(1)

Tá cuspóirí an chomhbheartais iascaigh agus na ceanglais i dtaca le rialú ar iascach agus forfheidhmiú leagtha amach in Airteagail 2 agus 36 de Rialachán (AE) Uimh. 1380/2013 ó Pharlaimint na hEorpa agus ón gComhairle (3). Braitheann cur chun feidhme rathúil an chomhbheartais iascaigh ar chóras rialaithe agus forfheidhmithe atá éifeachtach, éifeachtúil, nua-aimseartha agus trédhearcach.

(2)

Bunaíodh, le Rialachán (CE) Uimh. 1224/2009 ón gComhairle (4), córas rialaithe iascaigh don Aontas lena bhforáiltear, inter alia, maidir le lárionaid faireacháin iascaigh, soithigh iascaireachta a rianú, oibleagáidí maidir le tuairisciú gabhálacha, réamhfhógraí, údaruithe le haghaidh trasloingsiú i dtríú tíortha, tréimhsí coiscthe iascaireachta a fhógairt, acmhainneacht iascaireachta a rialú, cláir náisiúnta um rialú, iascach áineasa a rialú, rialú sa slabhra soláthair táirgí iascaigh agus dobharshaothraithe, táirgí iascaigh a mheá, doiciméid maidir le hiompar, dearbhuithe maidir le gabhálacha a thabhairt i dtír, nótaí maidir le díolacháin agus dearbhuithe glactha freagrachta, cigireachtaí agus iniúchtaí, smachtbhannaí i leith sáruithe agus rochtain ar shonraí.

(3)

Glacadh Rialachán (CE) Uimh. 1224/2009, áfach, sular glacadh Rialachán (AE) Uimh. 1380/2013, chun rialú agus forfheidhmiú a dhéanamh ar rialacha an chomhbheartais iascaigh a bhí i bhfeidhm ag an am. Ba cheart, dá bhrí sin, é a leasú chun freastal níos fearr ar na ceanglais maidir le rialú agus forfheidhmiú an chomhbheartais iascaigh i gcomhréir le Rialachán (AE) Uimh. 1380/2013, chun leas a bhaint as teicneolaíochtaí atá nua-aimseartha agus níos costéifeachtaí agus chun na torthaí eolaíocha is déanaí a chur san áireamh chun inbhuanaitheacht chomhshaoil na ngníomhaíochtaí iascaireachta agus na ngníomhaíochtaí dobharshaothraithe a áirithiú san fhadtéarma. Ba cheart na leasuithe a bheith comhsheasmhach freisin le hoibleagáidí idirnáisiúnta an Aontais, lena n-áirítear iad siúd faoi Chomhaontú 2009 na hEagraíochta Bia agus Talmhaíochta maidir le Bearta Stáit an Chalafoirt chun Iascaireacht Neamhdhleathach, Neamhthuairiscithe agus Neamhrialáilte a Chosc, a Dhíspreagadh agus a Dhíothú arna bhformheas ag an Aontas le Cinneadh 2011/443/AE ón gComhairle (5).

(4)

Ina theannta sin, ba cheart do chóras rialaithe iascaigh an Aontais iomaíocht chóir a chothú idir oibreoirí ar fud na mBallstát agus, an tráth céanna, rannchuidiú freisin le cuspóirí eile an chomhbheartais iascaigh a bhaint amach.

(5)

I Rialachán (CE) Uimh. 1224/2009, ba cheart tagairt a dhéanamh do na sainmhínithe i Rialachán (AE) Uimh. 1380/2013 agus i Rialachán (AE) Uimh. 1379/2013 ó Pharlaimint na hEorpa agus ón gComhairle (6). Ar mhaithe le soiléireacht agus comhsheasmhacht, ba cheart sainmhínithe ar leith i Rialachán (CE) Uimh. 1224/2009 a scriosadh nó a leasú agus ba cheart sainmhínithe nua a chur leis.

(6)

Ba cheart an sainmhíniú ar ‘rialacha an chomhbheartais iascaigh’ a leasú chun a shoiléiriú go gcumhdaíonn a raon feidhme dlí uile an Aontais i réimsí chaomhnú, bhainistiú agus shaothrú acmhainní bitheolaíocha muirí, an dobharshaothraithe, chomh maith le próiseáil, iompar agus margú táirgí iascaigh agus dobharshaothraithe. Áirítear leis sin rialacha maidir le bearta teicniúla agus caomhnaithe le haghaidh acmhainní bitheolaíocha na mara, bainistiú agus rialú chabhlaigh an Aontais a shaothraíonn na hacmhainní sin, agus rialacha maidir le táirgí iascaigh agus dobharshaothraithe a phróiseáil, a iompar agus a mhargú, chomh maith le córas an Aontais chun iascaireacht neamhdhleathach, neamhthuairiscithe agus neamhrialáilte (NNN) a chosc, a dhíspreagadh agus a dhíothú. Ba cheart oibleagáidí idirnáisiúnta a chumhdach leis an sainmhíniú sin freisin sna réimsí sin atá ceangailteach ar an Aontas agus ar na Ballstáit, lena n-áirítear, maidir le hoibreoirí, oibleagáidí idirnáisiúnta an Aontais atá in-fhorfheidhmithe ina leith.

(7)

Ba cheart an téarma ‘sonraí suímh an tsoithigh’, atá níos cruinne, a chur in ionad an tsainmhínithe ‘sonraí an chórais um fhaireachán soithí’. Níor cheart tagairt a dhéanamh a thuilleadh leis an sainmhíniú ar ‘sonraí suímh an tsoithigh’ do tharchur trí mheán ghléasanna rianaithe satailíte, óir tá teicneolaíochtaí difriúla ar fáil anois chun rianú a dhéanamh ar shoithí agus sonraí faoi shuíomh soithí a tharchur.

(8)

Ba cheart sainmhíniú ar ‘luchtóg’ a ailíniú leis an sainmhíniú ar ‘luchtóg’ mar a leagtar amach i ndlí bia an Aontais.

(9)

Ba cheart an sainmhíniú ar ‘pleananna ilbhliantúla’ a nuashonrú chun forálacha ábhartha Rialachán (AE) Uimh. 1380/2013 a chur san áireamh.

(10)

I gcás na sainmhínithe ar ‘ceadúnas iascaireachta’, ‘limistéar iascaireachta srianta’ agus ‘iascach áineasa’, ba cheart an téarma ‘acmhainní bitheolaíocha na mara’ a chur in ionad an téarma ‘beo-acmhainní uisceacha na mara’ chun na sainmhínithe sin a ailíniú leis an téarmaíocht a úsáidtear in Rialachán (AE) Uimh. 1380/2013.

(11)

Chun comhsheasmhacht a áirithiú leis na rialacha maidir le bearta teicniúla a leagtar síos i Rialachán (AE) 2019/1241 ó Pharlaimint na hEorpa agus ón gComhairle (7), ba cheart sainmhíniú ar ‘speiceas íogair’ a thabhairt isteach.

(12)

Chun tuiscint níos fearr a fháil ar thionchair dhíobhálacha gníomhaíochtaí iascaireachta ar speicis íogaire agus chun iad a chosc, lena n-áirítear chun gabhálacha de thaisme na speiceas sin atá i mbaol díothaithe a laghdú nó a dhíothú, ní mór feabhas a chur ar bhailiú sonraí maidir le gabhálacha de thaisme de speicis íogaire. Chun na críche sin, ba cheart faisnéis bhreise faoi ghabhálacha de thaisme de speicis íogaire a thaifeadadh sa logleabhar iascaireachta.

(13)

Cé go mbaineann formhór fhorálacha Rialachán (CE) Uimh. 1224/2009 le soithí gabhála, ceanglaítear le córas rialaithe iascaigh éifeachtach de chuid an Aontais go gcumhdófaí freisin, i gcásanna áirithe, soithí eile a úsáidtear i saothrú tráchtála acmhainní bitheolaíocha na mara. Chun na críche sin, ba cheart sainmhíniú níos mionsonraithe a chur in ionad an tsainmhínithe ar ‘soitheach iascaireachta’ sa Rialachán sin lena soiléirítear go gcumhdaíonn an téarma soitheach gabhála agus aon soitheach eile a úsáidtear chun acmhainní bitheolaíocha na mara a shaothrú ar bhonn tráchtála, lena n-áirítear soithí tacaíochta, soithí próiseála éisc, soithí a ghabhann don trasloingsiú, soithí tarraingthe, soithí coimhdeachta agus soithí iompair a úsáidtear chun táirgí iascaigh a iompar, ach ní áirítear soithí coimeádán ná soithí a úsáidtear go heisiach don dobharshaothrú. Ina theannta sin, ba cheart sainmhíniú ar ‘soitheach gabhála’ a thabhairt isteach.

(14)

Ba cheart sainmhíniú ar ‘oibríocht iascaireachta’ a thabhairt isteach chun brí an téarma a shoiléiriú agus chun idirdhealú a dhéanamh idir é agus an téarma ‘gníomhaíochtaí iascaireachta’, atá níos leithne ó thaobh raon feidhme de.

(15)

Is cleachtas é sciorradh ina scaoiltear éisc d’aon ghnó ó threalamh iascaireachta sula dtugtar an ghabháil ar bord, rud a d’fhéadfadh a bheith ina shárú ar an oibleagáid speicis a thabhairt agus a choinneáil ar bord faoi réir na hoibleagáide gabhálacha a thabhairt i dtír. Dá bhrí sin, ba cheart sainmhíniú ar ‘sciorradh’ a thabhairt isteach.

(16)

Ba cheart na forálacha maidir le ceadúnais agus údaruithe iascaireachta a thabhairt cothrom le dáta agus a shoiléiriú. Chun rialú cuimsitheach a áirithiú, níor cheart cead a bheith ag soithí iascaireachta de chuid an Aontais nach soithí gabhála iad gníomhaíochtaí iascaireachta a dhéanamh ach amháin má tá údarú faighte acu chuige sin ag a mBallstát brataí. Dá bhrí sin, ba cheart foráil nua a thabhairt isteach maidir le húdaruithe iascaireachta le haghaidh soithí iascaireachta de chuid an Aontais nach soithí gabhála iad.

(17)

Tá trealamh iascaireachta tréigthe, caillte nó diúscartha ar bhealach eile, go háirithe trealamh atá déanta as plaisteach, ar cheann de na cineálacha smionagar muirí is díobhálaí, chomh maith le dramhaíl phlaisteach ar muir. Chun tionchar fadtéarmach agus suntasach an trealaimh iascaireachta thréigthe, chaillte nó dhiúscartha ar bhealach eile ar an mbeatha mhuirí agus ar éiceachórais mhuirí a laghdú, tá sé ríthábhachtach a áirithiú go dtabharfar trealamh iascaireachta ar ais, ag deireadh a shaolré, chun cóireáil a chur air i saoráidí glactha calafoirt arna mbunú chun na críche sin faoi Threoir (AE) 2019/883 ó Pharlaimint na hEorpa agus ón gComhairle (8). Leis sin, bheadh na Ballstáit in ann tuairisciú don Choimisiún maidir le dramhthrealamh iascaireachta, lena n-áirítear trealamh ag deireadh a shaolré, a bhailíonn siad gach bliain faoi Threoir (AE) 2019/904 ó Pharlaimint na hEorpa agus ón gComhairle (9). Chun na críche sin, ba cheart foráil a dhéanamh maidir leis an bhféidearthacht nósanna imeachta a ghlacadh lena áirithiú go dtabharfaidh máistrí soithí iascaireachta de chuid an Aontais fógra do na húdaráis inniúla maidir lena dtrealamh iascaireachta a bhfuil a ré caite aige agus go gcuirfear ar ais é chuig saoráidí glactha calafoirt nó chuig córais bailithe choibhéiseacha eile.

(18)

Chun a áirithiú go mbeidh gníomhaíochtaí iascaireachta inbhuanaithe ó thaobh an chomhshaoil de san fhadtéarma, agus chun riosca tromchúiseach d'éiceachórais mhuirí, don bhithéagsúlacht agus do shláinte an duine a chosc mar gheall ar threalamh iascaireachta agus trealamh nó árthaí eile a úsáidtear san iascaireacht a dhiúscairt go neamhdhleathach ar muir, go háirithe trealamh atá déanta as plaisteach, ba cheart an diúscairt sin ó shoithí iascaireachta a mheas mar shárú tromchúiseach faoi Rialachán (CE) Uimh. 1224/2009.

(19)

Tá ról tábhachtach san Aontas ag iascach ar mhionscála, ó thaobh cúrsaí bitheolaíochta, cúrsaí eacnamaíocha agus cúrsaí sóisialta de. I bhfianaise thionchar féideartha iascaigh ar mhionscála ar stoic éisc, tá sé tábhachtach a áirithiú go mbeidh gníomhartha iascaireachta agus iarracht iascaireachta soithí beaga i gcomhréir le rialacha an chomhbheartais iascaigh. Dá bhrí sin, ba cheart na Ballstáit a bheith in ann gach soitheach iascaireachta a rianú, lena n-áirítear soithí iascaireachta ar lú ná 12 mhéadar a bhfad foriomlán, agus sonraí suímh a fháil uathu ag tráthanna rialta agus ag tráthanna gairid go leor. Chun úsáid córas rianaithe le haghaidh soithí ar mhionscála a éascú a thuilleadh, ba cheart don Choimisiún, arna iarraidh sin do Bhallstát amháin nó níos mó, córas rianaithe a fhorbairt le haghaidh soithí ar lú ná 12 mhéadar a bhfad foriomlán. Mar sin féin, ba cheart na Ballstáit a bheith in ann soithí áirithe ar mhionscála a dhíolmhú ón oibleagáid rianaithe ar feadh tréimhse teoranta, chun dóthain ama a thabhairt chun ullmhú d’úsáid uirlisí nua do na soithí sin. I gcás ar bith, ba cheart cur chun feidhme na mbeart sin a bheith cothrom agus comhréireach leis na cuspóirí atá á saothrú agus níor cheart ualach iomarcach ar an gcabhlach a bheith ag gabháil leis, go háirithe ar an gcabhlach ar mhionscála, a d’fhéadfadh tairbhe a bhaint as cabhair faoin gCiste Eorpach Muirí, Iascaigh agus Dobharshaothraithe arna bhunú le Rialachán (AE) 2021/1139 ó Pharlaimint na hEorpa agus ón gComhairle (10).

(20)

Faoi Airteagail 32(2) agus 38(1) de Rialachán (AE) 2017/2403 ó Pharlaimint na hEorpa agus ón gComhairle (11), ní mór do shoitheach iascaireachta tríú tír atá údaraithe iascaireacht a dhéanamh in uiscí an Aontais na rialacha rialaithe lena rialaítear oibríochtaí iascaireachta shoithí an Aontais a chomhlíonadh, lena n-áirítear rialacha a bhaineann leis an gcóras um fhaireachán soithí. Chun rialú cuimsitheach a áirithiú, ba cheart feidhm a bheith ag an oibleagáid gléas um fhaireachán soithí lánfheidhmiúil a bheith suiteáilte ar bord lenar féidir soitheach a aimsiú agus a shainaithint go huathoibríoch trí chóras um fhaireachán soithí, ar cuid de na rialacha rialaithe sin é, maidir le gach soitheach iascaireachta tríú tír atá údaraithe chun gníomhaíochtaí iascaireachta a dhéanamh in uiscí an Aontais, lena n-áirítear na soithí sin a dhéanann gníomhaíochtaí iascaireachta seachas oibríochtaí iascaireachta agus nach dtagann faoi raon feidhme Rialachán (AE) 2017/2403.

(21)

Chun ról na lárionad faireacháin iascaigh a shoiléiriú, ba cheart forálacha Rialachán (CE) Uimh. 1224/2009 maidir leis na hionaid sin a chur in Airteagal ar leith.

(22)

Chun críocha rialaithe agus faireachais éifeachtaigh ar iascach san Aontas, ba cheart ceangal a chur ar lárionaid faireacháin iascaigh foireann agus trealamh cuí a bheith acu agus córas foláirimh uathoibríoch agus/nó ar glao-dhualgas ar a laghad a bheith i bhfeidhm acu le linn uaireanta oibre iad.

(23)

Ba cheart rialacha maidir le húsáid córas aitheantais uathoibríoch (AIS) do shoithí iascaireachta de chuid an Aontais a shonrú. Chun imthosca eisceachtúla a bhaineann le sábháilteacht nó slándáil an chriú ar shoitheach iascaireachta a chur san áireamh, ba cheart foráil a dhéanamh maidir le maolú ar an oibleagáid AIS dá dtagraítear in Airteagal 6a de Threoir 2002/59/CE ó Pharlaimint na hEorpa agus ón gComhairle (12) a choinneáil in oibríocht leanúnach, faoi choinníollacha áirithe.

(24)

Le Rialachán (AE) 2015/812 ó Pharlaimint na hEorpa agus ón gComhairle (13), leasaíodh Rialachán (CE) Uimh. 1224/2009 chun cuid dá bhforálacha a ailíniú leis an oibleagáid gabhálacha a thabhairt i dtír, mar a leagtar amach i Rialachán (AE) Uimh. 1380/2013. Chun éifeachtacht chóras rialaithe iascaigh an Aontais a áirithiú, go háirithe maidir le faireachán a dhéanamh ar chomhlíonadh na hoibleagáide gabhálacha a thabhairt i dtír, is gá, ar bhonn measúnú riosca, córais cianfhaireacháin leictreonaigh (REM) a fheistiú ar bord soithí gabhála áirithe. Ba cheart ceamaraí teilifíse ciorcaid iata (CCTV) a bheith san áireamh sna córais sin. Níor cheart sonraí CCTV a bheoshruthú. Chun an ceart chun príobháideachta agus chun sonraí pearsanta a chosaint a choimirciú, níor cheart taifeadadh ábhair físe trí CCTV a cheadú ach amháin i ndáil leis an trealamh agus leis na codanna sin de na soithí ina dtugtar táirgí iascaigh ar bord, ina láimhseáiltear agus ina stóráiltear iad nó ina bhféadfaí aischur a dhéanamh. Ba cheart an ghníomhaíocht taifeadta a theorannú do na cásanna sin ina n-oibrítear trealamh go gníomhach, mar shampla taifeadadh a dhéanamh ar threalamh nó ar threalamh á tharraingt nó á bhaint den uisce, agus nuair a thugtar an ghabháil ar bord agus an criú á láimhseáil nó ina bhféadfadh aischur tarlú. Ba cheart an fhéidearthacht daoine aonair san ábhar físe taifeadta a shainaithint a theorannú a mhéid is féidir, agus i gcás inar gá, ba cheart na sonraí a anaithnidiú. Chun soiléireacht agus comhsheasmhacht a áirithiú, ba cheart rialacha a leagan amach maidir le rochtain na n-údarás inniúil ar shonraí ó na córais CFL sin. Ba cheart píosaí CCTV a chur ar fáil go heisiach do na húdaráis a shonraítear sa rialachán sin chun críocha rialaithe agus cigireachta a leagtar amach i Rialachán (CE) Uimh. 1224/2009.

(25)

Chun úsáid córas CFL a éascú ar bhonn deonach, ba cheart cead a bheith ag na Ballstáit dreasachtaí a sholáthar chun na críche sin.

(26)

Chun cuspóirí an chomhbheartais iascaigh a bhaint amach, leagtar tábhacht as cuimse ar bhailiúchán cuimsitheach sonraí agus ar iontaofacht na sonraí sin.

(27)

Is é an toradh a bhí ar shonraí maidir le clárú gabhálacha a bheith á gcur isteach i bhformáid páipéir ná tuairisciú neamhiomlán neamhiontaofa ó oibreoirí do na Ballstáit agus ó na Ballstáit don Choimisiún, agus i ndeireadh na dála, bhí an tuairisciú gabhála sin neamhleor, rud a chuir isteach ar mhalartú faisnéise idir na Ballstáit. Dá bhrí sin, meastar go bhfuil sé riachtanach go ndéanfaidh máistrí sonraí a thaifeadadh maidir le gabhálacha i bhfoirm dhigiteach agus go ndéanfaidh siad iad a chur isteach i modh leictreonach, go háirithe i gcás na logleabhar iascaireachta, dearbhuithe trasloingsithe agus dearbhuithe maidir le gabhálacha a thabhairt i dtír.

(28)

Chun rialú ar chur chun feidhme pleananna ilbhliantúla a éascú, ba cheart gabhálacha stoc grinnill atá faoi réir na bpleananna sin a stuáil ar leithligh, ionas go mbeidh na stoic éagsúla arna ngabháil so-aitheanta ar bord an tsoithigh iascaireachta chun críocha cigireachta. Mar sin féin, le tabhairt isteach pleananna ilbhliantúla, tá méadú tagtha ar na cásanna ina bhféadfadh sé a bheith deacair do mháistrí an oibleagáid sin a chomhlíonadh, i gcúinsí áirithe, mar gheall ar chúiseanna mar shampla spás stórála teoranta ar bord, go leor speiceas i gcainníochtaí beaga a choinnítear ar bord, gabhálacha a choinnítear ar bord in umair uisce farraige chuisnithe, líon na stoc éagsúil arna ngabháil in iascach áirithe, nó mar gheall ar imní faoi shábháilteacht an chriú. Sna cásanna sin, ba cheart go bhféadfaí foráil a dhéanamh maidir le díolúintí ón oibleagáid gabhálacha a stuáil ar leithligh.

(29)

De cheal oibleagáidí ar mháistrí soithí níos lú ná 10 méadar ar fad ar an iomlán maidir le gabhálacha a thuairisciú, fágadh gur neamhiomlán agus neamhiontaofa atá na sonraí maidir le gabhálacha a chlárú i gcás na soitheach sin toisc gur bunaithe go príomha ar phleananna samplála a bhí bailiú na faisnéise maidir leis na soithí céanna. Dá bhrí sin, tá sé tábhachtach a éileamh go ndéanfaí tuairisciú maidir le gabhálacha i gcás gach soithigh gan beann ar a mhéid. Sa chaoi sin a dhéanfar na rialacha a shimpliú agus a déanfar comhlíonadh agus rialú a fheabhsú.

(30)

D’fhonn éifeachtacht an rialaithe a fheabhsú, tá sé tábhachtach go mbeadh an fhaisnéis sa logleabhar iascaireachta níos mionsonraithe, agus go n-áireofaí inti, dá bhrí sin, i gcás soithí gabhála atá 12 mhéadar ar fhad san iomlán nó níos mó, sonraí maidir leis na gabhálacha in aghaidh na hoibríochta iascaireachta. I gcás soithí gabhála ar lú ná 12 mhéadar a bhfad iomlán, níor cheart ualach díréireach ar mháistrí na soithí sin a bheith i gceist leis an logleabhar leictreonach iascaireachta agus le tarchur na faisnéise atá ann. Dá bhrí sin, i gcás soithí gabhála ar lú ná 12 mhéadar a bhfad iomlán, níor cheart a cheangal ar mháistrí an fhaisnéis atá sa logleabhar iascaireachta a chur isteach ach amháin tar éis an oibríocht iascaireachta dheireanach a bheith curtha i gcrích agus sula gcuirfear tús le gabhálacha a thabhairt i dtír.

(31)

Ba cheart an deis a bheith ag máistrí soithí gabhála de chuid an Aontais ar lú a bhfad iomlán ná 12 mhéadar an logleabhar leictreonach iascaireachta a chomhlánú agus a chur isteach trí mhodhanna simplithe.

(32)

Chun cur chun feidhme agus úsáid logleabhar iascaireachta leictreonach do gach soitheach a éascú, ba cheart don Choimisiún, arna iarraidh sin do Bhallstát amháin nó níos mó, córas a fhorbairt chun gabhálacha soithí gabhála ar lú ná 12 mhéadar a bhfad iomlán a thaifeadadh agus a thuairisciú, agus é curtha in oiriúint do chúinsí sonracha soithí beaga.

(33)

Chun feabhas a chur ar rialú ghabhálacha speiceas íogair, ba cheart faisnéis bhreise maidir le haischur na speiceas sin a thaifeadadh sa logleabhar iascaireachta.

(34)

Ba cheart na forálacha maidir leis an gcorrlach lamháltais i meastacháin logleabhair iascaireachta ar chainníochtaí éisc a choinnítear ar bord a leasú chun aghaidh a thabhairt ar na dúshláin a bhaineann le meastachán cruinn a dhéanamh ar ghabhálacha ar bord de réir speiceas i gcás cainníochtaí níos lú gabhálacha, agus i gcás tabhairt i dtír neamhshórtáilte ó iascaigh pheiligeacha bheaga, ó iascaigh thionsclaíocha agus ó iascaigh peas-saighne tuinníní trópaiceacha. Ba cheart na leasuithe céanna a dhéanamh ar na forálacha maidir leis an gcorrlach lamháltais sa dearbhú trasloingsithe. A mhéid a bhaineann le maoluithe a dheonaítear maidir le gabhálacha a thabhairt i dtír neamhshórtáilte ó iascaigh pheiligeacha bheaga, iascaigh thionsclaíocha agus iascaigh peas-saighne tuinníní trópaiceacha, ba cheart cumhachtaí cur chun feidhme a thabhairt don Choimisiún chun tuilleadh sonraí a sholáthar maidir le coinníollacha aonfhoirmeacha a bhaineann le táirgí iascaigh a thabhairt i dtír agus a mheá i gcalafoirt liostaithe, mar shampla rannpháirtíocht tríú páirtithe neamhspleácha creidiúnaithe lenar féidir cruinneas an tuairiscithe gabhála ar thabhairt i dtír nó ceanglais maidir leis na hoibríochtaí samplála agus meáite a ráthú. Ba cheart rialú leordhóthanach ar na hoibríochtaí sin a áirithiú leis na coinníollacha sin. Ba cheart don Choimisiún, trí bhíthin gníomhartha cur chun feidhme, liosta na gcalafort a chomhlíonann na coinníollacha aonfhoirmeacha sin a ghlacadh. D'fhéadfadh an rud céanna a bheith i bhfeidhm freisin maidir le liostú calafort i dtríú tíortha, lena n-áirítear calafoirt arna n-ainmniú faoi chuimsiú eagraíochtaí réigiúnacha bainistíochta iascaigh, ar choinníoll go n-áiritheofar an rialú is gá ó údaráis inniúla ábhartha an tríú tír lena mbaineann agus an comhar leo.

(35)

Nuair a thugann soitheach gabhála cúl ar an gcalafort, ba cheart go gcuirfí tús le logleabhar iascaireachta leictreonach agus ba cheart sainaitheantóir uathúil an turais iascaireachta a shannadh don turas sin. Sa logleabhar iascaireachta, sna dearbhuithe trasloingsithe agus sna dearbhuithe maidir le gabhálacha a thabhairt i dtír, ba cheart tagairt a dhéanamh do shainaitheantóir uathúil sin an turais iascaireachta ar mhaithe le feabhas a chur ar an rialú agus le gurbh fhearr an bailíochtú a dhéanfadh na Ballstáit ar na sonraí agus le gurbh fhearr inrianaitheacht na dtáirgí iascaigh sa slabhra soláthair.

(36)

Chun tarchur faisnéise go dtí údaráis inniúla na mBallstát maidir le trealamh iascaireachta agus maidir le caillteanas trealaimh iascaireachta a fheabhsú agus a shimpliú, ba cheart faisnéis ar threalamh iascaireachta agus ar threalamh iascaireachta caillte a bheith sa logleabhar iascaireachta. Ba cheart don Choimisiún tiomsú faisnéise maidir le trealamh iascaireachta caillte arna soláthar ag na Ballstáit a fhoilsiú ar a shuíomh gréasáin ar bhonn bliantúil.

(37)

Leagtar amach i Rialachán (AE) 2017/2403 rialacha maidir le soithí iascaireachta tríú tír a dhéanann oibríochtaí iascaireachta in uiscí an Aontais. Faoi Airteagal 38(1) den Rialachán sin, ní mór do soitheach tríú tír atá údaraithe iascaireacht a dhéanamh in uiscí an Aontais na rialacha rialaithe lena rialaítear oibríochtaí iascaireachta atá á ndéanamh ag soithí de chuid an Aontais sa limistéar iascaireachta ina n-oibríonn siad a chomhlíonadh. Chun athrá a sheachaint agus soiléireacht a áirithiú, ba cheart roinnt forálacha de Rialachán (CE) Uimh. 1224/2009 ina leagtar amach go sonrach rialacha maidir le soithí iascaireachta tríú tír a scriosadh.

(38)

Leis an réamhfhógra maidir le gabhálacha a thabhairt i dtír, is fearr a rialófar an comhlíonadh a dhéantar ar na rialacha maidir le gabhálacha a chlárú agus maidir le gníomhaíochtaí iascaigh. Chun feabhas a chur ar chomhlíonadh na rialacha maidir le gabhálacha a chlárú, ba cheart na forálacha maidir le réamhfhógraí a bheith infheidhme i gcás gach soithigh ar mó 12 mhéadar nó níos mó a fhad iomlán agus ní amháin i gcás soithí iascaireachta a dhíríonn ar stoic faoi phleananna ilbhliantúla. Ba cheart na Ballstáit chósta, áfach, a bheith in ann tréimhse níos giorra a leagan síos le haghaidh réamhfhógra do chatagóirí áirithe soithí, ar choinníoll nach gcuireann sé sin isteach ar chumas a n-údarás inniúil cigireacht a dhéanamh ar shoithí ar theacht isteach dóibh.

(39)

Ba cheart do shoithí iascaireachta de chuid an Aontais a thugann táirgí iascaigh i dtír i dtríú tíortha réamhfhógra a chur faoi bhráid a mBallstát brataí. Ba cheart do shoithí iascaireachta de chuid an Aontais a thrasloingsíonn táirgí iascaigh in uiscí tríú tír nó ar an mórmhuir údarú a fháil óna mBallstáit bhrataí. Tá na réamhfhógraí agus na húdaruithe sin riachtanach, ag cur san áireamh freagrachtaí na mBallstát i dtaca le táirgí iascaigh de thionscnamh iascaireacht NNN a chosc ar theacht isteach sna margaí idirnáisiúnta.

(40)

Forálacha maidir le sonraí gabhálacha agus iarracht iascaireachta a dhéanann na Ballstáit a thaifeadadh, ba cheart iad a leasú le sonraí atá i dtaifid ar an meá, dearbhuithe glactha freagrachta agus doiciméid iompair a chur san áireamh.

(41)

Rialacha maidir le sonraí comhiomlánaithe gabhála agus iarracht iascaireachta a chur faoi bhráid an Choimisiúin, ba cheart iad a shimpliú trí fhoráil a dhéanamh maidir le dáta amháin i gcás gach aighneacht.

(42)

Chun a áirithiú go ndéanfar na sonraí gabhála is cruinne a sholáthar don Choimisiún, ba cheart do na Ballstáit na sonraí comhiomlánaithe arna gcur faoi bhráid an Choimisiúin a cheartú i gcás nach ndearna siad ach meastacháin a chur isteach roimhe sin, i gcás ina mbraitheann siad neamhréireachtaí tar éis dóibh na sonraí a bhailíochtú, nó i gcás ina mbraithfidh an Coimisiún neamhréireachtaí.

(43)

Ba cheart a shoiléiriú nach bhfuil gabhálacha speicis, stoic nó grúpa stoc atá faoi réir cuóta le comhaireamh in aghaidh an chuóta is infheidhme maidir leis an mBallstát lena mbaineann ach amháin nuair a cheanglaítear sin faoi Airteagal 15 de Rialachán (AE) Uimh. 1380/2013.

(44)

Forálacha maidir le foilsiú cinnidh ag an gCoimisiún chun iascaigh a chosc i gcás ina bhfuil cuóta sroichte nó inar baineadh amach an uasiarracht iascaireachta incheadaithe, ba cheart iad a shimpliú chun gur féidir an cosc sin a fhoilsiú in am is i dtráth. Thairis sin, ba cheart na forálacha sin a chomhchuibhiú leis na forálacha maidir leis an oibleagáid gabhálacha a thabhairt i dtír a leagtar síos i Rialachán (AE) Uimh. 1380/2013.

(45)

Ba cheart forálacha maidir le hacmhainneacht iascaireachta a nuashonrú ionas go ndéanfar tagairt iontu do Rialachán (AE) Uimh. 1380/2013.

(46)

Má oibríonn soithí gabhála le hinneall ar mó a chumhacht ná an chumhacht innill dheimhnithe mar atá luaite sa cheadúnas iascaireachta agus mar atá cláraithe i gclár cabhlaigh iascaireachta an Aontais, ní féidir a áirithiú go gcomhlíonfar na huasteorainneacha le haghaidh acmhainne a leagtar síos i Rialachán (AE) Uimh. 1380/2013. Dá bhrí sin, ba cheart na forálacha maidir le fíorú chumhacht an innill a shoiléiriú. Thairis sin, tá sé tábhachtach foráil a dhéanamh maidir leis an bhféidearthacht cumhacht innill soithí gabhála áirithe a rialú go héifeachtach, soithí lena mbaineann ardriosca nach gcomhlíonfar rialacha an chomhbheartais iascaigh maidir le cumhacht innill nó a oibríonn i réimsí sonracha, mar shampla trí ghléasanna a dhéanann faireachán ar chumhacht an innill ar bhonn leanúnach. Ina theannta sin, ba cheart simpliú a dhéanamh ar na forálacha maidir le tonnáiste soithí gabhála a fhíorú chun críocha rialaithe acmhainneachta.

(47)

Chun a áirithiú go gcomhlíonfar rialacha an chomhbheartais iascaigh, ba cheart go mbeadh ceangal ar gach Ballstát clár rialaithe náisiúnta a chur ar bun ar bhonn bliantúil nó ar bhonn ilbhliantúil, clár a chumhdóidh rialacha uile an chomhbheartais iascaigh. Ba cheart do na Ballstáit a áirithiú go ndéanfar rialú ar bhonn anailís ar an riosca neamhchomhlíonta.

(48)

Chun trédhearcacht maidir le rialú agus cigireacht ar iascach a áirithiú, ba cheart do gach Ballstát tuarascáil bhliantúil a fhoilsiú uair sa bhliain ar a shuíomh gréasáin lena n-áirítear faisnéis íosta áirithe dá bhforáiltear i Rialachán (CE) Uimh. 1224/2009, mar shampla sonraí maidir leis na hacmhainní atá ar fáil le haghaidh rialaithe agus cigireachtaí, rialaithe agus cigireachtaí a rinneadh, sáruithe a braitheadh agus a dearbhaíodh agus smachtbhannaí a forchuireadh. Gach bliain, ba cheart don Choimisiún tiomsú na faisnéise ábhartha arna tuairisciú ag na Ballstáit a fhoilsiú.

(49)

Chun soiléireacht níos fearr a sholáthar, is iomchuí an sainmhíniú ar ‘limistéar iascaireachta srianta’ a leasú. Ba cheart limistéir mhuirí shonracha arna sainiú go geografach a chumhdach leis an sainmhíniú sin laistigh d'imchuach farraige amháin nó níos mó, lena n-áirítear limistéir mhuirí faoi chosaint, ina bhfuil srian nó toirmeasc sealadach nó buan ar ghníomhaíochtaí iascaireachta áirithe nó ar ghníomhaíochtaí iascaireachta áirithe chun caomhnú acmhainní bitheolaíocha muirí nó cosaint éiceachórais mhuirí a fheabhsú faoi rialacha an chomhbheartais iascaigh, mar shampla iad siúd dá dtagraítear in Airteagail 12, 17 agus 21 de agus in Iarscríbhinn II, Cuid C d'Iarscríbhinn V go Cuid B d'Iarscríbhinn XI agus codanna C agus D d'Iarscríbhinn XII a ghabhann le Rialachán (AE) 2019/1241, agus i Rialachán (AE) 2023/2124 ó Pharlaimint na hEorpa agus ón gComhairle (14) agus limistéir chomhchosúla a leagtar síos i rialacha eile den chomhbheartas iascaigh. Ina theannta sin, ba cheart na rialacha maidir le rialú i limistéir iascaireachta shrianta a fheabhsú, lena n-áirítear trína cheangal go bhfoilseodh na Ballstáit liosta de na limistéir iascaireachta shrianta agus de na srianta comhfhreagracha ar a suíomhanna gréasáin oifigiúla.

(50)

Gníomhaíochtaí arb é atá i gceist leo saothrú tráchtála a dhéanamh ar acmhainní bitheolaíocha na mara gan soitheach gabhála a úsáid, tagann siad faoi raon feidhme an chomhbheartais iascaigh. D'áireofaí ar na gníomhaíochtaí sin, mar shampla, sliogéisc, iascaireacht faoi uisce, iascaireacht oighir agus iascaireacht ón gcósta, lena n-áirítear iascaireacht de chois. Dá bhrí sin, chun rialú na ngníomhaíochtaí sin ar fud an Aontais a chomhchuibhiú, ba cheart sainmhíniú ar ‘iascaireacht gan soitheach’ agus bearta sonracha rialaithe le haghaidh na ngníomhaíochtaí sin a thabhairt isteach i Rialachán (CE) Uimh. 1224/2009, agus sainiúlachtaí na n-iascach sin, lena n-áirítear sainiúlachtaí réigiúnacha, á gcur san áireamh, i gcás inar gá.

(51)

Tá ról tábhachtach ag iascach áineasa san Aontas, ó thaobh cúrsaí bitheolaíochta de, ó thaobh cúrsaí eacnamaíochta de agus ó thaobh cúrsaí sóisialta de. I bhfianaise na dtionchar suntasach a imríonn an t-iascach áineasa ar stoic áirithe, is gá forálacha sonracha a leagan síos a chuirfidh ar chumas gach Ballstáit iascach áineasa a rialú go héifeachtach, lena n-áirítear córas smachtbhannaí iomchuí a chur i bhfeidhm i gcás neamhchomhlíonta. Is gá sonraí gabhála iontaofa ó iascaigh áineasa áirithe a bhailiú chun an fhaisnéis is gá a sholáthar do na Ballstáit agus don Choimisiún chun bainistiú agus rialú éifeachtach a dhéanamh ar acmhainní bitheolaíocha na mara. Chun na críche sin, ba cheart córas a bheith i bhfeidhm ag Ballstát chun gabhálacha a rialú go héifeachtach in iascaigh áineasa áirithe, lena n-áirítear gníomhaíochtaí neamhthráchtála a dhéanann daoine aonair a bhfuil soithí iascaireachta acu nó gníomhaíochtaí arna n-eagrú ag eintitis tráchtála in earnálacha na turasóireachta nó na hiomaíochta spóirt.

(52)

Bunaíodh cheana féin, faoin gcomhbheartas iascaigh, roinnt beart sonrach caomhnaithe atá infheidhme maidir le hiascach áineasa, go háirithe sna rialacháin ón gComhairle lena socraítear na deiseanna iascaireachta i leith stoic éisc áirithe nó i leith grúpaí de stoic éisc. Áirítear ar na bearta caomhnaithe sonracha atá i bhfeidhm cheana cuótaí, teorainneacha gabhála, teorainneacha málaí, agus toirmisc ar iascaireacht le linn tréimhsí áirithe, i limistéir áirithe nó le trealamh áirithe. Chun speicis áirithe a chaomhnú, d’fhéadfadh sé go mbeadh gá le bearta eile a úsáid amach anseo seachas na bearta sin a cuireadh i bhfeidhm go dtí sin. Chun bearta caomhnaithe is infheidhme maidir le hiascaigh áineasa a fhorfheidhmiú, is gá bearta rialaithe iomchuí a bhunú.

(53)

Cé is moite den toirmeasc ar ghabhálacha ó iascaigh áineasa a mhargú nó a dhíol, ar toirmeasc é ar cheart do na Ballstáit uile é a fhorfheidhmiú, níor cheart feidhm a bheith ag rialacha maidir le rialú iascaigh áineasa ach amháin maidir le Ballstáit chósta.

(54)

Ba cheart na forálacha maidir leis an rialú sa slabhra soláthair a shoiléiriú chun go bhféadfaidh na Ballstáit rialú agus cigireachtaí a dhéanamh ag gach céim a bhaineann le margú táirgí iascaigh agus dobharshaothraithe, ón gcéad díolachán go dtí an miondíolachán, iompar agus lónadóireacht san áireamh.

(55)

Chun rialú ar mhargú táirgí iascaigh agus dobharshaothraithe a fheabhsú, ba cheart soiléiriú agus nuashonrú a dhéanamh ar na rialacha maidir leis na táirgí sin a chur ina luchtóga agus maidir le luchtóga a chumasc agus a roinnt.

(56)

I gcomhréir leis na ceanglais inrianaitheachta a leagtar amach in Airteagal 18 de Rialachán (CE) Uimh. 178/2002 ó Pharlaimint na hEorpa agus ón gComhairle (15), leagtar síos le Rialachán Cur Chun Feidhme (AE) Uimh. 931/2011 ón gCoimisiún (16) rialaithe áirithe inrianaitheachta i ndáil le hearnáil shonrach an bhia de bhunadh ainmhíoch, eadhon gur cheart d'oibreoirí taifead ar thacar áirithe faisnéise a choimeád, gur cheart é a chur ar fáil d'údaráis inniúla arna iarraidh sin dóibh, agus gur cheart é a aistriú go dtí an t-oibreoir ar soláthraíodh an táirge iascaigh nó dobharshaothraithe dó. Tá inrianaitheacht tábhachtach ní hamháin chun críocha sábháilteachta bia ach chun go bhféadfar rialú a dhéanamh, chun a áirithiú go ndéanfar leas na dtomhaltóirí a chosaint, chun iascaireacht NNN a chomhrac agus chun rannchuidiú le hiomaíocht chothrom freisin.

(57)

Is iomchuí, dá bhrí sin, cur leis na rialacha atá ann cheana maidir le inrianaitheacht mar a leagtar síos in Airteagal 18 de Rialachán (CE) Uimh. 178/2002 agus i Rialachán Cur Chun Feidhme (AE) Uimh. 931/2011. Ba cheart d'oibreoirí taifead ar thacar áirithe faisnéise maidir le táirgí iascaigh agus dobharshaothraithe a choimeád, é a chur ar fáil d'údaráis inniúla arna iarraidh sin dóibh, agus é a aistriú go dtí an t-oibreoir ar soláthraíodh na táirgí iascaigh agus dobharshaothraithe dó. I gcás táirgí iascaigh nár allmhairíodh iad, ba cheart a áireamh san fhaisnéis inrianaitheachta sin sainaitheantóir uathúil/sainaitheantóirí uathúla an turais iascaireachta ós rud é go bhfágfaidh sin go bhféadfar nasc a dhéanamh idir luchtóg áirithe táirgí iascaigh agus gabháil áirithe arna tabhairt i dtír ag soitheach de chuid an Aontais nó roinnt soithí de chuid an Aontais san aon limistéir ábhartha amháin. I gcás iascaireacht gan soitheach, ba cheart sainaitheantóir uathúil/sainaitheantóirí uathúla an lae iascaireachta a bheith san áireamh san fhaisnéis.

(58)

I gcomhréir le Rialachán Cur Chun Feidhme (AE) Uimh. 931/2011 ba cheart an fhaisnéis inrianaitheachta ábhartha maidir le rialú táirgí iascaigh agus dobharshaothraithe a bheith ar fáil ón gcéad díolachán go dtí céim an mhiondíolacháin. Fágfaidh sé sin go háirithe gur faisnéis chruinn a sholáthrófar don tomhaltóir maidir le speiceas an táirge iascaigh nó dobharshaothraithe agus maidir leis an áit as ar tháinig sé.

(59)

Ba cheart feidhm a bheith ag na rialacha céanna a bhaineann le táirgí iascaigh agus dobharshaothraithe de thionscnamh an Aontais maidir le táirgí iascaigh agus dobharshaothraithe a allmhairítear ó thríú tíortha. I gcás táirgí allmhairithe, ba cheart a áireamh san fhaisnéis éigeantach inrianaitheachta tagairt d’uimhreacha an deimhnithe gabhála/na ndeimhnithe gabhála arna gcur isteach i gcomhréir le Rialachán (CE) Uimh. 1005/2008 ón gComhairle (17).

(60)

Chun tarchur éifeachtach tráthúil na faisnéise inrianaitheachta maidir le táirgí iascaigh agus dobharshaothraithe a áirithiú, ba cheart d'oibreoirí faisnéis faoi tháirgí a thagann faoi Chaibidil 3 den Ainmníocht Chomhcheangailte, a bunaíodh le Rialachán (CEE) Uimh. 2658/87 ón gComhairle (18), a chur ar fáil ar bhealach digiteach laistigh den slabhra soláthair agus do na húdaráis inniúla arna iarraidh sin dóibh.

(61)

D'fhonn inrianaitheacht éifeachtúil a áirithiú do tháirgí iascaigh agus dobharshaothraithe a thagann faoi cheannteidil 1604 agus 1605 de Chaibidil 16 den Ainmníocht Chomhcheangailte, ba cheart don Choimisiún staidéar a dhéanamh lena n-áirítear anailís ar na réitigh nó na modhanna atá ar fáil chun inrianaitheacht éifeachtach a chumasú do na táirgí sin. Ar bhonn an staidéir sin, ba cheart don Choimisiún, trí bhíthin gníomhartha tarmligthe, rialacha mionsonraithe a ghlacadh maidir leis na ceanglais inrianaitheachta do luchtóga na dtáirgí iascaigh agus dobharshaothraithe sin.

(62)

I gcás táirgí iascaireachta a dhíoltar go díreach ó shoithí iascaireachta le tomhaltóirí deiridh, níor cheart feidhm a bheith ag rialacha a bhaineann le hinrianaitheacht, ceannaitheoirí cláraithe agus nótaí díolacháin maidir le cainníochtaí faoi bhun tairseacha áirithe. Ba cheart na tairseacha sin a chomhchuibhiú agus a bheith íseal go leor chun íoslaghdú a dhéanamh ar tháirgí iascaigh a chur ar an margadh, ar táirgí iascaigh iad nach féidir a rianú agus, dá bhrí sin, a rialú agus a d'fhéadfadh rannchuidiú le trádáil neamhdhleathach.

(63)

Chun cuspóirí an chomhbheartais iascaigh a bhaint amach, leagtar tábhacht as cuimse ar bhailiúchán cuimsitheach sonraí agus ar iontaofacht na sonraí sin. Go háirithe, ba cheart an taifead a dhéanfar ar ghabhálacha an uair a thabharfar i dtír iad a chur i gcrích ar an mbealach is iontaofa is féidir. Chun na críche sin, is gá na nósanna imeachta maidir le meá na dtáirgí iascaigh a threisiú ar thabhairt i dtír dóibh, gan ualaí díréireacha a chur ar oibreoirí.

(64)

Ba cheart an táirge a mheá ar chórais arna bhformheas ag na húdaráis inniúla agus ag na hoibreoirí ata cláraithe ag na Ballstáit chun an tasc sin a dhéanamh. Ba cheart, mar riail ghinearálta, gach táirge a mheá de réir speicis ar thabhairt i dtír dóibh chun a áirithiú go ndéanfar tuairisciú cruinn ar na gabhálacha. Thairis sin, ba cheart taifid ar an meá a choimeád ar feadh trí bliana.

(65)

Níor cheart meá samplach, meá ar bord ná meá tar éis iompair a cheadú ach amháin faoi choinníollacha dochta. Tar éis don Choimisiún pleananna samplála, pleananna rialaithe agus cláir rialaithe chomhchoiteanna a ghlacadh, ba cheart go mbeadh na Ballstáit in ann a cheadú go ndéanfaí táirgí iascaigh a mheá i gcomhréir leis na pleananna samplála, na pleananna rialaithe nó na cláir rialaithe chomhchoiteanna sin.

(66)

Chun rialú a fheabhsú agus chun gur féidir sonraí maidir le clárú gabhálacha a bhailíochtú go pras agus chun faisnéis a mhalartú idir Ballstáit a mhalartú go pras, is gá go ndéanfaidh gach oibreoir sonraí a thaifeadadh go digiteach agus na sonraí sin a chur isteach go leictreonach go dtí na Ballstáit. Baineann sé sin go háirithe le dearbhuithe maidir le gabhálacha a thabhairt i dtír, le nótaí díolacháin agus le dearbhuithe glactha freagrachta.

(67)

Toisc go bhfuil uirlisí teicneolaíochta leordhóthanacha ar fáil, ba cheart go mbeadh feidhm ag an gceanglas sonraí a thaifeadadh go digiteach agus iad a chur isteach go leictreonach, ba cheart go mbeadh feidhm aige sin maidir le gach ceannaitheoir cláraithe táirgí iascaigh.

(68)

Ba cheart tarchur na ndoiciméad iompair go dtí na Ballstáit ábhartha a shimpliú agus ba cheart é a dhéanamh sula gcuirfear tús leis an iompar chun go ndéanfadh na húdaráis inniúla rialú agus cigireachtaí orthu.

(69)

Sna dearbhuithe maidir le gabhálacha a thabhairt i dtír, sna dearbhuithe glactha freagrachta agus sna doiciméid iompair, ba cheart tagairt a dhéanamh do shainaitheantóir uathúil an turais iascaireachta ar mhaithe le feabhas a chur ar rialú agus chun bailíochtú na sonraí ag na Ballstáit a fheabhsú agus chun inrianaitheacht na dtáirgí iascaigh sa slabhra soláthair a éascú. I gcás iascaireacht gan soitheach, ba cheart sainaitheantóir uathúil/sainaitheantóirí uathúla an lae iascaireachta a áireamh sna nótaí díolacháin, sna dearbhuithe glactha freagrachta agus sna doiciméid iompair agus ba cheart roinnt coigeartuithe a dhéanamh i bhforálacha eile chun aghaidh a thabhairt ar iascaireacht gan soitheach a áireamh.

(70)

Níl feidhm a thuilleadh ag forálacha Rialachán (CE) Uimh. 1224/2009 maidir le faireachán a dhéanamh ar eagraíochtaí tairgeoirí agus ar shocruithe idirghabhála agus praghsanna agus ba cheart iad a scriosadh, toisc go bhforáiltear d’fhaireachán den sórt sin le Rialachán (AE) Uimh. 1379/2013.

(71)

D’éascódh cigireachtaí a mbeadh baint ag oifigigh an Bhallstáit brataí agus an Bhallstáit cósta araon leo comhar agus malartú faisnéise agus saineolais. Dá bhrí sin, ba cheart an deis a bheith ag Ballstát cósta cuireadh a thabhairt d’oifigigh de chuid Ballstáit brataí páirt a ghlacadh i gcigireachtaí ar shoithí iascaireachta a bhfuil bratach an Bhallstáit sin ar foluain acu i gcás ina bhfuil na soithí sin ag oibriú in uiscí an Stáit cósta nó ag tabhairt gabhálacha i dtír ina chalafoirt nó ag a áiteanna ina dtugtar gabhálacha i dtír.

(72)

Chun a áirithiú go gcomhlíonfaidh oibreoirí rialacha an chomhbheartais iascaigh, ba cheart a leagan amach i Rialachán (CE) Uimh. 1224/2009 conas a leanfaidh oifigigh ar aghaidh i gcás sáruithe féideartha ar na rialacha sin. Ba cheart a áireamh leis sin rialacha maidir le conas sáruithe arna mbrath a láimhseáil i gcás ina bhfuil cúis ag oifigigh a chreidiúint, bunaithe ar chigireachtaí nó ar aon sonraí nó faisnéis ábhartha, go bhféadfadh sé go ndearnadh sárú ar rialacha an chomhbheartais iascaigh agus sula ndéanfaidh cúirt nó údarás inniúil cinneadh lena ndearbhófar an ndearnadh an sárú sin nó nach ndearnadh.

(73)

Chun feabhas a chur ar an measúnú riosca a dhéanann údaráis náisiúnta agus iad i mbun gníomhaíochtaí rialaithe a phleanáil agus chun feabhas a chur ar éifeachtacht na gcigireachtaí, ba cheart cur leis na ceanglais a bhaineann le clár náisiúnta maidir le sáruithe.

(74)

Ba cheart do na Ballstáit na smachtbhannaí agus na bearta eile dá bhforáiltear i Rialachán (CE) Uimh. 1224/2009 agus i Rialachán (CE) Uimh. 1005/2008 a chur i bhfeidhm ar bhealach ina n-urramaítear go hiomlán cearta bunúsacha, lena n-áirítear an ceart atá ag duine nach ndéanfaí é a thriail ná a phionósú faoi dhó in imeachtaí coiriúla i ngeall ar an gcion céanna.

(75)

Ba cheart rialacha agus nósanna imeachta a neartú maidir le fógra a thabhairt faoi fhaisnéis ábhartha maidir le bearta arna ndéanamh agus smachtbhannaí arna bhforchur ag na Ballstáit ar náisiúnaigh de chuid Ballstát eile nó tríú tíortha nó ar shoithí iascaireachta a bhfuil bratach Ballstát eile nó tríú tíortha ar foluain acu, lena n-áirítear na rialacha agus na nósanna imeachta sin a bhaineann le pointí maidir le sárú tromchúiseach ar rialacha an chomhbheartais iascaigh a chinneadh, chun rialú agus forfheidhmiú iascaigh laistigh agus lasmuigh d’uiscí an Aontais a fheabhsú.

(76)

Chun a áirithiú go mbeidh cothrom iomaíochta agus cur i bhfeidhm comhsheasmhach ann sna Ballstáit maidir leis an gcóir bhreithiúnach agus riaracháin a chuirfear orthu siúd a sháraíonn rialacha an chomhbheartais iascaigh, ba cheart forálacha lena n-aithneofar na hiompraíochtaí arb ionann iad agus sáruithe tromchúiseacha ar na rialacha sin, ba cheart na forálacha sin a shoiléiriú agus a threisiú.

(77)

Chun bacadh éifeachtach in aghaidh na n-iompraíochtaí is díobhálaí a áirithiú, i gcomhréir le ceanglais idirnáisiúnta an Aontais, is gá liosta cuimsitheach a chur i dtoll a chéile de na sáruithe a meastar a bheith tromchúiseach gan beann ar dhálaí. Ina theannta sin, tá sáruithe eile ann ar rialacha an chomhbheartais iascaigh ar cheart a mheas gur sáruithe tromchúiseacha iad i gcás ina gcomhlíontar coinníollacha áirithe. Chun forfheidhmiú éifeachtach agus comhréireach, agus cur chuige comhchuibhithe ar fud an Aontais a áirithiú, is gá liosta uileghabhálach de chritéir a bhunú a bheidh le húsáid ag na húdaráis inniúla náisiúnta agus tromchúis na sáruithe sin á cinneadh acu.

(78)

Ba cheart sáruithe tromchúiseacha a bheith faoi réir smachtbhannaí riaracháin nó coiriúla atá éifeachtach, comhréireach agus athchomhairleach.

(79)

I gcás inar léir nach leor ábhar aon cheann de na critéir chun sárú tromchúiseach a mheas chun forfheidhmiú éifeachtach comhréireach rialacha an chomhbheartais iascaigh ag na Ballstáit agus ar fud na mBallstát a áirithiú, ba cheart an deis a bheith ag an gCoimisiún na critéir sin a oiriúnú, trí bhíthin gníomhartha tarmligthe. Agus an chumhacht a thugtar dó chun na critéir sin a leasú á feidhmiú aige, ba cheart don Choimisiún aird a thabhairt, go háirithe, ar chomhairle an ghrúpa saineolaithe maidir le comhlíonadh dá dtagraítear in Airteagal 37 de Rialachán (AE) Uimh. 1380/2013, nó ar thorthaí na tuarascála arna tarraingt suas ag an gCoimisiún faoi Airteagal 118(2) de Rialachán (CE) Uimh. 1224/2009. Níor cheart aon chritéir nua a chur le haon leasú mar sin agus níor cheart critéir a aisghairm ach amháin i gcásanna eisceachtúla ina bhfuil tásca soiléire ann go bhfuil gá leis sin chun forfheidhmiú éifeachtach agus comhréireach rialacha an chomhbheartais iascaigh ag na Ballstáit agus ar fud na mBallstát a áirithiú.

(80)

A mhéid a bhaineann le sáruithe tromchúiseacha, ba cheart do na Ballstáit foráil a dhéanamh do phionóis airgeadais riaracháin, gan dochar do smachtbhannaí iomchuí eile agus do bhearta tionlacain eile, agus ba cheart íosleibhéil a shocrú do na pionóis airgeadais riaracháin sin. De rogha air sin, ba cheart cead a bheith ag na Ballstáit foráil a dhéanamh maidir le rátaí caighdeánacha pionós airgeadais riaracháin, agus ba cheart leibhéil iomchuí do na rátaí caighdeánacha sin a shocrú. Ba cheart na híosleibhéil agus na rátaí caighdeánacha sin a bheith gan dochar do rogha na n-údarás inniúil imeacht ó na híosleibhéil sin i gcásanna aonair, i gcomhréir leis an dlí náisiúnta, chun imthosca sonracha aonair, airgeadais agus imthosca maolaitheacha eile an cháis a chur san áireamh, mar shampla an comhar le forfheidhmiú an dlí, aois an chiontóra nó cumas laghdaithe an chiontóra. Ba cheart cead a bheith ag na Ballstáit freisin, de rogha air sin, foráil a dhéanamh maidir le smachtbhannaí coiriúla éifeachtacha, comhréireacha agus athchomhairleacha agus a áirithiú ag an am céanna go mbeidh éifeacht choibhéiseach ag na smachtbhannaí sin leis na pionóis airgeadais riaracháin. Ba cheart an méid sin a bheith gan dochar do rogha na gcúirteanna na smachtbhannaí coiriúla a chinneadh i gcásanna aonair, i gcomhréir leis an dlí náisiúnta, agus imthosca sonracha aonair, airgeadais agus imthosca maolaitheacha eile an cháis a chur san áireamh.

(81)

Chun leibhéil chomhlíonta a mhéadú agus chun an dóchúlacht go ndéanfar sáruithe tromchúiseacha a laghdú, ba cheart do na Ballstáit córas pointí a chur i bhfeidhm agus pointí a shannadh do shealbhóirí ceadúnas iascaireachta agus máistrí soithí gabhála lena mbaineann i gcás sáruithe tromchúiseacha dearbhaithe. Níor cheart pointí a shannadh i gcás sáruithe ar shoithí nach bhfuil aon náisiúntacht acu, sáruithe a bhaineann le táirgí iascaigh nó dobharshaothraithe a chur ar fáil ar an margadh agus gnó a dhéanamh a bhaineann go díreach le hiascaireacht NNN, ná sáruithe a bhaineann le gníomhaíochtaí iascaireachta áineasa. Níor cheart pointí a shannadh ach oiread i gcás sárú a bhaineann le neamhchomhlíonadh na n-oibleagáidí maidir le sonraí a bhaineann le gníomhaíochtaí iascaireachta a thaifeadadh, a stóráil agus a thuairisciú go cruinn, mura bhfuil an sárú lena mbaineann infheidhme maidir le sealbhóir an cheadúnais iascaireachta nó maidir leis an máistir.

(82)

Chun éifeacht dhíspreagthach leanúnach an chórais pointí a áirithiú do shealbhóirí ceadúnais iascaireachta, ba cheart pointí arna sannadh a aistriú chuig sealbhóir nua an cheadúnais iascaireachta i gcás ina ndíoltar nó ina n-aistrítear an soitheach nó an ceadúnas iascaireachta nó ina n-athraítear úinéireacht an tsoithigh nó an cheadúnais iascaireachta ar bhealach eile tar éis dháta an tsáraithe, lena n-áirítear chuig oibreoir i mBallstát eile.

(83)

Chun cothrom iomaíochta a áirithiú do mháistrí, ba cheart an córas pointí do mháistrí a chomhchuibhiú agus a ailíniú leis an gcóras pointí do shealbhóirí ceadúnais. Dá réir sin, ba cheart do na Ballstáit bhrataí pointí a shannadh do mháistrí soithí gabhála a bhfuil a mbratach ar foluain acu i gcás ina bhfuil sárú tromchúiseach déanta acu faoi Rialachán (CE) Uimh. 1224/2009. Ina theannta sin, ba cheart an Ballstát ar náisiúnach de an máistir a chur ar an eolas faoi na pointí a sannadh don mháistir sin agus na pointí sin a thaifeadadh, i gcás ina mbeidh na pointí sin sannta ag Ballstát eile.

(84)

D’fhonn cothrom iomaíochta agus cultúr comhlíontachta a bhaint amach ar bhealach níos fearr laistigh den Aontas agus lasmuigh de, ba cheart cosc a chur ar mháistrí, a ndearnadh a gceart chun bheith i gceannas ar shoitheach iascaireachta a chur ar fionraí nó a tharraingt siar mar thoradh ar shannadh pointí, oibriú mar mháistir ar shoitheach iascaireachta de chuid an Aontais, go buan nó ar feadh thréimhse na fionraí. Ba cheart do na Ballstáit comhoibriú lena chéile chun na críche sin.

(85)

Ba cheart a áireamh ar sháruithe tromchúiseacha úsáid a bhaint as trealamh iascaireachta toirmiscthe nó modhanna iascaireachta toirmiscthe dá dtagraítear in Airteagal 7 de Rialachán (AE) 2019/1241 nó in aon rialacha coibhéiseacha eile de chuid an chomhbheartais iascaigh ina bhfuil toirmisc ghinearálta chomhchosúla ar úsáid trealaimh nó modhanna iascaireachta áirithe.

(86)

D’fhonn a áirithiú go gcomhlíonfar rialacha an chomhbheartais iascaigh maidir le hacmhainn iascaireachta, ba cheart a mheas gur sáruithe tromchúiseacha faoi na coinníollacha a leagtar amach i Rialachán (CE) Uimh. 1224/2009 iad gníomhaíochtaí áirithe lena ndéantar ionramháil ar inneall soithí, chun a gcumhacht a mhéadú, nó chun inneall cúbláilte a úsáid.

(87)

Chun comhlíonadh rialacha an chomhbheartais iascaigh a neartú agus chun feabhas a chur ar bhailiú sonraí, ba cheart idirdhealú a dhéanamh idir sáruithe tromchúiseacha arb é atá iontu sárú ar na rialacha maidir le corrlaigh lamháltais do logleabhair iascaireachta agus do dhearbhuithe trasloingsithe, mar a leagtar amach i Rialachán (CE) Uimh. 1224/2009, agus sáruithe tromchúiseacha eile arb é atá iontu mainneachtain oibleagáidí a chomhlíonadh maidir le sonraí a bhaineann le gníomhaíochtaí iascaireachta a thaifeadadh, a stóráil agus a thuairisciú go cruinn, bunaithe ar choinníollacha áirithe. Go háirithe, mura ndéantar aon ghabhálacha de speiceas atá faoi réir na hoibleagáide gabhálacha a thabhairt i dtír a thaifeadadh agus a thuairisciú, ba cheart go gcáileodh sin mar mhainneachtain thromchúiseach faoin gcatagóir dheireanach sin, ag brath ar thromchúis an chiona, a bheidh le cinneadh ag údaráis inniúla na mBallstát i gcomhréir le himthosca gach cáis, mar shampla, i gcás inarb infheidhme, sainiúlachtaí na n-iascach lena mbaineann. Chun na críche sin, ba cheart aird ar leith a thabhairt ar chineál agus ar mhéid an iompair, lena n-áirítear na gabhálacha foriomlána, ar chainníocht, ar chineál agus ar chion na ngabhálacha neamhthuairiscithe, lena n-áirítear i bhfianaise an chorrlaigh lamháltais is infheidhme, agus ar aon tásca go bhfuil rún acu dul timpeall ar na rialacha maidir le logleabhair iascaireachta nó dearbhuithe trasloingsithe a chomhlánú.

(88)

Is iomchuí a shonrú cé na gníomhaíochtaí, a dhéanann náisiúnaigh na mBallstát agus soithí iascaireachta de chuid an Aontais a mhéid a bhaineann le gabháil nó tacaíocht a thabhairt d’iascaireacht NNN, ar cheart dóibh a bheith ina sárú tromchúiseach. Chomh maith le hiompraíocht ar sárú tromchúiseach é ar na rialacha maidir le gníomhaíochtaí iascaireachta, ba cheart a mheas freisin gur sárú tromchúiseach é gnó a dhéanamh a bhaineann go díreach le hiascaireacht NNN, lena n-áirítear táirgí iascaigh a eascraíonn as iascaireacht NNN a allmhairiú nó a thrádáil, mar shampla ceannach na dtáirgí sin gan na doiciméid uile a cheanglaítear go dlíthiúil.

(89)

Foráiltear le hAirteagal 5 de Chairt um Chearta Bunúsacha an Aontais Eorpaigh agus le hAirteagal 4 den Choinbhinsiún Eorpach um Chearta an Duine nach bhfuil ar aon duine saothar éigeantais nó éigeantach a dhéanamh. Ina theannta sin, tá na Ballstáit uile ina bpáirtithe i gCoinbhinsiún na hEagraíochta Idirnáisiúnta Saothair (EIS) Uimh. 29 maidir le hObair Éigeantais, lena gceanglaítear go bhfuil baint neamhdhleathach an tsaothair éignithe nó éigeantaigh inphionóis le bheith mar chion pionóis agus go bhfuil sé le bheith faoi réir pionóis arna bhforchur le dlí atá an-leordhóthanach agus a chuirtear i bhfeidhm go docht. Thairis sin, tá sé contrártha le cuspóirí an chomhbheartais iascaigh gníomhaíochtaí iascaireachta a dhéanamh trí shaothar éignithe a úsáid, go háirithe go bhfuil gníomhaíochtaí iascaireachta le bainistiú ar bhealach atá comhsheasmhach leis na cuspóirí sochar sóisialta agus fostaíochta a bhaint amach agus go bhfuil siad le rannchuidiú le caighdeán cóir maireachtála dóibh siúd atá ag brath ar ghníomhaíochtaí iascaireachta. Baineann sé an bonn freisin ón gcothrom iomaíochta do tháirgí iascaigh agus dobharshaothraithe a mhargaítear san Aontas. Dá bhrí sin, ba cheart féachaint ar ghníomhaíochtaí iascaireachta le húsáid saothair éignithe mar shárú tromchúiseach, gan dochar d’aon smachtbhannaí coiriúla ar shaothar éignithe i gcomhréir le hoibleagáidí na mBallstát faoi Choinbhinsiún EIS Uimh. 29 maidir le hObair Éigeantais.

(90)

Eintitis náisiúnta atá i gceannas ar ghníomhaíochtaí rialaithe iascaigh mar aon le gach comhlacht breithiúnach ábhartha, ba cheart go mbeadh rochtain acu sin ar chlár náisiúnta maidir le sáruithe. Ina theannta sin, maidir le gníomhaíochtaí rialaithe, cuirfear feabhas ar a n-éifeachtacht agus déanfar a gcothromaíocht a áirithiú ach malartú faisnéise atá go hiomlán trédhearcach a bheith i gcláir náisiúnta idir na Ballstáit.

(91)

Faoi chomhaontuithe idirnáisiúnta, d’fhéadfadh laghdú ar chuóta an Aontais faoin gcomhaontú idirnáisiúnta sin a bheith mar thoradh ar ró-iascaireacht a dhéanann Ballstát. I gcás laghdú mar sin, ba cheart don Chomhairle, nuair a bheidh na deiseanna iascaireachta don stoc sin nó don ghrúpa stoc sin á leithdháileadh faoi Airteagal 43(3) den Chonradh ar Fheidhmiú an Aontais Eorpaigh (CFAE) agus faoi Airteagal 16 de Rialachán (AE) Uimh. 1380/2013, don bhliain a ndéanfar an laghdú sin ina leith agus, más gá, don bhliain dár gcionn, cuótaí na mBallstát a choigeartú sa chaoi nach mbeidh na Ballstáit sin nach ndearna ró-iascaireacht thíos leis an laghdú ar chuóta an Aontais.

(92)

Céim thábhachtach is ea bailíochtú chun a áirithiú gur iontaofa agus críochnaitheach iad na sonraí a bhaileoidh na Ballstáit de bhun Rialachán (CE) Uimh. 1224/2009. An tacar sonraí a bheidh le bailíochtú agus oibleagáidí na mBallstát i gcás neamhréireachtaí, ba cheart iad sin go léir a shoiléiriú.

(93)

Chun a gcuid dualgas faoi rialacha an chomhbheartais iascaigh a chomhlíonadh, ní foláir rochtain a bheith ag an gCoimisiún ar shonraí éagsúla arna mbailiú ag na Ballstáit. Ba cheart a áirithiú cé na sonraí ba cheart go mbeadh rochtain ag an gCoimisiún orthu agus cé na tascanna a bheidh le déanamh ag an gCoimisiún agus é ag baint úsáide as na sonraí sin.

(94)

Ina theannta sin, is mór chun sochair na heolaíochta a rachaidh na sonraí arna mbailiú ag na Ballstáit. Ba cheart a shoiléiriú go bhféadfar rochtain a sholáthar do chomhlachtaí eolaíocha neamhspleácha a aithnítear ar an leibhéal náisiúnta, Aontais nó idirnáisiúnta ar shonraí arna mbailiú i gcomhréir le Rialachán (CE) Uimh. 1224/2009, go háirithe maidir le sonraí suímh an tsoithigh agus maidir le sonraí faoi ghníomhaíocht iascaireachta. Sula n-aistreoidh siad na sonraí sin, ba cheart do na Ballstáit a mheas an féidir an taighde eolaíoch a dhéanamh ar bhonn sonraí a bhfuil ainm bréige nó anaithnidithe ag gabháil leo agus, más féidir, sonraí atá dí-aitheanta ar an mbealach sin a sholáthar do na comhlachtaí eolaíocha sin. Tá luach ag baint leis na sonraí maidir le gníomhaíochtaí iascaireachta arna mbailiú ag na Ballstáit freisin chun staidreamh a tháirgeadh, go háirithe ag Eurostat, ar cheart dó a bheith in ann na sonraí sin a úsáid chun staidreamh maidir le hiascaigh a sholáthar.

(95)

I gcomhréir leis an Ráiteas Comhpháirteach ó Pharlaimint na hEorpa, ó Chomhairle an Aontais Eorpaigh agus ón gCoimisiún Eorpach maidir le gníomhaireachtaí díláraithe an 19 Iúil 2012, i gcás gach gníomhaireachta, ba cheart meastóireacht arna coimisiúnú ag an gCoimisiún a dhéanamh gach cúig bliana. Ós rud é go bhfuil roinnt dúshlán iascaigh agus comhshaoil idirnasctha go mór, breithneoidh an Coimisiún, i gcomhthéacs na chéad mheastóireachta tréimhsiúla eile ar an nGníomhaireacht Eorpach Chomhshaoil (‘EEA’), conas feabhas a chur ar an gcomhar agus ar chomhroinnt ábhartha sonraí idir an Ghníomhaireacht Eorpach um Rialú ar Iascach(‘an Ghníomhaireacht’) agus EEA agus an fhormáid ina bhféadfaí comhar feabhsaithe mar sin a chur ar bhonn foirmiúil, lena n-áirítear, más gá, trí aon togra reachtach ábhartha nó bearta eile a chur isteach chun na críche sin.

(96)

Ó tharla an malartú sonraí idir na Ballstáit a bheith ríthábhachtach chun oibleagáidí faoi rialacha an chomhbheartais iascaigh a rialú agus a fhorfheidhmiú, ba cheart na forálacha a bhaineann leis na malartuithe sin a shoiléiriú.

(97)

Chun go mbeidh an Coimisiún in ann na sonraí maidir le gabhálacha arna soláthar ag na Ballstáit a bhailíochtú agus chun a oibleagáidí a chomhlíonadh i gcomhthéacs comhaontuithe idirnáisiúnta, ba cheart do na Ballstáit sonraí maidir le gníomhaíocht soithí iascaireachta a bhfuil a mbratach ar foluain acu a chur ar fáil don Choimisiún trí bhíthin malartú leictreonach díreach.

(98)

D’fhéadfadh sé go mbeadh sonraí pearsanta mar chuid de thacar na sonraí arna mbailiú ag na Ballstáit ar cheart go mbeadh rochtain ag an gCoimisiún orthu, mar shampla sonraí faoi ghníomhaíocht iascaireachta, sonraí maidir le rialú, agus sonraí maidir le sáruithe. Ó tharla go bhféadfaí, le sainaitheantóir uathúil an turais iascaireachta, le hainm an tsoithigh iascaireachta nó, i gcás iascaireacht gan soitheach, sainaitheantóir uathúil an lae iascaireachta, go sainaithneofaí daoine nádúrtha mar shampla úinéir nó máistir soithigh iascaireachta ar leith, i gcúinsí áirithe d'fhéadfaí na sonraí sin a áireamh mar shonraí pearsanta.

(99)

Tá Rialacháin (AE) 2016/679 (19) agus (AE) 2018/1725 (20) ó Pharlaimint na hEorpa agus ón gComhairle, agus i gcás próiseáil áirithe sonraí pearsanta, na forálacha náisiúnta lena dtrasuitear Treoir (AE) 2016/680 ó Pharlaimint na hEorpa agus ón gComhairle (21), infheidhme nuair a dhéantar sonraí pearsanta a phróiseáil i gcomhthéacs Rialacháin (CE) Uimh. 1005/2008 agus (CE) Uimh. 1224/2009 agus Rialachán (AE) 2019/473 ó Pharlaimint na hEorpa agus ón gComhairle (22), agus ba cheart a áirithiú go gcomhlíontar na hoibleagáidí a bhaineann le cosaint sonraí pearsanta i gcónaí agus ar gach leibhéal.

(100)

Is gá sonraí pearsanta atá san fhaisnéis a bhailítear faoi Rialachán (CE) Uimh. 1224/2009 a phróiseáil chun a áirithiú go ndéanfar rialacha agus cuspóirí an chomhbheartais iascaigh a chur chun feidhme agus a chomhlíonadh go héifeachtach. Go háirithe, chun críche faireachán a dhéanamh ar dheiseanna iascaireachta, lena n-áirítear glacadh cuótaí, comhlíonadh beart bainistíochta agus caomhnaithe eile a áirithiú, faireachán a dhéanamh ar ghníomhaíochtaí iascaireachta, nó measúnú a dhéanamh lena gceadaítear rialú rioscabhunaithe, ní mór do na Ballstáit sonraí suímh an tsoithigh, logleabhair iascaireachta, dearbhuithe maidir le gabhálacha a thabhairt i dtír, nótaí díolacháin agus sonraí eile gníomhaíochta iascaireachta a phróiseáil chun bailíochtú agus tras-seiceálacha a dhéanamh. Tá sé sin riachtanach chun a áirithiú go bhfuil na sonraí arna gcur isteach ag oibreoirí iomlán agus cruinn agus go gcomhlíonann oibreoirí rialacha an chomhbheartais iascaigh. Chun cur i bhfeidhm rialacha an chomhbheartais iascaigh a rialú agus a mheas trí fhíoruithe, cigireachtaí nó iniúchtaí agus chun faireachán a dhéanamh ar ghníomhaíochtaí rialaithe na mBallstát, ba cheart rochtain a bheith ag an gCoimisiún nó ag an gcomhlacht arna ainmniú aige ar shonraí i dtuarascálacha na mbreathnóirí cigireachta agus rialaithe agus ar shonraí a bhaineann le sáruithe agus a bheith in ann iad a phróiseáil de bhreis ar shonraí gníomhaíochta iascaireachta. Thairis sin, i gcomhthéacs ullmhúchán agus faireachán a dhéanamh ar chomhlíonadh na gcomhaontuithe idirnáisiúnta agus beart caomhnuithe, ba cheart an Coimisiún a bheith in ann próiseáil a dhéanamh, nuair is gá, ar shonraí maidir le gníomhaíochtaí iascaireachta soithí iascaireachta de chuid an Aontais laistigh d'uiscí an Aontais, lena n-áirítear sainaitheantóirí na soithí, agus ainmneacha úinéir an tsoithigh agus mháistir an tsoithigh. D’fhéadfadh próiseáil sonraí gníomhaíochta iascaireachta a bheith riachtanach freisin chun cearta iascaireachta soithí iascaireachta aonair, na mBallstát nó an Aontais a chruthú, a chosaint nó a bhunú.

(101)

Níor cheart do na Ballstáit, don Choimisiún ná don chomhlacht arna ainmniú ag an gCoimisiún sonraí pearsanta a stóráil go ceann tréimhse níos faide ná mar is gá chun na críocha ar chucu is gá sonraí pearsanta a phróiseáil a bhaint amach. Chuige sin, ba cheart uastréimhsí coinneála le haghaidh sonraí pearsanta a phróiseáiltear faoi chuimsiú Rialachán (CE) Uimh. 1224/2009 a bhunú.

(102)

Chun a bheith in ann na cúraimí a leagtar amach i Rialachán (CE) Uimh. 1224/2009 a dhéanamh, ba cheart an Coimisiún, an chomhlacht arna ainmniú ag an gCoimisiún agus na Ballstáit a bheith in ann sonraí pearsanta atá san fhaisnéis arna mbailiú faoin Rialachán sin a choinneáil, i gcás inar gá, ar feadh tréimhse suas le 5 bliana tar éis dóibh na sonraí ábhartha a fháil. Déanann na Ballstáit sonraí a bhailíochtú sna blianta roimhe sin chun sonraí a fhíorú agus a cheartú d’fhonn sonraí iomlána cruinne a áirithiú. Déanann na Ballstáit measúnú freisin ar shonraí ó na blianta roimhe sin chun bainistiú riosca a dhéanamh. Ní mór don Choimisiún faireachán agus meastóireacht a dhéanamh ar chur chun feidhme an chomhbheartais iascaigh ag na Ballstáit, agus chun na críche sin ní mór dó scrúdú a dhéanamh ar shonraí arna mbailiú faoi Rialachán (CE) Uimh. 1224/2009 a bhaineann le roinnt blianta roimhe sin, mar shampla nuair a dhéantar iniúchtaí agus fíoruithe.

(103)

Mar sin féin, i gcás obair leantach i dtaca le sháruithe, cigireachtaí, fíoruithe, gearáin nó iniúchtaí, nó i gcás imeachtaí breithiúnacha nó riaracháin atá ar siúl i gcónaí, ba cheart na Ballstáit agus an Coimisiún a bheith in ann sonraí áirithe a choinneáil go dtí deireadh na n-imeachtaí riaracháin nó breithiúnacha lena mbaineann nó go dtí an t-am is gá chun smachtbhannaí a chur i bhfeidhm mar gheall ar an ngá atá leis na sonraí sin a úsáid le linn na tréimhse iomláine ina bhfuil na himeachtaí sin ar siúl i gcónaí agus chun smachtbhannaí a chur i bhfeidhm, mar shampla an córas pointí.

(104)

Ina theannta sin, chun a bheith in ann fianaise a sholáthar maidir le gníomhaíochtaí iascaireachta soithí de chuid an Aontais, mar shampla i gcás inar gá chun a léiriú go bhfuil oibleagáidí an Aontais agus na mBallstát faoi chomhaontuithe idirnáisiúnta á gcomhlíonadh nó chun tacú le héilimh ar chearta stairiúla nó ar chearta iascaireachta eile, ba cheart na Ballstáit a bheith in ann taifid ar shonraí ó na gníomhaíochtaí iascaireachta a choimeád ar feadh tréimhse suas le 10 mbliana.

(105)

Tá gá le sonraí áirithe a bhaineann le gníomhaíochtaí iascaireachta roimhe seo chun críocha meastóireachtaí ar bheartais agus measúnuithe tionchair chomh maith le taighde eolaíoch agus comhairle eolaíoch, atá mar bhonn ag bainistiú gníomhaíochtaí iascaireachta agus caomhnú acmhainní bitheolaíocha na mara faoin gcomhbheartas iascaigh. De ghnáth bíonn peirspictíocht níos fadtéarmaí agus anailís ar shonraí thar na blianta de dhíth ar threochtaí agus ar phatrúin i bhforbairt acmhainní bitheolaíocha na muirí. Dá bhrí sin, ba cheart na Ballstáit a bheith in ann sonraí pearsanta áirithe a choinneáil ar feadh tréimhse suas le 25 bliana chun gur féidir anailís a dhéanamh ar thionchar na ngníomhaíochtaí iascaireachta ar acmhainní bitheolaíocha na mara agus ar an gcomhshaol thar thréimhsí níos faide.

(106)

I gcomhréir le hAirteagal 25 de Rialachán (AE) 2016/679, ní mór do rialaitheoirí bearta iomchuí teicniúla agus eagraíochtúla a chur chun feidhme lena n-áirithítear cosaint sonraí trí dhearadh agus mar réamhshocrú. Ba cheart na prionsabail maidir le cosaint sonraí a chomhlíonadh agus na rialacha mionsonraithe maidir le ceanglais, sonraíochtaí teicniúla, suiteáil agus feidhmiú na gcóras CFL, lena n-áirítear CCTV, á leagan síos. Go háirithe, ba cheart na córais sin a dhearadh agus a chur chun feidhme sa chaoi go n-eisiafar, a mhéid is féidir, íomhánna agus sainaithint daoine nádúrtha ar ábhar físe taifeadta a fhaightear ó chianchórais leictreonacha, agus ba cheart coimircí a sholáthar i gcás, go heisceachtúil, ina mbraitear an tsainaithint sin.

(107)

Ba cheart soiléiriú a dhéanamh ar oibleagáidí na mBallstát agus an Choimisiúin i ndáil le faisnéis atá cumhdaithe ag rúndacht ghairmiúil agus tráchtála, faisnéis a bhailítear, a chuirtear ar fáil agus a tharchuirtear faoi chuimsiú Rialachán (CE) Uimh. 1224/2009. Níor cheart an fhaisnéis sin a tharchur ach chuig daoine seachtrach ó na Ballstáit, ón gCoimisiún nó an comhlacht arna ainmniú ag an gCoimisiún a gceanglaíonn a bhfeidhmeanna orthu an rochtain sin a bheith acu, le toiliú an Bhallstáit nó na hinstitiúide a sholáthar an fhaisnéis. I gcás ina ndiúltaítear an toiliú sin a thabhairt, ba cheart na cúiseanna maidir leis an diúltú a sholáthar.

(108)

Le Rialachán (CE) Uimh. 1224/2009 tugtar cumhachtaí don Choimisiún chun cuid de na forálacha sa Rialachán sin a chur chun feidhme.

(109)

De bharr theacht i bhfeidhm Chonradh Liospóin, ní mór na cumhachtaí arna dtabhairt le Rialachán (CE) Uimh. 1224/2009 a ailíniú le hAirteagal 290 agus le hAirteagal 291 CFAE.

(110)

An chumhacht chun gníomhartha a ghlacadh i gcomhréir le hAirteagal 290 CFAE, ba cheart an chumhacht sin a tharmligean chuig an gCoimisiún chun Rialachán (CE) Uimh. 1224/2009 a chomhlánú le rialacha sonracha lena rialaítear rialú, i ndáil leis na nithe seo a leanas:

Chomh maith leis sin, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun an liosta critéar a leagtar síos in Iarscríbhinn IV a ghabhann le Rialachán (CE) Uimh. 1224/2009 a leasú.

Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (23). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(111)

Chun coinníollacha comhionanna a áirithiú le haghaidh cur chun feidhme Rialachán (CE) Uimh. 1224/2009, ba cheart cumhachtaí cur chun feidhme a thabhairt don Choimisiún maidir leis an méid seo a leanas:

Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (24).

(112)

De bharr theacht i bhfeidhm Chonradh Liospóin, ní mór roinnt forálacha lena dtugtar cumhachtaí cinnteoireachta don Chomhairle amháin a oiriúnú lena gcur i gcomhréir leis na nósanna imeachta nua is infheidhme maidir leis an gcomhbheartas iascaigh. Dá bhrí sin ba cheart na forálacha de Rialachán (CE) Uimh. 1224/2009 a athdhréachtú maidir leis na gnéithe seo a leanas: tairsí gabhálacha a ghlacadh i ngach plean ilbhliantúil nach mór calafort ainmnithe nó áit ina dtugtar gabhálacha i dtír a úsáid má théitear os a cionn agus a mhinice a tharchuirtear sonraí; agus scéim breathnóirí rialaithe a bhunú.

(113)

Ba cheart, dá bhrí sin, Rialachán (CE) Uimh. 1224/2009 a leasú dá réir sin.

(114)

Ar mhaithe le comhsheasmhacht a áirithiú le raon feidhme Rialachán (CE) Uimh. 1224/2009, ba cheart cuspóirí Rialachán (AE) 2019/473 a mhéadú. Ba cheart go gcumhdófaí le misean na Gníomhaireachta comhchuibhiú maidir le cur i bhfeidhm rialacha an chomhbheartais iascaigh. Ba cheart go gcuimseofaí leis taighde agus forbairt i réimse na dteicnící rialaithe agus cigireachta, lena n-áirítear, i gcomhar leis na Ballstáit, scéimeanna píolótacha a fhorbairt, agus cúnamh a chur ar fáil don Choimisiún i réimsí sonracha.

(115)

Ba cheart a áirithiú go gcomhlíonann an Ghníomhaireacht sa chreat a bhaineann le próiseáil agus malartú sonraí na hoibleagáidí maidir le sonraí pearsanta mar a leagtar síos i Rialachán (AE) 2018/1725.

(116)

Ba cheart go mbeadh an deis ag Bord Riaracháin na Gníomhaireachta cuireadh a thabhairt d’ionadaithe ó institiúidí ábhartha an Aontais páirt a ghlacadh ina chruinnithe.

(117)

Ba cheart forálacha de Rialachán (AE) 2019/473 maidir le comhdhéanamh Bhord Riaracháin na Gníomhaireachta a leasú chun foráil a dhéanamh i ndáil le hionadaí amháin ó Pharlaimint na hEorpa a áireamh, i gcomhréir leis an gCur Chuige Coiteann atá i gceangal leis an Ráiteas Comhpháirteach ó Pharlaimint na hEorpa, ón gComhairle agus ón gCoimisiún an 19 Iúil 2012 maidir le gníomhaireachtaí díláraithe. Ba cheart go mbeadh an cuimsiú sin gan dochar do ról Pharlaimint na hEorpa maidir le hurscaoileadh i ndáil le cur chun feidhme bhuiséad na Gníomhaireachta. Ba cheart comhaltaí uile an Bhoird Riaracháin a cheapadh ar bhonn a dtaithí ábhartha agus a saineolais i réimse an rialaithe agus na cigireachta iascaigh, agus níor cheart go mbeadh aon choinbhleacht leasa dhíreach nó indíreach acu a d’fhéadfaí a mheas a bheith dochrach dá neamhspleáchas. Níor cheart go mbeadh ceart vótála ach ag ionadaithe na mBallstát agus ag an gCoimisiún.

(118)

Ba cheart don Ghníomhaireacht rannchuidiú le cur chun feidhme an Bheartais Muirí Comhtháite don Aontas Eorpach. Chun na críche sin, ba cheart an Ghníomhaireacht a bheith in ann comhaontuithe riaracháin a thabhairt i gcrích le comhlachtaí eile an Aontais a bhfuil baint acu freisin le cur chun feidhme an bheartais sin.

(119)

Ba cheart a shoiléiriú go bhfuil an dréacht-dhoiciméad clársceidealaithe aonair arna ullmhú ag Stiúrthóir feidhmiúcháin na Gníomhaireachta le cur faoi bhráid an Bhoird Riaracháin.

(120)

Chun críoch clársceidealú comhsheasmhach a áirithiú agus chun Rialachán (AE) 2019/473 a ailíniú le Rialachán Tarmligthe (AE) 2019/715 ón gCoimisiún (25), ba cheart don Ghníomhaireacht doiciméad clársceidealaithe aonair a tharraingt suas ina mbeidh an clársceidealú bliantúil agus ilbhliantúil ann.

(121)

Ba cheart a shoiléiriú gur cheart a cheadú don Ghníomhaireacht maoiniú a ghlacadh i bhfoirm comhaontuithe tarmligin nó deontais ad-hoc gan dochar do chineálacha eile ioncaim.

(122)

Ba cheart na forálacha maidir leis an meastóireacht thréimhsiúil a dhéantar ar an nGníomhaireacht ag an gCoimisiún a shoiléiriú agus a ailíniú leis an gcur chuige Coiteann atá i gceangal leis an Ráiteas Comhpháirteach ó Pharlaimint na hEorpa, ón gComhairle agus ón gCoimisiún an 19 Iúil 2012 maidir le gníomhaireachtaí díláraithe. Ba cheart do na Ballstáit agus don Ghníomhaireacht an fhaisnéis is gá a sholáthar don Choimisiún chun an mheastóireacht sin a chur ar fáil. Chun críocha na meastóireachta sin, ba cheart don Choimisiún ionchur a lorg ó na geallsealbhóirí ábhartha uile freisin. Agus téarmaí tagartha na meastóireachta á mbunú aige, ba cheart don Choimisiún dul i gcomhairle le Bord Riaracháin na Gníomhaireachta.

(123)

Ba cheart, dá bhrí sin, Rialachán (AE) 2019/473 a leasú dá réir sin.

(124)

Chun comhsheasmhacht idir forálacha rialaithe a áirithiú, ba cheart Rialachán (CE) Uimh. 1967/2006 ón gComhairle (26) agus Rialachán (AE) 2016/1139 ó Pharlaimint na hEorpa agus ón gComhairle (27) a leasú. Ba cheart, go háirithe, na forálacha a bhaineann le hiascach áineasa a rialú, an trasloingsiú agus clárú gabhálacha a thaifeadadh agus a thuairisciú mar a leagtar amach i Rialachán (CE) Uimh. 1967/2006 agus na forálacha a bhaineann le logleabhair iascaireachta mar a leagtar amach i Rialachán (AE) 2016/1139 é a scriosadh agus ba cheart go mbeidh feidhm le forálacha ábhartha i Rialachán (CE) Uimh. 1224/2009 ina n-ionad. Thairis sin, ba cheart na forálacha a bhaineann leis an gcorrlach lamháltais i meastacháin arna dtaifeadadh sa logleabhar iascaireachta mar a leagtar amach i Rialachán (AE) 2016/1139 a leasú.

(125)

Tá an scéim deimhniúcháin gabhála, mar a leagtar amach i gCaibidil III de Rialachán (CE) Uimh. 1005/2008, páipéarbhunaithe agus de thoradh níl sí éifeachtach agus níl sí i gcomhréir le córas inrianaitheachta digitithe le haghaidh táirgí iascaigh. I gcomhréir le gealltanais idirnáisiúnta agus chun cur chun feidhme éifeachtach na scéime a áirithiú, ba cheart Rialachán (CE) Uimh. 1005/2008 a leasú chun bunachar a bhunú chun deimhnithe gabhála a bhainistiú (CATCH) agus doiciméid ghaolmhara bunaithe ar an gCóras TRACES dá dtagraítear i Rialachán (AE) 2017/625 ó Pharlaimint na hEorpa agus ón gComhairle (28), lena gceadófaí rialaithe rioscabhunaithe, i dtreo is go laghdófaí ar na deiseanna allmhairí a thabhairt isteach go calaoiseach agus go laghdófaí ar an ualach riaracháin do na Ballstáit.

(126)

Chun coinníollacha aonfhoirmeacha a áirithiú maidir le cur chun feidhme Rialachán (CE) Uimh. 1005/2008, le go gceadófaí, go háirithe, bainistiú comhtháite, ionramháil, stóráil agus malartú faisnéise agus doiciméad a bhaineann le seiceálacha, fíoruithe, rialú agus gníomhaíochtaí oifigiúla ábhartha eile a bhaineann le hallmhairiú agus onnmhairiú táirgí iascaigh dá bhforáiltear i Rialachán (CE) Uimh. 1005/2008, ba cheart cumhachtaí cur chun feidhme a thabhairt don Choimisiún maidir le feidhmiú agus forbairt CATCH, bunaithe ar an gCóras TRACES.

(127)

Ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun Rialachán (CE) Uimh. 1005/2008 a fhorlíonadh trí na coinníollacha maidir le haon díolúine i ndáil le cur chun feidhme CATCH.

(128)

Chun inrianaitheacht táirgí iascaigh atá dírithe ar mhargadh an Aontais a mhéadú, ba cheart ceanglais shonracha maidir le coinsíneachtaí atá roinnte a thabhairt isteach faoin scéim deimhniúcháin gabhála. Ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun Rialachán (CE) Uimh. 1005/2008 a fhorlíonadh trí theimpléad de dhoiciméad a fhorbairt chun rialú de na ceanglais sin a chomhchuibhiú.

(129)

Chun na bearta i gcoinne tríú tíortha neamh-chomhoibríocha a neartú maidir le hiascaireacht NNN a chomhrac, ba cheart toirmeasc a chur oibreoirí an Aontais ar úinéireacht, lena n-áirítear mar úinéir tairbhiúil mar a shainmhínítear in Airteagal 3, pointe (6), de Threoir (AE) 2015/849 ó Pharlaimint na hEorpa agus ón gComhairle (29) ar oibriú ar bhainistiú soithí iascaireachta a bhfuil bratach na dtríú tíortha sin ar foluain acu a oibriú nó a bhainistiú. Ina theannta sin, ba cheart toirmeasc a chur ar rochtain ar sheirbhísí calafoirt agus gabhálacha a thabhairt i dtír nó oibríochtaí trasloingsithe i gcalafoirt an Aontais ag soithí iascaireachta a bhfuil bratach na dtríú tíortha sin ar foluain acu.

(130)

Chun comhsheasmhacht a áirithiú i measc ionstraimí dlí an Aontais lena rialaítear rialú ar iascach, ba cheart forálacha maidir le sáruithe tromchúiseacha, bearta forfheidhmiúcháin láithreacha, smachtbhannaí agus smachtbhannaí coimhdeacha mar a leagtar amach i Rialachán (CE) Uimh. 1005/2008 a scriosadh agus i gcás inar gá, iad a aistriú go Rialachán (CE) Uimh. 1224/2009, arb é an phríomhionstraim dlí i réimse an rialaithe iascaigh. Ba cheart, dá bhrí sin, tagairt a dhéanamh i Rialachán (CE) Uimh. 1005/2008 d’fhorálacha maidir le sáruithe tromchúiseacha, bearta forfheidhmiúcháin láithreacha, smachtbhannaí agus smachtbhannaí coimhdeacha a luaitear i Rialachán (CE) Uimh. 1224/2009.

(131)

Ba cheart, dá bhrí sin, Rialachán (CE) Uimh. 1005/2008 a leasú dá réir sin.

(132)

Ós rud é go leagtar síos rialacha maidir le trasloingsiú lasmuigh den Aontas i Rialachán (CE) Uimh. 1224/2009, tá Caibidil VI de Theideal II de Rialachán (AE) 2017/2403, lena leagtar síos rialacha maidir le trasloingsiú ar an mórmhuir agus faoi údarú díreach, iomarcach anois agus ba cheart í a scriosadh. Ba cheart, dá bhrí sin, Rialachán (AE) 2017/2403 a leasú dá réir sin.

(133)

Maidir leis na leasuithe a thugtar isteach leis an Rialachán sin, tá raon ó mhionleasuithe go mórathruithe i gceist agus tá gá le tréimhsí éagsúla chun ullmhú do chur i bhfeidhm na rialacha nua. Dá bhrí sin, ba cheart idirdhealú a dhéanamh idir dátaí chur i bhfeidhm na leasuithe sin agus ba cheart iad a bheith leordhóthanach chun ullmhú do chur i bhfeidhm na rialacha sin. Thairis sin, ba cheart forálacha idirthréimhseacha áirithe a bhfuil gá leo chun aistriú rianúil chuig na rialacha nua a áirithiú a thabhairt isteach.

(134)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé a thuairim uaidh an 18 Iúil 2018,

(1)

leasaítear Airteagal 4 mar a leanas:

(2)

leasaítear Airteagal 5 mar a leanas:

(3)

cuirtear an méid seo a leanas in ionad Airteagal 6 agus Airteagal 7:

(4)

cuirtear isteach an tAirteagal seo a leanas:

(5)

leasaítear Airteagal 8 mar a leanas:

(6)

cuirtear an méid seo a leanas in ionad Airteagal 9:

(*6)  Rialachán (AE) 2017/2403 ó Pharlaimint na hEorpa agus ón gComhairle an 12 Nollaig 2017 maidir le bainistiú inbhuanaithe a dhéanamh ar chabhlaigh iascaireachta sheachtracha, agus lena n-aisghairtear Rialachán (CE) Uimh. 1006/2008 ón gComhairle (IO L 347, 28.12.2017, lch. 81).’."

(7)

cuirtear isteach an tAirteagal seo a leanas:

(9)

cuirtear an méid seo a leanas in ionad Airteagal 12:

(10)

cuirtear an méid seo a leanas in ionad Airteagal 13:

(11)

cuirtear an méid seo a leanas in ionad Airteagal 14:

(12)

cuirtear an méid seo a leanas in ionad Airteagal 15:

(13)

cuirtear isteach na hAirteagail seo a leanas:

(14)

scriostar Airteagal 16.

(15)

leasaítear Airteagal 17 mar a leanas:

(16)

scriostar Airteagal 18.

(17)

cuirtear an méid seo a leanas in ionad Airteagal 19:

(18)

cuirtear isteach an tAirteagal seo a leanas:

(19)

leasaítear Airteagal 20 mar a leanas:

(20)

cuirtear an méid seo a leanas in ionad Airteagal 21:

(21)

cuirtear an méid seo a leanas in ionad Airteagail 22, 23 agus 24:

(22)

scriostar Airteagal 25.

(23)

leasaítear Airteagal 26 mar a leanas:

(24)

in Airteagal 27, cuirtear na focail ‘soithigh gabhála de chuid an Aontais’ in ionad na bhfocal ‘soithigh iascaireachta’.

(25)

scriostar Airteagal 28.

(26)

leasaítear Airteagal 29 mar a leanas:

(27)

leasaítear Airteagal 30 mar a leanas:

(28)

cuirtear an méid seo a leanas in ionad Airteagal 31:

(29)

scriostar Airteagal 32.

(30)

cuirtear an méid seo a leanas in ionad Airteagal 33:

(*8)  Rialachán (AE) 2017/1004 ó Pharlaimint na hEorpa agus ón gComhairle an 17 Bealtaine 2017 maidir le creat Aontais a bhunú maidir le bailiú, bainistiú agus úsáid sonraí in earnáil an iascaigh agus maidir le tacaíocht a thabhairt do chomhairle eolaíochta a mhéid a bhaineann leis an gComhbheartas Iascaigh agus lena n-aisghairtear Rialachán (CE) Uimh. 199/2008 ón gComhairle (IO L 157, 20.6.2017, lch. 1).’."

(31)

cuirtear an méid seo a leanas in ionad Airteagal 34:

(32)

leasaítear Airteagal 35 mar a leanas:

(33)

in Airteagal 36, cuirtear an méid seo a leanas in ionad mhír 2:

(34)

leasaítear Airteagal 37 mar a leanas:

(35)

i dTeideal IV, cuirtear an méid seo a leanas in ionad theideal Chaibidil II:

‘ Caibidil II

An acmhainn iascaireachta a rialú ’.

(36)

cuirtear an méid seo a leanas in ionad Airteagal 38:

(37)

i gCaibidil II de Theideal IV, cuirtear an méid seo a leanas in ionad an teidil ar Roinn 2:

‘ROINN 2

CUMHACHT INNILL AGUS TONNÁISTE’.

(38)

leasaítear Airteagal 39 mar a leanas:

(39)

cuirtear isteach an tAirteagal seo a leanas:

(40)

leasaítear Airteagal 40 mar a leanas:

(41)

cuirtear an méid seo a leanas in ionad Airteagal 41:

(*9)  Treoir 2009/15/CE ó Pharlaimint na hEorpa agus ón gComhairle an 23 Aibreán 2009 maidir le rialacha comhchoiteanna agus caighdeáin chomhchoiteanna d’eagraíochtaí cigireachta agus suirbhéireachta loinge agus maidir le gníomhaíochtaí ábhartha lucht riaracháin muirí (IO L 131, 28.5.2009, lch. 47)."

(42)

cuirtear isteach an tAirteagal seo a leanas:

(43)

leasaítear Airteagal 42 mar a leanas:

(44)

leasaítear Airteagal 43 mar a leanas:

(45)

cuirtear an méid seo a leanas in ionad Airteagal 44:

(46)

scriostar Airteagail 45 agus 46.

(47)

leasaítear Airteagal 48 mar a leanas:

(48)

leasaítear Airteagal 49 mar a leanas:

(49)

cuirtear an méid seo a leanas in ionad Airteagal 50:

(50)

cuirtear an chaibidil seo a leanas isteach i ndiaidh Airteagal 54c:

‘ Caibidil Iva

Rialú iascaireachta gan soitheach

(51)

cuirtear an méid seo a leanas in ionad Airteagal 55:

(52)

cuirtear an méid seo a leanas in ionad Theideal V:

‘ TEIDEAL V

RIALÚ SA tSLABHRA SOLÁTHAIR ’.

(53)

i dTeideal V, cuirtear an méid seo a leanas in ionad Caibidil I:

‘ Caibidil I

Forálacha Ginearálta

(*10)  Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1)."

(*11)  Rialachán (CE) Uimh. 178/2002 ó Pharlaimint na hEorpa agus ón gComhairle an 28 Eanáir 2002 lena leagtar síos prionsabail agus ceanglais ghinearálta dhlí an bhia, lena mbunaítear an tÚdarás Eorpach um Shábháilteacht Bia agus lena leagtar síos nósanna imeachta i dtaca le sábháilteacht bia (IO L 31, 1.2.2002, lch. 1).’."

(54)

in Airteagal 59, cuirtear an méid seo a leanas in ionad mhíreanna 2 agus 3:

(55)

cuirtear an méid seo a leanas in ionad Airteagal 60:

(56)

cuirtear isteach an tAirteagal seo a leanas:

(57)

scriostar Airteagal 61.

(58)

cuirtear an méid seo a leanas in ionad Airteagal 62:

(*12)  Treoir 2006/112/CE ón gComhairle an 28 Samhain 2006 maidir leis an gcóras comhchoiteann cánach breisluacha (IO L 347, 11.12.2006, lch. 1)’."

(59)

scriostar Airteagal 63.

(60)

cuirtear an méid seo a leanas in ionad Airteagail 64, 65 agus 66:

(61)

scriostar Airteagal 67.

(62)

cuirtear an méid seo a leanas in ionad Airteagal 68:

(63)

scriostar Caibidil III de Theideal V.

(64)

leasaítear Airteagal 71 mar a leanas:

(65)

leasaítear Airteagal 73 mar a leanas:

(66)

i dTeideal VII, cuirtear an méid seo a leanas in ionad Caibidil I:

‘ Caibidil I

Forálacha Ginearálta

(67)

in Airteagal 80, leasaítear mír 4 mar a leanas: