(1)

Tá tagairt in Airteagal 9 de Chomhaontú LEE do Phrótacal 4 a ghabhann le Comhaontú LEE (‘Prótacal 4’) lena leagtar síos na rialacha tionscnaimh.

(2)

Is é is aidhm don Choinbhinsiún Réigiúnach maidir le rialacha tionscnaimh fabhracha uile-Eora-Mheánmhara (‘Coinbhinsiún PEM’) ná na córais dhéthaobhacha um rialacha tionscnaimh atá ann cheana agus a bunaíodh le comhaontuithe saorthrádála déthaobhacha a tugadh i gcrích idir na Páirtithe Conarthacha i gCoinbhinsiún PEM a thrasuí ionas go mbeidh na córais sin faoi chuimsiú creat iltaobhach, gan dochar do na prionsabail a leagtar síos sna comhaontuithe déthaobhacha siúd.

(3)

Tar éis thabhairt i gcrích agus theacht i bhfeidhm an leasaithe ar Choinbhinsiún PEM, mar a áirítear i gComhaontú LEE le Cinneadh Uimh. 309/2024 ó Chomhchoiste LEE (1), ní bheidh feidhm ag an tacar malartach rialacha tionscnaimh mar a áirítear i bhFoscríbhinn A a ghabhann le Prótacal 4 a ghabhann le Comhaontú LEE maidir leis na Páirtithe Conarthacha agus, dá réir sin, aisghairfear iad faoi Chomhaontú LEE.

(4)

Dá bhrí sin, ba cheart Prótacal 4 a leasú dá réir,