(a)

Chun an socrú oibre seo a chur chun feidhme go héifeachtach, ainmníonn an tAontas Gníomhaireacht Sábháilteachta Eitlíochta an Aontais Eorpaigh (EASA) (1) ina “ghníomhaire teicniúil” aige.

(b)

Cuirfidh EASA úsáid tacsanomaíocht ICAO maidir le Tuairisciú Sonraí Tionóiscí/Teagmhas (ADREP) chun cinn ar an mbonn gurb í an caighdeán chun faisnéisí maidir le tionóiscí agus teagmhais a thuairisciú agus a mhalartú laistigh de Bhallstáit an Aontais Eorpaigh, de Stáit an Limistéir Eorpaigh Eacnamaíoch (LEE) agus den Eilvéis.

(c)

Cuirfidh ICAO úsáid fhoireann bhogearraí d’fheidhmchláir Eccairs 2 an Aontais chun cinn ag Ballstáit ICAO chun faisnéisí maidir le tionóiscí agus teagmhais a bhailiú.

(d)

I ndáil le húsáid fhoireann bhogearraí Eccairs 2, comhordóidh ICAO agus EASA an chomhroinnt agus comhchuibhiú a n-iarrachtaí oiliúna agus tacaíochta agus a gcuid ábhar oiliúna agus tacaíochta chun leas úsáideoirí deiridh Eccairs uile a dhéanamh.

(e)

Oibreoidh ICAO agus EASA i gcomhar chun bunachar sonraí lárnach inrochtana domhanda maidir le tionóiscí agus teagmhais a bhunú agus is iad bogearraí Eccairs 2 a bheidh in úsáid acu. Beidh an bunachar sonraí á oibriú i gcomhréir leis na beartais ábhartha maidir le slándáil na gcóras faisnéise a bheidh i bhfeidhm.

(a)

Is é ICAO an t-úinéir agus an Páirtí atá freagrach as forbairt agus cothabháil ghníomhach tacsanomaíocht ADREP.

(b)

Déanann ICAO agus an Mheitheal um Thacsanomaíocht Eccairs comhordú agus oibríonn siad i ndlúthchomhar chun éabhlóid agus cur chun feidhme comhsheasmhach a áirithiú do thacsanomaíocht ADREP, lena n-áirítear a héabhlóid agus a cur chun feidhme i gCóras Tuairiscithe Eccairs.

(c)

Foilseoidh ICAO tacsanomaíocht ADREP ar a shuíomh gréasáin mar dhoiciméad foirmiúil de chuid ICAO agus tabharfaidh sé an doiciméad sin cothrom le dáta nuair is gá.

(d)

Is é tacsanomaíocht ADREP ICAO is bonn don chur chuige maidir leis an tuairisciú ar thionóiscí agus ar theagmhais san eitlíocht mar a shainítear i Rialachán (AE) Uimh. 376/2014. Athruithe ar thacsanomaíocht ADREP de chuid ICAO, déanfar iad a chomhtháthú, i bprionsabal, le heisiúintí bhogearraí eitlíochta Eccairs.

(e)

Leanfaidh EASA de bheith ag spreagadh Bhallstáit an Aontais, Stáit an Limistéir Eorpaigh Eacnamaíoch (LEE) agus na hEilvéise le Córas Tuairiscithe Eccairs a úsáid chun a gcuid tionóiscí agus teagmhas a thuairisciú go leictreonach do ICAO de réir na bhforálacha a leagtar amach in Iarscríbhinn 13 — “Aircraft Accident and Incident Investigation” (Imscrúdú Tionóiscí agus Teagmhas Aerárthaí).

(f)

Féadfaidh EASA agus údaráis inniúla Bhallstáit an Aontais, Stáit LEE agus na hEilvéise tacsanomaíocht ADREP a úsáid saor in aisce i gCóras Tuairiscithe Eccairs 2 agus sna huirlisí gaolmhara.

(g)

Féadfaidh EASA nasc le tacsanomaíocht ADREP ar shuíomh gréasáin ICAO a sholáthar do phobal Eccairs trí thairseach ghréasáin phobail Eccairs 2.

(h)

Tabharfaidh ICAO cuireadh do EASA páirt a ghlacadh i gcruinnithe den Rúnaíocht nó de ghrúpaí a bunaíodh chun tacsanomaíochtaí a fhorbairt agus/nó chun aghaidh a thabhairt ar shaincheisteanna maidir le húsáid ADREP (e.g. an idir-inoibritheacht, an samhaltú, teicneolaíochtaí nua a thástáil agus uirlisí tuairiscithe, modhanna agus tacaíocht a fhorbairt a thuilleadh).

(i)

Féadfaidh ICAO lógó Eccairs 2 a úsáid i gcomhar le ADREP.

(a)

Is é EASA atá freagrach as forbairt agus as cothabháil ghníomhach chóras Eccairs 2, córas atá comhdhéanta de bhunachar sonraí agus de bhogearraí;

(b)

Aithníonn ICAO gur córas é Eccairs 2 arb é aidhm dó, i bprionsabal, a bheith comhoiriúnach do ADREP.

(c)

Tá ICAO ag úsáid bhogearraí Eccairs 2 agus na n-uirlisí gaolmhara chun córas ADREP de ICAO a chur chun feidhme. Féadfaidh ICAO córas Eccairs 2 a úsáid saor in aisce le freastal ar a gcuid riachtanas féin, lena n-áirítear bailiú na sonraí a bhaineann le hIarscríbhinn 13 — “Aircraft Accident and Incident Investigation” (Tionóiscí agus Teagmhais) agus próisis bailithe sonraí eile a d’fhéadfadh a bheith ann, amhail bailiúchán IBIS maidir le himbhualadh éan nó tuairisciú ábhartha a d’fhéadfadh a bheith ann amach anseo maidir le tarluithe.

(d)

Molann ICAO do Bhallstáit ICAO córas Eccairs 2 a úsáid chun a gcuid tionóiscí agus teagmhas a thuairisciú go leictreonach do ICAO de réir fhorálacha Iarscríbhinn 13 — “Aircraft Accident and Incident Investigation”. Má dhéanann Ballstát ICAO amhlaidh, beidh réiteach Eccairs 2 saor in aisce, mar aon leis an gcothabháil a dhéantar air agus an tacaíocht a thugtar dó.

(e)

Tabharfar cuireadh do ICAO páirt a ghlacadh i gCoiste Stiúrtha Eccairs agus na cearta céanna aige agus a thugtar do chomhaltaí an choiste le Téarmaí Tagartha an Choiste Stiúrtha.

(f)

Molann Rúnaíocht ICAO do Bhallstáit ICAO úsáid córas Eccairs 2, ar córas é atá comhdhéanta de bhunachar sonraí agus de bhogearraí agus atá á reáchtáil ag EASA, ar an mbonn gurb é sin an modh chun a stór náisiúnta tionóiscí agus teagmhas eitlíochta a ghabháil agus cothabháil a dhéanamh air. Más mian le Stát ICAO córas Eccairs 2 a úsáid, tabharfaidh EASA faoi chomhaontú a shocrú leis na Stáit sin.

(a)

I bprionsabal, is é EASA atá freagrach as an oiliúint maidir le Eccairs 2 a chomhordú agus as tacaíocht a sholáthar i dtaca le Ballstáit an Aontais, le Stáit LEE agus leis an Eilvéis, le heagraíochtaí idirnáisiúnta, agus leis na Stáit uile a n-oibríonn EASA i gcomhar leo faoi chlár Comhair Idirnáisiúnta EASA.

(b)

I bprionsabal, is é ICAO atá freagrach as an oiliúint maidir le Eccairs 2 a chomhordú agus as tacaíocht a sholáthar i dtaca le páirtithe nach luaitear i bpointe a).

(c)

I gcás inar féidir, agus acmhainní EASA á gcur san áireamh aige maille leis an tosaíocht atá aige agus a luaitear i bpointe a), tabharfaidh EASA cúnamh do ICAO maidir lena chuid cúraimí siúd, ar an mbonn gurb é ICAO a íocfaidh as costais taistil agus liúntais lae (de réir nósanna imeachta inmheánacha ICAO).

(d)

I ndáil le húsáid fhoireann bhogearraí Eccairs 2, féachfaidh ICAO agus EASA lena gcuid ábhar oiliúna agus tacaíochta a chomhroinnt ar mhaithe le leas phobal Eccairs.

(e)

I gcás inarb ábhartha, féachfaidh ICAO agus EASA le dul i gcomhar le tríú páirtithe ó thaobh thacaíocht agus oiliúint ADREP/Eccairs de.

(f)

Tar éis clárú ar líne ar bhealach iomchuí, beidh rochtain ag údaráis inniúla Bhallstáit ICAO ar Mhol Lárnach Eccairs 2, mol a úsáidtear chun na gníomhaíochtaí oiliúna agus tacaíochta i ndáil le réiteach Eccairs 2 a chomhordú.

(a)

I bprionsabal, is é EASA atá freagrach as suiteáil agus cothabháil córas Eccairs 2, córas atá comhdhéanta de bhunachar sonraí agus de bhogearraí.

(b)

I bprionsabal, is é ICAO atá freagrach as bainistíocht na gceart rochtana ar chóras Eccairs 2 le haghaidh na mBallstát uile cé is moite de Bhallstáit an Aontais, de Stáit LEE agus den Eilvéis

(c)

Comhaontaíonn EASA leis an mbonneagar a bhaineann le córas Eccairs 2, córas atá comhdhéanta de bhunachar shonraí agus de bhogearraí, a sholáthar saor in aisce do ICAO agus do Bhallstáit ICAO ionas gurb é an córas sin a úsáidfidh siad mar bhunachar sonraí le haghaidh an tuairiscithe ar thionóiscí agus ar theagmhais de réir Iarscríbhinn 13 — “Aircraft Accident and Incident Investigation”.

(d)

Tá sé comhaontaithe go mbeidh an rochtain ar na sonraí a stóráiltear i mbunachar sonraí Eccairs 2, agus roinnt na sonraí sin, faoi réir na bhforálacha maidir le rúndacht a leagtar amach in Airteagal 6 de MC, agus go mbeidh siad faoi réir chosaint na dtaifead maidir le himscrúduithe tionóiscí agus teagmhas a leagtar amach in Iarscríbhinn 13 — “Aircraft Accident and Incident Investigation”.

(e)

Gheobhaidh ICAO agus EASA toiliú sainráite i scríbhinn ón Stát lena mbaineann chun rochtain a fháil ar aon sonraí eile a d’fhéadfadh a bheith stóráilte i gcóras Eccairs 2 agus nach dtagann faoi raon feidhme phointe d)

(f)

Oibreoidh ICAO agus EASA i gcomhar chun feabhas a chur ar cháilíocht na sonraí trí thaighde a dhéanamh ar réitigh a thacóidh leis an tseirbhís aicmiúcháin lárnach agus leis na próisis rialaithe cáilíochta uathoibrithe le haghaidh na n-úsáideoirí uile.