Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32023R1147

Rialachán Cur Chun Feidhme (AE) 2023/1147 ón gComhairle an 12 Meitheamh 2023 lena gcuirtear chun feidhme Airteagal 12 de Rialachán (AE) Uimh. 356/2010 lena bhforchuirtear bearta sriantacha sonracha áirithe a dhírítear i gcoinne daoine nádúrtha nó dlítheanacha, eintitis nó comhlachtaí áirithe i bhfianaise na staide sa tSomáil

ST/10153/2023/ADD/1

IO L 151I, 12.6.2023, p. 1–3 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2023/1147/oj

12.6.2023   

GA

Iris Oifigiúil an Aontais Eorpaigh

LI 151/1

RIALACHÁN CUR CHUN FEIDHME (AE) 2023/1147 ÓN gCOMHAIRLE

an 12 Meitheamh 2023

lena gcuirtear chun feidhme Airteagal 12 de Rialachán (AE) Uimh. 356/2010 lena bhforchuirtear bearta sriantacha sonracha áirithe a dhírítear i gcoinne daoine nádúrtha nó dlítheanacha, eintitis nó comhlachtaí áirithe i bhfianaise na staide sa tSomáil

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 356/2010 ón gComhairle an 26 Aibreán 2010 lena bhforchuirtear bearta sriantacha sonracha áirithe a dhírítear i gcoinne daoine nádúrtha nó dlítheanacha, eintitis nó comhlachtaí áirithe i bhfianaise na staide sa tSomáil (1), agus go háirithe Airteagal 12 de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)

An 26 Aibreán 2010, ghlac an Chomhairle Rialachán (AE) Uimh. 356/2010.

(2)

An 26 Bealtaine 2023, chuir Coiste Chomhairle Slándála na Náisiún Aontaithe arna bhunú de bhun Rún 751 (1992) ó Chomhairle Slándála na Náisiún Aontaithe duine amháin le liosta na ndaoine agus na n-eintiteas atá faoi réir bearta sriantacha.

(3)

Ba cheart, dá bhrí sin, Rialachán (AE) Uimh. 356/2010 a leasú dá réir,

TAR ÉIS AN RIALACHÁN SEO A GHLACADH:

Airteagal 1

Leasaítear Iarscríbhinn I a ghabhann le Rialachán (AE) Uimh. 356/2010 i gcomhréir leis an Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm ar dháta a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh i Lucsamburg, an 12 Meitheamh 2023.

Thar ceann na Comhairle

An tUachtarán

J. PEHRSON

(1)  IO L 105, 27.4.2010, lch 1.

IARSCRÍBHINN

Cuirtear an duine seo le liosta na ndaoine agus na n-eintiteas a leagtar amach i roinn ‘I. Daoine’ in Iarscríbhinn I a ghabhann le Rialachán (AE) Uimh. 356/2010:

I.   Daoine

‘22.

Abdullahi Osman Mohamed Caddow (ailias: a) Cabdullahi Cusman Maxamed Caddow b) Dhagacade c) Faracade d) Injineer Ismaaciil e) Eng. Ismail).

Dáta breithe: 1983

Náisiúntacht: an tSomáil

Seoladh: an tSomáil

Dáta ainmniúcháin na Náisiún Aontaithe: an 26 Bealtaine 2023

Inscne: fireann

Faisnéis eile:

Nasc gréasáin chuig Fógra Speisialta INTERPOL – Comhairle Slándála na Náisiún Aontaithe: https://www.interpol.int/en/How-we-work/Notices/View-UN-Notices-Individuals

Is saineolaí sinsearach pléascán é Abdullahi Osman Mohamed Caddow, ar a dtugtar freisin ‘Eng. Ismail’, atá freagrach as bainistiú foriomlán oibríochtaí agus dhéantúsaíocht pléascán an ghrúpa. Agus é sin á dhéanamh aige, ghlac sé páirt i ngníomhaíochtaí a chuireann síocháin, slándáil agus cobhsaíocht na Somáile i mbaol. Chuaigh sé isteach i sciathán na meán de Al-Shabaab, Al-Kataib, in 2008 i Mogaidisiú agus ina dhiaidh sin, in 2014, bhí sé ina bhall den aonad déantúsaíochta pléascán sa ghrúpa atá ag feidhmiú in a lán ionad ullmhúcháin pléascán sna bailte Jilib, Bu’aale, Saakoow, Salagle, kuunyo-Barrow, agus Arabow. Tá sé i gceannas ar fhoireann de 68 n-oibrí Al-Shabaab agus déanann sé ábhar déantúsaíochta pléascán dar luach thart ar USD sé mhilliún a smuigleáil gach bliain.’
Top