Achomharc arna thabhairt an 29 Lúnasa 2024 ag TO i gcoinne bhreithiúnas na Cúirte Ginearálta (an Deichiú Dlísheomra) a fógraíodh an 19 Meitheamh 2024 i gCás T-831/22, TO v EUAA

(Cás C-576/24 P)

(C/2024/7020)

Teanga an cháis: an Fhraincis

Páirtithe

Achomharcóir: TO (ionadaí: É. Boigelot, Dlíodóir)

Páirtí eile sna himeachtaí: Gníomhaireacht an Aontais Eorpaigh um Thearmann (EUAA)

An t-ordú atá á lorg

Iarann an t-achomharcóir ar an gCúirt Bhreithiúnais:

Saincheist dlí agus príomhargóintí

Mar thaca lena achomharc, maíonn TO saincheist dlí amháin, lena n-éilítear go ndearna an breithiúnas atá faoi achomharc na fíorais a shaobhadh agus go ndearnadh earráidí follasacha measúnaithe agus contrártha, rud a bhfuil réasúnaíocht dhlíthiúil mhíchruinn mar thoradh air, agus gur mhainnigh na doiciméid go léir sa chomhad a chur san áireamh, gur mhainnigh aird a thabhairt ar phrionsabal an tsaor-mheasúnaithe ar fhianaise agus ar an gcoincheap maidir le corpas fianaise comhaontach agus, dá bhrí sin, gur mhainnigh aird a thabhairt ar rialacha a bhaineann leis an dualgas cruthúnais, agus saincheisteanna dlí an iarratasóra go léir a chur san áireamh.

Ar an gcéad dul síos, rinne an Chúirt Ghinearálta an fhianaise, na fíorais agus na doiciméid atá ar fail di a shaobhadh go follasach, gan iarmhairtí dlíthiúla a bhaint astu agus gan fhíorais chruthaithe, ba chúis le glacadh an breithiúnas atá faoi achomharc, a mheas mar chomharthaí ciaptha, agus a chinn sí, mar sin féin, go bhfuil siad ábhartha agus mailíseacha.

Ina dhiaidh sin, sa chomhthéacs céanna, níor chuir an Chúirt Ghinearálta na sonraí ábhartha go léir sa chomhad san áireamh chun staid chasta a mheas agus chun iarmhairtí dlíthiúla a bhaint astu, rinne sí neamhaird ar na fíorais agus ar na doiciméid a chuirtear faoina bráid ina hanailís agus, dá bhrí sin, baintear conclúidí fhollasacha earráideacha as na fíorais amháin a choinnigh sí go treallach. Go ginearálta, cáineann an t-iarratasóir an Chúirt Ghinearálta as mainneachtain freagra a thabhairt ar nó scrúdú a dhéanamh ar roinnt argóintí agus doiciméad a cuireadh ar aghaidh, cé go bhfuil siad ábhartha agus infheidhme.

Dá réir sin, agus go háirithe, rinne an Chúirt Ghinearálta an fhianaise sa chomhad a shaobhadh agus rinne sí earráidí follasacha measúnaithe, trí fhreagracht a leagann air as an urlabhra mhaslach agus as an iompar maslach a líomhnaítear gur fhulaing an t-iarratasóir, nó trí anailís a dhéanamh ar an bhfianaise ar bhealach fíor-easnamhach agus claonta chun cinneadh a dhéanamh, míchruinn go follasach, nach raibh soghluaiseacht bhreise indéanta tar éis a ‘dara deis’ a bheith ídithe ag an iarratasóir, quod non.

Cáineann an t-iarratasóir an Chúirt Ghinearálta freisin as anailís a dhéanamh ar an gcomhad a cuireadh uirthi i bhfabhar an chosantóra amháin, a ndearna sí talamh slán dá phléadálacha go córasach, cé gur cheart anailís iomlán agus nithiúil ar na fíorais agus ar an bhfianaise a cuireadh isteach a bheith ina spreagadh di glacadh le roinnt de na gearáin a rinneadh.

Cáineann an t-iarratasóir an Chúirt Ghinearálta as léirmhíniú claonta agus bréagach go follasach a dhéanamh ar dhoiciméid sa chomhad, d’fhonn a shéanadh go bhfuil sainaithint indíreach an iarratasóra ann i bpróiseas atá leordhóthanach, mar sin féin, chun an t-eolas a mheas mar sonraí pearsanta inchosanta.

Cáineann an t-iarratasóir an Chúirt Ghinearálta chomh maith as conclúidí fhollasacha earráideacha a bhaintear as na fíorais a bhaineann lena sláinte agus lena leochaileacht leighis, i gcomhthéacs ina cuireadh ceisteanna míchuí uirthi maidir lena sonraí leighis, cé go raibh siad rúnda, agus ina n-éiligh an Stiúrthóir Feidhmiúcháin agus a seirbhís dlí freagraí ag an éisteacht roimh an gcinneadh a chonradh a fhoirceannadh go luath, cé nach dochtúirí iad na daoine seo, lasmuigh d’aon chreat reachtúil maidir leis na gnéithe leighis agus/nó urraim dá sonraí pearsanta.