na rialacha cosanta sonraí agus faoi na smachtbhannaí is infheidhme, lena n-áirítear, i gcás inarb ábhartha, na hiarmhairtí neamhairgeadais is infheidhme, agus na scéimeanna agus na modhanna atá ar fáil chun fíneálacha a fhorchuirtear i leith cionta tráchta a bhaineann le sábháilteacht ar bhóithre a íoc. Tagraíonn iarmhairtí neamhairgeadais do chórais pointí pionóis nó don fhíoras go bhféadfadh dícháiliú chun tiomána a bheith mar thoradh air sin agus cion tráchta ar leith a bhaineann le sábháilteacht ar bhóithre á dhéanamh, trí bhíthin ceadúnas tiomána an duine lena mbaineann a tharraingt siar go sealadach nó go buan.

(38)

Ba cheart do na Ballstáit féachaint lena áirithiú go n-úsáidfear an t-ioncam a ghintear ó phionóis airgeadais do chionta tráchta a bhaineann leis an tsábháilteacht ar bhóithre, arna bhforfheidhmiú faoi Threoir (AE) 2015/413 arna leasú leis an Treoir seo, chun sábháilteacht ar bhóithre a fheabhsú agus chun trédhearcacht a áirithiú maidir le bearta sábháilteachta ar bhóithre.

(39)

Chun dul chun cinn teicniúil ábhartha nó athruithe ar ghníomhartha dlí ábhartha an Aontais a chur san áireamh, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun an Iarscríbhinn a ghabhann leis an Treoir seo a thabhairt cothrom le dáta trína leasú. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (17). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna le saineolaithe na mBallstát, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(40)

Chun coinníollacha aonfhoirmeacha a áirithiú maidir le Treoir (AE) 2015/413 a chur chun feidhme, ba cheart cumhachtaí cur chun feidhme a thabhairt don Choimisiún chun na nósanna imeachta, an t-ábhar agus na sonraíochtaí teicniúla a bhunú, lena n-áirítear bearta cibearshlándála, le haghaidh cuardaigh uathoibrithe atá le déanamh i ndáil le himscrúdú na gcionta tráchta a bhaineann le sábháilteacht ar bhóithre, ábhar na foirme leictreonaí caighdeánaí don iarraidh agus modh tarchurtha na faisnéise a bhaineann leis an iarraidh ar chúnamh frithpháirteach chun an duine lena mbaineann a shainaithint, ábhar na bhfoirmeacha leictreonacha chun cúnamh frithpháirteach a iarraidh chun an fógra maidir le cion tráchta agus na doiciméid iardain a sheirbheáil agus chun an Tairseach CBE a úsáid agus a chothabháil. Ba cheart na réitigh theicniúla a ailíniú leis an gCreat Eorpach Idir-inoibritheachta agus leis na réitigh ábhartha um Eoraip Idir-inoibritheach dá dtagraítear i Rialachán (AE) 2024/903 ó Pharlaimint na hEorpa agus ón gComhairle (18). Ba cheart na cumhachtaí cur chun feidhme a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (19). Mar sin féin, go dtí go mbeidh na gníomhartha cur chun feidhme arna nglacadh ag an gCoimisiún infheidhme, ba cheart bearta idirthréimhseacha maidir le malartú uathoibrithe sonraí clárúcháin feithicle bunaithe ar an gcóras leictreonach atá ann cheana a bheith i bhfeidhm chun malartuithe sonraí gan uaim a ráthú.

(41)

Is gá do na Ballstáit a áirithiú go bhfuil sásraí leordhóthanacha agus éifeachtacha i bhfeidhm chun pionóis airgeadais a fhorfheidhmiú nó a aisghabháil.

(42)

Ós rud é nach féidir leis na Ballstáit cuspóirí na Treorach seo, eadhon ardleibhéal cosanta a áirithiú do gach úsáideoir bóithre san Aontas agus cóir chomhionann do dhaoine lena mbaineann trí nósanna imeachta um chúnamh frithpháirteach idir na Ballstáit a chuíchóiriú in imscrúdú trasteorann ar chionta tráchta a bhaineann le sábháilteacht ar bhóithre agus trí chosaint ceart bunúsach daoine neamhchónaitheacha lena mbaineann a neartú i gcás ina ndéantar na cionta sin le feithicil atá cláraithe i mBallstát eile seachas an Ballstát inar tharla an cion, a ghnóthú go leordhóthanach agus, de bharr fhairsinge agus éifeachtaí na Treorach seo, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a ghnóthú.

(43)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug an Maoirseoir tuairim an 24 Aibreán 2023.

(44)

Dá bhrí sin, ba cheart Treoir (AE) 2015/413 a leasú dá réir sin,

(1)

cuirtear an méid seo a leanas in ionad theideal na treorach:

‘Treoir (AE) 2015/413 ó Pharlaimint na hEorpa agus ón gComhairle an 11 Márta 2015 lena n-éascaítear malartú trasteorann faisnéise agus cúnamh frithpháirteach maidir le cionta tráchta a bhaineann le sábháilteacht ar bhóithre’

(2)

cuirtear an méid seo a leanas in ionad Airteagal 1:

(3)

leasaítear Airteagal 2 mar a leanas:

(4)

leasaítear Airteagal 3 mar a leanas:

(5)

cuirtear an t-airteagal seo a leanas isteach:

(6)

cuirtear an méid seo a leanas in ionad Airteagal 4:

(7)

cuirtear an t-airteagal seo a leanas isteach:

(8)

cuirtear an méid seo a leanas in ionad Airteagal 5:

(*12)  Treoir (AE) 2016/680 ó Pharlaimint na hEorpa agus ón gComhairle an 27 Aibreán 2016 i ndáil le cosaint daoine nádúrtha maidir le próiseáil sonraí pearsanta ag údaráis inniúla chun cionta coiriúla a chosc, a imscrúdú, a bhrath nó a ionchúiseamh nó chun pionóis choiriúla a fhorghníomhú, agus maidir le saorghluaiseacht sonraí den sórt sin, agus lena n-aisghairtear Cinneadh Réime 2008/977/CGB ón gComhairle (IO L 119, 4.5.2016, lch. 89)."

(*13)  Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1).’;"

(9)

cuirtear na hairteagail seo a leanas isteach:

(*14)  Rialachán (AE) Uimh. 910/2014 ó Pharlaimint na hEorpa agus ón gComhairle an 23 Iúil 2014 maidir le ríomh-shainaitheantas agus seirbhísí iontaoibhe le haghaidh ríomh-idirbheart sa mhargadh inmheánach agus lena n-aisghairtear Treoir 1999/93/CE (IO L 257, 28.8.2014, lch. 73)."

(*15)  Cinneadh 2008/616/CGB ón gComhairle an 23 Meitheamh 2008 maidir le chur chun feidhme Chinneadh 2008/615/CGB maidir le dlús a chur le comhar trasteorann, go háirithe chun an sceimhlitheoireacht agus an choireacht trasteorann a chomhrac (IO L 210, 6.8.2008, lch. 12).’;"

(10)

cuirtear an méid seo a leanas in ionad Airteagal 6:

(11)

cuirtear an méid seo a leanas in ionad Airteagal 7:

(*16)  Treoir (AE) 2022/2555 ó Pharlaimint na hEorpa agus ón gComhairle an 14 Nollaig 2022 maidir le bearta le haghaidh ardleibhéal comhchoiteann cibearshlándála ar fud an Aontais, lena leasaítear Rialachán (AE) Uimh. 910/2014 agus Treoir (AE) 2018/1972, agus lena n-aisghairtear Treoir (AE) 2016/1148 (an Dara Treoir NIS) (IO L 333, 27.12.2022, lch. 80).’ "

(12)

cuirtear an t-airteagal seo a leanas isteach:

(13)

cuirtear an méid seo a leanas in ionad Airteagal 8:

(*17)  Rialachán (AE) 2018/1724 ó Pharlaimint na hEorpa agus ón gComhairle an 2 Deireadh Fómhair 2018 maidir le pointe rochtana aonair digiteach a bhunú chun rochtain ar fhaisnéis, nósanna imeachta agus seirbhísí cúnaimh agus réitigh fadhbanna a sholáthar agus lena leasaítear Rialachán (AE) Uimh. 1024/2012 (IO L 295, 21.11.2018, lch. 1).’;"

(14)

cuirtear an t-airteagal seo a leanas isteach:

(15)

cuirtear an méid seo a leanas in ionad Airteagal 9:

(16)

cuirtear na hairteagail seo a leanas isteach:

(*18)  Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).’;"

(17)

cuirtear an méid seo a leanas in ionad Airteagal 11:

(18)

cuirtear an téacs a leagtar amach san Iarscríbhinn a ghabhann leis an Treoir seo in ionad Iarscríbhinn I;

(19)

scriostar Iarscríbhinn II.