(1)

Leagtar síos le hAirteagal 14(2), an chéad fhomhír, den Chonradh ar an Aontas Eorpach (CAE) na critéir maidir le comhdhéanamh Pharlaimint na hEorpa, eadhon nach bhfuil líon na n-ionadaithe do shaoránaigh an Aontais le dul thar seacht gcéad caoga, móide an tUachtarán, go bhfuil an ionadaíocht le bheith comhréireach go céimlaghdaitheach, agus go bhfuil íosmhéid de sheisear comhaltaí ann fo gach Ballstát, agus nach bhfuil níos mó ná sé shuíochán is nócha le leithdháileadh ar aon Bhallstát.

(2)

Foráiltear le hAirteagal 10 CAE, inter alia, go bhfuil feidhmiú an Aontais le fothú ar an daonlathas ionadaíoch, lena n-ionadaítear do na saoránaigh go díreach ar leibhéal an Aontais i bParlaimint na hEorpa agus lena n-ionadaíonn a rialtais, atá freagrach iad féin go daonlathach os comhair a bParlaimintí náisiúnta nó os comhair a saoránach, do na Ballstáit sa Chomhairle.

(3)

Tá feidhm ag Airteagal 14(2) CAE, dá bhrí sin, faoi chuimsiú na socruithe institiúideacha níos leithne a leagtar amach sna Conarthaí, lena n-áirítear freisin na forálacha maidir le cinnteoireacht sa Chomhairle.

(4)

Faoi dheireadh 2026 agus roimh an togra maidir lena comhdhéanamh, ba cheart do Pharlaimint na hEorpa modh dáilte suíochán atá oibiachtúil, cothrom, marthanach agus trédhearcach a mholadh chun prionsabal na comhréireachta céimlaghdaithí a chur chun feidhme, gan dochar do shainchumais na n-institiúidí faoi na Conarthaí. Agus tionchar na bhforbairtí a d’fhéadfadh a bheith ann amach anseo á chur san áireamh, ba cheart don mhodh sin líon uasta inbhuanaithe Feisirí de Pharlaimint na hEorpa a choimirciú.

(5)

Ba cheart don údarás buiséadach agus don Choimisiún, i bhfeidhmiú a sainchumas faoin nós imeachta buiséadach bliantúil, a áirithiú go mbeidh an méadú ar líon na suíochán dá bhforáiltear leis an gCinneadh seo neodrach ó thaobh buiséid de laistigh de Roinn 1 de bhuiséad ginearálta an Aontais,

—

ní rachaidh líon iomlán na suíochán i bParlaimint na hEorpa thar 750, móide an tUachtarán;

—

beidh leithdháileadh na suíochán ar na Ballstáit comhréireach go céimlaghdaitheach le híostairseach de 6 shuíochán agus le huastairseach de 96 shuíochán in aghaidh an Bhallstáit, agus léireoidh sé chomh gar agus is féidir méideanna dhaonraí na mBallstát faoi seach;

—

sainmhínítear comhréireacht chéimlaghdaithe mar a leanas: an cóimheas idir daonra agus líon suíochán gach Ballstáit sula ndéantar slánú suas nó síos go dtí an tslánuimhir is gaire, athróidh sé de réir a gcuid daonraí faoi seach ar chaoi go ndéanfaidh gach Feisire de Pharlaimint na hEorpa arb as Ballstát dó nó di ina bhfuil níos mó daoine ionadaíocht do líon níos mó saoránach ná gach Feisire de Pharlaimint na hEorpa arb as Ballstát dó nó di ina bhfuil níos lú daoine agus, os a choinne sin, gur mó an teideal a bheidh ag Ballstát chun líon mór suíochán a bheith aige i bParlaimint na hEorpa más airde an daonra sa Bhallstát sin;

—

le leithdháileadh na suíochán i bParlaimint na hEorpa, tá forbairtí déimeagrafacha sna Ballstáit le meas.