Ráiteas ón gCoimisiún maidir le Rialachán (AE) 2016/1627 ó Pharlaimint na hEorpa agus ón gComhairle an 14 Meán Fómhair 2016 maidir le plean téarnaimh ilbhliantúil don tuinnín gorm san Atlantach Thoir agus sa Mheánmhuir agus lena n-aisghairtear Rialachán (CE) Uimh. 302/2009 ón gComhairle (1)

Tá imní ar an gCoimisiún go mbeidh sé deacair bearta a dhéanfaidh ICCAT lena n-athbhreithneofar scéim rialúcháin na heagraíochta sin nó lena dtabharfar an scéim sin cothrom le dáta, go mbeidh sé deacair na bearta sin a chur chun feidhme go tráthúil i ndlí an Aontais Eorpaigh mar go bhfuil na cumhachtaí a tharmlig na comhreachtóirí chuige teoranta.

Dá bhrí sin, dearbhaíonn an Coimisiún go measann sé go bhfuil an Rialachán sin gan dochar d'aon seasamh de chuid na hinstitiúide amach anseo i dtaca le dul ar iontaoibh Airteagal 290 agus Airteagal 291 CFAE chun bearta a bhaineann leis an Eagraíocht Réigiúnach um Bainistíocht Iascaigh a thrasuí.

Lena chois sin, forchoimeádann an Coimisiún an ceart leasuithe a mholadh ar an Rialachán lena méadófaí an líon beart ba cheart a ghlacadh trí bhíthin gníomhartha tarmligthe nó cur chun feidhme, i gcás ina mbeadh moilleanna ann mar thoradh ar thrasuí tríd an ngnáthnós imeachta reachtach a chuirfeadh i mbaol cumas an Aontais Eorpaigh a oibleagáidí idirnáisiúnta a chomhlíonadh.

(1)  IO L 252, 16.9.2016, lch. 1