1.   

Raon Feidhme

1.1.   

Cuimsítear san Fhoscríbhinn seo na coinníollacha maidir le rochtain a mbeidh cead ag an monaróir a leagan amach agus na nósanna imeachta a chuirfidh an monaróir feithiclí i bhfeidhm nó a mbeidh cead aige ceanglas a chur ar pháirtithe eile iad a chur i bhfeidhm, agus na bearta slándála maidir le rochtain ar fhaisnéis dhiagnóiseach ar bord dá dtagraítear i bpointe 2.9.(a) agus (b) den Iarscríbhinn seo á gcur i bhfeidhm.

1.2.   

Aon tagairt a dhéantar san Fhoscríbhinn seo d’oibreoirí neamhspleácha nó do chomhpháirtithe, do dhéileáilithe agus do dheisitheoirí údaraithe, nó do mhonaróir feithiclí atá ag feidhmiú chun críoch deisiúcháin agus cothabhála chomh maith, cuimseoidh sí aon duine nó oibreoir atá ag gníomhú ar a son, amhail soláthraí seirbhíse a dhéanann, mar sheirbhís a sholáthraítear don oibreoir neamhspleách, páirteanna nó trealamh a chlárú, a fheistiú nó a ghníomhachtú ar fheithicil go cianda (soláthróirí seirbhíse cianda).

2.   

Oibleagáidí ar an monaróir

2.1.   

Beidh an monaróir feithiclí freagrach as a áirithiú go bhfuil na réamhriachtanais theicniúla uile i bhfeidhm i ndáil le cur i bhfeidhm na nósanna imeachta dá dtagraítear san Fhoscríbhinn seo, lena n-áirítear dintiúir rochtana amhail deimhnithe nó comharthaí bogearra agus na socruithe is gá le monaróirí uirlise diagnóisí.

2.2.   

Léireoidh an monaróir feithiclí don údarás ceadaithe gur dearadh an fheithicil chun go mbeifear in ann rochtain a fháil ar fhaisnéis dhiagnóiseach ar bord, i gcomhréir leis na ceanglais san Fhoscríbhinn seo, agus úsáid á baint as uirlisí diagnóiseacha ilbhranda.

2.3.   

Soláthróidh an monaróir feithiclí an fhaisnéis dá dtagraítear i bpointe 11 den Fhoscríbhinn seo do na monaróirí uirlisí diagnóiseacha.

2.4.   

Áiritheoidh an monaróir feithiclí go mbeidh fáil, gan cur isteach, ar aon fhreastalaí a úsáidtear chun rochtain a chumasú faoi phointe 2.9 den Iarscríbhinn seo, ach amháin in imthosca eisceachtúla nárbh fhéidir a thuar ná nach raibh aon neart ag an monaróir feithiclí orthu ná nach bhfuil inchurtha i leith faillí a rinne sé, nó de réir mar is gá chun an córas faisnéise a chothabháil. I gcás cothabhála, ní bheidh an tréimhse do-úsáidteachta níos faide ná tréimhse cothabhála aon fhreastalaí eile a úsáideann an monaróir chun rochtain a chumasú chun na gcríoch dá dtagraítear i bpointe 2.9 den Iarscríbhinn seo. Cuirfear an fhaisnéis faoin gcothabháil bheartaithe ar fáil do mhonaróirí na n-uirlisí diagnóiseacha luath go leor roimh ré.

Cuirfidh an monaróir feithiclí faisnéis staidrimh faoi infhaighteacht freastalaí ar fáil ar bhonn bliantúil don údarás ceadaithe arna iarraidh sin dó. Tuairisceoidh an monaróir feithiclí cásanna nach bhfuil fáil ar an bhfreastalaí go pras chuig an bhFóram maidir le diagnóisic ar bord a shainítear i bpointe 12.

2.5.   

Ní chuirfidh an monaróir feithiclí srian ar rochtain ar fhaisnéis dhiagnóiseach ar bord thar na srianta a leagtar síos san Fhoscríbhinn seo ach amháin má fhoráiltear a mhalairt go sonrach sa Rialachán seo. Thairis sin, ní chuirfidh an monaróir feithiclí srian ar an rochtain a bhíonn ag oibreoirí neamhspleácha ar fhaisnéis dhiagnóiseach ar bord thar na srianta is infheidhme maidir lena chomhpháirtithe, lena dhéileáilithe agus lena dheisitheoirí údaraithe nó don mhonaróir feithiclí a fhaigheann rochtain ar an bhfaisnéis dhiagnóiseach ar bord chun críoch deisiúcháin agus cothabhála.

2.6.   

Áiritheoidh an monaróir feithiclí nach mbeidh de thoradh ar na bearta cibearshlándála a chuireann sé chun feidhme, lena n-áirítear na ceanglais oiriúnachta dá dtagraítear i bpointe 6.2, go gcuirfear srian nó bac ar rochtain ar fhaisnéis dhiagnóiseach ar bord faoin bhFoscríbhinn seo thar a bhfuil riachtanach agus comhréireach chun Airteagal 4.5(d) de Rialachán (AE) 2019/2144 agus Iarscríbhinn II, líne D4, a ghabhann leis a chomhlíonadh. Féadfaidh na bearta sin aghaidh a thabhairt ar rioscaí agus ar bhagairtí a d’fhéadfadh a bheith ann amach anseo i gcás inar féidir leis an monaróir feithiclí a dtionchar agus a ndóchúlacht a léiriú.

2.7.   

Aon bheart a chuireann an monaróir feithiclí chun feidhme chun crioscaíl astaíochtaí agus calaois odaiméadair a chosc, ní chuirfidh sé srian ná bac ar rochtain ar fhaisnéis dhiagnóiseach ar bord thar a bhfuil riachtanach agus comhréireach chun Airteagal 4(7) agus 4(8) de Rialachán (AE) 2024/1257 ó Pharlaimint na hEorpa agus ón gComhairle (*4) a chomhlíonadh.

3.   

Fíordheimhniú

3.1.   

3.2.   

I gcás ina mbaineann athruithe ar an bhfeithicil le rochtain ar an bhfaisnéis dhiagnóiseach ar bord, féadfaidh an monaróir feithiclí ceanglas a leagan síos, mar choinníoll maidir leis na dintiúir rochtana a eisiúint, go bhfíordheimhneofar an t-oibreoir. I gcás gairis a úsáidtear chun faireachán a dhéanamh, i gcás nach ndéantar ach na sonraí a léamh agus a thuairisciú go huathrialaitheach do fhreastalaí an mhonaróra uirlise diagnóisí gan aon idirghníomhú daonna, ní éileoidh an monaróir feithiclí fíordheimhniú an oibreora.

3.3.   

I gcás ina mbaineann athrú ar bhogearra feithicle nó ar a chumraíocht/ar a pharaiméadair arb éard atá ann athchlárú ar chód bogearra na feithicle agus arb é is toradh air athrú ar iompar beartaithe na feithicle agus a mhaireann níos faide ná an oibríocht deisiúcháin agus cothabhála, ionas nach féidir é a aisiompú ná a fhorscríobh ach trí oibríocht choibhéiseach a dhéanamh, i gcás ina mbaineann athrú den sórt sin le rochtain a fháil ar fhaisnéis dhiagnóiseach ar bord, féadfaidh an monaróir feithiclí ceanglas a dhéanamh de go bhfíordheimhneofar fostaí an oibreora atá ag iarraidh rochtana ar fhaisnéis dhiagnóiseach ar bord, ach amháin má dhearbhaíonn an monaróir uirlise diagnóisí don mhonaróir feithiclí, bunaithe ar thoradh iniúchta neamhspleách a rinneadh tráth nach luaithe ná 3 bliana roimh an iarraidh, go bhfuil córas i bhfeidhm ag an oibreoir chun an fostaí a bhfuil an rochtain sin á hiarraidh aige a shainaithint go soiléir.

3.4.   

Cuimseofar leis na cásanna rochtana dá dtagraítear i bpointe 3.2 oibríochtaí deisiúcháin agus cothabhála amhail gníomhachtú gníomhróirí agus gnáthaimh tástála feidhme, cóid diagnóise fabht a ghlanadh, solais seirbhíse a athshocrú, paraiméadair d’fhoghlaim oiriúnaitheach a athshocrú agus páirteanna a athchur, lena n-áirítear sonraí léimh agus comhpháirte neamhchliste a thúsú de réir sainaitheantóra, ach amháin i gcás ina n-úsáidtear iad chun iniúchadh teicniúil tréimhsiúil a dhéanamh lena mbaineann luachanna atá inchomparáide leis na luachanna a shonraítear in ISO20730-3, Iarscríbhinn B, ar choinníoll go bhfuil na luachanna sin ar fáil san fheithicil.

3.5.   

Áireofar leis na cásanna rochtana dá dtagraítear i bpointe 3.2 calabrú, arb éard atá ann próiseas chun paraiméadair bogearraí nó crua-earraí feithicle a choigeartú nó a ailíniú mar a leagann an monaróir feithiclí síos agus gan códú malairtí ná modhnú na mbogearraí feithicle.

3.6.   

3.7.   

I gcásanna dá dtagraítear i bpointe 3.6, pointí (b) agus (c), fíoróidh monaróir na huirlise diagnóisí a úsáidtear chun rochtain a fháil ar fhaisnéis dhiagnóiseach ar bord céannacht an oibreora agus, i gcás inarb ábhartha, céannacht fhostaí an oibreora agus a chomhlíontacht leis na ceanglais údaraithe dá dtagraítear i bpointí 8.1 agus 8.2 nó suífear í bunaithe ar an deimhniú údaraithe dá dtagraítear i bpointe 9.2.

3.8.   

Ní éileoidh an monaróir feithiclí aon táille chun rochtain a chumasú faoi phointe 2.9 d’Iarscríbhinn X. Féadfaidh an monaróir feithiclí táillí comhréireacha a bhfuil údar leo a ghearradh i gcás na saoráide cianda dá dtagraítear i bpointe 2.9, pointe (c), áfach.

4.   

Ceanglais maidir le nascadh

4.1.   

Cé is moite de na cásanna rochtana dá dtagraítear i bpointe 3.1, pointí (a) go (c), féadfaidh an monaróir feithiclí ceanglas a dhéanamh de go ndéanfar nascadh aonuaire ar líne ón uirlis dhiagnóiseach trí fhreastalaí an mhonaróra uirlise diagnóisí le freastalaí an mhonaróra feithiclí chun dintiúir a fháil. Tar éis na dintiúir rochtana a sholáthar, ní bheidh nascadh ar líne de dhíth chun rochtain a fháil.

4.2.   

I gcás ina mbaineann athrú ar bhogearra feithicle nó ar a chumraíocht/ar a pharaiméadair arb é is toradh air athrú ar iompar beartaithe na feithicle agus a mhaireann níos faide ná an oibríocht deisiúcháin agus cothabhála, ionas nach féidir é a aisiompú ná a fhorscríobh ach trí oibríocht choibhéiseach a dhéanamh, i gcás ina mbaineann athrú den sórt sin le rochtain a fháil ar fhaisnéis dhiagnóiseach ar bord, féadfaidh an monaróir feithiclí ceanglas a dhéanamh de go mbeidh nasc leanúnach ar líne ann le freastalaí an mhonaróra uirlise diagnóisí tráth a dhéantar an deisiúchán leis an uirlis dhiagnóiseach chomh maith le nasc idir an monaróir uirlise diagnóisí agus freastalaí an mhonaróra feithiclí.

4.3.   

4.4.   

Ní áireofar leis na cásanna rochtana dá dtagraítear i bpointe 4.2 oibríochtaí deisiúcháin agus cothabhála a áirítear i bpointí 3.4 agus 3.5.

4.5.   

De mhaolú ar phointe 4.4, áfach, áirítear leis na cásanna rochtana dá dtagraítear i bpointe 4.2 oibríochtaí deisiúcháin agus cothabhála dá dtagraítear i bpointe 3.5 i gcás inar gá luachanna calabraithe a fhíorú atá faoi réir ceanglais rialála nó i gcás nach féidir an calabrú a thabhairt i gcrích d’uireasa sonraí sonracha i dtaobh comhpháirt aonair nó aonad teicniúil faoi leith is gá chun an próiseas deisiúcháin a thabhairt i gcrích agus a fhaightear ó fhreastalaí an mhonaróra mar chuid den phróiseas códaithe malairtí.

5.   

Ceanglais maidir le hinrianaitheacht

5.1.   

Cé is moite de na cásanna rochtana dá dtagraítear i bpointe 3.1, pointí (a) go (c), féadfaidh an monaróir feithiclí ceanglas a dhéanamh de go mbaileoidh agus go stórálfaidh an monaróir uirlise diagnóisí uimhir aitheantais feithicle na feithicle agus sainaitheantóir uathúil na huirlise diagnóisí.

5.2.   

I gcás ina mbaineann athruithe ar an bhfeithicil leis an rochtain ar fhaisnéis dhiagnóiseach ar bord, féadfaidh an monaróir feithiclí ceanglas a dhéanamh de go mbaileoidh agus go stórálfaidh an monaróir uirlise diagnóisí faisnéis faoi na jabanna uile diagnóisice a rinneadh (e.g. aitheantas seirbhíse agus fofheidhm) agus na paraiméadair/aitreabúidí a úsáideadh agus stampaí dáta agus ama AUL le haghaidh gach idirghníomhaíochta leis an bhfeithicil.

5.3.   

Áireofar leis na cásanna rochtana dá dtagraítear i bpointe 5.2 na hoibríochtaí deisiúcháin agus cothabhála sin dá dtagraítear i bpointí 3.4, 3.5, 4.3 agus 4.5.

5.4.   

I gcás ina mbaineann athrú ar bhogearra feithicle nó ar a chumraíocht/ar a pharaiméadair arb éard atá ann athchlárú ar chód bogearra na feithicle agus arb é is toradh air athrú ar iompar beartaithe na feithicle agus a mhaireann níos faide ná an oibríocht deisiúcháin agus cothabhála, ionas nach féidir é a aisiompú ná a fhorscríobh ach trí oibríocht choibhéiseach a dhéanamh, i gcás ina mbaineann athrú den sórt sin le rochtain a fháil ar fhaisnéis dhiagnóiseach ar bord, féadfaidh an monaróir feithiclí ceanglas a dhéanamh de go mbaileoidh agus go soláthróidh an monaróir uirlise diagnóisí torthaí an iniúchta ar thoipeolaíocht líonra na feithicle, staid tosaigh na feithicle nuair a nasctar léi, lena n-áirítear leaganacha bogearraí/crua-earraí na n-aonad rialaithe leictreonach uile atá feistithe san fheithicil, torthaí na n-idirghníomhaíochtaí modúil agus na ngnáthamh uile a ritheadh (e.g. paraiméadair aischurtha) agus torthaí na miontuairisce seiceála deiridh ar dhea-chaoi feithicle tar éis deisiúcháin.

5.5.   

Áireofar sna cásanna rochtana dá dtagraítear i bpointe 5.4 oibríochtaí deisiúcháin agus cothabhála amhail bunpháirt athsholáthair a phéireáil le feithicil (lena n-áirítear páirt athmhonaraithe nó ath-úsáidte atá comhoiriúnacha le bogearraí agus crua-earraí (mar a shainíonn an monaróir feithiclí)), nó páirt athsholáthair atá údaraithe ag an monaróir feithiclí a phéireáil le feithicil trí uirlis dhiagnóiseach neamhspleách a úsáid agus athchlárú modúil trí úsáid a bhaint as bogearraí feithicle buntrealaimh agus bogearraí cláraithe buntrealaimh i gcomhréir le treoracha an mhonaróra feithiclí. Áireofar ann freisin cásanna díchúplála nó dícháraithe comhpháirte ó fheithicil.

5.6.   

Ní áireofar leis na cásanna rochtana dá dtagraítear i bpointe 5.4 oibríochtaí deisiúcháin agus cothabhála a áirítear i bpointí 3.4, 3.5, 4.3 agus 4.5.

6.   

Ceanglais maidir leis an gcibearshlándáil is infheidhme maidir le huirlis dhiagnóiseach

6.1.   

Cé is moite de chásanna rochtana dá dtagraítear i bpointe 3.1, pointí (a) go (c), féadfaidh an monaróir feithiclí ceanglas a dhéanamh de go mbeidh an uirlis dhiagnóiseach a úsáidtear chun rochtain a fháil ar fhaisnéis dhiagnóiseach ar bord i gcomhréir leis na ceanglais ábhartha i Rialachán (AE) 2024/2847 ó Pharlaimint na hEorpa agus on gComhairle (*7) agus go mbeidh an monaróir uirlise diagnóisí i gcomhréir leis an Sásra Malartaithe agus Measúnaithe Iontaofa um Shlándáil Faisnéise, chuig an leibhéal a shonraíonn an monaróir feithiclí i gcomhréir le pointe 2.5, nó ISO 27001.

6.2.   

I gcás ina mbaineann athruithe ar an bhfeithicil dá dtagraítear i bpointe 3.2 le rochtain a fháil ar fhaisnéis dhiagnóiseach ar bord, féadfaidh an monaróir feithiclí ceanglas a dhéanamh de go mbeidh an uirlis dhiagnóiseach a úsáidtear chun rochtain a fháil ar an bhfaisnéis dhiagnóiseach ar bord agus an monaróir uirlise diagnóisí i gcomhréir le ceanglais chur chun feidhme slándála an mhonaróra feithiclí.

6.3.   

Ceanglais chur chun feidhme slándála an mhonaróra feithiclí, ní rachaidh siad thar na ceanglais a fhorchuirtear ar uirlis dhiagnóiseach, soláthróirí uirlise agus eagraíocht dhílis an mhonaróra feithiclí, agus cuirfear i bhfeidhm iad ar bhonn neamh-idirdhealaitheach.

6.4.   

Féadfaidh an monaróir feithiclí a cheangal ar an monaróir uirlise diagnóisí tástálacha a dhéanamh chun a fhíorú go bhfuil an uirlis dhiagnóiseach i gcomhréir leis na ceanglais shonraithe. Áiritheofar trí bhíthin Comhaontú ar Leibhéal Seirbhíse go ndéanfaidh an monaróir feithiclí aon fhíorú ar thorthaí na dtástálacha sin go tráthúil. I gcás nach ndeimhnítear go bhfuil an monaróir uirlise diagnóisí i gcomhréir leis na ceanglais sa roinn seo, soláthróidh an monaróir feithiclí ráiteas soiléir ina bhfuil na cúiseanna nach bhfuiltear á gcomhlíonadh, in éineacht leis na bearta is gá atá le cur chun feidhme ag an monaróir uirlise diagnóisí.

6.5.   

Áireofar leis na cásanna rochtana dá dtagraítear i bpointe 6.2 na hoibríochtaí deisiúcháin agus cothabhála sin dá dtagraítear i bpointí 3.4 agus 3.5.

6.6.   

I gcás athrú ar bhogearra feithicle nó ar a chumraíocht/ar a pharaiméadair arb é is toradh air athrú ar iompar beartaithe na feithicle agus a mhaireann níos faide ná an oibríocht deisiúcháin agus cothabhála, ionas nach féidir é a aisiompú ná a fhorscríobh ach trí oibríocht choibhéiseach a dhéanamh, i gcás ina mbaineann athrú den sórt sin le rochtain a fháil ar fhaisnéis dhiagnóiseach ar bord, féadfaidh an monaróir ceanglas a dhéanamh de go mbeidh an uirlis dhiagnóiseach a úsáidtear chun rochtain a fháil ar fhaisnéis dhiagnóiseach ar bord agus an monaróir uirlise diagnóisí i gcomhréir leis na ceanglais ábhartha maidir le cur chun feidhme Chóras Bainistithe Nuashonruithe Bogearraí an mhonaróra feithiclí (mar a shainítear i Rialachán Uimh. 156 ó na Náisiúin Aontaithe (*8). Ní rachaidh na ceanglais sin thar na ceanglais a fhorchuirtear ar uirlis dhiagnóiseach, soláthróirí uirlise agus eagraíocht dhílis an mhonaróra feithiclí, agus cuirfear i bhfeidhm iad ar bhonn neamh-idirdhealaitheach.

6.7.   

Áireofar leis na cásanna rochtana dá dtagraítear i bpointe 6.6 na hoibríochtaí deisiúcháin agus cothabhála sin dá dtagraítear i bpointí 4.3, 4.5 agus 5.5 agus ní áireofar iad siúd dá dtagraítear i bpointí 3.4 agus 3.5.

7.   

Dintiúir rochtana

7.1.   

I gcás ina gcomhlíontar na coinníollacha uile dá dtagraítear i Ranna 3, 4 agus 6, soláthróidh an monaróir feithiclí dintiúir rochtana don mhonaróir uirlise diagnóisí gan mhoill, ar dintiúir rochtana iad atá leordhóthanach chun rochtain a fháil ar an bhfaisnéis dhiagnóiseach ar bord is gá.

7.2.   

Féadfaidh dintiúir rochtana a bheith sonrach don uimhir aitheantais feithicle.

7.3.   

Beidh dintiúir rochtana bailí ar feadh 30 lá ar a laghad ón uair a sholáthraítear iad.

7.4.   

I gcás ina mbaineann athrú ar an bhfeithicil le rochtain a fháil ar fhaisnéis dhiagnóiseach ar bord, áfach, féadfaidh an monaróir feithiclí bailíocht na ndintiúr rochtana a theorannú do 24 uair an chloig.

7.5.   

Áireofar leis na cásanna rochtana dá dtagraítear i bpointe 7.4 na hoibríochtaí deisiúcháin agus cothabhála dá dtagraítear i bpointí 3.4, 3.5, 4.3, 4.5 agus 5.5.

8.   

Critéar údaraithe agus deimhnithe údaraithe

8.1.   

Ní fhorchuirfidh an monaróir feithiclí aon choinníoll eile maidir le dintiúir rochtana a eisiúint seachas iad sin a shonraítear i bpointí (a) agus (b).

8.2.   

Sna cásanna dá dtagraítear i bpointe 5.4, nuair a éilíonn an monaróir feithiclí fíordheimhniú fhostaí an oibreora agus mura ndearbhaíonn an monaróir uirlise diagnóisí don mhonaróir feithiclí, i gcomhréir leis na coinníollacha a leagtar amach i bpointe 3.3, go bhfuil córas i bhfeidhm ag an oibreoir lena gcumasaítear sainaithint chinnte an fhostaí a lorgaíonn rochtain den sórt sin, féadfaidh an monaróir feithiclí a dhiúltú na dintiúir rochtana a eisiúint i gcás nach ndearbhaíonn monaróir na huirlise diagnóisí a úsáidtear chun rochtain a fháil ar an bhfaisnéis dhiagnóiseach ar bord, sa bhreis ar na coinníollacha dá dtagraítear i bpointe 8.1., go bhfuil comhaontú fostaíochta ag an bhfostaí a bhfuil rochtain á lorg aige ar fhaisnéis dhiagnóiseach ar bord leis an oibreoir a bhfuil rochtain á lorg aige ar fhaisnéis dhiagnóiseach ar bord agus go bhfuil cárta aitheantais bailí tírshonrach nó doiciméad coibhéiseach ag an bhfostaí lena mbaineann.

8.3.   

Chun bheith incháilithe don nós imeachta fíordheimhniúcháin faoin bhFoscríbhinn seo, tabharfaidh an monaróir uirlise diagnóisí gealltanas faoi choinníollacha ginearálta na gconarthaí le hoibreoirí glacadh, ar iarraidh ón oibreoir neamhspleách, chun comhlíontacht a dhearbhú leis na ceanglais dá dtagraítear i bpointí 8.1 agus 8.2, le deimhniú dá dtagraítear i bpointe 9.2 den bhFoscríbhinn seo agus nár eisíodh tráth níos luaithe ná 60 mí roimh an iarraidh ar rochtain. I gcás nach n-iarrann oibreoir fíordheimhniú bunaithe ar an ndeimhniú sin, áfach, féadfaidh an monaróir uirlise diagnóisí, chun fíordheimhniú a dhéanamh, roghnú céannacht an oibreora nó céannacht fhostaí an oibreora agus comhlíontacht na gcritéar údaraithe a fhíorú trí bhíthin a phróiseas dílis.

9.   

Comhlacht um Measúnú Comhréireachta agus Ionad Iontaoibhe

9.1.   

Maidir leis na deimhnithe dá dtagraítear i bpointí 3.7 agus 8.3, eiseoidh Ionad Iontaoibhe dá dtagraítear i bpointe 2.1.6 d’Fhoscríbhinn 3 iad bunaithe ar thorthaí an Chomhlachta um Measúnú Comhréireachta dá dtagraítear i bpointe 4.2.2 d’Fhoscríbhinn 3 maidir leis na tosca dá dtagraítear i bpointe 9.2.

9.2.   

9.3.   

10.   

Rochtain an mhonaróra feithiclí ar fhaisnéis faoin oibreoir

10.1.   

Sna cásanna dá dtagraítear i bpointí (b) agus (c), áireofar san fhaisnéis sin, i gcás inarb infheidhme, an fhaisnéis faoin oibreoir agus/nó faoina fhostaithe. I gcás ina raibh an monaróir uirlise diagnóisí ag brath ar fhíordheimhniú deimhnithe a sholáthair an tIonad Iontaoibhe, soláthróidh an Comhlacht um Measúnú Comhréireachta ábhartha an fhaisnéis is gá bunaithe ar a mheasúnú ar iarraidh dhoiciméadaithe ón monaróir feithiclí.

Áiritheoidh an monaróir feithiclí nach n-úsáidfear an fhaisnéis faoi oibríocht aonair deisiúcháin nó chothabhála a bhfuarthas rochtain uirthi chun na gcríoch dá dtagraítear i bpointí (a) go (c) chun aon chríche eile.

10.2.   

Sna cásanna dá dtagraítear i bpointe 10.1, cuirfidh an monaróir uirlise diagnóisí an t-oibreoir neamhspleách agus, i gcás inarb ábhartha, fostaí an oibreora neamhspleách ar an eolas gan mhoill faoin rochtain ar an bhfaisnéis faoi oibríocht aonair deisiúcháin nó chothabhála nó ar an bhfaisnéis a bhaineann leis an oibreoir agus/nó a fhostaithe.

10.3.   

Sna cásanna dá dtagraítear i bpointe 10.1, pointí (a) agus (c), agus i gcás inar gá agus inar comhréireacha chun mí-úsáid bhreise a chosc nó aghaidh a thabhairt ar riosca cibearshlándála, féadfaidh an monaróir feithiclí rochtain na huirlisí diagnóisí lena mbaineann a chur ar fionraí nó a shrianadh nó iarraidh ar an monaróir uirlise diagnóisí lena mbaineann bearta a dhéanamh láithreach chun srian a chur ar rochtain an oibreora, na huirlise diagnóisí nó an fhostaí lena mbaineann ar fhaisnéis dhiagnóiseach ar bord a bhaineann le feithiclí an mhonaróra sin.

10.4.   

I gcásanna eisceachtúla, mar fhreagairt ar theagmhas mór cibearshlándála atá ag tarlú nó atá ar tí tarlú, féadfaidh monaróir feithiclí rochtain ar fhaisnéis dhiagnóiseach ar bord a chur ar fionraí, ar an leibhéal is mionsonraithe is féidir, i gcás inar gá agus inar comhréireach chun freagairt don teagmhas lena mbaineann.

10.5.   

Déanfaidh an tÚdarás Ceadaithe, laistigh de 10 lá ó lá an fhógra, athbhreithniú ar na forais leis an bhfionraí agus, i gcás inar soiléir nach bhfuil údar cuí leis an bhfionraí nó go bhfuil an fionraí díréireach, iarrfaidh sé ar an monaróir feithiclí nó ar an monaróir uirlise diagnóisí lena mbaineann an rochtain a chur ar fáil arís.

Féadfaidh an tÚdarás Ceadaithe iarraidh, tráth ar bith, ar an monaróir feithiclí agus ar an monaróir uirlise diagnóisí lena mbaineann an rochtain a chur ar fáil arís i gcás ina measann sé gur tháinig deireadh leis na forais leis an bhfionraí.

11.   

Faisnéis atá le soláthar do mhonaróirí uirlise diagnóisí

11.1.   

11.2.   

11.3.   

11.4.   

11.5.   

Soláthrófar an fhaisnéis dá dtagraítear i bpointí 11.1 go 11.3 in éineacht leis an iarratas ar chineálcheadú.

12.   

Fóram maidir le diagnóisic ar bord

12.1.   

12.2.   

12.3.   

Déanfaidh monaróirí feithicle agus oibreoirí neamhspleácha a bhíonn ag plé le cur chun feidhme agus úsáid na nósanna imeachta agus na bpróiseas a dtugtar tuairisc orthu i mír 12.1 ionadaíocht do chomhaltaí an Fhóraim maidir le diagnóisic ar bord.

12.4.   

Oibreoidh an Fóram maidir le diagnóisic ar bord faoin struchtúr comónta dlíthiúil agus eagraíochtúil mar an ‘Fóram maidir le Rochtain ar Fhaisnéis faoi Dheisiú agus faoi Chothabháil feithicle a bhaineann leis an tSlándáil dá dtagraítear i mír 2.1.12 d’Fhoscríbhinn 3.