Ainm

Faisnéis aitheantais

Cúiseanna

Dáta an liostaithe

“206.

KHOSROU PANAH Abdol Hossein

عبدالحسین خسرو پناه

ar a dtugtar freisin KHOSROW PANAH Abdul Hossein; KHOSROPANAH Abdolhossein

Dáta breithe: 21.3.1966

Áit bhreithe: Dezful, an Iaráin

Náisiúntacht: Iaránach

Inscne: fireann

Feidhm: Cathaoirleach agus Rúnaí Ardchomhairle na Réabhlóide Cultúrtha (Supreme Council of Cultural Revolution)

Eintiteas comhlachaithe: Ardchomhairle na Réabhlóide Cultúrtha (Supreme Council of Cultural Revolution)

Is cléireach coimeádach é Abdol Hossein Khosrou Panah agus tá sé mar chathaoirleach agus rúnaí ar Ardchomhairle na Réabhlóide Cultúrtha ó mhí Eanáir 2023.

Tá roinnt tionscadal curtha chun cinn ag Ardchomhairle na Réabhlóide Cultúrtha lena mbaintear an bonn ó shaoirse na gcailíní agus na mban, trí shrianta a chur ar a gcuid éadaí agus oideachais. Tá leithcheal déanta ag a cuid dlíthe ar mhionlaigh freisin, mar shampla pobal Baha’i. Is uirlis í chun beartais agus tuairimí Ioslamaíocha an réimis reatha a chur chun cinn.

Ina cháil mar chathaoirleach agus rúnaí ar Ardchomhairle na Réabhlóide Cultúrtha, tá Khosrou Panah freagrach, dá bhrí sin, as sáruithe tromchúiseacha ar chearta an duine san Iaráin.

20.3.2023

207.

ALAM-AL HODA Ahmad

احمد علم الهدی

Dáta breithe: 31.8.1944

Áit bhreithe: Mashhad, an Iaráin

Náisiúntacht: Iaránach

Inscne: fireann

Feidhm: Iomám Mashhad le haghaidh urnaí na hAoine agus ionadaí chúige Khorasan Razavi i dTionól na Saineolaithe

Is iomám Mashhad le haghaidh urnaí na hAoine agus ionadaí chúige Khorasan Razavi i dTionól na Saineolaithe é Ahmad Alam-Al Hoda.

Ina chuid óráidí agus sna meáin, bíonn sé rannpháirteach i gcraobhscaoileadh an fhuatha i gcoinne na mban, léirsitheoirí agus mionlaigh reiligiúnacha.

Tá Alam-Al Hoda freagrach, dá bhrí sin, as sáruithe tromchúiseacha ar chearta an duine san Iaráin.

20.3.2023

208.

RASTINEH Ahmad

احمد راستینه

Dáta breithe: 1980

Áit bhreithe: cúige Bakhtiari, an Iaráin

Náisiúntacht: Iaránach

Inscne: fireann

Feidhm: Comhalta Parlaiminte agus urlabhraí choimisiún cultúir na Parlaiminte.

Is comhalta de Pharlaimint na hIaráine (Madjles) agus urlabhraí choimisiún an chultúir é Ahmad Rastineh. Tá ról maoirseachta ag coimisiún an chultúir chun rialú agus maoirsiú a dhéanamh ar na hinstitiúidí a bhfuil sé de chúram acu ‘cultúr na geanmaíochta agus an hidseab a scaipeadh’.

Cuireann Rastineh chun cinn leagan docht de phrionsabail chultúrtha na Réabhlóide Ioslamaí, go háirithe maidir le mná, agus caitheamh na caille/an hidseab. Le linn na n-agóidí san Iaráin in 2022/2023, d’iarr sé go ndéanfaí an dlí lena bhforchuirtear an chaille ar mhná na hIaráine a dhearbhú an athuair. Ina theannta sin, thacaigh sé le rialú an rialtais ar an idirlíon agus ar na gearrthacha idirlín.

Tá sé freagrach, dá bhrí sin, as sáruithe tromchúiseacha ar chearta an duine san Iaráin.

20.3.2023

209.

KHAN MOHAMMADI Hodjatoleslam Ali

حجت الاسلام علی خان محمدی

Náisiúntacht: Iaránach

Inscne: fireann

Feidhm: urlabhraí na Ceanncheathrún um an gCeart a Ordú agus an Olc a Thoirmeasc (Headquarters for Enjoining Right and Forbidding Evil)

Is é Hodjatoleslam Ali Khan Mohammadi urlabhraí na Ceanncheathrún um an gCeart a Ordú agus an Olc a Thoirmeasc (Headquarters for Enjoining Right and Forbidding Evil), eintiteas atá liostaithe ag an Aontas Eorpach.

In 2022 agus 2023, ina cháil mar urlabhraí na Ceanncheathrún um an gCeart a Ordú agus an Olc a Thoirmeasc, dúirt sé gur choir a bhí ann gan an hidseab a chaitheamh, agus chuir sé chun cinn leagan docht de phrionsabail chultúrtha na Réabhlóide Ioslamaí, go háirithe maidir le mná, agus caitheamh na caille/an hidseab. Ag gníomhú dó ina cháil sin, chuir sé a thacaíocht in iúl agus chuir sé leis an gcur faoi chois i gcoinne an hidseab a dhlisteanú, lena mbaintear an bonn ó chearta agus saoirsí na mban agus na gcailíní.

Tá sé freagrach, dá bhrí sin, as sáruithe tromchúiseacha ar chearta an duine san Iaráin.

20.3.2023

210.

AKBARI Mohammad Sadegh

محمد صادق اکبری

Náisiúntacht: Iaránach

Inscne: fireann

Feidhm: Príomh-Bhreitheamh chúige Mazandaran

Is é Mohammad Sadegh Akbari Príomh-Bhreitheamh chúige Mazandaran.

Sa cháil sin, tá sé freagrach as pionós an bháis a ghearradh le linn trialacha éagóracha (dlíodóirí gan a bheith i láthair, admhálacha faoi iallach) agus as daoránaigh a chéasadh. Le linn na n-agóidí in 2022/2023, bhí sé freagrach as siopaí nár urramaigh na dlíthe maidir leis an hidseab a dhúnadh agus as agóideoir 35 bliana d’aois a raibh meabhairghalair air a líomhnaítear gur dhóigh sé an Córán a dhaoradh chun báis.

Tá sé freagrach, dá bhrí sin, as sáruithe tromchúiseacha ar chearta an duine san Iaráin.

20.3.2023

211.

BARATI Morteza

مرتضی براتی

ar a dtugtar freisin BARATI Qazi

Dáta breithe: 30.11.1962

Náisiúntacht: Iaránach

Inscne: fireann

Feidhm: Breitheamh Ceannais an chéad dlísheomra de Chúirteanna Réabhlóideacha Isfahan

Is é Morteza Barati Breitheamh Ceannais an chéad dlísheomra de Chúirteanna Réabhlóideacha Isfahan.

I mí Eanáir 2023, rinne sé ar a laghad triúr agóideoirí a dhaoradh chun bás trí chrochadh, agus an ceart chun triail chóir a fháil á shéanadh orthu.

Tá sé freagrach, dá bhrí sin, as sáruithe tromchúiseacha ar chearta an duine san Iaráin.

20.3.2023

212.

AL HOSSEINI Musa Asif

موسی آصف الحسینی

ar a dtugtar freisin AL-HOSSEINI Asef

Náisiúntacht: Iaránach

Inscne: fireann

Feidhm: Príomh-Bhreitheamh an chéad dlísheomra de Chúirteanna Réabhlóideacha Karaj, cúige Alborz

Is é Musa Asif Al Hosseini Príomh-Bhreitheamh an chéad dlísheomra de Chúirteanna Réabhlóideacha Karaj, cúige Alborz.

Rinneadh trialacha faoina mhaoirseacht go hachomair, gan cloí le cearta bunúsacha an chúisí agus ag brath ar admhálacha a rinneadh faoi bhrú agus faoi chéastóireacht. Le linn na n-agóidí in 2022/2023, bhí sé i gceannas ar thrialacha agóideoirí agus ghearr sé pionós an bháis ar roinnt daoine, ar cuireadh i gcrích é i gcás Mohammed Karami agus Mohammed Hosseini.

Tá sé freagrach, dá bhrí sin, as sáruithe tromchúiseacha ar chearta an duine san Iaráin.

20.3.2023

213.

JALILI Vahid

وحید جلیلی

Dáta breithe: 1973

Náisiúntacht: Iaránach

Inscne: fireann

Feidhm: ceann um gnóthaí cultúrtha agus forbairt beartais chraoltóir stáit Phoblacht Ioslamach na hIaráine (Islamic Republic of Iran Broadcasting) (IRIB)

Is é Vahid Jalili ceann um gnóthaí cultúrtha agus forbairt beartais chraoltóir stáit Phoblacht Ioslamach na hIaráine (Islamic Republic of Iran Broadcasting) (IRIB), eintiteas atá liostaithe ag an Aontas Eorpach.

Le linn na n-agóidí in 2022/2023, fuair IRIB admhálacha faoi iallach ó ghialla eachtrannacha. Mar gheall ar a ról sinsearach in IRIB, tá baint díreach ag Jalili leis an mbonn a bheith á bhaint ó chearta daonna ghialla eachtrannacha agus íde mhídhaonna a dhéanamh orthu. Ina theannta sin, tá sé freagrach as admhálacha bolscaireachta lena dtacaítear leis an réimeas a scaipeadh.

Tá sé freagrach, dá bhrí sin, as sáruithe tromchúiseacha ar chearta an duine san Iaráin.

20.3.2023”

Ainm

Faisnéis aitheantais

Cúiseanna

Dáta an liostaithe

‘34.

Ardchomhairle na Réabhlóide Cultúrtha (Supreme Council of Cultural Revolution)

Duine aonair comhlachaithe: KHOSROU PANAH Abdol Hossein (cathaoirleach agus rúnaí)

Is comhlacht beartais de chuid an réimis í Ardchomhairle na Réabhlóide Cultúrtha atá freagrach as polasaithe straitéiseacha agus pleananna i réimsí na heolaiochta, an oideachais, an chreidimh agus an taighde a cheapadh.

Tá roinnt tionscadal curtha chun cinn aici lena mbaintear an bonn ó shaoirse na gcailíní agus na mban, trí shrianta a chur ar a gcuid éadaí agus oideachais. Tá leithcheal déanta ag a cuid cinntí ar mhionlaigh freisin, mar shampla pobal Baha’i. Is uirlis í chun beartais an réimis reatha a chur chun cinn.

Tá Ardchomhairle na Réabhlóide Cultúrtha freagrach, dá bhrí sin, as sáruithe tromchúiseacha ar chearta an duine san Iaráin.

20.3.2023”