Leagtar síos inti conas ba cheart d’údaráis náisiúnta cloí le ceanglais éagsúla chun sábháilteacht agus cáilíocht fhuil an duine a bhailítear agus a thástáiltear in Aontas Eorpach (AE) a áirithiú.

PRÍOMHPHOINTÍ

Ní mór do - thíortha - AE a áirithiú.
- Go gcloíonn gach bunaíocht fola le caighdeáin agus sonraíochtaí sábháilteachta agus cáilíochta AE;
- Tá treoirlínte dea-chleachtais ar fáil agus á n-úsáid ag gach banc fola. Ní mór dóibh na treoirlínte dea-chleachtais a arna n-ullmhú ag an gCoimisiún Eorpach agus ag an Stiúrthóireacht Eorpach um Cháilíocht Leigheasra & Cúraim Sláinte de chuid Chomhairle na hEorpa a chur san áireamh. I gcomhréir le Treoir (AE) 2016/1214, ba cheart go n–áiritheodh tíortha AE go gcomhlíonann bunaíochtaí fola treoirlínte dea-chleachtais dá gcórais cháilíochta faoin 15 Feabhra 2018.
- Tá feidhm ag rialuithe cáilíochta i dtaca le fuil agus comhábhair fola ó thíortha neamh-AE/neamh- Limistéar Eorpach Eacnamaíoch sula ndéantar iad a allmhairiú isteach in AE.
Ní mór do lucht bainistíochta na mbunaíochtaí fola córas cáilíochta a chur i bhfeidhm agus a chothabháil ar bhonn córasach.
Cumhdaítear sa chóras cáilíochta:
- dearbhú cáilíochta — gach nós imeachta, áitreabh agus trealamh a bhailíochtú;
- pearsanra agus eagraíocht — ní mór oiliúint cheart a bheith ar an bhfoireann, tascanna soiléire agus freagrachtaí a bheith acu agus dóthain díobh a bheith ann;
- áitreabh — ní mór limistéir shonraithe a bheith acu seo le haghaidh agallaimh rúnda, le haghaidh bailiú, tástáil, próiseáil agus stóráil fola agus diúscairt dramhaíola;
- trealamh agus ábhair — ní mór iad sin a bhailíochtú, a chalabrú, a chothabháil agus a thaifeadadh i bhfardal;
- doiciméadúchán — ní mór sonraíochtaí, nósanna imeachta agus taifid maidir le gach gníomhaíocht a bheith cothrom le dáta;
- bailiú fola — ní mór nósanna imeachta a bheith i bhfeidhm chun deontóirí a shainaithint, a chur faoi agallamh agus a mheasúnú agus an riosca a bhaineann le héilliú miocróbach a íoslaghdú;
- tástáil saotharlainne ní mór gach nós imeachta a bhailíochtú roimh a n–úsáid agus measúnú rialta a dhéanamh ar a gcáilíocht;
- próiseáil agus bailíochtú — ní mór gach trealamh agus fearas teicniúil a úsáid de réir nósanna imeachta bailíochtaithe;
- lipéadú — ba cheart gach coimeádán a lipéadú le faisnéis ábhartha maidir lena bhfuil ina gcuid ábhar ag gach céim;
- eisiúint — ní dhéanfar aon fhuil aonair ná aon chomhábhar fola a eisiúint go dtí go gcomhlíonfar gach ceanglas éigeantach sa reachtaíocht;
- stóráil agus dáileadh ní mór nósanna imeachta a bheith i bhfeidhm ionas nach meascfar suas comhábhair fola;
- gearáin — ní mór iad sin a bhreacadh síos agus a imscrúdú go cúramach. Más gá, féadfar leis sin táirgí a athghairm agus bearta ceartaitheacha a chur i bhfeidhm ionas nach dtarlóidh siad arís;
- athghairm — ní mór nós imeachta athghairme éifeachtach a bheith i bhfeidhm, ionas go mbeifear in ann (comhábhair) fola ábhartha a rianú;
- féin-imscrúduithe — ba cheart iad seo nó córais iniúchta a bheith i bhfeidhm i dtaca le gach oibríocht d’fhonn a dheimhniú go bhfuiltear ag comhlíonadh na reachtaíochta.

CÉN UAIR ATÁ TOSACH FEIDHME NA TREORACH?

Tá sí i bhfeidhm ón 21 Deireadh Fómhair 2005. Bhí sé le corprú ag tíortha AE ina ndlí náisiúnta faoin 31 Lúnasa 2006.

CÚLRA

Leagtar síos i dTreoir 2005/62/CE na ceanglais theicniúla lena n–áirithítear go ndéantar na caighdeáin cháilíochta agus shábháilteachta atá leagtha síos i dTreoir 2002/98/CE a urramú.
Le haghaidh breis faisnéise, féach ar:
- “Fuil, fíocháin agus orgáin” (An Coimisiún Eorpach).

PRÍOMHDHOICIMÉAD

Treoir 2005/62/CE ón gCoimisiún an 30 Meán Fómhair 2005 lena gcuirtear chun feidhme Treoir 2002/98/CE ó Pharlaimint na hEorpa agus ón gComhairle maidir le caighdeáin agus sonraíochtaí an Chomhphobail a bhaineann le córas cáilíochta le haghaidh bunaíochtaí fola (IO L 256, 1.10.2005, lgh. 41-48)

Rinneadh leasuithe comhleanúnacha ar Threoir 2005/62/CE a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.