Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32017D0864

Bliain Eorpach na hOidhreachta Cultúrtha (2018)

Dáta an athbhreithnithe dheireanaigh:
17/11/2022
Dáta a céadchruthaíodh:
09/01/2023
Doiciméid achoimrithe:
Údar:
Oifig Foilseachán an Aontais Eorpaigh
Eintiteas/is atá freagrach:
Ard-Stiúrthóireacht um Oideachas, an Óige, Spórt agus Cultúr

Bliain Eorpach na hOidhreachta Cultúrtha (2018)

ACHOIMRE AR:

Cinneadh (AE) 2017/864 maidir le Bliain Eorpach na hOidhreachta Cultúrtha (2018)

CAD IS AIDHM LEIS AN GCINNEADH?

Ainmnítear leis 2018 mar Bhliain Eorpach na Oidhreachta Cultúrtha (féach Bliain Eorpach).

Tá an teideal deartha chun:

  • oidhreacht chultúrtha na hEorpa mar acmhainn chomhroinnte a spreagadh;
  • feasacht a mhúscailt maidir le stair choiteann agus luachanna coiteanna;
  • muintearas leis an Eoraip a neartú.

PRÍOMHPHOINTÍ

Is iad na cuspóirí ginearálta leis an mBliain Eorpach oibriú leis an Aontas Eorpach, le húdaráis náisiúnta, réigiúnacha agus áitiúla, le hearnáil na hoidhreachta cultúrtha agus leis an tsochaí shibhialta chun oidhreacht chultúrtha na hEorpa a chosaint, a choimiriciú, a athúsáid, a threisiú, meas a bheith uirthi, agus í a chur chun cinn:

  • cuidiú lena léiriú go bhfuil oidhreacht chultúrtha na hEorpa ina comhpháirt thábhachtach den éagsúlacht chultúrtha agus den idirphlé idirchultúrtha;
  • an cúnamh mór a thugann an earnáil don tsochaí agus don gheilleagar a fheabhsú;
  • an tábhacht a bhaineann leis an oidhreacht chultúrtha a chur chun cinn maidir leis an gcaidreamh idir Ballstáit AE agus tíortha nach tíortha den Aontas Eorpach iad a choinneáil.

Tá 14 chuspóir shonracha leis an mBliain Eorpach. Tá siad leagtha amach in Airteagal 2, agus áirítear an méid seo a leanas orthu:

  • gníomhaíochtaí atá duinelárnach, cuimsitheach, réamhbhreathnaitheach, comhtháite, inbhuanaithe agus a bhaineann le beartais éagsúla;
  • cur chun cinn bealaí nuálacha chun an oidhreacht chultúrtha a bhainistiú, í a dhéanamh inrochtana go forleathan agus taighde agus díospóireacht a spreagadh;
  • sineirgí idir an oidhreacht chultúrtha agus an comhshaol, agus straitéisí réigiúnacha agus áitiúla forbartha a spreagadh;
  • tacaíocht d’fhorbairt saiscileanna agus úsáid na hoidhreachta cultúrtha chun cruthú agus nuálaíocht a spreagadh;
  • feasacht a mhúscailt maidir leis an oidhreacht, go háirithe i measc leanaí, daoine óga agus daoine scothaosta, pobail áitiúla agus grúpaí a bhfuil sé deacair teacht orthu;
  • tacaíocht a thabhairt do bhearta AE agus do bhearta náisiúnta chun dul i ngleic le gáinneáil aindleathach ar earraí cultúrtha;
  • dátaí suntasacha lena mbaineann tábhacht mhór maidir le stair agus oidhreacht chultúrtha na hEorpa a shainaithint.

Chun na cuspóirí leis an mBliain Eorpach a bhaint amach, díríonn údaráis AE, údaráis náisiúnta, réigiúnacha agus áitiúla ar an méid seo a leanas:

  • tionscnaimh agus imeachtaí chun páirt a thabhairt don phobal, díospóireacht a chur chun cinn agus feasacht a spreagadh maidir leis an tábhacht a bhaineann leis an oidhreacht chultúrtha;
  • faisnéis, taispeántais, oideachas agus feachtais chun luachanna na héagsúlachta cultúrtha agus idirphlé chultúrtha a mhíniú;
  • taithí chomhroinnte ar an dea–chleachtas;
  • tionscadail, líonraí agus torthaí staidéir agus taighde a bhaineann leis an mBliain Eorpach a chur chun cinn;
  • gníomhaíochtaí eile a ainmníonn an Coimisiún Eorpach nó údaráis náisiúnta.

Sonraítear an méid seo a leanas i gceanglais maidir le comhordú, comhar agus airgeadas:

  • Ní mór do na Ballstáit comhordaitheoirí náisiúnta a cheapadh;
  • ní mór don Choimisiún:
    • cruinnithe comhordaitheoirí náisiúnta (chun feidhmiú rianúil na bliana a áirithiú agus faisnéis a mhalartú), agus cruinnithe páirtithe leasmhara agus ionadaithe comhlachtaí oidhreachta cultúrtha, lena n–áirítear líonraí cultúrtha trasteorann, eagraíochtaí ábhartha neamhrialtasacha agus eagraíochtaí óige, a thionól ar bhonn rialta,
    • comhoibriú le heagraíochtaí idirnáisiúnta ábhartha, go háirithe an Chomhairle Eorpach agus UNESCO,
    • bearta a dhéanamh, le cuidiú ó Chúirt Iniúchóirí na hEorpa agus ón Oifig Eorpach Frith-Chalaoise de réir mar is gá, chun cosc a chur ar úsáid chalaoiseach nó neamhdhleathach ar bith as maoiniú AE.

B’ ionann an buiséad 2 bhliain (–) agus €8 milliún.

Chuir an Coimisiún tuarascáil maidir le toradh na Bliana Eorpaí isteach chuig Parlaimint na hEorpa, chuig Comhairle an Aontais Eorpaigh, chuig Coiste Eacnamaíoch agus Sóisialta na hEorpa agus chuig Coiste Eorpach na Réigiún faoin .

CÉN UAIR ATÁ TOSACH FEIDHME AN CHINNIDH?

Tá sé i bhfeidhm ón .

CÚLRA

  • Ba é an mana do Bhliain Eorpach na hOidhreachta Cultúrtha ná “Ár nOidhreacht: nuair a thagann an t–am atá thart agus an todhchaí le chéile”. B’fhíor é sin, go háirithe do 2018, bliain lena mbaineann tábhacht shiombalach agus stairiúil don Eoraip.
  • In 2018, ceiliúradh comóradh 100 bliain dheireadh an 1ú Cogadh Domhanda, neamhspleáchas roinnt Ballstát agus comóradh 400 bliain thús an Chogaidh Tríocha Bliain.
  • Le linn na bliana sin, chuir an Coimisiún 10 dtionscnamh Eorpacha fhadtéarmacha i bhfeidhm i gcomhar le Comhairle na hEorpa, UNESCO agus páirtithe eile, eagraíodh 23,000 imeacht i 37 tír agus ghlac 12.8 milliún duine páirt iontu.
  • Acmhainn eacnamaíoch thábhachtach don Eoraip is ea an oidhreacht chultúrtha. Fostaíonn an earnáil 300,000 duine agus tá 7.8 milliún post eile san Aontas Eorpach nasctha go hindíreach leis an oidhreacht.
  • Sonraítear in Airteagal 3(3) den Chonradh ar an Aontas Eorpach nach mór don Aontas Eorpach a éagsúlacht chultúrtha agus theangeolaíoch a urramú agus a áirithiú go ndéanfar oidhreacht chultúrtha na hEorpa a chosaint agus a fheabhsú.
  • Le hAirteagal 167 den Chonradh ar Fheidhmiú an Aontais Eorpaigh, cuirtear de chúram ar an Aontas Eorpach cur le borradh chultúir na mBallstát, a n–éagsúlacht a urramú, agus oidhreacht chultúrtha na hEorpa á tabhairt chun suntais.

Le haghaidh tuilleadh faisnéise, féach:

PRÍOMHDHOICIMÉAD

Treoir (AE) 2017/864 ó Pharlaimint na hEorpa agus ón gComhairle an maidir le Bliain Eorpach na hOidhreachta Cultúrtha (2018) (IO L 131, , lgh. 1-9).

nuashonrú is deireanaí

Barr