Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Stoic ghrinnill sa Mhuir Thuaidh — Plean ilbhliantúil

    Date of last review:
    20/08/2019
    Author:
    Oifig Foilseachán an Aontais Eorpaigh
    Responsible entity(ies):
    Ard-Stiúrthóireacht na hIascaireachta agus Gnóthaí Muirí
    Summarised document(s):

    Stoic ghrinnill sa Mhuir Thuaidh — Plean ilbhliantúil

     

    ACHOIMRE AR:

    Rialachán (AE) 2018/973 — lena mbunaítear plean ilbhliantúil do stoic ghrinnill sa Mhuir Thuaidh agus don iascach a shaothraíonn na stoic sin, lena sonraítear mionsonraí maidir le cur chun feidhme na hoibleagáide gabhálacha a thabhairt i dtír sa Mhuir Thuaidh

    CAD IS AIDHM LEIS AN RIALACHÁN?

    Bunaítear leis plean ilbhliantúil do líon iasc grinnill* sa Mhuir Thuaidh agus don iascach a ghabhann iad.

    PRÍOMHPHOINTÍ

    Raon feidhme

    Áirítear ar na speiceas iasc grinnill a chumhdaítear sa rialachán seo:

    • trosc;
    • cadóg;
    • leathóg;
    • glasán;
    • sól;
    • faoitín;
    • láimhíneach;
    • séacla Artach;
    • gliomach na hIorua;

    Cumhdaítear ann chomh maith foghabhálacha* a ghabhtar nuair a bhítear ag iascaireacht le haghaidh ceann de na speicis atá liostaithe.

    Cuspóirí

    Tá sé mar aidhm leis an bplean:

    • cuidiú le AE agus le tíortha AE cuspóirí an chomhbheartais iascaigh (CBI) a bhaint amach, agus go háirithe lena áirithiú go ngabhfar iasc ar bhealach inbhuanaithe;
    • cur le hábhair mhuirí aischurtha* a dhíothú ar muir trí ghabhálacha de thaisme a sheachaint agus a laghdú agus tríd an oibleagáid gabhálacha a thabhairt i dtír maidir leis na speicis iasc atá cumhdaithe a chur chun feidhme.
    • an cur chuige éiceachórais maidir le bainistíocht iascaigh a chur chun feidhme chun iarmhairtí diúltacha ar bith ar iascaireacht ar an muirthimpeallacht a íoslaghdú.

    Áirítear leis:

    • spriocanna cainníochtúla lena bhfuil achair ama shoiléire;
    • pointí tagartha um chaomhnú lena áirithiú gur féidir le líonta iasc atáirgeadh go hiomlán;
    • bearta cosanta;
    • bearta teicniúla chun gabhálacha de thaisme a sheachaint agus a laghdú;
    • rialacha maidir le rochtain ar uiscí agus ar acmhainní;
    • na prionsabail maidir le stoic ar leas coiteann do AE agus do thíortha neamh-AE iad a bhainistiú;
    • comhar réigiúnach neartaithe lena gceadaítear d’iascach áitiúil a dtuairim a thabhairt;
    • údarú don Choimisiún Eorpach, ar bhonn na comhairle eolaíche, chun gníomhartha tarmligthe a ghlacadh, agus dáileadh geografach stoc dá soláthraítear sa phlean a oiriúnú agus togra a chur isteach chun an liosta stoc a leasú.

    CÉN UAIR ATÁ TOSACH FEIDHME AN RIALACHÁIN?

    Tá feidhm leis ón 5 Lúnasa 2018.

    CÚLRA

    PRÍOMHTHÉARMAÍ

    Grinnill: speiceas iasc a mhaireann ar ghrinneall na farraige nó gar de.
    Foghabháil: iasc a ghabhtar de thaisme agus speicis mhuirí a ghabhtar go neamhbheartaithe.
    Aischur: an cleachtas gabhálacha de thaisme a chur ar ais san fharraige, marbh nó beo, toisc go bhfuil siad ró-bheag, i ngeall ar éileamh an mhargaidh, toisc nach bhfuil cuóta ar bith ag an iascaire nó go bhforchuirtear rialacha maidir le comhdhéanamh gabhálacha é sin

    PRÍOMHDHOICIMÉAD

    Rialachán (AE) 2018/973 ó Pharlaimint na hEorpa agus ón gComhairle an 4 Iúil 2018 lena mbunaítear plean ilbhliantúil do stoic ghrinnill sa Mhuir Thuaidh agus don iascach a shaothraíonn na stoic sin, lena sonraítear mionsonraí maidir le cur chun feidhme na hoibleagáide gabhálacha a thabhairt i dtír sa Mhuir Thuaidh agus lena n–aisghairtear Rialachán (CE) Uimh. 676/2007 agus Rialachán (CE) Uimh. 1342/2008 ón gComhairle (IO L 179, 16.7.2018, lgh. 1-13)

    Rinneadh leasuithe comhleanúnacha ar Rialachán (AE) 2018/973 a chorprú sa bhundoiciméad. Níl de luach ar an leagan comhdhlúite seo ach luach doiciméadach amháin.

    DOICIMÉID GHAOLMHARA

    Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013 maidir leis an gComhbheartas Iascaigh, lena leasaítear Rialachán (CE) Uimh. 1954/2003 agus Rialachán (CE) Uimh. 1224/2009 ón gComhairle agus lena n–aisghairtear Rialachán (CE) Uimh. 2371/2002 agus Rialachán (CE) Uimh. 639/2004 ón gComhairle agus Cinneadh 2004/585/CE ón gComhairle (IO L 354, 28.12.2013, lgh. 22-61)

    Féach an leagan comhdhlúite

    Rialachán (CE) Uimh. 1224/2009 ón gComhairle an 20 Samhain 2009 lena mbunaítear córas rialaithe Aontais chun comhlíonadh rialacha an chomhbheartais iascaigh a áirithiú, lena leasaítear Rialachán (CE) 847/96, Rialachán (CE) Uimh. 2371/2002, Rialachán (CE) Uimh. 811/2004, Rialachán (CE) Uimh. 768/2005, Rialachán (CE) Uimh. 2115/2005, Rialachán (CE) Uimh. 2166/2005, Rialachán (CE) Uimh. 388/2006, Rialachán (CE) Uimh. 509/2007, Rialachán (CE) Uimh. 676/2007, Rialachán (CE) Uimh. 1098/2007, Rialachán (CE) Uimh. 1300/2008, Rialachán (CE) Uimh. 1342/2008, agus lena n–aisghairtear Rialachán (CEE) Uimh. 2847/93, Rialachán (CE) Uimh. 1627/94 agus Rialachán (CE) Uimh. 1966/2006 (IO L 343, 22.12.2009, lgh. 1-50)

    Féach an leagan comhdhlúite

    Treoir 2008/56/CE ó Pharlaimint na hEorpa agus ón gComhairle an 17 Meitheamh 2008 lena mbunaítear creat do ghníomhaíocht chomhphobail i réimse an bheartais comhshaoil mhuirí (an Treoir Réime um Straitéis Mhuirí) (IO L 164, 25.6.2008, lgh. 19-40)

    Féach an leagan comhdhlúite

    Nuashonraithe 20.08.2019

    Top