This document is an excerpt from the EUR-Lex website
Document 32023R0659
Commission Delegated Regulation (EU) 2023/659 of 2 December 2022 amending Regulation (EU) No 452/2014 as regards the technical requirements and administrative procedures related to air operations of third country operators
Rialachán Tarmligthe (AE) 2023/659 ón gCoimisiún an 2 Nollaig 2022 lena leasaítear Rialachán (AE) Uimh. 452/2014 a mhéid a bhaineann leis na ceanglais theicniúla agus na nósanna imeachta riaracháin a bhaineann le haeroibríochtaí oibreoirí tríú tír
Rialachán Tarmligthe (AE) 2023/659 ón gCoimisiún an 2 Nollaig 2022 lena leasaítear Rialachán (AE) Uimh. 452/2014 a mhéid a bhaineann leis na ceanglais theicniúla agus na nósanna imeachta riaracháin a bhaineann le haeroibríochtaí oibreoirí tríú tír
C/2022/8695
IO L 83, 22.3.2023, p. 38–46
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
22.3.2023 |
GA |
Iris Oifigiúil an Aontais Eorpaigh |
L 83/38 |
RIALACHÁN TARMLIGTHE (AE) 2023/659 ÓN gCOIMISIÚN
an 2 Nollaig 2022
lena leasaítear Rialachán (AE) Uimh. 452/2014 a mhéid a bhaineann leis na ceanglais theicniúla agus na nósanna imeachta riaracháin a bhaineann le haeroibríochtaí oibreoirí tríú tír
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2018/1139 ó Pharlaimint na hEorpa agus ón gComhairle an 4 Iúil 2018 maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta an Aontais Eorpaigh, agus lena leasaítear Rialacháin (CE) Uimh. 2111/2005, (CE) Uimh. 1008/2008, (AE) Uimh. 996/2010, (AE) Uimh. 376/2014 agus Treoracha 2014/30/AE agus 2014/53/AE ó Pharlaimint na hEorpa agus ón gComhairle agus lena n-aisghairtear Rialacháin (CE) Uimh. 552/2004 agus (CE) Uimh. 216/2008 ó Pharlaimint na hEorpa agus ón gComhairle agus Rialachán (CEE) Uimh. 3922/91 (1) ón gComhairle, agus go háirithe Airteagail 61(1) litir d) de,
De bharr an mhéid seo a leanas:
(1) |
Le Rialachán (AE) Uimh. 452/2014 (2) ón gCoimisiún leagtar síos ceanglais theicniúla agus nósanna imeachta riaracháin a bhaineann le húdaruithe nach mór d’aeroibreoirí ó thríú tíortha atá ag gabháil d’aeriompar tráchtála a fháil más mian leo oibriú isteach sa chríoch a bhfuil feidhm ag na Conarthaí maidir leo, laistigh di nó amach aisti. |
(2) |
De bhun Airteagal 61(2) litir c) de Rialachán (AE) 2018/1139, an próiseas trína gcaithfidh oibreoir aerárthaí tríú tír na húdaruithe chun aerárthaí a oibriú isteach sa chríoch a bhfuil feidhm ag na Conarthaí ina leith, laistigh di nó amach aisti, ní mór é a bheith simplí, comhréireach éifeachtach costéifeachtúil agus ní mór é a bheith in ann comhlíonadh a léiriú a bheidh i gcomhréir le castacht na hoibríochta agus leis an riosca a bhaineann leis an oibríocht sin. |
(3) |
I measúnú ar Rialachán (AE) Uimh. 452/2014 a rinne Gníomhaireacht Sábháilteachta Eitlíochta an Aontais Eorpaigh (“an Ghníomhaireacht”), sainaithníodh roinnt feabhsuithe a d’fhéadfaí a dhéanamh, lena gcumhdaítear ceithre phríomhréimse: éifeachtúlacht, forfheidhmiú, solúbthacht agus comhsheasmhacht le Rialachán (CE) Uimh. 2111/2005 ó Pharlaimint na hEorpa agus ón gComhairle (3). Is gá, dá bhrí sin, forálacha áirithe de Rialachán (AE) Uimh. 452/2014 a leasú chun na feabhsuithe a sainaithníodh a ionchorprú. |
(4) |
Go háirithe, is gá an deis a bhaint atá ag oibreoirí tríú tír bearta maolaitheacha a úsáid chun aghaidh a thabhairt ar neamhchomhlíonadh chaighdeáin ábhartha na hEagraíochta Eitlíochta Sibhialta Idirnáisiúnta (ICAO). Ní mór comhlíonadh na gcaighdeán sin a bhaint amach sula n-eiseofar údarú TCO agus ní mór aghaidh a thabhairt ar aon ghá le solúbthacht trí nós imeachta a leagtar síos in Airteagal 76(4) de Rialachán (AE) 2018/1139. |
(5) |
Is gá freisin leasú a dhéanamh ar na forálacha lena gceadaítear d’oibreoirí tríú tír, faoi choinníollacha áirithe, eitiltí áirithe a dhéanamh isteach sa chríoch, laistigh di nó amach aisti, faoi réir fhorálacha na gConarthaí gan údarú a fháil ar dtús, chun deimhneacht dhlíthiúil a mhéadú agus chun éifeachtúlacht a fheabhsú. |
(6) |
Ar an gcaoi chéanna, is gá feabhas a chur ar éifeachtúlacht phróiseas údaraithe agus formhaoirseachta oibreoirí tríú tír agus an deimhneacht dhlíthiúil a mhéadú, is é sin trí dheireadh a chur le bacainní áirithe ar dhigitiú an phróisis, trí shoiléiriú breise a dhéanamh ar ghnéithe áirithe a bhaineann le bailíocht údaruithe oibreora tríú tír, chomh maith le céimeanna nós imeachta áirithe den phróiseas a dhéanann an Ghníomhaireacht. |
(7) |
Chun cur chuige rioscabhunaithe a chothú i bpróiseas údaraithe oibreoirí tríú tír, is gá méid, raon feidhme agus castacht na n-oibríochtaí ábhartha a mheas chun an chomhsheasmhacht a fheabhsú. An tráth céanna, is gá freisin na modhanna maoirseachta agus forfheidhmithe atá ar fáil don Ghníomhaireacht a mhéadú, go sonrach trí fhaireachas treisithe ar oibreoirí áirithe tríú tír a cheadú agus trí shoiléiriú a dhéanamh ar na forálacha a bhaineann le heisiúint cinntí, chomh maith le húdaruithe oibreora tríú tír a chur ar fionraí agus a chúlghairm. |
(8) |
Ar an gcaoi chéanna, is gá forálacha áirithe de Rialachán (AE) Uimh. 452/2014 a leasú chun comhsheasmhacht le Rialachán (CE) Uimh. 2111/2005 a fheabhsú go háirithe trí shoiléiriú breise a dhéanamh ar na coinníollacha agus ar na céimeanna nós imeachta atá le glacadh ag an nGníomhaireacht agus iarratas á fháil aici ó oibreoir tríú tír faoi réir toirmeasc oibríochta nó srian oibríochtúil de bhun Rialachán (CE) Uimh. 2111/2005. |
(9) |
Ar deireadh, is gá roinnt leasuithe eagarthóireachta a dhéanamh ar fhorálacha Rialachán (AE) Uimh. 452/2014, is é sin tagairtí dlí do Rialachán (AE) 2018/1139 a thabhairt cothrom le dáta. Ina theannta sin, moltar roinnt athruithe ar na sainmhínithe ar mhaithe le comhsheasmhacht le Rialachán (AE) 2018/1139. |
(10) |
Ba cheart, dá bhrí sin, Rialachán (AE) Uimh. 452/2014 a leasú dá réir. |
(11) |
Tá na bearta dá bhforáiltear sa Rialachán seo bunaithe ar Thuairim Uimh. 02/2022 (4), arna heisiúint ag an nGníomhaireacht i gcomhréir le hAirteagal 75(2), pointí (b) agus (c) agus Airteagal 76(1) de Rialachán (AE) 2018/1139, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (AE) Uimh. 452/2014 mar a leanas:
(1) |
Cuirtear an méid seo a leanas in ionad Airteagail 1, 2 agus 3: “Airteagal 1 Ábhar agus raon feidhme Leagtar síos leis an Rialachán seo rialacha mionsonraithe maidir le hoibreoirí aerárthaí tríú tír dá dtagraítear in Airteagal 2(1), pointe (c), de Rialachán (AE) 2018/1139 ó Pharlaimint na hEorpa agus ón gComhairle (*1) atá ag gabháil d’oibríochtaí aeriompair tráchtála isteach sa chríoch, laistigh di nó amach aisti, faoi réir fhorálacha na gConarthaí, lena n-áirítear coinníollacha faoina ndéanfar a n-údaruithe a eisiúint, a choinneáil ar bun, a leasú, a theorannú, a chur ar fionraí nó a chúlghairm, mar aon le coinníollacha faoina dtoirmiscfear nó faoina dteorannófar oibríochtaí nó faoina mbeidh siad faoi réir coinníollacha áirithe ar mhaithe leis an tsábháilteacht. Airteagal 2 Sainmhínithe Chun críocha an Rialacháin seo, tá feidhm ag na sainmhínithe seo a leanas:
Airteagal 3 Údaruithe Ní ghabhfaidh oibreoirí tríú tír d’oibríochtaí aeriompair tráchtála isteach sa chríoch, laistigh di nó amach aisti faoi réir fhorálacha na gConarthaí ach amháin má chomhlíonann siad ceanglais Iarscríbhinn 1 agus má tá údarú acu a d’eisigh an Ghníomhaireacht i gcomhréir le hIarscríbhinn 2 a ghabhann leis an Rialachán seo.” (*1) Rialachán (AE) 2018/1139 ó Pharlaimint na hEorpa agus ón gComhairle an 4 Iúil 2018 maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta na hEorpa, agus lena leasaítear Rialacháin (CE) Uimh. 2111/2005, (CE) Uimh. 1008/2008, (AE) Uimh. 996/2010, (AE) Uimh. 376/2014 agus Treoracha 2014/30/AE agus 2014/53/AE ó Pharlaimint na hEorpa agus ón gComhairle agus lena n-aisghairtear Rialacháin (CE) Uimh. 552/2004 agus (CE) Uimh. 216/2008 ó Pharlaimint na hEorpa agus ón gComhairle agus Rialachán (CEE) Uimh. 3922/91 ón gComhairle (IO L 212, 22.8.2018, lch. 1)." ; |
(2) |
Leasaítear Iarscríbhinní 1 agus 2 a ghabhann le Rialachán (AE) 452/2014 mar a leagtar amach san Iarscríbhinn a ghabhann leis an Rialachán seo. |
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 2 Nollaig 2022.
Thar ceann an Choimisiúin
An tUachtarán
Ursula VON DER LEYEN
(1) IO L 212, 22.8.2018, lch. 1.
(2) Rialachán (AE) Uimh. 452/2014 ón gCoimisiún an 29 Aibreán 2014 lena leagtar síos ceanglais theicniúla agus nósanna imeachta riaracháin a bhaineann le haeroibríochtaí oibreoirí tríú tír de bhun Rialachán (CE) Uimh. 216/2008 ó Pharlaimint na hEorpa agus ón gComhairle (IO L 133, 6.5.2014, lch. 12).
(3) Rialachán (CE) Uimh. 2111/2005 ó Pharlaimint na hEorpa agus ón gComhairle an 14 Nollaig 2005 maidir le liosta Comhphobail d’aeriompróirí a bhunú atá faoi réir toirmeasc ar a n-oibriú laistigh den Chomhphobal agus maidir le paisinéirí aeriompair a chur ar an eolas faoi chéannacht an aeriompróra, agus lena n-aisghairtear Airteagal 9 de Threoir 2004/36/CE (IO L 344, 27.12.2005, lch. 15).
(4) Tuairim Uimh. 02/2022 ó EASA, Nuashonrú ar Rialachán (AE) Uimh. 452/2014 ón gCoimisiún (an Rialachán maidir le hOibreoirí Tríú Tír (TCO), an 25 Aibreán 2022 (https://www.easa.europa.eu/en/document-library/opinions/opinion-no-022022).
IARSCRÍBHINN
(1) |
Leasaítear Iarscríbhinn 1 mar a leanas:
|
(2) |
Leasaítear Iarscríbhinn 2 mar a leanas:
|
(*1) Rialachán Cur Chun Feidhme (AE) Uimh. 923/2012 ón gCoimisiún an 26 Meán Fómhair 2012 lena leagtar síos rialacha comhchoiteanna an aeir agus forálacha oibríochtúla maidir le seirbhísí agus nósanna imeachta san aerloingseoireacht agus lena leasaítear Rialachán Cur Chun Feidhme (AE) Uimh. 1035/2011 agus Rialacháin (CE) Uimh. 1265/2007, (CE) Uimh. 1794/2006, (CE) Uimh. 730/2006, (CE) Uimh. 1033/2006 agus (AE) Uimh. 255/2010 (IO L 281, 13.10.2012, lch. 1)”;
(*2) Rialachán (AE) Uimh. 996/2010 ó Pharlaimint na hEorpa agus ón gComhairle an 20 Deireadh Fómhair 2010 maidir le tionóiscí agus teagmhais eitlíochta sibhialta a imscrúdú agus a chosc agus lena n-aisghairtear Treoir 94/56/CE (IO L 295, 12.11.2010, lch. 35).”;”