(1)

Le Rialachán Cur Chun Feidhme (AE) 2019/2072 ón gCoimisiún (4) bunaítear liosta de lotnaidí neamhchoraintín rialáilte de chuid an Aontais. Leagtar amach ann ceanglais maidir le plandaí, táirgí plandaí agus réadaí eile áirithe a thabhairt isteach i gcríoch an Aontais, nó a ngluaiseacht laistigh de, chun cosc a chur ar leathadh na lotnaidí sin i gcríoch an Aontais.

(2)

Ar mhaithe le comhsheasmhacht, ba cheart na ceanglais sin a ailíniú leis na ceanglais faoi seach a leagtar amach i reachtaíocht an Aontais maidir le síolta agus ábhar eile iomadaithe agus plandaithe a mhargú.

(3)

Ar bhonn modheolaíocht a d’fhorbair an Eagraíocht Eorpach agus Meánmhara um Chosaint Plandaí (EECP) (5), liostaíodh víreas fáinnebhall an phlanda tobac i gCuid H d’Iarscríbhinn IV a ghabhann le Rialachán Cur Chun Feidhme (AE) 2019/2072 mar lotnaid neamhchoraintín rialáilte i ndáil le síolta plandaí ola agus plandaí snáithín Glycine max (L.) Merr., le teorainn lamháltais 0 %.

(4)

Le Treoir 2002/57/CE bunaítear scéim deimhniúcháin aonfhoirmeach chun síolta plandaí ola agus plandaí snáithín a tháirgeadh agus a mhargú laistigh den Aontas, lena n-áirítear ceanglais, i measc ceanglais eile, maidir le láithreacht uasta lotnaidí neamhchoraintín rialáilte sna síolta sin. Dá bhrí sin, agus chun ailíniú le forálacha Rialachán Cur Chun Feidhme (AE) 2019/2072, is gá an Treoir sin a leasú trí cheanglais a chur léi maidir le víreas fáinnebhall an phlanda tobac le haghaidh Glycine max (L.) Merr. (pónaire shoighe). Leis an leasú sin, ba cheart teorainn lamháltais 0 % a shocrú don lotnaid sin i ngach catagóir síl den speiceas sin, chun comhsheasmhacht le forálacha faoi seach an Rialacháin Cur Chun Feidhme sin a áirithiú.

(5)

Leathadh Víreas tráta an toraidh dhoinn rocaigh (ToBRFV) go forleathan laistigh de chríoch an Aontais le blianta beaga anuas. Thairis sin, in anailís riosca lotnaidí cothrom le dáta mhí an Mheithimh 2024 ón Eagraíocht Eorpach agus Meánmhara um Chosaint Plandaí (6), tugadh faoi deara go bhfuil athrú tagtha ar an staid maidir leis an lotnaid sin a mhéid go bhfuil méadú tagtha ar a achar dáileacháin ar fud an domhain.

(6)

Ós rud é go gcomhlíonann ToBRFV na ceanglais chun bheith cáilithe mar lotnaid neamhchoraintín rialáilte, liostaíodh é in Iarscríbhinn IV a ghabhann le Rialachán Cur Chun Feidhme (AE) 2019/2072, trína leasú le Rialachán Cur Chun Feidhme (AE) 2024/2970 ón gCoimisiún (7).

(7)

Liostaíodh ToBRFV i gCodanna E agus H d’Iarscríbhinn IV a ghabhann le Rialachán Cur Chun Feidhme (AE) 2019/2072 mar lotnaid neamhchoraintín rialáilte i ndáil le plandaí Solanum lycopersicum L. le haghaidh plandú agus a hibridí, agus plandaí Capsicum annuum L. le haghaidh plandú, seachas cineálacha arb eol go bhfuil siad frithsheasmhach in aghaidh ToBRFV, le teorainn lamháltais 0 % maidir lena láithreacht ar na plandaí sin. Cuireadh an lotnaid sin faoi réir na mbeart a leagtar amach in Iarscríbhinn V a ghabhann leis an Rialachán Cur Chun Feidhme sin maidir leis na plandaí le haghaidh plandú sin a thabhairt isteach san Aontas agus maidir lena ngluaiseacht laistigh den Aontas.

(8)

Le Treoir 2002/55/CE bunaítear ceanglais maidir le síolta glasraí a mhargú laistigh den Aontas, lena n-áirítear, i measc nithe eile, ceanglais maidir le láithreacht na lotnaidí neamhchoraintín rialáilte sin sna síolta sin. Dá bhrí sin, chun ailíniú le forálacha Rialachán Cur Chun Feidhme (AE) 2019/2072, is gá an Treoir sin a leasú trí cheanglais a leagan amach maidir le láithreacht ToBRFV ar shíolta Capsicum annuum L. (piobar), seachas síolta a bhaineann le cineál arb eol go bhfuil sé frithsheasmhach in aghaidh ToBRFV, agus maidir le láithreacht na lotnaide sin ar shíolta Solanum lycopersicum L. (tráta) agus a hibridí. Leis an leasú sin, ba cheart teorainn lamháltais 0 % a shocrú do láithreacht na lotnaide sin i síolta de na speicis sin, chun comhsheasmhacht le forálacha faoi seach Rialachán Cur Chun Feidhme (AE) 2019/2072 a áirithiú.

(9)

Le Treoir 93/61/CEE ón gCoimisiún (8), bunaítear na coinníollacha sonracha agus na caighdeáin cháilíochta nach mór d’ábhar iomadaithe agus plandaithe glasraí, seachas síolta, a chomhlíonadh faoi Threoir 92/33/CEE ón gComhairle (9), lena n-áirítear ceanglais maidir le láithreacht lotnaidí neamhchoraintín rialáilte ar an ábhar sin de speicis áirithe. Chun ailíniú le forálacha Rialachán Cur Chun Feidhme (AE) 2019/2072, is gá an Treoir sin a leasú trí cheanglais a leagan amach maidir le láithreacht ToBRFV ar ábhar iomadaithe agus plandaithe glasraí, seachas síolta Capsicum annuum L. (piobar), agus seachas ábhar a bhaineann le cineál arb eol go bhfuil sé frithsheasmhach in aghaidh ToBRFV. Ar an gcúis chéanna, is gá an Treoir sin a leasú trí cheanglais a leagan amach maidir le láithreacht na lotnaide sin ar ábhar iomadaithe agus plandaithe glasraí, seachas síolta Solanum lycopersicum L. (tráta) agus a hibridí. Leis na leasuithe sin, ba cheart teorainn lamháltais 0 % a shocrú do ToBRFV ar ábhar iomadaithe agus plandaithe glasraí seachas síolta na speiceas sin, chun comhsheasmhacht le forálacha faoi seach Rialachán Cur Chun Feidhme (AE) 2019/2072 a áirithiú.

(10)

Ba cheart feidhm a bheith ag an Treoir seo ón 1 Meitheamh 2025 ar aghaidh chun níos mó ama a thabhairt do na húdaráis inniúla agus do na hoibreoirí gairmiúla oiriúnú dá forálacha.

(11)

Tá na forálacha dá bhforáiltear sa Treoir seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,