Beartas fiontraíochta AE

Tá sé mar aidhm le beartas fiontraíochta AE timpeallacht a sholáthar atá fabhrach do chruthú agus d’fhorbairt gnólachtaí, agus go háirithe cruthú agus forbairt fiontar beag agus meánmhéide (FBManna), arb ionann iad agus formhór na gcuideachtaí san Aontas Eorpach agus thart ar dhá thrian de na poist.

Tá gnólachtaí, pé méid iad, tábhachtach d’iomaíochas agus do rachmas an Aontais Eorpaigh. In Airteagal 173 den Chonradh ar Fheidhmiú an Aontais Eorpaigh, shocraigh an tAontas Eorpach an sprioc dó féin na dálaí is fearr agus is féidir a chruthú d’iomaíochas.

Féachtar le beartas fiontraíochta AE tacú le gnólachtaí ar roinnt bealaí, lena n–áirítear:

• tacú le fás inbhuanaithe, digitiú, iomaíochas agus athléimneacht;
• rochtain ar mhaoiniú a éascú (e.g. caipiteal fiontair agus síolchaipiteal chun gnólachtaí nuathionscanta a spreagadh);
• cultúr fiontraíochta a chur chun cinn (oideachas, oiliúint agus fothú acmhainneachta);
• é a dhéanamh níos éasca úinéireacht ghnólachta a aistriú;
• fáil réidh leis an stiogma a bhaineann le cliseadh gnó agus seans eile a thabhairt d’fhiontraithe ionraice i ndiaidh féimheachta;
• an t–ualach rialála a laghdú agus rochtain ar an margadh laistigh de mhargadh inmheánach AE agus laistigh den mhargadh idirnáisiúnta a éascú.