EUR-Lex Access to European Union law
This document is an excerpt from the EUR-Lex website
Document 52012PC0377
Proposal for a REGULATION OF THE EUROPEAN PARLIAMENT AND OF THE COUNCIL introducing, on the occasion of the accession of Croatia, special temporary measures for the recruitment of officials and temporary staff of the European Union
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE lena mbunaítear, toisc aontachas na Cróite, bearta speisialta sealadacha maidir le hoifigigh agus gníomhairí sealadacha de chuid an Aontais a earcú
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE lena mbunaítear, toisc aontachas na Cróite, bearta speisialta sealadacha maidir le hoifigigh agus gníomhairí sealadacha de chuid an Aontais a earcú
/* COM/2012/0377 final - 2012/0224 (COD) */
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE lena mbunaítear, toisc aontachas na Cróite, bearta speisialta sealadacha maidir le hoifigigh agus gníomhairí sealadacha de chuid an Aontais a earcú /* COM/2012/0377 final - 2012/0224 (COD) */
MEABHRÁN MÍNIÚCHÁIN 1. COMHTHÉACS
AN TOGRA Baineann an dréacht‑togra atá i gceangal
leis seo le ceisteanna earcaíochta atá ag teacht as aontachas na Cróite leis an
Aontas Eorpach an 1 Iúil 2013. Nuair a tharla méaduithe roimhe seo, glacadh
bearta sonracha d'fhonn náisiúnaigh na dtíortha a bhí ag aontú leis an Aontas a
earcú. I gcás gach ceann de na méaduithe sin, bhí gá chuige sin le Rialachán ón
gComhairle chun maolú go sealadach ar fhorálacha na Rialachán Foirne[1] maidir le hearcaíocht. Seo thíos príomhthréithe an togra: 1. An 30 Meitheamh 2018
an dáta atá an maolú beartaithe dul in éag. 2. Foráiltear sa Rialachán
comórtais a eagrú féachaint oifigigh Chrótacha a roghnú ar bhonn náisiúntachta.
3. Féadfar comórtais a eagrú a
bheidh dírithe ar náisiúnaigh Chrótacha agus liostaí d'iarrthóirí buacha a
bhunú, roimh aontachas na tíre sin leis an Aontas Eorpach. Mar sin féin,
caithfidh tír bheith aontaithe leis an Aontas sula bhféadfaidh a náisiúnaigh a
ainmniú chun poist oifigigh sna hinstitiúidí Eorpacha. 4. Féadfaidh na hinstitiúidí
maolú ar an oibleagáid poist fholmha a fhoilsiú. Mar sin féin, más toil leo é,
féadfaidh siad na poist sin a fhoilsiú. Cinnfidh gach institiúid an líon oifigeach
agus gníomhairí sealadacha as an tír is iarrthóir a earcóidh sé i gcomhréir le
forálacha an Rialacháin mhaolaithigh seo. 2. TORTHAÍ
NA gCOMHAIRLIÚCHÁN LEIS NA PÁIRTITHE LEASMHARA AGUS NA MEASÚNUITHE IARMHARTA Neamhbhainteach. 3. EILIMINTÍ
DLÍ AN TOGRA Tá sé beartaithe maolú ar Airteagal 4(2)
agus (3), Airteagal 7(1), Airteagal 27 agus ar Airteagal 29(1)(a)
agus (b) de na Rialacháin Foirne agus ar Choinníollacha Fostaíochta
Sheirbhísigh eile an Aontais Eorpaigh, a mhéid a dhéantar foráil iontu maidir
leis na forálacha sin de na Rialacháin Foirne a chur i bhfeidhm maidir le hearcú
gníomhairí sealadacha. 2012/0224 (COD) Togra le haghaidh RIALACHÁIN Ó PHARLAIMINT NA hEORPA AGUS
ÓN gCOMHAIRLE lena mbunaítear, toisc aontachas na Cróite,
bearta speisialta sealadacha maidir le hoifigigh agus gníomhairí sealadacha de
chuid an Aontais a earcú TÁ PARLAIMINT NA hEORPA AGUS
COMHAIRLE AN AONTAIS EORPAIGH Ag féachaint don Chonradh ar Fheidhmiú an
Aontais Eorpaigh, agus go háirithe Airteagal 336 de, Ag féachaint don togra ón gCoimisiún Eorpach,
a tíolacadh tar éis dul i gcomhairle leis an gCoiste um Rialacháin Foirne, Tar éis dóibh an dréachtghníomh reachtach a
chur chuig na parlaimintí náisiúnta, Ag féachaint don tuairim ón gCúirt
Bhreithiúnais[2], Ag féachaint don tuairim ón gCúirt Iniúchóirí[3], Ag gníomhú dóibh i gcomhréir leis an ngnáthnós
imeachta reachtach, De bharr an méid seo a leanas: (1) Toisc aontachas na Cróite an 1 Iúil 2013,
is iomchuí bearta speisialta sealadacha a ghlacadh de mhaolú ar Rialacháin
Foirne Oifigigh an Aontais Eorpaigh ('Rialacháin Foirne' anseo feasta) agus ar
Choinníollacha Fostaíochta Sheirbhísigh eile an Aontais Eorpaigh
('Coinníollacha fostaíochta' anseo feasta). (2) I ngeall ar mhéid
choibhneasta an Stáit aontaigh agus ar an méid daoine a d'fhéadfadh a bheith i
gceist, ba cheart na bearta sin, ar a shon go bhfuil siad sealadach, leanúint
de bheith i bhfeidhm go ceann tréimhse fada a dóthain. Dealraíonn sé gurb é an 30 Meitheamh 2018
an dáta is oiriúnaí ina leith sin. (3) De bhrí gur gá tús a chur
leis an earcaíocht atá beartaithe a luaithe is féidir é tar éis an aontachais,
is iomchuí an Rialachán seo a ghlacadh roimh dháta iarbhír an aontachais sin. TAR ÉIS AN RIALACHÁN SEO A GHLACADH: Airteagal 1 1. D’ainneoin
Airteagal 4(2) agus (3), Airteagal 7(1), Airteagal 27 agus
Airteagal 29(1)(a) agus (b) de na Rialacháin Foirne, féadfar a fhoráil,
amhail ó dháta iarbhír aontachas na tíre lena mbaineann agus go dtí an
30 Meitheamh 2018, go líonfar poist fholmha trí náisiúnaigh Chrótacha
a ainmniú ina n‑oifigigh, laistigh den teorainn ar an líon post atá
beartaithe, agus caibidlíochtaí buiséideacha á gcur san áireamh. 2. Déanfar na hainmniúcháin
amhail ó dháta iarbhír an aontachais agus, amach ó phoist bhainistíochta
shinsireacha (Ard-Stiúrthóirí ginearálta nó a gcothrom, de ghrád AD 16 nó
AD 15, agus Stiúrthóirí nó a gcothrom, de ghrád AD 15 nó AD 14),
tar éis comórtas ar bhonn cáilíochtaí, ar bhonn trialacha nó ar bhonn
cáilíochtaí agus trialacha arna n-eagrú ar na coinníollacha dá bhforáiltear in
Iarscríbhinn III de na Rialacháin Foirne. Airteagal 2 1. Beidh feidhm mutatis
mutandis ag an maolú dá dtagraítear i mír 1 d'Airteagal 1 den
Rialachán seo maidir le náisiúnaigh Chrótacha a fhostú mar ghníomhairí
sealadacha. 2. Déanfar an t-earcú amhail ó
dháta iarbhír an aontachais. Airteagal 3 Tiocfaidh an Rialachán seo i bhfeidhm an lá
tar éis lá a fhoilsithe in Iris Oifigiúil an Aontais Eorpaigh. Beidh an Rialachán seo ina cheangal
go huile agus go hiomlán agus infheidhme go díreach i ngach Ballstát. Arna dhéanamh sa Bhruiséil, Thar ceann Pharlaimint na hEorpa Thar ceann na Comhairle An tUachtarán An tUachtarán [1] Maidir le méadú 2004, féach IO
L 67, 5.3.2004, lch 1. Maidir
le méadú 2007, féach IO L 335, 1.12.2006, lch 5. [2] IO C …, lch . [3] IO C …, lch .