—

a dhearbhú go bhfuil an t-iarratas inghlactha;

—

cinneadh Ares(2026)3019837 ón gCoimisiún Eorpach an 20 Márta 2026 a bhaineann leis na himeachtaí maidir lena eisiamh ó nósanna imeachta soláthair agus dámhachtana deontas arna rialú ag Rialachán (AE, Euratom) 2024/2509 ó Pharlaimint na hEorpa agus ón gComhairle an 23 Meán Fómhair 2024  (1) (an ‘Rialachán Airgeadais’) a chur ar neamhní;

—

a ordú don Choimisiún costais an iarratasóra a íoc.

1.

An chéad saincheist dlí lena n-éilítear gur mhainnigh an Coimisiún Airteagal 138(1)(c) den Rialachán Airgeadais a chur i bhfeidhm i gceart tríd an gcoincheap ‘mí-iompar gairmiúil tromchúiseach’ a mhíthuiscint nuair a chinn sé gur mí-iompar gairmiúil tromchúiseach a bhí i gcinntí rialála a rinneadh i gcoinne an iarratasóra, gan aon ghá le ‘[h]intinn éagórach’ nó ‘mórfhaillí’ a léiriú. Éilíonn an t-iarratasóir freisin, agus é sin á dhéanamh aige gur chomhcheangail an Coimisiún Airteagal 138(1)(c)(i) agus réamhrá Airteagal 138(1)(c).

2.

An dara saincheist dlí lena n-éilítear go ndearna an Coimisiún earráid fhollasach mheasúnaithe, ós rud é nár léirigh sé go soiléir agus go haonchiallach go raibh iompar an iarratasóra déanta le hintinn éagórach nó mórfhaillí, sa mhéid is go raibh an t-iarratasóir i mbun mí-iompar gairmiúil tromchúiseach. Níl na fíorais comhsheasmhach le cinneadh den sórt sin.

3.

An tríú saincheist dlí lena n-éilítear nár scrúdaigh an Coimisiún na fíorais leis an gcúram agus agus leis an neamhchlaonta is gá, mar a cheanglaítear air de bhun a dhualgas díchill chuí, atá ina dhlúthchuid den cheart chun dea-riaracháin, mar a chumhdaítear in Airteagal 41(1) den Chairt um Chearta Bunúsacha.

4.

An ceathrú saincheist dlí lena n-éilítear go raibh an tréimshe eisiaimh a forchuireadh ar an iarratasóir díréireach ós rud é go raibh iompar éagórach an iarratasóra teoranta do dhá mhionchinneadh riaracháin a fhágáil ar lár agus mar mhalairt air sin, go bhfuil na fíorais comhsheasmhach le faillí, níl le hintinn. Éilíonn an t-iarratasóir freisin, gur mhainnigh an Coimisiún measúnú aonaira dhéanamh freisin trí thúsphointe agus intinn faoi dhó a shocrú.

5.

An cúigiú saincheist dlí lena n-éilítear go bhfuil an cinneadh maidir le cinntí an Choimisiúin a fhoilsiú neamhdhleathach, contrártha le ceanglas Airteagal 142(2)(b) den Rialachán Airgeadais nach bhfoilseofar faisnéis faoi chinneadh eisiaimh dándéanfadh sé damáiste díréireach don eintitis ábhartha.