Το έγγραφο αυτό έχει ληφθεί από τον ιστότοπο EUR-Lex
Έγγραφο 32021R1414
Commission Implementing Regulation (EU) 2021/1414 of 27 August 2021 correcting Implementing Regulation (EU) 2021/422 concerning the authorisation of a preparation of Enterococcus faecium DSM 7134 as a feed additive for laying hens (holder of authorisation: Lactosan GmbH & Co KG) (Text with EEA relevance)
Rialachán Cur Chun Feidhme (AE) 2021/1414 ón gCoimisiún an 27 Lúnasa 2021 lena gceartaítear Rialachán Cur Chun Feidhme (AE) 2021/422 maidir le húdarú ullmhóid Enterococcus faecium DSM 7134 mar bhreiseán beathaithe le haghaidh béaróg (sealbhóir an údaraithe: Lactosan GmbH & Co KG) (Téacs atá ábhartha maidir le LEE)
Rialachán Cur Chun Feidhme (AE) 2021/1414 ón gCoimisiún an 27 Lúnasa 2021 lena gceartaítear Rialachán Cur Chun Feidhme (AE) 2021/422 maidir le húdarú ullmhóid Enterococcus faecium DSM 7134 mar bhreiseán beathaithe le haghaidh béaróg (sealbhóir an údaraithe: Lactosan GmbH & Co KG) (Téacs atá ábhartha maidir le LEE)
C/2021/6226
IO L 304, 30.8.2021, σ. 21 έως 23
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Ισχύει
30.8.2021 |
GA |
Iris Oifigiúil an Aontais Eorpaigh |
L 304/21 |
RIALACHÁN CUR CHUN FEIDHME (AE) 2021/1414 ÓN gCOIMISIÚN
an 27 Lúnasa 2021
lena gceartaítear Rialachán Cur Chun Feidhme (AE) 2021/422 maidir le húdarú ullmhóid Enterococcus faecium DSM 7134 mar bhreiseán beathaithe le haghaidh béaróg (sealbhóir an údaraithe: Lactosan GmbH & Co KG)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
(1) |
Le Rialachán Cur Chun Feidhme (AE) 2021/422 ón gCoimisiún (2) údaraíodh úsáid ullmhóid Enterococcus faecium DSM 7134 mar bhreiseán beathaithe le haghaidh béaróg ar feadh tréimhse 10 mbliana. |
(2) |
San Iarscríbhinn a ghabhann le Rialachán Cur Chun Feidhme (AE) 2021/422, cuireadh isteach uimhir aitheantais mhícheart an bhreiseáin sa cholún “Uimhir aitheantais an bhreiseáin”. |
(3) |
Chinn an tÚdarás Eorpach um Shábháilteacht Bia (“an tÚdarás”) ina thuairim an 30 Meán Fómhair 2020 (3) gur féidir an breiseán a úsáid trí uisce le hól, mar chuid de na coinníollacha úsáide atá faoi réir an mheasúnaithe sábháilteachta agus éifeachtúlachta. Níor áiríodh an tsonraíocht a tháinig ón gcinneadh sin sa cholún “Forálacha eile” den Iarscríbhinn a ghabhann le Rialachán Cur Chun Feidhme (AE) 2021/422, agus ba cheart, dá bhrí sin, í a chur leis ar mhaithe le deimhneacht dhlíthiúil. |
(4) |
Le tuairim an Údaráis, léiríodh nach greannaitheoir deirmeach ná súilí é an breiseán, ach gur íogróir féideartha deirmeach agus riospráide é. San Iarscríbhinn a ghabhann le Rialachán Cur Chun Feidhme (AE) 2021/422, sa cholún “Forálacha eile”, tagraítear go hearráideach d’úsáid a bhaint as cosaint don análú, as spéaclaí agus as miotóga mar threalamh cosanta pearsanta, agus ina ionad sin ba cheart tagairt a dhéanamh inti d’úsáid cosanta don análú agus don chraiceann chun aird iomchuí a thabhairt ar thuairim an Údaráis maidir le sábháilteacht úsáideoirí. |
(5) |
San Iarscríbhinn a ghabhann le Rialachán Cur Chun Feidhme (AE) 2021/422, rinneadh mionearráid chléireachais maidir le hainm shealbhóir an údaraithe. |
(6) |
Dá bhrí sin, ba cheart Rialachán Cur Chun Feidhme (AE) 2021/422 a leasú dá réir. Ar mhaithe le soiléireacht, is iomchuí an leagan ceartaithe den Iarscríbhinn iomlán a chur in ionad na hIarscríbhinne a ghabhann leis an Rialachán Cur Chun Feidhme sin. |
(7) |
Chun go bhféadfaidh oibreoirí gnólachtaí beatha lipéadú an bhreiseáin agus na beatha ainmhithe a bhfuil an breiseán inti a oiriúnú do théarmaí ceartaithe an údaraithe, ba cheart foráil a dhéanamh maidir le hidirthréimhse i dtaca leis na táirgí sin a chur ar an margadh. |
(8) |
Chun ionchais dhlisteanacha na bpáirtithe leasmhara a chaomhnú maidir le téarmaí údaraithe an bhreiseáin, ba cheart an Rialachán seo a theacht i bhfeidhm mar ábhar práinne. |
(9) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Cuirfear an Iarscríbhinn a ghabhann leis an Rialachán seo in ionad na hIarscríbhinne a ghabhann le Rialachán Cur Chun Feidhme (AE) 2021/422.
Airteagal 2
1. Maidir leis an ullmhóid a shonraítear san Iarscríbhinn mar aon leis na réamh-mheascáin a bhfuil sí iontu, ar táirgí iad a táirgeadh agus ar cuireadh lipéad orthu roimh an 1 Nollaig 2021 i gcomhréir leis na rialacha is infheidhme roimh an 31 Lúnasa 2021, féadfar leanúint dá gcur ar an margadh agus dá n-úsáid go dtí go mbeidh na stoic atá ann cheana ídithe.
2. Maidir leis na hábhair bheatha agus an bheatha chumaisc a bhfuil an ullmhóid agus na réamh-mheascáin dá dtagraítear i mír 1 iontu, ar táirgí iad a táirgeadh agus ar cuireadh lipéad orthu roimh an 31 Lúnasa 2022 i gcomhréir leis na rialacha is infheidhme roimh an 31 Lúnasa 2021, féadfar leanúint dá gcur ar an margadh agus dá n-úsáid go dtí go mbeidh na stoic atá ann cheana ídithe.
Airteagal 3
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 27 Lúnasa 2021.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29.
(2) Rialachán Cur Chun Feidhme (AE) 2021/422 ón gCoimisiún an 9 Márta 2021 maidir le húdarú ullmhóid Enterococcus faecium DSM 7134 mar bhreiseán beathaithe le haghaidh béaróg (sealbhóir an údaraithe: Lactosan GmbH & Co KG) (IO L 83, 10.3.2021, lch. 25).
(3) EFSA Journal [Iris EFSA] 2020;18(11):6277.
IARSCRÍBHINN
“Uimhir aitheantais an bhreiseáin |
Ainm shealbhóir an údaraithe |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhí |
Uasteorainn aoise |
Íoschion |
Uaschion |
Íoschion |
Uaschion |
Forálacha eile |
Deireadh na tréimhse údaraithe |
||||||||
CFU/kg d’ábhar beatha iomlán ina bhfuil cion taise 12 % |
CFU/l d’uisce óil |
||||||||||||||||||
Catagóir na mbreiseán zóiteicniúil. Feidhmghrúpa: cobhsaitheoirí fhlóra na stéige |
|||||||||||||||||||
4b1841 |
Lactosan GmbH & Co KG |
Enterococcus faecium DSM 7134 |
Comhdhéanamh an bhreiseáin Ullmhóid Enterococcus faecium DSM 7134 ina bhfuil íoschion de na nithe seo a leanas: Púdar: 1x1010 CFU/g de bhreiseán Gráinníní (micrimchochlaithe): 1x1010 CFU/g de bhreiseán |
Béaróga |
- |
1 x 109 |
- |
5 x 108 |
- |
|
30.3.2031 |
||||||||
Tréithriú na substainte gníomhaí: Cealla inmharthana Enterococcus faecium DSM 7134 |
|||||||||||||||||||
Modh anailíse (1) Maidir le háireamh: Modh an leata ar phláta agus úsáid á baint as agar aisíde eisciline domlais (EN 15788). Maidir le sainaitheantas: Leictreafóiréis ghlóthaí bhíogréimse (PFGE). |
(1) Tá sonraí faoi na modhanna anailíse ar fáil ag an seoladh seo a leanas sa tSaotharlann Tagartha: https://ec.europa.eu/jrc/en/eurl/feed-additives/evaluation-reports