Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 22024D0652

Cinneadh ó Chomhchoiste LEE Uimh. 383/2021 an 10 Nollaig 2021 lena leasaítear Iarscríbhinn IX (Seirbhísí airgeadais) a ghabhann le Comhaontú LEE [2024/652]

IO L, 2024/652, 14.3.2024, ELI: http://data.europa.eu/eli/dec/2024/652/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document Date of entry into force unknown (pending notification) or not yet in force.

ELI: http://data.europa.eu/eli/dec/2024/652/oj

European flag

Iris Oifigiúil
an Aontais Eorpaigh

GA

Sraith L

2024/652

14.3.2024

CINNEADH Ó CHOMHCHOISTE LEE Uimh. 383/2021

an 10 Nollaig 2021

lena leasaítear Iarscríbhinn IX (Seirbhísí airgeadais) a ghabhann le Comhaontú LEE [2024/652]

TÁ COMHCHOISTE LEE,

Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Treoir (AE) 2019/878 ó Pharlaimint na hEorpa agus ón gComhairle an 20 Bealtaine 2019 lena leasaítear Treoir 2013/36/AE a mhéid a bhaineann le heintitis dhíolmhaithe, cuideachtaí sealbhaíochta airgeadais, cuideachtaí sealbhaíochta airgeadais mheasctha, an luach saothair, bearta agus cumhachtaí maoirseachta agus bearta caomhnaithe caipitil (1), arna ceartú le IO L 212, 3.7.2020, lch. 20, tá sí le hionchorprú i gComhaontú LEE.

(2)

Dá bhrí sin, ba cheart Iarscríbhinn IX a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Leasaítear pointe 14 (Treoir 2013/36/AE ó Pharlaimint na hEorpa agus ón gComhairle) d’Iarscríbhinn IX a ghabhann le Comhaontú LEE mar a leanas:

1.

Cuirtear an fhleasc seo a leanas isteach:

‘—

32019 L 0878: Treoir (AE) 2019/878 ó Pharlaimint na hEorpa agus ón gComhairle an 20 Bealtaine 2019 (IO L 150, 7.6.2019, lch. 253), arna ceartú le IO L 212, 3.7.2020, lch. 20.’

2.

Scriostar oiriúnú (n). Athuimhrítear oiriúnú (o) mar oiriúnú (s). Athuimhrítear oiriúnuithe (l) agus (m) mar oiriúnuithe (n) agus (o) faoi seach. Athuimhrítear oiriúnuithe (g) go (k) ionas gurb iad oiriúnuithe (h) go (l) iad.

3.

Cuirtear an t-oiriúnú seo a leanas isteach i ndiaidh oiriúnú (f):

‘(g)

In Airteagal 21d(9), cuirfear na focail “nó, i gcás cuideachtaí sealbhaíochta airgeadais measctha atá bunaithe i Stáit CSTE, Údarás Faireacháin CSTE” isteach tar éis na bhfocal “Rialachán (AE) Uimh. 1094/2010 ó Pharlaimint na hEorpa agus ón gComhairle,”.’

4.

Cuirtear an t-oiriúnú seo a leanas isteach i ndiaidh oiriúnú (l):

‘(m)

I bpointe (a) agus pointe (b) d’Airteagal 109(4), a mhéid a bhaineann le Stáit CSTE, is ‘an Comhaontú LEE’ a léifear in ionad na bhfocal ‘gníomhartha dlí eile de chuid an Aontais’.’

5.

Cuirtear na hoiriúnuithe seo a leanas isteach tar éis oiriúnú (o):

‘(p)

In Airteagail 129(2), 130(2) agus 134(2), cuirfear na focail “nó, i gcás fógra ó Stát CSTE, chuig Údarás Faireacháin CSTE” isteach i ndiaidh an fhocail “Coimisiún”.

(q)

In Airteagal 131, a mhéid a bhaineann le Stáit CSTE:

(i)

is mar seo a leanas a bheidh téacs mhír 5a:

 

‘Faoi réir údarú ó Bhuanchoiste Stáit CSTE dá dtagraítear sa tríú fomhír den mhír seo, féadfaidh an t-údarás inniúil nó an t-údarás ainmnithe a cheangal ar gach O-SII, ar bhonn comhdhlúite, ar bhonn fo-chomhdhlúite nó ar bhonn aonair, de réir mar is infheidhme, maolán O-SII os cionn 3 % a choimeád de mhéid iomlán na neamhchosanta ar riosca arna ríomh i gcomhréir le hAirteagal 92(3) Rialachán (AE) Uimh. 575/2013. Caipiteal Gnáthchothromas Leibhéal 1 a bheidh sa mhaolán sin.

 

Laistigh de 6 seachtaine ón bhfógra dá dtagraítear i mír 7 den Airteagal seo a fháil, tabharfaidh BERS tuairim do Bhuanchoiste Stáit CSTE an meastar gur iomchuí maolán O-SII. Féadfaidh ÚBE a thuairim maidir leis an maolán a thabhairt do Bhuanchoiste Stáit CSTE freisin.

 

Tráth nach déanaí 3 trí mhí ó chuirfidh BERS an fógra dá dtagraítear i mír 7 chuig Buanchoiste na Stát CSTE, déanfaidh Buanchoiste Stáit CSTE — á thabhairt san áireamh dó measúnú BERS agus ÚBE más ábhartha, agus más dóigh leis nach bhfágfaidh maolán O-SII drochiarmhairt dhíréireach ar chóras airgeadais na bPáirtithe Conarthacha in LEE, go hiomlán nó i bpáirt, ná ar LEE ina iomláine ina bhfoirmeoidh nó ina gcruthóidh sé constaic roimh dhea-fheidhmiú an mhargaidh inmheánaigh —déanfaidh sé cinneadh a ghlacadh lena n-údaraítear don údarás inniúil nó don údarás ainmnithe an beart atá beartaithe a ghlacadh.”

(ii)

i mír 7 agus mír 12, cuirfear na focail “nó, i gcás fógra ó údarás inniúil nó ó údarás ainmnithe i Stát CSTE, chuig Buanchoiste Stáit CSTE,” isteach i ndiaidh an fhocail “Coimisiún”.

(r)

In Airteagal 133:

(i)

i mír 9, cuirfear an méid seo a leanas isteach tar éis an fhocail ‘Coimisiún’:

 

‘nó, i gcás fógra ó údarás inniúil nó ó údarás ainmnithe i Stát CSTE, chuig Buanchoiste Stáit CSTE’.

(ii)

i mír 11, a mhéid a bhaineann le Stáit CSTE, cuirfear na focail ‘tuairim Bhuanchoiste Stáit CSTE’ in ionad na bhfocal ‘tuairim an Choimisiúin’.

(iii)

sa chéad fhomhír agus sa dara fomhír de mhír 11 agus sa chéad fhomhír agus sa tríú fomhír de mhír 12, a mhéid a bhaineann le Stáit CSTE, cuirfear ‘Buanchoiste Stáit CSTE’ in ionad an fhocail ‘Coimisiún’.

(iv)

cuirtear an méid seo a leanas in ionad an tríú fomhír agus an ceathrú fomhír de mhír 11:

 

“I gcás inar fochuideachta í institiúid a bhfuil feidhm ag ceann amháin nó níos mó de na rátaí maolánacha um riosca sistéamach maidir léi, a bhfuil a máthairchuideachta bunaithe i mBallstát eile, iarrfaidh an t-údarás inniúil nó an t-údarás ainmnithe moladh san fhógra a chuirfear isteach i gcomhréir le mír 9 ón gCoimisiún nó, i gcás máthairchuideachta atá bunaithe i Stát CSTE, ó Bhuanchoiste Stáit CSTE agus ó BERS.

 

Déanfaidh an Coimisiún nó Buanchoiste Stáit CSTE, de réir mar a bheidh, agus BERS a mholadh a chur ar fáil laistigh de shé seachtaine tar éis dóibh an fógra a fháil.”

(v)

sa chúigiú fomhír de mhír 11 agus sa dara fomhír de mhír 12, cuirtear na focail “nó Buanchoiste Stáit CSTE, de réir mar a bheidh,” isteach i ndiaidh an fhocail “an Coimisiún”.

(vi)

sa tríú fomhír de mhír 12, a mhéid a bhaineann le Stáit CSTE, cuirfear ‘cinneadh’ in ionad an fhocail ‘gníomh’.’

6.

Cuirtear an t-oiriúnú seo a leanas isteach i ndiaidh oiriúnú (s):

‘(t)

A mhéid a bhaineann le Stáit CSTE, is mar a leanas a léifear an téacs sa chéad mhír d’Airteagal 159a:

 

‘Déanfaidh máthairchuideachtaí sealbhaíochta airgeadais agus máthairchuideachtaí sealbhaíochta airgeadais mheasctha atá ann cheana ar dháta theacht i bhfeidhm Chinneadh Uimh. 383/2021 ó Chomhchoiste LEE an 10 Nollaig 2021 iarratas ar fhormheas i gcomhréir le hAirteagal 21a faoi dháta arna ainmniú faoin dlí náisiúnta, laistigh d’uastréimhse 2 bhliain ó theacht i bhfeidhm Chinneadh Uimh. 383/2021 ó Chomhchoiste LEE an 10 Nollaig 2021. Má theipeann ar chuideachta sealbhaíochta airgeadais nó ar chuideachta shealbhaíochta airgeadais mheasctha iarratas a dhéanamh ar fhormheas faoin dáta arna ainmniú faoin dlí náisiúnta, déanfar bearta iomchuí de bhun Airteagal 21d(6).’ ”

Airteagal 2

Is téacs barántúil é téacs Threoir (AE) 2019/878, arna cheartú le IO L 212, 3.7.2020, lch. 20, san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 11 Nollaig 2021, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1), nó ar lá theacht i bhfeidhm Chinneadh Uimh. 301/2021 ó Chomhchoiste LEE an 29 Deireadh Fómhair 2021 (2), cibé acu is déanaí.

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 10 Nollaig 2021.

Thar ceann Chomhchoiste an LEE

An tUachtarán

Rolf Einar FIFE

(1)   IO L 150, 7.6.2019, lch. 253.

(*1)  Sonraítear ceanglais bhunreachtúla.

(2)   IO L, 2024/531, 29.2.2024, ELI: http://data.europa.eu/eli/dec/2024/531/oj.

ELI: http://data.europa.eu/eli/dec/2024/652/oj

ISSN 1977-0839 (electronic edition)

Top