20.3.2014   

GA

Iris Oifigiúil an Aontais Eorpaigh

61

(1)

Tá léargas foriomlán ar fhorbairt na hinfheistíochta i mbonneagar fuinnimh an Aontais fíorthábhachtach d’fhorbairt bheartas fuinnimh an Aontais, agus fíorthábhachtach don Choimisiún chun a chúramaí i réimse an fhuinnimh a chur i gcrích. A bhuí le hinfhaighteacht rialta shonraí cothrom le dáta, ba cheart a chur ar chumas an Choimisiúin na comparáidí agus na meastóireachtaí is gá a dhéanamh agus bearta ábhartha a mholadh atá bunaithe ar na figiúirí agus ar na hanailísí iomchuí, go háirithe maidir leis an gcóimheá idir soláthar agus éileamh i gcúrsaí fuinnimh amach anseo.

(2)

Tá athrú suntasach tagtha ar chúrsaí fuinnimh laistigh agus lasmuigh den Aontas le blianta beaga anuas, agus dá thoradh sin is saincheist fhíorthábhachtach í an infheistíocht i mbonneagar fuinnimh d’fhonn soláthar fuinnimh san Aontas a chinntiú, ar mhaithe le feidhmiú an mhargaidh inmheánaigh agus go ndéanfar an t-aistriú i dtreo córais fuinnimh ísealcharbóin a bhfuil an tAontas tosnaithe air cheana féin.

(3)

Mar gheall ar an gcomhthéacs nua fuinnimh, beidh gá le hinfheistíocht shuntasach i ngach cineál bonneagair, i ngach earnáil fuinnimh chomh maith le forbairt ar chineálacha nua bonneagair agus teicneolaíochtaí nua a nglacfar leo sa mhargadh. Mar gheall ar léirscaoileadh na hearnála fuinnimh agus ar comhtháthú breise an mhargaidh inmheánaigh, tá ról níos suntasaí ag oibreoirí eacnamaíochta i ndáil le hinfheistíocht a dhéanamh. Ag an am céanna, mar gheall ar cheanglais nua beartais, amhail spriocanna a dhéanann difear don mheascán breosla, athrófar beartais na mBallstát i bhfabhar bonneagair fuinnimh nua agus/nó nuachóirithe.

(4)

Sa chomhthéacs seo, ba cheart aird níos mó a thabhairt ar infheistíocht i mbonneagar fuinnimh an Aontais, go háirithe chun bheith in oirchill fadhbanna, dea-chleachtas a chur chun cinn agus níos mó trédhearcachta a bhunú i dtaca le forbairt an chórais fuinnimh amach anseo san Aontas.

(5)

Dá bhrí sin, ba cheart don Choimisiún, agus go háirithe ba cheart dá Fhaireachlann Margaidh don Fhuinneamh sonraí cruinne agus faisnéis chruinn a bheith ar fáil acu faoi thionscadail infheistíochta, lena n-áirítear díchoimisiúnú sna comhchodanna is suntasaí de chóras fuinnimh an Aontais.

(6)

I dtaca le hinfheistíocht an Aontais amach anseo, tá tábhacht ag sonraí agus faisnéis faoi fhorbairtí intuartha ar acmhainn táirgthe tarchuir agus stórála faoi thionscadail sna hearnálacha fuinnimh éagsúla don Aontas. Dá bhrí sin is gá a áirithiú go dtabharfar fógra don Choimisiún i dtaobh tionscadail infheistíochta a bhfuil tús curtha le hobair tógála nó le hobair díchoimisiúnaithe nó a bhfuil cinneadh deiridh infheistíochta déanta ina leith.

(7)

De bhun Airteagal 41 agus Airteagal 42 den Chonradh lena mbunaítear an Comhphobal Eorpach d’Fhuinneamh Adamhach (Conradh Euratom), tá d’oibleagáid ar ghnóthais fógra a thabhairt faoina dtionscadail infheistíochta. Ní foláir tuairisciú tráthrialta ar chur chun feidhme na dtionscadal infheistíochta a bheith ag gabháil mar fhorlíonadh le faisnéis den sórt sin. Beidh an tuairisciú breise sin gan dochar d’Airteagail 41 go 44 de Chonradh Euratom. Mar sin féin, ba cheart forchur ualaigh dhúbailte ar ghnóthais a sheachaint i gcás inar féidir.

(8)

Ionas go mbeidh dearcadh comhsheasmhach ag an gCoimisiún faoi fhorbairtí amach anseo ar chóras fuinnimh an AE ina iomláine, ní foláir creat tuairiscithe comhchuibhithe le haghaidh tionscadal infheistíochta a bheith ann agus é bunaithe ar chatagóirí nuashonraithe maidir le sonraí oifigiúla agus faisnéis oifigiúil a bheidh le tarchur ag na Ballstáit.

(9)

Ba cheart do na Ballstáit, chun na críche seo, fógra a thabhairt don Choimisiún faoi shonraí agus faoi fhaisnéis i ndáil le tionscadail infheistíochta sa bhonneagar fuinnimh, bíodh siad sin beartaithe nó i mbun tógála ina gcríoch, ar tionscadail iad a bhaineann le táirgeadh, stóráil agus iompar ola, gáis nádúrtha, leictreachais, lena n-áirítear leictreachas ó fhoinsí inathnuaite, leictreachas ó ghual agus lignít, agus comhghiniúint leictreachais agus teasa úsáidigh; táirgeadh bithbhreoslaí; gabháil, iompar agus stóráil dé-ocsaíde carbóin. Ba cheart do na Ballstáit fógra chomh maith a thabhairt don Choimisiún maidir le sonraí agus faisnéis i dtaca le tionscadail infheistíochta in idirnaisc leictreachais agus idirnaisc gáis le tríú tíortha. Ba cheart é bheith d’oibleagáid ar na gnóthais lena mbaineann fógra maidir le sonraí agus faisnéis den sórt sin a thabhairt don Bhallstát lena mbaineann.

(10)

I bhfianaise an amscála a ghabhann le tionscadail infheistíochta in earnáil an fhuinnimh, ba cheart gur leor tuairisciú a dhéanamh gach re bliain.

(11)

D’fhonn ualaigh riaracháin dhíréireacha a sheachaint agus d’fhonn na costais ar Bhallstáit agus ar ghnóthais a íoslaghdú, go háirithe i gcás fiontar beag agus meánmhéide, ba cheart go gceadófaí leis an Rialachán seo Ballstáit agus gnóthais a dhíolmhú ó oibleagáidí tuairiscithe, ar choinníoll go ndearnadh cheana faisnéis choibhéiseach agus inchomparáide a sholáthar don Choimisiún de bhun gníomhartha dlíthiúla an Aontais a bhaineann go sonrach le hearnáil an fhuinnimh agus a bhfuil sé mar aidhm leo cuspóirí mhargaí iomaíocha fuinnimh an Aontais a bhaint amach, eadhon inbhuanaitheacht chóras fuinnimh an Aontais agus cinnteacht an tsoláthair fuinnimh chuig an Aontas. Ba cheart go seachnófaí, dá bhrí sin, aon dúbailt ar cheanglais tuairiscithe a shonraítear sa tríú pacáiste maidir leis an margadh inmheánach sa leictreachas agus sa ghás nádúrtha. Chun an t-ualach tuairiscithe a éascú, ba cheart don Choimisiún tacaíocht a sholáthar do na Ballstáit d’fhonn na cásanna a shoiléiriú ina measfaidh sé ceanglais an Rialacháin seo a bheith á gcomhlíonadh ag na sonraí nó an fhaisnéis a cuireadh in iúl cheana dó faoi ghníomhartha dlíthiúla eile.

(12)

Ba cheart don Choimisiún, agus go háirithe ba cheart dá Fhaireachlann Margaidh don Fhuinneamh, a bheith in ann na bearta iomchuí go léir a ghlacadh chun sonraí a phróiseáil, agus chun an fógra faoi shonraí a shimpliú agus a áirithiú chomh maith, go háirithe uirlisí agus nósanna imeachta comhtháite TF a oibriú, ar bearta iad ar cheart go ráthófaí leo rúndacht na sonraí nó an fhaisnéis a cuireadh in iúl don Choimisiún.

(13)

Tá cosaint daoine aonair i ndáil le Ballstáit bheith ag próiseáil sonraí pearsanta faoi rialú ag Treoir 95/46/CE ó Pharlaimint na hEorpa agus ón gComhairle (3) agus tá cosaint daoine aonair maidir le próiseáil sonraí pearsanta ag an gCoimisiún faoi rialú ag Rialachán (CE) Uimh. 45/2001 ó Pharlaimint na hEorpa agus ón gComhairle (4). Ní dhéanann an Rialachán seo athrú ar bith ar na forálacha sin.

(14)

Ba cheart do na Ballstáit, nó a gcuid eintiteas tarmligthe, agus don Choimisiúin rúndacht sonraí agus faisnéise atá íogair ó thaobh tráchtála de a áirithiú. Dá bhrí sin, ba cheart do na Ballstáit nó a gcuid eintiteas tarmligthe, cé is moite de shonraí agus faisnéis a bhaineann le tionscadail trasteorann, comhiomlánú a dhéanamh ar shonraí agus ar fhaisnéis sin ar an leibhéal náisiúnta sula gcuirtear faoi bhráid an Choimisiúin iad. Dá mbeadh gá leis, ba cheart don Choimisiún comhiomlánú breise a dhéanamh ar na sonraí seo ar bhealach nach bhféadfaí aon mhionsonraí maidir le gnóthais ar leith ná suiteálacha ar leith a nochtadh ná a bhaint mar thátal astu.

(15)

Ba cheart don Choimisiún, agus go háirithe ba cheart dá Fhaireachlann Margaidh don Fhuinneamh, anailís a sholáthar go rialta agus go tras-earnálach ar fhorás struchtúrach agus ar pheirspictíochtaí chóras fuinnimh an Aontais agus, i gcás inarb iomchuí, anailís níos dírithe a dhéanamh ar ghnéithe áirithe den chóras fuinnimh sin. Ba cheart don anailís sin rannchuidiú go háirithe le slándáil fuinnimh a fheabhsú trí na bearnaí féideartha sa bhonneagar agus san infheistíocht a aithint d’fhonn cothromaíocht a bhaint amach idir soláthar agus éileamh i gcúrsaí fuinnimh. Ba cheart don anailís bheith ina hábhar caibidle i bplé ar leibhéal an Aontais faoi bhonneagair fuinnimh agus ba cheart dá bhrí sin í a sheoladh ar aghaidh go Parlaimint na hEorpa, go dtí an Chomhairle agus Coiste Eacnamaíoch agus Sóisialta na hEorpa agus í a chur ar fáil do pháirtithe leasmhara.

(16)

Beidh fiontair bheaga agus mheánmhéide ábalta tairbhiú, i gcomhthéacs a bpleanála infheistíochta, ó anailís trasearnála an Choimisiúin agus ó na sonraí agus ón bhfaisnéis arna bhfoilsiú ag an gCoimisiún faoin Rialachán seo.

(17)

Féadfaidh an Coimisiún cúnamh a fháil ó shaineolaithe ó na Ballstáit nó ó aon saineolaithe inniúla eile; d’fhonn tuiscint choiteann ar bhearnaí a d’fhéadfadh a bheith sa bhonneagar agus ar na rioscaí gaolmhara a fhorbairt agus chun trédhearcacht i ndáil le forbairtí amach anseo a rachaidh chun leasa go háirithe d’iontrálaithe nua sa mhargadh a chothú.

(18)

Ba cheart don Rialachán seo teacht in ionad Rialachán (AE, Euratom) Uimh. 617/2010 ón gComhairle (5), a cuireadh ar ceal ag Cúirt Bhreithiúnais na gComhphobal Eorpach an 6 Meán Fómhair 2012 (6) agus a raibh a éifeachtaí le cothabháil go dtí go dtiocfadh rialachán nua i bhfeidhm. Dá bhrí sin, le teacht i bhfeidhm an Rialacháin seo, ba cheart go mbeadh éifeacht le neamhniú Rialachán (AE, Euratom) Uimh. 617/2010 mar a rialaigh an Chúirt. Ina theannta sin, ba cheart Rialachán (CE) Uimh. 736/96 ón gComhairle (7), a aisghaireadh leis an Rialachán a cuireadh ar neamhní (AE, Euratom) Uimh. 617/2010, a aisghairm leis an Rialachán seo.

(19)

Leagtar amach foirm agus sonraí teicniúla maidir le fógra a thabhairt don Choimisiún faoi shonraí agus faoi fhaisnéis i ndáil le tionscadail infheistíochta sa bhonneagar fuinnimh i Rialachán (AE, Euratom) Uimh. 833/2010 (8). Ba cheart go leanfadh Rialachán (AE, Euratom) Uimh. 833/2010 de bheith infheidhme go dtí go ndéanfar é a leasú, rud a dhéanfar i ndiaidh ghlacadh an Rialacháin seo.

(20)

Ós rud é nach féidir cuspóirí an Rialacháin seo a bhaint amach go leordhóthanach ag na Ballstáit ach gur féidir, de bharr a scála agus a n-éifeachtaí, iad a bhaint amach ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta, mar a leagtar amach san Airteagal sin, ní théann an Rialachán seo thar atá riachtanach chun na cuspóirí sin a bhaint amach,

(1)

ciallaíonn “bonneagar” aon chineál suiteálacha nó aon chuid de shuiteáil a bhaineann le táirgeadh, tarchur agus stóráil, lena n-áirítear idirnaisc idir an tAontas agus tríú tíortha;

(2)

ciallaíonn “tionscadail infheistíochta” tionscadail chun:

(3)

ciallaíonn “cinneadh infheistíochta deiridh” an cinneadh arna dhéanamh ar leibhéal gnóthais chun cistí a chur ar leataobh go cinntitheach do chéim infheistíochta tionscadail;

(4)

ciallaíonn “céim infheistíochta” an chéim ina dtarlaíonn tógáil nó díchoimisiúnú agus ina dtabhaítear costais chaipitiúla; ní áirítear ann céim na pleanála;

(5)

ciallaíonn “céim pleanála” an chéim sin ina n-ullmhaítear cur chun feidhme an tionscadail agus lena n-áirítear, i gcás inarb iomchuí, measúnú féidearthachta, staidéir ullmhúcháin agus staidéir theicniúla, ceadúnais agus údaruithe a fháil agus costais chaipitiúla a thabhú;

(6)

ciallaíonn “tionscadail infheistíochta atá á dtógáil” tionscadail infheistíochta a bhfuil an tógáil tosaithe orthu agus a bhfuil costais chaipitiúla tabhaithe ina leith;

(7)

ciallaíonn “díchoimisiúnú” an chéim ina dtógtar an bonneagar as feidhm go buan;

(8)

ciallaíonn “táirgeadh” leictreachas a ghiniúint agus breoslaí a phróiseáil, lena n-áirítear bithbhreoslaí;

(9)

ciallaíonn “tarchur” iompar foinsí nó táirgí fuinnimh nó dé-ocsaíde carbóin trí líonra, go háirithe:

(10)

ciallaíonn “gabháil” an próiseas lena ndéantar dé-ocsaíd charbóin a ghabháil ó shuiteálacha tionsclaíocha le haghaidh stórála;

(11)

ciallaíonn “stóráil” stocáil fuinnimh nó foinsí fuinnimh ar bhonn buan nó sealadach i suíomhanna bonneagair nó geolaíocha atá os cionn na talún nó faoi thalamh, nó dé-oscsaíd charbóin a choimeád i bhfoirmíochtaí geolaíocha faoi thalamh;

(12)

ciallaíonn “gnóthas” aon duine nádúrtha nó dlítheanach, cibé acu príobháideach nó poiblí, a dhéanann cinneadh ar thionscadail infheistíochta nó a chuireann tionscadail infheistíochta chun feidhme;

(13)

ciallaíonn “foinsí fuinnimh”:

(14)

ciallaíonn “comhlacht sonrach” comhlacht a bhfuil cúram air, faoi aon ghníomh dlíthiúil de chuid an Aontais a bhaineann go sonrach leis an earnáil fuinnimh, pleananna ilbhliantúla ar fud an Aontais um fhorbairt agus um infheistíocht i líonraí a ullmhú agus a ghlacadh i ndáil leis an mbonneagar fuinnimh, amhail an líonra Eorpach um oibreoirí córais tarchurtha leictreachais (“ENTSO-E”) dá dtagraítear in Airteagal 4 de Rialachán (CE) Uimh. 714/2009 ó Pharlaimint na hEorpa agus ón gComhairle (9) amhail an líonra Eorpach um oibreoirí córais tarchurtha gáis (“ENTSO-G”) dá dtagraítear in Airteagal 4 de Rialachán (CE) Uimh. 715/2009 ó Pharlaimint na hEorpa agus ón gComhairle (10).

(15)

ciallaíonn “sonraí comhiomlánaithe” sonraí arna gcomhiomlánú ar leibhéal Ballstáit amháin nó níos mó.

(a)

go mbeidh fógra faoi na sonraí nó faoin bhfaisnéis atá comhionann le ceanglais an Rialacháin seo tugtha don Choimisiún cheana féin ag an mBallstát lena mbaineann nó ag an eintiteas a dtarmligeann sé an cúram chuige agus go mbeidh dáta an fhógra agus an gníomh sonrach dlíthiúil lena mbaineann tugtha le fios aige; nó

(b)

go mbeidh cúram ullmhúchán an phlean infheistíochta ilbhliantúil i mbonneagar fuinnimh ar leibhéal an Aontais curtha ar chomhlacht sonrach agus go ndéanfaidh an comhlacht sin na sonraí agus an fhaisnéis atá comhionann le ceanglais an Rialacháin seo a thiomsú chun na gcríoch sin. Sa chás sin agus chun críocha an Rialacháin seo, tabharfaidh an comhlacht sonrach sin fógra faoi na sonraí agus faoin bhfaisnéis ábhartha ar fad don Choimisiún.

(a)

toilleadh na hacmhainne atá pleanáilte nó á tógáil;

(b)

cineál agus príomhthréithe an bhonneagair nó na n-acmhainní atá pleanáilte nó á dtógáil, lena n-áirítear ionad tionscadal tarchurtha trasteorann, más infheidhme;

(c)

an bhliain is dóchúil ina mbeidh an coimisiúnú;

(d)

cineál na bhfoinsí fuinnimh a úsáidtear;

(e)

na suiteálacha lenar féidir freagairt do ghéarchéimeanna a bhaineann le slándáil an tsoláthair, amhail trealamh lenar féidir sreabha cúltreo nó malartú breosla a dhéanamh; agus

(f)

suiteáil córas gabhála carbóin nó sásraí iarfheistithe chun carbón a ghabháil agus a stóráil.

(a)

cineál agus acmhainn an bhonneagair lena mbaineann; agus

(b)

an bhliain is dóchúil ina mbeidh an díchoimisiúnú.

(a)

méid iomlán na n-acmhainní táirgthe, tarchurtha agus stórála suiteáilte atá ann ag tús na bliana tuairiscithe lena mbaineann nó a mbristear isteach ar a n-oibriú ar feadh tréimhse is faide ná trí bliana; agus

(b)

faisnéis ábhartha maidir le moill agus/nó constaicí le cur i bhfeidhm tionscadail infheistíochta, i gcás ina mbeidh an fhaisnéis sin ag na Ballstáit, ag a n-aonáin tharmligthe nó ag an gcomhlacht sonrach lena mbaineann.

(a)

bearnaí ionchasacha a shainaithint amach anseo idir éileamh agus soláthar fuinnimh a bhfuil tábhacht ag baint leo i gcás beartais fuinnimh an Aontais, lena n-áirítear i gcás fheidhmiú an mhargaidh inmheánaigh fuinnimh, le béim ar easnaimh ionchasacha amach anseo agus fabhtanna sa bhonneagar táirgthe agus tarchurtha;

(b)

constaicí infheistíochta a shainaithint agus dea-chleachtais a chur chun cinn chun aghaidh a thabhairt orthu; agus

(c)

trédhearcacht a mhéadú ar mhaithe le rannpháirtithe sa mhargadh agus iontrálaithe ionchasacha sa mhargadh.

(a)

ar shíneadh féideartha a chur le raon feidhme an Rialacháin seo chun na nithe seo a leanas a chur san áireamh:

(b)

an cheist maidir le cibé acu ba cheart nó nár cheart tairseacha do shuiteálacha fuinnimh in-athnuaite a ísliú.