Buiséad AE: conas a chuirtear a chóras acmhainní dílse chun feidhme

 

ACHOIMRE AR:

Rialachán (AE, Euratom) Uimh. 608/2014 maidir le córas acmhainní dílse AE a chur chun feidhme

CAD IS AIDHM LEIS AN RIALACHÁN?

• Bunaítear leis rialacha áirithe chun córas acmhainní dílse AE a chur chun feidhme arna leagan amach i gCinneadh 2014/335/AE, Euratom ón gComhairle — acmhainní dílse AE.
• Tá rialacha ann maidir le:
  • ríomh agus buiséadú na n–iarmhéideanna*,
  • a rialú agus a maoirsiú, agus
  • ceanglais tuairiscithe d’údaráis náisiúnta.
• Tá sé comhlánaithe le Rialachán (AE, Euratom) Uimh. 609/2014 ina leagtar amach na modhanna agus na nósanna imeachta chun acmhainní dílse a chur ar fáil don Choimisiún Eorpach.

PRÍOMHPHOINTÍ

Faigheann AE a phríomhioncam óna acmhainní dílse. Ní mór caiteachas bliantúil AE a bheith cumhdaithe go hiomlán lena ioncam bliantúil.

Tá 3 chineál acmhainní dílse ann:

• 1.

  Acmhainní dílse traidisiúnta ina gcuimsítear dleachtanna custaim go príomha ar allmhairí ó lasmuigh de AE agus tobhaigh siúcra. Coinníonn AE 25% de na suimeanna mar chostais um bailiú.

• 2.

  Acmhainní dílse bunaithe ar cháin bhreisluacha (CBL) — déantar ráta aonfhoirmeach 0.3% a thobhach ar an mbonn caighdeánach CBL ar fud AE de gach tír AE.

• 3.

  Acmhainní dílse bunaithe ar ollioncam náisiúnta (OIN) — aistríonn gach tír AE a céatadán caighdeánach dá OIN chuig AE.

Rialú agus maoirsiú

Maidir le hacmhainní dílse traidisiúnta, ní mór do thíortha AE:

• seiceálacha agus fiosruithe a dhéanamh maidir le bunú agus cur ar fáil na n–acmhainní dílse sin;
• bearta cigireachta breise a dhéanamh ar iarratas ón gCoimisiún.

Féadfaidh an Coimisiún páirt a ghlacadh sa chigireacht sin é féin agus féadfaidh sé a sheiceálacha féin ar an láthair a dhéanamh.

Maidir le hacmhainní dílse bunaithe ar OIN, ní mór don Choimisiún:

• cigireacht a dhéanamh ar mheastacháin, áirimh agus boinn staitistiúla áirithe a úsáideann tíortha aonair AE
• rochtain a bheith aige ar nósanna imeachta staitistiúla áirithe agus ar staitisticí bunúsacha.

Cigireachtaí an Choimisiúin

• Tugtar údarú sa rialachán don Choimisiún chun oifigigh a cheapadh chun a chigireacht féin a dhéanamh.
• Tá an fhaisnéis a fhaightear faoi réir rúndacht ghairmiúil agus tá sonraí pearsanta cosanta ag dlí náisiúnta na tíre a bhfuil cigireachta á déanamh uirthi chomh maith le dlíthe ábhartha cosanta sonraí AE.
• Ní mór torthaí na cigireachta a dhéanann gníomhairí an Choimisiúin a thabhairt do thír AE lena mbaineann laistigh de 3 mhí.

Tuarascálacha

Ceanglaítear ar thíortha AE:

• cur síos a chur chuig an gCoimisiún ar chásanna um chalaois nó neamhrialtachtaí maidir le hacmhainní dílse traidisiúnta a bhaineann le teidlíochtaí os cionn EUR 10 000
• tuarascálacha bliantúla mionsonraithe a chur isteach chuig an gCoimisiún maidir lena gcigireacht féin i dtaca le hacmhainní dílse traidisiúnta lena n–áirítear na torthaí agus na sonraí foriomlána.

Táirgeann an Coimisiún:

• tuarascáil achomair do na tíortha AE bunaithe ar na tuarascálacha bliantúla a chuireann siad ar fáil
• tuarascáil don Chomhairle agus do Pharlaimint na hEorpa gach 3 bliana ar fheidhmiú na socruithe cigireachta le haghaidh acmhainní dílse traidisiúnta.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 1 Eanáir 2014.

CÚLRA

Chun tuilleadh faisnéise a fháil, féach:

• Acmhainní dílse bhuiséad an Aontais Eorpaigh (An Coimisiún Eorpach)
• An grúpa ardleibhéil ar acmhainní dílse (An Coimisiún Eorpach)

PRÍOMHTHÉARMAÍ

PRÍOMHDHOICIMÉAD

Rialachán (AE, Euratom) ón gComhairle Uimh. 608/2014 an 26 Bealtaine 2014 lena leagtar síos bearta cur chun feidhme do chóras acmhainní dílse an Aontais Eorpaigh (IO L 168, 7.6.2014, lgh. 29-38)

DOICIMÉID GHAOLMHARA

Cinneadh ón gComhairle 2014/335/AE, Euratom an 26 Bealtaine 2014 maidir le córas acmhainní dílse an Aontais Eorpaigh (IO L 168, 7.6.2014, lgh. 105-111)

Rialachán (AE, Euratom) ón gComhairle Uimh. 609/2014 an 26 Bealtaine 2014 maidir leis na modhanna agus an nós imeachta chun na hacmhainní dílse traidisiúnta, CBL agus OIN-bhunaithe a chur ar fáil agus ar na bearta chun riachtanais airgid a chomhlíonadh (Athmhúnlú) (IO L 168, 7.6.2014, lgh. 39-52)

Rinneadh leasuithe comhleanúnacha ar Rialachán (AE, Euratom) Uimh. 609/2014 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Nuashonraithe 28.02.2019