AN COIMISIÚN EORPACH

An Bhruiséil,21.5.2025

COM(2025) 501 final

2025/0130(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialacháin (AE) 2016/679, (AE) 2016/1036, (AE) 2016/1037, (AE) 2017/1129 agus (AE) 2023/1542 agus (AE) 2024/573 a mhéid a bhaineann le bearta maolaitheacha áirithe atá ar fáil d’fhiontair bheaga agus mheánmhéide a leathnú chun fiontair mheánchaipitlithe bheaga a chumhdach agus bearta a shimpliú a thuilleadh

{COM(2025) 502 final} - {SWD(2025) 501 final}

MEABHRÁN MÍNIÚCHÁIN

1.1.COMHTHÉACS AN TOGRA

•Forais agus cuspóirí an togra

Cruthaíonn gnólachtaí Eorpacha fostaíocht, nuálaíocht agus rathúnas. Bunchoinníollacha is ea iomaíochas agus táirgiúlacht le go n‑éireoidh le gnólachtaí; tá siad i gcroílár bheartas an Aontais le blianta fada 1 . Chun geilleagar an Aontais a chur ar chonair fáis inbhuanaithe, ní mór don Aontas agus dá Bhallstáit feabhsuithe struchtúracha a dhéanamh ar an timpeallacht ghnó, lena n‑áirítear trí infheistíocht dhea-dhírithe agus bearta rialála.

Tá plean leagtha amach ag an Uachtarán von der Leyen le haghaidh rathúnas agus iomaíochas inbhuanaithe na hEorpa sna treoirlínte polaitiúla do théarma 2024-2029 an Choimisiúin Eorpaigh 2 . I measc phríomhthosaíochtaí an phlean tá an gnó a dhéanamh níos éasca agus an Margadh Aonair a dhoimhniú.

Tacaíonn clár oibre an Choimisiúin maidir le rialáil níos fearr 3 le hiomaíochas fhiontair na hEorpa freisin trí dhíriú ar a chinntiú go mbainfidh dlíthe an Aontais a gcuspóirí amach gan ualach nach bhfuil gá leis a fhorchur. In 2023, shainaithin an Coimisiún gur gá na ceanglais tuairiscithe d’fhiontair agus do riaracháin 4 a chuíchóiriú agus a shimpliú agus thug sé gealltanas iad a laghdú faoi 25 %, gan an bonn a bhaint de chuspóirí beartais na reachtaíochta ábhartha. Méadaíodh an gealltanas sin ina dhiaidh sin go dtí laghdú 25 % ar na costais riaracháin uile agus 35 % d’fhiontair bheaga agus mheánmhéide (FBManna) 5 .

Ina thuarascáil dar teideal The future of European competitiveness [Todhchaí iomaíochas na hEorpa] 6 , d’áitigh Mario Draghi go gcuireann rialachán an Aontais ualach níos airde go comhréireach ar FBManna agus ar fhiontair mheánchaipitlithe bheaga (FMBanna) 7 ná ar fhiontair mhóra. Moladh sa tuarascáil gur cheart don Choimisiún na bearta maolaithe atá ann cheana, atá ar fáil faoi láthair do FBManna, a leathnú chuig cuideachtaí meánchaipitlithe beaga chun comhréireacht i ndlí an Aontais a leathnú chucu. Tugadh ar aird i dtuarascáil Draghi freisin nach bhfuil sainmhíniú comhaontaithe ag an Aontas ar chuideachtaí meánchaipitlithe beaga ná ar shonraí staidrimh atá ar fáil go héasca.

De réir thuarascáil Enrico Letta dar teideal Much more than a market [Margadh thar an gcoitiantacht], trí idirdhealú a dhéanamh idir cuideachtaí meánchaipitlithe agus corparáidí móra i rialacháin an Aontais, cumasófar rialacha níos oiriúnaí, rud a chothóidh a bhfás agus a rannpháirtíocht chothrom sa Mhargadh Aonair, go háirithe le linn géarchéimeanna 8 . Dá bhrí sin, is féidir le fiontair mheánchaipitlithe rannchuidiú leis an Margadh Aonair a chur i gcrích agus é a dhéanamh níos fearr.

An 12 Meán Fómhair 2023, d’fhoilsigh an Coimisiún an Pacáiste Faoisimh do FBManna 9 , inar fógraíodh an sprioc atá aige cabhrú le fiontair bheaga agus mheánmhéide dul san iomaíocht agus fás, trí – i measc fiontair eile – aird a thabhairt ar riachtanais na bhfiontar a sháraíonn tairseacha an tsainmhínithe ar FBM 10 , agus an raon níos leithne d’fhiontair mheánchaipitlithe bheaga (FMBanna). Faoi Ghníomhaíocht 18 den phacáiste faoisimh, fógraíodh go ndéanfadh an Coimisiún ‘sainmhíniú comhchuibhithe a fhorbairt d’fhiontair mheánchaipitlithe bheaga, tacar sonraí a thógáil bunaithe ar an sainmhíniú sin agus measúnú a dhéanamh ar bhearta féideartha chun tacú leis na fiontair sin ina bhfás (lena n‑áirítear cur i bhfeidhm oiriúnaithe beart áirithe i bhfabhar FBManna)’.

Le ‘Study to map, measure and portray the EU mid-cap landscape’ [Staidéar chun tírdhreach na bhfiontar meánchaipitlithe san Aontas a mhapáil, a thomhas agus a léiriú] 11 taispeánadh go bhfuil ról ríthábhachtach ag fiontair mheánchaipitlithe i ngeilleagar an Aontais, agus gurb iad a dhéanann 13 % den fhostaíocht fhoriomlán a sholáthar. Tá siad an-fheiceálach in éiceachórais thionsclaíocha atá ríthábhachtach d'iomaíochas agus do cheannasacht theicneolaíoch an Aontais, amhail leictreonaic, an t‑aeraspás agus cosaint, fuinneamh, tionscail atá dian ar fhuinneamh agus an tsláinte. Is éard atá i gceist le cuideachtaí meánchaipitlithe deighleog den earnáil ghnó a dhéanann idirdhealú soiléir idir í féin agus FBManna, ach idir í féin agus gnólachtaí móra freisin. I gcomparáid le FBManna, is gnách go léiríonn siad luas fáis níos airde — bhí thart ar 20 % díobh ina FBManna trí bliana roimhe sin, agus leibhéal níos airde nuálaíochta agus digitithe, cé go bhfuil dúshláin chomhchosúla áirithe rompu amhail ualach riaracháin agus go bhfuil gá acu le níos mó comhréireachta i reachtaíocht nua agus le tacaíocht spriocdhírithe. Chun aistriú rianúil FBManna chuig fiontair mheánchaipitlithe bheaga a chumasú, tá sé tábhachtach aghaidh a thabhairt ar na dúshláin sin ar bhealach comhleanúnach.

Is é cuspóir an togra seo go deimhin tacaíocht bheartais spriocdhírithe a sholáthar a d’fhéadfadh cabhrú le cuideachtaí scálú a dhéanamh, go háirithe in earnálacha ábhartha agus tábhachtacha. Sa chomhthéacs eacnamaíoch atá ann faoi láthair agus i bhfianaise na n‑earnálacha ina bhfuil sciartha arda cuideachtaí sa réim 250-749 bhfostaí 12 , cumhdaítear leis an sainmhíniú ar FMBanna, dá bhrí sin, fiontair atá trí oiread mhéid na FBManna 13 . Sin chun tacú níos fearr le huas-scálú fiontar agus chun líon níos mó cuideachtaí a chumhdach. D’eisigh an Coimisiún moladh lena ndéantar an sainmhíniú sin a chur ar bhonn foirmiúil (Moladh ón gCoimisiún an 21.5.2025 maidir leis an sainmhíniú ar fhiontair mheánchaipitlithe bheaga — C(2025) 3500 final), mar chuid de phacáiste simpliúcháin le haghaidh cuideachtaí meánchaipitlithe beaga, lena n‑áirítear freisin an togra seo le haghaidh Treoir lena dtugtar isteach sa reachtaíocht atá ann cheana bearta maolaitheacha le haghaidh FMBanna.

Tá sainmhíniú ar fhiontair mheánchaipitlithe bheaga in úsáid cheana féin faoin Rialachán Ginearálta maidir le Blocdhíolúine 14 agus faoin Treoir maidir le Maoiniú Riosca 15 , chun críche teipeanna margaidh sainaitheanta a bhféadfaí aghaidh a thabhairt orthu trí thacaíocht airgeadais phoiblí spriocdhírithe ó acmhainní náisiúnta. Is é is cuspóir don sainmhíniú ginearálta maidir le Fiontair Mheánchaipitlithe Bheaga, gan aithris a dhéanamh ar an sainmhíniú a úsáidtear sna rialacha maidir le Státchabhair per se, ach a bheith mar bhonn do thacaíocht bheartais spriocdhírithe a d’fhéadfadh cabhrú le cuideachtaí scálú a dhéanamh in earnálacha ábhartha agus tábhachtacha. Tá an sainmhíniú maidir le Fiontair Mheánchaipitlithe Bheaga sa Mholadh fós, ar ndóigh, gan dochar do na tairseacha a mheastar a bheith iomchuí i gcomhthéacs na Státchabhrach.

I bhfianaise an mhéid thuas, is é is aidhm don togra seo aird a thabhairt ar FMBanna agus ar chomhréireacht a mhéid a bhaineann leis an ualach riaracháin, de réir na loighce a mhínítear thuas chun fiontair atá trí oiread mhéid FBManna a chumhdach, i roinnt gníomhartha dlí ina bhfuil bearta maolaithe nó tacaíochta ar fáil cheana féin do FBManna. Dá bhrí sin, i ngníomhartha ina sainítear FBManna trí thagairt a dhéanamh do chodanna den Iarscríbhinn a ghabhann le Moladh 2003/361/CE ón gCoimisiún, amhail na tairseacha a leagtar amach in Airteagal 2 den Mholadh sin, cuirfear cur chuige comhchosúil i bhfeidhm agus FMBanna á sainiú.

Is é an aidhm atá ann tacú le FMBanna a bhíonn ag déileáil le dúshláin chomhchosúla le sin atá ag FBManna. A mhéid atá siad fós ag a gcéim fáis, féadfaidh siad an tairbhe chéanna a bhaint as comhréireacht sa rialáil, seachas a bheith faoi réir na rialacha céanna le fiontair mhóra atá níos ullmhaithe agus a bhfuil níos mó acmhainní acu chun déileáil leis na rialacha sin.

Dá bhrí sin, is é is aidhm don togra seo forálacha áirithe a chuirtear i bhfeidhm faoi láthair maidir le FBManna a leathnú chuig FMBanna agus bearta simpliúcháin a mholadh a rachaidh chun tairbhe FBManna agus FMBanna sna gníomhartha reachtaíochta seo a leanas:

·Le Rialachán (AE) 2016/679 leagtar síos forálacha maidir le cosaint ghinearálta sonraí (RGCS). Luaitear in Airteagal 30 de Rialachán (AE) 2016/679 nach mór do gach rialaitheoir agus próiseálaí taifead a choinneáil ar ghníomhaíochtaí próiseála agus leagtar amach ann an fhaisnéis ba cheart a bheith sa taifead sin. Déantar foráil i mír 5 d’Airteagal 30 maidir le maolú do FBManna agus d’eagraíochtaí a bhfuil níos lú ná 250 fostaí acu, agus ní gá do na heintitis sin an taifead sin a choinneáil, ar choinníoll go gcomhlíontar coinníollacha áirithe. Is é is aidhm don togra seo an maolú ar an oibleagáid maidir le taifid a choimeád faoin airteagal sin a shimpliú agus a shoiléiriú trí gan coinneáil taifead a dhéanamh éigeantach ach amháin nuair is dócha go mbeadh ‘ardriosca’ ann do chearta agus saoirsí na n‑ábhar sonraí mar thoradh ar na gníomhaíochtaí próiseála. Ag an am céanna, ba cheart raon feidhme an mhaolaithe a leathnú chun FMBanna agus eagraíochtaí a bhfuil níos lú ná 750 fostaí acu a chur san áireamh.

Leagtar síos in Airteagal 40 de Rialachán (AE) 2016/679 nach mór do na Ballstáit, do na húdaráis mhaoirseachta, don Bhord agus don Choimisiún comhlachais agus comhlachtaí eile a dhéanann ionadaíocht ar chatagóirí rialaitheoirí nó próiseálaithe a spreagadh chun cóid iompair a tharraingt suas, agus gnéithe sonracha na n‑earnálacha éagsúla próiseála agus riachtanais shonracha na micrifhiontar, na bhfiontar beag agus na bhfiontar meánmhéide á gcur san áireamh. Ba cheart raon feidhme na forála sin a leathnú chuig FMBanna, ionas go gcuirfear a riachtanais shonracha san áireamh freisin agus cóid iompair á dtarraingt suas.  

Leagtar síos in Airteagal 42 de Rialachán (AE) 2016/679 nach mór do na Ballstáit, do na húdaráis mhaoirseachta, don Bhord agus don Choimisiún a spreagadh, go háirithe ar leibhéal an Aontais, sásraí deimhniúcháin um chosaint sonraí agus séalaí agus marcanna cosanta sonraí a bhunú ag comhlachtaí deimhniúcháin dá dtagraítear in Airteagal 43 RGCS, nó ag údaráis mhaoirseachta inniúla, agus sa chomhthéacs sin cuirfear riachtanais shonracha FBManna san áireamh. Ba cheart raon feidhme na forála sin a leathnú chuig FMBanna, ionas go gcuirfear a riachtanais shonracha san áireamh freisin agus deimhnithe á n‑eisiúint.

·I Rialachán (AE) 2016/1036 maidir le cosaint i gcoinne allmhairí dumpáilte ó thíortha nach baill den Aontas Eorpach iad, áirítear forálacha chun rochtain FBManna ar ionstraimí cosanta trádála a éascú, eadhon trí fhaisnéis ghinearálta a sholáthar agus, i gcás inar féidir, nósanna imeachta a éascú dóibh. Is é is aidhm d’Airteagal 5 (1a) de Rialachán (AE) 2016/1036 rochtain ar an ionstraim cosanta trádála a éascú. Sa chomhthéacs sin, cuirtear cúnamh ar fáil do FBManna trí dheasc chabhrach thiomnaithe a chuidíonn leo faisnéis agus mínithe ginearálta a thabhairt maidir le nósanna imeachta agus maidir le conas gearán a dhéanamh, nó trí cheistneoirí caighdeánacha a eisiúint. Chun a áirithiú go mbainfidh FMBanna tairbhe freisin as treoir agus cúnamh ó dheasc chabhrach, ba cheart raon feidhme na forála seo a leathnú chucu. Foráiltear le hAirteagal 6(9) de Rialachán (AE) 2016/1036 maidir le huainiú na nósanna imeachta imscrúdaithe. Leagtar síos leis foráil go mbeidh tréimhsí imscrúdaithe, aon uair is indéanta, agus go háirithe i gcás earnálacha ilroinnte atá comhdhéanta den chuid is mó de FBManna, i gcomhthráth leis an mbliain airgeadais. Ba cheart raon feidhme na forála sin a leathnú chuig FMBanna ionas go mbainfidh siad tairbhe freisin as an éascú agus as an intuarthacht a eascraíonn as tréimhsí imscrúdaithe a ailíniú leis an mbliain airgeadais.

·I Rialachán (AE) 2016/1037 maidir le cosaint i gcoinne allmhairí ar tugadh fóirdheontas ina leith, ar allmhairí iad ó thíortha nach baill den Aontas Eorpach iad, áirítear forálacha chun rochtain ar an ionstraim cosanta trádála a éascú. Sa chomhthéacs sin, cuirtear cúnamh ar fáil do FBManna trí Dheasc Chabhrach thiomnaithe a chuidíonn leo faisnéis agus mínithe ginearálta a thabhairt maidir le nósanna imeachta agus maidir le conas gearán a dhéanamh, nó trí cheistneoirí caighdeánacha a eisiúint. Chun a áirithiú go mbainfidh FMBanna tairbhe freisin as treoir agus cúnamh ó dheasc chabhrach, ba cheart raon feidhme na forála seo a leathnú chucu. Foráiltear le hAirteagal 11(9) de Rialachán (AE) 2016/1037 maidir le huainiú na nósanna imeachta imscrúdaithe. Leagtar síos leis foráil go mbeidh tréimhsí imscrúdaithe, aon uair is indéanta, agus go háirithe i gcás earnálacha ilroinnte atá comhdhéanta den chuid is mó de FBManna, i gcomhthráth leis an mbliain airgeadais. Ba cheart raon feidhme na forála sin a leathnú chuig FMBanna ionas go mbainfidh siad tairbhe freisin as an éascú agus as an intuarthacht a eascraíonn as imeachtaí imscrúdaithe a ailíniú leis an mbliain airgeadais.

·Tagraítear i Rialachán (AE) 2017/1129, arna leasú le Rialachán (AE) 2024/2809, don fhéidearthacht foirm laghdaithe réamheolaire a chruthú — réamheolaire eisiúna fáis AE. De ghnáth, féadfaidh FBManna an cineál réamheolaire sin a tharraingt suas agus, i gcásanna áirithe, féadfaidh cineálacha eile cuideachtaí é a tharraingt suas freisin. B’iomchuí úsáid an réamheolaire laghdaithe sin a leathnú chuig FMBanna freisin chun a gcostas liostaithe a laghdú agus chun na cuideachtaí sin a dhéanamh níos tarraingtí d’infheisteoirí, agus ar an gcaoi sin rochtain ar chistiú ag FMBanna a éascú.

Ós rud é gur leasaíodh Rialachán (AE) 2017/1129 le Rialachán (AE) 2024/2809, beidh feidhm ag an bhforáil a bhaineann leis an réamheolaire eisiúna fáis AE ón 5 Márta 2026. Is iomchuí, dá bhrí sin, dáta chur i bhfeidhm na leasuithe ar Rialachán (AE) 2017/1129 a leagtar amach sa Rialachán seo a mhoilliú go dtí an 5 Márta 2026. 

·Le Rialachán (AE) 2023/1542 leagtar síos forálacha maidir le ceallraí. Le hAirteagal 47 de Rialachán (AE) 2023/1542 díolmhaítear FBManna ó oibleagáidí áirithe maidir le beartais díchill chuí maidir le ceallraí. Ba cheart raon feidhme na forála sin a leathnú chuig FMBanna, ionas go mbeidh siad díolmhaithe ó na hoibleagáidí sin freisin. De bhun Airteagal 52, ceanglaítear ar na hoibreoirí eacnamaíocha dá dtagraítear in Airteagal 48(1) athbhreithniú a dhéanamh – ar bhonn bliantúil – ar thuarascáil maidir lena bheartas díchill chuí maidir le ceallraí agus í a chur ar fáil, lena n‑áirítear ar an idirlíon. D’fhonn an t‑ualach riaracháin ar oibreoirí eacnamaíocha a laghdú, ba cheart an ceanglas sin maidir lena mbeartas díchill chuí a athbhreithniú agus a chur ar fáil go poiblí a leasú ionas go mbeidh feidhm aige gach trí bliana seachas go bliantúil. Ba cheart feidhm a bheith ag an mbeart laghdaithe ualaigh sin maidir leis na hoibreoirí eacnamaíocha uile, lena n‑áirítear FMBanna.

·Le Rialachán (AE) 2024/573 maidir le gáis ceaptha teasa fhluairínithe 16 (an Rialachán maidir le gáis ceaptha teasa fhluairínithe), leagtar síos forálacha, i measc nithe eile, maidir le táirgí agus trealamh ina bhfuil gáis ceaptha teasa fhluairínithe. Leis an Rialachán maidir le F-gás a tháinig i bhfeidhm in 2024, leathnaíodh ceanglas clárúcháin sa Tairseach F-gás chuig gach allmhairiú táirgí agus trealaimh, lena n‑áirítear na hallmhairí sin nach bhfuil faoi réir ceanglais tuairiscithe. Áirítear ann freisin oibleagáid nua chlárúcháin le haghaidh onnmhairí táirgí agus trealaimh ina bhfuil gáis-F, lena n‑áirítear na honnmhairí sin nach bhfuil faoi réir srian ar onnmhairiú. Mura bhfuil trádálaí in ann clárú bailí a thíolacadh sa Tairseach F-gás, ba cheart do na húdaráis chustaim na hearraí a bhlocáil. Is é is príomhchuspóir do cheadúnais trádála den sórt sin forfheidhmiú a éascú.

Ó tháinig an Rialachán i bhfeidhm, fuair an Coimisiún go leor iarrataí ar chlárú agus fiosrúcháin ó thrádálaithe i dtáirgí agus i dtrealamh ina bhfuil gáis-F. Baineann siad den chuid is mó le cuideachtaí measartha beag a bhíonn ag trádáil le gluaisteáin úsáidte a bhfuil gáis ceaptha teasa fhluairínithe acu sa trealamh aerchóiriúcháin, nach bhfuil aon srianta ann ina leith, ar gá iad a fhorfheidhmiú.

Chun clárú, ní mór d’allmhaireoirí agus d’onnmhaireoirí foirm iarratais leictreonach a chur faoi bhráid an Choimisiúin agus an fhaisnéis riachtanach a bhaineann lena ngníomhaíochtaí gnó agus lena gcéannacht dhlíthiúil agus airgeadais a sholáthar. Bailíochtaíonn an Coimisiún an clárú sa Tairseach F-gás.

Dealraíonn sé nach bhfuil an ceanglas sin go hiomlán comhréireach, agus gur cheart an ceanglas clárúcháin a dhíriú níos fearr ar chuideachtaí a dhéanann gníomhaíochtaí a chumhdaítear le hoibleagáidí eile sa Rialachán maidir le F-gás chun an forfheidhmiú a éascú. Dá bhrí sin, tá sé beartaithe teorainn a chur leis an oibleagáid maidir le hallmhairí ar gá iad a thuairisciú freisin agus maidir le honnmhairí a chumhdaítear le teorainneacha ar acmhainneacht téimh dhomhanda an gháis fhluairínithe atá sna táirgí agus sa trealamh. Thairis sin, tá an leasú sin i gcomhréir le Measúnú Tionchair an Choimisiúin 17  nár áiríodh leis aon oibleagáid leathnaithe d’allmhaireoirí agus d’onnmhaireoirí táirgí agus trealaimh sa rogha thosaíochta, agus urraim á tabhairt ag an am céanna don loighic idirghabhála maidir leis an ngá atá le forfheidhmiú teorann nua ar tháirgí agus ar threalamh onnmhairithe áirithe a thug na comhreachtóirí isteach a éascú. Meastar go rachaidh an simpliú sin chun tairbhe FBManna agus FMBanna den chuid is mó.

•Comhsheasmhacht le forálacha beartais atá sa réimse beartais cheana

Tá an togra seo mar chuid de phacáiste beart arb é is aidhm dóibh an rómhaorlathas ar FMBanna a laghdú trí fhorálacha áirithe a mbaineann FBManna tairbhe astu faoi láthair a leathnú chucu. Is é is cuspóir dó gealltanas an Choimisiúin a chomhlíonadh i) gnó a dhéanamh níos éasca agus an t‑ualach riaracháin a laghdú, agus ii) comhréireacht i ndlí an Aontais a leathnú chuig FMBanna.

Ní dhéanfaidh an cuíchóiriú a thugtar isteach leis na bearta sin difear do ghnóthú na gcuspóirí sa réimse beartais lena mbaineann ná do réasúnaíocht na ngníomhartha reachtacha.

Leis an leasú atá beartaithe ar an Rialachán maidir le F-gás, ní dhírítear ach ar cheanglais chlárúcháin le haghaidh allmhaireoirí agus onnmhaireoirí táirgí agus trealaimh, i gcainníochtaí beaga de ghnáth, nach ndéanann difear d’éifeachtacht an Rialacháin ná do chomhlíonadh na n‑oibleagáidí idirnáisiúnta faoi Phrótacal Montréal.

•Comhsheasmhacht le beartais eile de chuid an Aontais

Tá sé beartaithe leis an togra seo staid FMBannaa chur ar aon dul le staid FBManna i roinnt gníomhartha dlí, lena gcumhdaítear réimsí beartais éagsúla. Is é is aidhm dó baint amach chuspóirí na reachtaíochta sin a dhéanamh níos éifeachtúla agus ualach níos lú a chur ar fhiontair, ar eagraíochtaí agus ar údaráis phoiblí.

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Tá an togra seo bunaithe ar Airteagal 16, Airteagal 114, Airteagal 192(1) agus Airteagal 207(2) den Chonradh ar Fheidhmiú an Aontais Eorpaigh, arb iad bunús dlí na ngníomhartha iad a leasaíonn sé. A mhéid a leasaítear Rialachán (AE) 2023/1542 leis an Rialachán seo, is é Airteagal 114 an bunús dlí iomchuí a mhéid a bhaineann leis na leasuithe sin. Ní leasaítear leis an togra seo rialacha sonracha maidir le bainistiú ceallraí dramhaíola a bheadh bunaithe ar Airteagal 192(1) den Chonradh. Sa mhéid go leasaítear Rialachán (AE) 2024/573 leis an Rialachán seo, is é Airteagal 192(1) CFAE an bunús dlí iomchuí, a mhéid a bhaineann leis na leasuithe sin.  

Tá forálacha comhchosúla sna gníomhartha dlí uile dá dtagraítear i bpointe 1 agus a ndéanann an togra seo difear dóibh, forálacha arb é is aidhm dóibh an rómhaorlathas a laghdú do FBManna nó cuidiú leo na hoibleagáidí a fhorchuirtear orthu trí na gníomhartha ábhartha a chomhlíonadh, d’fhonn é a dhéanamh níos éasca reachtaíocht den sórt sin a chur i bhfeidhm agus ualach níos lú a bheith i gceist leis. Chun síneadh a chur leis an gcomhréireacht sin a mhéid a bhaineann leis an ualach riaracháin, meastar go bhfuil údar leis na forálacha a leathnú chuig cuideachtaí meánchaipitlithe beaga.

•Coimhdeacht (i gcás inniúlacht neamheisiach)

Is le dlí an Aontais, go díreach agus go hindíreach, a dhéantar na hoibleagáidí a fhorchuirtear ar chuideachtaí agus, dá bhrí sin, ní féidir iad a leasú ach ar leibhéal an Aontais. Bainfidh na Ballstáit, fiontair agus an Coimisiún tairbhe as rialacha áirithe is infheidhme faoi láthair maidir le FBManna a leathnú chuig FMBanna, chomh maith leis an leasú ar an Rialachán maidir le gáis ceaptha teasa fhluairínithe.

•Comhréireacht

Trí fhorálacha áirithe is infheidhme cheana maidir le FBManna a leathnú chuig FMBanna simplítear an creat dlíthiúil trí athruithe íosta a dhéanamh ar oibleagáidí reatha na mBallstát, agus ba cheart go dtabharfaí an chóir chéanna do FMBanna anseo feasta agus a thugtar do FBManna. Tá an togra teoranta do na hathruithe sin is gá chun a áirithiú go mbainfidh FMBanna tairbhe as an gcreat dlíthiúil céanna le FBManna.

Ní bhaineann na leasuithe spriocdhírithe ach le gnéithe is infheidhme maidir le FBManna (arna sainiú ar bhealaí éagsúla, ag brath ar chomhthéacs an ghnímh dhlíthiúil agus ar rogha an chomhreachtóra) a leathnófar anois chuig FMBanna agus atá oiriúnach lena gcur san áireamh in aon togra amháin. Leanfaidh na sainmhínithe ar FMBanna atá le cur san áireamh sna gníomhartha an cur chuige arna roghnú ag an gcomhreachtóir maidir le FBManna a shainiú le haghaidh na ngníomhartha sin, agus cumhdófar leo fiontair atá trí oiread mhéid na FBManna sin.

A mhéid a bhaineann leis an leasú ar an Rialachán maidir le F-gás, áirithítear leis an simpliú go gcuirfear feabhas ar chomhréireacht an cheanglais clárúcháin.

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

•Comhairliúcháin leis na páirtithe leasmhara

I gcomhréir leis an ngealltanas a tugadh sa Phacáiste Faoisimh do FBManna 18 measúnú a dhéanamh ar bhearta féideartha chun tacú le fiontair mheánchaipitlithe bheaga ina bhfás, rinne an Coimisiún anailís ar an acquis agus béim ar leith á leagan ar thionscnaimh a mheastar a bheith trom nó lena n‑áirítear córais thiomnaithe níos éadroime nó bearta maolaitheacha do FBManna. Léirigh an scagadh raon féidearthachtaí chun comhréireacht níos fearr a áirithiú d’fhiontair mheánchaipitlithe bheaga.

Chuaigh an Coimisiún i dteagmháil freisin leis an bpobal gnó agus d’éist sé leis chun a chinneadh conas an sainmhíniú ar fhiontair mheánchaipitlithe bheaga a úsáid chun críocha beartais chothrománaigh, agus chun réimsí a shainaithint le haghaidh bearta comhréireacha rialála, cistiúcháin nó beartais. I ndáil leis sin, déantar roinnt moltaí sna páipéir seasaimh a sheol páirtithe leasmhara, amhail ‘saintréithe sonracha na gcuideachtaí meánchaipitlithe a chur san áireamh i gcomhthéacs na rialála níos fearr’, nó ‘a áirithiú go mbeidh rialáil an Aontais níos íogaire do mhéid an ghnó’.

Chuaigh an Coimisiún i gcomhairle le hionadaithe tionscail na hEorpa le haghaidh smaointe sonracha maidir le tacaíocht shaincheaptha a chur ar fáil do FMBanna. Rinneadh é sin trí chruinnithe déthaobhacha agus ‘Cruinniú Comhchéime maidir le Simpliú’ maidir leis an tacaíocht bheartais is gá d’fhiontair mheánchaipitlithe bheaga an 6 Feabhra 2025.

A mhéid a bhaineann leis an Rialachán maidir le F-gás, tá an Coimisiún i dteagmháil dhíreach leis na trádálaithe uile ar gá dóibh clárú ar an Tairseach F-gás. Le linn mhíonna tosaigh 2025, fuair an Coimisiún thart ar 2000 iarraidh ar chlárú in aghaidh na míosa, ó mhicrifhiontair agus ó fhiontair bheaga de ghnáth nár cumhdaíodh leis an gceanglas clárú faoin Rialachán maidir le F-gás a bhí ann roimhe seo agus nach bhfuil aon eolas acu roimh ré ar an Rialachán maidir le F-gás ná ar an Tairseach F-gás. Bhí trealamh ag go leor de na páirtithe leasmhara sin a bhí á bhlocáil ag lucht custaim ag an teorainn agus measann siad go bhfuil na ceanglais maidir le clárú díréireach. Ina theannta sin, d’iarr Ballstát amháin ina bhfuil go leor trádálaithe gníomhach ar an gCoimisiún na rialacha a shimpliú.

Chuir torthaí na bpléití sin go léir le liosta na dtograí a cuireadh chun cinn sa doiciméad seo.

•Bailiú agus úsáid saineolais

Sainaithníodh na bearta is infheidhme faoi láthair maidir le FBManna atá le leathnú chuig FMBanna tar éis próiseas grinnscrúdaithe inmheánaigh agus sheachtraigh ar an reachtaíocht atá ann cheana agus tá siad bunaithe ar an taithí a fuarthas agus an reachtaíocht ghaolmhar á cur chun feidhme. Ós rud é gur céim amháin é sin i bpróiseas an mheasúnaithe leanúnaigh ar an ngá atá le bearta maolaitheacha d’fhiontair bheaga ionas gur féidir leo na hoibleagáidí a eascraíonn as reachtaíocht an Aontais a chomhlíonadh, leanfar den ghrinnscrúdú ar an ualach riaracháin agus ar a thionchar ar pháirtithe leasmhara.

•Measúnú tionchair

Baineann an togra le hathruithe teoranta agus spriocdhírithe reachtaíochta í a shimpliú nó bearta áirithe is infheidhme maidir le FBManna a leathnú chuig FMBanna. Tá siad bunaithe ar thaithí a fuarthas ó reachtaíocht a chur chun feidhme. Áirithítear leis na hathruithe cur chun feidhme níos éifeachtúla agus níos éifeachtaí agus an méid sin amháin. Mar gheall ar chineál spriocdhírithe na n‑athruithe agus an easpa roghanna beartais ábhartha, ní gá measúnú tionchair a dhéanamh. Sa doiciméad inmheánach oibre atá i gceangal leis seo, áfach, féachtar ar ghnéithe maidir le tionchar na mbeart sin, lena n‑áirítear cainníochtú na gcoigilteas a bhfuiltear ag súil leo.

A mhéid a bhaineann leis an leasú ar an Rialachán maidir le F-gás, tá an simpliú i gcomhréir leis an rogha thosaíochta agus leis an loighic idirghabhála sa mheasúnú tionchair a ghabhann leis an togra ón gCoimisiún in 2022. Laghdóidh an leasú na costais riaracháin do thrádálaithe, go háirithe FBManna agus FMBanna, agus ag an am céanna ní bheidh aon tionchar diúltach aige ar chuspóirí aeráide an Rialacháin sin a bhaint amach. Os a choinne sin, cuirfidh sé ar chumas údaráis, chustaim agus an Choimisiúin na mBallstát díriú ina ionad sin ar chásanna atá ábhartha chun srianta sa Rialachán maidir le F-gás a fhorfheidhmiú.

•Oiriúnacht rialála agus simpliú

Faoin gClár um Oiriúnacht agus Feidhmíocht Rialála (REFIT), áirithíonn an Coimisiún go bhfuil a reachtaíocht oiriúnach dá feidhm, go bhfuil sí dírithe ar riachtanais na bpáirtithe leasmhara agus go n‑íoslaghdaíonn sí ualaí agus a cuspóirí á mbaint amach aici an tráth céanna. Dá bhrí sin, tá an togra seo mar chuid de chlár REFIT, lena laghdaítear ualaí nach bhfuil gá leo ar FMBanna, trí na rialacha is infheidhme maidir le FMBanna a thabhairt i gcomhréir leis na rialacha is infheidhme maidir le FBManna.

Is togra REFIT é seo arb é is aidhm dó reachtaíocht a shimpliú agus ualaí ar pháirtithe leasmhara a laghdú.

•Cearta bunúsacha

Ní bhaineann le hábhar.

•4.IMPLEACHTAÍ BUISÉADACHA

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

•Míniúchán mionsonraithe ar fhorálacha sonracha an togra

Maidir le Rialachán (AE) 2016/679 maidir le Cosaint Ghinearálta Sonraí (RGCS): 

Luaitear in Airteagal 30 go gcoinneoidh gach rialaitheoir agus próiseálaí taifead ar ghníomhaíochtaí próiseála agus leagtar amach ann an fhaisnéis ba cheart a bheith sa taifead sin. Déantar foráil i mír 5 den Airteagal seo maidir le maolú do FBManna agus d’eagraíochtaí a bhfuil níos lú ná 250 fostaí acu, i gcás nach gá do na heintitis sin taifead den sórt sin a choinneáil, ar choinníoll go gcomhlíontar coinníollacha áirithe. Is é is aidhm don togra seo an maolú ar an oibleagáid maidir le taifid a choimeád faoi Airteagal 30(5) a shimpliú agus a shoiléiriú trí gan coinneáil taifead a dhéanamh éigeantach ach amháin nuair is dócha go mbeadh ‘ardriosca’ ann do chearta agus saoirsí na n‑ábhar sonraí mar thoradh ar na gníomhaíochtaí próiseála. Ag an am céanna, ba cheart raon feidhme an mhaolaithe a leathnú chun FMBanna agus eagraíochtaí a bhfuil níos lú ná 750 fostaí acu a chur san áireamh. Ba cheart, dá bhrí sin, Airteagal 30(5) a leasú dá réir sin.  

Soiléireofar le haithris sa Rialachán leasaitheach seo go bhfuil FMBanna díolmhaithe freisin ón oibleagáid taifid a choimeád, ach amháin más dócha go mbeidh ‘ardriosca’ ann d’ábhair sonraí mar thoradh ar a bpróiseáil, mar a shainmhínítear in Airteagal 35, agus nach spreagfaidh próiseáil catagóirí speisialta sonraí pearsanta i gcomhréir le hAirteagal 9(2)(b), dá réir sin, an oibleagáid taifid phróiseála a choinneáil.  

Leagtar síos in Airteagal 40 nach mór do na Ballstáit, do na húdaráis mhaoirseachta, don Bhord agus don Choimisiún comhlachais agus comhlachtaí eile a dhéanann ionadaíocht ar chatagóirí rialaitheoirí nó próiseálaithe a spreagadh chun cóid iompair a tharraingt suas, agus gnéithe sonracha na n‑earnálacha éagsúla próiseála agus riachtanais shonracha na micrifhiontar agus na bhfiontar beag agus meánmhéide á gcur san áireamh. Ba cheart raon feidhme na forála sin a leathnú chuig FMBanna, ionas go gcuirfear a riachtanais shonracha san áireamh freisin agus cóid iompair á dtarraingt suas. Dá bhrí sin, ba cheart tagairt do FMBanna a chur le hAirteagal 40(1). 

Leagtar síos in Airteagal 42 nach mór do na Ballstáit, do na húdaráis mhaoirseachta, don Bhord agus don Choimisiún spreagadh a thabhairt, go háirithe ar leibhéal an Aontais, chun sásraí deimhniúcháin um chosaint sonraí agus séalaí agus marcanna cosanta sonraí a bhunú ag na comhlachtaí deimhniúcháin dá dtagraítear in Airteagal 43, nó ag na húdaráis mhaoirseachta inniúla, agus sa chomhthéacs sin, ní mór riachtanais shonracha FBManna a chur san áireamh. Ba cheart raon feidhme na forála sin a leathnú chuig FMBanna, ionas go gcuirfear a riachtanais shonracha san áireamh freisin nuair a eisítear deimhnithe. Dá bhrí sin, ba cheart tagairt do FMBanna a chur le hAirteagal 42(1).

Maidir le Rialachán (AE) Uimh. 2016/1036 ón gComhairle maidir le cosaint i gcoinne allmhairí dumpáilte ó thíortha nach baill den Aontas Eorpach iad:

In Airteagal 5(1a) leagtar síos nach mór don Choimisiún rochtain ar an ionstraim cosanta trádála gearán a éascú d’earnálacha tionscail éagsúlaithe agus ilroinnte, atá comhdhéanta den chuid is mó de FBManna, trí dheasc chabhrach tiomanta do FBManna, mar shampla trí fheasacht a mhúscailt, trí fhaisnéis agus mínithe ghinearálta a thabhairt maidir le nósanna imeachta a sholáthar agus maidir le conas le gearán a thíolacadh, trí cheistneoirí caighdeánacha a sheoladh i ngach teanga oifigiúil de chuid an Aontais agus trí fhreagra a thabhairt ar fhiosrúcháin ghinearálta nach mbaineann le cás sonrach. Ba cheart an tAirteagal seo a leasú chun a raon feidhme a leathnú chuig FMBanna agus chun go mbainfidh siad an tairbhe chéanna as treoir agus cúnamh ó dheasc chabhrach. Ba cheart sainmhínithe ar FBManna agus ar FMBanna araon a chur san áireamh freisin.

In Airteagal 6(9) leagtar síos nach mór do na tréimhsí imscrúdaithe, aon uair is indéanta agus go háirithe i gcás earnálacha éagsúlaithe agus ilroinnte atá comhdhéanta den chuid is mó de FBManna, a bheith i gcomhthráth leis an mbliain airgeadais. Ba cheart an tAirteagal seo a leasú chun a raon feidhme a leathnú chuig FMBanna ionas go mbainfidh siad an tairbhe chéanna as an bhforáil sin.

Maidir le Rialachán (AE) 2016/1037 maidir le cosaint i gcoinne allmhairí ar tugadh fóirdheontas ina leith, ar allmhairí iad ó thíortha nach baill den Aontas Eorpach iad:

In Airteagal 10(1a) leagtar síos nach mór don Choimisiún rochtain ar an ionstraim cosanta trádála gearán a éascú d’earnálacha tionscail éagsúlaithe agus ilroinnte, atá comhdhéanta den chuid is mó de FBManna, trí dheasc chabhrach tiomanta do FBManna, mar shampla trí fheasacht a mhúscailt, trí fhaisnéis agus mínithe ghinearálta a thabhairt maidir le nósanna imeachta a sholáthar agus maidir le conas le gearán a thíolacadh, trí cheistneoirí caighdeánacha a sheoladh i ngach teanga oifigiúil de chuid an Aontais agus trí fhreagra a thabhairt ar fhiosrúcháin ghinearálta nach mbaineann le cás sonrach. Ba cheart an tAirteagal seo a leasú chun a raon feidhme a leathnú chuig FMBanna agus chun go mbainfidh siad tairbhe as treoir agus cúnamh ó dheasc chabhrach. Ba cheart sainmhínithe ar FBManna agus ar FMBanna araon a chur san áireamh freisin.

In Airteagal 11(9) leagtar síos nach mór do na tréimhsí imscrúdaithe, aon uair is indéanta agus go háirithe i gcás earnálacha éagsúlaithe agus ilroinnte atá comhdhéanta den chuid is mó de FBManna, a bheith i gcomhthráth leis an mbliain airgeadais. Ba cheart an tAirteagal seo a leasú chun a raon feidhme a leathnú chuig FMBanna ionas go mbainfidh siad an tairbhe chéanna as an bhforáil sin.

Maidir le Rialachán (AE) Uimh. 2017/1129 maidir leis an réamheolaire atá le foilsiú nuair a thairgtear urrúis don phobal nó nuair a ligtear isteach iad chun a dtrádála ar mhargadh rialáilte:

Leagtar amach in Airteagal 1(4) agus (5) de Rialachán (AE) 2017/1129 díolúintí ón oibleagáid réamheolaire maidir le tairiscintí áirithe urrús don phobal nó maidir le hurrúis a ligean isteach chun a dtrádála ar mhargadh rialáilte. Ba cheart an tAirteagal seo a leasú chun díolúine nua a chur san áireamh ón oibleagáid réamheolaire a fhoilsiú le haghaidh tairiscintí urrús don phobal i gcás ina n‑eascraíonn na tairiscintí sin as comhshó dliteanas arna bhforghníomhú ag údaráis réitigh an Aontais faoi chreat an Aontais maidir le réiteach banc nó árachóirí (Treoir 2014/59/AE agus Treoir (AE) 2025/1) nó ag údaráis tríú tír faoi chreat dlíthiúil inchomparáide. Ina theannta sin, an díolúine atá ann cheana a bhaineann go sonrach le réiteach ón oibleagáid réamheolaire a fhoilsiú maidir le hurrúis a ligean isteach chun a dtrádála ar mhargadh rialáilte de chuid an Aontais faoi Airteagal 1(5), pointe (c) de Rialachán (AE) 2017/1129, ba cheart í a leathnú chuig gníomhaíochtaí arna ndéanamh ag údaráis tríú tír i gcomhthéacs comhchosúil.

Leagtar amach in Airteagal 2 de Rialachán (AE) 2017/1129 na sainmhínithe ábhartha sa Rialachán. Ba cheart an tAirteagal seo a leasú chun sainmhíniú a thabhairt isteach ar FMBanna mar chatagóir ar leith fiontar ó FBManna agus chun sainmhínithe a thabhairt isteach, trí chrostagairt d’Airteagal 2(1), pointí (88) agus (90), de Threoir 2014/59/AE agus d’Airteagal 2, pointí (72) agus (74), de Threoir (AE) 2025/1, le haghaidh ‘údarás tríú tír ábhartha’ agus ‘imeachtaí réitigh tríú tír’.

Tagraítear in Airteagal 15a de Rialachán (AE) 2017/1129, arna leasú le Rialachán (AE) 2024/2809, don fhéidearthacht foirm laghdaithe réamheolaire a chruthú – réamheolaire eisiúna fáis AE. De ghnáth, féadfaidh FBManna an cineál réamheolaire sin a tharraingt suas agus, i gcásanna áirithe, féadfaidh cineálacha eile fiontar é a tharraingt suas freisin. Ba cheart úsáid an réamheolaire laghdaithe sin a leathnú chuig FMBanna freisin chun a gcostas liostaithe a laghdú agus chun na fiontair sin a dhéanamh níos tarraingtí d’infheisteoirí, agus ar an gcaoi sin rochtain ar chistiú a éascú do SMC.

Maidir le Rialachán (AE) 2023/1542 maidir le ceallraí agus ceallraí dramhaíola: 

Le hAirteagal 47 díolmhaítear FBManna ó oibleagáidí áirithe maidir le beartais díchill chuí maidir le ceallraí. Sainmhínítear FBManna mar ‘oibreoirí eacnamaíocha a raibh glanláimhdeachas níos lú ná EUR 40 milliún acu sa bhliain airgeadais roimh an mbliain airgeadais dheireanach, agus nach cuid de ghrúpa iad, ina bhfuil máthairghnóthais agus foghnóthais, a sháraíonn, ar bhonn comhdhlúite, an teorainn EUR 40 milliún. Ba cheart raon feidhme na forála sin a leathnú chuig FMBanna, ionas go mbeidh siad díolmhaithe freisin ó na hoibleagáidí sin. Chun comhsheasmhacht a áirithiú, ba cheart tuairisc a thabhairt ar FMBanna ar an mbealach céanna agus é á chur san áireamh gur eintitis iad trí oiread mhéid na FBManna, i.e. bunaithe ar ghlanláimhdeachas ar cheart dó a bheith níos lú ná EUR 150 milliún dá bhrí sin.

De bhun Airteagal 52, ceanglaítear ar na hoibreoirí eacnamaíocha dá dtagraítear in Airteagal 48(1) athbhreithniú a dhéanamh – ar bhonn bliantúil – ar thuarascáil maidir lena bheartas díchill chuí maidir le ceallraí agus í a chur ar fáil, lena n‑áirítear ar an idirlíon.  D’fhonn an t‑ualach riaracháin ar oibreoirí eacnamaíocha a laghdú, ba cheart an ceanglas sin maidir lena mbeartas díchill chuí a athbhreithniú agus a chur ar fáil go poiblí a leasú ionas go mbeidh feidhm aige gach trí bliana seachas go bliantúil. Ba cheart feidhm a bheith ag an mbeart laghdaithe ualaigh sin maidir leis na hoibreoirí eacnamaíocha uile, lena n‑áirítear FMBanna.

Maidir le Rialachán (AE) 2024/573 maidir le gáis ceaptha teasa fhluairínithe:

Faoi láthair, ceanglaítear le hAirteagal 20(4)(a) ar gach allmhaireoir agus onnmhaireoir táirgí agus trealaimh clárú ar an Tairseach F-gás. I gcomhréir le hAirteagal 20(5), is ceadúnas a cheanglaítear é clárú bailí sa Tairseach F-gás tráth an allmhairithe nó an onnmhairithe. Chun a áirithiú go mbeidh an ceanglas maidir le clárú sa Tairseach F-gás dírithe ar ghníomhaíochtaí atá ábhartha don fhorfheidhmiú, leasaítear Airteagal 20(4)(a) ionas go mbeidh an ceanglas clárúcháin le haghaidh táirgí agus trealamh allmhairithe teoranta do na hallmhairí sin atá faoi réir ceanglais tuairiscithe (lena n‑áirítear tairseacha de-minimis), agus go mbainfear an ceanglas clárúcháin le haghaidh táirgí agus trealamh onnmhairithe, ach amháin má bhaineann sé le honnmhairiú táirgí agus trealaimh áirithe ina bhfuil F-gáis a bhfuil Acmhainneacht Téite Domhanda 1000 nó níos mó acu atá faoi réir srian ar onnmhairiú. Meastar go rachaidh an beart simpliúcháin sin chun tairbhe FBManna agus FMBanna den chuid is mó.

2025/0130 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialacháin (AE) 2016/679, (AE) 2016/1036, (AE) 2016/1037, (AE) 2017/1129 agus (AE) 2023/1542 agus (AE) 2024/573 a mhéid a bhaineann le bearta maolaitheacha áirithe atá ar fáil d’fhiontair bheaga agus mheánmhéide a leathnú chun fiontair mheánchaipitlithe bheaga a chumhdach agus bearta a shimpliú a thuilleadh

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 16, Airteagal 114, Airteagal 192(1), agus Airteagal 207(2) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 19 ,

Ag féachaint don tuairim ó Choiste na Réigiún 20 ,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Sna treoirlínte polaitiúla le haghaidh théarma 2024-2029 an Choimisiúin Eorpaigh 21 , leag an tUachtarán von der Leyen amach plean le haghaidh rathúnas agus an iomaíochas inbhuanaithe an Aontais. I measc phríomhthosaíochtaí an phlean tá an gnó a dhéanamh níos éasca agus an Margadh Aonair a dhoimhniú.

(2)Tacaíonn clár oibre an Choimisiúin maidir le rialáil níos fearr 22 le hiomaíochas fhiontair an Aontais freisin trí aidhm a leagan síos ann a áirithiú go mbainfidh dlíthe an Aontais a gcuspóirí amach ar an gcostas is ísle. In 2023, shainaithin an Coimisiún gur gá na ceanglais tuairiscithe ar fhiontair agus ar riaracháin a chuíchóiriú agus a shimpliú 23 agus gheall sé ualaí riaracháin a laghdú 25 %.

(3)An 12 Meán Fómhair 2023, d’fhoilsigh an Coimisiún an Pacáiste Faoisimh do FBManna 24 , inar fógraíodh an sprioc atá aige cabhrú le fiontair bheaga agus mheánmhéide (‘FBManna’) dul san iomaíocht agus fás, trí aird a thabhairt ar riachtanais na bhfiontar a sháraíonn tairseacha an tsainmhínithe ar FBM 25 , agus an raon níos leithne d’fhiontair mheánchaipitlithe bheaga. Fógraíodh le Gníomhaíocht 18 den phacáiste faoisimh sin go ndéanfadh an Coimisiún ‘sainmhíniú comhchuibhithe a fhorbairt d’fhiontair mheánchaipitlithe bheaga, tacar sonraí a thógáil bunaithe ar an sainmhíniú sin agus measúnú a dhéanamh ar bhearta féideartha chun tacú leis na fiontair sin ina bhfás (lena n‑áirítear bearta áirithe a d’fhéadfaí a chur i bhfeidhm i bhfoirm oiriúnaithe i bhfabhar FBManna)’.

(4)Tá ról ríthábhachtach i ngeilleagar an Aontais ag fiontair a sháraíonn an sainmhíniú ar FBM – na ‘fiontair mheánchaipitlithe bheaga’ (‘FMBanna’) 26 . Tá siad an-fheiceálach in éiceachórais thionsclaíocha atá ríthábhachtach d'iomaíochas an Aontais agus dá cheannasacht theicneolaíoch, i réimsí amhail an leictreonaic, an t‑aeraspás agus an chosaint, an fuinneamh, tionscail atá dian ar fhuinneamh agus an tsláinte. Ba FBManna iad thart ar 20 % de na fiontair mheánchaipitlithe bheaga 3 bliana roimhe sin 27 .

(5)I gcomparáid le FBManna, is gnách go léiríonn FMBanna luas níos airde fáis, agus leibhéal nuálaíochta agus digitithe níos airde. Mar sin féin, a mhéid a bhaineann leis an ualach riaracháin, bíonn dúshláin rompu atá cosúil le dúshláin FBManna, rud a fhágann go bhfuil gá le comhréireacht sa reachtaíocht agus le tacaíocht spriocdhírithe. Chun aistriú rianúil FBManna go FMBanna a chumasú, tá sé tábhachtach aghaidh a thabhairt ar bhealach comhleanúnach ar an éifeacht aille a d’fhéadfadh teacht chun cinn nuair a sháraíonn siad an sciar FBManna agus nuair a bhíonn orthu aghaidh a thabhairt ar rialacha a bhfuil feidhm acu maidir le fiontair mhóra. Chun go mbeidh sé níos éasca do FMBanna gnó a dhéanamh agus chun a n‑ualach riaracháin a laghdú, ba cheart roinnt gníomhartha atá ann cheana lena ndéantar foráil maidir le rialacha maolaithe sonracha do FBManna a oiriúnú chun raon feidhme na bhforálacha sin a leathnú agus FMBanna a áireamh.

(6)Tá roinnt forálacha i Rialacháin (AE) 2016/679 28 , (AE) 2016/1036 29 , (AE) 2016/1037 30 , (AE) 2017/1129 31 agus (AE) 2023/1542 32 ó Pharlaimint na hEorpa agus ón gComhairle arb é is aidhm dóibh tacaíocht, simpliú nó bearta maolaitheacha a chur ar fáil do FBManna. Go sonrach, is é is aidhm do na forálacha sin an t‑ualach riaracháin a mhaolú, bacainní ar dhul isteach sa mhargadh a laghdú nó deireadh a chur leo, comhlíonadh a éascú, staid shonrach FBManna a chur san áireamh agus a n‑oibleagáidí á gcur chun feidhme acu agus measúnú á dhéanamh ar thionchair eacnamaíocha agus shóisialta na n‑oibleagáidí sin, agus treoraíocht, tacaíocht agus cúnamh tiomnaithe a sholáthar do FBManna.

(7)Chun an chomhsheasmhacht agus an deimhneacht dhlíthiúil a áirithiú, ba cheart sainmhíniú ar FMBanna a thabhairt isteach sna gníomhartha sin. Cé gur cheart, i bprionsabal, don sainmhíniú ar FMBanna comhfhreagairt don sainmhíniú atá i Moladh ón gCoimisiún an 21.5.2025 maidir leis an sainmhíniú ar fhiontair mheánchaipitlithe bheaga – C(2025) 3500 final agus fiontair atá suas le trí oiread níos mó ná FBManna a chumhdach leis, ba cheart, i gcás inarb iomchuí, cur leis na sainmhínithe ar FBManna dá bhforáiltear cheana sna gníomhartha atá á leasú, sainmhínithe a mheas na reachtóirí a bheith oiriúnach.

(8)Tá foráil i Rialachán (AE) 2016/679 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin. Ba cheart simpliú a dhéanamh ar an oibleagáid taifid phróiseála a choinneáil ionas go mbeidh feidhm aici maidir le gach fiontar agus eagraíocht a bhfuil níos lú ná 750 fostaí acu, ar choinníoll nach dócha go mbainfidh ardriosca leis na gníomhaíochtaí sin do chearta agus do shaoirsí na n‑ábhar sonraí.

(9)Chun an méid thuas a léiriú, is gá Airteagal 30(5) de Rialachán (AE) 2016/679 a leasú, trí raon feidhme an mhaolaithe ón oibleagáid maidir le taifid a choimeád a leathnú chuig FMBanna agus eagraíochtaí ag a bhfuil níos lú ná 750 fostaí chun ligean dóibh tairbhe a bhaint as an maolú sin freisin agus trí fhoráil a dhéanamh go mbeidh feidhm ag an maolú ach amháin más dócha go mbeidh ‘ardriosca’ do chearta agus saoirsí na n‑ábhar sonraí mar thoradh ar an bpróiseáil, de réir bhrí Airteagal 35 de Rialachán (AE) 2016/679. Go háirithe, maidir le próiseáil sonraí pearsanta dá dtagraítear i mír 3 den fhoráil sin, ba cheart a mheas go gceanglaítear ar an rialaitheoir sonraí nó ar an bpróiseálaí taifid a choinneáil ar a ghníomhaíochtaí próiseála.

(10)Sa chomhthéacs sin, maidir le próiseáil catagóirí speisialta sonraí pearsanta atá riachtanach chun oibleagáidí an rialaitheora nó an ábhair sonraí a chomhlíonadh agus chun cearta sonracha an rialaitheora nó an ábhair sonraí a fheidhmiú i réimse an dlí um fhostaíocht agus um shlándáil shóisialta agus um chosaint shóisialta, dá dtagraítear in Airteagal 9(2), pointe (b) de Rialachán (AE) 2016/679, níor cheart a cheangal inti féin go gcoinneofaí taifid phróiseála.

(11)Thairis sin, chun na forálacha atá ar fáil do mhicrifhiontair agus d’fhiontair bheaga agus mheánmhéide faoi Rialachán (AE) 2016/679 a leathnú chuig FMBanna, ba cheart na hairteagail seo a leanas a leasú freisin: 

–Airteagal 4, ina bhfuil na sainmhínithe is infheidhme chun críoch Rialachán (AE) 2016/679. Ar mhaithe le soiléireacht, ba cheart sainmhínithe a chur isteach le haghaidh micrifhiontar agus fiontair bheaga agus mheánmhéide, agus le haghaidh fiontair mheánchaipitlithe bheaga. I gcás fiontair bheaga agus mheánmhéide, is iomchuí rogha an chomhreachtóra a leanúint mar a chuirtear in iúl in aithris (13) den bhrollach a ghabhann le Rialachán (AE) 2016/679. I gcás FMBanna, ba cheart tagairt a dhéanamh do phointe 2 den Mholadh ón gCoimisiún an 21.5.2025 maidir leis an sainmhíniú ar fhiontair mheánchaipitlithe bheaga – C(2025) 3500 final. 

–Airteagal 40, ina ndéantar foráil gur cheart do na Ballstáit, na húdaráis mhaoirseachta, an Bord agus an Coimisiún comhlachais agus comhlachtaí eile a dhéanann ionadaíocht ar chatagóirí rialaitheoirí nó próiseálaithe a spreagadh chun cóid iompair a tharraingt suas, agus go bhfuil riachtanais shonracha na micrifhiontar agus na bhfiontar beag agus meánmhéide le cur san áireamh agus an méid sin á dhéanamh. Ba cheart an ceanglas sin a leathnú chun riachtanais shonracha FMBanna a chur san áireamh.

–Airteagal 42, ina bhforáiltear, i gcás ina spreagfaidh na Ballstáit, na húdaráis mhaoirseachta, an Bord agus an Coimisiún, go háirithe ar leibhéal an Aontais, comhlachtaí deimhniúcháin dá dtagraítear in Airteagal 43 den Rialachán sin nó údaráis mhaoirseachta inniúla sásraí deimhniúcháin um chosaint sonraí agus séalaí agus marcanna cosanta sonraí a bhunú, tá riachtanais shonracha na micrifhiontar agus na bhfiontar beag agus meánmhéide le cur san áireamh. Ba cheart an ceanglas sin a leathnú chun riachtanais shonracha FMBanna a chur san áireamh freisin.

(12)Chuathas i gcomhairle leis an Maoirseoir Eorpach ar Chosaint Sonraí agus an Bord Eorpach um Chosaint Sonraí i gcomhréir le hAirteagal 42(1) agus (2) de Rialachán (CE) 2018/1725 agus thug siad an tuairim chomhpháirteach uathu an [XXX, dáta].

(13)Is codanna de chóras cosanta trádála an Aontais iad Rialacháin (AE) 2016/1036 agus (AE) 2016/1037. Cuireann siad ar chumas an Aontais dumpáil agus fóirdheonú tríú tíortha a imscrúdú agus aghaidh a thabhairt orthu agus cothrom iomaíochta a athbhunú i margadh an Aontais. Má dheimhnítear le himscrúdú gurb ann do chleachtais den sórt sin agus go ndearnadh díobháil do thionscal an Aontais dá bharr, forchuireann an Coimisiún dleacht frithdhumpála nó frithchúitimh, ar choinníoll nach bhfuil forchur den sórt sin in aghaidh leas an Aontais. Bíonn gá le rannpháirtíocht ghníomhach ó fhiontair chun imscrúduithe frithdhumpála agus frith-fhóirdheontais a dhéanamh. Is iondúil go dtionscnaítear imscrúduithe bunaithe ar ghearán foirmiúil ón tionscal de chuid an Aontais lena mbaineann agus ní mór fianaise a bheith ann ar an gcleachtas éagórach agus ar an díobháil a rinne sé. Bíonn gá le rannpháirtíocht ghníomhach tháirgeoirí, allmhaireoirí agus úsáideoirí an táirge san Aontas, chomh maith le sonraí uathu, chun imscrúduithe a dhéanamh. Mar gheall ar a n‑ilroinnt agus a n‑easpa acmhainní den chuid is mó, is minic a bhíonn sé an-deacair do FBManna cosaint trádála a thuiscint agus a bheith ag comhoibriú in imeachtaí cosanta trádála. Sin é an fáth a n‑áirítear i Rialacháin (AE) 2016/1036 agus (AE) 2016/1037 forálacha chun na bacainní a shárú lena gcuirtear cosc ar fhiontair bheaga rochtain a fháil ar chosaint trádála agus í a úsáid, is é sin trí dheasc chabhrach thiomnaithe, agus trí thréimhsí imscrúdúcháin a ailíniú leis an mbliain airgeadais aon uair is féidir. Meastar gurb iomchuí a áirithiú go mbainfidh FMBanna tairbhe as na forálacha sin freisin.

(14)Leagtar amach i Rialachán (AE) 2017/1129 ceanglais maidir le réamheolaire a tharraingt suas i gcásanna ina dtairgtear urrúis don phobal nó ina ligtear isteach iad chun a dtrádála ar mhargadh rialáilte. Leis an Rialachán sin, arna leasú le Rialachán (AE) 2024/2809, déantar foráil maidir le réamheolaire eisiúna fáis AE cuíchóirithe lena ngabhann ceanglais níos éadroime, i gcomparáid le réamheolaire caighdeánach, chun an próiseas liostaithe a dhéanamh níos éadroime agus níos saoire do chineálacha áirithe fiontar agus i gcásanna áirithe. Is iad na príomhchatagóirí tairbhithe de réamheolaire cuíchóirithe den sórt sin fiontair a bhfuil acmhainneacht fáis acu, go háirithe FBManna agus fiontair eile a bhfuil a n‑urrúis ligthe isteach nó atá le ligean isteach chun a dtrádála ar mhargadh fáis FBManna. Chun an t‑ualach ar FMBanna a laghdú agus chun iad a dhéanamh níos tarraingtí d’infheisteoirí, is iomchuí é a chur ar chumas FMBanna freisin réamheolaire eisiúna fáis AE a tharraingt suas le haghaidh a dtairiscintí urrús don phobal, lena n‑áirítear nuair a bhíonn ligean isteach chun trádála ar shaoráid trádála iltaobhach ag gabháil leis na tairiscintí sin.

(15)Chun soiléiriú a dhéanamh ar an gcaoi a gcaitear le FMBanna i Rialachán (AE) 2017/1129, is gá sainmhíniú ar FMB a thabhairt isteach in Airteagal 2 de, sainmhíniú atá éagsúil leis an sainmhíniú ar FBM. Chun críoch an Rialacháin sin, ba cheart fiontair mheánchaipitlithe bheaga a shainmhíniú mar fhiontair a chomhlíonann dhá cheann ar a laghad de na trí chritéar bunaithe ar mheánlíon na bhfostaithe, clár comhardaithe iomlán agus glanláimhdeachas bliantúil, nó mar fhiontair a chomhlíonann an sainmhíniú ar fhiontair mheánchaipitlithe bheaga a leagtar amach faoi Threoir 2014/65/AE.

(16)Bíonn FBManna agus FMBanna ag brath go mór ar sheirbhísí a sholáthraíonn institiúidí creidmheasa agus árachóirí, agus is minic nach mbíonn siad ag brath ach ar phríomhsholáthraí amháin nó ar líon beag príomhsholáthraithe de chuid na seirbhísí sin. Áirithítear le córais réitigh rochtain gan bhriseadh ar thaiscí agus ar fheidhmeanna criticiúla i gcás ina dteipeann ar institiúid airgeadais. I gcás ina n‑úsáideann údaráis réitigh a gcumhacht chun dliteanais institiúide airgeadais a chomhshó chun í a réiteach go tráthúil agus chun leanúnachas na bhfeidhmeanna criticiúla a áirithiú, ní féidir réamheolaire a ullmhú agus a fhoilsiú roimh ré mar gheall ar an tréimhse ghearr a fhorchuirtear i gcomhthéacs réitigh. Tá sé tábhachtach, dá bhrí sin, díolúine a thabhairt isteach ón oibleagáid réamheolaire a fhoilsiú a bhfuil feidhm aige maidir le tairiscint don phobal ar urrúis a eascraíonn as comhshó mar gheall ar fheidhmiú cumhachtaí faoi Threoir 2014/59/AE ó Pharlaimint na hEorpa agus ón gComhairle 33 agus Treoir (AE) 2025/1 ó Pharlaimint na hEorpa agus ón gComhairle 34 agus urrúis a eascraíonn as comhshó de bharr feidhmiú cumhachta inchomparáide in imeachtaí réitigh tríú tír lena gcuirtear chun feidhme ‘Príomhthréithe córas éifeachtach réitigh le haghaidh Institiúidí Airgeadais’ de chuid an Bhoird um Chobhsaíocht Airgeadais, a foilsíodh i mí Dheireadh Fómhair 2011. Ar an gcaoi chéanna, an díolúine atá ann cheana maidir le hurrúis a ligean isteach chun a dtrádála ar mhargadh rialáilte mar thoradh ar chomhshó mar gheall ar fheidhmiú cumhachtaí faoi Threoir 2014/59/AE agus Treoir (AE) 2025/1 ón oibleagáid réamheolaire a fhoilsiú, ba cheart í a leathnú chuig urrúis a eascraíonn as comhshó de bharr feidhmiú cumhachta inchomparáide in imeachtaí réitigh tríú tír lena gcuirtear chun feidhme na caighdeáin sin arna gcomhaontú go hidirnáisiúnta.

(17)Beidh feidhm ag an bhforáil i Rialachán (AE) 2017/1129 maidir leis an réamheolaire eisiúna fáis AE ón 5 Márta 2026 ar aghaidh, ós rud é go gceanglaítear ar an gCoimisiún gníomhartha tarmligthe a fhorbairt chun inneachar laghdaithe agus formáid chaighdeánaithe agus ord caighdeánaithe an réamheolaire sin a shonrú. Is iomchuí, dá bhrí sin, cur i bhfeidhm na leasuithe ar Rialachán (AE) 2017/1129 maidir leis an réamheolaire eisiúna fáis AE a leagtar amach sa Rialachán seo a chur siar go dtí an 5 Márta 2026. 

(18)Le Rialachán (AE) 2023/1542 bunaítear rialacha a bhaineann le ceallraí agus ceallraí dramhaíola. Le hAirteagal 47 den Rialachán sin, díolmhaítear FBManna ó oibleagáidí áirithe maidir le beartais díchill chuí maidir le ceallraí. Ba cheart raon feidhme na forála sin a leathnú chun FMBanna a chumhdach, ionas go mbeidh siad díolmhaithe ó na hoibleagáidí sin freisin. Chun comhsheasmhacht a áirithiú, is iomchuí tagairt a dhéanamh do FMBanna ar an mbealach céanna agus é á chur san áireamh gur eintitis iad atá suas le trí oiread mhéid na FBManna, i.e. a bhfuil glanláimhdeachas acu ar cheart dó a bheith níos lú ná EUR 150 milliún dá bhrí sin.

(19)De bhun Airteagal 52 de Rialachán (AE) 2023/1542, ceanglaítear ar oibreoirí eacnamaíocha dá dtagraítear in Airteagal 48(1) den Rialachán sin athbhreithniú a dhéanamh – ar bhonn bliantúil – ar thuarascáil maidir lena bheartas díchill chuí maidir le ceallraí agus í a chur ar fáil, lena n‑áirítear ar an idirlíon. D’fhonn an t‑ualach riaracháin ar oibreoirí eacnamaíocha a laghdú, níor cheart a cheangal ar oibreoirí a mbeartas díchill chuí a athbhreithniú agus a chur ar fáil go poiblí ach gach 3 bliana seachas go bliantúil. Ba cheart feidhm a bheith ag an laghdú ualaigh sin maidir le gach oibreoir eacnamaíoch, lena n‑áirítear FMBanna.

(20)An ceanglas in Airteagal 20(4), pointe (a) de Rialachán (AE) 2024/573 ó Pharlaimint na hEorpa agus ón gComhairle 35 clárú ar an Tairseach F-gás sula ndéanfar aon allmhairiú agus onnmhairiú táirgí agus trealaimh ina bhfuil gáis ceaptha teasa fhluairínithe, tá sé beartaithe leis forfheidhmiú a éascú. Mar sin féin, d’fhéadfadh an t‑ualach a eascraíonn as an gceanglas sin a bheith díréireach i gcomparáid leis an tairbhe a bhaineann leis, go háirithe do FBManna agus do FMBanna. Dá bhrí sin, ba cheart an ceanglas clárúcháin a theorannú d’allmhairí a bhfuil feidhm ag ceanglais tuairiscithe maidir leo agus d’onnmhairí a bhfuil teorainn ar onnmhairiú ann ina leith. Sa mhéid go leasaítear Rialachán (AE) 2024/573 leis an Rialachán seo, is é Airteagal 192(1) CFAE an bunús dlí iomchuí, a mhéid a bhaineann leis na leasuithe sin. 

(21)Dá bhrí sin, ba cheart Rialacháin (AE) 2016/679, (AE) 2016/1036, (AE) 2016/1037, (AE) 2017/1129, (AE) 2023/1542 agus (AE) 2024/573 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasuithe ar Rialachán (AE) 2016/679  

Leasaítear Rialachán (AE) Uimh. 2016/679 mar a leanas: 

(1)in Airteagal 4, cuirtear pointí (27) agus (28) seo a leanas leis: 

‘(27) ciallaíonn ‘micrifhiontair agus fiontair bheaga agus mheánmhéide’ fiontair mar a shainmhínítear iad in Airteagal 2 den Iarscríbhinn a ghabhann le Moladh 2003/361/CE ón gCoimisiún*; 

(28) Ciallaíonn ‘fiontair mheánchaipitlithe bheaga’ fiontair mar a shainmhínítear iad i bpointe (2) den Iarscríbhinn a ghabhann leis an Moladh ón gCoimisiún an 21.5.2025 maidir leis an sainmhíniú ar fhiontair mheánchaipitlithe bheaga – C(2025) 3500 final**.;

________ 

* Moladh ón gCoimisiún an 6 Bealtaine 2003 maidir le micrifhiontair, fiontair bheaga agus fiontair mheánmhéide a shainmhíniú (IO L 124, 20.5.2003, lch. 36, ELI: http://data.europa.eu/eli/reco/2003/361/oj).  

** Moladh ón gCoimisiún an 21.5.2025 maidir leis an sainmhíniú ar fhiontair mheánchaipitlithe bheaga – C(2025) 3500 final.’ ;

(2)in Airteagal 30, cuirtear an méid seo a leanas in ionad mhír 5: 

‘5. Ní bheidh feidhm ag na hoibleagáidí dá dtagraítear i míreanna 1 agus 2 maidir le fiontar nó le heagraíocht ina bhfostaítear níos lú ná 750 duine ach amháin más dócha é go ngabhann riosca ard leis an bpróiseáil a bhíonn ar bun do chearta agus do shaoirsí na n‑ábhar sonraí, de réir bhrí Airteagal 35.’;

(3)in Airteagal 40, cuirtear an méid seo a leanas in ionad mhír 1: 

‘1. Tabharfaidh na Ballstáit, na húdaráis mhaoirseachta, an Bord agus an Coimisiún spreagadh chun cóid iompair a tharraingt suas a chuideoidh le cur i bhfeidhm cuí an Rialacháin seo, agus sainairíonna na n‑earnálacha éagsúla próiseála á gcur san áireamh mar aon le riachtanais sonracha na micrifhiontar, na bhfiontar beag agus meánmhéide agus na bhfiontar meánchaipitlithe beag.’;

(4)in Airteagal 42, cuirtear an méid seo a leanas in ionad mhír 1: 

‘1. Tabharfaidh na Ballstáit, na húdaráis mhaoirseachta, an Bord agus an Coimisiún spreagadh, go háirithe ar leibhéal an Aontais, chun sásraí deimhniúcháin um chosaint sonraí agus séalaí agus marcanna cosanta sonraí a bhunú, ionas go bhféadfar a thaispeáint go bhfuil an Rialachán seo á chomhlíonadh ag oibríochtaí próiseála a dhéanann rialaitheoirí agus próiseálaithe. Cuirfear na riachtanais shonracha a bheidh ag micrifhiontar, ag fiontair bheaga agus meánmhéide agus ag fiontair mheánchaipitlithe beaga san áireamh.’

Airteagal 2

Leasuithe ar Rialachán (AE) 2016/1036

Leasaítear rialachán (AE) Uimh. 2016/1036 mar a leanas:

(1)in Airteagal 5(1a), cuirtear an méid seo a leanas in ionad na chéad fhomhíre: 

‘Déanfaidh an Coimisiún rochtain ar an ionstraim cosanta trádála a éascú d’earnálacha tionscail éagsúlaithe agus ilroinnte, atá comhdhéanta den chuid is mó d’fhiontair bheaga agus mheánmhéide (‘FBManna’)* nó fiontair mheánchaipitlithe bheaga (‘FMBanna’)**, trí Dheasc Chabhrach thiomnaithe, mar shampla trí fheasacht a mhúscailt, trí fhaisnéis agus mínithe ghinearálta a thabhairt maidir le nósanna imeachta agus maidir le conas le gearán a thíolacadh, trí cheistneoirí caighdeánacha a sheoladh i ngach teanga oifigiúil de chuid an Aontais agus freagra a thabhairt ar fhiosrúcháin ghinearálta nach mbaineann le cás sonrach.’

________ 

* Moladh ón gCoimisiún an 6 Bealtaine 2003 maidir le micrifhiontair, fiontair bheaga agus fiontair mheánmhéide a shainmhíniú (IO L 124, 20.5.2003, lch. 36, ELI: http://data.europa.eu/eli/reco/2003/361/oj).

** Moladh ón gCoimisiún an 21.5.2025 maidir leis an sainmhíniú ar fhiontair mheánchaipitlithe bheaga – C(2025) 3500 final.’ ;

(2)in Airteagal 6, cuirtear an méid seo a leanas in ionad mhír 9: 

‘9. Maidir le himeachtaí a thionscnaítear de bhun Airteagal 5(9), déanfar, i ngach cás ina bhféadfar é sin a dhéanamh, imscrúdú a thabhairt i gcrích laistigh de bhliain amháin. Ar aon chuma, i ngach cás déanfar imscrúduithe den sórt sin a thabhairt i gcrích laistigh de 14 mhí ó thráth a dtionscnaimh, i gcomhréir leis na torthaí a fhaightear de bhun Airteagal 8 le haghaidh gnóthas nó de bhun Airteagal 9 le haghaidh gníomhaíochta cinntithí. Beidh tréimhsí imscrúdaithe, aon uair is indéanta sin agus go háirithe i gcás earnálacha éagsúlaithe agus ilroinnte atá comhdhéanta den chuid is mó de FBManna nó FMBanna, i gcomhthráth leis an mbliain airgeadais.’.

Airteagal 3

   Leasuithe ar Rialachán (AE) 2016/1037

Leasaítear Rialachán (AE) Uimh. 2016/1037 mar a leanas:

(1)in Airteagal 10(1a), cuirtear an méid seo a leanas in ionad na chéad fhomhíre: 

‘Déanfaidh an Coimisiún rochtain ar an ionstraim cosanta trádála a éascú d’earnálacha tionscail éagsúlaithe agus ilroinnte, atá comhdhéanta den chuid is mó d’fhiontair bheaga agus mheánmhéide (FBManna)(*) nó fiontair mheánchaipitlithe bheaga (FMBanna)(**), trí Dheasc Chabhrach thiomnaithe, mar shampla trí fheasacht a mhúscailt, trí fhaisnéis agus mínithe ghinearálta a thabhairt maidir le nósanna imeachta agus maidir le conas le gearán a thíolacadh, trí cheistneoirí caighdeánacha a sheoladh i ngach teanga oifigiúil de chuid an Aontais agus freagra a thabhairt ar fhiosrúcháin ghinearálta nach mbaineann le cás sonrach.’

________

* Moladh ón gCoimisiún an 6 Bealtaine 2003 maidir le micrifhiontair, fiontair bheaga agus fiontair mheánmhéide a shainmhíniú (IO L 124, 20.5.2003, lch. 36, ELI: http://data.europa.eu/eli/reco/2003/361/oj).

** Moladh ón gCoimisiún an 21.5.2025 maidir leis an sainmhíniú ar fhiontair mheánchaipitlithe bheaga – C(2025) 3500 final.’ ;

(2)in Airteagal 11, cuirtear an méid seo a leanas in ionad mhír 9: 

‘9. Maidir le himeachtaí a thionscnaítear de bhun Airteagal 10(11), déanfar, i ngach cás ina bhféadfar é sin a dhéanamh, imscrúdú a thabhairt i gcrích laistigh de bhliain amháin. Ar aon chuma, i ngach cás déanfar imscrúduithe den sórt sin a thabhairt i gcrích laistigh de 13 mhí ó thráth a dtionscnaimh, i gcomhréir leis na torthaí a fhaightear de bhun Airteagal 13 le haghaidh gnóthas nó na torthaí a fhaightear de bhun Airteagal 15 le haghaidh gníomhaíocht chinntitheach. Beidh tréimhsí imscrúdaithe, aon uair is indéanta sin agus go háirithe i gcás earnálacha éagsúlaithe agus ilroinnte atá comhdhéanta den chuid is mó de FBManna nó FMBanna, i gcomhthráth leis an mbliain airgeadais.’.

Airteagal 4

Leasuithe ar Rialachán (AE) 2017/1129

Leasaítear Rialachán (AE) 2017/1129 mar a leanas: 

(1)leasaítear Airteagal 1 mar a leanas:

(a)i mír 4, cuirtear an pointe (dc) seo a leanas isteach:

‘(dc) tairiscint urrús a thagann as urrúis eile, cistí dílse, nó dliteanais incháilithe a chomhshó nó a mhalartú ag údarás réitigh mar gheall ar fheidhmiú cumhachta dá dtagraítear in Airteagal 53(2), Airteagal 59(2) nó Airteagal 63(1) de Threoir 2014/59/AE nó feidhmiú cumhachta dá dtagraítear in Airteagal 35(1), Airteagal 39(2) nó Airteagal 42(1) de Threoir (AE) 2025/1 ó Pharlaimint na hEorpa agus ón gComhairle (*) nó ag údarás tríú tír ábhartha de bharr feidhmiú cumhachta inchomparáide in imeachtaí réitigh tríú tír;’;

____________

(*) Treoir (AE) 2025/1 ó Pharlaimint na hEorpa agus ón gComhairle an 27 Samhain 2024 lena mbunaítear creat le haghaidh gnóthais árachais agus athárachais a théarnamh agus a réiteach agus lena leasaítear Treoracha 2002/47/CE, 2004/25/CE, 2007/36/CE, 2014/59/AE agus (AE) 2017/1132 agus Rialacháin (AE) Uimh. 1094/2010, (AE) Uimh. 648/2012, (AE) Uimh. 806/2014 agus (AE) 2017/1129 ( IO L, 2025/1, 8.1.2025, ELI:  http://data.europa.eu/eli/dir/2025/1/oj ).

(b)i mír 5, cuirtear an méid seo a leanas in ionad phointe (c):

(2)‘(c) urrúis a thagann as urrúis eile, cistí dílse, nó dliteanais incháilithe a chomhshó nó a mhalartú ag údarás réitigh mar gheall ar fheidhmiú cumhachta dá dtagraítear in Airteagal 53(2), Airteagal 59(2) nó Airteagal 63(1) de Threoir 2014/59/AE nó feidhmiú cumhachta dá dtagraítear in Airteagal 35(1), Airteagal 39(2) nó Airteagal 42(1) de Threoir (AE) 2025/1 nó ag údarás tríú tír ábhartha de bharr feidhmiú cumhachta inchomparáide in imeachtaí réitigh tríú tír;’;

(3)Leasaítear Airteagal 2 mar a leanas:

(a)cuirtear isteach na pointí (dc) agus (dd) seo a leanas:

(4)‘(dc) ciallaíonn ‘údarás tríú tír ábhartha’ údarás tríú tír ábhartha mar a shainmhínítear in Airteagal 2(1), pointe (90) de Threoir 2014/59/AE nó údarás tríú tír ábhartha mar a shainmhínítear in Airteagal 2, pointe (74) de Threoir (AE) 2025/1;

(5)(dd) ciallaíonn ‘imeachtaí réitigh tríú tír’ imeachtaí réitigh tríú tír mar a shainmhínítear in Airteagal 2(1), pointe (88) de Threoir 2014/59/AE nó imeachtaí réitigh tríú tír mar a shainmhínítear in Airteagal 2, pointe (72) de Threoir (AE) 2025/1;’;

(a)in Airteagal 2, cuirtear an pointe (fa) seo a leanas isteach:

“(fa) ciallaíonn ‘fiontair mheánchaipitlithe bheaga’ nó ‘FMBanna’ aon cheann de na nithe seo a leanas: 

(i)cuideachtaí a chomhlíonann, de réir a gcuid cuntas deiridh bliantúil nó comhdhlúite, péire ar a laghad de na trí chritéar seo a leanas: gur lú ná 750 an líon daoine a bhí fostaithe acu ar an meán le linn na bliana airgeadais, nach mó ná EUR 129 000 000 iomlán a gcláir chomhardaithe, agus nach mó ná EUR 150 000 000 a nglanláimhdeachas bliantúil;

(ii)fiontair mheánchaipitlithe bheaga mar a shainmhínítear in Airteagal 4(1), pointe (13a) de Threoir 2014/65/AE;”;

(6)in Airteagal 15a, cuirtear an méid seo a leanas in ionad mhír 1: 

‘1. Gan dochar d’Airteagal 1(4) agus d’Airteagal 3(2) agus (2a), féadfaidh na daoine seo a leanas réamheolaire eisiúna fáis AE a tharraingt suas i gcás ina dtairgfear urrúis don phobal, ar choinníoll nach bhfuil aon urrús iontu a ligeadh isteach chun a dtrádála ar mhargadh rialáilte:  

(a)    FBManna; 

(b)    FMBanna; 

(c)    eisitheoirí, seachas FBManna agus FMBanna, a ligtear isteach a gcuid urrús, nó a ligfear isteach iad chun a dtrádála ar mhargadh fáis FBManna; 

(d)    tairgeoirí urrúis arna n‑eisiúint ag eisitheoirí dá dtagraítear i bpointí (a), (b) agus (c).’.

Airteagal 5

Leasuithe ar Rialachán (AE) 2023/1542 

Leasaítear Rialachán (AE) 2023/1542 mar a leanas: 

(1) in Airteagal 47, cuirtear an méid seo a leanas in ionad na chéad mhíre: 

‘Níl feidhm ag an gCaibidil seo maidir le hoibreoirí eacnamaíocha a raibh glanláimhdeachas níos lú ná EUR 150 milliún acu sa bhliain airgeadais roimh an mbliain airgeadais dheireanach, agus nach cuid de ghrúpa iad, ina bhfuil máthairghnóthais agus foghnóthais, a sháraíonn, ar bhonn comhdhlúite, an teorainn EUR 150 milliún.’;

(2) cuirtear an méid seo a leanas in ionad na chéad abairte d’Airteagal 52(3):

‘Déanfaidh an t‑oibreoir eacnamaíoch dá dtagraítear in Airteagal 48(1), laistigh de bhliain amháin ar a dhéanaí tar éis an dáta a shonraítear in Airteagal 48(1) agus gach 3 bliana ar a laghad ina dhiaidh sin, athbhreithniú ar a thuarascáil maidir lena bheartas díchill chuí maidir le ceallraí agus cuirfidh sé ar fáil go poiblí í, lena n‑áirítear ar an idirlíon.’.

Airteagal 6

Leasú ar Rialachán (AE) 2024/573 

Leasaítear Rialachán (AE) 2024/573 mar a leanas:

in Airteagal 20(4) cuirtear an méid seo a leanas in ionad phointe (a):

‘(a) na hallmhairí agus na honnmhairí seo a leanas, seachas i gcás stóráil shealadach mar a shainmhínítear in Airteagal 5, pointe (17) de Rialachán (AE) Uimh. 952/2013:

(i) allmhairiú nó onnmhairiú gás ceaptha teasa fluairínithe;

(ii) táirgí agus trealamh ina bhfuil gáis ceaptha teasa fhluairínithe a chur ar an margadh, ar táirgí agus trealamh iad a gceanglaítear iad a thuairisciú faoi Airteagal 26;

(iii) onnmhairiú táirgí agus trealaimh dá dtagraítear in Airteagal 22(3) ina bhfuil gáis ceaptha teasa fhluairínithe ar 1 000 nó níos mó a n‑acmhainneacht téimh dhomhanda, nó a bhraitheann ar na gáis sin lena bhfeidhmiú, amhail ón dáta toirmisc a luaitear in Iarscríbhinn IV;’.

Airteagal 7

Teacht i bhfeidhm agus cur i bhfeidhm 

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm ag Airteagal 4, pointí (2)(b) agus (3) ón 5 Márta 2026. 

Beidh an Rialachán seo ina cheangal go huile agus go hiomlán agus beidh sé infheidhme go díreach sna Ballstáit i gcomhréir leis na Conarthaí.

Arna dhéanamh sa Bhruiséil,

RÁITEAS REACHTACH AIRGEADAIS AGUS DIGITEACH

1.LEAGAN AMACH AN TOGRA/TIONSCNAIMH3

1.1.Teideal an togra/tionscnaimh3

1.2.Réimsí beartais lena mbaineann3

1.3.Cuspóirí3

1.3.1.Cuspóirí ginearálta3

1.3.2.Cuspóirí sonracha3

1.3.3.An toradh agus an tionchar a mheastar a bheidh ann3

1.3.4.Táscairí feidhmíochta3

1.4.Baineann an togra/tionscnamh le:4

1.5.Foras an togra/tionscnaimh4

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh4

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach breise é le cois an luacha a bheadh ann dá mbeadh na Ballstáit ag feidhmiú astu féin.4

1.5.3.Ceachtanna a foghlaimíodh ó thaithí eile den sórt sin san am a chuaigh thart4

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile5

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh5

1.6.Fad an togra/tionscnaimh agus an fad a mhairfidh an tionchar airgeadais a bheidh aige6

1.7.Na modhanna atá beartaithe chun an buiséad a chur chun feidhme6

2.BEARTA BAINISTÍOCHTA8

2.1.Rialacha faireacháin agus tuairiscithe8

2.2.Córais bainistíochta agus rialaithe8

2.2.1.An réasúnaíocht atá leis na modhanna cur chun feidhme buiséid atá beartaithe, leis na sásraí cur chun feidhme cistithe atá beartaithe, leis na módúlachtaí íocaíochta atá beartaithe agus leis an straitéis rialaithe atá beartaithe8

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú8

2.2.3.Meastachán ar chostéifeachtacht na rialuithe agus an réasúnaíocht atá leis an gcostéifeachtacht sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth na híocaíochta agus an tráth a dhúnfar an clár)8

2.3.Bearta chun calaois agus neamhrialtachtaí a chosc9

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH10

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar10

3.2.An tionchar airgeadais a mheastar a bheidh ag an togra ar leithreasuithe12

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí12

3.2.1.1.Leithreasuithe ón mbuiséad ar vótáladh ina fhabhar12

3.2.1.2.Leithreasuithe ó ioncaim shannta sheachtracha17

3.2.2.An t‑aschur a mheastar a cistíodh ó leithreasuithe faoi chomhair oibríochtaí22

3.2.3.Achoimre ar an tionchar a mheastar a imreofar ar leithreasuithe riaracháin24

3.2.3.1. Leithreasuithe ón mbuiséad ar vótáladh ina fhabhar24

3.2.3.2.Leithreasuithe ó ioncaim shannta sheachtracha24

3.2.3.3.Iomlán na leithreasuithe24

3.2.4.Na hacmhainní daonna a mheastar a bheidh riachtanach25

3.2.4.1.Nithe arna maoiniú ón mbuiséad ar vótáladh ina fhabhar25

3.2.4.2.Nithe arna maoiniú ó ioncaim shannta sheachtracha26

3.2.4.3.Iomlán na n‑acmhainní daonna a bheidh riachtanach26

3.2.5.Forléargas ar an tionchar a mheastar a imreofar ar infheistíochtaí a bhaineann le teicneolaíocht dhigiteach28

3.2.6.Comhoiriúnacht don chreat airgeadais ilbhliantúil reatha28

3.2.7.Ranníocaíochtaí ó thríú páirtithe28

3.3.An tionchar a mheastar a bheidh ar ioncam29

4.Gnéithe digiteacha29

4.1.Riachtanais a bhaineann le hábhar maidir le cúrsaí digiteacha30

4.2.Sonraí30

4.3.Réitigh dhigiteacha31

4.4.Measúnú idir-inoibritheachta31

4.5.Bearta chun tacú le cur chun feidhme digiteach32

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh

1.2.Réimsí beartais lena mbaineann 

1.3.Cuspóirí

1.3.1.Cuspóirí ginearálta

1.3.2.Cuspóirí sonracha

1.3.3.An toradh agus an tionchar a mheastar a bheidh ann

Sonraigh an tionchar a bheadh ag an togra/tionscnamh ar na tairbhithe / grúpaí ar a bhfuil sé dírithe.

1.3.4.Táscairí feidhmíochta

Sonraigh na táscairí chun faireachán a dhéanamh ar dhul chun cinn agus ar ghnóthachain.

1.4.Baineann an togra/tionscnamh le: Ceann ar bith de na roghanna thíos.

 beart nua 

 beart nua a leanann treoirthionscadal / réamhbheart 36  

 síneadh ar bheart atá ann cheana 

 beart nó bearta a chumasc nó a atreorú i dtreo beart eile/beart nua

1.5.Foras an togra/tionscnaimh 

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach breise é le cois an luacha a bheadh ann dá mbeadh na Ballstáit ag feidhmiú astu féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

1.6.Fad an togra/tionscnaimh agus an fad a mhairfidh an tionchar airgeadais a bheidh aige

 tréimhse theoranta

–    i bhfeidhm ón [LL/MM]BBBB go dtí an [LL/MM]BBBB

–    tionchar airgeadais ó BBBB go BBBB maidir le leithreasuithe faoi chomhair gealltanas agus ó BBBB go BBBB maidir le leithreasuithe faoi chomhair íocaíochtaí.

 tréimhse neamhtheoranta

–Cuirfear chun feidhme é le linn na tréimhse tosaigh BBBB go BBBB,

–agus cuirfear ag feidhmiú go hiomlán ina dhiaidh sin é.

1.7.Na modhanna atá beartaithe chun an buiséad a chur chun feidhme 37   

 Bainistíocht dhíreach a dhéanann an Coimisiún

– ina ranna, lena n‑áirítear an chuid sin den fhoireann atá i dtoscaireachtaí an Aontais;

–    trí na gníomhaireachtaí feidhmiúcháin

 Bainistíocht atá comhroinnte leis na Ballstáit

 Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

– tríú tíortha nó na comhlachtaí a d’ainmnigh siad

– eagraíochtaí idirnáisiúnta agus a ngníomhaireachtaí (tabhair sonraí)

– an Banc Eorpach Infheistíochta agus an Ciste Eorpach Infheistíochta

– comhlachtaí dá dtagraítear in Airteagail 70 agus 71 den Rialachán Airgeadais

– comhlachtaí dlí poiblí

– comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go soláthraítear ráthaíochtaí airgeadais leordhóthanacha dóibh

– comhlachtaí arna rialú ag dlí príobháideach Ballstáit, ar comhlachtaí iad a bhfuil sé de chúram orthu comhpháirtíocht phríobháideach phoiblí a chur chun feidhme agus dá soláthraítear ráthaíochtaí airgeadais leordhóthanacha

– comhlachtaí nó daoine a bhfuil sé de chúram orthu bearta sonracha de chuid an chomhbheartais eachtraigh agus slándála a chur chun feidhme de bhun Theideal V den Chonradh ar an Aontas Eorpach, ar comhlachtaí nó daoine iad a aithnítear sa bhunghníomh ábhartha

–comhlachtaí arna mbunú i mBallstát, arna rialú ag dlí príobháideach Ballstáit nó ag dlí an Aontais agus atá incháilithe le go gcuirfear de chúram orthu, i gcomhréir le rialacha earnáilsonracha, cistí an Aontais nó ráthaíochtaí buiséadacha a chur chun feidhme, a mhéid a bhíonn na comhlachtaí sin á rialú ag comhlachtaí dlí poiblí nó ag comhlachtaí arna rialú ag an dlí príobháideach a bhfuil misean seirbhíse poiblí acu, agus a mhéid a sholáthraíonn na comhlachtaí rialúcháin ráthaíochtaí airgeadais leordhóthanacha dóibh i bhfoirm dliteanas comhpháirteach agus leithleach nó ráthaíochtaí airgeadais coibhéiseacha, agus ar ráthaíochtaí iad a d’fhéadfadh, le haghaidh gach birt, a bheith teoranta d’uasmhéid thacaíocht an Aontais.

BEARTA BAINISTÍOCHTA

2.1.Rialacha faireacháin agus tuairiscithe 

2.2.Córais bainistíochta agus rialaithe 

2.2.1.An réasúnaíocht atá leis na modhanna cur chun feidhme buiséid atá beartaithe, leis na sásraí cur chun feidhme cistithe atá beartaithe, leis na módúlachtaí íocaíochta atá beartaithe agus leis an straitéis rialaithe atá beartaithe

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

2.2.3.Meastachán ar chostéifeachtacht na rialuithe agus an réasúnaíocht atá leis an gcostéifeachtacht sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth na híocaíochta agus an tráth a dhúnfar an clár) 

2.3.Bearta chun calaois agus neamhrialtachtaí a chosc 

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar 

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

·Línte nua buiséid atá á n‑iarraidh

In ord cheannteidil agus línte buiséid an chreata airgeadais ilbhliantúil.

3.2.An tionchar airgeadais a mheastar a bheidh ag an togra ar leithreasuithe 

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí 

–    Ní éilíonn an togra/tionscnamh go n‑úsáidfear leithreasuithe faoi chomhair oibríochtaí

–    Éilíonn an togra/tionscnamh go n‑úsáidfear leithreasuithe faoi chomhair oibríochtaí, mar a mhínítear thíos

3.2.1.1.Leithreasuithe ón mbuiséad ar vótáladh ina fhabhar

EUR milliúin (go dtí an tríú deachúil)

EUR milliúin (go dtí an tríú deachúil)

3.2.1.2.Leithreasuithe ó ioncaim shannta sheachtracha

EUR milliúin (go dtí an tríú deachúil)

EUR milliúin (go dtí an tríú deachúil)

EUR milliúin (go dtí an tríú deachúil)

3.2.2.An t‑aschur a mheastar a chisteofar le leithreasuithe faoi chomhair oibríochtaí (níl sé seo le líonadh isteach i gcás gníomhaireachtaí díláraithe)

Leithreasuithe faoi chomhair gealltanas in EUR milliúin (go dtí an tríú deachúil)

3.2.3.Achoimre ar an tionchar a mheastar a imreofar ar leithreasuithe riaracháin 

–X    Ní éilíonn an togra/tionscnamh go n‑úsáidfear leithreasuithe de chineál riaracháin

–    Éilíonn an togra/tionscnamh go n‑úsáidfear leithreasuithe de chineál riaracháin, mar a mhínítear thíos

3.2.3.1. Leithreasuithe ón mbuiséad ar vótáladh ina fhabhar

3.2.3.2.Leithreasuithe ó ioncaim shannta sheachtracha

3.2.3.3.Iomlán na leithreasuithe

Cumhdófar na leithreasuithe is gá le haghaidh acmhainní daonna agus caiteachas eile de chineál riaracháin le leithreasuithe ón Ard-Stiúrthóireacht a bhfuil bainistíocht an bhirt faoina gcúram cheana agus/nó atá ath-imlonnaithe laistigh den Ard-Stiúrthóireacht, mar aon, más gá, le haon leithdháileadh breise a d’fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

3.2.4.Na hacmhainní daonna a mheastar a bheidh riachtanach 

–    Ní éilíonn an togra/tionscnamh go n‑úsáidfear acmhainní daonna

–    Éilíonn an togra/tionscnamh go n‑úsáidfear acmhainní daonna, mar a mhínítear thíos

3.2.4.1.Nithe arna maoiniú ón mbuiséad ar vótáladh ina fhabhar

Sloinnfear an meastachán in aonaid de choibhéis lánaimseartha 53

3.2.4.2.Nithe arna maoiniú ó ioncaim shannta sheachtracha

3.2.4.3.Iomlán na n‑acmhainní daonna a bheidh riachtanach