(1)

doiciméad taistil nó doiciméid taistil an iarratasóra (an fhéidearthacht an doiciméad iomlán nó an leathanach beathaisnéiseach a iarraidh; leathanach nó leathanaigh a eisíodh, a diúltaíodh, a cúlghaireadh nó a neamhníodh; leathanaigh ar a bhfuil stampaí iontrála/imeachta; an fhéidearthacht doiciméad taistil agus doiciméid taistil roimhe sin a iarraidh a bhaineann le náisiúntacht eile);

(2)

cruthúnas gur cailleadh nó gur goideadh an doiciméad taistil;

(3)

doiciméad taistil chaomhnóir dlíthiúil an iarratasóra, más ann dó (an fhéidearthacht an doiciméad iomlán nó a leathanach beathaisnéiseach a iarraidh);

(4)

doiciméad nó doiciméid lena gcruthaítear céannacht an iarratasóra, seachas an doiciméad taistil (e.g. ceadúnas tiomána, teastas breithe);

(5)

doiciméad nó doiciméid bhuanchónaithe an iarratasóra nó doiciméad nó doiciméid lena bhfianaítear saoránacht;

(6)

an chúis nó na cúiseanna nár tugadh seoladh baile ar an bhfoirm iarratais;

(7)

doiciméid lena bhfianaítear áit chónaithe an iarratasóra ag an seoladh dearbhaithe;

(8)

doiciméid lena bhfianaítear clárú oifigiúil gnólachta nó eagraíochta (nuair a chuir tríú páirtí iarratas isteach thar ceann iarratasóra);

(9)

doiciméad nó doiciméid ar a bhfuil an seoladh poist ag ar féidir teagmháil a dhéanamh leis an iarratasóir (e.g. cárta aitheantais, cárta cónaitheora nó ceadúnas tiomána);

(10)

doiciméad nó doiciméid a bhaineann le bailíocht diúltaithe cead isteach agus fanachta sa Chóras Faisnéise Schengen a eisíodh chuig an iarratasóir, nó doiciméad nó doiciméid a bhaineann leis an diúltú sin a chur ar ceal;

(11)

cruthúnas go bhfuil cóir mhaireachtála leordhóthanach ag an iarratasóir le haghaidh na tréimhse fanachta atá beartaithe;

(12)

cruthúnas ar lóistín le haghaidh fhad na tréimhse fanachta atá beartaithe agus faisnéis teagmhála an óstaigh;

(13)

cuireadh breithiúnach nó cuirí breithiúnacha, ordú cúirte/breithiúnas nó orduithe cúirte/breithiúnais, teastas nó teastais póilíneachta;

(14)

litreacha/ríomhphoist a mhalartaíodh le údarás riaracháin nó údaráis riaracháin Ballstáit nó le húdarás riarachán nó údaráis riaracháin tríú tír;

(15)

doiciméadacht a bhaineann le ciontú dearbhaithe nó ciontuithe dearbhaithe;

(16)

sliocht nó sleachta as an gclár coiriúil náisiúnta ábhartha nó as na cláir choiriúla náisiúnta ábhartha;

(17)

doiciméadacht a bhaineann le hiarraidh nó le hiarrataí ó fhostóirí nó ó eagraíochtaí taisteal chuig tír ar leith nó a bheith i láthair i dtír ar leith, nó limistéar coinbhleachta nó cogaíochta ar leith laistigh den tréimhse áirithe sin;

(18)

doiciméadacht a bhaineann le horduithe dearbhaithe chun an chríoch a fhágáil nó le cinntí dearbhaithe um fhilleadh;

(19)

cruthúnas ar earráid nó earráidí riaracháin;

(20)

sonrasc nó sonraisc ospidéil nó doiciméid eile lena gcruthaítear gur caitheadh tréimhse san ospidéal;

(21)

ticéad nó ticéid fillte le haghaidh na cuairte, cruthúnas íocaíochta san áireamh;

(22)

cruthúnas ar naisc theaghlaigh an iarratasóra sna Ballstáit;

(23)

cruthúnas gur thug an t-iarratasóir cuairt ar a theaghlach, lena n-áirítear ainm nó ainmneacha, sloinne nó sloinnte agus áit chónaithe an bhaill teaghlaigh nó na mball teaghlaigh;

(24)

cruthúnas gur thug an t-iarratasóir cuairt ar chara nó cairde, lena n-áirítear ainm nó ainmneacha, sloinne nó sloinnte agus áit chónaithe an charad nó na gcairde;

(25)

ticéid (imeachtaí, taispeántais, ceolchoirmeacha);

(26)

conradh nó conarthaí oibre/comhaontú nó comhaontuithe oibre nó rud is inchomparáid leo;

(27)

pasanna bordála/ticéad nó ticéid;

(28)

deimhniú nó deimhnithe sláinte;

(29)

deimhniú nó deimhnithe vacsaínithe;

(30)

doiciméid lena gcruthaítear slí bheatha reatha iarratasóra (i gcás iarratasóirí a roghnaigh “fostaithe” ar a bhfoirm iarratais mar a leagtar síos sa Rialachán Tarmligthe ón gCoimisiún maidir leis an liosta réamhshocraithe de ghrúpaí poist a úsáidtear san fhoirm iarratais);

(31)

doiciméid maidir le fostóir an iarratasóra agus, i gcás inarb infheidhme, faisnéis teagmhála agus teistiméireachtaí ón bhfostóir (i gcás iarratasóirí a roghnaigh “fostaithe” ar a bhfoirm iarratais mar a leagtar síos sa Rialachán Tarmligthe ón gCoimisiún maidir leis an liosta réamhshocraithe de ghrúpaí poist a úsáidtear san fhoirm iarratais);

(32)

ainm na bunaíochta oideachais (i gcás iarratasóirí a roghnaigh “mac léinn” ar a bhfoirm iarratais mar a leagtar síos sa Rialachán Tarmligthe ón gCoimisiún maidir leis an liosta réamhshocraithe de ghrúpaí poist a úsáidtear san fhoirm iarratais);

(33)

dearbhú clárúcháin leis an mbunaíocht oideachais (i gcás iarratasóirí a roghnaigh “mac léinn” ar a bhfoirm iarratais mar a leagtar síos sa Rialachán Tarmligthe ón gCoimisiún maidir leis an liosta réamhshocraithe de ghrúpaí poist a úsáidtear san fhoirm iarratais);

(34)

dioplómaí/teastais (i gcás iarratasóirí a roghnaigh “mac léinn” ar a bhfoirm iarratais mar a leagtar síos sa Rialachán Tarmligthe ón gCoimisiún maidir leis an liosta réamhshocraithe de ghrúpaí poist a úsáidtear san fhoirm iarratais);

(35)

cruthúnas gur íocadh táillí teagaisc (i gcás iarratasóirí a roghnaigh “mac léinn” ar a bhfoirm iarratais mar a leagtar síos sa Rialachán Tarmligthe ón gCoimisiún maidir leis an liosta réamhshocraithe de ghrúpaí poist a úsáidtear san fhoirm iarratais);

(36)

iarraidh ar fhaisnéis bhreise chun míniú a thabhairt ar rófhanacht i gcríoch an Bhallstáit nó na mBallstát roimhe sin, lena n-áirítear cuspóir an taistil nuair a tharla an rófhanacht, na cúiseanna a bhí leis an rófhanacht, an seoladh cruinn nó na seoltaí cruinne ag ar fhan an t-iarratasóir le linn an rófhanachta agus an uimhir theileafóin a bhaineann leis an seoladh nó leis na seoltaí ag a fhan an t-iarratasóir le linn an rófhanachta;

(37)

iarraidh ar fhaisnéis bhreise lena mínítear diúltú nó diúltuithe víosa roimhe sin;

(38)

iarraidh ar fhaisnéis bhreise lena mínítear diúltú nó diúltuithe údaraithe taistil roimhe sin;

(39)

iarraidh ar fhaisnéis bhreise lena mínítear cúlghairm nó cúlghairmeacha víosa roimhe sin;

(40)

iarraidh ar fhaisnéis bhreise lena mínítear cúlghairm nó cúlghairmeacha údaraithe taistil roimhe sin;

(41)

iarratas ar fhaisnéis bhreise lena mínítear neamhniú víosa roimhe sin;

(42)

iarraidh ar fhaisnéis bhreise lena mínítear neamhniú údaraithe taistil roimhe sin;

(43)

iarraidh ar fhaisnéis bhreise nó doiciméadacht bhreise lena mínítear an iarraidh ar údarú taistil a bhfuil bailíocht chríochach theoranta aige ar fhorais dhaonnúla;

(44)

iarraidh ar fhaisnéis bhreise nó doiciméadacht bhreise lena mínítear an iarraidh ar údarú taistil a bhfuil bailíocht chríochach theoranta aige ar oibleagáidí idirnáisiúnta.