Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Sábháilteacht ardaitheoirí a áirithiú

Date of last review:
30/08/2022
Author:
Oifig Foilseachán an Aontais Eorpaigh
Responsible entity(ies):
Ard-Stiúrthóireacht um an Margadh Inmheánach, Tionsclaíocht, Fiontraíocht agus Fiontair Bheaga agus Mheánmhéide
Summarised document(s):

Sábháilteacht ardaitheoirí a áirithiú

 

ACHOIMRE AR:

Treoir 2014/33/AE maidir le comhchuibhiú dhlíthe na mBallstát i dtaca le hardaitheoirí agus comhpháirteanna sábháilteachta le haghaidh ardaitheoirí

CAD IS AIDHM LEIS AN TREOIR?

Tá dhá phríomhchuspóir léi:

  • cead a thabhairt chun ardaitheoirí agus a gcomhpháirteanna sábháilteachta a dhíol ar fud mhargadh an Aontais Eorpaigh (AE); agus
  • ardleibhéal sábháilteachta a áirithiú d’úsáideoirí ardaitheoirí agus d’fhoireann cothabhála.

PRÍOMHPHOINTÍ

Leagtar síos léi na rialacha comhionanna maidir le hardaitheoirí agus comhpháirteanna sábháilteachta le haghaidh ardaitheoirí a chur ar an margadh agus a chur i seirbhís. Tá feidhm aici maidir le hardaitheoirí buana i bhfoirgnimh agus i dtógálacha agus atá beartaithe chun daoine agus earraí a iompar. Tá feidhm aici maidir le hiarnróid cháblacha, ardaitheoirí, staighrí beo nó siúlbhealaí. Tá ardaitheoirí ar luas mall (lena bhfuil luas nach mó ná 0.15 m/s) eisiata ón raon feidhme chomh maith.

Sainítear sa treoir na ceanglais riachtanacha sláinte agus sábháilteachta nach mór do gach ardaitheoir a chomhlíonadh. Chomh maith leis sin, sainítear inti na freagrachtaí atá ar mhonaróirí, ar iompórtálaithe agus ar dháileoirí i gcomhthéacs ardaitheoirí agus comhpháirteanna sábháilteachta le haghaidh ardaitheoirí a chur ar an margadh.

  • ní mór do gach ardaitheoir agus gach comhpháirt sábháilteachta a chuirtear ar mhargadh AE an mharcáil chomhréireachta CE a bheith orthu lena thaispeáint go gcomhlíonann siad ceanglais sábháilteachta riachtanacha uile reachtaíocht AE;
  • sula bhfaighfear an mharcáil CE, ní mór don mhonaróir measúnú comhréireachta a dhéanamh chun sábháilteacht doiciméad teicniúil dá ardaitheoirí agus comhpháirteanna a áirithiú agus na doiciméid theicniúla sin a bhunú;
  • féadfaidh monaróirí caighdeáin chomhchuibhithe a úsáid, ar luadh na tagairtí dóibh in Iris Oifigiúil an Aontais Eorpaigh, chun leas a bhaint as toimhde comhréireachta agus rochtain éascaithe ar an margadh;
  • ní mór d’allmhairí a sheiceáil an ndearna monaróirí na gcomhpháirteanna sábháilteachta na measúnuithe comhréireachta mar is ceart agus a chur in iúl don údarás a bheidh faireachán á dhéanamh aige ar an tsábháilteacht má cheapann sé nach gcloíonn na hardaitheoirí nó na comhpháirteanna leis na ceanglais sláinte agus sábháilteachta riachtanacha;
  • ní mór an doiciméadacht riachtanach ar fad a thaifeadadh agus a choinneáil ar feadh 10 mbliana;
  • ní mór an doiciméadacht agus an fhaisnéis sábháilteachta a scríobh i dteanga a thuigfidh úsáideoirí deiridh go héasca;
  • ní mór do mhonaróirí agus d’allmhairí a seoladh poist a thaispeáint ar a gcomhpháirteanna sábháilteachta agus ar a n–ardaitheoirí;
  • ar iarratas ó údaráis náisiúnta ábhartha, féadfaidh monaróirí modhanna leictreonacha a úsáid chun comhréireacht a thaispeáint.

Lena chois sin, sainítear sa treoir conas a chaithfidh údaráis náisiúnta a dhéanann monatóireacht ar shábháilteacht comhpháirteanna sábháilteachta nó ardaitheoirí dainséaracha ó thíortha nach tíortha den Aontas Eorpach iad a aithint agus a n–iompórtáil a chosc.

CÉN UAIR ATÁ TOSACH FEIDHME NA RIALACHA?

Rinneadh Treoir 95/16/CE a leasú leis an treoir agus cuireadh an treoir sin ina hionad.

B’éigean í a thrasuí sa dlí náisiúnta an 19 Aibreán 2016. Tá na rialacha sin i bhfeidhm ón 20 Aibreán 2016.

CÚLRA

Leagtar síos leis an treoir na rialacha AE maidir le hardaitheoirí agus comhpháirteanna sábháilteachta d’ardaitheoirí a chur ar an margadh agus a chur i seirbhís. Tá sé sin ina chuid den iarracht dlí AE a nuachóiriú i raon leathan earnálacha tionsclaíocha lena bhfuil sé d’aidhm na rialacha a shimpliú, na hualaí riaracháin a laghdú agus rialacha níos soiléire agus níos comhsheasmhaí a bhunú.

Le haghaidh tuilleadh faisnéise, féach:

PRÍOMHDHOICIMÉAD

Rialachán 2014/33/AE ó Pharlaimint na hEorpa agus ón gComhairle an 26 Feabhra 2014 maidir le comhchuibhiú dhlíthe na mBallstát i dtaca le hardaitheoirí agus comhpháirteanna d’ardaitheoirí (athmhúnlú) (IO L 96, 29.3.2014, lgh. 251-308).

Nuashonraithe 30.08.2022

Top