1.   Déanfar fritháireamh ar thuarastal arna fháil ag Feisire mar gheall ar fheidhmiú sainordaithe i bparlaimint eile i gcomhthráth le sainordú i bParlaimint na hEorpa, agus déanfar an fritháireamh sin in aghaidh an tuarastail dá bhforáiltear in Airteagal 10 den Reacht.

2.   Chun críocha an Airteagail seo, ciallóidh ‘parlaimint eile’ aon pharlaimint atá bunaithe i mBallstát a bhfuil cumhachtaí reachtacha aici agus nach bhfuil feidhm ag Airteagal 7(2) den Ionstraim maidir le toghadh Fheisirí Pharlaimint na hEorpa trí vótáil chomhchoiteann (3) dhíreach maidir leo.

3.   Beidh an ríomh bunaithe ar méid iomlán gach ceann den dá thuarastal sula ndéantar cáin a asbhaint.

4.   Luafaidh Feisirí ina ndearbhuithe maidir le leasanna airgeadais aon sainordú a shealbhaíonn siad de réir bhrí mhír 1, agus aon tuarastal a fhaigheann siad mar thoradh ar an sainordú sin.

1.   De bhun Airteagal 18 den Reacht, agus le cur i bhfeidhm mutatis mutandis Chomhrialacha árachais breoiteachta d’oifigigh na gComhphobal Eorpach (4) (‘rialacha JSIS’), agus de bhun a bhforálacha ginearálta cur chun feidhme (5), beidh na daoine seo a leanas i dteideal aisíocaíochta ar dhá thrian de na costais a thabhaítear mar thoradh ar bhreoiteacht, ar thoircheas nó ar bhreith linbh:

Beidh saorchead ag na daoine dá dtagraítear i bpointe (a) agus i bpointe (b) den mhír seo a gcleachtóirí agus a n-ospidéil nó a gclinicí a roghnú, mar a leagtar amach in Airteagal 19(1) de rialacha JSIS.

2.   Maidir leis na daoine dá dtagraítear i bpointe (a) agus i bpointe (b) den mhír seo, i gcás ina bhfuil Airteagal 24(2) de rialacha JSIS infheidhme, ciallaíonn an tagairt don bhunluach saothair míosúil faoi Rialachán (CEE, Euratom, CEGC) Uimh. 259/68 ón gComhairle (6) (‘Rialacháin Foirne’) an tuarastal arna chinneadh de bhun Airteagal 10 den Reacht.

3.   Cuirfear na haisíocaíochtaí dá bhforáiltear i mír 1 do dhochar bhuiséad na Parlaiminte. Beidh feidhm ag Airteagal 72(3) agus (4) de na Rialachán Foirne agus Airteagal 20(6) de rialacha JSIS.

4.   Ní fhéadfar réamhíocaíochtaí de réir bhrí Airteagal 30 de rialacha JSIS a thabhairt ach amháin i bhfoirm billeáil dhíreach ar speansais ospidéalaithe. Tar éis chur i bhfeidhm an scála aisíocaíochta, déanfar an chuid de na speansais atá le híoc ag na tairbhithe dá dtagraítear i mír 1 den Airteagal seo a aisíoc leis an bParlaimint i gcomhréir leis na coinníollacha arna leagan síos in Airteagal 30(2) agus (3) de rialacha JSIS.

5.   Féadfaidh Feisirí agus iar-Fheisirí a bhfuil an liúntas idirthréimhseach dá bhforáiltear in Airteagal 13 den Reacht á fháil acu nó a bhfuil pinsean de bhun Airteagail 14 nó 15 den Reacht á fháil acu a dteidlíocht maidir le haisíocaíocht speansas leighis dá bhforáiltear i mír 1 den Airteagal seo a tharscaoileadh le héifeacht ón gcéad lá den mhí féilire i ndiaidh dháta thíolacadh an iarratais. Beidh éifeacht chúlghabhálach ag tarscaoileadh den sórt sin ó dháta tosaigh chéad sainordú an Fheisire lena mbaineann má dhéantar an iarraidh ábhartha a thíolacadh laistigh de 3 mhí tar éis an dáta tosaithe sin, ar choinníoll nár chuir an Feisire lena mbaineann isteach ar aon aisíocaíocht ar speansais leighis sa tréimhse sin.

I gcás ina dtarscaoilfidh tairbhí a theidlíocht nó a teidlíocht ar aisíocaíocht ar speansais leighis, beidh sé nó sí i dteideal aisíocaíocht dhá thrian den ranníocaíocht atá dlite le haghaidh árachas sláinte suas go dtí aisíocaíocht uasta EUR 400 in aghaidh na míosa.

6.   Ní bheidh Feisirí ná iar-Fheisirí a tharscaoileann, de bhun mhír 5, a theidlíocht nó a teidlíocht maidir le haisíocaíocht speansas leighis i dteideal filleadh ar an gcóras chun go mbeidís i dteideal aisíocaíocht ar speansais leighis dá bhforáiltear i mír 1 a fháil go dtí go mbeidh 12 mhí caite ón tráth a ghabh éifeacht leis an tarscaoileadh. Ar an gcaoi chéanna, aon athrú ina dhiaidh sin, má bhaineann sé le filleadh ar an gcóras lena rialaítear bheith i dteideal aisíocaíocht ar speansais leighis dá bhforáiltear i mír 1 nó má bhaineann sé le tarscaoileadh teidlíochta den sórt sin, ní fhéadfar an t-athrú sin a dhéanamh ach amháin i ndiaidh íostréimhse 12 mhí.

Gan dochar don chéad fhomhír, tabharfar éifeacht d’iarrataí ar athrú ina dhiaidh sin ar an gcéad lá den mhí tar éis dháta a dtíolactha.

7.   Beidh feidhm ag an Airteagal seo freisin maidir le hiar-Fheisirí a fhaigheann an liúntas idirthréimhseach dá dtagraítear in Airteagal 13 den Reacht don tréimhse ón gcéad lá tar éis dóibh éirí as a gcuid dualgas go dtí dáta tosaithe a dteidlíochta ar an liúntas idirthréimhseach.

8.   Beidh feidhm ag an Airteagal seo freisin maidir le hiar-Fheisirí a fhaigheann an pinsean seanaoise dá dtagraítear in Airteagal 52 don tréimhse ón gcéad lá tar éis dóibh éirí as a gcuid dualgas go dtí dáta tosaithe a dteidlíochta ar an bpinsean seanaoise, ar choinníoll go bhfuil na coinníollacha arna leagan amach in Airteagal 52(1) comhlíonta acu sula n-éiríonn siad as a gcuid dualgas.

1.   Faoi réir na gcoinníollacha a leagtar síos sna conarthaí árachais, beidh Feisirí i dteideal:

2.   Déanfar dhá thrian de na préimheanna árachais a mhuirearú bhuiséad na Parlaiminte agus déanfar an trian atá fágtha a mhuirearú ar na Feisirí. Asbhainfear ranníocaíocht gach Feisire go díreach ón tuarastal dá bhforáiltear in Airteagal 10 den Reacht.

3.   Beidh feidhm ag an Airteagal seo maidir le gach Feisire ó thús a sainordaithe mura rud é go dtugann siad fógra i scríbhinn don Ard-Rúnaí á rá gur mian leo go sainráite an cumhdach árachais a sheachligean. I gcás inarb infheidhme, titfidh a gceart ar chumhdach árachais ar lár ar an lá deireanach den mhí inar tugadh fógra faoin mian sin.

1.   Déanfaidh an polasaí árachais tionóisce foráil maidir le cumhdach in aghaidh tionóiscí d’Fheisirí aon áit ar domhan le linn ré a sainordaithe.

2.   Le forálacha an pholasaí árachais tionóisce, déanfar foráil do na cásanna seo a leanas:

3.   Beidh feidhm mutatis mutandis ag na Rialacha comhchoiteanna maidir le Feisirí, cé is moite de na forálacha sin maidir le galair cheirde agus le blianachtaí saoil agus aon fhoráil a bhfuil a feidhmiú doscartha ó stádas an oifigigh.

Beidh feidhm ag an nós imeachta gearán dá bhforáiltear in Airteagal 76 de na Bearta Cur Chun Feidhme seo.

Déanfaidh Uachtarán na Parlaiminte cumhachtaí an udaráis ceapacháin a leagtar síos sna Rialacha comhchoiteanna a fheidhmiú i leith na bhFeisirí.

Le haitheantas buaneasláine iomlán nó pháirteach, de bhun an Airteagail seo agus na Rialacha comhchoiteanna, ní chuirfear bac in aon slí ar fheidhmiú Airteagal 15 den Reacht. Ar an gcaoi chéanna, le cur i bhfeidhm Airteagal 15 den Reacht, ní chuirfear bac ar aitheantas buaneasláine iomlán nó pháirteach de bhun an Airteagail seo agus na Rialacha comhchoiteanna.

4.   I gcomhréir leis na coinníollacha a leagtar síos sna Rialacha comhchoiteanna, déanfar cumhdach a leathnú chun go gclúdóidh sé speansais leighis agus chógaisíochta, costais ospidéalaithe, cóireáil mháinliachta, próistéisí, radagrafaíocht, suathaireacht agus ortaipéidic, sonraisc ó chlinicí, costais iompair agus aon speansais chomhchosúla eile atá riachtanach de bharr na tionóisce. Ní dhéanfar aisíocaíocht den sórt sin áfach ach amháin i ndiaidh don chlúdach a fhaigheann an duine i dtrácht de bhun na bhforálacha maidir le haisíocaíocht ar speansais leighis a leagtar síos in Airteagal 18 den Reacht a bheith ídithe agus mar fhorlíonadh ar an gclúdach sin.

1.   Déanfaidh polasaí árachais in aghaidh gadaíochta nó caillteanas maoine agus sealúchas pearsanta foráil le haghaidh:

2.   I gcás gadaíocht nó caillteanas a tharlaíonn lasmuigh d’áitribh na Parlaiminte, ní chuirfear cumhdach ar fáil ach amháin más rud é ag am na gadaíochta nó an chaillteanais go bhfuil an Feisire i dtrácht ag taisteal mar chuid de thuras atá maoinithe ag an bParlaimint nó ag grúpa polaitiúil. I gcás gadaíocht a tharlaíonn ar áitribh na Parlaiminte, cuirfear cumhdach ar fáil má bhí an sealúchas nó an mhaoin á choinneáil nó á coinneáil in áit shábháilte.

3.   I gcás gadaíocht nó caillteanas airgid a tharlaíonn lasmuigh d’áitribh na Parlaiminte agus a thuairiscítear do na póilíní, cumhdófar é suas go huasteorainn EUR 250 ar choinníoll go bhfuil an t-airgead caillte nó goidte mar chuid de shealúchas pearsanta eile a bhí caillte nó goidte. Ní chumhdófar gadaíocht nó caillteanas airgid a tharlaíonn in áitribh na Parlaiminte.

4.   I gcás bagáiste a bheith caillte ag iompróir nó é a bheith curtha amú ag an iompróir ar feadh níos mó ná 12 uair an chloig nuair atá Feisire ag taisteal mar chuid de thuras atá maoinithe ag an bParlaimint nó ag grúpa polaitiúil go dtí ceann scríbe seachas a áit chónaithe nó a háit chónaithe, cumhdófar an costas a bhaineann le sealúchas pearsanta nó maoin a cheannach nó a fhruilliú is gá don Fheisire a thabhú suas go dtí uasteorainn EUR 500.

5.   Tuairisceoidh an Feisire aon ghadaíocht nó aon chaillteanas ar shealúchas pearsanta nó ar mhaoin do na póilíní má tharlaíonn sé lasmuigh d’áitribh na Parlaiminte. Má tharlaíonn an ghadaíocht nó an caillteanas in áitribh na Parlaiminte, tuairisceofar an méid sin don tseirbhís de chuid na Parlaiminte atá freagrach as cúrsaí slándála.

6.   Tuairisceofar gadaíocht agus caillteanais don Ard-Rúnaí laistigh de 8 lá. Beidh sonrasc don earra atá caillte nó goidte ag gabháil le foirm na tuairisce, nó, dá éagmais sin, sonrasc d’earra ionaid má tá luach níos mó ná EUR 700 air.

7.   Ní chumhdófar gadaíochtaí agus caillteanais atá cumhdaithe ag polasaí príobháideach árachais an Fheisire.

1.   Beidh Feisirí i dteideal cúnamh a fháil ó fhoireann phearsanta agus féadfaidh siad an fhoireann sin a roghnú gan bhac. Íocfaidh an Pharlaimint na speansais a thabhaítear go hiarbhír agus a thagann chun cinn go huile agus go hiomlán as cúntóir amháin nó níos mó a fhostú nó as soláthraithe seirbhíse a úsáid i gcomhréir leis na Bearta Cur Chun Feidhme seo agus leis na coinníollacha arna leagan síos ag an mBiúró.

2.   Ní íocfar ach speansais ar chúnamh atá riachtanach agus a bhfuil baint dhíreach acu le feidhmiú shainordú parlaiminteach an Fheisire. Ní dhéanfar speansais a bhaineann le saol príobháideach an Fheisire a íoc ar aon chúis.

3.   Beidh na liúntais iníoctha ar feadh fhad théarma oifige an Fheisire. Ní féidir speansais a íoc ach amháin murar tabhaíodh iad tráth nach luaithe ná:

4.   Is é EUR 28 696 an t-uasmhéid míosúil is iníoctha i leith na foirne pearsanta uile dá dtagraítear in Airteagal 30 le héifeacht ón 1 Iúil 2023.

5.   I gcás nach dtosaíonn téarma oifige an Fheisire ar an gcéad lá den mhí nó nach gcríochníonn sé ar an lá deireanach de mhí, ríomhfar na speansais cúnaimh pharlaimintigh iníoctha don mhí sin ar bhonn pro rata.

6.   Déanfar aon iarmhéid nár úsáideadh den mhéid míosúil dá bhforáiltear i mír 4 agus atá carntha ag deireadh na bliana airgeadais a thabhairt anonn go dtí an chéad bhliain airgeadais eile, suas go dtí an méid míosúil dá dtagraítear sa mhír sin ar a mhéad.

1.   Féadfaidh Feisirí na daoine seo a leanas a úsáid:

2.   Féadfaidh beirt Fheisirí nó níos mó dul i ngrúpáil le chéile chun cúntóir amháin nó níos mó, dá dtagraítear i mír 1, nó oiliúnaí amháin nó níos mó a earcú nó chun seirbhísí cúntóirí nó oiliúnaithe den sórt sin a úsáid, ar choinníoll go ndéanfaidh siad amhlaidh i scríbhinn agus úsáid á baint acu as an gcomhaontú caighdeánach arna fhormheas ag an oifigeach údarúcháin inniúil. I gcásanna den sórt sin, ainmneoidh na Feisirí lena mbaineann as a measc féin an Feisire nó na Feisirí atá údaraithe chun na conarthaí a shíniú, nó chun iarraidh ar earcaíocht a thíolacadh, thar ceann na grúpála. Ní bheidh aon tagairtí do pháirtí, d’fhondúireacht nó do ghluaiseacht pholaitiúil san ainm a thabharfar don ghrúpáil.

Déanfaidh Feisirí dearbhú i scríbhinn a chur faoi bhráid sheirbhís ábhartha de chuid na Parlaiminte lena leagtar síos na sciartha faoi seach atá le hasbhaint ón méid dá bhforáiltear in Airteagal 29(4). Ní fhéadfaidh sciar uasta aon Fheisire i ngrúpáil a bheith níos mó ná 80 %.

Chun líon na gconarthaí in aghaidh an Fheisire a ríomh, déanfar gach cúntóir nó oiliúnaí a earcófar do ghrúpáil Feisirí a shannadh do dhuine de na Feisirí rannpháirteacha arna n-ainmniú ag an bhFeisire freagrach.

3.   Ní bheidh feidhm ag Airteagail 32 go 40 maidir le cúntóirí parlaiminteacha creidiúnaithe.

4.   Speansais a thabhaítear i dtaca le comhaontuithe maidir le tréimhsí oiliúna, arna mbunú ar bhonn na gcoinníollacha arna leagan síos ag an mBiúró, féadfar iad a íoc freisin.

5.   Féadfaidh Feisirí úsáid a bhaint freisin as daoine nádúrtha atá bunaithe nó daoine dlítheanacha atá corpraithe i mBallstát a sholáthraíonn seirbhísí speisialaithe atá sainaitheanta go soiléir dóibh, a bhfuil conradh seirbhíse tugtha i gcrích acu leo i gcomhréir leis an dlí náisiúnta is infheidhme agus leis na coinníollacha a leagtar síos sa Chaibidil seo. Ní mór cáilíochtaí nó taithí leormhaith a bheith ag na soláthraithe seirbhíse sin maidir leis na seirbhísí atá i gceist a sholáthar.

Ní mór daoine dlítheanacha a sholáthraíonn seirbhísí a chosnaíonn níos mó ná EUR 60 000, CBL san áireamh, a bheith ionchorpraithe i mBallstát agus ní mór iad a bheith gníomhach sa réimse ábhartha ar feadh bliain amháin ar a laghad ar dháta tosaithe an chonartha a tugadh i gcrích leis an bhFeisire.

Cé is moite de sheirbhísí arna soláthar ag cúntóirí áitiúla de bhun mhír 1, pointe (b), i gcás ina sáraíonn costas na seirbhísí tairseach EUR 60 000, CBL san áireamh, roghnófar an soláthraí seirbhíse trí nós imeachta soláthair. Beidh feidhm ag an tairseach sin ar bhonn carnach i gcás conarthaí le haghaidh seirbhísí comhchosúla ón soláthraí céanna. Beidh cúigear iarrthóirí atá go hiomlán neamhspleách ar a laghad i gceist leis an nós imeachta soláthair. Ní fhéadfar cinneadh a dhéanamh maidir le dámhachtain an chonartha ach amháin má tá ar a laghad trí thairiscint bhailí curtha isteach. Dámhfar an conradh don tairgeoir a thugann an cóimheas is fearr idir praghas agus cáilíocht.

6.   Ní áireofar soláthar foirne i soláthar na seirbhísí, seachas i gcás seirbhísí sealadacha ó sholáthraithe seirbhíse a sholáthraíonn foireann ar bhonn gairmiúil agus rialta agus atá údaraithe déanamh amhlaidh faoin dlí náisiúnta.

Ní ligfear seirbhísí arna soláthar de bhun mhír 1, pointe (b), ar fochonradh. Ní dhéanfar seirbhísí arna soláthar de bhun mhír 5 a ligean ar fochonradh ach amháin ar chúiseanna a bhfuil údar cuí leo, tar éis seirbhís ábhartha de chuid na Parlaiminte a chur ar an eolas, agus in aon chás, ní dhéanfar é ach amháin maidir le huasmhéid 20 % de luach iomlán an chonartha lena mbaineann.

7.   Glacfaidh an Biúró liosta speansas a fhéadfar a íoc chun críche cúnaimh pharlaimintigh (9).

8.   Foilseofar ar shuíomh gréasáin na Parlaiminte ainmneacha na gcúntóirí agus na n-oiliúnaithe, chomh maith le hainmneacha nó ainmneacha corparáideacha na soláthraithe seirbhíse agus na ngníomhairí íocaíochta, go ceann fad a gconarthaí, mar aon le hainm an Fheisire nó le hainmneacha na bhFeisirí a dtugann siad cúnamh dóibh.

Cúntóirí, oiliúnaithe, soláthraithe seirbhíse agus gníomhairí íocaíochta agus an Feisire lena mbaineann, ar fhorais a bhfuil údar cuí leo, amhail a sábháilteacht a chosaint nó, cé go bhfuil sé gníomhach i gcónaí, gur cuireadh an conradh lena mbaineann ar fionraí nó gur cuireadh críoch leis, féadfaidh siad iarraidh a dhéanamh i scríbhinn chuig an Ard-Rúnaí, nach ndéanfaí a n-ainm nó a n-ainm corparáideach a fhoilsiú ar shuíomh gréasáin na Parlaiminte. Déanfaidh an tArd-Rúnaí cinneadh an nglacfar le hiarraidh den sórt sin. Cuirfear na páirtithe uile lena mbaineann ar an eolas faoin gcinneadh sin.

9.   Gan beann ar a sceidil ama oibre, ní rachaidh líon na gcúntóirí arna sannadh d’Fheisire ag am ar bith thar cheathrar i gcás cúntóirí parlaiminteacha creidiúnaithe agus thar dheichniúr i gcás cúntóirí áitiúla. Ar bhonn eisceachtúil agus ar feadh uastréimhse míosa, féadfar an t-uaslíon cúntóirí parlaiminteacha creidiúnaithe a mhéadú go dtí cúigear i gcás inar gá sin chun an t-aistriú idir conarthaí fostaíochta an bheirt chúntóir a éascú.

Cúntóirí parlaiminteacha creidiúnaithe a earcófar chun cúiteamh a dhéanamh ar asláithreacht chuí-réasúnaithe cúntóra pharlaimintigh chreidiúnaithe de bhun Airteagal 18(6) de na Bearta Cur Chun Feidhme do Theideal VII de Choinníollacha Fostaíochta Sheirbhísigh Eile an Aontais Eorpaigh (10), ní chuirfear san áireamh iad sa líon uasta a leagtar síos sa chéad fhomhír den mhír seo.

10.   Agus léirithe á dtabhairt acu maidir le grádú a gcúntóirí parlaiminteacha creidiúnaithe, ba cheart d’Fheisirí a gcáilíochtaí agus a dtaithí, na cúraimí atá le tabhairt dóibh, an fhéidearthacht dul chun cinn gairme a dhéanamh agus an gá atá le bainistíocht fhónta airgeadais a chinntiú a chur san áireamh.

11.   Déanfar ar a laghad 40 % den mhéid dá bhforáiltear in Airteagal 29(4) de na Bearta Cur Chun Feidhme sin a chur in áirithe do chostais chruinnithe a thagann chun cinn faoi Theideal VII de Choinníollacha Fostaíochta Sheirbhísigh Eile an Aontais Eorpaigh. Dá bhrí sin, ní rachaidh na costais uile i leith speansais cúnaimh pharlaimintigh, seachas na cinn a thagann chun cinn faoi Theideal VII de Choinníollacha Fostaíochta Sheirbhísigh Eile an Aontais Eorpaigh, thar 60 % den mhéid dá bhforáiltear in Airteagal 29(4) de na Bearta Cur Chun Feidhme sin.

Thairis sin, ní fhéadfadh na speansais maidir le seirbhísí a sholáthar, dá dtagraítear san Airteagal seo, dul thar 20 % den mhéid dá bhforáiltear in Airteagal 29(4).

Ríomhfar na teorainneacha sin le haghaidh gach bliana airgeadais trí na teidlíochtaí míosúla dá bhforáiltear in Airteagal 29(4) a chomhiomlánú, móide aon iarmhéid nár úsáideadh agus a tugadh anonn go dtí an chéad bhliain airgeadais eile faoi Airteagal 29(6), ar bhonn pro rata.

12.   Íocfaidh an Pharlaimint speansais daoine nádúrtha arna bhfruiliú ag Feisirí mar chúntóirí áitiúla nó as seirbhísí speisialaithe a sholáthar d’olltuilleamh nó do tháillí glan ó CBL suas go dtí uasteorainneacha míosúla. Bunóidh an Biúró na huasteorainneacha sin i gcomhréir le mír 13, agus féadfaidh an Biúró iad a oiriúnú go bliantúil. Foilseofar na huasteorainneacha is infheidhme ar shuíomh gréasáin na Parlaiminte.

13.   Beidh na huasteorainneacha comhionann le trí oiread go leath den mhéid tagartha. Beidh sa mhéid tagartha aon dódhéagú den mhéid arna fhoilsiú ag Eurostat mar an meánphá comhlán bliantúil atá ag duine atá fostaithe go lánaimseartha sa Bhallstát inar toghadh an Feisire lena mbaineann.

Mar sin féin, ní bheidh na huasteorainneacha arna ríomh ar an gcaoi sin níos lú ná bunphá cúntóra pharlaimintigh chreidiúnaithe ar ghrád 6 nó níos mó ná bunphá cúntóra pharlaimintigh chreidiúnaithe ar ghrád 19.

Ní íocfar aon bhónas ach suas go dtí na huasteorainneacha réamhluaite arna ríomh ar bhonn bliantúil agus teoranta don séú cuid d’olltuilleamh bliantúil an chúntóra.

Laghdófar na huasteorainneacha ar bhonn pro rata i gcás ina n-oibríonn cúntóir áitiúil go páirtaimseartha nó i gcás nach n-oibríonn an cúntóir áitiúil an mhí iomlán.

14.   Maidir le holltuilleamh cúntóra áitiúil atá ag teastáil go príomha chun tacaíocht riaracháin agus dualgais rúnaíochta a dhéanamh, ach atá ag teastáil freisin chun dualgais dréachtaithe agus chomhairleacha a chomhlíonadh, ní rachaidh sé thar 60 % de na huasteorainneacha míosúla arna mbunú ag an mBiúró i gcomhréir le mír 13.

Maidir le holltuilleamh cúntóra áitiúil atá ag teastáil go príomha chun dualgais dréachtaithe agus chomhairleacha a dhéanamh, ach atá ag teastáil freisin chun tacaíocht riaracháin agus dualgais rúnaíochta a dhéanamh, ní rachaidh sé thar 70 % de na huasteorainneacha míosúla arna mbunú ag an mBiúró i gcomhréir le mír 13, ach amháin má tá dioplóma ag an gcúntóir áitiúil lena ndeimhnítear gur cuireadh cúrsa ollscoile trí bliana ar a laghad i gcrích go rathúil nó má tá taithí ghairmiúil ar leibhéal coibhéiseach aige nó aici.

15.   Íocfaidh an Pharlaimint na speansais taistil arna dtabhú iarbhír ag cúntóirí áitiúla agus iad ag tabhairt faoi thaisteal dualgais ócáideach, arna iarraidh sin ag an bhFeisire, i ndáil le comhlíonadh a ndualgas. Measfar gur ócáideach é an taisteal dualgais a bhaineann le seisiúin iomlánacha na Parlaiminte.

Íocfar na speansais sin ar thíolacadh na ndoiciméad tacaíochta.

Roghnófar na cineálacha iompair agus lóistín is eacnamaíche agus is éifeachtúla, faoi réir a n-infhaighteachta agus a n-inrochtaine ag an am. Is den ghrád barainne nó den dara grád a dhéanfar aon turas ar eitleán nó turas traenach faoi seach. Is seomraí caighdeánacha a bheidh sa lóistín. Ní úsáidfear tacsaithe ach amháin i gcásanna eisceachtúla agus le haghaidh achar gairid, i gcásanna nach mbíonn aon iompar poiblí ar fáil.

Beidh an íocaíocht teoranta don íosmhéid dá bhforáiltear sa dlí náisiúnta is infheidhme agus, i gcás speansas lóistín, suas go dtí na huasteorainneacha is infheidhme maidir le hoifigigh agus seirbhísigh eile na Parlaiminte.

1.   Maidir le gach conradh fostaíochta agus seirbhíse, mar aon le haon chomhaontú maidir le tréimhsí oiliúna i dtaca le hoiliúnaithe atá lonnaithe sa Bhallstát inar toghadh an Feisire, arna thabhairt i gcrích ag Feisire nó ag grúpáil d’Fheisirí, déanfaidh gníomhaire íocaíochta atá bunaithe i mBallstát é a riar.

2.   Is duine nádúrtha nó dlítheanach atá údaraithe go cuí laistigh de Bhallstát chun gníomhaíocht ghairmiúil a dhéanamh a bhaineann le gnéithe cánach agus slándála sóisialaí de chonarthaí fostaíochta nó de chonarthaí seirbhíse faoin dlí náisiúnta a dhéanfaidh seirbhísí gníomhaire íocaíochta.

Ní bheidh an duine nádúrtha nó dlítheanach a sholáthraíonn seirbhísí gníomhaire íocaíochta i gceann de na staideanna eisiaimh dá dtagraítear in Airteagal 136(1) de Rialachán (AE, Euratom) 2018/1046 ó Pharlaimint na hEorpa agus ón gComhairle an 18 Iúil 2018 (11) (‘an Rialachán Airgeadais’).

Bainfidh gníomhairí íocaíochta úsáid as córas ríomhairithe párolla gairmiúil.

3.   Déanfaidh Feisire conradh aonair a thabhairt i gcrích le gníomhaire íocaíochta dá rogha féin a chomhlíonann na coinníollacha dá dtagraítear i mír 2.

Speansais a thabhaítear in úsáid seirbhísí gníomhaire íocaíochta i gcomhréir le mír 1 den Airteagal seo, cumhdófar iad leis an méid dá bhforáiltear in Airteagal 29(4) agus ní bheidh siad faoi réir na teorann a leagtar síos in Airteagal 30(11) i leith seirbhísí.

Ní fhéadfaidh táillí gníomhairí íocaíochta, gan CBL, a bheith níos mó ná 4 % den mhéid dá bhforáiltear in Airteagal 29(4).

Déanfar athbhreithniú ar theorainneacha uasta tháillí na ngníomhairí íocaíochta ar bhonn carnach sa bhliain féilire i gcomhréir lefad a gconartha.

4.   Déanfar an conradh idir an Feisire agus an gníomhaire íocaíochta a thabhairt i gcrích bunaithe ar chonradh caighdeánach arna fhormheas ag an oifigeach údarúcháin inniúil.

Beidh aon leagan nua den chonradh caighdeánach éigeantach tar éis é a bheith curtha in iúl do na Feisirí. Ní bheidh aon éifeachtaí cúlghabhálacha aige ar chonarthaí atá ann cheana.

Leagfar síos sa chonradh caighdeánach, i gcomhréir leis an gCaibidil seo, na socruithe íocaíochta i leith na gconarthaí dá dtagraítear i mír 1 agus luach saothair agus dliteanas an ghníomhaire íocaíochta.

1.   Áiritheoidh an gníomhaire íocaíochta go ndéantar an dlí náisiúnta agus dlí an Aontais, go háirithe maidir le hoibleagáidí slándála sóisialta agus cánach, a chomhlíonadh go cuí i ndáil leis na conarthaí a ndéanann sé nó sí bainistíocht orthu.

2.   Íocfar táillí na ngníomhairí íocaíochta ar thíolacadh na sonrasc ábhartha nó na ráiteas táille ábhartha.

3.   Na doiciméid agus an fhaisnéis go léir a theastaíonn ó ghníomhairí íocaíochta na bhFeisirí chun dlíthiúlacht agus bainistiú fónta na gconarthaí a bhfuil siad freagrach astu a áirithiú, déanfaidh na Feisirí iad a sholáthar dóibh, go háirithe na doiciméid agus an fhaisnéis dá dtagraítear in Airteagal 34(2), Airteagal 35(1), pointe (a), Airteagal 38, Airteagal 39(1), pointe (a), agus Airteagal 40.

4.   Íocfaidh an Pharlaimint leis an ngníomhaire íocaíochta na méideanna atá dlite faoi na conarthaí, lena n-áirítear comhaontuithe maidir le tréimhsí oiliúna, a bhfuil sé nó sí freagrach astu, nuair a thíolactar na doiciméid tacaíochta riachtanacha.

5.   I gcomhthéacs conartha fostaíochta nó comhaontaithe tréimhsí oiliúna, tabharfaidh an Pharlaimint réamhíocaíochtaí don ghníomhaire íocaíochta i ndáil le speansais arna dtabhú i leith luach saothair, ranníocaíochtaí slándála sóisialta agus cánacha.

Is faoi fhreagracht na bhFeisirí agus a ngníomhairí íocaíochta a thabharfar réamhíocaíochtaí den sórt sin chun rialtachta, agus déanfar réamhíocaíochtaí den sórt sin a thabhairt chun rialtachta sin i gcomhréir leis na Bearta Cur Chun Feidhme seo agus an dlí náisiúnta is infheidhme.

1.   Maidir le hiarratais ar speansais cúnaimh pharlaimintigh a íoc de bhun Airteagal 30(1), pointe (b), (2), (4) agus (5), lena sonraítear na tairbhithe agus méideanna na n-íocaíochtaí atá le déanamh, deanfaidh an Feisire nó gníomhaire íocaíochta an Fheisire iad a thíolacadh do sheirbhís ábhartha de chuid na Parlaiminte, agus déanfaidh gach Feisire lena mbaineann agus an gníomhaire íocaíochta na hiarratais sin a chomhshíniú go cuí. Beidh na doiciméid tacaíochta dá dtagraítear in Airteagal 35 maidir le conarthaí fostaíochta agus iad sin dá dtagraítear in Airteagal 39 maidir le conarthaí seirbhíse ag gabháil leo.

2.   Déanfaidh na Feisirí a ngníomhairí íocaíochta agus seirbhís ábhartha de chuid na Parlaiminte a chur ar an eolas láithreach faoi aon athrú ar a gcaidreamh conarthach agus ar na treoracha a bhaineann le híocaíochtaí, agus na hathruithe a rinneadh ar an gconradh á léiriú acu.

Déanfaidh gníomhairí íocaíochta faisnéis den sórt sin agus na doiciméid tacaíochta chomhfhreagracha a chur ar aghaidh láithreach chuig seirbhís ábhartha de chuid na Parlaiminte, gan fanacht ar thabhairt chun rialtachta na gcuntas.

1.   Le haghaidh gach cúntóra áitiúil a fhostaítear agus gach oiliúnaí atá lonnaithe sa Bhallstát inar toghadh an Feisire, déanfaidh na gníomhairí íocaíochta a chur ar aghaidh chuig an tseirbhís ábhartha de chuid na Parlaiminte, faoin 31 Márta den bhliain tar éis bhliain airgeadais i dtrácht, ráitis ar na speansais arna dtabhú i leith tuarastal, asbhaintí cánach agus ranníocaíochtaí slándála sóisialta ó fhostóirí agus ó fhostaithe agus aon speansais iníoctha eile, go háirithe chun críoch na réamhíocaíochtaí atá íoctha a thabhairt chun rialtachta. Déanfaidh siad, sa bhreis air sin, cruthúnas a sholáthar lena léirítear go bhfuil na cúntóirí áitiúla i dtrácht cláraithe i scéim slándála sóisialta, agus an Feisire á léiriú mar an fostóir, deimhniú árachais in aghaidh tionóiscí a bhaineann leis an obair i gcás ina a n-éilítear árachas den sórt sin leis an dlí náisiúnta is infheidhme, agus ráiteas ioncaim bliantúil. Deimhneoidh siad freisin gur comhlíonadh na hoibleagáidí uile lena n-eascraítear as an dlí náisiúnta is infheidhme agus, arna iarraidh sin do sheirbhís ábhartha de chuid na Parlaiminte, cuirfidh siad isteach na duillíní pá uile a eisíodh don tréimhse tuairiscithe, chomh maith le cruthúnas gur íocadh tuarastal, ranníocaíochtaí sóisialta agus cánacha.

I gcás ina ndéantar an conradh idir an gníomhaire íocaíochta agus an Feisire a fhoirceannadh agus ag deireadh théarma oifige an Fheisire, comhlíonfar na hoibleagáidí sin laistigh de 3 mhí ar a dhéanaí.

Déanfar na ráitis dá dtagraítear sa chéad fhomhír a tharraingt suas i gcomhréir le sonraíochtaí na Parlaiminte.

2.   Mura ndéantar na ráitis dá dtagraítear i mír 1 a chur isteach laistigh den sprioc-am atá leagtha síos, measfar nach íocaíochtaí rialta iad na híocaíochtaí comhfhreagracha ar fad. Tar éis fíorú a bheith déanta ar na ráitis dá dtagraítear i mír 1 nó ina n-éagmais, cuirfidh seirbhís ábhartha de chuid na Parlaiminte fógra ar aghaidh chuig na gníomhairí íocaíochta, mar aon le cóipeanna chuig an bhFeisire, ina sonraítear cé acu is íocaíochtaí rialta iad nó nach íocaíochtaí rialta iad na híocaíochtaí a dhéantar agus, i gcás inarb iomchuí, cad iad na doiciméid atá ar iarraidh agus nach mór a thíolacadh fós.

I gcás ina ndeimhnítear leis an bhfógra dá dtagraítear sa chéad fhomhír den mhír seo nach íocaíochtaí rialta iad na híocaíochtaí a dhéantar, déanfar na doiciméid is gá chun iad a thabhairt chun rialtachta a thíolacadh chuig seirbhís ábhartha de chuid na Parlaiminte laistigh de 1 mhí tar éis dháta an fhógra. I gcás nach dtíolacfar na doiciméid sin laistigh den tréimhse sin, déanfaidh an Pharlaimint Airteagal 71 nó Airteagal 72 nó iad araon a chur i bhfeidhm, de réir mar is iomchuí.

1.   Déanfaidh gníomhairí íocaíochta, ar feadh na tréimhse a leagtar síos leis an dlí náisiúnta is infheidhme, agus ar feadh cúig bliana ar a laghad ó dheireadh an téarma pharlaimintigh lena mbaineann, leabhar taifeadta de ráitis phá a choimhéad ina miondealaítear suimeanna a íoctar mar luach saothair agus, i gcás inarb infheidhme, cáin agus ranníocaíochtaí slándála sóisialta ó fhostóirí agus ó fhostaithe.

Gan dochar don chéad fhomhír, ar fhoirceannadh chonradh an ghníomhaire íocaíochta, déanfar cóip dhílis dheimhnithe de na doiciméid phárolla uile a chur ar aghaidh láithreach chuig an bhFeisire chomh maith le haon ghairmí cáilithe dá rogha féin.

2.   Staonfaidh cúntóirí ó aon bhearta a dhéanamh a thagann salach ar leasanna na bhFeisirí a gcuidíonn siad leo agus leasanna na Parlaiminte. Cuirfidh siad an Feisire lena mbaineann ar an eolas gan mhoill i gcás ina bhfuil rún acu tabhairt faoi aon ghníomhaíocht sheachtrach, bíodh an ghníomhaíocht sin ar luach saothair nó gan luach saothair, nó seasamh i dtoghchán.

Beidh cónaí orthu fad áirithe óna n-áit oibre atá comhoiriúnach i dtaca lena gcuid dualgas a chomhlíonadh go cuí.

3.   Déanfaidh an Feisire an tseirbhís ábhartha de chuid na Parliminte a chur ar an eolas láithreach maidir le haon athruithe ar na coinníollacha fostaíochta a bhfuil tionchar acu ar speansais cúnaimh pharlaimintigh agus maidir le haon phleananna atá ag cúntóirí tabhairt faoi ghníomhaíochtaí seachtracha seachas na gníomhaíochtaí atá dearbhaithe cheana féin de bhun Airteagal 35, pointe (g), nó seasamh i dtoghchán. Ní mór don Fheisire a áirithiú nach gcuirfidh gníomhaíochtaí seachtracha agus seasamh i dtoghchán isteach ar chomhlíonadh a ndualgas ag cúntóirí ná nach mbeidh siad contrártha do leasanna airgeadais an Aontais trí na socruithe iomchuí a dhéanamh, lena bhféadfaí a áireamh am oibre an chúntóra a oiriúnú nó an cúntóir a bheith ag glacadh saoire bhliantúil nó saoire gan phá. Féadfaidh an tseirbhís ábhartha de chuid na Parlaiminte fianaise a éileamh i dtaca leis na socruithe atá déanta leis na cúntóirí lena mbaineann chuige sin.

4.   Maidir le cúntóirí áitiúla a bhfuil rún acu seasamh i dtoghchán, comhlíonfaidh siad na dlíthe náisiúnta maidir le feachtais toghcháin. Má thoghtar iad, cuirfear deireadh le híoc na speansas a bhaineann leo mura rud é gur féidir leo fianaise a sholáthar go bhfuil a sainordú i gcomhréir le comhlíonadh a gcuid dualgas mar chúntóirí parlaiminteacha.

5.   Áireofar na coinníollacha a leagtar síos i míreanna 2 agus 4 i gconarthaí a thugtar i gcrích idir Feisirí agus cúntóirí.

6.   Féadfar na speansais arna dtabhú i dtaca le conarthaí fostaíochta a dhéantar le cúntóirí áitiúla a íoc ar choinníoll gurb ionann na huaireanta íosta oibre agus 5 uair an chloig in aghaidh na seachtaine agus nach mó na huaireanta oibre foriomlána, lena n-áirítear an t-am a chaitear ar ghníomhaíochtaí seachtracha, ná 48 uair an chloig sa tseachtain. Chun críocha na míre seo, ní chuirfear na gníomhaíochtaí neamhíoctha dá dtagraítear in Airteagal 35 san áireamh ach amháin más rud é, sa chás atá i gceist, go dtugtar luach saothair do na gníomhaíochtaí sin de ghnáth.

1.   Na speansais arna dtabhú nuair a fhoirceanntar na conarthaí fostaíochta arna dtabhairt i gcrích ag Feisirí lena gcúntóirí áitiúla, féadfar iad a íoc ar na coinníollacha seo a leanas:

2.   Féadfar na speansais dá dtagraítear i mír 1 den Airteagal seo a íoc suas go dtí an t-íosmhéid reachtúil agus laistigh de theorainneacha Airteagal 29(4).

3.   Speansais bhreise a eascraíonn as comhaontú sonrach idir na páirtithe nach gcuimsítear sna hoibleagáidí reachtúla nó oibleagáidí a comhaontaíodh go comhpháirteach, féadfar iad a íoc, laistigh de theorainneacha Airteagal 29(4), suas go dtí méid a chomhfhreagraíonn do mhéid bhun-olltuarastail mhíosúil an chúntóra áitiúil le linn na bliana fostaíochta deireanaí.

4.   Ní bheidh feidhm ag mír 3 sna cásanna seo a leanas:

5.   I gcás ina gceanglaítear ar Fheisirí go dlíthiúil faoin dlí saothair náisiúnta is infheidhme méid níos airde ná trí oiread a bhun-olltuarastail mhíosúil nó a bun-olltuarastail mhíosúil a íoc le cúntóir i leith speansais fhoirceannta, féadfar speansais den sórt sin a íoc ar thíolacadh doiciméad tacaíochta arna mbunú go cuí, ar doiciméid iad nach mór a bheith deimhnithe ag na húdaráis inniúla náisiúnta.

1.   Cé is moite de sheirbhísí speisialaithe nach bhfuil costas os cionn EUR 500 lena n-áiritear CBL ag gabháil leo, beidh na nithe seo a leanas in iarratas ar íocaíochtaí speansas maidir le conarthaí seirbhíse:

2.   Déanfar costas na seirbhísí arna soláthar a íoc nuair a chuireann an Feisire faoi bhráid na seirbhíse ábhartha de chuid na Parlaiminte sonrasc nó ráiteas ar tháillí ina dtugtar tuairisc mhionsonraithe ar na seirbhísí arna soláthar go hiarbhír agus cóip den chonradh arna thabhairt i gcrích leis an soláthraí seirbhíse. Beidh dearbhú ón bhFeisire á rá gur soláthraíodh an tseirbhís go hiarbhír ag gabháil leis an sonrasc nó leis an ráiteas ar tháillí. Arna iarraidh sin do sheirbhís ábhartha de chuid na Parlaiminte, déanfaidh an Feisire na príomhdhoiciméid tacaíochta a chur faoina bráid freisin.

I gcás ina bhfuil seirbhísí díolmhaithe go páirteach nó go hiomlán ó CBL, féadfaidh seirbhís ábhartha de chuid na Parlaiminte ceangal a chur ar an ngníomhaire íocaíochta an bunús dlí leis an díolúine sin a dhearbhú.

1.   Glacfaidh an Biúró na rialacha lena rialaítear rochtain na bhFeisirí ar sheirbhísí inmheánacha arna soláthar ag an bParlaimint agus soláthar trealaimh agus saoráidí d’Fheisirí, go háirithe maidir leis an méid seo a leanas:

2.   Féadfaidh an Biúró forálacha a ghlacadh freisin lena ndeonaítear rochtain ar shaoráidí na Parlaiminte d’iar-Uachtaráin na Parlaiminte, le linn a dtéarma oifige, agus d’iar-Fheisirí.

1.   Beidh na Feisirí i dteideal liúntas caiteachais ghinearálta a fháil chun speansais a thagann chun cinn le linn a ngníomhaíochtaí parlaiminteacha a chumhdach.

2.   I gcomhréir le hAithris 17 agus le hAirteagal 20, mír 3, den Reacht, íoctar an liúntas caiteachais ghinearálta i bhfoirm cnapshuime.

3.   Beidh na Feisirí i dteideal an liúntais ghinearálta ón mí ina bhfaightear a n-iarratas ar íocaíocht.

4.   Féadfaidh na Feisirí rogha a dhéanamh méid iomlán an liúntais caiteachais ghinearálta nó cuid de a fháil.

1.   Beidh an liúntas caiteachais ghinearálta iníoctha ar feadh fhad théarma oifige an Fheisire.

2.   Is é EUR 4 950 a bheidh i méid míosúil an liúntais caiteachais ghinearálta.

3.   Ní bhfaighidh Feisirí a dtosaíonn a dtéarma oifige tar éis an chúigiú lá dhéag den mhí ach leath an liúntais caiteachais ghinearálta don mhí sin.

4.   Beidh leath an liúntais caiteachais ghinearálta iníoctha freisin ar feadh tréimhse 3 mhí tar éis na míosa ina dtagann deireadh le téarma oifige an Fheisire, ar choinníoll go raibh an Feisire in oifig ar feadh 6 mhí ar a laghad agus nach ndéantar é nó í a atoghadh.

1.   Déanfar gach íocaíocht i leith an liúntais caiteachais ghinearálta a íoc go díreach leis na Feisirí.

2.   Aon Fheisire atá as láthair 50 % de na laethanta atá socraithe ag an mBiúró le haghaidh sheisiúin iomlánacha na Parlaiminte le linn bliain pharlaiminteach (ón 1 Meán Fómhair go dtí an 31 Lúnasa), aisíocfaidh an Feisire sin leis an bParlaimint 50 % den liúntas caiteachais ghinearálta a bhaineann leis an tréimhse sin.

3.   Féadfaidh an tUachtarán Feisire a scaoileadh ó aon tréimhse neamhláithreachta dá dtagraítear i mír 2 ar fhorais drochshláinte nó imthosca tromchúiseacha teaghlaigh, nó mar gheall ar an bhFeisire lena mbaineann a bheith ar mhisean in áit eile arna údarú ag an Uachtarán, ag an mBiúro nó ag Comhdháil na nUachtarán. Déanfar na doiciméid tacaíochta a thíolacadh do na Caestóirí laistigh de 2 mhí ar a mhéad ó dháta tosaithe na tréimhse neamhláithreachta.

4.   Déanfar Feisire atá ag súil le leanbh a scaoileadh óna láithreacht ag cruinnithe oifigiúla na Parlaiminte ar feadh tréimhse 3 mhí roimh bhreith an linbh sin. Ní mór don Fheisire deimhniú liachta a thíolacadh lena léirítear dáta dóchúil bhreith an linbh. Tar éis bhreith an linbh, déanfar an Feisire a scaoileadh óna láithreacht ag cruinnithe oifigiúla na Parlaiminte ar feadh tréimhse 6 mhí. Ní mór don Fheisire cóip de theastas breithe an linbh a thíolacadh.

1.   Tá sé beartaithe go gcumhdófar leis an liúntas caiteachais ghinearálta, inter alia, speansais amhail costais reatha oifige agus cothabhála oifige, soláthairtí agus doiciméadacht oifige, costais trealaimh oifige, gníomhaíochtaí ionadaíochta nó costais riaracháin.

2.   Má thugann na Feisirí faoi deara go bhfuil na méideanna arna soláthar trí liúntais eile faoi na Bearta Cur Chun Feidhme seo nó faoi rialacha eile de chuid na Parlaiminte ídithe, féadfaidh siad an liúntas caiteachais ghinearálta a úsáid freisin chun íoc go díreach as gníomhaíochtaí a chumhdaítear leis na liúntais sin.

1.   Chun bainistiú agus faireachán na bhFeisirí ar a gcaiteachas a éascú, íocfaidh an Pharlaimint na cistí atá curtha in áirithe don liúntas caiteachais ghinearálta chuig cuntas atá tiomnaithe don liúntas sin agus nach n-aistríonn sí, dá bhrí sin, aon chistí eile chuige. Cumhdófar cuntas den sórt sin leis na gnáthráthaíochtaí is gné dhílis den sainordú.

2.   Is iad na Feisirí amháin a bheidh freagrach as an gcaoi a n-úsáidtear na suimeanna arna n-íoc de bhun na Caibidle seo.

3.   Beidh sé de shaoirse ag na Feisirí an úsáid a bhaineann siad as na suimeanna sin a dhoiciméadú, go mion nó de réir an chineáil costais a liostaítear i mír 4 den Airteagal seo, astu féin nó le tacaíocht ó iniúchóir seachtrach, agus an fhaisnéis sin a fhoilsiú go hiomlán nó go páirteach ar a leathanach ar líne ar shuíomh gréasáin na Parlaiminte i gcomhréir le Riail 11 de Rialacha Nós Imeachta na Parlaiminte.

4.   Is iad seo a leanas na cineálacha costais dá dtagraítear i mír 3:

5.   Glacfaidh an Biúró aon bhearta breise a mheasann sé a bheith riachtanach chun cur chun feidhme chinntí na bhFeisirí maidir le mír 3 a éascú.

1.   I gcás ina bhfuil sainordú ag iar-Fheisirí atá i dteideal an liúntais idirthréimhsigh i bparlaimint eile nó in oifig phoiblí, déanfar an tuarastal atá siad i dteideal a fháil a fhritháireamh in aghaidh an liúntais idirthréimhsigh.

2.   Beidh feidhm mutatis mutandis ag Airteagal 2(3) maidir leis an liúntas idirthréimhseach.

3.   Chun críocha an Airteagail seo, ciallóidh ‘parlaimint eile’ parlaimint ar bith a bhfuil cumhachtaí reachtacha aici agus atá bunaithe i mBallstát.

4.   Chun críocha an Airteagail seo, ciallóidh ‘oifig phoiblí’ aon cheann díobh seo a leanas:

1.   I gcás ina bhfuil iar-Fheisire i dteideal liúntas idirthréimhseach dá dtagraítear in Airteagal 13 den Reacht agus i dteideal pinsean seanaoise amhail dá dtagraítear in Airteagal 14 den Reacht nó i dteideal pinsean dá dtagraítear in Airteagal 15 den Reacht ag an am céanna, gheobhaidh an t-iar-Fheisire cibé acu den dá íocaíocht a roghnaíonn sé nó sí a fháil. Tabharfaidh sé nó sí fógra faoina chinneadh nó faoina cinneadh don Ard-Rúnaí tráth nach déanaí ná 3 mhí tar éis dheireadh a shainordaithe nó a sainordaithe. Beidh an cinneadh sin neamh-inchúlghairthe.

2.   Má roghnaíonn an t-iar-Fheisire íocaíocht an liúntais idirthréimhsigh, cuirfear íocaíochtaí a phinsin seanaoise nó a pinsin seanaoise nó a phinsin easláine nó a pinsin easláine ar fionraí go ceann tréimhse a theidlíochta nó a teidlíochta ar an liúntas idirthréimhseach.

1.   Chun an liúntas idirthréimhseach a fháil, déanfaidh an t-iar-Fheisire iarratas air tráth nach déanaí ná 3 mhí tar éis dheireadh a shainordaithe nó a sainordaithe, agus cuirfidh sé nó sí ráiteas i scríbhinn i gceangal leis an iarratas lena léireofar an bhfuil aon cheann de na dualgais dá dtagraítear in Airteagal 49 á chomhlíonadh aige nó aici. Tar éis na tréimhse sin, is é an chéad lá den mhí ina bhfaighidh seirbhísí ábhartha de chuid na Parlaiminte an t-iarratas a bheidh sa dáta a ngabhfaidh éifeacht leis an liúntas idirthréimhseach. Cinnfear tréimhse na teidlíochta ar an liúntas idirthréimhseach i gcomhréir le hAirteagal 13(2) den Reacht.

2.   Más infheidhme, beidh cinneadh an Fheisire dá dtagraítear in Airteagal 50(1) ag gabháil leis an ráiteas scríofa dá dtagraítear i mír 1 den Airteagal seo.

3.   Tabharfar fógra gan mhoill do sheirbhís ábhartha de chuid na Parlaiminte faoi aon athrú ar na himthosca as ar eascair dámhachtain an liúntais idirthréimhsigh a d’fhéadfadh a bheith ina chúis le hathrú ar theidlíocht an iar-Fheisire ar an liúntas sin. I gcás ina mbíonn aon amhras ann, féadfaidh an tArd-Rúnaí a iarraidh ar an iar-Fheisire lena mbaineann a bharúlacha nó a barúlacha a thíolacadh.

4.   Más rud é, ar bhonn fíorais atá infhíoraithe ó fhoinsí atá ar fáil don phobal, go bhfaighidh an tArd-Rúnaí amach go bhfuil aon cheann de na dualgais dá dtagraítear in Airteagal 49 á gcomhlíonadh ag an iar-Fheisire, cuirfidh sé íocaíocht an liúntais idirthréimhsigh ar fionraí agus cuirfidh sé an iar-Fheisire lena mbaineann ar an eolas dá réir sin.

5.   Féadfaidh iar-Fheisire a theidlíocht nó a teidlíocht ar an liúntas idirthréimhseach a thréigean am ar bith. Tabharfaidh sé nó sí fógra faoin gcinneadh sin don Ard-Rúnaí.

1.   Tar éis dóibh scor dá dtéarma oifige, beidh na Feisirí a bhfuil a sainordú feidhmithe acu ar feadh bliain iomlán ar a laghad i dteideal, fad a mhairfidh siad, pinsean seanaoise a bheidh iníoctha ón gcéad lá den mhí tar éis na míosa ina slánóidh siad 63 bliana d’aois, amhail dá dtagraítear in Airteagal 14 den Reacht.

Déanfaidh iar-Fheisirí nó a n-ionadaithe dlíthiúla, ach amháin i gcásanna force majeure, a n-iarratas ar íoc an phinsin seanaoise a thíolacadh laistigh de 6 mhí ó thús na teidlíochta. Tar éis an sprioc-ama sin is é an chéad lá den mhí ina bhfaighfear an t-iarratas a bheidh sa dáta a ngabhfaidh éifeacht leis an bpinsean seanaoise.

2.   Cuirfear íocaíocht an phinsin seanaoise ar fionraí i gcás aon éilitheora phinsin a atoghfar chuig an bParlaimint. Cuirfear teidlíochtaí pinsin seanaoise a gheobhaidh sé nó sí mar thoradh ar a shainordú nua nó a sainordú nua leis na teidlíochtaí pinsin seanaoise a fuarthas sular atoghadh é nó í. Cuirfear tús le híoc an phinsin seanaoise in athuair nuair a thréigfidh an Feisire a shainordú nó a sainordú sa Pharlaimint.

3.   I gcás ina mbeidh tréimhse ama idir sainorduithe Feisire, déanfar tréimhsí na sainorduithe ar fad a chur le chéile chun an pinsean seanaoise a ríomh.

1.   Maidir le pinsean seanaoise a fhaigheann iar-Fheisire de bhua sainordú a bhí á fheidhmiú aige nó aici i bparlaimint eile i gcomhthráth lena shainordú nó lena sainordú i bParlaimint na hEorpa a fheidhmiú, déanfar an pinsean sin a fhritháireamh in aghaidh an phinsin seanaoise de bhun Airteagal 14 den Reacht.

2.   Chun críche an Airteagal seo, ciallóidh ‘parlaimint eile’ parlaimint mar a shainmhínítear in Airteagal 2(2).

3.   Beidh an ríomh bunaithe ar iomlán an dá thuarastal sula ndéantar cáin a asbhaint.

4.   Aon iar-Fheisire a bhfuil sainordú feidhmithe aige nó aici i bparlaimint eile i gcomhthráth leis an sainordú i bParlaimint na hEorpa, dearbhóidh sé nó sí an pinsean seanaoise a bhfuil sé nó sí ina theideal de bhua an tsainordaithe sa pharlaimint eile sin.

1.   Maidir le Feisire a aithnítear, i gcomhréir leis an nós imeachta a leagtar síos in Airteagal 59, go bhfuil sé nó sí faoi easláine iomlán sa chaoi nach bhfuil sé nó sí in ann a chuid dualgas nó a cuid dualgas a chomhlíonadh ar feadh a mbeidh fágtha dá théarma nó dá téarma agus a éireoidh as oifig dá bharr, beidh sé nó sí i dteideal pinsean easláine a bheidh iníoctha ón dáta a ngabhfaidh éifeacht leis an éirí as oifig sin, gan dochar do mhír 3 den Airteagal seo.

2.   Rachaidh an teidlíocht ar phinsean easláine i léig mura dtabharfaidh an Feisire fógra faoina éirí as oifig nó faoina héirí as oifig laistigh de 3 mhí ón dáta a ndearnadh an cinneadh lenar suíodh go bhfuil sé nó sí faoi easláine a chur in iúl dó nó di go hoifigiúil.

3.   Cuirfear tús le teidlíocht an Fheisire ar phinsean easláine ag deireadh an téarma pharlaimintigh inar tharla an easláine sna cásanna seo a leanas:

1.   Is é an méid a bheidh sa phinsean easláine ná 3,5 % den tuarastal dá dtagraítear in Airteagal 10 den Reacht le haghaidh gach bliana iomláine inar feidhmíodh an sainordú agus, le haghaidh gach míosa iomláine sa bhreis, an dóú cuid déag den tsuim sin, ach is 35 % den tuarastal sin ar a laghad a bheidh ann agus ní rachaidh sé thar 70 % san iomlán.

2.   Beidh feidhm mutatis mutandis ag na rialacha i ndáil le ríomh an phinsin seanaoise maidir le ríomh an phinsin easláine.

1.   Maidir le pinsean easláine a fhaigheann iar-Fheisire de bhua sainordú a bhí á fheidhmiú aige nó aici i bparlaimint eile i gcomhthráth lena shainordú nó lena sainordú i bParlaimint na hEorpa a fheidhmiú, déanfar é a fhritháireamh in aghaidh an phinsin easláine de bhun Airteagal 55.

2.   Chun críche an Airteagal seo, ciallóidh ‘parlaimint eile’ parlaimint mar a shainmhínítear in Airteagal 2(2).

3.   Aon iar-Fheisire a bhfuil sainordú feidhmithe aige nó aici i bparlaimint eile i gcomhthráth leis an sainordú i bParlaimint na hEorpa a fheidhmiú, dearbhóidh sé nó sí an pinsean easláine a bhfuil sé nó sí ina theideal de bhua an tsainordaithe sa pharlaimint eile sin.

1.   Déanfaidh an Feisire nó a ionadaí dlíthiúil nó a hionadaí dlíthiúil an t-iarratas ar éirí as oifig ar fhorais easláine a thíolacadh chuig Uachtarán Pharlaimint na hEorpa, agus beidh deimhniú leighis ag gabháil leis an iarratas sin, ar a léireofar ainm an dochtúra a bhfuil sé iarrtha air nó uirthi ionadaíocht a dhéanamh don Fheisire ar an gcoiste easláine dá dtagraítear in Airteagal 60.

2.   Laistigh de 3 mhí tar éis don Ard-Rúnaí an coiste easláine dá dtagraítear in Airteagal 60 a chomóradh, déanfaidh an coiste easláine, i gcomhréir leis na téarmaí tagartha arna n-éisiúint ag Parlaimint na hEorpa, tuarascáil liachta a thíolacadh ina sonrófar na cúiseanna leis an easláine agus lena ndéanfar measúnú an bhfuil na coinníollacha lena rialaítear incháilitheacht le haghaidh pinsean easláine a leagtar síos in Airteagal 55(1) comhlíonta. I gcásanna eisceachtúla, féadfaidh an tArd-Rúnaí an teorainn ama sin a fhadú.

3.   Más rud é gurb é tátal na tuarascála liachta go bhfuil an Feisire i dtrácht cáilithe chun éirí as oifig ar fhorais easláine, deimhneoidh Uachtarán na Parlaiminte incháilitheacht an Fheisire le haghaidh an phinsin easláine agus cuirfidh sé nó sí an cinneadh in iúl dó nó di, á iarraidh air nó uirthi éirí as oifig. Más rud é gurb é tátal na tuarascála liachta nach bhfuil an Feisire i dtrácht cáilithe chun éirí as oifig ar fhorais easláine, cuirfidh an tUachtarán an Feisire ar an eolas faoi na nósanna imeachta achomhairc atá ar fáil.

1.   Beidh an coiste easláine comhdhéanta de thriúr dochtúirí:

I gcás nach dtiocfar ar chomhaontú maidir leis an tríú dochtúir a cheapadh laistigh de 2 mhí tar éis don dara dochtúir a bheith ceaptha, déanfaidh Uachtarán Chúirt Bhreithiúnais na gComhphobal Eorpach an tríú dochtúir a cheapadh ar bhonn ex officio arna iarraidh sin do Pharlaimint na hEorpa.

2.   Maidir leis na speansais a eascróidh as obair an choiste easláine, lena n-áirítear speansais taistil, is í Parlaimint na hEorpa a íocfaidh astu.

3.   Féadfaidh an Feisire gach tuarascáil nó deimhniú arna eisiúint ag an dochtúir atá ag cur cóir leighis air nó uirthi, nó arna eisiúint ag na cleachtóirí sin ar roghnaigh an Feisire dul i gcomhairle leo, a chur faoi bhráid an choiste easláine.

4.   Beidh imeachtaí an choiste easláine faoi rún.

1.   Iar-Fheisirí nach bhfuil na coinníollacha incháilitheachta maidir le pinsean easláine a leagtar síos in Airteagal 55(1) á gcomhlíonadh acu a thuilleadh, forghéillfidh siad a dteidlíocht ar an bpinsean sin.

2.   Go dtí go slánóidh an t-iar-Fheisire 63 bliana d’aois, féadfaidh Parlaimint na hEorpa a éileamh go gcuirfear é nó í faoi scrúdú leighis gach cúig bliana ag dochtúir arna cheapadh chun a sheiceáil an bhfuil na coinníollacha lena rialaítear incháilitheacht ar phinsean easláine a leagtar síos in Airteagal 55(1) fós á gcomhlíonadh aige nó aici.

3.   Féadfar an scrúdú sin a dhéanamh chomh maith roimh an am a léirítear i mír 2, go háirithe más rud é go bhfuil faisnéis faighte ag Parlaimint na hEorpa a thugann le fios go bhfuil dualgais ar íocaíocht á gcomhlíonadh ag an bhFeisire. I gcás ina dtarlaíonn sé sin, déanfar an staid sin a mheas ar bhonn fíorais atá infhíoraithe ó fhoinsí atá ar fáil don phobal, i bhfianaise imthosca gach cáis agus tar éis fiosrúchán a bheith déanta ina mbeidh an deis ag gach páirtí a chás nó a cás a thíolacadh agus freagra a thabhairt ar chás an pháirtí eile.

4.   Ar mholadh ón dochtúir a bhfuil an scrúdú leighis á dhéanamh aige nó aici, féadfaidh an coiste easláine a shuí go bhfuil an oiread sin feabhais tagtha ar shláinte an iar-Fheisire a fhágann nach bhfuil na coinníollacha incháilitheachta maidir le pinsean easláine a leagtar síos in Airteagal 55(1) á gcomhlíonadh aige nó aici a thuilleadh.

5.   Is é Uachtarán Pharlaimint na hEorpa a dhéanfaidh an cinneadh chun an pinsean easláine a fhoirceannadh, ar bhonn na dtátal ón gcoiste easláine. Beidh feidhm mutatis mutandis ag Airteagail 59 agus 60. Má mhainníonn an t-iar-Fheisire dochtúir a cheapadh chun ionadaíocht a dhéanamh dó nó di ar an gcoiste easláine, beidh feidhm ag Airteagal 60(1), an dara fomhír.

1.   Maidir leis an gcéile marthanach agus aon leanaí cleithiúnacha Feisire nó iar-Fheisire a bhí, an tráth a bhásaigh an Feisire nó an t-iar-Fheisire, ag fáil pinsean seanaoise nó a bheadh i dteideal pinsean seanaoise nó pinsean easláine a fháil amach anseo, beidh siad i dteideal pinsean marthanóra agus pinsean dílleachta faoi seach.

2.   Chun forálacha na caibidle seo a chur i bhfeidhm, caithfear le páirtithe seasta neamhphósta ar an mbealach céanna agus a chaithfear le céilí, ar choinníoll go gcuirfidh an lánúin doiciméad oifigiúil arna eisiúint ag údarás inniúil Ballstát ar fáil a thugann aitheantas dá stádas mar pháirtithe neamhphósta.

3.   Ciallaíonn an téarma ‘leanbh cleithiúnach’ leanbh dlisteanach, leanbh nádúrtha nó leanbh uchtaithe de chuid Feisire, nó céile Feisire, nó céile iar-Fheisire, a bhí á chothabháil go hiarbhír ag an bhFeisire nó ag an iar-Fheisire. Ciallaíonn an téarma ‘leanbh cleithiúnach’ freisin leanbh sa bhroinn nó leanbh a bhfuil tús curtha le nós imeachta uchtaithe ag an bhFeisire nó ag an iar-Fheisire ina leith agus a gcuirtear a uchtú nó a huchtú i gcrích tar éis bhás an Fheisire.

1.   Ní fhéadfaidh uasmhéid an phinsin marthanóra agus an phinsin dílleachta a bheith níos mó ná méid an phinsin seanaoise a mbeadh an Feisire ina theideal ag deireadh an téarma pharlaimintigh, agus an tréimhse ama idir dáta an bháis agus dáta dheireadh an téarma pharlaimintigh sin á cur san áireamh.

2.   I gcás iar-Fheisirí, ní fhéadfaidh uasmhéid an phinsin marthanóra agus an phinsin dílleachta a bheith níos mó ná méid an phinsin seanaoise a bhí á fháil ag an bhFeisire nó a mbeadh sé nó sí ina theideal.

3.   Is é a bheidh i méid an phinsin marthanóra don chéile marthanach ná 60 % den mhéid dá dtagraítear i mír 1 nó i mír 2 den Airteagal seo agus, ar a laghad, 30 % den tuarastal dá dtagraítear in Airteagal 10 den Reacht, fiú más mó an méid deireanach sin ná na méideanna dá dtagraítear i mír 1 agus i mír 2 den Airteagal seo.

Ní dhéanfaidh athphósadh an chéile sin difear don teidlíocht ar phinsean marthanóra don chéile marthanach. Ní bheidh an céile marthanach i dteideal pinsean marthanóra más léir thar aon amhras réasúnach ó imthosca an cháis aonair go ndearnadh conradh an phósta chun an pinsean a fháil, agus chun na críche sin amháin. I gcás ina dtarlaíonn sé sin, déanfar an staid sin a mheas ar bhonn fíorais atá infhíoraithe ó fhoinsí atá ar fáil don phobal, i bhfianaise imthosca gach cáis agus tar éis fiosrúchán a bheith déanta ina mbeidh an deis ag gach páirtí a chás nó a cás a thíolacadh agus freagra a thabhairt ar chás an pháirtí eile.

4.   Is é a bheidh i méid an phinsin dílleachta le haghaidh leanbh cleithiúnach ná 20 % den mhéid dá dtagraítear i mír 1 nó i mír 2.

5.   De mhaolú ar mhír 4, i gcás inar mó líon na leanaí cleithiúnacha ná beirt, cinnfear an pinsean do gach leanbh cleithiúnach tríd an tsuim lena gcomhfhreagraítear do 40 % den uasmhéid dá dtagraítear i mír 1 nó i mír 2, de réir mar is infheidhme, a roinnt ar líon na leanaí cleithiúnacha.

6.   I gcás inarb infheidhme, déanfar uasmhéid an phinsin atá le híoc a roinnt idir an céile agus na leanaí cleithiúnacha i gcomhréir leis na céatadáin a leagtar síos i míreanna 3, 4 agus 5.

7.   De mhaolú ar mhíreanna 4 agus 5, i gcás nach mbeidh aon chéile marthanach ann, beidh pinsean gach linbh chleithiúnaigh comhionann le 20 % den uasmhéid dá dtagraítear i mír 1 nó i mír 2, de réir mar is infheidhme. I gcásanna inar mó ná cúigear líon na leanaí cleithiúnacha, áfach, roinnfear an t-uasmhéid dá dtagraítear i mír 1 nó i mír 2, de réir mar is infheidhme, go cothrom i measc na leanaí cleithiúnacha atá i dteideal pinsean dílleachta a fháil.

1.   Déanfar pinsean marthanóra nó pinsean dílleachta a dhámhachtain le héifeacht ón gcéad lá den mhí féilire i ndiaidh bhás an Fheisire nó an iar-Fheisire.

2.   I gcás ina bhfaighidh an tairbhí bás, titfidh an teidlíocht ar phinsean marthanóra ar lár ag deireadh na míosa ina bhfaigheann an tairbhí bás.

3.   Rachaidh an teidlíocht ar phinsean dílleachta in éag ag deireadh na míosa ina slánóidh an leanbh cleithiúnach 21 bhliain d’aois.

Déanfar an teidlíocht ar phinsean dílleachta a fhadú, áfach, ar feadh thréimhse oideachais nó ghairmoiliúna an linbh chleithiúnaigh agus, ar a mhéad, go dtí deireadh na míosa ina slánóidh sé nó sí 25 bliana d’aois.

Leanfar ar aghaidh le pinsean dílleachta a íoc le leanbh cleithiúnach nach bhfuil in ann é féin nó í féin a chothú de bharr breoiteachta nó éiglíochta. Ní mór an bhreoiteacht nó an éiglíocht a bheith aitheanta ag dochtúir de chuid Pharlaimint na hEorpa. Féadfaidh an tairbhí cur i gcoinne chinneadh an dochtúra trí chruinniú a iarraidh le coiste arna bhunú i gcomhréir leis na rialacha a leagtar síos le haghaidh an choiste easláine dá dtagraítear in Iarscríbhinn II, roinn 3, a ghabhann leis na Rialacháin Foirne.

Rachaidh an teidlíocht sin in éag i gcás ina mbíonn an leanbh cleithiúnach in ann é féin nó í féin a chothú arís. Féadfaidh Parlaimint na hEorpa a éileamh go ndéanfar an leanbh cleithiúnach a chur faoi scrúdú leighis ag dochtúir arna cheapadh nó arna ceapadh chun a sheiceáil an bhfuil na coinníollacha maidir le hincháilitheacht ar phinsean dílleachta fós á gcomhlíonadh aige nó aici.

4.   Céilí marthanacha agus leanaí cleithiúnacha atá i dteideal pinsin, cuirfidh siad a n-iarratas isteach ar íocaíocht an phinsin laistigh de shé mhí tar éis thús a dteidlíochta ar an bpinsean. Tar éis na tréimhse sin, is é an chéad lá den mhí ina bhfaighidh seirbhís ábhartha de chuid na Parlaiminte an t-iarratas a bheidh sa dáta a ngabhfaidh éifeacht leis an bpinsean.

1.   Le cur chun feidhme na mbeart cur chun feidhme sin agus aon iarratas ar íocaíocht a thíolacfar faoi, comhlíonfar an Rialachán Airgeadais.

2.   I gcás ina ndéantar foráil leis na Bearta Cur Chun Feidhme sin do chonarthaí a thabhairt i gcrích idir Parlaimint na hEorpa agus tríú páirtithe, beidh sé de chumhacht ag an oifigeach údarúcháin inniúil iad a shíniú.

1.   Maidir leis na suimeanna a íoctar de bhun Theideal I, Chaibidlí 4, 5 agus 6, úsáidfear iad go heisiach chun cistiú a dhéanamh ar ghníomhaíochtaí a bhaineann le sainordú Feisire a fheidhmiú agus ní úsáidfear iad chun speansais phearsanta a chumhdach ná chun cistiú a dhéanamh ar dheontais ná ar thabhartais de chineál polaitiúil.

2.   I gcomhthéacs úsáid na gcistí arna gcur ar fáil faoi na Bearta Cur Chun Feidhme sin, ní dhéanfaidh Feisirí aon bheart a d’fhéadfadh coinbhleacht a chothú idir a leasanna féin agus leasanna an Aontais.

Bíonn coinbhleacht leasa ann i gcásanna ina mbíonn tionchar míchuí ar ghníomhaíochtaí Feisire ag cúrsaí teaghlaigh, ag cúrsaí mothúcháin, ag leas eacnamaíoch nó ag aon leas pearsanta eile, bíodh sé díreach nó indíreach.

3.   Déanfaidh na Feisirí aon mhéideanna nach n-úsáidtear a íoc ar ais le Parlaimint na hEorpa ach amháin i gcás ina n-íocfar mar chnapshuim iad.

1.   Déanfar íocaíochtaí faoi na Bearta Cur Chun Feidhme sin trí bhíthin aistriú bainc i gcomhréir le Treoir (AE) 2015/2366 ó Pharlaimint na hEorpa agus ón gComhairle (12). Is í Parlaimint na hEorpa a íocfaidh na muirir atá iníoctha ag an íocóir. Is ar an íocaí a bheidh sé gach táille eile a íoc.

2.   Déanfar íocaíochtaí in euro, mura rud é go ndéanfaidh an faighteoir, a toghadh i mBallstát nach bhfuil ina chuid den limistéar euro nó a bhfuil a áit chónaithe nó a háit chónaithe i mBallstát nach bhfuil ina chuid den limistéar euro, íocaíocht iomlán nó páirt-íocaíocht in airgeadra an Bhallstáit sin a iarraidh.

3.   Déanfar comhshó idir an euro agus airgeadraí eile trí úsáid a bhaint as ráta cuntasaíochta míosúil an euro arna shocrú i gcomhréir le hAirteagal 19(3) den Rialachán Airgeadais.

4.   I ndáil le híocaíochtaí speansas le haghaidh cúnamh parlaiminteach, agus de mhaolú ar mhír 3, déanfar comhshó idir an euro agus airgeadraí eile trí úsáid a bhaint as an ráta cuntasaíochta míosúil le haghaidh an euro do mhí na Nollag den bhliain roimhe sin. I gcaitheamh téarma parlaiminteach, áfach, ní fhéadfaidh an uasíocaíocht mhíosúil in airgeadra seachas an euro a dhéanfar le Feisire, i ndiaidh innéacsnascadh bliantúil a chur san áireamh agus aon mhéadú arna chinneadh ag an mBiúró, a bheith níos ísle ná an t-uasmhéid míosúil a socraíodh don bhliain roimhe sin.

1.   Ar dhul i mbun dualgas dó nó di, déanfaidh gach Feisire na nithe seo a leanas a chur ar aghaidh chuig seirbhís ábhartha Pharlaimint na hEorpa: mionsonraí (e.g. uimhir IBAN agus cód BIC (SWIFT) agus seoladh an bhainc lena mbaineann) ar cheann amháin nó níos mó de chuntais atá ina ainm nó ina hainm i mBallstát de chuid an Aontais agus a bhfuil sé beartaithe íocaíochtaí a fháil isteach ann i leith an tuarastail dá bhforáiltear in Airteagal 10 den Reacht agus i leith na liúntas eile agus na haisíocaíochta speansas eile.

Mura rud é go n-eiseoidh an Feisire nó an t-iar-Fheisire, nó a chomharbaí dlíthiúla nó a comharbaí dlíthiúla, treoracha dá mhalairt, bainfear úsáid as an gcuntas arna oscailt chun an tuarastal dá bhforáiltear in Airteagal 10 den Reacht a ghlacadh chun íocaíochtaí i leith an liúntais idirthréimhsigh agus i leith an phinsin a ghlacadh chomh maith.

2.   Beidh aon íocaíocht le duine eile seachas an Feisire ag brath ar dhoiciméad arna eisiúint ag banc an fhaighteora a bheith curtha isteach roimh ré agus ar doiciméad é ina ndeimhnítear gurb é nó í an duine sin sealbhóir an chuntais a bhfuil an íocaíocht le déanamh isteach ann agus ina leagtar amach uimhir IBAN an chuntais, an cód BIC (SWIFT) agus seoladh an bhainc.

3.   Maidir le híocaíochtaí a bhaineann le cúnamh parlaiminteach, cuirfidh an Feisire mionsonraí de chuntas bainc an duine den fhoireann phearsanta ar aghaidh chuig an ngníomhaire íocaíochta nó, de réir mar a bheidh, seirbhís ábhartha na Parlaiminte. Osclófar cuntas bainc an duine den fhoireann phearsanta i mBallstát de chuid an Aontais. Déanfar na híocaíochtaí san airgeadra ina bhfuil tuarastal nó táillí an duine den fhoireann phearsanta socraithe.

Déanfaidh an gníomhaire íocaíochta sonraí a chuntais bainc nó a cuntais bainc a chur ar aghaidh chuig seirbhís ábhartha na Parlaiminte.

1.   Déanfar an tuarastal dá bhforáiltear in Airteagal 10 den Reacht, an liúntas idirthréimhseach agus aon phinsin a íoc ar an 15ú lá den mhí don mhí reatha. Déanfar an liúntas caiteachais ghinearálta a íoc ar an gcéad lá den mhí don mhí reatha.

2.   Déanfar íocaíochtaí leis an ngníomhaire íocaíochta i leith speansais cúnaimh pharlaimintigh ar an 15ú lá den mhí don mhí reatha.

Beidh na híocaíochtaí sin i gcomhréir leis na treoracha a bheidh tugtha ag na Feisirí suas go dtí an 25ú lá den mhí roimhe sin.

3.   Déanfar speansais eile a aisíoc nuair a dhéanfar na doiciméid a éilítear leis na bearta cur chun feidhme sin a thíolacadh.

Ar iarratas ó sheirbhís ábhartha na Parlaiminte, déanfaidh tairbhithe pinsin deimhniú beatha a thíolacadh, i bhfoirm teastas arna tharraingt suas ag dochtúir leighis nó ag údarás poiblí inniúil.

4.   Is iad seo a leanas na sprioc-amanna a bheidh ann le haghaidh na ndoiciméad a éilítear leis na Bearta Cur Chun Feidhme seo a thíolacadh:

5.   Féadfaidh an tArd-Rúnaí socruithe sonracha a dhéanamh maidir le réamhíocaíochtaí i ndáil le gnáthchostais taistil agus speansais chothaithe.

1.   Má mhainníonn Feisire, iar-Fheisire, duine dá gcomharbaí dlíthiúla nó dá ngníomhairí íocaíochta na Bearta Cur Chun Feidhme nó Rialacha PEAM a chomhlíonadh, féadfaidh an t-oifigeach údarúcháin inniúil na híocaíochtaí lena mbaineann a fhoirceannadh go hiomlán nó go páirteach.

2.   Ar dtús, tabharfaidh an t-oifigeach údarúcháin inniúil fógra i scríbhinn don duine lena mbaineann go bhfuil sé ar intinn aige nó aici na híocaíochtaí i dtrácht a fhoirceannadh agus tabharfaidh sé nó sí deis dó nó di barúlacha a chur isteach, i scríbhinn, mar aon le haon fhianaise thacaíochta. Cuirfear cóip den fhógra sin ar aghaidh chuig aon tríú páirtí i dtrácht, i gcás inarb iomchuí.

3.   Má mhainníonn an duine lena mbaineann fianaise leordhóthanach a sholáthar go bhfuil na Bearta Cur Chun Feidhme sin nó Rialacha PEAM á gcomhlíonadh aige nó aici, glacfaidh an t-oifigeach údarúcháin inniúil cinneadh maidir le foirceannadh na n-íocaíochtaí comhfhreagracha. Beidh aon chinneadh den sórt sin gan dochar d’Airteagal 72 de na Bearta Cur Chun Feidhme sin.

1.   Aon mhéid a íocadh go míchuí de bhun na mBeart Cur Chun Feidhme seo nó de bhun Rialacha PEAM, déanfar é a aisghabháil ón bhFeisire nó ón iar-Fheisire lena mbaineann nó óna chomharbaí dlíthiúil nó a comharbaí dlíthiúil. Is é an tArd-Rúnaí a ghlacfaidh an cinneadh maidir le haisghabháil.

2.   Sula ndéanfaidh an tArd-Rúnaí cinneadh maidir le haisghabháil a ghlacadh, cuirfidh sé an duine lena mbaineann ar an eolas i scríbhinn maidir le hoscailt an phróisis aisghabhála agus tabharfaidh sé deis dó nó di barúlacha a chur isteach, i scríbhinn, mar aon le haon fhianaise thacaíochta.

3.   Tar éis an cinneadh aisghabhála a ghlacadh, rachaidh an tArd-Rúnaí ar aghaidh leis an aisghabháil i gcomhréir leis an Rialachán Airgeadais. Leis na módúlachtaí téarnaimh, beidh na Feisirí in ann a sainordú a fheidhmiú go héifeachtach.

4.   Féadfaidh an tArdrúnaí na hinniúlachtaí a thugtar dó nó di le mhíreanna 1, 2 agus 3 a tharmligean chuig an Ard-Stiúrthóir inniúil.

5.   Beidh feidhm ag an Airteagal seo freisin maidir le tríú páirtithe.

1.   Maidir leis na méideanna dá dtagraítear in Airteagal 3(5), Airteagal 15(2), pointe (d), in Airteagal 20, in Airteagal 22(1) agus (3), in Airteagal 24(2) agus Airteagal 44(2), féadfaidh an Biúró iad a innéacsnascadh suas go dtí uasmheadú arb ionann é agus an ráta boilscithe bliantúil san Aontas Eorpach i mí Dheireadh Fómhair den bhliain roimhe sin, arna fhoilsiú ag Eurostat.

2.   I gcás inarb iomchuí, déanfaidh an Biúró an méid dá dtagraítear in Airteagal 29(4) de na bearta cur chun feidhme sin a innéacsnascadh go bliantúil ar bhonn an innéacs chomhpháirtigh arna bhunú ag Eurostat, trí chomhaontú le hoifigí staidrimh náisiúnta na mBallstát, de bhun Airteagal 65 de na Rialacháin Foirne. Féadfaidh an t-innéacsnascadh sin a bheith siardhátaithe go dtí mí Iúil den bhliain lena mbaineann an t-innéacs.

1.   Féadfaidh an tuarastal dá bhforáiltear in Airteagal 10 den Reacht, an liúntas idirthréimhseach, an pinsean seanaoise faoi na bearta cur chun feidhme seo nó an pinsean scoir faoi Iarscríbhinn III de Rialacha PEAM a bheith faoi réir ordú astaithe, suas go dtí uasmhéid arb ionann é agus an tríú cuid den tsuim atá i gceist, ar bhonn cinneadh ó na cúirteanna nó ón údarás inniúil riaracháin.

2.   Eiseoidh an tArd-Rúnaí treoracha d’fhonn an beart sin a chur chun feidhme. Tabharfar aird chuí sna treoracha sin ar an tairseach dheireanach maidir le baol bochtaineachta arna cinneadh ag Eurostat, i gcás inarb infheidhme, do Stát buanchónaithe an Fheisire nó an iar-Fheisire lena mbaineann agus, i gcás inarb infheidhme, beidh siad comhsheasmhach leis an gceanglas gur cheart go mbeadh na Feisirí in ann a sainordú a fheidhmiú go héifeachtach. Sula n-eiseofar aon treoracha den sórt sin, tabharfar éisteacht don Fheisire i gceist.

1.   Feisire nó iar-Fheisire atá den tuairim nach ndearna an tseirbhís inniúil na bearta cur chun feidhme seo a chur i bhfeidhm mar is ceart ina leith, féadfaidh sé nó sí gearán i scríbhinn a dhíriú chuig an Ard-Rúnaí.

2.   Féadfaidh Feisire nó iar-Fheisire nach n-aontaíonn le cinneadh an Ardrúnaí gearán a thaisceadh leis na Caestóirí, a dhéanfaidh cinneadh tar éis dul i gcomhairle leis an Ardrúnaí. Seolfar an gearán chuig Cathaoirleach i mbun oifige na gCaestóirí.

3.   Mura n-aontóidh páirtí sa nós imeachta gearáin leis an gcinneadh arna ghlacadh ag na Caestóirí, féadfaidh sé nó sí gearán a thaisceadh leis an mBiúró a dhéanfaidh an cinneadh críochnaitheach. Beidh gearán den sórt sin bunaithe ar na doiciméid tacaíochta a tíolacadh in éineacht leis an mbunghearán de bhun mhíreanna 1 agus 2 agus seolfar chuig an Uachtarán é.

4.   Aon ghearán a thaiscfear de bhun mhíreanna 1, 2 nó 3, déanfar é a réasúnú agus cuirfear isteach i scríbhinn é, mar aon le haon doiciméid tacaíochta, laistigh de dhá mhí tar éis fógra a fháil faoin gcinneadh a bhfuiltear ag cur ina aghaidh.

5.   Áiritheoidh an Pharlaimint go bhfaighidh gearánaigh admháil go bhfuarthas aon ghearáin a thaisceann siad.

6.   Más rud é, tar éis gearán a thaisceadh ar bhonn mhíreanna 1, 2 nó 3 den Airteagal seo agus sula mbeidh cinneadh déanta ag an gcomhlacht achomhairc inniúil, go ndéanann an Feisire agóid i gcoinne an chinnidh is ábhar don ghearán trí chaingean le haghaidh neamhniú ar bhonn Airteagal 263 CFAE, dearbhófar go bhfuil an gearán gan chuspóir agus cuirfear deireadh leis an nós imeachta.

Dearbhófar go bhfuil gearán ar bhonn mhíreanna 1, 2 nó 3 den Airteagal seo neamh-inghlactha má thíolacann an Feisire é tar éis caingean le haghaidh neamhniú a thaisceadh ar bhonn Airteagal 263 CFAE.

7.   Beidh feidhm ag an Airteagal seo freisin maidir le comharbaí dlíthiúla Feisirí agus iar-Fheisirí.

1.   I gcás ina dtagraítear d’iarratais ar aisíocaíocht nó ar íocaíocht a thíolacadh sna Bearta Cur Chun Feidhme seo féadfar na hiarratais sin a thíolacadh i bhfoirm leictreonach le síniú digiteach.

2.   I gcás ina n-éileofar sna Bearta Cur Chun Feidhme seo go ndéanfar doiciméid tacaíochta a thíolacadh, féadfar na doiciméid sin a thíolacadh mar chóipeanna scannta, ar choinníoll go ndearbhóidh an Feisire ar a onóir nó ar a honóir gurb ionann na cóipeanna scanta de dhoiciméid tacaíochta atá á dtíolacadh agus na doiciméid bhunaidh.

3.   Chun go bhféadfar seiceálacha a dhéanamh maidir le cibé an bhfuil cóipeanna scannta ag teacht leis na doiciméid bhunaidh, coimeádfaidh na Feisirí na doiciméid bhunaidh go dtí an 31 Nollaig den bhliain féilire inar tíolacadh an t-iarratas ar aisíocaíocht nó ar íocaíocht.

Déanfaidh na seirbhís ábhartha de chuid na Parlaimint córas spotseiceála a chur chun feidhme chun a áirithiú gurb ionann na cóipeanna scanta de na doiciméid tacaíochta agus na doiciméid bhunaidh.

1.   Féadfar fógraí ó sheirbhísí na Parlaiminte faoi na bearta cur chun feidhme seo agus Rialacha PEAM a dhéanamh trí aon mhodh atá ar fáil lena n-áirithítear éifeachtacht an tarchuir, lena n-áirítear trí ríomhphost nó trí aon mhodh leictreonach eile. I gcás na bhFeisirí, meastar go ndéantar fógraí trí ríomhphost go bailí nuair a fhaightear admháil léimh nó, ar a dhéanaí, cúig lá oibre tar éis dóibh an ríomhphost a fháil chuig a seoladh ríomhphoist oifigiúil de chuid na Parlaiminte.

2.   Chun críche fógraí a thabhairt, cuirfidh na Feisirí a seoladh ríomhphoist agus a seoladh buanchónaithe in iúl don Pharlaimint ag deireadh a sainordaithe agus ina dhiaidh sin gach uair a athraítear é laistigh de mhí amháin. Is amhlaidh an cás maidir le comharbaí dlíthiúla na bhFeisirí agus na n-iar-Fheisirí, a chuirfidh a seoltaí ríomhphoist agus a seoltaí buanchónaithe in iúl don Pharlaimint tráth an chomharbais agus ina dhiaidh sin gach uair a athraítear é laistigh de mhí amháin.

3.   Chun críocha Airteagal 98(2), an dara fomhír, den Rialachán Airgeadais, . measfar gurb é iompar an fhéichiúnaí is cúis le aon mhoill ag an bParlaimint an nóta dochair a sheoladh i gcás ina raibh an féichiúnaí sin faoi réir mhír 2 den Airteagal seo agus gur mhainnigh sé nó sí an mhír sin a chomhlíonadh.