(1)

Eispéiris dhearfacha a bhí ag Ballstáit le scéimeanna cúnaimh inaisíoctha ar leibhéal na n-oibríochtaí le linn na tréimhse cláraithe 2000-2006 agus dá bhrí sin lean siad le scéimeanna den sórt sin nó thosaigh siad ag cur scéimeanna cúnaimh inaisíoctha chun feidhme sa tréimhse chláraithe reatha 2007-2013. Ina theannta sin, chuir roinnt Ballstát tuairiscí ar na scéimeanna sin ar áireamh ina ndoiciméid chláraithe, ar doiciméid iad a d'fhormheas an Coimisiún.

(2)

Le Rialachán (CE) Uimh. 1083/2006 ón gComhairle an 11 Iúil 2006 lena leagtar síos forálacha ginearálta maidir le Ciste Forbraíochta Réigiúnaí na hEorpa, le Ciste Sóisialta na hEorpa agus leis an gCiste Comhtháthaithe (3), leagtar amach ionstraimí innealtóireachta airgeadais lena mbaineann réimsí beachta idirghabhála agus raon beacht idirghabhála. Maidir leis na scéimeanna cúnaimh inaisíoctha a chuireann Ballstáit chun feidhme i bhfoirm deontas inaisíoctha agus línte creidmheasa arna mbainistiú ag údaráis bhainistíochta trí chomhlachtaí idirmheánacha, áfach, ní dhéanann na forálacha maidir le hionstraimí innealtóireachta airgeadais, ná forálacha eile de Rialachán (CE) Uimh. 1083/2006, iad a chumhdach go hiomchuí. Dá bhrí sin, i gcomhréir le hAirteagal 11(1) de Rialachán (CE) Uimh. 1081/2006 ó Pharlaimint na hEorpa agus ón gComhairle an 5 Iúil 2006 maidir le Ciste Sóisialta na hEorpa (4), lena bhforáiltear cheana go bhféadtar cúnamh a thabhairt i bhfoirm deontas inaisíoctha, is gá Rialachán (CE) Uimh. 1083/2006 a leasú chun a fhoráil go bhféadtar cúnamh inaisíoctha a chómhaoiniú as na Cistí Struchtúracha. Ba cheart go gcumhdófaí leis an leasú sin deontais inaisíoctha agus línte creidmheasa arna mbainistiú ag údaráis bhainistíochta trí chomhlachtaí idirmheánacha ar institiúidí airgeadais iad.

(3)

Ós rud é go ndéanann na tairbhithe na hacmhainní airgeadais a úsáidtear trí chúnamh inaisíoctha, a aisíoc go hiomlán nó go páirteach is gá forálacha iomchuí a thabhairt isteach chun go ndéanfar cúnamh inaisíoctha arna aisíoc a athúsáid chun na críche céanna nó i gcomhréir le cuspóirí an chláir oibríochta i dtrácht, d’fhonn a áirithiú go ndéantar na cistí a aisíoctar a infheistiú go cuí agus go n-úsáidtear an tacaíocht a sholáthraíonn an tAontas ar bhealach atá chomh héifeachtach agus is féidir.

(4)

I ndáil leis na forálacha maidir le mórthionscadail, tionscadail ghinte ioncaim agus marthanacht oibríochtaí, is gá a shoiléiriú nár cheart go mbeadh siad infheidhme, ar bhonn prionsabail, ar ionstraimí innealtóireachta airgeadais, ós rud é gur ceapadh na forálacha sin i gcomhair oibríochtaí de chineálacha eile.

(5)

Maidir leis an ngá atá le trédhearcacht an phróisis cur chun feidhme a fheabhsú agus lena áirithiú go ndéanfaidh na Ballstáit chomh maith leis an gCoimisiún faireachán iomchuí ar chur chun feidhme ionstraimí innealtóireachta airgeadais, inter alia, ionas gur féidir leis na Ballstáit faisnéis iomchuí a thabhairt don Choimisiún i dtaobh chineál na n-ionstraimí arna gcur i bhfeidhm agus i dtaobh na ngníomhaíochtaí ábhartha a dhéantar leis na hionstraimí sin ar an láthair. Is gá, dá bhrí sin, foráil a thabhairt isteach maidir le tuairisciú ar ionstraimí innealtóireachta airgeadais. Chuirfeadh tuairisciú den sórt sin ar chumas an Choimisiúin, ina theannta sin, measúnú níos fearr a dhéanamh ar fheidhmíocht fhoriomlán ionstraimí innealtóireachta airgeadais agus achoimre ar an dul chun cinn ar leibhéal an Aontais agus ar leibhéal na mBallstát a sholáthar.

(6)

Chun a áirithiú go gcomhlíonfar Airteagal 61(2) de Rialachán (CE, Euratom) Uimh. 1605/2002 ón gComhairle an 25 Meitheamh 2002 maidir leis an Rialachán Airgeadais is infheidhme maidir le buiséad ginearálta na gComhphobal Eorpach (5), ba cheart go soláthrófaí sa ráiteas caiteachais a thíolactar don Choimisiún an fhaisnéis ar fad is gá chun go ndéanfadh an Coimisiún cuntais thrédhearcacha a sholáthar a léireoidh go fírinneach sócmhainní an Aontais agus cur chun feidhme an bhuiséid. Chuige sin, ba cheart go n-áiritheofaí i gceangaltán le gach ráiteas caiteachais faisnéis maidir leis an méid iomlán caiteachais arna íoc le linn ionstraimí innealtóireachta airgeadais a bhunú, nó le linn ranníoc a dhéanamh leo, agus maidir leis na hairleacain arna n-íoc leis na tairbhithe i gcomhthéacs Státchabhrach. Ba cheart go ndéanfaí formáid an cheangaltáin a shainmhiniú in Iarscríbhinn a ghabhann le Rialachán (CE) Uimh. 1083/2006 chun críche cinnteachta dlithiúla agus comhsheasmhachta. Is ar an leibhéal náisiúnta, áfach, ba cheart an cur chun feidhme praiticiúil maidir le bailiú na sonraí is gá don cheangaltán a dhéanamh, agus níor cheart, a mhéid a cheadaítear leis an gcreat dlíthiúil is infheidhme, go mbeadh athruithe ar na córais ríomhairí náisiúnta dá thoradh.

(7)

Maidir leis na leasuithe a bhaineann le foirmeacha an chúnaimh inaisíoctha, mar aon le hathúsáid an chúnaimh sin, chomh maith leis na leasuithe a bhaineann le heisiamh ón gcur i bhfeidhm, i gcás na bhforálacha i ndáil le mórthionscadail, tionscadail ghinte ioncaim agus marthanacht oibríochtaí, ar oibríochtaí iad a thagann faoi Airteagal 44 (ionstraimí innealtóireachta airgeadais), tá sé d’aidhm acu foráil do bhreis cinnteachta dlíthiúla agus do shoiléireacht maidir le cleachtas atá ann cheana a chur i bhfeidhm sna réimsí sin le héifeacht ó thús na tréimhse incháilitheachta mar a leagtar amach le Rialachán (CE) Uimh. 1083/2006 é. Ba cheart, dá bhrí sin go mbeadh éifeacht chúlghabhálach ag na leasuithe sin ó thús na tréimhse cláraithe reatha 2007 go 2013.

(8)

Ba cheart dá bhrí sin Rialachán (CE) Uimh. 1083/2006 a leasú dá réir,

(1)

in Airteagal 2, cuirtear na pointí seo a leanas leis:

(2)

i dTeideal III, Caibidil II, cuirtear isteach an roinn seo a leanas:

(3)

cuirtear isteach an t-airteagal seo a leanas:

(4)

leasaítear Airteagal 67 mar a leanas:

(5)

cuirtear isteach an t-airteagal seo a leanas:

(6)

cuirtear an téacs atá leagtha amach san Iarscríbhinn a ghabhann leis an Rialachán seo le Rialachán (CE) Uimh. 1083/2006 mar Iarscríbhinn V a ghabhann leis an Rialachán sin.