(1)

De bhun Airteagal 7(1) de Rialachán (AE) 2024/3015, maidir leis an gcóras faisnéise agus cumarsáide dá dtagraítear in Airteagal 34 de Rialachán (AE) 2019/1020 ó Pharlaimint na hEorpa agus ón gComhairle (2), ar a dtugtar an Córas Faisnéise agus Cumarsáide maidir le Faireachas Margaidh (‘ICSMS’), tá an córas sin le húsáid chun críocha Chaibidlí I (‘forálacha ginearálta’), III (‘imscrúduithe’), IV (‘cinntí’) agus V (‘forfheidhmiú’) de Rialachán (AE) 2024/3015, i gcomhréir leis an ngníomh cur chun feidhme dá dtagraítear in Airteagal 7(7), pointe (a), den Rialachán sin.

(2)

Chun teachtaireachtaí a chumasú idir an Coimisiún agus údaráis inniúla na mBallstát, i measc údaráis inniúla iad féin agus idir na húdaráis inniúla agus údaráis chustaim chun forálacha ábhartha i Rialachán (AE) 2024/3015 a chur chun feidhme agus a chur i bhfeidhm, ba cheart modúl nua a chruthú maidir le saothar éigeantais mar chuid den chóras faisnéise agus cumarsáide dá dtagraítear in Airteagal 7(1) den Rialachán sin (‘modúl saothair éigeantais ICSMS’). Tá an modúl saothair éigeantais ICSMS le húsáid ag an gCoimisiún, ag údaráis inniúla agus ag údaráis chustaim chun críocha na dteachtaireachtaí sin.

(3)

Chun cur i bhfeidhm agus forfheidhmiú éifeachtach Rialachán (AE) 2024/3015 a áirithiú, ba cheart don Choimisiún agus na húdaráis inniúla a bheith in ann an fhaisnéis atá sa mhodúl saothair éigeantais ICSMS a rochtain agus a úsáid freisin chun críocha seachas teachtaireachtaí, lena n-áirítear measúnuithe rioscabhunaithe a dhéanamh dá bhforáiltear in Airteagal 14(3), pointe (a) de Rialachán (AE) 2024/3015 agus chun táirgí nó grúpaí táirgí a shainaithint i gcomhréir le hAirteagal 27(1) den Rialachán sin. Ar an gcúis chéanna, ba cheart freisin do na húdaráis chustaim a bheith in ann fhaisnéis a rochtain atá sa mhodúl saothair éigeantais ICSMS agus a bheith in ann í a úsáid chun críocha Airteagal 7 agus Chaibidil V, Roinn II den Rialachán sin.

(4)

Chun cosaint faisnéise rúnda atá sa mhodúl saothair éigeantais ICSMS a áirithiú, go háirithe faisnéis a roinntear le linn imscrúduithe, ba cheart rochtain ar an modúl saothair éigeantais ICSMS a shrianadh d’úsáideoirí a ainmníonn an Coimisiún agus údaráis inniúla chun críocha Chaibidlí I, III, IV agus V de Rialachán (AE) 2024/3015 agus d’úsáideoirí a ainmníonn údaráis chustaim chun críocha Airteagal 7 agus Chaibidil V, Roinn II den Rialachán sin.

(5)

Chun teachtaireachtaí éifeachtacha agus éifeachtúla a áirithiú tríd an modúl saothair éigeantais ICSMS chun Caibidlí I, III, IV agus V de Rialachán (AE) 2024/3015 a chur chun feidhme, agus chun go mbeifear in ann sonraí ábhartha a chuardach go héasca agus tuilleadh próiseála a dhéanamh orthu, is iomchuí go sonrófar a thuilleadh, i bhformáid chaighdeánaithe, na heilimintí sonraí agus an fhaisnéis a bheidh le tarchur ag an gCoimisiún agus údaráis inniúla agus a bhaineann le himscrúduithe, cinntí agus forfheidhmiú.

(6)

Chun cur i bhfeidhm agus forfheidhmiú éifeachtach Airteagail 9 agus 15 de Rialachán (AE) 2024/3015 a áirithiú, agus go háirithe leithdháileadh éifeachtach agus éifeachtúil imscrúduithe agus aighneachtaí faisnéise, ba cheart don Choimisiún a chur in iúl don phríomhúdarás inniúil an fhaisnéis a chuirtear isteach tríd an bPointe Aonair chun Faisnéis a Chur Isteach a bhaineann le saothar éigeantais líomhnaithe atá lonnaithe ar chríoch an Bhallstáit lena mbaineann an príomhúdarás inniúil.

(7)

Chun cur chun feidhme éifeachtach agus éifeachtúil Airteagal 16 de Rialachán (AE) 2024/3015 a bhaint amach agus, go háirithe, dlúthchomhar idir an Coimisiún agus údaráis inniúla, chomh maith le cúnamh frithpháirteach le linn imscrúduithe i gcomhréir le hAirteagal 16(1) den Rialachán sin, is gá a leagan amach sa Rialachán seo sonraí na faisnéise atá le cur in iúl tríd an modúl saothair éigeantais ICSMS ag an bpríomhúdarás inniúil nó ag údaráis inniúla eile i bhformáid struchtúrtha. Go sonrach, ba cheart a leagan amach leis an Rialachán seo mionsonraí teachtaireachtaí ón bpríomhúdarás inniúil nó ó údaráis inniúla eile a bhaineann le faisnéis a roinnt maidir le saothar éigeantais amhrasta, iarrataí ar fhaisnéis agus ar thacaíocht, agus iarrataí ar a bheith rannpháirteach go dlúth in imscrúdú i gcomhréir le hAirteagal 16(3) go (7) de Rialachán (AE) 2024/3015, chomh maith le teachtaireachtaí ón bpríomhúdarás inniúil ar a chonclúidí maidir le gan imscrúdú a thionscnamh agus ar gach céim d’imscrúdú, i gcomhréir le hAirteagal 17(6), Airteagal 18(2) agus Airteagal 20(7) den Rialachán sin.

(8)

Chun forfheidhmiú éifeachtach agus éifeachtúil cinntí faoi Airteagal 23 de Rialachán (AE) 2024/3015 a áirithiú, i gcás ina gcuireann an príomhúdarás inniúil cinntí in iúl d’údaráis inniúla eile lena mbunaítear sárú ar Airteagal 3 den Rialachán sin agus, i gcás inarb infheidhme, don Choimisiún, mar a cheanglaítear le hAirteagal 20(7) den Rialachán sin, ba cheart a cheangal ar an bpríomhúdarás inniúil faisnéis áirithe maidir leis na cinntí sin a chur in iúl i bhformáid struchtúrtha.

(9)

Chun na críche céanna, nuair a chuireann an príomhúdarás inniúil cinntí in iúl d’údaráis chustaim lena mbunaítear sárú ar Airteagal 3 de Rialachán (AE) 2024/3015, mar a cheanglaítear le hAirteagal 26(3) den Rialachán, ba cheart dó modh cumarsáide iomchuí a úsáid atá le sonrú sa Rialachán seo.

(10)

Chun cur chun feidhme éifeachtach agus éifeachtúil Airteagail 23 agus 24 de Rialachán (AE) 2024/3015 a áirithiú, ba cheart don údarás inniúil ábhartha faisnéis a chur in iúl don Choimisiún agus d’údaráis inniúla eile maidir le comhlíontacht an oibreora eacnamaíoch le horduithe aistarraingthe agus diúscartha atá i gcinneadh. Ba cheart don údarás inniúil ábhartha freisin an Coimisiún agus údaráis inniúla eile a chur ar an eolas maidir leis na pionóis a ghearrtar as neamhchomhlíonadh cinnidh dá dtagraítear in Airteagal 23(2) de Rialachán (AE) 2024/3015.

(11)

Chun na críche céanna, ba cheart don phríomhúdarás inniúil cóip leictreonach de chinneadh lena mbunaítear sárú ar Airteagal 3 de Rialachán (AE) 2024/3015, agus ina bhfuil ordú aistarraingthe nó diúscartha, a chur in iúl d’údaráis faireachais margaidh agus d’údaráis inniúla eile.

(12)

Chun cur chun feidhme éifeachtach agus éifeachtúil Airteagail 20, 21 agus 23 de Rialachán (AE) 2024/3015 a áirithiú, ba cheart a cheangal ar an bpríomhúdarás inniúil tarraingt siar cinnidh, nó athruithe ar chinneadh, lena mbunaítear sárú ar Airteagal 3 den Rialachán sin, lena n-áirítear toradh ar imeachtaí achomhairc bhreithiúnaigh agus eolas gaolmhar, a chur in iúl d’údaráis inniúla agus, i gcás inarb infheidhme, don Choimisiún.

(13)

Le linn tarraingt siar cinnidh, nó athruithe ar chinneadh, lena mbunaítear sárú ar Airteagal 3 de Rialachán (AE) 2024/3015 a chur in iúl d’údaráis chustaim, i gcomhréir le hAirteagal 26(5) den Rialachán sin, ba cheart a cheangal ar an bpríomhúdarás inniúil an tarraingt siar sin nó na hathruithe sin a chur in iúl, trí mhodh cumarsáide iomchuí a úsáid atá le sonrú sa Rialachán seo.

(14)

Chun malartuithe faisnéise ábhartha éifeachtacha agus éifeachtúla a chumasú idir údaráis inniúla agus údaráis chustaim, de bhun Chaibidil V, Roinn II de Rialachán (AE) 2024/3015 agus, go háirithe, Airteagail 28 go 30, ba cheart mionsonraí na faisnéise atá le malartú a leagan amach sa Rialachán seo.

(15)

I gcás ina mbíonn próiseáil sonraí pearsanta i gceist le cur i bhfeidhm an Rialacháin seo, tá sí le déanamh i gcomhréir le dlí an Aontais maidir le cosaint sonraí pearsanta, go háirithe Rialachán (AE) 2016/679 (3) agus Rialachán (AE) 2018/1725 (4) ó Pharlaimint na hEorpa agus ón gComhairle.

(16)

Chun a áirithiú, maidir le sonraí pearsanta atá san fhaisnéis a chuirtear in iúl sa mhodúl saothair éigeantais ICSMS agus sonraí pearsanta a bhaineann le daoine nádúrtha a ainmnítear mar úsáideoirí ICSMS, go léirscriostar na sonraí sin nuair nach mbeidh siad riachtanach a thuilleadh chun na gcríoch dár cuireadh na sonraí sin isteach sa chóras, agus á chur san áireamh an gá atá le sonraí a bheith ar fáil chun na measúnuithe rioscabhunaithe a dhéanamh dá dtagraítear in Airteagal 14(3), pointe (a), de Rialachán (AE) 2024/3015 chomh maith le breithniú a dhéanamh ar fhad nósanna imeachta athbhreithnithe agus achomhairc a d’fhéadfadh a bheith ann agus dá dtagraítear in Airteagal 21 den Rialachán sin, ba cheart tréimhsí coinneála na sonraí sin a leagan síos sa Rialachán seo.

(17)

I gcás nach stóráiltear sonraí pearsanta sa mhodúl saothair éigeantais ICSMS a thuilleadh, is gá comhlíonadh phrionsabal an teorannaithe stórála a leagtar síos in Airteagal 4(1)(e) de Rialachán (AE) 2018/1725 agus in Airteagal 5(1) de Rialachán (AE) 2016/679 a áirithiú.

(18)

A mhéid a bhaineann le próiseáil sonraí pearsanta sa mhodúl saothair éigeantais ICSMS, ba cheart a mheas gur rialaitheoir comhpháirteach é an Coimisiún de bhun Airteagal 28(1) de Rialachán (AE) 2018/1725, agus ba cheart d’údaráis inniúla a bheith ina rialaitheoirí comhpháirteacha de bhun Airteagal 26(1) de Rialachán (AE) 2016/679. Ba cheart don Choimisiún socrú rialaithe comhpháirtíochta a dhéanamh le húdaráis inniúla chun na freagrachtaí faoi seach a shuí agus chun a áirithiú go gcomhlíontar Rialachán (AE) 2016/679 agus Rialachán (AE) 2018/1725.

(19)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé a thuairim an 13 Márta 2026.

(20)

Tá na bearta dá bhforáiltear sa Rialachán seo i gcomhréir leis an tuairim ón gcoiste a bunaíodh le hAirteagal 35(1) de Rialachán (AE) 2024/3015.

(1)

faisnéis lena sainaithnítear an táirge nó na táirgí faoi réir a mheasúnaithe nó a measúnaithe;

(2)

faisnéis maidir leis an oibreoir eacnamaíoch nó na hoibreoirí eacnamaíocha atá faoi réir a mheasúnaithe, lena n-áirítear ainm agus seoladh bunaíochta an oibreora nó na n-oibreoirí;

(3)

na cúiseanna atá mar bhonn le measúnú an údaráis inniúil, lena n-áirítear, i gcás inarb ábhartha, easpa cúraim chuí-réasúnaithe nó díothú cúraim chuí-réasúnaithe dá dtagraítear in Airteagal 17(5) den Rialachán sin.

(1)

stádas an imscrúdaithe (‘imscrúdú arna thionscnamh’);

(2)

faisnéis lena sainaithnítear an táirge nó na táirgí atá faoi réir an imscrúdaithe;

(3)

faisnéis maidir leis an oibreoir eacnamaíoch nó na hoibreoirí eacnamaíocha atá faoi réir an mheasúnaithe, lena n-áirítear ainm agus seoladh bunaíochta an oibreora nó na n-oibreoirí;

(4)

dáta tionscnaimh an imscrúdaithe;

(5)

achoimre ar na cúiseanna atá le tionscnamh an imscrúdaithe;

(6)

cóip den fhaisnéis a dtabharfar fógra fúithi don oibreoir eacnamaíoch nó do na hoibreoirí eacnamaíocha.

(1)

tagairt don imscrúdú a dúnadh;

(2)

stádas an imscrúdaithe (‘imscrúdú arna dhúnadh’);

(3)

cóip den fhaisnéis a dtabharfar fógra fúithi don oibreoir eacnamaíoch nó do na hoibreoirí eacnamaíocha;

(4)

achoimre ar na cúiseanna chun an t-imscrúdú a dhúnadh (lena n-áirítear, de réir mar a bheidh, an easpa fianaise leordhóthanaí nó díothú cúraimí cuí-réasúnaithe) agus, i gcás inarb ábhartha, faisnéis maidir le haon iniúchtaí allamuigh arna ndéanamh i gcomhréir le hAirteagal 19 de Rialachán (AE) 2024/3015;

(5)

dáta dúnta an imscrúdaithe.

(1)

dúnadh réamh-imscrúdaithe a bheith á chur in iúl, dá dtagraítear in Airteagal 17(5) agus (6) de Rialachán (AE) 2024/3015;

(2)

dúnadh réamh-imscrúdaithe a bheith á chur in iúl, dá dtagraítear in Airteagal 20(3) de Rialachán (AE) 2024/3015;

(3)

cinneadh maidir le sárú dá dtagraítear in Airteagal 20(7) de Rialachán (AE) 2024/3015 a bheith á chur in iúl;

(4)

tarraingt siar cinnidh nó athruithe ar chinneadh lena mbunaítear sárú ar Airteagal 3 de Rialachán (AE) 2024/3015 de bhun Airteagail 20, 21 agus 23 den Rialachán sin a bheith á chur in iúl.

(5)

Déanfar na sonraí pearsanta atá sna teachtaireachtaí sa mhodúl saothair éigeantais ICSMS a scriosadh go huathoibríoch ar an lá deireanach den tréimhse choinneála dá dtagraítear i bpointí (a), (b), (c) agus (d).