Is é atá mar aidhm leis na comhaontuithe a áirithiú go bhfuil adhmad agus táirgí adhmaid atá á n-iompórtáil ó thíortha a bhfuil Comhaontú Comhpháirtíochta Deonach (VPA) sínithe acu leis an Aontas Eorpach (AE) á dtáirgeadh go dleathach.
Is fianaise é síniú agus tabhairt i gcrích na gcomhaontuithe thar ceann an AE iad na cinntí.

PRÍOMHPHOINTÍ

Córais dearbhaithe dlíthiúlachta adhmaid

Ceanglaítear ar thíortha atá ag glacadh páirte in VPA leis an AE córais dearbhaithe dlíthiúlachta adhmaid (TLAS) a bhunú agus a chur chun feidhme.
Fíoraíonn TLAS go bhfuil adhmad agus táirgí adhmaid táirgthe go dleathach.
Ní onnmhairítear ach lastais fhíoraithe amháin chuig an AE, atá clúdaithe faoi cheadúnas fhorfheidhmiú an dlí, rialachas agus trádáil i dtaca le foraoisí (FLEGT).
Ní mór don chóras seiceálacha agus nósanna imeachta um chomhlíonadh a chur san áireamh lena áirithiú nach gcuirfear adhmad de thionscnamh neamhdhleathach nó anaithnid isteach sa slabhra soláthair.
Le meastóireacht neamhspleách déanfar measúnú ar chur chun feidhme, ar éifeachtacht agus ar inchreidteacht scéim ceadúnúcháin TLAS agus FLEGT.
Clúdaíonn raon táirgí scéim cheadúnaithe FLEGT croíliosta de tháirgí éigeantacha, mar atá liostaithe faoi Iarscríbhinn II le rialachán FLEGT, mar aon le táirgí breise tírshonracha atá le liostú in Iarscríbhinn III (de réir an raoin táirgí a comhaontaíodh sa VPA ábhartha).

Forghníomhú an dlí, rialachas agus trádáil i dtaca le foraoisí

Tá sé beartaithe leis an gcomhaontú go mbunófar scéim ceadúnúcháin FLEGT, nuair a thiocfaidh an dá pháirtí sa chomhaontú ar chonclúid ar bhonn measúnacht comhpháirtí ar ullmhacht oibríochtúil chun a chinneadh an gcomhlíonann TLAS atá mar bhonn agus taca le scéim ceadúnúcháin a fheidhmeanna go leordhóthanach.
Leagtar amach leis freisin nósanna imeachta agus ceanglais atá dírithe ar fhíorú agus, i gcás onnmhairí chuig an AE, a fhianaíonn, trí cheadúnais FLEGT, gur táirgeadh go dleathach táirgí adhmaid a seoladh chuig an AE. Bunaíodh ceadúnais FLEGT le Rialachán (CE) Uimh 2173/2005 (féach an achoimre).
A luaithe a thiocfaidh scéim ceadúnúcháin FLEGT i bhfeidhm i gcás adhmaid agus táirgí adhmaid atá clúdaithe sa chomhaontú, ní ghlacfaidh an tAontas Eorpach ach le lastais adhmaid ón tír atá i gceist atá clúdaithe faoi ceadúnais bhailí FLEGT. Measfar adhmad a bhfuil ceadúnas bailí FLEGT aige mar adhmad arna lománú go dleathach de réir bhrí Rialachán adhmaid AE, Rialachán (AE) Uimh. 995/2010, (féach an achoimre). Dá bhrí sin ní bheidh ar oibreoirí a dhéanann adhmad ceadúnaithe FLEGT a allmhairiú a ndícheall cuí a dhéanamh faoin rialachán sin.

Údarás ceadúnúcháin

Ní mór don tír is onnmhaireoir í údarás ceadúnúcháin (UC) a cheapadh.
Deimhníonn an UC gur táirgeadh go dleathach táirgí adhmaid agus eisíonn sé ceadúnais FLEGT maidir le lastais táirgí den sórt sin chuig an Aontas Eorpach.
Ní eiseoidh sé ceadúnais FLEGT do na nithe a leanas:
- aon lastas táirgí adhmaid nár táirgeadh go dleathach faoi dhlí na tíre mar a shonraítear sa chomhaontú; nó
- i gcás adhmaid allmhairithe, táirgí adhmaid nár lománaíodh, nár táirgeadh nó nár onnmhairíodh de réir dhlí thír na lománaíochta agus na tíre táirgthe.
Ní mór an nós imeachta maidir le ceadúnais FLEGT a eisiúint a bheith ar fáil go poiblí agus ní mór taifid a choinneáil de na lastais go léir a chlúdaítear faoi na ceadúnais sin.

Ceadúnais FLEGT a fháil agus a fhíorú

Ní mór d’údarás inniúil i mBallstát AE lena mbaineann a sheiceáil go bhfuil ceadúnas bailí FLEGT ar gach lastas sula scaoilfear amach é le haghaidh saorchúrsaíochta san Aontas Eorpach.
Is féidir an scaoileadh sin a chur ar fionraí agus an lastas a choinneáil má bhíonn amhras ann faoi bhailíocht an cheadúnais.

Neamhrialtachtaí

Ní mór do gach páirtí an páirtí eile a chur ar an eolas má tá amhras orthu faoi neamhrialtachtaí nó má tá fianaise acu ar neamhrialtachtaí sa scéim ceadúnúcháin nó aon iarracht chun teacht timpeall air, lena n–áirítear:

trádáil a atreorú ón tír atá i gceist go dtí an tAontas Eorpach trí thír neamh-AE leis an rún ceadúnú a sheachaint;
Ceadúnais FLEGT ina gclúdaítear táirgí adhmaid ina bhfuil adhmad ó thíortha neamh-AE a bhfuil amhras ann go bhfuil siad á dtáirgeadh go neamhdhleathach;
calaois maidir le ceadúnais FLEGT a fháil nó a úsáid.

DÁTA TEACHT I BHFEIDHM

Tír	Dáta theacht i bhfeidhm an chomhaontaithe	Dáta daingnithe an chomhaontaithe	Dáta sínithe an chomhaontaithet	Tús le ceadúnú FLEGT
Hondúras	1 Meán Fómhair 2022	Meitheamh 2021	23 Feabhra 2021
Vítneam	1 Meitheamh 2019	Bealtaine 2019	19 Deireadh Fómhair 2018
An Indinéis	1 Bealtaine 2014	Aibreán 2014	30 Meán Fómhair 2013	15 Samhain 2016
An Libéir	1 Nollaig 2013	Nollaig 2013	Dé Luain 11 Iúil 2011
An Congó	1 Márta 2013	Feabhra 2013	17 Bealtaine 2010
Camarún	1 Nollaig 2011	2 Márta 2011 – AE 9 Lúnasa 2011 – Camarún	6 Deireadh Fómhair 2010
Poblacht na hAfraice Láir	1 Iúil 2012	1 Iúil 2012	28 Samhain 2011
Gána	1 Nollaig 2009		19 Samhain 2009
Poblacht Dhaonlathach an Chongó	Fós faoi chaibidil
An Cósta Eabhair	Fós faoi chaibidil
An Ghabúin	Fós faoi chaibidil
An Ghuáin	Fós faoi chaibidil

CÚLRA

Le haghaidh tuilleadh faisnéise, féach:

Rialachán FLEGT — Comhaontuithe Comhpháirtíochta Deonacha FLEGT (An Coimisiún Eorpach).

PRÍOMHDHOICIMÉID

Comhaontú Comhpháirtíochta Deonach idir an tAontas Eorpach agus Poblacht Hondúras i ndáil le forfheidhmiú an dlí, rialachas agus trádáil i dtaca le foraoisí (IO L 217, 18.6.2021, lgh. 3-136).

Cinneadh (AE) 2020/2185 ón gComhairle an 18 Nollaig 2020 maidir le síniú, thar ceann an Aontais Eorpaigh, an Chomhaontaithe Comhpháirtíochta Dheonaigh idir an tAontas Eorpach agus Poblacht Hondúras i ndáil le forfheidhmiú an dlí, rialachas agus trádáil i dtaca le foraoisí i dtáirgí adhmaid (IO L 435, 23.12.2020, lgh. 63-64).

Cinneadh (AE) 2021/964 ón gComhairle an 26 Bealtaine 2021 maidir le tabhairt i gcrích an Chomhaontaithe Comhpháirtíochta Dheonaigh idir an tAontas Eorpach agus Poblacht Hondúras i ndáil le forfheidhmiú an dlí, rialachas agus trádáil i dtaca le foraoisí i dtáirgí adhmaid chuig an Aontas Eorpach (IO L 217, 18.6.2021, lgh. 1-2).

Comhaontú Comhpháirtíochta Deonach idir an tAontas Eorpach agus Poblacht Shóisialach Vítneam i ndáil le forfheidhmiú an dlí, rialachas agus trádáil i dtaca le foraoisí (IO L 147, 5.6.2019, lgh. 3-209).

Cinneadh (AE) 2018/1528 ón gComhairle an 11 Deireadh Fómhair 2018 maidir le síniú, thar ceann an Aontais Eorpaigh, an Chomhaontaithe Comhpháirtíochta Dheonaigh idir an tAontas Eorpach agus Poblacht Shóisialach Vítneam i ndáil le forfheidhmiú an dlí, rialachas agus trádáil i dtaca le foraoisí (IO L 257, 15.10.2018, lgh. 1-2).

Cinneadh (AE) 2019/854 ón gComhairle an 15 Aibreán 2019 maidir le tabhairt i gcrích an Chomhaontaithe Comhpháirtíochta Dheonaigh idir an tAontas Eorpach agus Poblacht Shóisialach Vítneam i ndáil le forfheidhmiú an dlí, rialachas agus trádáil i dtaca le foraoisí (IO L 147, 5.6.2019, lgh. 1-2).

Comhaontú Comhpháirtíochta Deonach idir an tAontas Eorpach agus Poblacht na hIndinéise i ndáil le forfheidhmiú an dlí, rialachas agus trádáil i dtaca le foraoisí (IO L 150, 20.5.2014, lgh. 252-330).

Rinneadh leasuithe comhleanúnacha ar an gcomhaontú a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Cinneadh 486/436 ón gComhairle an 23 Meán Fómhair 2013 maidir le síniú, thar ceann an Aontais Eorpaigh, an Chomhaontaithe Comhpháirtíochta Dheonaigh idir an tAontas Eorpach agus Poblacht na hIndinéise i ndáil le forfheidhmiú an dlí, rialachas agus trádáil i dtaca le foraoisí i dtáirgí adhmaid chuig an Aontas Eorpach (IO L 265, 8.10.2013, lgh. 1–2).

Cinneadh 2014/284/AE ón gComhairle an 14 Aibreán 2014 maidir le tabhairt i gcrích an Chomhaontaithe Comhpháirtíochta Dheonaigh idir an tAontas Eorpach agus Poblacht na hIndinéise i ndáil le forfheidhmiú an dlí, rialachas agus trádáil i dtaca le foraoisí i dtáirgí adhmaid chuig an Aontas Eorpach (IO L 150, 20.5.2014, lgh. 250-251).

Comhaontú Comhpháirtíochta Deonach idir an tAontas Eorpach agus Poblacht na Libéire i ndáil le forfheidhmiú an dlí, rialachas agus trádáil i dtaca le foraoisí i dtáirgí adhmaid chuig an Aontas Eorpach (IO L 191, 19.7.2012, lgh. 3-90).

Cinneadh 2011/475/AE ón gComhairle an 22 Iúil 2011 maidir le síniú, thar ceann an Aontais Eorpaigh, an Chomhaontaithe Comhpháirtíochta Dheonaigh idir an tAontas Eorpach agus Poblacht na Libéire i ndáil le forfheidhmiú an dlí, rialachas agus trádáil i dtaca le foraoisí i dtáirgí adhmaid chuig an Aontas Eorpach (IO L 196, 28.7.2011, lch. 2).

Cinneadh 2012/373/EU ón gComhairle an 14 Bealtaine 2012 maidir le tabhairt i gcrích an Chomhaontaithe Comhpháirtíochta Dheonaigh idir an tAontas Eorpach agus Poblacht na Libéire i ndáil le forfheidhmiú an dlí, rialachas agus trádáil i dtaca le foraoisí i dtáirgí adhmaid chuig an Aontas Eorpach(IO L 191, 19.7.2012, lgh. 1).

Comhaontú Comhpháirtíochta Deonach idir an tAontas Eorpach agus Poblacht na hAfraice Láir maidir le forfheidhmiú an dlí, rialachas agus trádáil i dtaca le foraoisí agus trádáil táirgí adhmaid agus táirgí díorthaithe chuig an Aontas Eorpach (FLEGT) (IO L 191, 19.7.2012, lgh. 103–256).

Cinneadh 2011/790/AE ón gComhairle an 14 Samhain 2011 maidir le síniú Chomhaontú Comhpháirtíochta Deonach idir an tAontas Eorpach agus Poblacht na hAfraice Láir maidir le forfheidhmiú an dlí, rialachas agus trádáil i dtaca le foraoisí agus trádáil táirgí adhmaid agus táirgí díorthaithe chuig an Aontas Eorpach (FLEGT) (IO L 320, 3.12.2011, lch. 2).

Cinneadh 2012/374/AE ón gComhairle an 14 Bealtaine 2012 maidir le tabhairt i gcrích Chomhaontú Comhpháirtíochta Deonach idir an tAontas Eorpach agus Poblacht na hAfraice Láir maidir le forfheidhmiú an dlí, rialachas agus trádáil i dtaca le foraoisí agus trádáil táirgí adhmaid agus táirgí díorthaithe chuig an Aontas Eorpach (FLEGT) (IO L 191, 19.7.2012, lch. 102).

Comhaontú Comhpháirtíochta Deonach idir an tAontas Eorpach agus Poblacht Chamarún maidir le forfheidhmiú an dlí, rialachas agus trádáil i dtaca le foraoisí agus trádáil táirgí adhmaid agus táirgí díorthaithe chuig an Aontas Eorpach (FLEGT) (IO L 92, 6.4.2011, lgh. 4–125).

Cinneadh 2011/200/AE ón gComhairle an 27 Meán Fómhair 2010 maidir le síniú Chomhaontú Comhpháirtíochta Deonach idir an tAontas Eorpach agus Poblacht Chamarún maidir le forfheidhmiú an dlí, rialachas agus trádáil i dtaca le foraoisí agus táirgí adhmaid agus táirgí díorthaithe chuig an Aontas Eorpach (FLEGT) (IO L 92, 6.4.2011, lgh. 1–2).

Cinneadh 2011/201/AE ón gComhairle an 28 Feabhra 2011 maidir le tabhairt i gcrích Chomhaontú Comhpháirtíochta Deonach idir an tAontas Eorpach agus Poblacht Chamarún maidir le forfheidhmiú an dlí, rialachas agus trádáil i dtaca le foraoisí agus táirgí adhmaid agus táirgí díorthaithe chuig an Aontas Eorpach (FLEGT) (IO L 92, 6.4.2011, lch. 3).

Comhaontú Comhpháirtíochta Deonach idir an tAontas Eorpach agus Poblacht an Chongó maidir le forfheidhmiú an dlí, rialachas agus trádáil i dtaca le foraoisí agus táirgí adhmaid agus táirgí díorthaithe chuig an Aontas Eorpach (FLEGT) (IO L 92, 6.4.2011, lgh. 127–238).

Cinneadh 2010/615/AE ón gComhairle an 17 Bealtaine 2010 maidir le síniú Chomhaontú Comhpháirtíochta Deonach idir an tAontas Eorpach agus Poblacht an Chongó maidir le forfheidhmiú an dlí, rialachas agus trádáil i dtaca le foraoisí agus táirgí adhmaid agus táirgí díorthaithe chuig an Aontas Eorpach (FLEGT) (IO L 271, 15.10.2010, lgh. 1–2).

Cinneadh 2011/202/AE ón gComhairle an 28 Feabhra 2011 maidir le tabhairt i gcrích Chomhaontú Comhpháirtíochta Deonach idir an tAontas Eorpach agus Poblacht an Chongó maidir le forfheidhmiú an dlí, rialachas agus trádáil i dtaca le foraoisí agus táirgí adhmaid agus táirgí díorthaithe chuig an Aontas Eorpach (FLEGT) (IO L 92, 6.4.2011, lch. 126).

Comhaontú Comhpháirtíochta Deonach idir an Comhphobal Eorpach agus Poblacht Ghána maidir le forfheidhmiú an dlí, rialachas agus trádáil i dtaca le foraoisí agus táirgí adhmaid sa Chomhphobal (IO L 70, 19.3.2010, lgh. 3–75).

Cinneadh 2010/151/EC ón gComhairle an 16 Samhain 2009 maidir le tabhairt i gcrích Chomhaontú Comhpháirtíochta Deonach idir an tAontas Eorpach agus Poblacht Ghána i ndáil le forfheidhmiú an dlí, rialachas agus trádáil i dtaca le foraoisí táirgí adhmaid sa Chomhphobal (IO L 70, 19.3.2010, lgh. 1–2).

DOICIMÉID GHAOLMHARA

Fógra maidir le teacht i bhfeidhm an Chomhaontaithe Comhpháirtíochta Dheonaigh idir an tAontas Eorpach agus Poblacht Sóisialach Vítneam maidir le forfheidhmiú, rialachas agus trádáil dlí foraoise (IO L 241, 19.9.2019, lch. 1).

Rialachán (AE) Uimh. 995/2010 ó Pharlaimint na hEorpa agus ón gComhairle an 20 Deireadh Fómhair 2010 lena leagtar síos oibleagáidí na n–oibreoirí a chuireann adhmad agus táirgí adhmaid ar an margadh (IO L 295, 12.11.2010, lgh. 23-34).

Rinneadh leasuithe comhleanúnacha ar Rialachán (CE) Uimh. 995/2010 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (CE) Uimh. 2173/2005 ón gComhairle an 20 Nollaig 2005 maidir le scéim cheadúnúcháin FLEGT a bhunú i gcás allmhairí adhmaid isteach sa Chomhphobal Eorpach (IO L 347, 30.12.2005, lgh. 1-6).

Féach an leagan comhdhlúite.

Nuashonraithe 01.09.2022

Barr

Choose the experimental features you want to try

Teideal agus tagairt

Comhaontuithe comhpháirtíochta deonacha maidir le forfheidhmiú an dlí, rialachas agus trádáil i dtaca le foraoisí

ACHOIMRE AR:

CAD IS AIDHM LEIS NA COMHAONTUITHE AGUS LEIS NA CINNTÍ?

PRÍOMHPHOINTÍ

DÁTA TEACHT I BHFEIDHM

CÚLRA

PRÍOMHDHOICIMÉID

DOICIMÉID GHAOLMHARA