Cuirfear na hiarrthóirí a ghnóthaigh an pasmharc i ngach ceann de na trialacha ar an bpainéal.

Aon ghrád amháin a bheidh sa chomórtas Béarla agus sa chomórtas Rómáinise agus rogha amháin nó dhá rogha i gceist leo.

Dhá ghrád a bheidh sa chomórtas Fraincise agus sa chomórtas Slóivéinise agus rogha amháin nó dhá rogha i gceist leo de réir an ghráid.

Ní fhéadfaidh tú clárú ach d'aon chomórtas amháin, d'aon ghrád amháin agus d'aon rogha amháin. Ní mór an rogha sin a dhéanamh tráth an chlárúcháin ar líne agus ní féidir é a athrú i ndiaidh duit d'iarratas a dhearbhú agus a bhailíochtú ar líne.

Féadfaidh na hiarrthóirí a bheidh cláraithe do chomórtas ghrád AD 7 sa chomórtas Fraincise agus sa chomórtas Slóivéinise aistriú a fháil (2) chuig comórtas ghrád AD 5 trí bhíthin ceann amháin nó níos mó de na droichid a bhfuil cur síos orthu thíos.

An chéad droichead:

Tá tú cláraithe do chomórtas ghrád AD 7 agus i ndiaidh na coinníollacha cáilíochta a bheith seiceáilte ar bhonn na ndearbhuithe a rinne tú san iarratas ar líne,

féadfaidh an bord roghnúcháin, má thoilíonn tú chuige, d'iarratas a aistriú chuig an gcomórtas céanna ag grád AD 5.

An dara droichead:

Tá tú cláraithe do chomórtas ghrád AD 7 agus ag deireadh na dtrialacha ateangaireachta,

féadfaidh an bord roghnúcháin, má thoilíonn tú chuige, d'iarratas a aistriú chuig an gcomórtas céanna ag grád AD 5.

An tríú droichead:

Tá tú cláraithe do chomórtas ghrád AD 7, agus ag deireadh thrialacha an ionaid mheasúnaithe, i ndiaidh na coinníollacha incháilitheachta a bheith seiceáilte ar bhonn na ndoiciméad tacaíochta a chuir tú isteach nuair a chuaigh tú chun an ionaid mheasúnaithe agus roimh thiomsú an phainéil,

féadfaidh an bord roghnúcháin, má thoilíonn tú chuige, d'ainm a chur ar phainéal an chomórtais chéanna ag grád AD 5.

Tá an comórtas seo dírithe ar iarrthóirí a bhfuil eolas foirfe acu (3) ar theanga an chomórtais, idir scríobh agus labhairt (leibhéal máthairtheanga nó a chomhchothrom). Mura bhfuil an leibhéal sin agat, moltar go mór duit gan clárú.

2.1.

Cáilíochtaí

(a)

Oiliúint iomlán mar ateangaire comhdhála is comhionann cúrsa ollscoile ceithre bliana agus an cháilíocht is ábhartha bainte amach ag a deireadh.

(b)

Oideachas is comhionann le cúrsa iomlán ollscoile trí bliana ar a laghad agus dioplóma bainte amach ag a dheireadh AGUS oiliúint mar ateangaire comhdhála agus dearbhú nó teastas a léiríonn gur éirigh an oiliúint sin leis an iarrthóir.

nó (c)

Oideachas is comhionann le cúrsa iomlán ollscoile trí bliana ar a laghad agus dioplóma bainte amach ag a dheireadh AGUS taithí oibre aon bhliana amháin mar ateangaire comhdhála agus fianaise chuí ina leith i ndoiciméid tacaíochta a léiríonn go soiléir líon na laethanta a caitheadh i mbun ateangaireachta comhdhála.

2.2.

Taithí oibre

Grád AD 5

Ní theastaíonn aon taithí oibre ach amháin i gcás iarrthóirí a mbaineann Roinn III.2.1(c) leo. Is ón gcéad cháilíocht tríú leibhéal nó ón gcéad chéim ollscoile a iarrtar sa phointe sin ar aghaidh a dhéanfar an taithí sin a áireamh.

Grád AD 7

Taithí oibre ceithre bliana ar a laghad ar leibhéal céimí, taithí a áireofar ón gcéad chéim ollscoile nó ón gcéad dioplóma ar aghaidh.

Ní mór 100 lá oibre d'ateangaireacht chomhdhála ar a laghad ón dáta a comhlíonadh an choinníoll atá leagtha síos i Roinn III.2.1(a), (b) nó (c) a bheith ina gcuid den taithí oibre sin.

Oiliúint mar ateangaire comhdhála nó taithí oibre aon bhliana amháin mar ateangaire comhdhála ar cuireadh fianaise chuí ina leith ar fáil (critéir atá ina gcuid de na coinníollacha iontrála atá luaite i Roinn III.2.1(b) nó (c) (thuas), ní áireofar í mar chuid de na ceithre bliana sin.

2.3.

Eolas ar theangacha

I gcomhréir leis an mbreithiúnas a thug Cúirt Bhreithiúnais an Aontais Eorpaigh (an Mór-Dhlísheomra) uaithi i gCás C-566/10 P, Poblacht na hIodáile v Coimisiún, tá sé de cheanglas ar institiúidí an AE a shonrú cé hiad na fáthanna a bhfuil rogha an dara teanga teoranta acu sa chomórtas seo do líon srianta de theangacha oifigiúla an AE.

Dá bhrí sin, cuirtear in iúl do na hiarrthóirí gur roghnaíodh dara teangacha an chomórtais seo de réir leas na seirbhíse, leas a éilíonn go mbeidh na hearcaigh nua in ann dul i mbun oibre láithreach agus go mbeidh sé ar a gcumas cumarsáid éifeachtach a dhéanamh le linn a n-oibre laethúla. Ina éagmais sin, bheadh baol ann go gcuirfí bac mór le hobair na n-institiúidí.

Ar bhonn an chleachtais sheanbhunaithe atá ag institiúidí an Aontais maidir leis na teangacha cumarsáide inmheánacha, agus riachtanais na seirbhísí maidir le cumarsáid sheachtrach agus próiseáil comhad á gcur san áireamh, is iad an Béarla, an Fhraincis agus an Ghearmáinis na teangacha is mó a úsáidtear. Ina theannta sin, is iad an Béarla, an Fhraincis agus an Ghearmáinis na dara teangacha is mó i bhfad amach a roghnaíonn na hiarrthóirí sna comórtais, nuair is fúthu a bhíonn roghnú an dara teanga. Is léiriú é sin ar an leibhéal oideachais agus ar na hinniúlachtaí gairme ar féidir bheith ag súil leo ó na hiarrthóirí ar na poist laistigh d'institiúidí an Aontais, mar atá, sáreolas ar cheann de na teangacha sin ar a laghad. Dá bhrí sin, agus leas na seirbhíse agus riachtanais agus inniúlachtaí na n-iarrthóirí á gcur sa mheá, agus sainréimse an chomórtais seo á chur san áireamh, tá ábhar maith ann trialacha a eagrú sna trí theanga sin chun a chinntiú go mbeidh sáreolas ag na hiarrthóirí uile, is cuma cén phríomhtheanga atá acu, ar cheann de na trí theanga oifigiúla sin ar leibhéal teanga oibre.

Ina theannta sin, chun go mbeidh cothrom iomaíochta ann, ní mór do gach iarrthóir, fiú má tá ceann de na trí theanga sin ina phríomhtheanga oifigiúil aige, an triail sin a dhéanamh sa dara teanga, teanga a bheidh le roghnú as na trí theanga sin. Mar sin, tugann an measúnú ar na hinniúlachtaí sonracha deis d'institiúidí an Aontais a mheas cé chomh hábalta is atá na hiarrthóirí dul i mbun oibre láithreach i dtimpeallacht atá cosúil leis an timpeallacht ina n-iarrfar orthu bheith ag obair. Tá na bearta seo gan dochar d'fhoghlaim tríú teanga ina dhiaidh sin i gcomhréir le hAirteagal 45, mír 2 de na Rialacháin Foirne.

Is iad seo a leanas teangacha oifigiúla an Aontais Eorpaigh:

BG (Bulgáiris)

CS (Seicis)

DA (Danmhairgis)

DE (Gearmáinis)

EL (Gréigis)

EN (Béarla)

ES (Spáinnis)

ET (Eastóinis)

FI (Fionlainnis)

FR (Fraincis)

GA (Gaeilge)

HR (Cróitis)

HU (Ungáiris)

IT (Iodáilis)

LT (Liotuáinis)

LV (Laitvis)

MT (Máltais)

NL (Ollainnis)

PL (Polainnis)

PT (Portaingéilis)

RO (Rómáinis)

SK (Slóvaicis)

SL (Slóivéinis)

SV (Sualainnis)

Sa bhreis ar theangacha oifigiúla an AE, is féidir an Rúisis (RU) agus an Mhandairínis (ZH) a roghnú do chomórtas EPSO/AD/257/13 (AD 7) — Ateangairí comhdhála (FR).

Is éard is brí leis an téarma “teaglaim teangacha” na teangacha a úsáideann an t-ateangaire agus é i mbun oibre. Tá na teangacha oibre roinnte idir teangacha “gníomhacha” agus teangacha “éighníomhacha” agus tá teangacha “A”, “B” agus “C” tugtha orthu thíos.

Teangacha gníomhacha

Teanga “A”

Príomhtheanga an ateangaire (máthairtheanga nó a comhchothrom) a bhfuil eolas foirfe aige uirthi agus a ndéanann sé ateangaireacht isteach inti ó na teangacha oibre uile, bíodh sé go comhuaineach nó go leantach.

Teanga “B”

Teanga a bhfuil eolas fíormhaith ag an ateangaire uirthi, cé nach í a mháthairtheanga í, agus a ndéanann sé ateangaireacht isteach inti ó na teangacha oibre uile, bíodh sé go comhuaineach nó go leantach.

Teanga éighníomhach

Teanga “C”

Teanga a n-oibríonn an t-ateangaire amach aisti agus atá ar a thoil aige.

N.B.

Tabhair do d'aire go dtástálfar inniúlachtaí ginearálta an ionaid mheasúnaithe sa Bhéarla (EN), sa Fhraincis (FR) nó sa Ghearmáinis (DE), i dteanga nach ionann í agus teanga ghníomhach A.

2.4.

Na teaglamaí teangacha a theastaíonn sna comórtais seo a leanas:

EPSO/AD/256/13 — Béarla (EN)

Grád AD 5

Rogha 1(a)

(A+CC)

Teanga ghníomhach A: Béarla

Teangacha éighníomhacha C:

EPSO/AD/257/13 — Fraincis (FR)

Grád AD 5

Rogha 1(a)

(A+CC)

Teanga ghníomhach A: Fraincis

Teangacha éighníomhacha C:

Má roghnaíonn an t-iarrthóir Béarla in C1, ní mór teanga C2 a bheith ar na teangacha seo a leanas: Bulgáiris, Seicis, Gréigis, Eastóinis, Fionlainnis, Ungáiris, Liotuáinis, Laitvis, Máltais, Polainnis, Rómáinis, Slóvaicis nó Slóivéinis.

Grád AD 7

Rogha 1(b)

(A+CCC)

Teanga ghníomhach A: Fraincis

Teangacha éighníomhacha C:

Rogha 2(b)

(A+B+C2)

Teanga ghníomhach A: Fraincis

Teanga ghníomhach B:

Teanga éighníomhach C2:

EPSO/AD/258/13 — Rómáinis (RO)

Grád AD 7

Rogha 1(b)

(A+CCC)

Teanga ghníomhach A: Rómáinis

Teangacha éighníomhacha C:

Rogha 2(b)

(A+B+C2)

Teanga ghníomhach A: Rómáinis

Teanga ghníomhach B:

Teanga éighníomhach C2:

EPSO/AD/259/13 — Slóivéinis (SL)

Grád AD 5

Rogha 1(a)

(A+CC)

Teanga ghníomhach A: Slóivéinis

Teangacha éighníomhacha C:

Grád AD 7

Rogha 1(b)

(A+CCC)

Teanga ghníomhach A: Slóivéinis

Teangacha éighníomhacha C:

Rogha 2(b)

(A+B+C2)

Teanga ghníomhach A: Slóivéinis

Teanga ghníomhach B:

Teanga éighníomhach C2:

Tabharfar cuireadh chun na réamhthrialach duit:

Is éard atá sa triail seo, ateangaireacht chomhuaineach ar chaint thaifeadta. Is féidir go n-úsáidfear gléas closamhairc chuige sin, in ionad scrúdúcháin sna Ballstáit.

Fad: tuairim is 10 nóiméad

Marcálfar an triail seo as 20 pointe

An pasmharc: 10 bpointe

Ní chuirfear pointí na trialach seo le pointí na dtrialacha ateangaireachta.

C1 i gcás na roghanna 1(a) agus 1(b)

B i gcás rogha 2(b)

Tabharfar cuireadh duit dul faoi mheasúnú ar d'inniúlachtaí sonracha trí bhíthin trialacha ateangaireachta a bheidh ar siúl sa Bhruiséil:

Triail ateangaireachta leantaí agus triail ateangaireachta comhuainí i gcás gach teanga a roghnaigh an t-iarrthóir.

Is féidir go n-úsáidfear cainteanna taifeadta ar ghléas chlosamhairc sna trialacha ateagaireachta comhuainí.

Beidh na trialacha ateangaireachta leantaí bunaithe ar chaint 6 nóiméad ar a mhéad. Beidh na trialacha ateangaireachta comhuainí bunaithe ar chaint 12 nóiméad ar a mhéad.

Marcálfar gach triail as 20 pointe

Pasmharc in aghaidh na trialach: 10 bpointe

Ag deireadh na dtrialacha ateangaireachta:

ní thabharfar cuireadh duit chun na chéad trialach eile nó chun na chéad chéime eile den chomórtas agus cuirfear na torthaí chugat ar leithligh.

Inniúlachtaí sonracha

75 % den mharc foriomlán

Tabharfar cuireadh duit chun an ionaid mheasúnaithe má ghnóthaigh tú an pasmharc san trialacha ateangaireachta (féach Roinn 1.2, an dara droichead). Cuirfear marcanna na dtrialacha sin le marcanna thrialacha an ionaid mheasúnaithe.

Déanfar dhá chineál measúnaithe ort:

measúnófar d'inniúlachtaí réasúnaíochta leis na trialacha seo a leanas:

Déanfar na trialacha seo ar ríomhaire agus is é EPSO a bheidh ina mbun. Is é an bord roghnúcháin a shocróidh leibhéal deacrachta na dtrialacha agus a fhormheasfaidh an t-ábhar iontu ar bhonn mholtaí EPSO.

measúnófar d'inniúlachtaí ginearálta  (10) leis na trialacha (11) seo a leanas:

Measúnófar thú sa Bhruiséil. Maireann an measúnú aon lá amháin, de ghnáth.

Measúnófar gach inniúlacht ghinearálta dhá uair mar atá léirithe sa tábla seo thíos:

Agallamh struchtúrtha

Gníomhaíocht i ngrúpa

Cur i láthair labhartha

Anailísiú agus réiteach fadhbanna

x

x

Cumarsáid

x

x

Cáilíocht agus torthaí

x

x

Foghlaim agus forbairt

x

x

Tosaíochtaí a chur in ord tábhachta agus eagrúchán

x

x

Buanseasmhacht

x

x

Obair bhuíne

x

x

Cumas ceannaireachta

x

x

trialacha (a), (b) agus (c): teanga ghníomhach A

trialacha (d), (e) agus (f): Béarla, Fraincis, nó Gearmáinis, teanga nach ionann í agus teanga ghníomhach A

Inniúlachtaí réasúnaíochta:

Trialacha díbeartha atá i dtrialacha (a), (b) agus (c), ach ní chuirfear marcanna na dtrialacha sin le marcanna thrialacha eile an ionaid mheasúnaithe.

Inniúlachtaí ginearálta

Marcálfar iad seo as 80 pointe d'iomlán na n-inniúlachtaí ginearálta (10 bpointe in aghaidh na hinniúlachta)

an pasmharc: 40 pointe d'iomlán na 8 n-inniúlacht ghinearálta

ualú: 25 % den mharc foriomlán

Cuirfidh an bord roghnúcháin d'ainm ar an bpainéal

Má thagann sé chun solais sa tseiceáil nach bhfuil na dearbhuithe a rinne iarrthóir san iarratas ar líne ag luí leis na doiciméid tacaíochta ábhartha, dícháileofar an t-iarrthóir sin den chomórtas.

Is in ord aibítre a liostófar ainmneacha an phainéil.

Ní mór duit clárú ar líne sa tslí a léirítear ar shuíomh gréasáin EPSO, agus sa treoirleabhar maidir le clárú go háirithe.

Spriocdháta (an bailíochtú san áireamh): 6 Lúnasa 2013 ag 12.00 (meán lae), am na Bruiséile.

Má tá tú ar na hiarrthóirí a dtabharfar cuireadh dóibh chun an ionaid mheasúnaithe, beidh ort an comhad iomlán a bhaineann le d'iarratas a thabhairt leat (12) (an fhoirm iarratais ar líne agus í sínithe, na doiciméid tacaíochta san áireamh) chuig an ionad measúnaithe.

Sonraí praiticiúla: féach pointe 6.1 de na treoracha do chomórtais oscailte.