Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Glossary of summaries

Prionsabal na coimhdeachta

Date of last review:
11/11/2022
Author:
Oifig Foilseachán an Aontais Eorpaigh
Responsible entity(ies):
Oifig Foilseachán an Aontais Eorpaigh

Prionsabal na coimhdeachta

Tugtar sainmhíniú ar phrionsabal na coimhdeachta in Airteagal 5(3) den Chonradh ar an Aontas Eorpach. Féachtar leis an bprionsabal a áirithiú go nglacfar cinntí ar leibhéal chomh gar agus is féidir don saoránach agus go ndéanfar seiceálacha leanúnacha lena dheimhniú go bhfuil údar maith le gníomh ar leibhéal an Aontais Eorpaigh (AE) i bhfianaise na ndeiseanna atá ar fáil ar an leibhéal náisiúnta, réigiúnach nó áitiúil.

Go sonrach, is é an prionsabal é nach ngníomhaíonn an tAontas Eorpach (ach amháin sna réimsí a dtagann sé faoina dhlínse eisiach), mura bhfuil sé níos éifeachtaí ná gníomhú ar an leibhéal náisiúnta, réigiúnach nó áitiúil.

Tá dlúthcheangal idir an prionsabal sin agus prionsabal na comhréireachta, lena n–éilítear nár cheart do ghníomh AE ar bith dul thar an méid atá riachtanach chun aidhmeanna na gconarthaí a bhaint amach. I bprionsabal gaolmhar eile, prionsabal na tabhartha, sonraítear go gcoinneofar réimsí beartais ar bith nach mbeidh comhaontaithe go sainráite sna conarthaí ag gach Ballstát AE ina réimse.

Tá dhá phrótacal ábhartha curtha i gceangal le Conradh Liospóin:

  • Le Prótacal Uimh. 1 maidir le ról parlaimintí náisiúnta spreagtar na parlaimintí náisiúnta sin páirt a ghlacadh i ngníomhaíochtaí AE, agus éilítear leis freisin gur gá doiciméid agus tograí AE a chur ar aghaidh go pras chucu ionas gur féidir scrúdú a dhéanamh orthu sula nglacfaidh Comhairle an Aontais Eorpaigh cinneadh.
  • Éilítear le Prótacal Uimh. 2 ar an gCoimisiún Eorpach gné réigiúnach agus áitiúil na ndréachtghníomhartha reachtacha go léir a chur san áireamh agus ráiteas mionsonraithe a dhéanamh faoin gcaoi a bhfuil prionsabal na coimhdeachta á urramú. Leis an bprótacal sin féadfaidh parlaimintí náisiúnta cur i gcoinne togra ar an bhforas go sáraítear an prionsabal leis, agus mar thoradh air sin nach mór athbhreithniú a dhéanamh ar an togra agus féadfaidh an Coimisiún é a choinneáil, a leasú nó a tharraingt siar nó féadfaidh Parlaimint na hEorpa nó an Chomhairle bac a chur air.

Má sháraítear prionsabal na coimhdeachta, féadfaidh Coiste na Réigiún nó na Ballstáit gníomh arna ghlacadh leis a chur ar aghaidh go díreach chuig Cúirt Bhreithiúnais an Aontais Eorpaigh.

FÉACH FREISIN

Top