An tÚdarás Eorpach um Urrúis agus Margaí (ESMA)

Is údarás neamhspleách de chuid an Aontais é an tÚdarás Eorpach um Urrúis agus Margaí (ESMA) atá lonnaithe i bPáras agus a fhéachann le cobhsaíocht chóras airgeadais an Aontais a chosaint. Cuireann ESMA é sin i gcrích trí shláine, trédhearcacht, éifeachtúlacht agus feidhmiú ordúil na margaí urrús a áirithiú, agus trí chosaint bhreise a chur ar fáil d’infheisteoirí.

Tar éis ghéarchéim airgeadais dhomhanda na bliana 2008, aontaíodh gur cheart socruithe maoirseachta an Aontais a neartú ar mhaithe le cosaint níos fearr a thabhairt dá shaoránaigh, chomh maith le muinín sa chóras airgeadais a athchothú. Bheadh na socruithe dírithe ar ghnólachtaí aonair (e.g. bainc agus cuideachtaí árachais), agus ar chobhsaíocht an chórais airgeadais ina iomláine.

Mar thoradh air sin, cuireadh an córas Eorpach um maoirseacht airgeadais ar bun in 2011. Cuimsítear ann:

• Trí cinn de na húdaráis mhaoirseachta Eorpacha:
  • ESMA,
  • An tÚdarás Baincéireachta Eorpach,
  • an tÚdarás Eorpach um Árachas agus Pinsin Cheirde;
• An Bord Eorpach um Riosca Sistéamach (BERS);
• Comhchoiste na nÚdarás Maoirseachta Eorpach;
• údaráis mhaoirseachta náisiúnta.

In 2019, mar thoradh ar an athbhreithniú ar an gcóras Eorpach maoirseoireachta airgeadais rinneadh nuashonrú ar an reachtaíocht a bhí ann cheana féin, lena ndéantar an méid seo a leanas:

• feabhsaítear cumhachtaí rialachais agus cóineasaithe ESMA;
• neartaítear cumas ESMA maoirseacht chomhsheasmhach agus forfheidhmiú aonfhoirmeach an dlí in AE a chur chun cinn agus a áirithiú;
• tugadh cumhachtaí nua maoirseachta dírí do ESMA.

FÉACH FREISIN

• Rialachas eacnamaíoch
• An tÚdarás Baincéireachta Eorpach (ÚBE)
• An tÚdarás Eorpach um Árachas agus Pinsin Cheirde (ÚEÁPC)
• Údaráis Mhaoirseachta Eorpacha (ESAnna)
• An Bord Eorpach um Riosca Sistéamach (BERS)
• An Bord Eorpach um Riosca Sistéamach (BERS) (achoimre)
• An tÚdarás Eorpach um Urrúis agus Margaí (achoimre)
• An tÚdarás Eorpach um Urrúis agus Margaí (ESMA)
• An córas Eorpach um maoirseacht airgeadais (An Coimisiún Eorpach)
• An Bord Eorpach um Riosca Sistéamach (An Bord Eorpach um Riosca Sistéamach)