(1)

Rialachán (AE) 2023/1231 ó Pharlaimint na hEorpa agus ón gComhairle an 14 Meitheamh 2023 maidir le rialacha sonracha a bhaineann le teacht isteach i dTuaisceart Éireann ó chodanna eile den Ríocht Aontaithe coinsíneachtaí áirithe earraí miondíola, plandaí le haghaidh plandú, prátaí síl, innealra agus feithiclí áirithe a oibrítear chun críocha talmhaíochta nó foraoiseachta, chomh maith le gluaiseachtaí neamhthráchtála peataí áirithe isteach i dTuaisceart Éireann (1), tá sé le hionchorprú i gComhaontú LEE.

(2)

Baineann Rialachán (AE) 2023/1231 le rialacha sonracha i ndáil le hearraí áirithe a liostaítear sa Rialachán sin a theacht isteach i dTuaisceart Éireann ó chodanna eile den Ríocht Aontaithe. Dá réir sin, déantar foráil leis maidir le cearta agus oibleagáidí páirtithe seachas na Páirtithe Conarthacha i gComhaontú LEE. Chun críocha Chomhaontú LEE, ní ionchorprófar sa Chomhaontú ach forálacha lena leagtar síos cearta agus oibleagáidí na bPáirtithe Conarthacha. Dá bhrí sin, ní bheidh feidhm ag codanna de Rialachán (AE) 2023/1231 maidir le Stáit CSTE.

(3)

Baineann an Cinneadh seo, inter alia, le reachtaíocht maidir le hainmhithe beo cé is moite d’éisc agus ainmhithe dobharshaothraithe agus táirgí ainmhithe amhail ubháin, suthanna agus seamhan. An reachtaíocht a bhaineann leis na cúrsaí sin, ní bheidh feidhm aici maidir leis an Íoslainn, mar a shonraítear i mír 2 den Chuid Réamhráiteach de Chaibidil I d’Iarscríbhinn I a ghabhann le Comhaontú LEE.

(4)

Baineann an Cinneadh seo, inter alia, le reachtaíocht maidir le cúrsaí tréidliachta agus cúrsaí fíteashláintíochta. An reachtaíocht a bhaineann le cúrsaí tréidliachta agus cúrsaí fíteashláintíochta, ní bheidh feidhm aici maidir le Lichtinstéin fad a bheidh cur i bhfeidhm an Chomhaontaithe idir an Comhphobal Eorpach agus Cónaidhm na hEilvéise maidir le trádáil i dtáirgí talmhaíochta leathnaithe chun Lichtinstéin a chumhdach, mar a shonraítear sna hoiriúnuithe earnála ar Iarscríbhinn I a ghabhann le Comhaontú LEE. Dá bhrí sin, níl feidhm le bheith ag an gCinneadh seo maidir le Lichtinstéin.

(5)

Dá bhrí sin, ba cheart Iarscríbhinn I a ghabhann le Comhaontú LEE a leasú dá réir sin,

‘61.

32023 R 1231: Rialachán (AE) 2023/1231 ó Pharlaimint na hEorpa agus ón gComhairle an 14 Meitheamh 2023 maidir le rialacha sonracha a bhaineann le teacht isteach i dTuaisceart Éireann ó chodanna eile den Ríocht Aontaithe coinsíneachtaí áirithe earraí miondíola, plandaí le haghaidh plandú, prátaí síl, innealra agus feithiclí áirithe a oibrítear chun críocha talmhaíochta nó foraoiseachta, chomh maith le gluaiseachtaí neamhthráchtála peataí áirithe isteach i dTuaisceart Éireann (IO L 165, 29.6.2023, lch. 103).

Chun críocha an Chomhaontaithe seo, tá forálacha an Rialacháin oiriúnaithe mar a leanas:

Airteagal 1(2) agus (3), Airteagail 3–12, Airteagal 19 agus Iarscríbhinní I-IV, ní bheidh feidhm acu maidir le Stáit CSTE.’