This document is an excerpt from the EUR-Lex website
Document 22026D0940
Decision of the EEA Joint Committee No 8/2026 of 6 February 2026 amending Annex I (Veterinary and phytosanitary matters) to the EEA Agreement [2026/940]
Cinneadh ó Chomhchoiste LEE Uimh. 8/2026 an 6 Feabhra 2026 lena leasaítear Iarscríbhinn I (Cúrsaí tréidliachta agus fíteashláintíochta) a ghabhann le Comhaontú LEE [2026/940]
Cinneadh ó Chomhchoiste LEE Uimh. 8/2026 an 6 Feabhra 2026 lena leasaítear Iarscríbhinn I (Cúrsaí tréidliachta agus fíteashláintíochta) a ghabhann le Comhaontú LEE [2026/940]
IO L, 2026/940, 21.5.2026, ELI: http://data.europa.eu/eli/dec/2026/940/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Iris Oifigiúil |
GA Sraith L |
|
2026/940 |
21.5.2026 |
CINNEADH Ó CHOMHCHOISTE LEE Uimh. 8/2026
an 6 Feabhra 2026
lena leasaítear Iarscríbhinn I (Cúrsaí tréidliachta agus fíteashláintíochta) a ghabhann le Comhaontú LEE [2026/940]
TÁ COMHCHOISTE LEE,
Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,
De bharr an mhéid seo a leanas:
|
(1) |
Rialachán Cur Chun Feidhme (AE) 2025/2171 ón gCoimisiún an 29 Deireadh Fómhair 2025 maidir le hathnuachan a dhéanamh ar údarú D-pantaitéanáite cailciam (vitimín B5) agus D-pantanóil (vitimín B5) mar bhreiseáin bheathaithe le haghaidh gach speicis ainmhíoch agus lena n-aisghairtear Rialachán Cur Chun Feidhme (AE) Uimh. 669/2014 (1), tá sé le hionchorprú i gComhaontú LEE. |
|
(2) |
Rialachán Cur Chun Feidhme (AE) 2025/2175 ón gCoimisiún an 29 Deireadh Fómhair 2025 maidir le húdarú ullmhóide arb é atá inti Lactiplantibacillus plantarum CECT 4528 mar bhreiseán beathaithe le haghaidh gach speicis ainmhíoch a athnuachan agus lena n-aisghairtear Rialachán Cur Chun Feidhme (AE) Uimh. 399/2014 (2), tá sé le hionchorprú i gComhaontú LEE. |
|
(3) |
Rialachán Cur Chun Feidhme (AE) 2025/2183 ón gCoimisiún an 29 Deireadh Fómhair 2025 maidir le húdarú L-vailín arna tháirgeadh le Corynebacterium glutamicum KCCM 80058 mar bhreiseán beathaithe le haghaidh gach speicis ainmhíoch a athnuachan agus lena n-aisghairtear Rialachán Cur Chun Feidhme (AE) Uimh. 848/2014 (3), tá sé le hionchorprú i gComhaontú LEE. |
|
(4) |
Rialachán Cur Chun Feidhme (AE) 2025/2186 ón gCoimisiún an 29 Deireadh Fómhair 2025 maidir le húdarú aigéid phróipianaigh, próipianáite sóidiam agus próipianáite amóiniam a athnuachan mar bhreiseáin bheathaithe le haghaidh gach speicis ainmhíoch talún agus lena n-aisghairtear Rialacháin Cur Chun Feidhme (AE) Uimh. 1222/2013 agus (AE) Uimh. 305/2014 (4), tá sé le hionchorprú i gComhaontú LEE. |
|
(5) |
Le Rialachán Cur Chun Feidhme (AE) 2025/2171 aisghairtear Rialachán Cur Chun Feidhme (AE) Uimh. 669/2014 ón gCoimisiún (5), ar rialachán é atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE. |
|
(6) |
Le Rialachán Cur Chun Feidhme (AE) 2025/2175 aisghairtear Rialachán Cur Chun Feidhme (AE) 399/2014 ón gCoimisiún (6), ar rialachán é atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE. |
|
(7) |
Le Rialachán Cur Chun Feidhme (AE) 2025/2183 aisghairtear Rialachán Cur Chun Feidhme (AE) 848/2014 ón gCoimisiún (7), ar rialachán é atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE. |
|
(8) |
Le Rialachán Cur Chun Feidhme (AE) 2025/2186 aisghairtear Rialacháin Cur Chun Feidhme (AE) Uimh. 1222/2013 (8) agus (AE) Uimh. 305/2014 ón gCoimisiún (9), ar rialacháin iad atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE. |
|
(9) |
Is le reachtaíocht maidir le hábhair bheatha a bhaineann an Cinneadh seo. An reachtaíocht a bhaineann le hábhair bheatha, ní bheidh feidhm aici maidir le Lichtinstéin fad a bheidh cur i bhfeidhm an Chomhaontaithe idir an Comhphobal Eorpach agus Cónaidhm na hEilvéise maidir le trádáil i dtáirgí talmhaíochta leathnaithe chun Lichtinstéin a chumhdach, mar a shonraítear sna hoiriúnuithe earnála ar Iarscríbhinn I a ghabhann le Comhaontú LEE. Dá bhrí sin, níl feidhm le bheith ag an gCinneadh seo maidir le Lichtinstéin. |
|
(10) |
Dá bhrí sin, ba cheart Iarscríbhinn I a ghabhann le Comhaontú LEE a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Caibidil II d’Iarscríbhinn I a ghabhann le Comhaontú LEE, leasaítear í mar a leanas:
|
1. |
Cuirtear na pointí seo a leanas isteach i ndiaidh phointe 682 (Rialachán Cur Chun Feidhme (AE) 2025/1795 ón gCoimisiún):
|
|
2. |
Scriostar téacsanna phointí 107 (Rialachán Cur Chun Feidhme (AE) Uimh. 669/2014 ón gCoimisiún), 2zzzc (Rialachán Cur Chun Feidhme (AE) Uimh. 399/2014 ón gCoimisiún), 110 (Rialachán Cur Chun Feidhme (AE) Uimh. 848/2014 ón gCoimisiún), 2zzn (Rialachán Cur Chun Feidhme (AE) Uimh. 1222/2013 ón gCoimisiún), agus 106 (Rialachán Cur Chun Feidhme (AE) Uimh. 305/2014 ón gCoimisiún). |
Airteagal 2
Is téacsanna barántúla a bheidh i dtéacsanna Rialacháin Cur Chun Feidhme (AE) 2025/2171, (AE) 2025/2175 (AE) 2025/2183 agus (AE) 2025/2186 san Íoslainnis agus san Ioruais, téacsanna atá le foilsiú i bhForlíonadh LEE d’Iris Oifigiúil an Aontais Eorpaigh.
Airteagal 3
Tiocfaidh an Cinneadh seo i bhfeidhm an 7 Feabhra 2026, ar choinníoll go mbeidh na fógraí uile dá bhforáiltear faoi Airteagal 103(1) de Chomhaontú LEE tugtha (*1).
Airteagal 4
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil, an 6 Feabhra 2026.
Thar ceann Chomhchoiste an LEE
An tUachtarán
Nicolas VON LINGEN
(1) IO L, 2025/2171, 30.10.2025, ELI: http://data.europa.eu/eli/reg_impl/2025/2171/oj.
(2) IO L, 2025/2175, 30.10.2025, ELI: http://data.europa.eu/eli/reg_impl/2025/2175/oj.
(3) IO L, 2025/2183, 30.10.2025, ELI: http://data.europa.eu/eli/reg_impl/2025/2183/oj.
(4) IO L, 2025/2186, 30.10.2025, ELI: http://data.europa.eu/eli/reg_impl/2025/2186/oj.
(5) IO L 179, 19.6.2014, lch. 62.
(6) IO L 119, 23.4.2014, lch. 40.
(7) IO L 232, 5.8.2014, lch. 13.
(8) IO L 320, 30.11.2013, lch. 16.
(9) IO L 90, 26.3.2014, lch. 12.
(*1) Ní shonraítear aon cheanglas bunreachtúil.
ELI: http://data.europa.eu/eli/dec/2026/940/oj
ISSN 1977-0839 (electronic edition)